लूका 11
11
प्रार्थना कर सिखैलक
मत्ती ६:९-१३; ७:७-११
1एक दिन येशू एकठो ठाउँम प्रार्थना करटलह। प्रार्थना कैक सेक्ल त, उहाँक एकठो चेला उहाँह कलन, “प्रभु, यूहन्ना आपन चेलन सिखाइअस, हमन फे परमेश्वरसे प्रार्थना कर सिखाई।”
2येशू हुँकन कल, “टुह्र परमेश्वरसे असिक प्रार्थना करो:
‘हे परमेश्वर बाबा,
अप्नक नाउँ पवित्र ह्वाए,
अप्नक राज्य आए,
3हमन हरेक दिनिक खाना दिई।
4हमार पाप क्षमा करी,
काकरकि हम्र फे हमार विरोधम पाप करुइयन क्षमा कर्ठी।
हमन परीक्षम जिन लैजाई।’”
5तब येशू आपन चेलन कल, “मानिले टुह्रमध्येम एक जन आधा रात आपन संघरेकठे जाक कबो, ‘संघारी, महीह तीनठो रोटी सापट देओ। 6काकरकि म्वार घरम बरादुरिक एकठो पौह्ना आरल, हुँकहीन देहक लाग म्वारठे कुछु नैहो।’
7“ऊ आपन बिस्तारमसे असिक जवाफ देहल, ‘महीह दुःख जिन देओ, मै ड्वारटाँटी लगाडर्नु, ओ लर्कन लेक सुतरनु। आब मै टुँहीन कुछु देह नैसेकम।’ 8ऊ, सङ्घारी होक फे हुँकहीन कुछु देह नैचहलसे फे, यदि मङ्टीकमङ्टी रहीँ कलसे, ऊ उठहीँ ओ हुँकहीन चाहल चिज देहहीँ।
9“उहओर्से मै का बात कहटुँ कलसे, मङ्टीरहो त पैबो, खोज्टीरहो त भेटैबो, ढकढकैटीरहो त टुन्हक लाग ड्वार उभकजाई। 10काकरकि मङ्गुइयन पैठ, खोजुइयन भेटैठ, ओ ढकढकुइयन्हक लाग ड्वार उभकजैठा।
11“टुह्रमध्येम कौन बाबा हुई, ज्याकर छावा मच्छी मङ्लसे सँप्वा दी, 12या आँरा मङ्लसे बिच्छी दी? 13टुह्र दुष्ट होक फे आपन छाई-छावन असल चिज देह जन्ठो कलसे, स्वर्गम रना टुन्हक बाबा झन् उहाँसे मङ्गुइयन कत्रा धेर पवित्र आत्मा देह्हीँ।”
येशू ओ बालजिबुल
मत्ती १२:२२-३०; मर्कूस ३:२०-२७
14एक दिन येशू भूत्वा लाग्क लाट हुइल् एकठो मनैयह भेँटैल। उहाँ उ मनैयकमसे भूत्वह निक्रैल त, ऊ चोखागैल् ओ ब्वाल लागल। यी देख्क भीडक सबजन छक्क पर्ल। 15तर कुई-कुई असिक कल, “येशू भूतन्हक रज्वा बालजिबुलक#११:१५ बालजिबुल: बालजिबुल कलक शैतानक और नाउँ हो। शक्तिले मनैन्हकमसे भूतन निक्रैठ।”#मत्ती ९:३४; १०:२५ 16और जनजुन उहाँक जाँच कर्ना विचारले स्वर्गक एकठो चिन्ह देखामँङ्ल।#मत्ती १२:३८; १६:१; मर्क ८:११
17येशू हुँकन्हक विचार बुझ्क कल, “आपसम फूट रहल राज्य नाश हुइठा, ओ आपसम फूट रहल घर टिक नैस्याकट्। 18ओसहेँक यदि शैतान भूतन्हक विरोध करी कलसे, वाकर राज्य कसिक टिकहिँस? तर फे टुह्र महीह बालजिबुलक शक्तिले मनैन्हकमसे भूतन निक्रैलक दोष लगैठो। 19यदि मै बालजिबुलक शक्तिले मनैन्हकमसे भूतन निक्रैठुँ कलसे, टुन्हक चेलावँ क्याकर शक्तिले भूतन निक्रैठ? टुन्हक्के चेलावँ टुन्हक बात गलत साबित कर्ठ। 20तर मै परमेश्वरक शक्तिले मनैन्हकमसे भूतन निक्रैठुँ कलसे, परमेश्वरक राज्य टुन्हकठे आरहल।#११:२० परमेश्वरक राज्य टुन्हकठे आरहल: याकर मतलब उहाँ अपन्हे आब परमेश्वरक प्रेरितक रूपम बाट ओ उहाँक शासन हुँकन्हक बीचम परमेश्वरक राज्यक काम करटन कहल हो।
21“बलगर मनैया हातहतियार लेक आपन घरक रक्षा कर्ठ कलसे धनसम्पत्ति सुरक्षित रठन। 22तर यदि ओहीसे बलगर मनैया अइल कलसे, ओहीह जित्क वाकर भरोसा करल हातहतियार लैजैठ ओ आपन सङ्घरेनसे बँट्ठ।#११:२२ यिहाँ येशूक कहख्वाजल बात का हो कलसे यदि “मै मनैन्हक्मसे भूतन निक्रैठुँ कलसे, याकर मतलब मै शैतानसे धेर बलगर बाटुँ,” अथवा उहाँक अधिकार भूतन्हकसे धेर बाटन।
23“जे म्वार पक्षम नैहो, ऊ म्वार विरोधी हो, ओ जे म्वारसँग जम्मा नैकरट्, ऊ तितरबितर पर्ठा।”#मर्क ९:४०
भूत घुम्घुम्क लग्ठ
मत्ती १२:४३-४५
24येशू कल, “यदि भूत्वा मनैयह छ्वारल कलसे, उ भूत्वा उजार ठाउँम आराम कर्ना ठाउँ खोज्टी नेङ्ठा। ओसिन ठाउँ कहोँ नैभेँटैलसे ‘जहाँसे अइनु, उहँ जाइपरल’ कैक घुम्ठा। 25घुम्क अइठा त, पैल्हक रहल ठाउँ बाहारल ओ सजिसजाउ पारल भेटैठा। 26तबदोस्र उ भूत्वा आपनसे धेर दुष्ट-दुष्ट सातठो भूत लेक अइठा। हुँक्र उ मनैयह लग्ठ। असिक उ मनैयक पाछक हालत पैल्हक हालतसे झन् खराब होजैठस।”
27येशू बोल्टीरलह त, मनैन्हक भीडमसे एकठो जन्नीमनैया कली, “अप्नह जन्म देहुइया ओ दूध खवैया डाई आशिष पाइल जन्नीमनैया हुइटी।”
28येशू कल, “हो, तर परमेश्वरक वचन सुन्क पालन करुइयन झन् आशिष पाइल मनै हुइट।”
योनक चिन्ह
मत्ती १२:३८-४२
29भीडम मनै थपजैटीरलह। येशू कल, “आजकाल्हिक मनै दुष्ट हुइट, काकरकि हुँक्र अचम्मक चिन्ह ह्यार खोज्ठ। तर अगमवक्ता योनक चिन्ह#११:२९ अगमवक्ता योनक चिन्ह: यिहाँ चिन्हक मतलब जब बरानक मच्छी योनह लिलडर्लन ओ ऊ तीन दिनसम मच्छीक प्याटिम रल कहल हो। बाहेक हिँकन और कुछु चिन्ह नैदेजाई।#मत्ती १६:४; मर्क ८:१२ 30योना निनवे सहरक मनैन्हक लाग चिन्ह रहलअस, मै मनैयक छावा आजकाल्हिक मनैन्हक लाग चिन्ह हुइटुँ।#योना ३:४ 31परमेश्वर सारा मनैन्हक न्याय कर्ना दिन आइ त, शेवा देशक महारानी ठह्र्याक आजकाल्हिक मनैन दोष लगैहीँ, काकरकि उहाँ बरा दूर रहल और देशसे राजा सोलोमनक ज्ञानगुणक बात सुन अइलही। तर हेरो, सोलोमनसे फे महान एक जन टुन्हकठे बाट।#१ राज १०:१-१०; २ इति ९:१-१२ 32ओसहेँक मनैन्हक न्याय कर्ना दिनम, निनवे सहरक मनै ठह्र्याक आजकाल्हिक मनैन दोष लगैहीँ, काकरकि योना परमेश्वरक वचन प्रचार कर्ल त, उ सहरक मनै आपन-आपन पापी मन परिवर्तन कैक परमेश्वरकठे घुम्लह। तर हेरो, योनसे फे महान एक जन अठे बाट।”#योना ३:५
मनक आँख
मत्ती ५:१५; ६:२२-२३
33“दिया बार्क कुई फे नुकाक नैढरट् या भाँरले नैछ्वापट्। बेनसे भित्तर अउइयन्हक लाग अजरार ह्वाए कैक सामदानम ढैजिठा।#मत्ती ५:१५; मर्क ४:२१; लूक ८:१६ 34टुँहार शरीरक दिया टुँहार आँख हो। यदि टुँहार आँख ठीक बा कलसे, टुँहार सारा शरीर अजरार रही। तर यदि टुँहार आँख खराब बा कलसे, टुँहार शरीर फे अन्धार रही। 35उहओर्से होसियार रहो, टुन्हकम रहल अजरार अन्धार जिन ह्वाए। 36यदि टुन्हक जीवनक कौनो भाग फे अन्धार नैहोक पूरा अजरार बा कलसे, दियक अजरार टुन्हकम चम्कलअस, टुन्हक सारा जीवन चम्कनेबा।”
फरिसीहुँकन धिक्कार
मत्ती २३:१-३६; मर्कूस १२:३८-४०
37येशू बोल्क सेक्ल त, एकठो फरिसी आपन घरम उहाँह खाए बलैलन। उहओर्से येशू हुँकहार घर जाक खाए बैठ्ल। 38उ फरिसी येशूह रीत अनुसार बिना हाँठ धुइल खाइट् देख्क छक्क पर्ल।
39तब प्रभु हुँकहीन कल, “टुह्र फरिसीहुँक्र भाँरावर्तन उप्रउप्र त मिस्ठो, तर टुन्हक भित्तरजुन ल्वाभ ओ दुष्टता भरल रठा। 40टुह्र मूर्ख मनै! टुन्हक शरीरक बाहिरी भाग बनुइया परमेश्वर जो टुन्हक भित्री भाग#११:४० भित्री भाग भित्री भाग कलक मन हो। बाइबलम मनह जब फे व्यक्तिक भित्तर रहल बात देखागैल् बा। फे बनैलह। हो कि नैहो? 41उहओर्से टुन्हक भित्री चिज दान देडारो, त टुन्हक बाहिरी ओ भित्री सब भाग शुद्ध हुइनेबा।
42“टुह्र फरिसीन धिक्कार बा! हुइना त, टुह्र आपन जडीबुटीक डान्चे उब्जनीमसे फे दश भागक एक भाग भेटीक रूपम परमेश्वरह देठो, तर औरजहन असल व्यवहार कर्ना ओ परमेश्वरह प्रेम कर्ना महत्वपूर्ण बातह भर बेवास्ता कर्ठो। यी सबसे महत्वपूर्ण काम करहीपरी, तर वाकर सँगसँग दश भागक एक भाग परमेश्वरह भेटी देना काम फे मजा हो।#लेवी २७:३०
43“टुह्र फरिसीन धिक्कार बा! टुह्र सभाघरम मुख्य-मुख्य आसनम बैठ ओ बजारम मनै टुँहन अभिवादन करल चहठो।
44“टुँहन धिक्कार बा! टुह्र त चिन्हीनैमिल्ना गर्याअस#११:४४ चिन्हीनैमिल्ना गर्याअस येशूक समयम, यहूदीहुँक्र गर्यम पत्थ्रक चिन्हा लगाइँट् ताकि मनै उ ठाउँम मुवल मनैया गारल बा कैक जानँट्। ओसिक कर्ना महत्वपूर्ण काम रह काजेकलसे मनै मुर्दा, मनैन्हक हारखोर, या गर्या छुलसे, हुँक्र संस्कारगत हिसाबले सात दिनसम अशुद्ध होजाइँट्। बाटो। मनै थाहाँ बिनपैल असिन देखिनैपर्ना गर्यम नेङ्ठ।”#११:४४ येशू यिहाँ कहट कि जसहेँक चिन्हा नैलगाइल गर्यह बाहरसे हेर्लसे, वाकर भित्तर रहल सरलागल चिजह जान नैसेक्जाइट्, ओसहेँक फरिसीन बाहरसे हेर्लसे हुँकन्हक मनम रहल खराब चिजह जान नैसेक्जाइट्। जसहेँक मनै चिन्हा नैलगाइल गर्यम टेक्टी नेङ्ग्ल कलसे, हुँक्र संस्कारगत हिसाबले छुटीह्या हुइँट्, ओसहेँक मनै फरिसीन्हक शिक्षा ओ जीवनशैली अनुसार चल्लसे हुँक्र नैतिक हिसाबले अशुद्ध होजाइँट्।
45एकठो व्यवस्थक गुरु येशूह कलन, “गुरुजी, यी बातले त, अप्न हमार समेत बेइज्जत करटी।”
46येशू कल, “टुह्र गुरुन धिक्कार बा! टुह्र उठाइ नैसेक्ना धर्मकर्मक भर्वा मनैन बोकैठो, तर अप्नभर, उ भर्वा उठाइक लाग एकठो अङ्ग्रीले फे नैछुटो।
47“टुँहन धिक्कार बा! काकरकि टुह्र अगमवक्तन्हक सम्झनम मजामजा गर्या#११:४७ मजामजा गर्या: मजामजा गर्या कलक हुँकन सम्मान करल अर्थम हुँकन्हक सम्झनम बनागैल स्मारक हो। बनैठो, 48हुँकन्हक हत्या करुइया टुन्हक्के पुर्खाओँ रलह। असिक टुन्हक कामले टुह्र आपन पुर्खन्हक करल काम स्वीकार कर्ठो कना बात स्पष्ट हुइठा, काकरकि हुँक्र अगमवक्तन मुवैल, टुह्रजुन हुँकन्हक गर्या बनैठो!#११:४८ येशू हुँकन्हक करल कामक (मजामजा गर्या बनैलक) कारण नाही तर हुँकन्हक नैकरल कामक (आज्ञापालन नैकर्लक) कारण हुँकन दोष लगाइटलह, काकरकि हुँक्र गर्या बनाक अगमवक्तन्हक सम्मान कर्लक बहाना बनाइँट्, तर परमेश्वरक वचन अनुसार जीवन नैजियँट्। 49असिक परमेश्वर आपन बुद्धिले कल, ‘मै हुँकन्हकठे अगमवक्तन ओ प्रेरित पठैबुँ, तर हुँक्र आकुरजहन मुवैहीँ ओ आकुरजहन सँतैहीँ।’ 50उहओर्से पृथ्वीक सृष्टिसे आम्हीसम अगमवक्तन्हक हत्यक दोष आजकाल्हिक मनैन्हक कपारिम परहीन्। 51असिक, हाबिलक हत्याठेसे लेक मन्दिर ओ बेदीक बीचम मुवागैल् जकरियासम्मक रगतक सब दोष आजकाल्हिक मनैन्हक कपारिम परहीन्।#उत ४:८; २ इति २४:२०-२१
52“टुह्र गुरुन धिक्कार बा! काकरकि ज्ञानक साँचा त टुह्र लैजारख्लो। टुह्र अपन्हे फे भित्तर नैगैलो ओ और जैना मनैन फे जाइ नैदेलो।”#११:५२ येशूक कहल बात असिन हुइसेकी: टुह्र परमेश्वरक वचनक ठीक अर्थ बङ्गाक अप्न फे परमेश्वरह नैचिह्न्टो, ओ उहाँह चिह्न चहना मनैन फे चिह्न नैदेटो।
53येशू ओठेसे गैल त, शास्त्रीहुँक्र ओ फरिसीहुँक्र कर्रसे विरोध कर्टी धेर प्रश्न पुछलग्ल। 54हुँक्र येशूह कुछु गल्ती बातम फँसैना दाउ ह्यारलग्ल।
Currently Selected:
लूका 11: thl
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
लूका 11
11
प्रार्थना कर सिखैलक
मत्ती ६:९-१३; ७:७-११
1एक दिन येशू एकठो ठाउँम प्रार्थना करटलह। प्रार्थना कैक सेक्ल त, उहाँक एकठो चेला उहाँह कलन, “प्रभु, यूहन्ना आपन चेलन सिखाइअस, हमन फे परमेश्वरसे प्रार्थना कर सिखाई।”
2येशू हुँकन कल, “टुह्र परमेश्वरसे असिक प्रार्थना करो:
‘हे परमेश्वर बाबा,
अप्नक नाउँ पवित्र ह्वाए,
अप्नक राज्य आए,
3हमन हरेक दिनिक खाना दिई।
4हमार पाप क्षमा करी,
काकरकि हम्र फे हमार विरोधम पाप करुइयन क्षमा कर्ठी।
हमन परीक्षम जिन लैजाई।’”
5तब येशू आपन चेलन कल, “मानिले टुह्रमध्येम एक जन आधा रात आपन संघरेकठे जाक कबो, ‘संघारी, महीह तीनठो रोटी सापट देओ। 6काकरकि म्वार घरम बरादुरिक एकठो पौह्ना आरल, हुँकहीन देहक लाग म्वारठे कुछु नैहो।’
7“ऊ आपन बिस्तारमसे असिक जवाफ देहल, ‘महीह दुःख जिन देओ, मै ड्वारटाँटी लगाडर्नु, ओ लर्कन लेक सुतरनु। आब मै टुँहीन कुछु देह नैसेकम।’ 8ऊ, सङ्घारी होक फे हुँकहीन कुछु देह नैचहलसे फे, यदि मङ्टीकमङ्टी रहीँ कलसे, ऊ उठहीँ ओ हुँकहीन चाहल चिज देहहीँ।
9“उहओर्से मै का बात कहटुँ कलसे, मङ्टीरहो त पैबो, खोज्टीरहो त भेटैबो, ढकढकैटीरहो त टुन्हक लाग ड्वार उभकजाई। 10काकरकि मङ्गुइयन पैठ, खोजुइयन भेटैठ, ओ ढकढकुइयन्हक लाग ड्वार उभकजैठा।
11“टुह्रमध्येम कौन बाबा हुई, ज्याकर छावा मच्छी मङ्लसे सँप्वा दी, 12या आँरा मङ्लसे बिच्छी दी? 13टुह्र दुष्ट होक फे आपन छाई-छावन असल चिज देह जन्ठो कलसे, स्वर्गम रना टुन्हक बाबा झन् उहाँसे मङ्गुइयन कत्रा धेर पवित्र आत्मा देह्हीँ।”
येशू ओ बालजिबुल
मत्ती १२:२२-३०; मर्कूस ३:२०-२७
14एक दिन येशू भूत्वा लाग्क लाट हुइल् एकठो मनैयह भेँटैल। उहाँ उ मनैयकमसे भूत्वह निक्रैल त, ऊ चोखागैल् ओ ब्वाल लागल। यी देख्क भीडक सबजन छक्क पर्ल। 15तर कुई-कुई असिक कल, “येशू भूतन्हक रज्वा बालजिबुलक#११:१५ बालजिबुल: बालजिबुल कलक शैतानक और नाउँ हो। शक्तिले मनैन्हकमसे भूतन निक्रैठ।”#मत्ती ९:३४; १०:२५ 16और जनजुन उहाँक जाँच कर्ना विचारले स्वर्गक एकठो चिन्ह देखामँङ्ल।#मत्ती १२:३८; १६:१; मर्क ८:११
17येशू हुँकन्हक विचार बुझ्क कल, “आपसम फूट रहल राज्य नाश हुइठा, ओ आपसम फूट रहल घर टिक नैस्याकट्। 18ओसहेँक यदि शैतान भूतन्हक विरोध करी कलसे, वाकर राज्य कसिक टिकहिँस? तर फे टुह्र महीह बालजिबुलक शक्तिले मनैन्हकमसे भूतन निक्रैलक दोष लगैठो। 19यदि मै बालजिबुलक शक्तिले मनैन्हकमसे भूतन निक्रैठुँ कलसे, टुन्हक चेलावँ क्याकर शक्तिले भूतन निक्रैठ? टुन्हक्के चेलावँ टुन्हक बात गलत साबित कर्ठ। 20तर मै परमेश्वरक शक्तिले मनैन्हकमसे भूतन निक्रैठुँ कलसे, परमेश्वरक राज्य टुन्हकठे आरहल।#११:२० परमेश्वरक राज्य टुन्हकठे आरहल: याकर मतलब उहाँ अपन्हे आब परमेश्वरक प्रेरितक रूपम बाट ओ उहाँक शासन हुँकन्हक बीचम परमेश्वरक राज्यक काम करटन कहल हो।
21“बलगर मनैया हातहतियार लेक आपन घरक रक्षा कर्ठ कलसे धनसम्पत्ति सुरक्षित रठन। 22तर यदि ओहीसे बलगर मनैया अइल कलसे, ओहीह जित्क वाकर भरोसा करल हातहतियार लैजैठ ओ आपन सङ्घरेनसे बँट्ठ।#११:२२ यिहाँ येशूक कहख्वाजल बात का हो कलसे यदि “मै मनैन्हक्मसे भूतन निक्रैठुँ कलसे, याकर मतलब मै शैतानसे धेर बलगर बाटुँ,” अथवा उहाँक अधिकार भूतन्हकसे धेर बाटन।
23“जे म्वार पक्षम नैहो, ऊ म्वार विरोधी हो, ओ जे म्वारसँग जम्मा नैकरट्, ऊ तितरबितर पर्ठा।”#मर्क ९:४०
भूत घुम्घुम्क लग्ठ
मत्ती १२:४३-४५
24येशू कल, “यदि भूत्वा मनैयह छ्वारल कलसे, उ भूत्वा उजार ठाउँम आराम कर्ना ठाउँ खोज्टी नेङ्ठा। ओसिन ठाउँ कहोँ नैभेँटैलसे ‘जहाँसे अइनु, उहँ जाइपरल’ कैक घुम्ठा। 25घुम्क अइठा त, पैल्हक रहल ठाउँ बाहारल ओ सजिसजाउ पारल भेटैठा। 26तबदोस्र उ भूत्वा आपनसे धेर दुष्ट-दुष्ट सातठो भूत लेक अइठा। हुँक्र उ मनैयह लग्ठ। असिक उ मनैयक पाछक हालत पैल्हक हालतसे झन् खराब होजैठस।”
27येशू बोल्टीरलह त, मनैन्हक भीडमसे एकठो जन्नीमनैया कली, “अप्नह जन्म देहुइया ओ दूध खवैया डाई आशिष पाइल जन्नीमनैया हुइटी।”
28येशू कल, “हो, तर परमेश्वरक वचन सुन्क पालन करुइयन झन् आशिष पाइल मनै हुइट।”
योनक चिन्ह
मत्ती १२:३८-४२
29भीडम मनै थपजैटीरलह। येशू कल, “आजकाल्हिक मनै दुष्ट हुइट, काकरकि हुँक्र अचम्मक चिन्ह ह्यार खोज्ठ। तर अगमवक्ता योनक चिन्ह#११:२९ अगमवक्ता योनक चिन्ह: यिहाँ चिन्हक मतलब जब बरानक मच्छी योनह लिलडर्लन ओ ऊ तीन दिनसम मच्छीक प्याटिम रल कहल हो। बाहेक हिँकन और कुछु चिन्ह नैदेजाई।#मत्ती १६:४; मर्क ८:१२ 30योना निनवे सहरक मनैन्हक लाग चिन्ह रहलअस, मै मनैयक छावा आजकाल्हिक मनैन्हक लाग चिन्ह हुइटुँ।#योना ३:४ 31परमेश्वर सारा मनैन्हक न्याय कर्ना दिन आइ त, शेवा देशक महारानी ठह्र्याक आजकाल्हिक मनैन दोष लगैहीँ, काकरकि उहाँ बरा दूर रहल और देशसे राजा सोलोमनक ज्ञानगुणक बात सुन अइलही। तर हेरो, सोलोमनसे फे महान एक जन टुन्हकठे बाट।#१ राज १०:१-१०; २ इति ९:१-१२ 32ओसहेँक मनैन्हक न्याय कर्ना दिनम, निनवे सहरक मनै ठह्र्याक आजकाल्हिक मनैन दोष लगैहीँ, काकरकि योना परमेश्वरक वचन प्रचार कर्ल त, उ सहरक मनै आपन-आपन पापी मन परिवर्तन कैक परमेश्वरकठे घुम्लह। तर हेरो, योनसे फे महान एक जन अठे बाट।”#योना ३:५
मनक आँख
मत्ती ५:१५; ६:२२-२३
33“दिया बार्क कुई फे नुकाक नैढरट् या भाँरले नैछ्वापट्। बेनसे भित्तर अउइयन्हक लाग अजरार ह्वाए कैक सामदानम ढैजिठा।#मत्ती ५:१५; मर्क ४:२१; लूक ८:१६ 34टुँहार शरीरक दिया टुँहार आँख हो। यदि टुँहार आँख ठीक बा कलसे, टुँहार सारा शरीर अजरार रही। तर यदि टुँहार आँख खराब बा कलसे, टुँहार शरीर फे अन्धार रही। 35उहओर्से होसियार रहो, टुन्हकम रहल अजरार अन्धार जिन ह्वाए। 36यदि टुन्हक जीवनक कौनो भाग फे अन्धार नैहोक पूरा अजरार बा कलसे, दियक अजरार टुन्हकम चम्कलअस, टुन्हक सारा जीवन चम्कनेबा।”
फरिसीहुँकन धिक्कार
मत्ती २३:१-३६; मर्कूस १२:३८-४०
37येशू बोल्क सेक्ल त, एकठो फरिसी आपन घरम उहाँह खाए बलैलन। उहओर्से येशू हुँकहार घर जाक खाए बैठ्ल। 38उ फरिसी येशूह रीत अनुसार बिना हाँठ धुइल खाइट् देख्क छक्क पर्ल।
39तब प्रभु हुँकहीन कल, “टुह्र फरिसीहुँक्र भाँरावर्तन उप्रउप्र त मिस्ठो, तर टुन्हक भित्तरजुन ल्वाभ ओ दुष्टता भरल रठा। 40टुह्र मूर्ख मनै! टुन्हक शरीरक बाहिरी भाग बनुइया परमेश्वर जो टुन्हक भित्री भाग#११:४० भित्री भाग भित्री भाग कलक मन हो। बाइबलम मनह जब फे व्यक्तिक भित्तर रहल बात देखागैल् बा। फे बनैलह। हो कि नैहो? 41उहओर्से टुन्हक भित्री चिज दान देडारो, त टुन्हक बाहिरी ओ भित्री सब भाग शुद्ध हुइनेबा।
42“टुह्र फरिसीन धिक्कार बा! हुइना त, टुह्र आपन जडीबुटीक डान्चे उब्जनीमसे फे दश भागक एक भाग भेटीक रूपम परमेश्वरह देठो, तर औरजहन असल व्यवहार कर्ना ओ परमेश्वरह प्रेम कर्ना महत्वपूर्ण बातह भर बेवास्ता कर्ठो। यी सबसे महत्वपूर्ण काम करहीपरी, तर वाकर सँगसँग दश भागक एक भाग परमेश्वरह भेटी देना काम फे मजा हो।#लेवी २७:३०
43“टुह्र फरिसीन धिक्कार बा! टुह्र सभाघरम मुख्य-मुख्य आसनम बैठ ओ बजारम मनै टुँहन अभिवादन करल चहठो।
44“टुँहन धिक्कार बा! टुह्र त चिन्हीनैमिल्ना गर्याअस#११:४४ चिन्हीनैमिल्ना गर्याअस येशूक समयम, यहूदीहुँक्र गर्यम पत्थ्रक चिन्हा लगाइँट् ताकि मनै उ ठाउँम मुवल मनैया गारल बा कैक जानँट्। ओसिक कर्ना महत्वपूर्ण काम रह काजेकलसे मनै मुर्दा, मनैन्हक हारखोर, या गर्या छुलसे, हुँक्र संस्कारगत हिसाबले सात दिनसम अशुद्ध होजाइँट्। बाटो। मनै थाहाँ बिनपैल असिन देखिनैपर्ना गर्यम नेङ्ठ।”#११:४४ येशू यिहाँ कहट कि जसहेँक चिन्हा नैलगाइल गर्यह बाहरसे हेर्लसे, वाकर भित्तर रहल सरलागल चिजह जान नैसेक्जाइट्, ओसहेँक फरिसीन बाहरसे हेर्लसे हुँकन्हक मनम रहल खराब चिजह जान नैसेक्जाइट्। जसहेँक मनै चिन्हा नैलगाइल गर्यम टेक्टी नेङ्ग्ल कलसे, हुँक्र संस्कारगत हिसाबले छुटीह्या हुइँट्, ओसहेँक मनै फरिसीन्हक शिक्षा ओ जीवनशैली अनुसार चल्लसे हुँक्र नैतिक हिसाबले अशुद्ध होजाइँट्।
45एकठो व्यवस्थक गुरु येशूह कलन, “गुरुजी, यी बातले त, अप्न हमार समेत बेइज्जत करटी।”
46येशू कल, “टुह्र गुरुन धिक्कार बा! टुह्र उठाइ नैसेक्ना धर्मकर्मक भर्वा मनैन बोकैठो, तर अप्नभर, उ भर्वा उठाइक लाग एकठो अङ्ग्रीले फे नैछुटो।
47“टुँहन धिक्कार बा! काकरकि टुह्र अगमवक्तन्हक सम्झनम मजामजा गर्या#११:४७ मजामजा गर्या: मजामजा गर्या कलक हुँकन सम्मान करल अर्थम हुँकन्हक सम्झनम बनागैल स्मारक हो। बनैठो, 48हुँकन्हक हत्या करुइया टुन्हक्के पुर्खाओँ रलह। असिक टुन्हक कामले टुह्र आपन पुर्खन्हक करल काम स्वीकार कर्ठो कना बात स्पष्ट हुइठा, काकरकि हुँक्र अगमवक्तन मुवैल, टुह्रजुन हुँकन्हक गर्या बनैठो!#११:४८ येशू हुँकन्हक करल कामक (मजामजा गर्या बनैलक) कारण नाही तर हुँकन्हक नैकरल कामक (आज्ञापालन नैकर्लक) कारण हुँकन दोष लगाइटलह, काकरकि हुँक्र गर्या बनाक अगमवक्तन्हक सम्मान कर्लक बहाना बनाइँट्, तर परमेश्वरक वचन अनुसार जीवन नैजियँट्। 49असिक परमेश्वर आपन बुद्धिले कल, ‘मै हुँकन्हकठे अगमवक्तन ओ प्रेरित पठैबुँ, तर हुँक्र आकुरजहन मुवैहीँ ओ आकुरजहन सँतैहीँ।’ 50उहओर्से पृथ्वीक सृष्टिसे आम्हीसम अगमवक्तन्हक हत्यक दोष आजकाल्हिक मनैन्हक कपारिम परहीन्। 51असिक, हाबिलक हत्याठेसे लेक मन्दिर ओ बेदीक बीचम मुवागैल् जकरियासम्मक रगतक सब दोष आजकाल्हिक मनैन्हक कपारिम परहीन्।#उत ४:८; २ इति २४:२०-२१
52“टुह्र गुरुन धिक्कार बा! काकरकि ज्ञानक साँचा त टुह्र लैजारख्लो। टुह्र अपन्हे फे भित्तर नैगैलो ओ और जैना मनैन फे जाइ नैदेलो।”#११:५२ येशूक कहल बात असिन हुइसेकी: टुह्र परमेश्वरक वचनक ठीक अर्थ बङ्गाक अप्न फे परमेश्वरह नैचिह्न्टो, ओ उहाँह चिह्न चहना मनैन फे चिह्न नैदेटो।
53येशू ओठेसे गैल त, शास्त्रीहुँक्र ओ फरिसीहुँक्र कर्रसे विरोध कर्टी धेर प्रश्न पुछलग्ल। 54हुँक्र येशूह कुछु गल्ती बातम फँसैना दाउ ह्यारलग्ल।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.