Luku 16
16
Isi Nke Mmisin
Ihiẹn Jesu Gi Odibo Nwọn Akọ Kuzi
1Jizọsị nọzị sị ndị nsọnmazụụn a, “Ọdanfịn ohu nwọn onyẹ e lepụn'a ihiẹn ẹ ẹnya. Ọ nọ nụma nị hụnyẹ rị e ritịta ihiẹn ẹ. 2Ya ọ nọ kpọ a, sị a, ‘Kị wụ ihiẹnni m rị a nụ? Kọwachanrịnnị m k'i dọn rụn, makẹni y'e lepụkọzịnị m ihiẹn m ẹnya.’ 3Hụn e lepụn'a ihiẹn ẹ ẹnya nọ sị enwẹn ẹ, ‘Hụnnị di-nwọnni m jẹnkọ d'a chụ m ọrụn, kị m'e mẹ nwan? Enwọn m ndụn m'e gi rụn ugbo bụ ifẹnrẹn anịkọ m rịọ ụrịọ. 4A marịngụọ m nwan ihiẹn m jẹnkọ d'e mẹ, kẹni, omẹni a chụ wẹ m ọrụn, a hụn m ndị jẹnkọ d'a nabanhan m iwe wẹ.’
5“Ya ọ nọ kpọ ndị gi di-nwọnn'ẹ ụgwọ ohu-ohu. Ọ nọ jụ onyẹ ibuzọ, sị, ‘Ole k'i gi di-nwọnni m?’ 6Ọ nọ za, sị, ‘Galọnụ ofigbọn-olivu ọgụn-isẹn.’ Onyẹ nlepụ-ẹnya ahụn nọ sị a, ‘Lee ẹhụhụọ wẹ gi de ẹ ebeni. Nọdị alị, ẹjijẹi-ẹjijẹi, n'i dehutọ a nị galọnụ iri-kwasị-ọgụnnaị rọ.’ 7Ya ọ nọ jụzị hụn mẹ ẹ ẹbụọ, ‘Ole kẹ yụ nwẹn gi?’ Ọ nọ sị a, ‘Ẹkpa ọka-witi ọgụn-isẹn.’ Onyẹ hụ e lepụn'a ihiẹn ẹnya nọ sị a, ‘Lee ẹhụhụọ wẹ gi de ẹ ebeni, dehutọ a nị ọgụn-ẹnọ rọ.’
8“Ufiri ihiẹnni o mẹ, ọdanfịn hụ nọ ja onyẹ nlepụ-ẹnya hụ furulẹni wẹ gi e dọn ẹnya mma makẹ akọnị o nwọn. Ẹghẹẹ, makẹni ndị ụwanị ka ụmụ ukpẹ akọ e nwọn ebe wẹ lẹ ibe wẹ rị e mẹ ihiẹn.
9“M rị a gwa ị: gi akụ-lẹ-ụba ụwanị han ọwụ, omẹni ọ gụ, kẹni ị hụn onyẹ jẹnkọ d'a nabanhan ị iwe ẹ biri jẹnrin ejẹn.
10“Onyẹ kwọndọn ihiẹn mẹ ẹkẹrẹ ọhụnma k'e kwọndọn hụn hi ogbe ọhụnma; onyẹ kwọndọnlẹni ihiẹn mẹ ẹkẹrẹ ọhụnma ekwọndọnkọ hụn hi ogbe ọhụnma.
11“O mẹ nwan nị y'e kwọndọnni akụ-lẹ-ụba ụwanị ọhụnma, onyẹ k'e ye i ezigbo akụ-lẹ-ụba kwọndọn? 12Y'e dọnmẹni ihiẹn onyẹ ọzọ ọhụnma, onyẹ jẹnkọ d'e ye i nke i?
13“Onwọnni nwata-iwe ịhịan jẹnkọ d'a saẹka fe nna ẹbụọ; o jẹnkọ d'e ze ize ohu, nwọn ihiẹn-ọsụsụọ hụn-ẹbọ mọbụ o wechanrịn enwẹn ẹ ye ohu, lelịa hụn-ẹbọ. Y'a sakọ ẹka fe Osolobuẹ lẹ egho.”
Jesu E Ku Oku Nkpechan Lẹ Ihiẹn Ndị Ọzọ
(Mat 11.12-13; 5.31-32; Mak 10.11-12)
14Ogẹn ndị Itu-Farisi gi nụgụ ihiẹnni ile, wẹ nọ ru Jesu imi, makẹni egho a sụọka wẹ.
15Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.
16“Iwu Mozizi lẹ ihiẹn ndị-amụma de kẹ wẹ gi rụn ọrụn d'e ru ogẹn Jọnụ hụn e mẹ mirin-Chuku gi bidọn ọrụn a. Kete mgbe hụ, wẹ hụ e zi oziọma Alị-eze Osolobuẹ, ịhịan ile hụ a fụfa a banye.
17“Ọ ka nfe nị elu-igwee lẹ ụwa gụ karị nị akpụ ihiẹn ohu rị imẹ Iwu emẹzuni, ọsụọn'a nị ihiẹn kachanrịn ntịn wẹ kaye mkpụrụ-ẹkụkwọ rị imẹ Iwu rọ.
18“Okẹnnyẹ hụn kpechan nwunyẹ ẹ lụma okpoho ọzọ ghẹrẹ aghẹrẹ; okẹnnyẹ hụn lụma okpoho wẹ kpechan ghẹrẹ aghẹrẹ.
Ọdanfịn Hụ Lẹ Lazarọsụ
19“O nwọn ọdanfịn ohu, hụn e kẹn ekikẹn ọdanfịn, e ri kẹ eze ụhụọhịn ile.
20“O nwọnzikwọ okẹnnyẹ ohu ẹfan a wụ Lazarọsụ; ogbẹnnyẹ rọ, ẹtẹ jun ẹ ẹhụ ile. W'e bu Lazarọsụ a tọ ọnụ-mgbọn ọdanfịn hụ ogẹn ile. 21K'ọ rị Lazarọsụ ọ hụndẹ ifunfun dannahịn ọdanfịn hụ ebe ọ nọ e ri ihiẹn-oriri ri. Nkitẹ a bịadẹ d'a rachan ẹtẹ rịsọnmẹ ẹ ẹhụ.
22“Omẹgụ, ogbẹnnyẹ hụ nọ nwụnhụn, ndị mmọn-ozi nọ bu ẹ shi ebe Ebraham rị. Ọdanfịn hụ a nwụnhụnzịkwọ, wẹ nọ li ẹ. 23Ebe ọdanfịn hụ nọ rị a ta afụnfụn imẹ ọkụn mmọn#16.23 Alị-mmọn., ọ nọ weshi ẹnya elu, ọ nọ lecheni Ebraham, lechezini Lazarọsụ ebe ọ nọdịyen'ẹ. 24Ya ọ nọ yi, ‘Nẹdi ẹnyi Ebraham! Mẹ omikẹn m zi Lazarọsụ n'o gi ọnụnụ mkpịnsịn-ẹka a deri mirin tanye m ire kẹni ire jụụ m oyi, makẹni m rị a ta okẹn afụnfụn imẹ ọkụnnị!’
25“Ebraham nọ sị a, ‘Nwa m, nyanhan nị k'ị rị ndụn, ị hụ e nwọnhẹn ihiẹn rị mma, kanị Lazarọsụ hụ e nwọnhẹn ihiẹn ile jọ njọ. Ẹhụ fu ẹ nwan ebeni, yụ nwẹn hụ a ta afụnfụn. 26Wezụkadẹ oku ahụn, o nwọnzighọ oghe shịagbu enwẹn ẹ wẹ dọnmẹ ẹgbata ẹnyi lẹ ụnụ, onyẹ chọ n'ọ bịa ebe ụnụ rị asakọ ẹka, onyẹ rị ebahụn asakọ ẹka bịa ebe ẹnyi rị.’ 27Ọdanfịn hụ nọ sị a, ‘Baba, dodo zi nwan Lazarọsụ iwe nẹdi m — 28makẹni m nwọn umunẹ ikẹnnyẹ isẹn. Ya jẹn d'a gwashi wẹ oku ikẹn makẹ wẹ gha a bịa ebeni afụnfụn rị.’
29“Kanị, Ebraham nọ sị a, ‘E nwọnghọ wẹ Iwu Mozizi lẹ ihiẹn ndị-amụma de; umunẹ i wẹ gọn wẹ ntịn.’ 30Ọdanfịn hụ nọ sị a, ‘Mba nẹdi ẹnyi wụ Ebraham, ọhụn ezuni! Onyẹ gha ọnwụn lihi jẹn d'e kunrun wẹ, wẹ jẹnkọ d'e rogharị.’ 31Kanị, Ebraham nọ sị a, ‘Omẹni egọnni wẹ ntịn Iwu Mozizi lẹ ihiẹn ndị-amụma de, ekwerikọ wẹ — ọsụọkwọn'a nị ịhịan gha ọnwụn lihi d'a gwa wẹ.’ ”
Currently Selected:
Luku 16: ikkBI
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Luku 16
16
Isi Nke Mmisin
Ihiẹn Jesu Gi Odibo Nwọn Akọ Kuzi
1Jizọsị nọzị sị ndị nsọnmazụụn a, “Ọdanfịn ohu nwọn onyẹ e lepụn'a ihiẹn ẹ ẹnya. Ọ nọ nụma nị hụnyẹ rị e ritịta ihiẹn ẹ. 2Ya ọ nọ kpọ a, sị a, ‘Kị wụ ihiẹnni m rị a nụ? Kọwachanrịnnị m k'i dọn rụn, makẹni y'e lepụkọzịnị m ihiẹn m ẹnya.’ 3Hụn e lepụn'a ihiẹn ẹ ẹnya nọ sị enwẹn ẹ, ‘Hụnnị di-nwọnni m jẹnkọ d'a chụ m ọrụn, kị m'e mẹ nwan? Enwọn m ndụn m'e gi rụn ugbo bụ ifẹnrẹn anịkọ m rịọ ụrịọ. 4A marịngụọ m nwan ihiẹn m jẹnkọ d'e mẹ, kẹni, omẹni a chụ wẹ m ọrụn, a hụn m ndị jẹnkọ d'a nabanhan m iwe wẹ.’
5“Ya ọ nọ kpọ ndị gi di-nwọnn'ẹ ụgwọ ohu-ohu. Ọ nọ jụ onyẹ ibuzọ, sị, ‘Ole k'i gi di-nwọnni m?’ 6Ọ nọ za, sị, ‘Galọnụ ofigbọn-olivu ọgụn-isẹn.’ Onyẹ nlepụ-ẹnya ahụn nọ sị a, ‘Lee ẹhụhụọ wẹ gi de ẹ ebeni. Nọdị alị, ẹjijẹi-ẹjijẹi, n'i dehutọ a nị galọnụ iri-kwasị-ọgụnnaị rọ.’ 7Ya ọ nọ jụzị hụn mẹ ẹ ẹbụọ, ‘Ole kẹ yụ nwẹn gi?’ Ọ nọ sị a, ‘Ẹkpa ọka-witi ọgụn-isẹn.’ Onyẹ hụ e lepụn'a ihiẹn ẹnya nọ sị a, ‘Lee ẹhụhụọ wẹ gi de ẹ ebeni, dehutọ a nị ọgụn-ẹnọ rọ.’
8“Ufiri ihiẹnni o mẹ, ọdanfịn hụ nọ ja onyẹ nlepụ-ẹnya hụ furulẹni wẹ gi e dọn ẹnya mma makẹ akọnị o nwọn. Ẹghẹẹ, makẹni ndị ụwanị ka ụmụ ukpẹ akọ e nwọn ebe wẹ lẹ ibe wẹ rị e mẹ ihiẹn.
9“M rị a gwa ị: gi akụ-lẹ-ụba ụwanị han ọwụ, omẹni ọ gụ, kẹni ị hụn onyẹ jẹnkọ d'a nabanhan ị iwe ẹ biri jẹnrin ejẹn.
10“Onyẹ kwọndọn ihiẹn mẹ ẹkẹrẹ ọhụnma k'e kwọndọn hụn hi ogbe ọhụnma; onyẹ kwọndọnlẹni ihiẹn mẹ ẹkẹrẹ ọhụnma ekwọndọnkọ hụn hi ogbe ọhụnma.
11“O mẹ nwan nị y'e kwọndọnni akụ-lẹ-ụba ụwanị ọhụnma, onyẹ k'e ye i ezigbo akụ-lẹ-ụba kwọndọn? 12Y'e dọnmẹni ihiẹn onyẹ ọzọ ọhụnma, onyẹ jẹnkọ d'e ye i nke i?
13“Onwọnni nwata-iwe ịhịan jẹnkọ d'a saẹka fe nna ẹbụọ; o jẹnkọ d'e ze ize ohu, nwọn ihiẹn-ọsụsụọ hụn-ẹbọ mọbụ o wechanrịn enwẹn ẹ ye ohu, lelịa hụn-ẹbọ. Y'a sakọ ẹka fe Osolobuẹ lẹ egho.”
Jesu E Ku Oku Nkpechan Lẹ Ihiẹn Ndị Ọzọ
(Mat 11.12-13; 5.31-32; Mak 10.11-12)
14Ogẹn ndị Itu-Farisi gi nụgụ ihiẹnni ile, wẹ nọ ru Jesu imi, makẹni egho a sụọka wẹ.
15Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.
16“Iwu Mozizi lẹ ihiẹn ndị-amụma de kẹ wẹ gi rụn ọrụn d'e ru ogẹn Jọnụ hụn e mẹ mirin-Chuku gi bidọn ọrụn a. Kete mgbe hụ, wẹ hụ e zi oziọma Alị-eze Osolobuẹ, ịhịan ile hụ a fụfa a banye.
17“Ọ ka nfe nị elu-igwee lẹ ụwa gụ karị nị akpụ ihiẹn ohu rị imẹ Iwu emẹzuni, ọsụọn'a nị ihiẹn kachanrịn ntịn wẹ kaye mkpụrụ-ẹkụkwọ rị imẹ Iwu rọ.
18“Okẹnnyẹ hụn kpechan nwunyẹ ẹ lụma okpoho ọzọ ghẹrẹ aghẹrẹ; okẹnnyẹ hụn lụma okpoho wẹ kpechan ghẹrẹ aghẹrẹ.
Ọdanfịn Hụ Lẹ Lazarọsụ
19“O nwọn ọdanfịn ohu, hụn e kẹn ekikẹn ọdanfịn, e ri kẹ eze ụhụọhịn ile.
20“O nwọnzikwọ okẹnnyẹ ohu ẹfan a wụ Lazarọsụ; ogbẹnnyẹ rọ, ẹtẹ jun ẹ ẹhụ ile. W'e bu Lazarọsụ a tọ ọnụ-mgbọn ọdanfịn hụ ogẹn ile. 21K'ọ rị Lazarọsụ ọ hụndẹ ifunfun dannahịn ọdanfịn hụ ebe ọ nọ e ri ihiẹn-oriri ri. Nkitẹ a bịadẹ d'a rachan ẹtẹ rịsọnmẹ ẹ ẹhụ.
22“Omẹgụ, ogbẹnnyẹ hụ nọ nwụnhụn, ndị mmọn-ozi nọ bu ẹ shi ebe Ebraham rị. Ọdanfịn hụ a nwụnhụnzịkwọ, wẹ nọ li ẹ. 23Ebe ọdanfịn hụ nọ rị a ta afụnfụn imẹ ọkụn mmọn#16.23 Alị-mmọn., ọ nọ weshi ẹnya elu, ọ nọ lecheni Ebraham, lechezini Lazarọsụ ebe ọ nọdịyen'ẹ. 24Ya ọ nọ yi, ‘Nẹdi ẹnyi Ebraham! Mẹ omikẹn m zi Lazarọsụ n'o gi ọnụnụ mkpịnsịn-ẹka a deri mirin tanye m ire kẹni ire jụụ m oyi, makẹni m rị a ta okẹn afụnfụn imẹ ọkụnnị!’
25“Ebraham nọ sị a, ‘Nwa m, nyanhan nị k'ị rị ndụn, ị hụ e nwọnhẹn ihiẹn rị mma, kanị Lazarọsụ hụ e nwọnhẹn ihiẹn ile jọ njọ. Ẹhụ fu ẹ nwan ebeni, yụ nwẹn hụ a ta afụnfụn. 26Wezụkadẹ oku ahụn, o nwọnzighọ oghe shịagbu enwẹn ẹ wẹ dọnmẹ ẹgbata ẹnyi lẹ ụnụ, onyẹ chọ n'ọ bịa ebe ụnụ rị asakọ ẹka, onyẹ rị ebahụn asakọ ẹka bịa ebe ẹnyi rị.’ 27Ọdanfịn hụ nọ sị a, ‘Baba, dodo zi nwan Lazarọsụ iwe nẹdi m — 28makẹni m nwọn umunẹ ikẹnnyẹ isẹn. Ya jẹn d'a gwashi wẹ oku ikẹn makẹ wẹ gha a bịa ebeni afụnfụn rị.’
29“Kanị, Ebraham nọ sị a, ‘E nwọnghọ wẹ Iwu Mozizi lẹ ihiẹn ndị-amụma de; umunẹ i wẹ gọn wẹ ntịn.’ 30Ọdanfịn hụ nọ sị a, ‘Mba nẹdi ẹnyi wụ Ebraham, ọhụn ezuni! Onyẹ gha ọnwụn lihi jẹn d'e kunrun wẹ, wẹ jẹnkọ d'e rogharị.’ 31Kanị, Ebraham nọ sị a, ‘Omẹni egọnni wẹ ntịn Iwu Mozizi lẹ ihiẹn ndị-amụma de, ekwerikọ wẹ — ọsụọkwọn'a nị ịhịan gha ọnwụn lihi d'a gwa wẹ.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.