थु़र्मा 20
20
पावल माकेडोनिया नुङ ग्रीस लस्ताम
1मे रिबुसी-ल्वा दाम्स्ताम चङडा पावलका सीसिपामिमलाई येड्डु़मी, मा मेर्मिमलाई लु़म्ला बेड्डु़मी। मेकोतिमा मेर्मिमनुङ ब्र्वासिड्डामा माकेडोनियाथो़ लस्ता। 2मेसिन्डाम देलगुथाबाडे पावल लस्तामा थो़रलु़पामिमकु उनी सो हन्बेट्जो़ल्लु़मी, मा गु ग्रीसथो़ ख्लोसिड्डा। 3गु सु मुनाम मेसिन्डा ङा बाइडा। मेकोतिमा डोक्पु कुबी-बोक्सालामका सिरियाथो़ लमु न बु़डु़म बाइडा, लावो यहूदीमिमका पावलकु दुथाम मेजो़पा मुलु़ बेम्डिमका गुका माकेडोनियालामका ङा ख्लोम्सिमुमा लमु न बु़डु़। 4मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्पा अरिस्तार्खस, सिकन्दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्डी। 5ओर्मिम मु़चु़ गुकुडाम ङादो ङा लम्डिमा त्रोआस शहरडा लथाक्तिकिम बाम्डी। 6गुकु ने लङखाम मान्थिम सो़बेम पोमु चाडकु चङडा फिलिप्पीलामका डोक्पु कुबी-बोक्साडा हुत्तोकोमा ङोलेमका त्रोआस शहरडा मेर्मिमकाडा रोक्फात्तोको। मेसिन्डा गुकु येतलेम बात्तोको।#२०:६ प्रस्थान १२:१७-२० डा रेप्नी।
पावलका युटिकसलाई सिमुलामका फक्तु़म
7नेप्सुङनेम#२०:७ शनिबार नेम्था येशूकु ग्रुला पेप्डा गुकु खोम्सिक्तोको, मा पावल ने उ दिकाम नेम लमु न बु़डु़मका मेसिन्डाम थो़रलु़पामिमनुङ सिन्थाम को-न (१२) जेस्तामसम्म ल्वा बु़डु़म बाइडा। 8गुकु खोम्सिक्तोकोम नेमडलाम बाखोपडा सेर्पा धिप्रीमिम बाम्डी। 9युटिकस र्वाक्मा कोङ स्वाला दोचिमडा गन्तासिट्डाम बाइडा। पावलका छो़म ल्वा जेस्तामका मेरामका मुकुपा बु़डु़, मा मुकुपा बु़डु़होङ्ङा मेराम सु तलालामका क्वायु़ हुम्स्ता, मा मेरामलाई मु़चु़मिमका सिप्ल्याक्पा डार्मिडी। 10पावल धालु़ योक्ता, मा मेरामलाई सोको फोप्डु़, मेम्मा र्वाक्ता, “इनीमा लो़ मेदाम्नु़, ओराम मु़चु़ सिडाम मिबु।” 11मेकोतिमा पावल नेमडलाम बाखोपडा लस्तामा ग्रुला पेम्डिम चङडा नेमसोसोसम्म हापा ल्वामिम बु़डु़मा पावल मेलामका लस्ता। 12मु़चु़मिमका मे युटिकसलाई नु़प्ल्याक्पा ङा लम्डी, मा मेर्मिम छो़म उनी न-थो़म बन्सिम्डी।
पावल त्रोआस शहरलामका मिलेटस शहरडा लस्ताम
13पावलका लाम्दिसाका लमु चोचु़म्डु़म बाइडा, मा गुकु अस्सोस शहरलामका गुलाई डोक्पु कुबी-बोक्साडा हुबेट्पा मुलु़ बेत्तोकोम बाइडा। मेम्मिमका गुकु ङादो ङा डोक्पु कुबी-बोक्साडा हुत्तोकोमा अस्सोस शहरथो़ लक्तोको। 14पावलका गुकुलाई अस्सोस शहरडा डार्तिकी, मा गुनुङ डोक्पु कुबी-बोक्साडा कोयोङा मितिलेने शहरथो़ लक्तोको। 15उ दिकाम नेम मेलामका गुकु डोक्पु कुबी-बोक्साडा हुत्तोको, मा खियस टापु फार्डा रोक्फात्तोको। मेकोतिमा उ नहाद्दामनेम गुकु सामोस टापुडा रोक्फात्तोको। मेकोतिमा उ सुहाद्दामनेम गुकु मिलेटस शहरडा रोक्तोको। 16एशियालामका दालाङा लक्ल्याक्पा न बु़डु़मका पावलका एफिससडा मेलुक्साका ङा लमु न बु़डु़। हेङालोने झाममाला पेन्तिकोस चाडकु थारीका यरूशलेमडा रोम्थिमु गु छो़म छु़रु़प-छु़रु़प लु़डाम बाइडा।
पावल एफिससडाम एल्डरमिमनुङ ब्र्वासिड्डाम
17पावलका मिलेटसलामका एफिससडा बाट्पा मण्डलीडाम एल्डरमिम येड्डा मु़चु़मिम थु़र्डु़मी। 18मेर्मिम पावलकाडा रोम्फाम्डी, मा पावलका मेर्मिमनुङ र्वाक्ता, “एशियाडा रोङडोम नेमलो आथाम खोत्ले थारीका गानीनुङ गो हेसाका बाङडो, मेराम ने गानी चनिमिम ङा बु। 19यहूदीमिमका आमा दुथाम मेजो़पा मुलु़ बेम्डिम थारीका वो गो याक्के दु़म्साका ख्राप्तो माम्चु़नीकु खारी ङा बेउतोम बाङडो। 20गानी इनीमा थो़रलु़सीडा बर्तो लनी र्वाक्साका गो गानीलाई आमा नड्डा हाम वो मेमुर्सिक्साका येशूकु दुथाममिम ल्वा खोत्ले मु़चु़मिमकु ङादोडा नुङ इनीमा नेम-नेमडा लक्साका सीट्निनिम ल्वा ने चनिमिम ङा बु। 21यहूदीमिम नुङ ग्रीकमिमलाई इनीमा त्वाकु छु़लमिम न-गोलामका मिम्सिसाका माम्चु़नीडा ख्लोन्सिट्नी, मा ङाचो़ येशूडा थो़रलु़नी र्वाक्साका र्वाङ्डोम बु।
22“रेप्नी, माम्चु़नी-पेलका बट्ङिडिमिमका गो यरूशलेमथो़ लक्तोङा बेउ। मेसिन्डा गोलाई हाम दु़म गो मेचक्पु। 23आकोति कोङङा चक्पु, शहर-शहरडा गो खिर्सिङुलो दु़खामिम गोडला रोमी, मा चङिमी वो र्वाक्साका माम्चु़नी-पेलका आमा न छ्यामी। 24लावो गो आमा मिरो़म त्वाकाम लागि हाम होङ्ङा वो मेलु़ङु। गो आकोति कोङङा मालुमिम बु– येशू ख्रीष्टका गोलाई ग्वाङ्डिमिम माम्चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्सोमु चापुनु़।#२ तिमो ४:७
25“रेप्नी, गानीगोडा खोत्लेनुङ गो माम्चु़नीकु किब्दीकु दुथाम जो़पा-सेला थो़बेट्निनिम बाइडा। आथाडा आरे गानी सु़का वो आमा ङाली मेल्वानी र्वाक्पा गो चक्तोम बु। 26मेम्मिमका आनेप गो गानीनुङ ओराम ल्वा र्वाक्तोङा बेउ, येशूडा गानी थो़र मेलु़साका सिन्नी माला आमा बुइडला मेजो़पा मेरो।#२०:२६ ग्रीक बाइबलडा सिसिकु देन्दे र्याक्मा बु। 27हेङालोने माम्चु़नीकु खोत्ले न-थो़म गानीनुङ सो़मुडाम गो लिबा बाङ्डोम मिबु। 28गानी इनीमा त्वाप नुङ खोत्ले थो़रलु़पामिमकाम लागि चङचङया बानी वो! माम्चु़नी-पेलका गानीलाई मे थो़रलु़पामिम रेपा खुन्चु़म खुबेट्निमिम बु। मेम्मिमका गुमीका उनीमा त्वाकु तारापाचो़ येशूकु सिसिका भ्रेम्डिम माम्चु़नीकु मण्डलीलाई न-गो सोक्निमा जो़होमका रेप्नी। 29हेङालोने गो डिन्जो़ल्निनिमा लङुमिम चङडा ङिमलु़पा बडि होप्माम मु़चु़मिम गानीगोडा रोमी, मा मेर्मिमका खोत्ले थो़रलु़पामिमलाई पुयु़लुमु माल्मी होङ्ङा गो लु़ङडोम बु। 30गानीगोलामका ङा लिमा थेट्पा, मा ब्लो़पा मु़चु़मिम लुमी सो़! मेर्मिमका थो़रलु़पामिमलाई फ्वामिमा लमी। 31मेम्मिमका ओराम ल्वा मिम्निमा चङचङया बानी वो! गो हेसाका सु थसम्म नेम्फु-सिन्था ख्राप्तो खोत्ले मु़चु़मिमलाई चङचङया बाबेत्तोमिम बाइडा।
32“आथा गो गानीलाई माम्चु़नीकु ल्वाड्डा नुङ उनी दिदामकु सिजेमडा जु़ल्निनी, मेरामलामका माम्चु़नीका इनीमा थो़र बर्बेत्तो लमी, मा उनी त्वाकु मु़चु़मिमगोडा जि ल्वापा दु़म्बेनी। 33गो सु़काम वो सो़ना, मतो नुङ ये-सेमकाम रारी मेबेउवा। 34ओराम ल्वाका ङा आ त्वाप मा गोनुङ बाट्पामिमलाई चाहेदु़म्पा खोत्ले बु़साड्डु़मिम गानी चनिमिम ङा बु। 35खोत्ले ब्राम्दु़ल्वा बेउतोमा गानीलाई रेम्बेट्निनिम बु सो़। गानी वो आरेसाकाङा छो़निमा मेचापामिमलाई ख्लो़मुमि बासी। येशूका र्वाम्डिम ओराम सिजेम मिम्नी सो़ ‘ग्वामु ङा रमुडाम वो आलाकाम दु़म सो़’।”
36आकोति र्वाक्तामा पावलका क्रचु़खुम बु़डु़, मा मेर्मिम खोत्लेनुङ कोयोङा सो़म्दी बु़डु़। 37मेकोतिमा मेर्मिम खोत्लेङा ख्राप्मिडी, मा पावललाई फोप्मिडिमा चुप बेम्डी। 38आथाडा आनो हाम्सी वो आमा ङाली मेल्वानी र्वाक्साका पावलका र्वाक्ताम ल्वाडा छो़म मेर्मिमकु न ख्राप्डा। मेकोतिमा मेर्मिमका पावललाई डोक्पु कुबी-बोक्सा फार्डा सोम्थिम्डी।
Currently Selected:
थु़र्मा 20: THUL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
थु़र्मा 20
20
पावल माकेडोनिया नुङ ग्रीस लस्ताम
1मे रिबुसी-ल्वा दाम्स्ताम चङडा पावलका सीसिपामिमलाई येड्डु़मी, मा मेर्मिमलाई लु़म्ला बेड्डु़मी। मेकोतिमा मेर्मिमनुङ ब्र्वासिड्डामा माकेडोनियाथो़ लस्ता। 2मेसिन्डाम देलगुथाबाडे पावल लस्तामा थो़रलु़पामिमकु उनी सो हन्बेट्जो़ल्लु़मी, मा गु ग्रीसथो़ ख्लोसिड्डा। 3गु सु मुनाम मेसिन्डा ङा बाइडा। मेकोतिमा डोक्पु कुबी-बोक्सालामका सिरियाथो़ लमु न बु़डु़म बाइडा, लावो यहूदीमिमका पावलकु दुथाम मेजो़पा मुलु़ बेम्डिमका गुका माकेडोनियालामका ङा ख्लोम्सिमुमा लमु न बु़डु़। 4मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्पा अरिस्तार्खस, सिकन्दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्डी। 5ओर्मिम मु़चु़ गुकुडाम ङादो ङा लम्डिमा त्रोआस शहरडा लथाक्तिकिम बाम्डी। 6गुकु ने लङखाम मान्थिम सो़बेम पोमु चाडकु चङडा फिलिप्पीलामका डोक्पु कुबी-बोक्साडा हुत्तोकोमा ङोलेमका त्रोआस शहरडा मेर्मिमकाडा रोक्फात्तोको। मेसिन्डा गुकु येतलेम बात्तोको।#२०:६ प्रस्थान १२:१७-२० डा रेप्नी।
पावलका युटिकसलाई सिमुलामका फक्तु़म
7नेप्सुङनेम#२०:७ शनिबार नेम्था येशूकु ग्रुला पेप्डा गुकु खोम्सिक्तोको, मा पावल ने उ दिकाम नेम लमु न बु़डु़मका मेसिन्डाम थो़रलु़पामिमनुङ सिन्थाम को-न (१२) जेस्तामसम्म ल्वा बु़डु़म बाइडा। 8गुकु खोम्सिक्तोकोम नेमडलाम बाखोपडा सेर्पा धिप्रीमिम बाम्डी। 9युटिकस र्वाक्मा कोङ स्वाला दोचिमडा गन्तासिट्डाम बाइडा। पावलका छो़म ल्वा जेस्तामका मेरामका मुकुपा बु़डु़, मा मुकुपा बु़डु़होङ्ङा मेराम सु तलालामका क्वायु़ हुम्स्ता, मा मेरामलाई मु़चु़मिमका सिप्ल्याक्पा डार्मिडी। 10पावल धालु़ योक्ता, मा मेरामलाई सोको फोप्डु़, मेम्मा र्वाक्ता, “इनीमा लो़ मेदाम्नु़, ओराम मु़चु़ सिडाम मिबु।” 11मेकोतिमा पावल नेमडलाम बाखोपडा लस्तामा ग्रुला पेम्डिम चङडा नेमसोसोसम्म हापा ल्वामिम बु़डु़मा पावल मेलामका लस्ता। 12मु़चु़मिमका मे युटिकसलाई नु़प्ल्याक्पा ङा लम्डी, मा मेर्मिम छो़म उनी न-थो़म बन्सिम्डी।
पावल त्रोआस शहरलामका मिलेटस शहरडा लस्ताम
13पावलका लाम्दिसाका लमु चोचु़म्डु़म बाइडा, मा गुकु अस्सोस शहरलामका गुलाई डोक्पु कुबी-बोक्साडा हुबेट्पा मुलु़ बेत्तोकोम बाइडा। मेम्मिमका गुकु ङादो ङा डोक्पु कुबी-बोक्साडा हुत्तोकोमा अस्सोस शहरथो़ लक्तोको। 14पावलका गुकुलाई अस्सोस शहरडा डार्तिकी, मा गुनुङ डोक्पु कुबी-बोक्साडा कोयोङा मितिलेने शहरथो़ लक्तोको। 15उ दिकाम नेम मेलामका गुकु डोक्पु कुबी-बोक्साडा हुत्तोको, मा खियस टापु फार्डा रोक्फात्तोको। मेकोतिमा उ नहाद्दामनेम गुकु सामोस टापुडा रोक्फात्तोको। मेकोतिमा उ सुहाद्दामनेम गुकु मिलेटस शहरडा रोक्तोको। 16एशियालामका दालाङा लक्ल्याक्पा न बु़डु़मका पावलका एफिससडा मेलुक्साका ङा लमु न बु़डु़। हेङालोने झाममाला पेन्तिकोस चाडकु थारीका यरूशलेमडा रोम्थिमु गु छो़म छु़रु़प-छु़रु़प लु़डाम बाइडा।
पावल एफिससडाम एल्डरमिमनुङ ब्र्वासिड्डाम
17पावलका मिलेटसलामका एफिससडा बाट्पा मण्डलीडाम एल्डरमिम येड्डा मु़चु़मिम थु़र्डु़मी। 18मेर्मिम पावलकाडा रोम्फाम्डी, मा पावलका मेर्मिमनुङ र्वाक्ता, “एशियाडा रोङडोम नेमलो आथाम खोत्ले थारीका गानीनुङ गो हेसाका बाङडो, मेराम ने गानी चनिमिम ङा बु। 19यहूदीमिमका आमा दुथाम मेजो़पा मुलु़ बेम्डिम थारीका वो गो याक्के दु़म्साका ख्राप्तो माम्चु़नीकु खारी ङा बेउतोम बाङडो। 20गानी इनीमा थो़रलु़सीडा बर्तो लनी र्वाक्साका गो गानीलाई आमा नड्डा हाम वो मेमुर्सिक्साका येशूकु दुथाममिम ल्वा खोत्ले मु़चु़मिमकु ङादोडा नुङ इनीमा नेम-नेमडा लक्साका सीट्निनिम ल्वा ने चनिमिम ङा बु। 21यहूदीमिम नुङ ग्रीकमिमलाई इनीमा त्वाकु छु़लमिम न-गोलामका मिम्सिसाका माम्चु़नीडा ख्लोन्सिट्नी, मा ङाचो़ येशूडा थो़रलु़नी र्वाक्साका र्वाङ्डोम बु।
22“रेप्नी, माम्चु़नी-पेलका बट्ङिडिमिमका गो यरूशलेमथो़ लक्तोङा बेउ। मेसिन्डा गोलाई हाम दु़म गो मेचक्पु। 23आकोति कोङङा चक्पु, शहर-शहरडा गो खिर्सिङुलो दु़खामिम गोडला रोमी, मा चङिमी वो र्वाक्साका माम्चु़नी-पेलका आमा न छ्यामी। 24लावो गो आमा मिरो़म त्वाकाम लागि हाम होङ्ङा वो मेलु़ङु। गो आकोति कोङङा मालुमिम बु– येशू ख्रीष्टका गोलाई ग्वाङ्डिमिम माम्चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्सोमु चापुनु़।#२ तिमो ४:७
25“रेप्नी, गानीगोडा खोत्लेनुङ गो माम्चु़नीकु किब्दीकु दुथाम जो़पा-सेला थो़बेट्निनिम बाइडा। आथाडा आरे गानी सु़का वो आमा ङाली मेल्वानी र्वाक्पा गो चक्तोम बु। 26मेम्मिमका आनेप गो गानीनुङ ओराम ल्वा र्वाक्तोङा बेउ, येशूडा गानी थो़र मेलु़साका सिन्नी माला आमा बुइडला मेजो़पा मेरो।#२०:२६ ग्रीक बाइबलडा सिसिकु देन्दे र्याक्मा बु। 27हेङालोने माम्चु़नीकु खोत्ले न-थो़म गानीनुङ सो़मुडाम गो लिबा बाङ्डोम मिबु। 28गानी इनीमा त्वाप नुङ खोत्ले थो़रलु़पामिमकाम लागि चङचङया बानी वो! माम्चु़नी-पेलका गानीलाई मे थो़रलु़पामिम रेपा खुन्चु़म खुबेट्निमिम बु। मेम्मिमका गुमीका उनीमा त्वाकु तारापाचो़ येशूकु सिसिका भ्रेम्डिम माम्चु़नीकु मण्डलीलाई न-गो सोक्निमा जो़होमका रेप्नी। 29हेङालोने गो डिन्जो़ल्निनिमा लङुमिम चङडा ङिमलु़पा बडि होप्माम मु़चु़मिम गानीगोडा रोमी, मा मेर्मिमका खोत्ले थो़रलु़पामिमलाई पुयु़लुमु माल्मी होङ्ङा गो लु़ङडोम बु। 30गानीगोलामका ङा लिमा थेट्पा, मा ब्लो़पा मु़चु़मिम लुमी सो़! मेर्मिमका थो़रलु़पामिमलाई फ्वामिमा लमी। 31मेम्मिमका ओराम ल्वा मिम्निमा चङचङया बानी वो! गो हेसाका सु थसम्म नेम्फु-सिन्था ख्राप्तो खोत्ले मु़चु़मिमलाई चङचङया बाबेत्तोमिम बाइडा।
32“आथा गो गानीलाई माम्चु़नीकु ल्वाड्डा नुङ उनी दिदामकु सिजेमडा जु़ल्निनी, मेरामलामका माम्चु़नीका इनीमा थो़र बर्बेत्तो लमी, मा उनी त्वाकु मु़चु़मिमगोडा जि ल्वापा दु़म्बेनी। 33गो सु़काम वो सो़ना, मतो नुङ ये-सेमकाम रारी मेबेउवा। 34ओराम ल्वाका ङा आ त्वाप मा गोनुङ बाट्पामिमलाई चाहेदु़म्पा खोत्ले बु़साड्डु़मिम गानी चनिमिम ङा बु। 35खोत्ले ब्राम्दु़ल्वा बेउतोमा गानीलाई रेम्बेट्निनिम बु सो़। गानी वो आरेसाकाङा छो़निमा मेचापामिमलाई ख्लो़मुमि बासी। येशूका र्वाम्डिम ओराम सिजेम मिम्नी सो़ ‘ग्वामु ङा रमुडाम वो आलाकाम दु़म सो़’।”
36आकोति र्वाक्तामा पावलका क्रचु़खुम बु़डु़, मा मेर्मिम खोत्लेनुङ कोयोङा सो़म्दी बु़डु़। 37मेकोतिमा मेर्मिम खोत्लेङा ख्राप्मिडी, मा पावललाई फोप्मिडिमा चुप बेम्डी। 38आथाडा आनो हाम्सी वो आमा ङाली मेल्वानी र्वाक्साका पावलका र्वाक्ताम ल्वाडा छो़म मेर्मिमकु न ख्राप्डा। मेकोतिमा मेर्मिमका पावललाई डोक्पु कुबी-बोक्सा फार्डा सोम्थिम्डी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.