लूका 6
6
बिसैना दिनिक प्रभु
मत्ती १२:१-८; मर्कूस २:२३-२८
1एक बिसैना दिनम येशू आपन चेलन्हकसँग गोहूँ बुइल् खेत्वओर्से जाइबेर, उहाँक चेलावँ गोहूँक बाल टुर्क मिस्टी खाइलग्ल।#व्य २३:२५ 2#प्रस ३४:२१फरिसीहुँक्र ओठे रलह ओ यी देख्क कल “बिसैना दिनम करल असिन काम व्यवस्था अनुसार ठीक हो का?”#६:२ बिसैना दिनम, बाली सहेर्ना समय रलसे फे, काम कर्ना निषेध कर्लबा ओ फरिसीहुँक्र परमेश्वरक आज्ञा भङ्ग कर नैपैना पक्का नियम बनारख्लह (प्रस्थान ३४:२१)। गोहूँक बाल टुर्ना कामह गोहूँ काटल बराबर मानपर्ना रह। हाँठम मिस्ना कामह गोहूँ दाँइल बराबर मानपर्ना रह। असिक हुँकन्हक नियम अनुसार, चेलन बिसैना दिनम बाली काटल, दाँइल, ओसाइल, ओ खाना बनाइल बातक दोष लगाइ सेक्जाए।
3येशू जवाफ देल, “टुह्र धर्मशास्त्रम दाऊदक बारेम त पहररख्लो। दाऊद ओ हुँकहार मनै भुँखाइलम दाऊद का कर्लह?#१ शमू २१:१-६ 4#लेवी २४:९दाऊद परमेश्वरक घरम#६:४ परमेश्वरक घरम: यी पुरान नियमक समयम यहूदीहुँकन्हक प्रयोग करल मन्दिरह जनैठा। यहूदीहुँक्र परमेश्वर यिह ठाउँम रठ कैक विश्वास करँट्। जाक परमेश्वरह चह्राइल रोटी खैल ओ आपनसँग रहुइयन फे खाइक लाग देल, जौन रोटी पूजारीन केल खाइ बन। उ फे त व्यवस्था अनुसार ठीक नैहो।”#६:४ यी बात कैक येशू अनुमान लगाइट कि फरिसीहुँक्र दाऊद रोटी लेल, अप्न खैल ओ आपनसँग रहुइयन फे देक ठीक कर्ल कना बातम सहमत हुहीँ। येशूक सोँचाइ रलहन कि यदि फरिसीहुँक्र येशूक चेलन यी कामक बारेम दोष लगैल कलसे, हुँक्र राजा दाऊद ओ हुँकहार मनैन फे दोष लगैल। तर दाऊद गल्ती कर्ल कना बात बाइबलम लिखल नैहो कैक फरिसीहुँकन थाहाँ रलहन (१ शमूएल २१:१-६)। यदि दाऊदकठे आवश्यक परल ब्याला संस्कार अन्तरगतक नियमह पन्छेइना अधिकार रलहन कलसे, परमेश्वरक र्वाजल व्यक्ति (अर्थात् येशू) ओ उहाँक सङ्घरेन्हकठे फे आवश्यक परल अस्तह अवस्थम बिसैना दिनिक लाग मनैन्हक बनाइल अनावश्यक नियमह पन्छेइना अधिकार रलहन। 5तब येशू हुँकन कल, “मै मनैयक छावा, बिसैना दिनिक फे प्रभु हुइटुँ।”#६:५ बिसैना दिनिक फे प्रभु: जब येशू अप्न “बिसैना दिनिक फे प्रभु” रहल बात बटोइठ, तब उहाँ आपनठे परमेश्वरक बराबर अधिकार रहल बात दाबी करट। याकर मतलब उहाँकठे बिसैना दिन सम्बन्धी नियम कसिक ओ कब लाग कर्ना कना बातक निर्णय कर्ना अधिकार बाटन।
मनैयक सुखल हाँठ चोखैलक
मत्ती १२:९-१४; मर्कूस ३:१-६
6और बिसैना दिनम येशू सभाघरम जाक सिखाइटलह। उहाँ दाहिन हाँठ सुखल मनैया रह। 7शास्त्री ओ फरिसीहुँक्र फे रलह। हुँक्र येशूकम नजर लगैलरलह, ओ यदि येशू ओहीह चोखैहीँ कलसे, उहाँह बिसैना दिनम काम कर्ल कना दोष लगाइ सेक्जाई कनाम रलह।#६:७ फरिसीहुँक्र मनैया बेराम पर्क मुवमुव हुइल् अवस्थम केल बिसैना दिनम उपचार कर पैना एकदम विशेष नियम बनारख्लह। और अवस्थम काम करल मानजाए, ओ परमेश्वरक व्यवस्था अनुसार मनै बिसैना दिनम काम नैकरपरट्। हुँकन्हक हिसाबले, यी अवस्थम, यी दाहिन हाँठ सुखल मनैयक जीवन खतराम नैरह ओ चोखैना काम और दिन सार सेक्जाए। 8येशू हुँकन्हक मनक बात थाहाँ पाक हाँठ सुखल मनैयह कल, “आघ आक ठह्र्याओ।” तब उ मनैया येशूकठे जाक ठह्र्याइल।
9येशू हुँकन कल, “बिसैना दिनम असल कर्ना कि खराब कर्ना, प्राण बचैना कि नाश कर्ना, व्यवस्था अनुसार कौन ठीक हो?”
10येशू सबजन्हकम नजर लगैल, तब हाँठ सुखल मनैयह कल, “टुँहार हाँठ तन्काओ।” ऊ हाँठ तन्काइल, तब वाकर हाँठ चोखागैलस। 11यी देख्क हुँक्र रिसले चूर हुइल, ओ आब येशूह का करपर्ना हो कैक बातचित करलग्ल।
बाह्र जन प्रेरित रोजगैलक
मत्ती १०:१-४; मर्कूस ३:१३-१९
12उ समयम येशू पर्वत्वम जाक रातभर परमेश्वरसे प्रार्थना कर्ल। 13बिहान हुइल् त, उहाँ आपन सब चेलन बलैल ओ हुँक्रहेमसे बाह्रजहन रोज्क हुँकन प्रेरित बनैल। 14उ बाह्र जन हिँक्रहे हुइट:
सिमोन, जेहीह येशू पत्रुस कल,
पत्रुसक भैया अन्द्रियास,
याकूब,
यूहन्ना,
फिलिप,
बारथोलोमाइ,
15मत्ती,
थोमा,
अल्फयसक छावा याकूब,
देशभक्त दलक सिमोन,
16याकूबक छावा यहूदा
ओ यहूदा इस्करियोत, जे पाछ येशूह ध्वाखा देहल।
मनै येशूकठे अइलक
मत्ती ४:२३-२५
17येशू चेलन्हकसँग पर्वत्वमसे ओल्हैटी-ओल्हैटी, सम्म रहल ठाउँम पुग्क ठह्रेइल। उहाँ धेर चेलावँ ओ और मनैन्हक भीड लागलरह। यहूदिया क्षेत्रसे, यरूशलेम सहरसे, ओ समुद्रक किनारम रहल टुरोस ओ सीदोन सहरसे मनै आरलह। 18हुँक्र येशूक शिक्षा सुन ओ रोगमसे चोखाइक लाग आरलह। भूतनसे दुःख पउइयन फे आरलह ओ येशू हुँकन चोखैल। 19सबजन उहाँह छुव खोज्ल, काकरकि उहाँकमसे निक्रल् शक्तिले सबजहन चोखाइटलहन।
आशिषवचन
20तबदोस्र येशू आपन चेलन्हकम नजर लगाक कल,
“टुह्र गरीबहुँक्र आशिष पाइल मनै हुइटो,
काकरकि परमेश्वरक राज्य टुन्हक्के हो।
21टुह्र भुँख्ल रहुइयन आशिष पाइल मनै हुइटो,
काकरकि टुह्र अघैबो।
टुह्र रुइना मनै आशिष पाइल मनै हुइटो,
काकरकि टुह्र हँस्बो।
22जब मै मनैयक छावकम विश्वास कर्लक कारण,
मनै टुँहन हेल्हा करहीँ,
टुँहनसे छुट्ट बैठहीँ,
टुँहन हिस्यैहीँ,
ओ टुँहन दुष्ट मान्क अपमान करहीँ,
तब टुह्र आशिष पाइल मनै हुइटो।#१ पत्र ४:१४
23“जब असिन हुई, तब खुशी होक आनन्दले नचहो, काकरकि टुन्हक लाग स्वर्गम भारी इनाम ढैगिल् बा। ओ टुँहन सँटुइयन्हक पुर्खाओँ फे अगमवक्तन ओस्तहँ कर्लह कैक सम्झहो।”#२ इति ३६:१६; प्रे ७:५२
धिक्कारवचन
24“तर टुह्र धनी मनैन धिक्कार बा!
काकरकि टुह्र आपन सुखचैन पासेक्लो।
25टुह्र अघाइल मनैन धिक्कार बा!
काकरकि टुह्र भुँख्ल रबो।
टुह्र हँसुइयन धिक्कार बा!
काकरकि टुह्र शोक कै-कै रुइबो।
26टुह्र मनैनसे प्रशंसा पउइयन धिक्कार बा!
काकरकि हुँकन्हक पुर्खाओँ फे झूटा अगमवक्तन्हक प्रशंसा कर्लह।
शत्रुन प्रेम कर्ना बारेम
मत्ती ५:३८-४८
27“तर टुह्र ध्यान देक सुनुइयन मै कहटुँ, आपन शत्रुन प्रेम करो, टुँहन हेल्हा करुइयन्हक भलाइ करो, 28टुँहन सराप देहुइयन आशिष देओ, टुँहनसे दुर्व्यवहार करुइयन्हक लाग परमेश्वरसे प्रार्थना करो। 29एक गालम चट्कैना मनैयह, और गाल फे सोझारदेओ। टुँहार कोट चोर्ना मनैयह, झुल्वा फे च्वार देओ। 30टुँहीनसे मङ्ना सबजहन देओ, टुँहार माल लैजुइयनसे फिर्ता जिन माङ्गो। 31और मनै टुँहनसे जसिन व्यवहार करल चहठो, टुह्र फे औरजहनसे ओस्तहँ व्यवहार करो।#मत्ती ७:१२
32“यदि टुह्र टुँहन प्रेम करुइयन केल प्रेम कर्ठो कलसे, टुह्र प्रशंसा पैना का काम कर्लो? पापीहुँक्र फे हुँकन प्रेम करुइयन प्रेम कर्ठ। 33टुन्हक भलाइ करुइयन्हक केल भलाइ कर्ठो कलसे, टुह्र कौन बरा काम कर्लो? ओसिक त पापीहुँक्र फे कर्ठ। 34फिर्ता पैना आशले केल ऋण देठो कलसे, कौन बरा काम कर्लो? तिर सेक्ना पापीहुँकन त पापीहुँक्र फे ऋण देठ। 35बेनसे टुह्र आपन शत्रुन प्रेम करो ओ हुँकन्हक भलाइ करो। फिर्ता पैना आश नैकैक ऋण देओ, त टुह्र बरा इनाम पैबो। टुह्र सर्वोच्च परमेश्वरक सन्तान हुइबो, काकरकि परमेश्वर बैगुनी ओ स्वार्थी मनैन्हक फे भलाइ कर्ठ। 36टुन्हक स्वर्गक परमेश्वर बाबा दयालु रहलअस, टुह्र फे दयालु होओ।
औरजहन दोष लगैना सम्बन्धी
मत्ती ७:१-५
37“आनक गल्ती जिन खोजो, त टुन्हक फे गल्ती नैखोज्जाई। औरजहन दोष जिन लगाओ, त टुँहन फे दोष नैलगाजाई। औरजहन क्षमा करो, त टुँहन फे क्षमा कैजाई। 38औरजहन देबो, त टुँहन फे देजाई। टुँहन झन् खान-खान, हिला-हिला टिस्लहार कैक देजाई।#६:३८ यी खण्डह ग्रीक भाषक स्रोतमसे शाब्दिक रूपले लेलसे “टुन्हक क्वारम खन्ह्याजाइ” कना हुइठा। यहूदीहुँक्र झुहार झुल्वा घालँट्। हुँक्र खासकैक अनाज ब्वाकबेर आपन झुल्वक टर्का खुट्ला उप्पर बाहान्क झ्वालाअस बनाइँट् ओ ओइहेँम अनाज ब्वाकँट्। जौन नापले औरजहन नपबो, उह नाप टुँहन फे लागू हुई।”
39तब येशू हुँकन यी आहान कल, “का आन्धर मनै और आन्धर मनैन डोर्याइसेक्ठ? ओसिक कर्लसे, का हुँक्र सबजन खोल्टीम नैहर्बरैहीँ?#मत्ती १५:१४ 40चेला आपन गुरुसे बर नैरट, तर पूरा शिक्षा पैलसे गुरुअस हुइसेक्ठ।#मत्ती १०:२४-२५; यूह १३:१६; १५:२०
41“आनक आँखिमक किर्किट देखुइया, आपन आँखिमक ठेङ्ग्रा काजे नैदेख्टो? 42आपन आँखिमक ठेङ्ग्रा नैदेखुइया, आपन भैयह, ‘रै भैया, आन मै ट्वार आँखिमक किर्किट झिँकदिउँ’ कैक कसिक कहसेक्ठो? टुह्र कपटी! पैल्ह आपन आँखिमक ठेङ्ग्रा झिँको, तब आपन भैयक आँखिमक किर्किट झिँकबेर छर्लङ्ग देख्बो।”#६:४२ येशूक शिक्षा यिहाँ चेलावँ और जन गल्ती कर्लक्म हुँकन दोषी ठह्रैना बातह रोक नैलगाइट्, तर हुँक्र आनक गल्ती व्यवहारह सुधर्ना कोसिस कर्नासे पैल्ह हुँक्र अपन्हेह जाँच करपर्ठा ओ आपन दोष महसुस करपर्ठा कना बात बुझपर्ठा। असिक हुँक्र, अप्न कबु फे गल्ती नैकर्टजसिन, कपटी हिसाबले नैहोक नम्र तरिकाले औरजहन सुधार करसेक्ठ।
मनै व्यवहारले चिन्मिल्ठ
मत्ती ७:१६-२०; १२:३३-३५
43“असल रूख्वम खराब फारा नैलागट्, खराब रूख्वम फे असल फारा नैलागट्। 44रूख्वा त फारमसे चिन्मिल्ठा। कुई फे काँटक ब्वाँटीमसे अञ्जीर या अङ्गूर नैटुरट्।#मत्ती १२:३३ 45मनै फे अस्त हुइट। असल मनैयक मनमसे असल बोली निक्रठा, काकरकि वाकर मन असल बातले भरल रठस, तर खराब मनैयक मनमसे खराब बोली निक्रठा, काकरकि वाकर मन खराब बातले भरल रठस। मनैन्हक मनम का भरल बाटन कना बात हुँकन्हक बोलीले प्रकट हुइठन।”#मत्ती १२:३४
दुइ किसिमक घर
मत्ती ७:२४-२७
46“म्वार कहल नैमन्टो कलसे, टुह्र काकर महीह ‘प्रभु! प्रभु!’ कठो? 47म्वारठे आक म्वार वचन सुन्ना ओ कहल मन्ना मनैया कसिन खालक हो कैक मै टुँहन कहटुँ: 48ऊ घर बनैना एकठो मनैयाअस हो। ऊ गहिँरसे जग खानल ओ पत्थ्रम जग बैठाक घर बनाइल। जब बाहार आइल् ओ उ घरह धक्का लगाइल, तब फे उ घरह नैढलाइस्याकल, काकरकि वाकर जग बलगरक बनल रलहस। 49तर म्वार वचन सुन्क फे पालन नैकरुइया असिन मनैया हो: ऊ बिनजगक घर बनाइल। जब बाहार आइल् ओ उ घरह धक्का लगाइल, तब उ घर ढल्क भट्याङ्भुटुङ होगैल्।”
Currently Selected:
लूका 6: thl
Highlight
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
लूका 6
6
बिसैना दिनिक प्रभु
मत्ती १२:१-८; मर्कूस २:२३-२८
1एक बिसैना दिनम येशू आपन चेलन्हकसँग गोहूँ बुइल् खेत्वओर्से जाइबेर, उहाँक चेलावँ गोहूँक बाल टुर्क मिस्टी खाइलग्ल।#व्य २३:२५ 2#प्रस ३४:२१फरिसीहुँक्र ओठे रलह ओ यी देख्क कल “बिसैना दिनम करल असिन काम व्यवस्था अनुसार ठीक हो का?”#६:२ बिसैना दिनम, बाली सहेर्ना समय रलसे फे, काम कर्ना निषेध कर्लबा ओ फरिसीहुँक्र परमेश्वरक आज्ञा भङ्ग कर नैपैना पक्का नियम बनारख्लह (प्रस्थान ३४:२१)। गोहूँक बाल टुर्ना कामह गोहूँ काटल बराबर मानपर्ना रह। हाँठम मिस्ना कामह गोहूँ दाँइल बराबर मानपर्ना रह। असिक हुँकन्हक नियम अनुसार, चेलन बिसैना दिनम बाली काटल, दाँइल, ओसाइल, ओ खाना बनाइल बातक दोष लगाइ सेक्जाए।
3येशू जवाफ देल, “टुह्र धर्मशास्त्रम दाऊदक बारेम त पहररख्लो। दाऊद ओ हुँकहार मनै भुँखाइलम दाऊद का कर्लह?#१ शमू २१:१-६ 4#लेवी २४:९दाऊद परमेश्वरक घरम#६:४ परमेश्वरक घरम: यी पुरान नियमक समयम यहूदीहुँकन्हक प्रयोग करल मन्दिरह जनैठा। यहूदीहुँक्र परमेश्वर यिह ठाउँम रठ कैक विश्वास करँट्। जाक परमेश्वरह चह्राइल रोटी खैल ओ आपनसँग रहुइयन फे खाइक लाग देल, जौन रोटी पूजारीन केल खाइ बन। उ फे त व्यवस्था अनुसार ठीक नैहो।”#६:४ यी बात कैक येशू अनुमान लगाइट कि फरिसीहुँक्र दाऊद रोटी लेल, अप्न खैल ओ आपनसँग रहुइयन फे देक ठीक कर्ल कना बातम सहमत हुहीँ। येशूक सोँचाइ रलहन कि यदि फरिसीहुँक्र येशूक चेलन यी कामक बारेम दोष लगैल कलसे, हुँक्र राजा दाऊद ओ हुँकहार मनैन फे दोष लगैल। तर दाऊद गल्ती कर्ल कना बात बाइबलम लिखल नैहो कैक फरिसीहुँकन थाहाँ रलहन (१ शमूएल २१:१-६)। यदि दाऊदकठे आवश्यक परल ब्याला संस्कार अन्तरगतक नियमह पन्छेइना अधिकार रलहन कलसे, परमेश्वरक र्वाजल व्यक्ति (अर्थात् येशू) ओ उहाँक सङ्घरेन्हकठे फे आवश्यक परल अस्तह अवस्थम बिसैना दिनिक लाग मनैन्हक बनाइल अनावश्यक नियमह पन्छेइना अधिकार रलहन। 5तब येशू हुँकन कल, “मै मनैयक छावा, बिसैना दिनिक फे प्रभु हुइटुँ।”#६:५ बिसैना दिनिक फे प्रभु: जब येशू अप्न “बिसैना दिनिक फे प्रभु” रहल बात बटोइठ, तब उहाँ आपनठे परमेश्वरक बराबर अधिकार रहल बात दाबी करट। याकर मतलब उहाँकठे बिसैना दिन सम्बन्धी नियम कसिक ओ कब लाग कर्ना कना बातक निर्णय कर्ना अधिकार बाटन।
मनैयक सुखल हाँठ चोखैलक
मत्ती १२:९-१४; मर्कूस ३:१-६
6और बिसैना दिनम येशू सभाघरम जाक सिखाइटलह। उहाँ दाहिन हाँठ सुखल मनैया रह। 7शास्त्री ओ फरिसीहुँक्र फे रलह। हुँक्र येशूकम नजर लगैलरलह, ओ यदि येशू ओहीह चोखैहीँ कलसे, उहाँह बिसैना दिनम काम कर्ल कना दोष लगाइ सेक्जाई कनाम रलह।#६:७ फरिसीहुँक्र मनैया बेराम पर्क मुवमुव हुइल् अवस्थम केल बिसैना दिनम उपचार कर पैना एकदम विशेष नियम बनारख्लह। और अवस्थम काम करल मानजाए, ओ परमेश्वरक व्यवस्था अनुसार मनै बिसैना दिनम काम नैकरपरट्। हुँकन्हक हिसाबले, यी अवस्थम, यी दाहिन हाँठ सुखल मनैयक जीवन खतराम नैरह ओ चोखैना काम और दिन सार सेक्जाए। 8येशू हुँकन्हक मनक बात थाहाँ पाक हाँठ सुखल मनैयह कल, “आघ आक ठह्र्याओ।” तब उ मनैया येशूकठे जाक ठह्र्याइल।
9येशू हुँकन कल, “बिसैना दिनम असल कर्ना कि खराब कर्ना, प्राण बचैना कि नाश कर्ना, व्यवस्था अनुसार कौन ठीक हो?”
10येशू सबजन्हकम नजर लगैल, तब हाँठ सुखल मनैयह कल, “टुँहार हाँठ तन्काओ।” ऊ हाँठ तन्काइल, तब वाकर हाँठ चोखागैलस। 11यी देख्क हुँक्र रिसले चूर हुइल, ओ आब येशूह का करपर्ना हो कैक बातचित करलग्ल।
बाह्र जन प्रेरित रोजगैलक
मत्ती १०:१-४; मर्कूस ३:१३-१९
12उ समयम येशू पर्वत्वम जाक रातभर परमेश्वरसे प्रार्थना कर्ल। 13बिहान हुइल् त, उहाँ आपन सब चेलन बलैल ओ हुँक्रहेमसे बाह्रजहन रोज्क हुँकन प्रेरित बनैल। 14उ बाह्र जन हिँक्रहे हुइट:
सिमोन, जेहीह येशू पत्रुस कल,
पत्रुसक भैया अन्द्रियास,
याकूब,
यूहन्ना,
फिलिप,
बारथोलोमाइ,
15मत्ती,
थोमा,
अल्फयसक छावा याकूब,
देशभक्त दलक सिमोन,
16याकूबक छावा यहूदा
ओ यहूदा इस्करियोत, जे पाछ येशूह ध्वाखा देहल।
मनै येशूकठे अइलक
मत्ती ४:२३-२५
17येशू चेलन्हकसँग पर्वत्वमसे ओल्हैटी-ओल्हैटी, सम्म रहल ठाउँम पुग्क ठह्रेइल। उहाँ धेर चेलावँ ओ और मनैन्हक भीड लागलरह। यहूदिया क्षेत्रसे, यरूशलेम सहरसे, ओ समुद्रक किनारम रहल टुरोस ओ सीदोन सहरसे मनै आरलह। 18हुँक्र येशूक शिक्षा सुन ओ रोगमसे चोखाइक लाग आरलह। भूतनसे दुःख पउइयन फे आरलह ओ येशू हुँकन चोखैल। 19सबजन उहाँह छुव खोज्ल, काकरकि उहाँकमसे निक्रल् शक्तिले सबजहन चोखाइटलहन।
आशिषवचन
20तबदोस्र येशू आपन चेलन्हकम नजर लगाक कल,
“टुह्र गरीबहुँक्र आशिष पाइल मनै हुइटो,
काकरकि परमेश्वरक राज्य टुन्हक्के हो।
21टुह्र भुँख्ल रहुइयन आशिष पाइल मनै हुइटो,
काकरकि टुह्र अघैबो।
टुह्र रुइना मनै आशिष पाइल मनै हुइटो,
काकरकि टुह्र हँस्बो।
22जब मै मनैयक छावकम विश्वास कर्लक कारण,
मनै टुँहन हेल्हा करहीँ,
टुँहनसे छुट्ट बैठहीँ,
टुँहन हिस्यैहीँ,
ओ टुँहन दुष्ट मान्क अपमान करहीँ,
तब टुह्र आशिष पाइल मनै हुइटो।#१ पत्र ४:१४
23“जब असिन हुई, तब खुशी होक आनन्दले नचहो, काकरकि टुन्हक लाग स्वर्गम भारी इनाम ढैगिल् बा। ओ टुँहन सँटुइयन्हक पुर्खाओँ फे अगमवक्तन ओस्तहँ कर्लह कैक सम्झहो।”#२ इति ३६:१६; प्रे ७:५२
धिक्कारवचन
24“तर टुह्र धनी मनैन धिक्कार बा!
काकरकि टुह्र आपन सुखचैन पासेक्लो।
25टुह्र अघाइल मनैन धिक्कार बा!
काकरकि टुह्र भुँख्ल रबो।
टुह्र हँसुइयन धिक्कार बा!
काकरकि टुह्र शोक कै-कै रुइबो।
26टुह्र मनैनसे प्रशंसा पउइयन धिक्कार बा!
काकरकि हुँकन्हक पुर्खाओँ फे झूटा अगमवक्तन्हक प्रशंसा कर्लह।
शत्रुन प्रेम कर्ना बारेम
मत्ती ५:३८-४८
27“तर टुह्र ध्यान देक सुनुइयन मै कहटुँ, आपन शत्रुन प्रेम करो, टुँहन हेल्हा करुइयन्हक भलाइ करो, 28टुँहन सराप देहुइयन आशिष देओ, टुँहनसे दुर्व्यवहार करुइयन्हक लाग परमेश्वरसे प्रार्थना करो। 29एक गालम चट्कैना मनैयह, और गाल फे सोझारदेओ। टुँहार कोट चोर्ना मनैयह, झुल्वा फे च्वार देओ। 30टुँहीनसे मङ्ना सबजहन देओ, टुँहार माल लैजुइयनसे फिर्ता जिन माङ्गो। 31और मनै टुँहनसे जसिन व्यवहार करल चहठो, टुह्र फे औरजहनसे ओस्तहँ व्यवहार करो।#मत्ती ७:१२
32“यदि टुह्र टुँहन प्रेम करुइयन केल प्रेम कर्ठो कलसे, टुह्र प्रशंसा पैना का काम कर्लो? पापीहुँक्र फे हुँकन प्रेम करुइयन प्रेम कर्ठ। 33टुन्हक भलाइ करुइयन्हक केल भलाइ कर्ठो कलसे, टुह्र कौन बरा काम कर्लो? ओसिक त पापीहुँक्र फे कर्ठ। 34फिर्ता पैना आशले केल ऋण देठो कलसे, कौन बरा काम कर्लो? तिर सेक्ना पापीहुँकन त पापीहुँक्र फे ऋण देठ। 35बेनसे टुह्र आपन शत्रुन प्रेम करो ओ हुँकन्हक भलाइ करो। फिर्ता पैना आश नैकैक ऋण देओ, त टुह्र बरा इनाम पैबो। टुह्र सर्वोच्च परमेश्वरक सन्तान हुइबो, काकरकि परमेश्वर बैगुनी ओ स्वार्थी मनैन्हक फे भलाइ कर्ठ। 36टुन्हक स्वर्गक परमेश्वर बाबा दयालु रहलअस, टुह्र फे दयालु होओ।
औरजहन दोष लगैना सम्बन्धी
मत्ती ७:१-५
37“आनक गल्ती जिन खोजो, त टुन्हक फे गल्ती नैखोज्जाई। औरजहन दोष जिन लगाओ, त टुँहन फे दोष नैलगाजाई। औरजहन क्षमा करो, त टुँहन फे क्षमा कैजाई। 38औरजहन देबो, त टुँहन फे देजाई। टुँहन झन् खान-खान, हिला-हिला टिस्लहार कैक देजाई।#६:३८ यी खण्डह ग्रीक भाषक स्रोतमसे शाब्दिक रूपले लेलसे “टुन्हक क्वारम खन्ह्याजाइ” कना हुइठा। यहूदीहुँक्र झुहार झुल्वा घालँट्। हुँक्र खासकैक अनाज ब्वाकबेर आपन झुल्वक टर्का खुट्ला उप्पर बाहान्क झ्वालाअस बनाइँट् ओ ओइहेँम अनाज ब्वाकँट्। जौन नापले औरजहन नपबो, उह नाप टुँहन फे लागू हुई।”
39तब येशू हुँकन यी आहान कल, “का आन्धर मनै और आन्धर मनैन डोर्याइसेक्ठ? ओसिक कर्लसे, का हुँक्र सबजन खोल्टीम नैहर्बरैहीँ?#मत्ती १५:१४ 40चेला आपन गुरुसे बर नैरट, तर पूरा शिक्षा पैलसे गुरुअस हुइसेक्ठ।#मत्ती १०:२४-२५; यूह १३:१६; १५:२०
41“आनक आँखिमक किर्किट देखुइया, आपन आँखिमक ठेङ्ग्रा काजे नैदेख्टो? 42आपन आँखिमक ठेङ्ग्रा नैदेखुइया, आपन भैयह, ‘रै भैया, आन मै ट्वार आँखिमक किर्किट झिँकदिउँ’ कैक कसिक कहसेक्ठो? टुह्र कपटी! पैल्ह आपन आँखिमक ठेङ्ग्रा झिँको, तब आपन भैयक आँखिमक किर्किट झिँकबेर छर्लङ्ग देख्बो।”#६:४२ येशूक शिक्षा यिहाँ चेलावँ और जन गल्ती कर्लक्म हुँकन दोषी ठह्रैना बातह रोक नैलगाइट्, तर हुँक्र आनक गल्ती व्यवहारह सुधर्ना कोसिस कर्नासे पैल्ह हुँक्र अपन्हेह जाँच करपर्ठा ओ आपन दोष महसुस करपर्ठा कना बात बुझपर्ठा। असिक हुँक्र, अप्न कबु फे गल्ती नैकर्टजसिन, कपटी हिसाबले नैहोक नम्र तरिकाले औरजहन सुधार करसेक्ठ।
मनै व्यवहारले चिन्मिल्ठ
मत्ती ७:१६-२०; १२:३३-३५
43“असल रूख्वम खराब फारा नैलागट्, खराब रूख्वम फे असल फारा नैलागट्। 44रूख्वा त फारमसे चिन्मिल्ठा। कुई फे काँटक ब्वाँटीमसे अञ्जीर या अङ्गूर नैटुरट्।#मत्ती १२:३३ 45मनै फे अस्त हुइट। असल मनैयक मनमसे असल बोली निक्रठा, काकरकि वाकर मन असल बातले भरल रठस, तर खराब मनैयक मनमसे खराब बोली निक्रठा, काकरकि वाकर मन खराब बातले भरल रठस। मनैन्हक मनम का भरल बाटन कना बात हुँकन्हक बोलीले प्रकट हुइठन।”#मत्ती १२:३४
दुइ किसिमक घर
मत्ती ७:२४-२७
46“म्वार कहल नैमन्टो कलसे, टुह्र काकर महीह ‘प्रभु! प्रभु!’ कठो? 47म्वारठे आक म्वार वचन सुन्ना ओ कहल मन्ना मनैया कसिन खालक हो कैक मै टुँहन कहटुँ: 48ऊ घर बनैना एकठो मनैयाअस हो। ऊ गहिँरसे जग खानल ओ पत्थ्रम जग बैठाक घर बनाइल। जब बाहार आइल् ओ उ घरह धक्का लगाइल, तब फे उ घरह नैढलाइस्याकल, काकरकि वाकर जग बलगरक बनल रलहस। 49तर म्वार वचन सुन्क फे पालन नैकरुइया असिन मनैया हो: ऊ बिनजगक घर बनाइल। जब बाहार आइल् ओ उ घरह धक्का लगाइल, तब उ घर ढल्क भट्याङ्भुटुङ होगैल्।”
Currently Selected:
:
Highlight
Share
Copy
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.