थु़र्मा 16
16
पावल, सिलास तिमोथीनुङ घ्रो़म्चिम
1पावल डर्बी नुङ लुस्त्रा शहरडा वो रोक्ता। मेसिन्डा तिमोथी र्वाक्मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा। 2लुस्त्रा नुङ आइकोनियन शहरडाम थो़रलु़पामिमका तिमोथीलाई जो़पा मु़चु़ मिम्थाल्मिडी। 3तिमोथी वो पावलका उ त्वापनुङ लमु न बु़डु़। मेराम देलडा यहूदीमिम बाम्डिमका पावलका उमा खिरिरि-क्रिप्साड्डु़। हेङालोने तिमोथीकु पाप ग्रीक बाइडा र्वाक्पा मेर्मिम खोत्लेका चम्डिम बाइडा। 4पावल, सिलास नुङ तिमोथी शहर-शहरडा लम्डिलो मेर्मिमका मेसिन्डाम थो़रलु़पामिमलाई यरूशलेमडाम थु़र्मामिम नुङ एल्डरमिमका मुलु़ बेम्डिम ल्वामिम होम्साका दोनी बेम्डी। 5मेम्मिमका मण्डलीमिमकु थो़र बर्तो लस्ता, मा येशूडा थो़रलु़पामिम हेल्लो लोवो बर्तो लम्डी।
पावलका माकेडोनिया लक्पा मिक्सीलाम ल्वास्तु़म
6माम्चु़नी-पेलका एशियाडा उनी सिजेम मेदो़नी बेम्डिमका पावल नुङ उ ङोप्सो़मिम गलातिया नुङ फ्रिगियाडाम देल दु़म्तो लम्डी। 7माइसियाडा रोम्फाम्डिमा मेर्मिमका बेथानियाथो़ लक्पा न बेम्डी। लावो येशूकु पेलका मेर्मिमलाई लमु मेग्वाक्मिवा। 8मेकोतिमा मेर्मिम माइसियालामका त्रोआसथो़ योम्डी। 9मेराम सिन्था पावलका मिक्सीलाम ल्वास्तु़। माकेडोनियाडाम कोले मु़चु़ येम्स्तामा गुलाई आरे र्वाक्ताम-र्वाक्ताम ङा बु़डु़होम बाइडा, “माकेडोनियाडा गेट्नी, मा गुकुलाई ख्लो़किनी।” 10पावलका ओराम मिक्सीलाम ल्वास्तु़म चङडा गुकु माकेडोनिया लक्पा मुलु़ बेथाक्तोको। मेसिन्डाम मु़चु़मिमलाई जो़पा-सेला थो़बेन्मु माम्चु़नीका गुकुलाई येत्तिकिम रेछा र्वाक्पा गुकु चक्तोको।
फिलिप्पीडाम लिडियाका येशूडा थो़र बु़डु़म
11मेकोतिमा गुकु त्रोआस शहरलामका डोक्पु कुबी-बोक्साडा हुत्तोकोमा सामोथ्राकेथो़ लक्ल्यात्तोको। मेसिन्डाम्मा उ दिकाम नेम नियापोलिस शहरडा रोक्फात्तोको। 12मेसिम्मा माकेडोनियाकु डोक्पु शहर फिलिप्पीडा रोक्फात्तोको, मेराम शहर रोमीकु ल्वाडा बाइडा। गुकु मेसिन्डा कोलेम-नलेम बात्तोको।
13ङेम्सिमुनेम गुकु ब्लोकुथो़ लक्पा शहरकु पाखालाममिम लाम्चोकोलाम लक्तोको। सो़म्दी बेखोप खोम बु र्वाक्पा मिम्सित्तोकोमा गुकु मेसिन्डा लक्तोको, मा मेसिन्डा खोम्सिक्पा मेसेममिमनुङ ल्वा जेमु चो़म्तोको। 14मेर्मिमगोडाम थिआटीरा शहरडा बाट्पा हापा थिकाम गेगेम चक्लेम रङ्गकु ये#१६:१४ छो़म खाप्ची बाट्पाका कोङङा फसिक्पा ये-सेम। भ्रेट्पा, माम्चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्तु़। पावलका जेस्ताम ल्वा जो़होमका थेसिथेट्नु़ र्वाक्साका माम्चु़नीका मेरामलाई थेसिथेट्पा न-गो ग्वाम्डी। 15मेकोतिमा लिडिया नुङ उ नेमडाममिम खोत्लेका कु-रु़दु़म रम्डी। गुका गुकुनुङ आरे र्वाक्ताम-र्वाक्तामङा बु़डु़, “गानी गोलाई माम्चु़नीडा थो़रलु़पा र्वाक्साका मिम्ङिनी माला आमा नेमडा रोक्नीमा बानी।” मेकोतिमा उमा ल्वा बिसिक्तोको।
पावल नुङ सिलासलाई चम्डिम
16कोलेम गुकु सो़म्दी बेखोप खोमयु़ लक्तोकोलो मुनाङका हुपा कोले डु़ल्चो़मे डार्तोको। मेरामका मु़चु़मिमकु र्याङमा सो़साका उ नेमहपमिमकाम लागि छो़म खउलुङ डु़प्थाल्लु़। 17मेराम मेसेम पावल नुङ आकी चङचङ लाम्दिडामा आरे र्वाक्तो येस्ता, “ओर्मिम मु़चु़ खोत्लेडाम घ्ल्वापा माम्चु़नीकु डु़ल्चो़मिम सो़, मा ओर्मिमका गानीलाई हेसाका सेल्सिमु चाम्नी र्वाक्पा ल्वा सो़प्डा रोम्डिम बु।” 18मेरामका हापा थारीसम्म आरेङा बु़डु़होम बाइडा। मेकोतिमा उ र्वा ओड्डामा पिख्लोसित्तो पावलका मे मुनाङपेललाई र्वाक्ता, “येशू ख्रीष्टकु नङडा गो र्वाङु, गाना मेरामलामका लुक्ल्याडा।” मेकोतिलोङा मेराम मुनाङपेल लुक्तामा लस्ल्याड्डा।
19मेराम डु़ल्चो़मेकु नेमहपमिमका खउलुङ डु़पा लाम्दी हुक्ता र्वाक्पा चम्डी। मेम्मा पावल नुङ सिलासलाई चु़म्साका बजारडाम साखामचो़मिमकाडा थु़त्तो लम्डी। 20मेर्मिमका मेर्चिपलाई मे रोमी साखामचो़मिमकाडा रेट्मिडिमा र्वाम्डी, “ओर्चिप यहूदीचिप ङाल्चिमा इकीमा शहरडाम मु़चु़मिमलाई छो़म दु़खा ग्वाक्तोङा लेन्चिमिम बु। 21ओर्चिपका ने गुइ रोमीमिमका रसी मेनु़पा नुङ बेसी मेनु़पा डु़म्ला सीत्तोङा लेन्ची।”
22मेकोतिमा सेर्पा मु़चु़मिम कोङ सि दु़म्मिडिमा पावल नुङ सिलासलाई याल्ला हुचिबम्डी। रोमी ङाउमिमका मेर्चिपकु ये आ़म्साम्डिची, मा मेर्चिपलाई कोक्तेकु रिवाका याल्बेट्मिडिची। 23मेर्मिमका मेर्चिपलाई छो़म याल्मिडिमा झ्यालखानडा चम्डीची। मेकोतिमा झ्यालखानडाम डोक्पु मु़चु़लाई पावल नुङ सिलास जो़होमका रेप्निची बेम्डी। 24ओराम ल्वा थो़स्तु़मा मेरामका मेर्चिपलाई झ्यालखानकु गोनोम चखोपडा लडु़चिमा उची खेलडा ठिँगुरो फिक्तु़मा जु़ल्लु़ची।
झ्यालखानडाम डोक्पु मु़चु़का येशूडा थो़र बु़डु़म
25सिन्थाम को-न (१२) जेस्ताम बिलि पावल नुङ सिलासका सो़म्दी बेत्तो माम्चु़नीकु काम्सो बेच्चिम बाच्ची, मा वाङमिम चक्मामिमका ने मेराम थो़म्डिहोम बाम्डी। 26मेकोतिलोङा कोचोत्ति कोले डोक्पु सुबु-रुक्सी रोक्ता, मा मे झ्यालखान ङा रक्तु़। मेकोतिमा खोत्ले लाम्चोकोमिम होल्सिम्डी, मा खोत्ले सेल रिवामिम ब्रोम्सिम्डी। 27मे झ्यालखानडाम डोक्पु मु़चु़ ङोस्ता, मा मेसिन्डा खोत्ले लाम्चोकोमिम होल्ल्यासिट्पा ल्वास्तु़लो खोत्ले चक्मामिम स्वाम्डी र्वाक्पा मिम्डु़। मेम्मिमका मेरामका उ कातु़रु़ थासाका फल्सिमुमा सिमु माल्लु़। 28लावो पावलका डोक्पु लो़लामका र्वाक्ता, “इनी त्वापलाई हाम वो मेबेनी, गुकु खोत्ले आसिङा बुकु।”
29मेकोतिमा मे डोक्पु मु़चु़का धिप्री बिइयु़डु़मा ओन्तो झ्यालखानगोनो हुङडा, मा उ ङिमुका रुत्तो पावल नुङ सिलासकु ङादोडा खुम्बु बु़डु़। 30मेर्चिपलाई पाखानो ख्लुक्तु़चिमा मेरामका र्वाक्ता, “ङाचो़ची, सेल्सिमु लागि गो हाम बोमु बासी?”
31मेर्चिपका र्वाक्ची, “येशू ख्रीष्टडा थो़र लु़नी, मा गानी नुङ इनीमा नेमडाममिम खोत्लेङा सेल्सिनी।” 32मेकोतिमा मेर्चिपका मे डोक्पु मु़चु़ नुङ उ नेमडा बाट्पामिम खोत्लेलाई माम्चु़नीकु सिजेम थो़बेट्चिमी। 33सिन्थाम मेराम थारीका ङा मेरामका पावल नुङ सिलासलाई लडु़चिमा उची पार सो़ल्साड्डु़ची। मेकोतिमा डोक्पु मु़चु़ नुङ उ नेमडाम खोत्लेका कु-रु़दु़म रम्ल्याम्डी। 34मे डोक्पु मु़चु़का पावल नुङ सिलासलाई उ नेमडा येड्डु़चिमा ग्रुला ग्वाक्तु़ची। माम्चु़नीडा थो़र लु़म्डिमका मे डोक्पु मु़चु़ नुङ उ नेमडाममिम खोत्लेङा छो़म गेर्सी द्वाम्डी।
35उ दिकाम मेराम शहरडाम रोमी साखामचो़मिमका मे चक्मा पावल नुङ सिलासलाई डिन्सोट्निची बेम्डिमा सिपाहीमिमलाई थु़र्मिडी। 36मेकोतिमा मे झ्यालखानडाम डोक्पु मु़चु़का पावलनुङ र्वाक्ता, “रोमी साखामचो़मिमका गानी नुङ सिलासलाई डिन्सोट्निची र्वाम्डिम बु। मेम्मिमका ओम्लो गानी इनीमा न-गो भ्रसिक्तो लक्नी।”
37लावो पावलका सिपाहीमिमनुङ र्वाक्ता, “गुचुकु रोमीकाम नागरिक बात्तो-बात्तो वो खोत्ले मु़चु़मिमकु ङादोडा हिलाहिसी मेबेसाका ङा मेर्मिमका याल्चिकिमिमा चक्चिकिमी। मेकोतिमा आकोतिलो ने गुचुकुलाई लिबावा डिन्सोमु न बोमी? मेमका ने मेनु़। मेर्मिम उनी त्वाप ङा रोमिनु़, मा गुचुकुलाई डिन्चिकिमिनु़।”
38मे सिपाहीमिमका शहरडाम साखामचो़मिमलाई ओर्मिम ल्वा थो़बेट्मिडी, मा पावल नुङ सिलास रोमी नागरिक र्वाक्पा थो़म्डिमा मेर्मिम छो़म ङिम्डी। 39मेर्मिम झ्यालखानडा रोम्डिमा पावल, सिलासनुङ पाचो बिम्डी। पाखानो फिड्मिडिचिमा मेराम शहरलामका वाङथो़ लक्नी र्वाम्डिम-र्वाम्डिम ङा बेम्डी। 40पावल नुङ सिलास झ्यालखानलामका लुक्चिम चङडा लिडियाकु नेमडा ख्लोसिक्ची। मेसिन्डा मेर्चिपका थो़रलु़पामिमलाई क्रो़म्चिमी, मा आथावो मेर्मिमकु सो हन्बेसाच्चिमी। मेकोतिमा मेर्चिप शहरलामका वाङथो़ ङा लक्ची।
Currently Selected:
थु़र्मा 16: THUL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
थु़र्मा 16
16
पावल, सिलास तिमोथीनुङ घ्रो़म्चिम
1पावल डर्बी नुङ लुस्त्रा शहरडा वो रोक्ता। मेसिन्डा तिमोथी र्वाक्मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा। 2लुस्त्रा नुङ आइकोनियन शहरडाम थो़रलु़पामिमका तिमोथीलाई जो़पा मु़चु़ मिम्थाल्मिडी। 3तिमोथी वो पावलका उ त्वापनुङ लमु न बु़डु़। मेराम देलडा यहूदीमिम बाम्डिमका पावलका उमा खिरिरि-क्रिप्साड्डु़। हेङालोने तिमोथीकु पाप ग्रीक बाइडा र्वाक्पा मेर्मिम खोत्लेका चम्डिम बाइडा। 4पावल, सिलास नुङ तिमोथी शहर-शहरडा लम्डिलो मेर्मिमका मेसिन्डाम थो़रलु़पामिमलाई यरूशलेमडाम थु़र्मामिम नुङ एल्डरमिमका मुलु़ बेम्डिम ल्वामिम होम्साका दोनी बेम्डी। 5मेम्मिमका मण्डलीमिमकु थो़र बर्तो लस्ता, मा येशूडा थो़रलु़पामिम हेल्लो लोवो बर्तो लम्डी।
पावलका माकेडोनिया लक्पा मिक्सीलाम ल्वास्तु़म
6माम्चु़नी-पेलका एशियाडा उनी सिजेम मेदो़नी बेम्डिमका पावल नुङ उ ङोप्सो़मिम गलातिया नुङ फ्रिगियाडाम देल दु़म्तो लम्डी। 7माइसियाडा रोम्फाम्डिमा मेर्मिमका बेथानियाथो़ लक्पा न बेम्डी। लावो येशूकु पेलका मेर्मिमलाई लमु मेग्वाक्मिवा। 8मेकोतिमा मेर्मिम माइसियालामका त्रोआसथो़ योम्डी। 9मेराम सिन्था पावलका मिक्सीलाम ल्वास्तु़। माकेडोनियाडाम कोले मु़चु़ येम्स्तामा गुलाई आरे र्वाक्ताम-र्वाक्ताम ङा बु़डु़होम बाइडा, “माकेडोनियाडा गेट्नी, मा गुकुलाई ख्लो़किनी।” 10पावलका ओराम मिक्सीलाम ल्वास्तु़म चङडा गुकु माकेडोनिया लक्पा मुलु़ बेथाक्तोको। मेसिन्डाम मु़चु़मिमलाई जो़पा-सेला थो़बेन्मु माम्चु़नीका गुकुलाई येत्तिकिम रेछा र्वाक्पा गुकु चक्तोको।
फिलिप्पीडाम लिडियाका येशूडा थो़र बु़डु़म
11मेकोतिमा गुकु त्रोआस शहरलामका डोक्पु कुबी-बोक्साडा हुत्तोकोमा सामोथ्राकेथो़ लक्ल्यात्तोको। मेसिन्डाम्मा उ दिकाम नेम नियापोलिस शहरडा रोक्फात्तोको। 12मेसिम्मा माकेडोनियाकु डोक्पु शहर फिलिप्पीडा रोक्फात्तोको, मेराम शहर रोमीकु ल्वाडा बाइडा। गुकु मेसिन्डा कोलेम-नलेम बात्तोको।
13ङेम्सिमुनेम गुकु ब्लोकुथो़ लक्पा शहरकु पाखालाममिम लाम्चोकोलाम लक्तोको। सो़म्दी बेखोप खोम बु र्वाक्पा मिम्सित्तोकोमा गुकु मेसिन्डा लक्तोको, मा मेसिन्डा खोम्सिक्पा मेसेममिमनुङ ल्वा जेमु चो़म्तोको। 14मेर्मिमगोडाम थिआटीरा शहरडा बाट्पा हापा थिकाम गेगेम चक्लेम रङ्गकु ये#१६:१४ छो़म खाप्ची बाट्पाका कोङङा फसिक्पा ये-सेम। भ्रेट्पा, माम्चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्तु़। पावलका जेस्ताम ल्वा जो़होमका थेसिथेट्नु़ र्वाक्साका माम्चु़नीका मेरामलाई थेसिथेट्पा न-गो ग्वाम्डी। 15मेकोतिमा लिडिया नुङ उ नेमडाममिम खोत्लेका कु-रु़दु़म रम्डी। गुका गुकुनुङ आरे र्वाक्ताम-र्वाक्तामङा बु़डु़, “गानी गोलाई माम्चु़नीडा थो़रलु़पा र्वाक्साका मिम्ङिनी माला आमा नेमडा रोक्नीमा बानी।” मेकोतिमा उमा ल्वा बिसिक्तोको।
पावल नुङ सिलासलाई चम्डिम
16कोलेम गुकु सो़म्दी बेखोप खोमयु़ लक्तोकोलो मुनाङका हुपा कोले डु़ल्चो़मे डार्तोको। मेरामका मु़चु़मिमकु र्याङमा सो़साका उ नेमहपमिमकाम लागि छो़म खउलुङ डु़प्थाल्लु़। 17मेराम मेसेम पावल नुङ आकी चङचङ लाम्दिडामा आरे र्वाक्तो येस्ता, “ओर्मिम मु़चु़ खोत्लेडाम घ्ल्वापा माम्चु़नीकु डु़ल्चो़मिम सो़, मा ओर्मिमका गानीलाई हेसाका सेल्सिमु चाम्नी र्वाक्पा ल्वा सो़प्डा रोम्डिम बु।” 18मेरामका हापा थारीसम्म आरेङा बु़डु़होम बाइडा। मेकोतिमा उ र्वा ओड्डामा पिख्लोसित्तो पावलका मे मुनाङपेललाई र्वाक्ता, “येशू ख्रीष्टकु नङडा गो र्वाङु, गाना मेरामलामका लुक्ल्याडा।” मेकोतिलोङा मेराम मुनाङपेल लुक्तामा लस्ल्याड्डा।
19मेराम डु़ल्चो़मेकु नेमहपमिमका खउलुङ डु़पा लाम्दी हुक्ता र्वाक्पा चम्डी। मेम्मा पावल नुङ सिलासलाई चु़म्साका बजारडाम साखामचो़मिमकाडा थु़त्तो लम्डी। 20मेर्मिमका मेर्चिपलाई मे रोमी साखामचो़मिमकाडा रेट्मिडिमा र्वाम्डी, “ओर्चिप यहूदीचिप ङाल्चिमा इकीमा शहरडाम मु़चु़मिमलाई छो़म दु़खा ग्वाक्तोङा लेन्चिमिम बु। 21ओर्चिपका ने गुइ रोमीमिमका रसी मेनु़पा नुङ बेसी मेनु़पा डु़म्ला सीत्तोङा लेन्ची।”
22मेकोतिमा सेर्पा मु़चु़मिम कोङ सि दु़म्मिडिमा पावल नुङ सिलासलाई याल्ला हुचिबम्डी। रोमी ङाउमिमका मेर्चिपकु ये आ़म्साम्डिची, मा मेर्चिपलाई कोक्तेकु रिवाका याल्बेट्मिडिची। 23मेर्मिमका मेर्चिपलाई छो़म याल्मिडिमा झ्यालखानडा चम्डीची। मेकोतिमा झ्यालखानडाम डोक्पु मु़चु़लाई पावल नुङ सिलास जो़होमका रेप्निची बेम्डी। 24ओराम ल्वा थो़स्तु़मा मेरामका मेर्चिपलाई झ्यालखानकु गोनोम चखोपडा लडु़चिमा उची खेलडा ठिँगुरो फिक्तु़मा जु़ल्लु़ची।
झ्यालखानडाम डोक्पु मु़चु़का येशूडा थो़र बु़डु़म
25सिन्थाम को-न (१२) जेस्ताम बिलि पावल नुङ सिलासका सो़म्दी बेत्तो माम्चु़नीकु काम्सो बेच्चिम बाच्ची, मा वाङमिम चक्मामिमका ने मेराम थो़म्डिहोम बाम्डी। 26मेकोतिलोङा कोचोत्ति कोले डोक्पु सुबु-रुक्सी रोक्ता, मा मे झ्यालखान ङा रक्तु़। मेकोतिमा खोत्ले लाम्चोकोमिम होल्सिम्डी, मा खोत्ले सेल रिवामिम ब्रोम्सिम्डी। 27मे झ्यालखानडाम डोक्पु मु़चु़ ङोस्ता, मा मेसिन्डा खोत्ले लाम्चोकोमिम होल्ल्यासिट्पा ल्वास्तु़लो खोत्ले चक्मामिम स्वाम्डी र्वाक्पा मिम्डु़। मेम्मिमका मेरामका उ कातु़रु़ थासाका फल्सिमुमा सिमु माल्लु़। 28लावो पावलका डोक्पु लो़लामका र्वाक्ता, “इनी त्वापलाई हाम वो मेबेनी, गुकु खोत्ले आसिङा बुकु।”
29मेकोतिमा मे डोक्पु मु़चु़का धिप्री बिइयु़डु़मा ओन्तो झ्यालखानगोनो हुङडा, मा उ ङिमुका रुत्तो पावल नुङ सिलासकु ङादोडा खुम्बु बु़डु़। 30मेर्चिपलाई पाखानो ख्लुक्तु़चिमा मेरामका र्वाक्ता, “ङाचो़ची, सेल्सिमु लागि गो हाम बोमु बासी?”
31मेर्चिपका र्वाक्ची, “येशू ख्रीष्टडा थो़र लु़नी, मा गानी नुङ इनीमा नेमडाममिम खोत्लेङा सेल्सिनी।” 32मेकोतिमा मेर्चिपका मे डोक्पु मु़चु़ नुङ उ नेमडा बाट्पामिम खोत्लेलाई माम्चु़नीकु सिजेम थो़बेट्चिमी। 33सिन्थाम मेराम थारीका ङा मेरामका पावल नुङ सिलासलाई लडु़चिमा उची पार सो़ल्साड्डु़ची। मेकोतिमा डोक्पु मु़चु़ नुङ उ नेमडाम खोत्लेका कु-रु़दु़म रम्ल्याम्डी। 34मे डोक्पु मु़चु़का पावल नुङ सिलासलाई उ नेमडा येड्डु़चिमा ग्रुला ग्वाक्तु़ची। माम्चु़नीडा थो़र लु़म्डिमका मे डोक्पु मु़चु़ नुङ उ नेमडाममिम खोत्लेङा छो़म गेर्सी द्वाम्डी।
35उ दिकाम मेराम शहरडाम रोमी साखामचो़मिमका मे चक्मा पावल नुङ सिलासलाई डिन्सोट्निची बेम्डिमा सिपाहीमिमलाई थु़र्मिडी। 36मेकोतिमा मे झ्यालखानडाम डोक्पु मु़चु़का पावलनुङ र्वाक्ता, “रोमी साखामचो़मिमका गानी नुङ सिलासलाई डिन्सोट्निची र्वाम्डिम बु। मेम्मिमका ओम्लो गानी इनीमा न-गो भ्रसिक्तो लक्नी।”
37लावो पावलका सिपाहीमिमनुङ र्वाक्ता, “गुचुकु रोमीकाम नागरिक बात्तो-बात्तो वो खोत्ले मु़चु़मिमकु ङादोडा हिलाहिसी मेबेसाका ङा मेर्मिमका याल्चिकिमिमा चक्चिकिमी। मेकोतिमा आकोतिलो ने गुचुकुलाई लिबावा डिन्सोमु न बोमी? मेमका ने मेनु़। मेर्मिम उनी त्वाप ङा रोमिनु़, मा गुचुकुलाई डिन्चिकिमिनु़।”
38मे सिपाहीमिमका शहरडाम साखामचो़मिमलाई ओर्मिम ल्वा थो़बेट्मिडी, मा पावल नुङ सिलास रोमी नागरिक र्वाक्पा थो़म्डिमा मेर्मिम छो़म ङिम्डी। 39मेर्मिम झ्यालखानडा रोम्डिमा पावल, सिलासनुङ पाचो बिम्डी। पाखानो फिड्मिडिचिमा मेराम शहरलामका वाङथो़ लक्नी र्वाम्डिम-र्वाम्डिम ङा बेम्डी। 40पावल नुङ सिलास झ्यालखानलामका लुक्चिम चङडा लिडियाकु नेमडा ख्लोसिक्ची। मेसिन्डा मेर्चिपका थो़रलु़पामिमलाई क्रो़म्चिमी, मा आथावो मेर्मिमकु सो हन्बेसाच्चिमी। मेकोतिमा मेर्चिप शहरलामका वाङथो़ ङा लक्ची।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.