लूका 23
23
पिलातसद्वारा येशूह सोधपुछ
मत्ती २७:१-२,११-१४; मर्कूस १५:१-५; यूहन्ना १८:२८-३८
1तबदोस्र महासभक सारा सदस्यन उठ्ल, ओ “येशूह पिलातसकठे लैजाइ” कल। येशूह लैजाइबेर हुँक्र फे सँगसँग गैल। 2हाकिमकठे पुग्ल त, हुँक्र येशूह असिक दोष लगैल, “यी मनैया ‘ख्रीष्ट राजा मैहे हुइटुँ, रोमी सरकारह कर जिन तिरो, बेनसे सरकारक विरोधम आन्दोलन करो’ कैक हमार मनैन उक्साइट् हम्र देख्ली।”
3यी बात सुन्क पिलातस येशूह पुछ्ल, “का टुँ जाट्टीसे यहूदीन्हक राजा हुइटो?”
येशू जवाफ देल, “अप्नहे त ओसिक कहटी।”
4पिलातस मुख्य पूजारीन ओ ओठे जम्मा हुइल् मनैन कल, “यी मनैया सरकारक नियम भङ्ग करलअस महीह नैलागट्। उहओर्से यहीह दोष लगैना त कुछु कारणऽ नैहो।”
5तर हुँक्र आउर कर्रसे येशूक विरोध कर्टी कल, “यी मनैया सारा जनतन सरकारक विरोधम उक्साइटा। यी गालील क्षेत्रसे सुरु कैक सारा यहूदिया क्षेत्रम मनैन आपन मन्त्र सिखैटी यिहाँसम आरहल।”
हेरोदद्वारा येशूह सोधपुछ
6यी बात सुन्क पिलातस कल, “ए! का यी मनैया गालील क्षेत्रक हुइट?”
7हुँक्र कल, “हजुर।” येशूह राजा हेरोदक शासन क्षेत्रक मनैया रलक थाहाँ पैल त, पिलातस उहाँह हेरोदकठे पठादेल। उ ब्याला हेरोद यरूशलेमम रलह।
8येशूह देख्क हेरोद धेर खुशी हुइल, काजेकलसे ऊ येशूक बारेम धेर बात सुनरख्लह ओ उहाँह द्याख चाहँट्। येशू अचम्मक काम करहीँ त, द्याख पैम कना आशा हेरोदक रलहन। 9हेरोद येशूह धेर बात पुछ्ल, तर येशू कुछु जवाफ नैदेल। 10मुख्य पूजारीहुँक्र ओ शास्त्रीहुँक्र फे ओठहेँ रलह। हुँक्र हेरोदक सामुन्नेम येशूह जोर-जोरसे दोष लगैल। 11तबदोस्र हेरोद ओ सिपाहीहुँक्र येशूक अपमान ओ गिल्ला कर्ल। हुँक्र येशूह रज्वक घल्ना झुल्वा घलादेल ओ घुमाक पिलातसकठे लैगिल। 12उ दिनठेसे हेरोद ओ पिलातसक मेलमिलाप हुइलन, पैल्ह हुँकन्हक रिसारिस रलहन।
येशूह क्रूसम टङ्गाक मुवैना आदेश
मत्ती २७:१५-२६; मर्कूस १५:६-१५; यूहन्ना १८:३९–१९:१६
13तबदोस्र पिलातस उहाँ जम्मा हुइल् मुख्य पूजारीन, अगुवन ओ और जनतन बलाक कल, 14“‘यी मनैया सारा जनतन सरकारक विरोधम उक्साइटा’ कना दोष लगाक टुह्र हिँकहीन म्वारठे अन्लो। मै टुन्हक्के सामुन्नेम छानबिन कर्नु, तर हिँकहीन दोष लगैना आधार कुछु नैदेख्नु। 15मै केल नाही, राजा हेरोद फे हिँकाहारम कुछु दोष नैदेख्ल, उहओर्से त हिँकहीन कुछु नैकैक हमारठे घुमादेल। मृत्युदण्ड पैना त यी कुछु अपराधऽ नैकर्लहुइट। 16आब मै ‘हिँकहीन सजायक रूपम कोर्रा लगाओ ओ छोरदेओ’ कैक आदेश देहम।” 17[आब पिलातस टिहारक उपलक्ष्यम एकठो कैदीह जेलमसे छोरदेह परन।]#२३:१७ पिलातस काजे “हिँकहीन सजायक रूपम कोर्रा लगाओ ओ छोरदेओ” कल कलसे, ऊ हरेक साल मुक्ति-दिवस कना टिहारक उपलक्ष्यम यहूदी जनतन्हक माङ्गल एकठो कैदीह जेलमसे छोरदेहँट्। 18तर सारा भिरक मनै नारा लगैटी कल, “यी मनैयह, मुवैहीपरी, मुवैहीपरी। हमार लाग, बारब्बह छोरदी, बारब्बह छोरदी!” 19सरकारक विरोधम सहरम हूलदङ्गा मच्चैलक ओ हत्या कर्लक अभियोगम बरब्बा जेलम परल रह।
20येशूह छोरदेना पिलातसक विचार रलकओर्से, ऊ “येशू निर्दोष बाट” कैक फेदोस्र मनैन सम्झैल। 21तर हुँक्र सबजन असिक नारा लगैटीरल, “यहीह क्रूसम मुवैहीपरी! मुवैहीपरी!”
22पिलातस तीसर चो मनैन कल, “काजे हिँकहीन क्रूसम टङ्गाक मुवैना? यी का अपराध कैरख्ल जे? हिँकहीन मृत्युदण्ड देना आधार मै कुछु नैपाइठुँ। उहओर्से मै ‘हिँकहीन सजायक रूपम कोर्रा लगाओ ओ छोरदेओ’ कैक आदेश देहम।”
23तर मनै “येशूह क्रूसम टङ्गाक मुवही परी, मुवही परी!” कटी चिल्ला-चिल्लाक नारा लगैटीरल। अन्तम हुँकन्हक जित हुइलन। 24असिक पिलातस हुँकन्हक्क माग अनुसार येशूह क्रूसम टङ्गाक मुवैना फैसला सुनैल। 25सरकारक विरोधम हूलदङ्गा मच्चैलक ओ हत्या कर्लक अभियोगम बारब्बा नाउँक मनैया जेलम परल रह। मनै पिलातससे ओइहेह छोरमङ्ल। पिलातस हुँकन्हक माग पूरा करक लाग बारब्बह छोरदेल, ओ येशूहजुन हुँकन्हक इच्छा अनुसार क्रूसम टङ्गाक मुवैना आदेश देल।
येशूह क्रूसम टङ्गैलक
मत्ती २७:३२-४४; मर्कूस १५:२१-३२; यूहन्ना १९:१७-२७
26सिपाहीहुँक्र येशूह क्रूसम टङ्गाए लैजाइटलह। लैजैटी-लैजैटी हुँक्र डगरिम कुरेनी सहरक सिमोनह गाउँमसे आइट् देख्ल त, हुँकहीन बलजब्री येशूक क्रूस ब्वाक लगैल। 27येशूक पाछपाछ बरा भीड लागलरह। भीडम येशूक लाग शोक ओ विलाप करुइया जन्नीमनै फे रलह। 28येशू हुँकन्हकओर घुम्क कल, “टुह्र यरूशलेमक जन्नीमनै, म्वार लाग विलाप जिन करो, तर आपन लाग ओ आपन सन्तानन्हक लाग विलाप करो।#२३:२८ हुँकन्हकम परमेश्वरक डरलग्टिक दण्ड परिअइना हुइलकओर्से येशू हुँकन विलाप कर कलहन। 29हेरो, आपत्विपत्क समय अइटीबा। उ समयम टुह्र ‘गर्भवती नैहुइना, लर्कापर्का नैजन्मैना ओ दूध नैखवैना जन्नीमनैन धन्यक’ कबो। 30उ समयम मनै पर्वत्वह कह्हीँ, ‘पर्वत्वा, हमारम खस्जा ओ हमन भँठारड्या, त हम्र मुजैबी!’#होशे १०:८; प्रका ६:१६ 31काकरकि हुँक्र कैल रूख्वम त आगी लगादेठ कलसे, सुखल रूख्वह झन् का करैहीँ?”#२३:३१ यी पदक अर्थ हो: काकरकि यदि मै पाप नैरहल मनैयह अत्रा कर्रा दण्ड सहपरटा कलसे, आपन पापी मन घुमाक परमेश्वरकठे नैअइना मनैन झन् कत्रा कर्रा दण्ड सहपरहीन।
32हुँक्र और दुइठो अपराधीन फे क्रूसम टङ्गाइक लाग येशूक सँगसँग लैगैल। 33खप्परे कना ठाउँम पुग्ल त, हुँक्र येशूह क्रूसम टङ्गैल ओ उहाँक दाहिन पाञ्जर ओ बाउँ पाञ्जर दुइठो अपराधीन फे अल्ग-अल्ग क्रूसम टङ्गैल। 34येशू कल, “परमेश्वर बाबा, हिँकन क्षमा कैदी काकरकि हिँक्र का करट कना बात हिँकन थाहँ नैहुइटन।” तबदोस्र सिपाहीहुँक्र गोटी डार्क उहाँक झुल्वा बठा लगैल।#भज २२:१८
35मनै ठह्र्याक ह्यारटलह। यहूदी अगुवन हिस्यैटी येशूह कल, “यी औरजहन त बचाइल, तर यदि यी मनैया परमेश्वरक र्वाजल ख्रीष्ट हो कलसे, अपन्हेह फे बँचाए ना।”#भज २२:७
36सिपाहीहुँक्र उहाँह आमिल मद पियक लाग देल ओ गिल्ला कर्टी कल,#भज ६९:२१ 37“यदि टैँ यहूदीन्हक रज्वा हुइट्या कलसे, अपन्हेह बचा।”
38हुँक्र येशूक कपारिक उप्पर क्रूसम “यी यहूदीन्हक रज्वा हो” कैक दोष लगाइल एकठो सूचना टाँसदेल।
39येशूकसँग टङ्गागैल् एकठो अपराधी उहाँह निन्दा कर्टी कहल, “यदि टैँ ख्रीष्ट हुइट्या कलसे, अपन्हेह ओ हमन बचा।”
40तर द्वासर अपराधी ओहीह हप्कैटी कहल, “का टोहीह परमेश्वरक डर नैलागट्, टैँ फे त ओसहेँक मुवट्या। 41हम्र त आपन काम अनुसारक दण्ड भ्वागटी तर उहाँ त कुछु गल्ती काम नैकर्लहुइट।”
42तबदोस्र ऊ येशूह कहल, “प्रभु, अप्न राजा हुइबी त, महीह फे सम्झबी।”
43येशू ओहीह कल, “मै टुँहीन जाट्टीसे कहटुँ, आज्झु टुँ म्वारसँग स्वर्गम#२३:४३ स्वर्गम: यी पदम स्वर्ग कलक सम्भवत: फुलर्याजसिन ठाउँ या आदर ओ सुख पैना ठाउँ हो। आदम ओ हव्वा पाप कर्नासे आघ अदनक फुलर्याजसिन ठाउँम रहल बात यहूदीहुँक्र विचार करँट्। रबो।”
येशूक मृत्यु
मत्ती २७:४५-५६; मर्कूस १५:३३-४१; यूहन्ना १९:२८-३०
44दिनक बाह्र बजेसे तीन बजेसम दिनमसे अजरार नैअइलकओर्से सारा देश अन्धार हुइल्। 45तब मन्दिरक पर्दा फाटक दुइ भाग होगैल्।#प्रस २६:३१-३३ 46येशू कर्रसे प्रार्थना कर्ल, “परमेश्वर बाबा, मै आपन आत्मा अप्नक हाँठम सुम्पटुँ।” असिक येशू प्राण छोर्ल।#भज ३१:५
47यी देख्क रोमी सेनन्हक हाकिम परमेश्वरक महिमा कर्टी कल, “पक्क फे यी मनैया धर्मी रलह।” 48यी घटना ह्यार आइल् मनै शोक ओ विलाप कै-कै रुइटी घर घुम्ल। 49येशूह चिन्हुइयन ओ गालील क्षेत्रसे उहाँकसँग आइल जन्नीमनै दूरसे ठह्र्याक यी सब घटना हेर्टीरलह।#लूक ८:२-३
येशूक लाश गर्यम
मत्ती २७:५७-६१; मर्कूस १५:४२-४७; यूहन्ना १९:३८-४२
50योसेफ एक असल ओ धर्मी मनै रलह, ऊ यहूदी महासभक एकठो सदस्य रलह। 51ऊ यहूदिया क्षेत्रम पर्ना अरिमाथिया सहरक मनैया रलह। येशूह मुवैना महासभक निर्णयम ऊ सहमत नैरलह। ओ ऊ परमेश्वरक राज्यक बट्या ह्यारँट्। 52ऊ पिलातसकठे जाक येशूक लाश मङ्ल। 53ऊ अनुमति पैल त, येशूक लाश क्रूसमसे उतार्क सूती लुगले लपेट्ल। दोस्र चट्टान खोल्क बनाइल गुफाअस गर्यम लाश ढर्ल। उ गर्यम पैल्ह केक्रो लाश ढैगिल् नैरह। 54उ दिन बिसैना दिनिक लाग सामाजामा तयार पर्ना दिन रह ओ दिन बुर्ना ब्याला हुइटह।
55गालील क्षेत्रसे येशूकसँग आइल् जन्नीमनै येसेफक पाछपाछ गैल ओ गर्यम लाश ढरट् हेर्ल। 56तबदोस्र हुँक्र घर घुम्ल ओ येशूक लाशम लगाइक लाग वास अइना त्याल तयार पर्ल। बिसैना दिन मन्ना आज्ञा अनुसार हुँक्र उ दिन बिसैल।#प्रस २०:१०; व्य ५:१४
Currently Selected:
लूका 23: thl
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
लूका 23
23
पिलातसद्वारा येशूह सोधपुछ
मत्ती २७:१-२,११-१४; मर्कूस १५:१-५; यूहन्ना १८:२८-३८
1तबदोस्र महासभक सारा सदस्यन उठ्ल, ओ “येशूह पिलातसकठे लैजाइ” कल। येशूह लैजाइबेर हुँक्र फे सँगसँग गैल। 2हाकिमकठे पुग्ल त, हुँक्र येशूह असिक दोष लगैल, “यी मनैया ‘ख्रीष्ट राजा मैहे हुइटुँ, रोमी सरकारह कर जिन तिरो, बेनसे सरकारक विरोधम आन्दोलन करो’ कैक हमार मनैन उक्साइट् हम्र देख्ली।”
3यी बात सुन्क पिलातस येशूह पुछ्ल, “का टुँ जाट्टीसे यहूदीन्हक राजा हुइटो?”
येशू जवाफ देल, “अप्नहे त ओसिक कहटी।”
4पिलातस मुख्य पूजारीन ओ ओठे जम्मा हुइल् मनैन कल, “यी मनैया सरकारक नियम भङ्ग करलअस महीह नैलागट्। उहओर्से यहीह दोष लगैना त कुछु कारणऽ नैहो।”
5तर हुँक्र आउर कर्रसे येशूक विरोध कर्टी कल, “यी मनैया सारा जनतन सरकारक विरोधम उक्साइटा। यी गालील क्षेत्रसे सुरु कैक सारा यहूदिया क्षेत्रम मनैन आपन मन्त्र सिखैटी यिहाँसम आरहल।”
हेरोदद्वारा येशूह सोधपुछ
6यी बात सुन्क पिलातस कल, “ए! का यी मनैया गालील क्षेत्रक हुइट?”
7हुँक्र कल, “हजुर।” येशूह राजा हेरोदक शासन क्षेत्रक मनैया रलक थाहाँ पैल त, पिलातस उहाँह हेरोदकठे पठादेल। उ ब्याला हेरोद यरूशलेमम रलह।
8येशूह देख्क हेरोद धेर खुशी हुइल, काजेकलसे ऊ येशूक बारेम धेर बात सुनरख्लह ओ उहाँह द्याख चाहँट्। येशू अचम्मक काम करहीँ त, द्याख पैम कना आशा हेरोदक रलहन। 9हेरोद येशूह धेर बात पुछ्ल, तर येशू कुछु जवाफ नैदेल। 10मुख्य पूजारीहुँक्र ओ शास्त्रीहुँक्र फे ओठहेँ रलह। हुँक्र हेरोदक सामुन्नेम येशूह जोर-जोरसे दोष लगैल। 11तबदोस्र हेरोद ओ सिपाहीहुँक्र येशूक अपमान ओ गिल्ला कर्ल। हुँक्र येशूह रज्वक घल्ना झुल्वा घलादेल ओ घुमाक पिलातसकठे लैगिल। 12उ दिनठेसे हेरोद ओ पिलातसक मेलमिलाप हुइलन, पैल्ह हुँकन्हक रिसारिस रलहन।
येशूह क्रूसम टङ्गाक मुवैना आदेश
मत्ती २७:१५-२६; मर्कूस १५:६-१५; यूहन्ना १८:३९–१९:१६
13तबदोस्र पिलातस उहाँ जम्मा हुइल् मुख्य पूजारीन, अगुवन ओ और जनतन बलाक कल, 14“‘यी मनैया सारा जनतन सरकारक विरोधम उक्साइटा’ कना दोष लगाक टुह्र हिँकहीन म्वारठे अन्लो। मै टुन्हक्के सामुन्नेम छानबिन कर्नु, तर हिँकहीन दोष लगैना आधार कुछु नैदेख्नु। 15मै केल नाही, राजा हेरोद फे हिँकाहारम कुछु दोष नैदेख्ल, उहओर्से त हिँकहीन कुछु नैकैक हमारठे घुमादेल। मृत्युदण्ड पैना त यी कुछु अपराधऽ नैकर्लहुइट। 16आब मै ‘हिँकहीन सजायक रूपम कोर्रा लगाओ ओ छोरदेओ’ कैक आदेश देहम।” 17[आब पिलातस टिहारक उपलक्ष्यम एकठो कैदीह जेलमसे छोरदेह परन।]#२३:१७ पिलातस काजे “हिँकहीन सजायक रूपम कोर्रा लगाओ ओ छोरदेओ” कल कलसे, ऊ हरेक साल मुक्ति-दिवस कना टिहारक उपलक्ष्यम यहूदी जनतन्हक माङ्गल एकठो कैदीह जेलमसे छोरदेहँट्। 18तर सारा भिरक मनै नारा लगैटी कल, “यी मनैयह, मुवैहीपरी, मुवैहीपरी। हमार लाग, बारब्बह छोरदी, बारब्बह छोरदी!” 19सरकारक विरोधम सहरम हूलदङ्गा मच्चैलक ओ हत्या कर्लक अभियोगम बरब्बा जेलम परल रह।
20येशूह छोरदेना पिलातसक विचार रलकओर्से, ऊ “येशू निर्दोष बाट” कैक फेदोस्र मनैन सम्झैल। 21तर हुँक्र सबजन असिक नारा लगैटीरल, “यहीह क्रूसम मुवैहीपरी! मुवैहीपरी!”
22पिलातस तीसर चो मनैन कल, “काजे हिँकहीन क्रूसम टङ्गाक मुवैना? यी का अपराध कैरख्ल जे? हिँकहीन मृत्युदण्ड देना आधार मै कुछु नैपाइठुँ। उहओर्से मै ‘हिँकहीन सजायक रूपम कोर्रा लगाओ ओ छोरदेओ’ कैक आदेश देहम।”
23तर मनै “येशूह क्रूसम टङ्गाक मुवही परी, मुवही परी!” कटी चिल्ला-चिल्लाक नारा लगैटीरल। अन्तम हुँकन्हक जित हुइलन। 24असिक पिलातस हुँकन्हक्क माग अनुसार येशूह क्रूसम टङ्गाक मुवैना फैसला सुनैल। 25सरकारक विरोधम हूलदङ्गा मच्चैलक ओ हत्या कर्लक अभियोगम बारब्बा नाउँक मनैया जेलम परल रह। मनै पिलातससे ओइहेह छोरमङ्ल। पिलातस हुँकन्हक माग पूरा करक लाग बारब्बह छोरदेल, ओ येशूहजुन हुँकन्हक इच्छा अनुसार क्रूसम टङ्गाक मुवैना आदेश देल।
येशूह क्रूसम टङ्गैलक
मत्ती २७:३२-४४; मर्कूस १५:२१-३२; यूहन्ना १९:१७-२७
26सिपाहीहुँक्र येशूह क्रूसम टङ्गाए लैजाइटलह। लैजैटी-लैजैटी हुँक्र डगरिम कुरेनी सहरक सिमोनह गाउँमसे आइट् देख्ल त, हुँकहीन बलजब्री येशूक क्रूस ब्वाक लगैल। 27येशूक पाछपाछ बरा भीड लागलरह। भीडम येशूक लाग शोक ओ विलाप करुइया जन्नीमनै फे रलह। 28येशू हुँकन्हकओर घुम्क कल, “टुह्र यरूशलेमक जन्नीमनै, म्वार लाग विलाप जिन करो, तर आपन लाग ओ आपन सन्तानन्हक लाग विलाप करो।#२३:२८ हुँकन्हकम परमेश्वरक डरलग्टिक दण्ड परिअइना हुइलकओर्से येशू हुँकन विलाप कर कलहन। 29हेरो, आपत्विपत्क समय अइटीबा। उ समयम टुह्र ‘गर्भवती नैहुइना, लर्कापर्का नैजन्मैना ओ दूध नैखवैना जन्नीमनैन धन्यक’ कबो। 30उ समयम मनै पर्वत्वह कह्हीँ, ‘पर्वत्वा, हमारम खस्जा ओ हमन भँठारड्या, त हम्र मुजैबी!’#होशे १०:८; प्रका ६:१६ 31काकरकि हुँक्र कैल रूख्वम त आगी लगादेठ कलसे, सुखल रूख्वह झन् का करैहीँ?”#२३:३१ यी पदक अर्थ हो: काकरकि यदि मै पाप नैरहल मनैयह अत्रा कर्रा दण्ड सहपरटा कलसे, आपन पापी मन घुमाक परमेश्वरकठे नैअइना मनैन झन् कत्रा कर्रा दण्ड सहपरहीन।
32हुँक्र और दुइठो अपराधीन फे क्रूसम टङ्गाइक लाग येशूक सँगसँग लैगैल। 33खप्परे कना ठाउँम पुग्ल त, हुँक्र येशूह क्रूसम टङ्गैल ओ उहाँक दाहिन पाञ्जर ओ बाउँ पाञ्जर दुइठो अपराधीन फे अल्ग-अल्ग क्रूसम टङ्गैल। 34येशू कल, “परमेश्वर बाबा, हिँकन क्षमा कैदी काकरकि हिँक्र का करट कना बात हिँकन थाहँ नैहुइटन।” तबदोस्र सिपाहीहुँक्र गोटी डार्क उहाँक झुल्वा बठा लगैल।#भज २२:१८
35मनै ठह्र्याक ह्यारटलह। यहूदी अगुवन हिस्यैटी येशूह कल, “यी औरजहन त बचाइल, तर यदि यी मनैया परमेश्वरक र्वाजल ख्रीष्ट हो कलसे, अपन्हेह फे बँचाए ना।”#भज २२:७
36सिपाहीहुँक्र उहाँह आमिल मद पियक लाग देल ओ गिल्ला कर्टी कल,#भज ६९:२१ 37“यदि टैँ यहूदीन्हक रज्वा हुइट्या कलसे, अपन्हेह बचा।”
38हुँक्र येशूक कपारिक उप्पर क्रूसम “यी यहूदीन्हक रज्वा हो” कैक दोष लगाइल एकठो सूचना टाँसदेल।
39येशूकसँग टङ्गागैल् एकठो अपराधी उहाँह निन्दा कर्टी कहल, “यदि टैँ ख्रीष्ट हुइट्या कलसे, अपन्हेह ओ हमन बचा।”
40तर द्वासर अपराधी ओहीह हप्कैटी कहल, “का टोहीह परमेश्वरक डर नैलागट्, टैँ फे त ओसहेँक मुवट्या। 41हम्र त आपन काम अनुसारक दण्ड भ्वागटी तर उहाँ त कुछु गल्ती काम नैकर्लहुइट।”
42तबदोस्र ऊ येशूह कहल, “प्रभु, अप्न राजा हुइबी त, महीह फे सम्झबी।”
43येशू ओहीह कल, “मै टुँहीन जाट्टीसे कहटुँ, आज्झु टुँ म्वारसँग स्वर्गम#२३:४३ स्वर्गम: यी पदम स्वर्ग कलक सम्भवत: फुलर्याजसिन ठाउँ या आदर ओ सुख पैना ठाउँ हो। आदम ओ हव्वा पाप कर्नासे आघ अदनक फुलर्याजसिन ठाउँम रहल बात यहूदीहुँक्र विचार करँट्। रबो।”
येशूक मृत्यु
मत्ती २७:४५-५६; मर्कूस १५:३३-४१; यूहन्ना १९:२८-३०
44दिनक बाह्र बजेसे तीन बजेसम दिनमसे अजरार नैअइलकओर्से सारा देश अन्धार हुइल्। 45तब मन्दिरक पर्दा फाटक दुइ भाग होगैल्।#प्रस २६:३१-३३ 46येशू कर्रसे प्रार्थना कर्ल, “परमेश्वर बाबा, मै आपन आत्मा अप्नक हाँठम सुम्पटुँ।” असिक येशू प्राण छोर्ल।#भज ३१:५
47यी देख्क रोमी सेनन्हक हाकिम परमेश्वरक महिमा कर्टी कल, “पक्क फे यी मनैया धर्मी रलह।” 48यी घटना ह्यार आइल् मनै शोक ओ विलाप कै-कै रुइटी घर घुम्ल। 49येशूह चिन्हुइयन ओ गालील क्षेत्रसे उहाँकसँग आइल जन्नीमनै दूरसे ठह्र्याक यी सब घटना हेर्टीरलह।#लूक ८:२-३
येशूक लाश गर्यम
मत्ती २७:५७-६१; मर्कूस १५:४२-४७; यूहन्ना १९:३८-४२
50योसेफ एक असल ओ धर्मी मनै रलह, ऊ यहूदी महासभक एकठो सदस्य रलह। 51ऊ यहूदिया क्षेत्रम पर्ना अरिमाथिया सहरक मनैया रलह। येशूह मुवैना महासभक निर्णयम ऊ सहमत नैरलह। ओ ऊ परमेश्वरक राज्यक बट्या ह्यारँट्। 52ऊ पिलातसकठे जाक येशूक लाश मङ्ल। 53ऊ अनुमति पैल त, येशूक लाश क्रूसमसे उतार्क सूती लुगले लपेट्ल। दोस्र चट्टान खोल्क बनाइल गुफाअस गर्यम लाश ढर्ल। उ गर्यम पैल्ह केक्रो लाश ढैगिल् नैरह। 54उ दिन बिसैना दिनिक लाग सामाजामा तयार पर्ना दिन रह ओ दिन बुर्ना ब्याला हुइटह।
55गालील क्षेत्रसे येशूकसँग आइल् जन्नीमनै येसेफक पाछपाछ गैल ओ गर्यम लाश ढरट् हेर्ल। 56तबदोस्र हुँक्र घर घुम्ल ओ येशूक लाशम लगाइक लाग वास अइना त्याल तयार पर्ल। बिसैना दिन मन्ना आज्ञा अनुसार हुँक्र उ दिन बिसैल।#प्रस २०:१०; व्य ५:१४
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.