थु़र्मा 13
13
पावल नुङ बारनाबास थुट्मिडिमा थु़र्मिडिम
1एन्टिओखियाडाम मण्डलीडा कोङनिम माम्चु़नीलाम-जेपामिम नुङ सीपा मु़चु़मिम बाम्डी। मेर्मिम, बारनाबास, केकेम र्वाक्मा शिमियोन, कुरेनीडाम लुकियस, हेरोद हपकु#१३:१ येशू बाम्डिलोम हप इसा पूर्व ४ ईस्वी सम्वत ३९। ल्वाक बनेबेम्डिमा डु़ल्मिडिम मनेन नुङ शाऊल बाम्डी। 2कोलेम मेर्मिमका उपास बासाका माम्चु़नीकु सो़रलोले बेत्तोङा बेम्डिलो, माम्चु़नी-पेलका मेर्मिमनुङ र्वाम्डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्वाक्निची।” 3मेम्मा उपास बासाका सो़म्दी बेम्डिम चङडा मेर्मिमका उनी ल्वा मेर्चिपडला जु़ल्तो माम्चु़नीकु ल्वाड्डा ग्वाम्डिमा थु़र्मिडिची।
पावल नुङ बारनाबासका साइप्रस टापुडा जो़पा-सेला थो़बेट्चिम
4बारनाबास नुङ शाऊल माम्चु़नी-पेलका थु़र्मिडिमका सिलुकिया शहरयु़ लक्ची। मेकोतिमा मेलामका डोक्पु कुबी-बोक्साडा हुच्चिमा साइप्रस टापुथो़ लक्ची। 5मेर्चिप सलामिस शहरडा रोक्फाट्चिमा मेसिन्डाम यहूदीमिमकु घ्रो़म्दीनेमबाडे माम्चु़नीकु दुथाममिम जो़पा-सेला थो़बेट्चिमी। मेर्चिपकु खारी बोमु ख्लो़पा मर्कूस र्वाक्मा यूहन्ना वो मेर्चिपनुङ बाइडा।
6मेर्मिम खोत्ले टापुथो़ खिर्सिक्तो पाफोस शहरडा रोम्फाम्डी। मेसिन्डा बार-येशू नङकाम जादु रेम्बेपा कोङ यहूदी मु़चु़ डार्मिडी। मेराम माम्चु़नीलाम-जेपा लिसिक्पा बाइडा। 7मेराम जादु रेम्बेपा साइप्रसडाम डोक्पु साखामचो़ सर्गियस पौलुसनुङ बाइथाल्ला। सर्गियस पौलुस जो़पा नेप्चीनुङमा बाइडा। गुका शाऊल नुङ बारनाबास येसाका माम्चु़नीकु सिजेम थो़मु न बु़डु़। 8लावो एलुमास र्वाक्मा जादु रेम्बेपा बार-येशू मेर्चिपकु कोर्थो़लाम बक्ता। गुका मे साखामचो़लाई माम्चु़नीडा थो़र लु़मेबेन्मु माल्लु़म बाइडा। 9लावो पावल र्वाकिमिम शाऊल माम्चु़नी-पेलका लु़न्स्ता, मा एलुमासथो़ रेप्डु़म-रेप्डु़म ङा बु़डु़। 10मेम्मा र्वाक्ता, “गाना मुनाङकु चो़, जो़पा ल्वामिम खोत्लेकु स्वाक्चिमो, खोत्ले मेजो़पा खारी बेपा नुङ छो़म लिमाचो़ बुना। हाम गाना माम्चु़नीकु जो़पा लाम्दी फाल्मु हेल्लो वो मेडिना? 11रेप्डा, माम्चु़नीका देन्दे ग्वामु लागि उनी ल्वा गानाडला जु़ल्मिडिम बु, मा गाना घरिकोङ नेप्सुङकु ओल मेल्वाना, मा मिक्सीका वो मेल्वापा दु़म्ना।”
मेकोतिलोङा खासे नुङ तुकुम्चिम होप्माम उमा मिक्सीडा गन्डामा उ मिक्सीका मेल्वापा दु़स्ता। मेम्मा कोङनिमका ल्वाडा झेन्ङिमिमा क्रिङिमी डे र्वाक्साका मेराम होनो-आथो़ लाम्दिम्बाल्मु चो़म्डु़। 12मेसिन्डा हाम दु़स्ताम मेराम ल्वास्तु़मा मे साखामचो़का येशूडा थो़र बु़डु़, हेङालोने माम्चु़नीकु सीसिडा गु छो़म ङाङाया दु़स्ताम बाइडा।
पिसिदियाकु एन्टिओखिया शहरडा पावलका जो़पा-सेला थो़बेड्डु़मिम
13पावल नुङ उ ङोप्सो़मिम पाफोस शहरलामका डोक्पु कुबी-बोक्साडा हुम्डिमा पामफिलियाकु पर्गा शहरडा रोम्डी। मेकोतिमा मर्कूस र्वाक्मा यूहन्नाका मेर्मिमलाई पार्जो़ल्लु़मिमा गु यरूशलेमथो़ ख्लोस्ता। 14पावल नुङ बारनाबास ने पर्गा शहरलामका लुक्चिमा पिसिदियाकु एन्टिओखिया शहरडा रोक्ची। मेम्मा ङेम्सिमुनेम घ्रो़म्दीनेमगोनो सो़रलोले बोमु लागि लक्चिमा बाच्ची। 15मोशाकु डु़म्ला नुङ माम्चु़नीलाम-जेपामिमकु खाजेम डाट्मिडिम चङडा घ्रो़म्दीनेमडाम डोक्पु ङाउमिमका मेर्चिपकाडा आरे र्वाक्पा सेला थु़र्मिडी, “छारीची, गाचीनुङ मु़चु़मिमकाम सो हन्बेट्पा कोङनिम सिजेम बु माला जेची।”
16मेकोतिमा पावल येम्स्तामा उ ल्वा थो़त्तो र्वाक्ता, “ए इस्राएलडाम मु़चु़ नुङ माम्चु़नीकु ङिम जु़ल्पानी, थो़नी, 17इस्राएलीमिमकु माम्चु़नीका इकी ङाउ-खुउमिमलाई छेट्मिडी, मा मिश्र नेब्दीडा बाम्डिलो मेर्मिमलाई छो़म डोक्पु सामा बनेबेम्डी। माम्चु़नीका उनी त्वाकु यु़म मेर्मिमलाई रेम्बेसाका मिश्र नेब्दीलामका ख्लुम्डिमी।#प्रस १:७; १२:५१ 18ब्ल धु़म (४०) थसम्म इस्राएलीमिमका माम्चु़नीका र्वाम्डिम मेथो़मिवा, लोवो माम्चु़नीका मेर्मिमकु खारी इम्तो रेप्मिडी।#गन्ती १४:३४; व्य १:३१ 19कनान नेब्दीडाम माम्चु़नीका येतले सामामिमलाई सेट्मिडी, मा मेराम नेब्दी उनी त्वाकु मु़चु़मिमलाई ग्वाम्डी।#व्य ७:१
20“ओर्मिम खोत्ले ब्लसङ ङोधु़म (४५०) थ कोति दु़स्ता। मेकोतिमा माम्चु़नीका मेर्मिमलाई माम्चु़नीलाम-जेपा शमूएलकु साम बाइडामसम्म नियाबेपा मु़चु़मिम ग्वाम्डिमी।#न्याय २:१६; १ शमू ३:२० 21मेर्मिमका हप बिम्डिमा माम्चु़नीका बेन्यामिन दोचो़लाममिम कीशकु तारापाचो़ शाऊललाई ब्ल धु़म (४०) थ मेर्मिमडला साखाम थो़मु ग्वाम्डी। 22शाऊललाई माम्चु़नीका हपलामका ख्लुम्डिम चङडा मेर्मिमकु हप दाऊद बनेम्डी। माम्चु़नीका दाऊदकु दुथाम आरे र्वाम्डी, ‘यिशैकु चो़ दाऊद आमा न होप्माम मु़चु़ डार्तोम बु, मेरामका गो र्वाङुमिम होप्माम खोत्ले खारी बु़।’#१ शमू १३:१४; १६:१२; भज ८९:२०
23“माम्चु़नीका ङादो र्वाम्डिम होम्साका दाऊदकु चो़-चु़सु़मिमलामका इस्राएलीमिमलाई सेल्पा येशू रेट्मिडी। 24येशू रोमु ङादो यूहन्नाका खोत्ले इस्राएलीमिमलाई ‘इनी छु़ललामका ख्लोन्सिट्नी, मा कु-रु़दु़म रनी’ बु़डु़मिम बाइडा।#मर्क १:४; लूक ३:३ 25यूहन्नाका उ खारी बोमु दु़म्मु खाप्स्तु़लो आरे र्वाक्ताम बाइडा, ‘गानी गोलाई सु़ र्वाक्पा मिम्नी? गो ने गानी लन्थानिमिम मु़चु़ मेएँ, लावो आमा चङडा कोले रोमी, मा उनीमा ने खेलयु़म सो़लो़प प्लु़मु वो मेघ्रेन्ङी।’#मत्ती ३:११; लूक ३:१६; यूह १:२०,२७
26“ए अब्राहामकु चो़-चु़सु़ नुङ माम्चु़नीकु ङिम जु़ल्पा वाङसामा वा-ल्वाकनी, माम्चु़नीका ओराम सेल्पा-सेला इकीमा लागि ङा थु़र्मीडिम बु। 27लावो यरूशलेमडा बाट्पा मु़चु़मिम नुङ उनी साखामचो़मिमका येशू सेल्पा बुमी र्वाक्साका मेछेमिवा। माम्चु़नीलाम-जेपामिमकु सिजेम ङेम्सिमु-ङेम्सिमुनेम हेल्लो लोवो डान्थाल्मिडी, लावो थेसिमेथेट्मिवा। येशूलाई मेर्मिमका देन्दे ग्वाक्साका मे माम्चु़नीकु सिजेमडा र्याक्मा होङङा रेन्थिम्डी। 28येशू सेन्मु बासिट्पा ल्वा मेर्मिमका हाम वो मेडार्मिवा, लावो गुमीलाई सेन्मु ङा बासी र्वाक्साका पिलातसनुङ र्वाम्डिम-र्वाम्डिम बेम्डी।#मत्ती २७:२२-२३; मर्क १५:१३-१४; लूक २३:२१-२३; यूह १९:१५ 29माम्चु़नीकु सिजेमडा येशूकु दुथाम र्याक्मा होम्साका ङा मेर्मिमका खोत्ले खारी बेम्डी। मेकोतिमा गुमीलाई क्रूसलामका थाट्मिडी, मा सु़लु़मगोनो क्लु़म्मिडी।#मत्ती २७:५७-६१; मर्क १५:४२-४७; लूक २३:५०-५६; यूह १९:३८-४२ 30लावो माम्चु़नीका गुमीलाई सिमुलामका फम्डी। 31मेकोतिमा गालीललामका यरूशलेमसम्म येशूनुङ कोयोङा लाम्दिपामिमनुङ हापा खेप गुमी रेम्बेम्सिम्डी। ओम्लो वो येशूकु दुथाम सो़पा मेर्मिम मु़चु़मिम इस्राएलीमिमगोडा बुमी।#थु़र्मा १:३
32“माम्चु़नीका इकी ङाउ-खुउमिमनुङ ङादो र्वाम्डिम जो़पा-सेलाकु दुथाम गुचुकु आथा गानीनुङ सो़चुकु। 33माम्चु़नीका येशू सिमुलामका फक्साका ङादो र्वाम्डिम ल्वा ओम्लो गुइ उनी चो़-चु़सु़मिमकाडा रेन्थिम्डिम बु। ओरामकु दुथाम गुइ कोमु काम्सोमिमकु खाजेम ननोमडा डार्सी:
‘गाना आमा तारापाचो़,
आनेप गो इमा पाप दु़म्ङोडोम बु।’#भज २:७
34मेकोतिमा येशूलाई आथा ने हाम्सी वो सिमु मेबासिक्पा बेसाका फमी र्वाक्पा ल्वाकु दुथाम माम्चु़नीका आरे र्वाम्डिम बु:
‘दाऊदलाई ङादो ग्वानी र्वाङडोम
हेल्लो वो मेदाम्पा जि गो गानीगोडा थु़रु।’#यशै ५५:३
35वाङमी कोमु काम्सोकु खाजेमडा वो आरेसाका र्वाक्मा बु: ‘गानी इनीमा नङका साट्माकु मिरो़म झिम्मु मेग्वानी।’#भज १६:१०
36“दाऊदकु साम बाइडामसम्म गुका माम्चु़नीकु न होम्साका खारीमिम बु़डु़। मेकोतिमा गु सिडा, मा उ ङाउ-खुउमिमकु सु़लु़मगोनो क्लु़म्मिडी, मा दाऊदकु रो़म झिप्स्ता। 37लावो माम्चु़नीका येशूलाई सिमुलामका फम्डी, मा उनी मिरो़म ने मेझिप्सावा।
38“मेम्मिमका वा-ल्वाकनी, येशूका छु़ल हेम्मी र्वाक्साका गानीलाई सो़म्मा ल्वा चनी र्वाक्पा आमा न बु। 39मोशाकु डु़म्लाका खोत्ले इनीमा छु़ल सेल्मु मेचाप्सु़वा, लावो येशूडा थो़रलु़पा खोत्ले सेल्सिट्निम बु। 40मेम्मिमका गानी चङचङया बानी! मेएँ माला ने माम्चु़नीलाम-जेपामिमकु खाजेमडा र्याक्मा ओर्मिम ल्वा गानीडला रोमी सो़:
41‘ए डक्साका जेपा मु़चु़नी, रेप्नी,
ङाङाया दु़म्निमा पुयु़ लुक्नी,
हेङालोने इनी मिरो़मडा कोलेम कोले खारी बोमु खापुमिम बु,
मेरामकु दुथाम कोङनिमका सो़यु़ ङा लोवो गानी हेल्लो वो थो़र मेलु़नी’।”#हब १:५; यशै २९:१४
42पावल नुङ बारनाबास मे घ्रो़म्दीनेमलामका लुक्चिमा लमु खाप्चिलो रोक्पा ङेम्सिमुनेम वो ओर्मिम ल्वा थो़बेट्किनी र्वाक्साका मु़चु़मिमका मेर्चिपनुङ र्वाम्डिम-र्वाम्डिम ङा बेम्डी। 43माम्चु़नीकु सो़रलोले बेम्डिम चङडा हापा यहूदीमिम नुङ यहूदी दु़म्पा माम्चु़नीकु ङिम जु़ल्पा वाङसामामिम पावल नुङ बारनाबासकु चङचङ लाम्दिम्डी। मेकोतिमा मेर्चिपका मेर्मिमनुङ ल्वा बेत्तो मेर्मिमलाई माम्चु़नीकु दिदामडा बानी र्वाक्साका सो हन्बेसाच्चिमी।#१३:४३ माम्चु़नीकु सो़रलोले बेपा वाङसामामिम
44मेरामकु रोक्पा ङेम्सिमुनेम खोत्ले शहरडाम र्वाप्डा खोत्लेङा मु़चु़मिम माम्चु़नीकु सिजेम थो़प्डा रोम्डी। 45सेर्पा मु़चु़मिम ल्वाम्डिलो यहूदीमिम उनी नाचु़रका सिम्ल्याम्डी। मेकोतिमा मेर्मिम पावलकु कोर्थो़लाम बम्डी, मा गुलाई डक्साका जेम्डी।
46पावल नुङ बारनाबासका मेङिसाका र्वाक्ची, “माम्चु़नीकु सिजेम ङादो गानीलाई ङा थो़बेन्मु बासिक्पा बाइडा, लावो गानी मेद्वानिवा, मा इनी त्वाप ङा हेल्लो वो मेसिपा त्वारो़म ल्वामु मेघ्रेट्पा दु़म्नी। मेम्मिमका आथा ने गुचुकु वाङसामामिमकाडा लचुकु।
47हेङालोने ङाचो़का गुचुकुनुङ आरे र्वाम्डिम बु:
‘गो गानालाई वाङसामामिमकाम लागि ओल होप्माम दु़म्बेट्निम बु।
सुबुडाम खोत्ले मु़चु़लाई सेल्मु गाना माम्चु़नीलाम यु़म ल्वाना’।”#यशै ४२:६; ४९:६
48वाङसामामिमका ओराम ल्वा थो़म्डिमा छो़म गेर्सिम्डी, मा माम्चु़नीकु सिजेमकाम लागि आलासो़ ग्वाम्डी। मेकोतिमा हेल्लो वो मेसिपा त्वारो़म ल्वामु र्वाक्साका छेट्मिडिम खोत्ले मु़चु़का थो़र लु़म्डी।
49माम्चु़नीकु सिजेम खोत्ले पिसिदियाकु एन्टिओखियाबाडे फोन्सिड्डा। 50लावो यहूदीमिमका माम्चु़नीकु सो़रलोले बेपा डोक्पु नङ धोपा मेसेममिम नुङ शहरडाम डोक्पु ङाउमिमलाई कोम्डिमा पावल नुङ बारनाबासकु कोर्थो़लाम फम्डी। मेम्मा पावल नुङ बारनाबासलाई मेर्मिमका मेराम शहरलामका कोल्सोम्डिची। 51मेम्मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्ची,#१३:५१ माम्चु़नीका मेद्वामी मा दिफु देन्दे ग्वामी र्वाक्पा रेम्बोमु छेखोप। मा आइकोनियन शहरथो़ लक्ची।#मत्ती १०:१४; मर्क ६:११; लूक ९:५; १०:११ 52मेकोतिमा एटिन्ओखियाडाम खोत्ले थो़रलु़पामिम छो़म गेर्सिम्डी, मा माम्चु़नी-पेलका लु़न्सिम्डी।
Currently Selected:
थु़र्मा 13: THUL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
थु़र्मा 13
13
पावल नुङ बारनाबास थुट्मिडिमा थु़र्मिडिम
1एन्टिओखियाडाम मण्डलीडा कोङनिम माम्चु़नीलाम-जेपामिम नुङ सीपा मु़चु़मिम बाम्डी। मेर्मिम, बारनाबास, केकेम र्वाक्मा शिमियोन, कुरेनीडाम लुकियस, हेरोद हपकु#१३:१ येशू बाम्डिलोम हप इसा पूर्व ४ ईस्वी सम्वत ३९। ल्वाक बनेबेम्डिमा डु़ल्मिडिम मनेन नुङ शाऊल बाम्डी। 2कोलेम मेर्मिमका उपास बासाका माम्चु़नीकु सो़रलोले बेत्तोङा बेम्डिलो, माम्चु़नी-पेलका मेर्मिमनुङ र्वाम्डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्वाक्निची।” 3मेम्मा उपास बासाका सो़म्दी बेम्डिम चङडा मेर्मिमका उनी ल्वा मेर्चिपडला जु़ल्तो माम्चु़नीकु ल्वाड्डा ग्वाम्डिमा थु़र्मिडिची।
पावल नुङ बारनाबासका साइप्रस टापुडा जो़पा-सेला थो़बेट्चिम
4बारनाबास नुङ शाऊल माम्चु़नी-पेलका थु़र्मिडिमका सिलुकिया शहरयु़ लक्ची। मेकोतिमा मेलामका डोक्पु कुबी-बोक्साडा हुच्चिमा साइप्रस टापुथो़ लक्ची। 5मेर्चिप सलामिस शहरडा रोक्फाट्चिमा मेसिन्डाम यहूदीमिमकु घ्रो़म्दीनेमबाडे माम्चु़नीकु दुथाममिम जो़पा-सेला थो़बेट्चिमी। मेर्चिपकु खारी बोमु ख्लो़पा मर्कूस र्वाक्मा यूहन्ना वो मेर्चिपनुङ बाइडा।
6मेर्मिम खोत्ले टापुथो़ खिर्सिक्तो पाफोस शहरडा रोम्फाम्डी। मेसिन्डा बार-येशू नङकाम जादु रेम्बेपा कोङ यहूदी मु़चु़ डार्मिडी। मेराम माम्चु़नीलाम-जेपा लिसिक्पा बाइडा। 7मेराम जादु रेम्बेपा साइप्रसडाम डोक्पु साखामचो़ सर्गियस पौलुसनुङ बाइथाल्ला। सर्गियस पौलुस जो़पा नेप्चीनुङमा बाइडा। गुका शाऊल नुङ बारनाबास येसाका माम्चु़नीकु सिजेम थो़मु न बु़डु़। 8लावो एलुमास र्वाक्मा जादु रेम्बेपा बार-येशू मेर्चिपकु कोर्थो़लाम बक्ता। गुका मे साखामचो़लाई माम्चु़नीडा थो़र लु़मेबेन्मु माल्लु़म बाइडा। 9लावो पावल र्वाकिमिम शाऊल माम्चु़नी-पेलका लु़न्स्ता, मा एलुमासथो़ रेप्डु़म-रेप्डु़म ङा बु़डु़। 10मेम्मा र्वाक्ता, “गाना मुनाङकु चो़, जो़पा ल्वामिम खोत्लेकु स्वाक्चिमो, खोत्ले मेजो़पा खारी बेपा नुङ छो़म लिमाचो़ बुना। हाम गाना माम्चु़नीकु जो़पा लाम्दी फाल्मु हेल्लो वो मेडिना? 11रेप्डा, माम्चु़नीका देन्दे ग्वामु लागि उनी ल्वा गानाडला जु़ल्मिडिम बु, मा गाना घरिकोङ नेप्सुङकु ओल मेल्वाना, मा मिक्सीका वो मेल्वापा दु़म्ना।”
मेकोतिलोङा खासे नुङ तुकुम्चिम होप्माम उमा मिक्सीडा गन्डामा उ मिक्सीका मेल्वापा दु़स्ता। मेम्मा कोङनिमका ल्वाडा झेन्ङिमिमा क्रिङिमी डे र्वाक्साका मेराम होनो-आथो़ लाम्दिम्बाल्मु चो़म्डु़। 12मेसिन्डा हाम दु़स्ताम मेराम ल्वास्तु़मा मे साखामचो़का येशूडा थो़र बु़डु़, हेङालोने माम्चु़नीकु सीसिडा गु छो़म ङाङाया दु़स्ताम बाइडा।
पिसिदियाकु एन्टिओखिया शहरडा पावलका जो़पा-सेला थो़बेड्डु़मिम
13पावल नुङ उ ङोप्सो़मिम पाफोस शहरलामका डोक्पु कुबी-बोक्साडा हुम्डिमा पामफिलियाकु पर्गा शहरडा रोम्डी। मेकोतिमा मर्कूस र्वाक्मा यूहन्नाका मेर्मिमलाई पार्जो़ल्लु़मिमा गु यरूशलेमथो़ ख्लोस्ता। 14पावल नुङ बारनाबास ने पर्गा शहरलामका लुक्चिमा पिसिदियाकु एन्टिओखिया शहरडा रोक्ची। मेम्मा ङेम्सिमुनेम घ्रो़म्दीनेमगोनो सो़रलोले बोमु लागि लक्चिमा बाच्ची। 15मोशाकु डु़म्ला नुङ माम्चु़नीलाम-जेपामिमकु खाजेम डाट्मिडिम चङडा घ्रो़म्दीनेमडाम डोक्पु ङाउमिमका मेर्चिपकाडा आरे र्वाक्पा सेला थु़र्मिडी, “छारीची, गाचीनुङ मु़चु़मिमकाम सो हन्बेट्पा कोङनिम सिजेम बु माला जेची।”
16मेकोतिमा पावल येम्स्तामा उ ल्वा थो़त्तो र्वाक्ता, “ए इस्राएलडाम मु़चु़ नुङ माम्चु़नीकु ङिम जु़ल्पानी, थो़नी, 17इस्राएलीमिमकु माम्चु़नीका इकी ङाउ-खुउमिमलाई छेट्मिडी, मा मिश्र नेब्दीडा बाम्डिलो मेर्मिमलाई छो़म डोक्पु सामा बनेबेम्डी। माम्चु़नीका उनी त्वाकु यु़म मेर्मिमलाई रेम्बेसाका मिश्र नेब्दीलामका ख्लुम्डिमी।#प्रस १:७; १२:५१ 18ब्ल धु़म (४०) थसम्म इस्राएलीमिमका माम्चु़नीका र्वाम्डिम मेथो़मिवा, लोवो माम्चु़नीका मेर्मिमकु खारी इम्तो रेप्मिडी।#गन्ती १४:३४; व्य १:३१ 19कनान नेब्दीडाम माम्चु़नीका येतले सामामिमलाई सेट्मिडी, मा मेराम नेब्दी उनी त्वाकु मु़चु़मिमलाई ग्वाम्डी।#व्य ७:१
20“ओर्मिम खोत्ले ब्लसङ ङोधु़म (४५०) थ कोति दु़स्ता। मेकोतिमा माम्चु़नीका मेर्मिमलाई माम्चु़नीलाम-जेपा शमूएलकु साम बाइडामसम्म नियाबेपा मु़चु़मिम ग्वाम्डिमी।#न्याय २:१६; १ शमू ३:२० 21मेर्मिमका हप बिम्डिमा माम्चु़नीका बेन्यामिन दोचो़लाममिम कीशकु तारापाचो़ शाऊललाई ब्ल धु़म (४०) थ मेर्मिमडला साखाम थो़मु ग्वाम्डी। 22शाऊललाई माम्चु़नीका हपलामका ख्लुम्डिम चङडा मेर्मिमकु हप दाऊद बनेम्डी। माम्चु़नीका दाऊदकु दुथाम आरे र्वाम्डी, ‘यिशैकु चो़ दाऊद आमा न होप्माम मु़चु़ डार्तोम बु, मेरामका गो र्वाङुमिम होप्माम खोत्ले खारी बु़।’#१ शमू १३:१४; १६:१२; भज ८९:२०
23“माम्चु़नीका ङादो र्वाम्डिम होम्साका दाऊदकु चो़-चु़सु़मिमलामका इस्राएलीमिमलाई सेल्पा येशू रेट्मिडी। 24येशू रोमु ङादो यूहन्नाका खोत्ले इस्राएलीमिमलाई ‘इनी छु़ललामका ख्लोन्सिट्नी, मा कु-रु़दु़म रनी’ बु़डु़मिम बाइडा।#मर्क १:४; लूक ३:३ 25यूहन्नाका उ खारी बोमु दु़म्मु खाप्स्तु़लो आरे र्वाक्ताम बाइडा, ‘गानी गोलाई सु़ र्वाक्पा मिम्नी? गो ने गानी लन्थानिमिम मु़चु़ मेएँ, लावो आमा चङडा कोले रोमी, मा उनीमा ने खेलयु़म सो़लो़प प्लु़मु वो मेघ्रेन्ङी।’#मत्ती ३:११; लूक ३:१६; यूह १:२०,२७
26“ए अब्राहामकु चो़-चु़सु़ नुङ माम्चु़नीकु ङिम जु़ल्पा वाङसामा वा-ल्वाकनी, माम्चु़नीका ओराम सेल्पा-सेला इकीमा लागि ङा थु़र्मीडिम बु। 27लावो यरूशलेमडा बाट्पा मु़चु़मिम नुङ उनी साखामचो़मिमका येशू सेल्पा बुमी र्वाक्साका मेछेमिवा। माम्चु़नीलाम-जेपामिमकु सिजेम ङेम्सिमु-ङेम्सिमुनेम हेल्लो लोवो डान्थाल्मिडी, लावो थेसिमेथेट्मिवा। येशूलाई मेर्मिमका देन्दे ग्वाक्साका मे माम्चु़नीकु सिजेमडा र्याक्मा होङङा रेन्थिम्डी। 28येशू सेन्मु बासिट्पा ल्वा मेर्मिमका हाम वो मेडार्मिवा, लावो गुमीलाई सेन्मु ङा बासी र्वाक्साका पिलातसनुङ र्वाम्डिम-र्वाम्डिम बेम्डी।#मत्ती २७:२२-२३; मर्क १५:१३-१४; लूक २३:२१-२३; यूह १९:१५ 29माम्चु़नीकु सिजेमडा येशूकु दुथाम र्याक्मा होम्साका ङा मेर्मिमका खोत्ले खारी बेम्डी। मेकोतिमा गुमीलाई क्रूसलामका थाट्मिडी, मा सु़लु़मगोनो क्लु़म्मिडी।#मत्ती २७:५७-६१; मर्क १५:४२-४७; लूक २३:५०-५६; यूह १९:३८-४२ 30लावो माम्चु़नीका गुमीलाई सिमुलामका फम्डी। 31मेकोतिमा गालीललामका यरूशलेमसम्म येशूनुङ कोयोङा लाम्दिपामिमनुङ हापा खेप गुमी रेम्बेम्सिम्डी। ओम्लो वो येशूकु दुथाम सो़पा मेर्मिम मु़चु़मिम इस्राएलीमिमगोडा बुमी।#थु़र्मा १:३
32“माम्चु़नीका इकी ङाउ-खुउमिमनुङ ङादो र्वाम्डिम जो़पा-सेलाकु दुथाम गुचुकु आथा गानीनुङ सो़चुकु। 33माम्चु़नीका येशू सिमुलामका फक्साका ङादो र्वाम्डिम ल्वा ओम्लो गुइ उनी चो़-चु़सु़मिमकाडा रेन्थिम्डिम बु। ओरामकु दुथाम गुइ कोमु काम्सोमिमकु खाजेम ननोमडा डार्सी:
‘गाना आमा तारापाचो़,
आनेप गो इमा पाप दु़म्ङोडोम बु।’#भज २:७
34मेकोतिमा येशूलाई आथा ने हाम्सी वो सिमु मेबासिक्पा बेसाका फमी र्वाक्पा ल्वाकु दुथाम माम्चु़नीका आरे र्वाम्डिम बु:
‘दाऊदलाई ङादो ग्वानी र्वाङडोम
हेल्लो वो मेदाम्पा जि गो गानीगोडा थु़रु।’#यशै ५५:३
35वाङमी कोमु काम्सोकु खाजेमडा वो आरेसाका र्वाक्मा बु: ‘गानी इनीमा नङका साट्माकु मिरो़म झिम्मु मेग्वानी।’#भज १६:१०
36“दाऊदकु साम बाइडामसम्म गुका माम्चु़नीकु न होम्साका खारीमिम बु़डु़। मेकोतिमा गु सिडा, मा उ ङाउ-खुउमिमकु सु़लु़मगोनो क्लु़म्मिडी, मा दाऊदकु रो़म झिप्स्ता। 37लावो माम्चु़नीका येशूलाई सिमुलामका फम्डी, मा उनी मिरो़म ने मेझिप्सावा।
38“मेम्मिमका वा-ल्वाकनी, येशूका छु़ल हेम्मी र्वाक्साका गानीलाई सो़म्मा ल्वा चनी र्वाक्पा आमा न बु। 39मोशाकु डु़म्लाका खोत्ले इनीमा छु़ल सेल्मु मेचाप्सु़वा, लावो येशूडा थो़रलु़पा खोत्ले सेल्सिट्निम बु। 40मेम्मिमका गानी चङचङया बानी! मेएँ माला ने माम्चु़नीलाम-जेपामिमकु खाजेमडा र्याक्मा ओर्मिम ल्वा गानीडला रोमी सो़:
41‘ए डक्साका जेपा मु़चु़नी, रेप्नी,
ङाङाया दु़म्निमा पुयु़ लुक्नी,
हेङालोने इनी मिरो़मडा कोलेम कोले खारी बोमु खापुमिम बु,
मेरामकु दुथाम कोङनिमका सो़यु़ ङा लोवो गानी हेल्लो वो थो़र मेलु़नी’।”#हब १:५; यशै २९:१४
42पावल नुङ बारनाबास मे घ्रो़म्दीनेमलामका लुक्चिमा लमु खाप्चिलो रोक्पा ङेम्सिमुनेम वो ओर्मिम ल्वा थो़बेट्किनी र्वाक्साका मु़चु़मिमका मेर्चिपनुङ र्वाम्डिम-र्वाम्डिम ङा बेम्डी। 43माम्चु़नीकु सो़रलोले बेम्डिम चङडा हापा यहूदीमिम नुङ यहूदी दु़म्पा माम्चु़नीकु ङिम जु़ल्पा वाङसामामिम पावल नुङ बारनाबासकु चङचङ लाम्दिम्डी। मेकोतिमा मेर्चिपका मेर्मिमनुङ ल्वा बेत्तो मेर्मिमलाई माम्चु़नीकु दिदामडा बानी र्वाक्साका सो हन्बेसाच्चिमी।#१३:४३ माम्चु़नीकु सो़रलोले बेपा वाङसामामिम
44मेरामकु रोक्पा ङेम्सिमुनेम खोत्ले शहरडाम र्वाप्डा खोत्लेङा मु़चु़मिम माम्चु़नीकु सिजेम थो़प्डा रोम्डी। 45सेर्पा मु़चु़मिम ल्वाम्डिलो यहूदीमिम उनी नाचु़रका सिम्ल्याम्डी। मेकोतिमा मेर्मिम पावलकु कोर्थो़लाम बम्डी, मा गुलाई डक्साका जेम्डी।
46पावल नुङ बारनाबासका मेङिसाका र्वाक्ची, “माम्चु़नीकु सिजेम ङादो गानीलाई ङा थो़बेन्मु बासिक्पा बाइडा, लावो गानी मेद्वानिवा, मा इनी त्वाप ङा हेल्लो वो मेसिपा त्वारो़म ल्वामु मेघ्रेट्पा दु़म्नी। मेम्मिमका आथा ने गुचुकु वाङसामामिमकाडा लचुकु।
47हेङालोने ङाचो़का गुचुकुनुङ आरे र्वाम्डिम बु:
‘गो गानालाई वाङसामामिमकाम लागि ओल होप्माम दु़म्बेट्निम बु।
सुबुडाम खोत्ले मु़चु़लाई सेल्मु गाना माम्चु़नीलाम यु़म ल्वाना’।”#यशै ४२:६; ४९:६
48वाङसामामिमका ओराम ल्वा थो़म्डिमा छो़म गेर्सिम्डी, मा माम्चु़नीकु सिजेमकाम लागि आलासो़ ग्वाम्डी। मेकोतिमा हेल्लो वो मेसिपा त्वारो़म ल्वामु र्वाक्साका छेट्मिडिम खोत्ले मु़चु़का थो़र लु़म्डी।
49माम्चु़नीकु सिजेम खोत्ले पिसिदियाकु एन्टिओखियाबाडे फोन्सिड्डा। 50लावो यहूदीमिमका माम्चु़नीकु सो़रलोले बेपा डोक्पु नङ धोपा मेसेममिम नुङ शहरडाम डोक्पु ङाउमिमलाई कोम्डिमा पावल नुङ बारनाबासकु कोर्थो़लाम फम्डी। मेम्मा पावल नुङ बारनाबासलाई मेर्मिमका मेराम शहरलामका कोल्सोम्डिची। 51मेम्मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्ची,#१३:५१ माम्चु़नीका मेद्वामी मा दिफु देन्दे ग्वामी र्वाक्पा रेम्बोमु छेखोप। मा आइकोनियन शहरथो़ लक्ची।#मत्ती १०:१४; मर्क ६:११; लूक ९:५; १०:११ 52मेकोतिमा एटिन्ओखियाडाम खोत्ले थो़रलु़पामिम छो़म गेर्सिम्डी, मा माम्चु़नी-पेलका लु़न्सिम्डी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.