लूका 10
10
येशूका येत धु़म (७०) मु़चु़मिमलाई थुट्मिडिमा थु़र्मीडिम
1मेकोतिमा ङाचो़ येशूका वाङमिम येत धु़म (७०) मु़चु़मिमलाई थुट्मिडी। मेम्मा गुमी लमु खाप्मिडिम खोत्ले शहर नुङ देलडा उनी त्वाप लमु ङादो मेर्मिमलाई न-नले बेसाका थु़र्मिडी। 2येशूका मेर्मिमलाई र्वाम्डी, “थोक्पा मा-के ने हापा ङा बु, लावो खारी बेपा मु़चु़मिम कति ङा बुमी। मेम्मिमका उनी मा-के खोम्मु खारी बेपा मु़चु़मिम थु़र्नी र्वाक्साका मा-के थोक्पा ये-दकु ङाचो़लाई सो़म्दी बेनी।#मत्ती ९:३७-३८ 3गानी लक्नी, लावो लमु ङादो थो़नी, गानीलाई गो बडिमिमकु थेतेगोडा भेन्दाकु चो़ होङङा थु़र्तोङा लेनिनी।#मत्ती १०:१६ 4#मत्ती १०:७-१४; मर्क ६:८-११; लूक ९:३-५गानी खउलुङ, फाजी, सो़लो़प हाम वो मेकुर्नी, मा लाम्दीडा मु़चु़मिमलाई सेव सासाका नेम मेतानी।
5“उहेम नेमडा गानी हुनी, हुमु ङादो मेराम नेमडाम खोत्ले मु़चु़काम ‘न-भ्रसिनु़’ र्वाक्साका जि ग्वाक्नी। 6न-भ्रम्सिमु द्वाक्पा मु़चु़मिम मेसिन्डा बुमी माला गानी न-भ्रसिनु़ र्वाक्साका ग्वाक्निम जि मेर्मिमका ल्वामी। लावो न-भ्रम्सिमु मेद्वाक्पा मु़चु़ बुमी माला न-भ्रसीकु जि इनीमाडा ङा ख्लोसिमा रो। 7मेर्मिमका गानीलाई हाम पोमु-डुमु ग्वानिमी पेनिमा मेराम नेमडाङा बानी। हेङालोने खारी बेपा मु़चु़का खारी बु़मिमकु खउलुङ ल्वामु घ्रेट्पा दु़म। मेराम नेम डिसाका वाङमी नेमडा बाप्डा मेलक्नी।#१ कोर ९:१४; १ तिमो ५:१८
8“गानी उहेम शहरडा लनी, मेसिन्डाम मु़चु़मिमका गानीलाई हुनाखाना बोनी माला, मेर्मिमका गानीलाई ग्वानिमिमिम पोमु-डुमु पेनी डुनी। 9मेराम शहरडाम मु़चु़मिमलाई सबेट्नी, मा मेर्मिमलाई र्वाक्नी, ‘माम्चु़नीकु किब्दी इनी फार्डा ङा रोक्फाड्डाम बु।’ 10लावो गानी कोले शहरगोनो हुनिलो मेसिन्डाम मु़चु़मिमका गानीलाई हुनाखाना मेबेनिवा माला मेराम शहरलामका लाम्दीबाडे लुक्नीमा आरे र्वाक्नी,#थु़र्मा १३:५१ 11‘माम्चु़नीका गानीलाई देन्दे ग्वानी र्वाक्पा रेम्बोमु लागि आकी फेम-खेलयु़ केम्सिक्पा इनी शहरडाम फुर्कु वो थेम्जो़ल्कु। लावो गानी ओराम चन्जो़ल्नी, माम्चु़नीकु किब्दी रोक्फाड्डाम ङा बु।’ 12गो गानीलाई र्वाङु, निया दु़म्मिम नेम सदोम शहरडाम छु़ल बेपा मु़चु़मिमका ल्वापाडाम वो इम्मु मेझापा देन्दे मेराम शहरडाम मु़चु़मिमका ल्वामी।#उत १९:२४-२८; मत्ती ११:२४; १०:१५
13“ए खोराजीन शहरडाम मु़चु़नी, गानीलाई वाइतो, ए बेथसेदा शहरडाम मु़चु़नी, गानीलाई वाइतो, गानीगोडा बेम्मा यु़म खारीमिम टुरोस नुङ सीदोन शहरडा बेपाका माला मेसिन्डाम मु़चु़मिमका हापा ङादो ङा जिलेम फसिट्मिवा, मा फोका क्लसिक्साका उनी छु़लमिम न-गोलामका मिम्सिसाका ख्लोसिट्मिवाम रेम्बेमिवा।#यशै २३:१-१८; इज २३:१-१८; योए ३:४-८; आमो १:९-१०; जक ९:२-४ 14लावो निया दु़म्मु नेम टुरोस नुङ सीदोन शहरडाम छु़लबेपा मु़चु़मिमका ल्वापाडाम वो इम्मु मेझापा देन्दे गानी ल्वानी। 15ए कफर्नहुमडाम मु़चु़नी, हाम गानी इनी त्वाप ङा पाह्रीथो़ कोसिन्कु र्वाक्पा मिम्नी? गानी ने खादीयु़ डन्सिनी।”#यशै १४:१३-१५
16येशूका उनी सीसिपामिमलाई र्वाम्डी, “उहेमका इनीमा ल्वा थो़सु़, मेरामका आमा ल्वा थो़सु़मिम होप्माम ङा सो़। उहेमका इनीमा ल्वा मेथो़सु़, मेरामका आमा ल्वा वो मेथो़सु़मिम होप्माम ङा सो़, मा उहेमका आमा ल्वा मेथो़सु़, मेरामका गोलाई थु़र्पा माम्चु़नीका र्वामिम वो मेथो़सु़मिम होप्माम ङा सो़।”#मत्ती १०:४०; मर्क ९:३७; लूक ९:४८; यूह १३:२०
येत धु़म (७०) मु़चु़मिम ख्लोम्सीम्डिमा रोम्डिम
17मे येत धु़म (७०) मु़चु़मिम भ्रसिक्तो ख्लोसिम्डिमा रोम्डी, मा आरे र्वाम्डी, “ङाचो़, इनी नङडा मुनाङपेलमिमका वो गुकु र्वाक्तोकोम ल्वा बिम्सिम्डी।”
18गुमीका मेर्मिम मु़चु़लाई र्वाम्डी, “ब्ल्याक्ची ओपा होङङा पाह्रीलामका शैतान आल्स्ताम गो ल्वाउतो। 19ब्लोमिम नुङ दावाखाममिम फेमखेलगोयु़ बेपा साखाम नुङ खोत्ले स्वाक्चिमो शैतानकु यु़मलाई वो घ्ल्वापा यु़म गो गानीलाई ग्वाक्निमिम बु। ओर्मिम उहेम ल्वाका वो गानीलाई मेजो़पा मेबोनी।#भज ९१:१३ 20मेमङा लावो मुनाङपेलमिमका गानी र्वानिमिम थो़मी र्वाक्साका गानी मेगेर्सिट्नी। लावो इनीमा नङ पाह्रीला र्यास्ताम बु र्वाक्साका गेर्सिट्नी।”
21मेराम थारीकाङा येशूलाई माम्चु़नी-पेलका गेर्सिबेट्मिडी, मा गुमीका र्वाम्डी, “माम्चु़नी, गानी सुबु नुङ पाह्रीकाम ङाचो़, गो गानीलाई आलासो़ ग्वानिनी, हेङालोने थेट्पा मु़चु़ नुङ नेप्चीनुङमामिमडाम थक्निम ल्वा चो़च्चो़ होप्माम मु़चु़मिमलाई रेम्बेट्नी। गानी आरे बोमु ङा जो़पा लु़न्नी माम्चु़नी।
22“आमा माम्चु़नीका खोत्ले गोलाई आमा ल्वाडा ग्वाङ्डिमिम बु। माम्चु़नीकु तारापाचो़ सु़ र्वाक्साका माम्चु़नीडाम वाङमिम सु़का वो मेछेङिमी। माम्चु़नी सु़ र्वाक्साका माम्चु़नीकु तारापाचो़डाम सु़का मेछेडु़। माम्चु़नीकु तारापाचो़का गुमीलाई उहेमकाडा रेम्बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”#यूह ३:३५; १०:१५
23मेकोतिमा येशूका उनी सीसिपामिम कोङङा बाम्डिम थारीका मेर्मिमथो़ ख्लोसिम्डिमा र्वाम्डी, “गानी हाम ल्वानी, मेराम ल्वापा मु़चु़मिम आलाकाम सो़। 24हेङालोने गो गानीलाई र्वाङु, हपमिम नुङ माम्चु़नीलाम-जेपामिम हापाका गानी हाम ल्वानी, मेराम ल्वा रेम्मु न बेम्डिम बाइडा, लावो मेर्मिमका रेम्मु मेल्वामिवा। मेम्मा गानी हाम थो़नी, मेराम ल्वा मेर्मिमका वो थो़पा न बेम्डिम बाइडा, लावो मेर्मिमका मेथो़मिवा।”
न-थो़मनुङमा सामरियाडाम मु़चु़कु सीसि-सो़म्दी
(मत्ती २२:३४-४०; मर्कूस १२:२८-३१)
25कोले मोशाकु डु़म्ला छो़म थेट्पा मु़चु़का येशूकु न छाम्मु लागि गुमीनुङ आरे र्वाक्ता, #मत्ती २२:३५-४०; मर्क १२:२८-३४“ङाचो़, हेल्लो वो मेसिपा त्वारो़म ल्वामु लागि गो हाम बोमु बासी?”
26गुमीका मेरामलाई र्वाम्डी, “मोशाकु डु़म्लाडा हाम र्वाक्मा बु? गाना मेराम डाट्नामा हाम थेसिथेट्ना?”
27गुका र्वाक्ता, “‘मिप्रङमा इमा माम्चु़नीलाई खोत्ले इमा न-गोका, खोत्ले इमा सामका, खोत्ले इमा सोका, मा खोत्ले इमा नका रिखाम बे।’ मेम्मा ‘गाना इमा त्वापलाई होङङा इमा साउखोरेलाई रिखाम बे’।”#लेवी १९:१८; व्य ६:५
28येशूका मेराम मु़चु़लाई र्वाम्डी, “गाना जो़होमका र्वाक्ना। मेमङा बे, मा गाना हेल्लो वो मेसिपा त्वारो़म ल्वाना।”
29लावो गुका उ त्वापलाई जो़पा मु़चु़ रेम्बोमु नका येशूनुङ र्वाक्ता, “सु़ आमा साउखोरे?”
30येशूका र्वाम्डी, “कोले मु़चु़ यरूशलेमलामका यरीहोयु़ लक्तोङा बु़डु़। लाम्दीडा मेरामलाई खुचु़वामिमका डार्मिडी, मा गुनुङ बाट्पा खोत्लेङा रोन्साम्डी। मेकोतिमा र्वाप्डा सिडामसम्म डेप्मिडिमा डिन्जो़ल्मिडी। 31घरिकोङका कोले डु़म्लाचो़ मेराम लाम्दीधाली योक्ता, मा मेरामका खुचु़वामिमका याल्मिडिम मु़चु़ ल्वास्तु़मा कोर्थो़ हेर्सिड्डामा लस्ता। 32मेम्साकाङा कोले लेवी दोचो़गोडाम कोले मु़चु़ वो मेराम लाम्दीधाली योक्ता, मा मेराम मु़चु़लाई ल्वास्तु़मा गु वो कोर्थो़ हेर्सिक्साका लस्ता। 33#२ इति २८:१५मेकोतिमा कोले सामरियाडाम मु़चु़ वो मेरामधाली योक्ता, मा मेराम मु़चु़लाई ल्वास्तु़लो छो़म उ थो़म भ्रो़स्ता। 34मेम्मा गु मेरामकाडा लस्ता, मा अङ्गूरकु ग्वाल#१०:३४ अङ्गूरकु ग्वाल औषधी होम्साका मोम्थाल्मिडी। नुङ तेलका मेरामकु पारडला क्लक्साड्डु़मा बसाड्डु़। मेम्मा उ गधाडला हुबेड्डु़मा मेरामलाई कोले पाटीडा रेड्डु़मा रेप्डु़।
35“उ दिकाम मे सामरियाडाम मु़चु़का पाटी रेपा मु़चु़लाई नले मतोकु खउलुङ ग्वाक्तु़मा र्वाक्ता, ‘ओराम मु़चु़लाई जो़होमका रेप्डा, मा आकोतिका मेलिडु़वामा इमा खउलुङ हुङडा माला गो ख्लोङसिङुमा रोङुलो ग्वानी’।”
36येशूका मोशाकु डु़म्ला थेट्पा मेराम मु़चु़लाई हिलाबेम्डी, “मे सुले मु़चु़मिमगोडाम खुचु़वामिमका याल्मिडिम मु़चु़कु साउखोरे सु़?”
37गुका र्वाक्ता, “मेराम मु़चु़डला न-थो़म रेम्बेपा मु़चु़ मेरामकु साउखोरे।”
मेकोतिमा येशूका गुलाई र्वाम्डी, “लक्सा गाना वो मेमङा बे।”
येशू मार्था नुङ मरियमकु नेमडा लम्डिम
38 #
यूह ११:१
येशू उनी सीसिपामिमनुङ यरूशलेमथो़ लक्तोङा बेम्डिलो कोले देलडा रोम्फाम्डी। मेसिन्डा बाट्पा मार्था नङकाम कोले मेसेमका गुमीलाई उमा नेमडा येड्डु़मी। 39मेराम मेसेमकाम कोले मरियम नङकाम उ जाउमो ल्वाक बाइडा। मेरामका येशूकु फार्डा गन्स्तामा उनी सिजेम थो़त्तोङा बु़डु़। 40लावो मार्थाका पोमु-डुमुकु उनी चापे-डुपेमिम बोमुका उ न जेस्ताम बाइडा। मेम्मा गु येशूकाडा रोक्तामा र्वाक्ता, “ङाचो़, चापे-डुपेमिमकु खारी बोमुडा आमा ल्वाकका गोलाई आ त्वाप ङा बेङ्डिम बु, हाम गानी ओराम मेल्वानी? मेरामलाई गानी र्वाङसाङ्निका, मा गु रोनु़मा गोलाई ख्लो़ङिनु़।”
41लावो येशूका र्वाम्डी, “मार्था, मार्था, गाना हापा ल्वामिमकु दुथाम मिम्ताम-सो़र्ताम बोना, मा इ थो़मतेर्सी। 42लावो छो़म चाहेदु़म्पा ने कोलेङा ल्वा बु, मेराम जो़पा ल्वा मरियमका छेड्डु़म बु, मेराम ल्वा गुलाई मेरोन्मी।”
Currently Selected:
लूका 10: THUL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
लूका 10
10
येशूका येत धु़म (७०) मु़चु़मिमलाई थुट्मिडिमा थु़र्मीडिम
1मेकोतिमा ङाचो़ येशूका वाङमिम येत धु़म (७०) मु़चु़मिमलाई थुट्मिडी। मेम्मा गुमी लमु खाप्मिडिम खोत्ले शहर नुङ देलडा उनी त्वाप लमु ङादो मेर्मिमलाई न-नले बेसाका थु़र्मिडी। 2येशूका मेर्मिमलाई र्वाम्डी, “थोक्पा मा-के ने हापा ङा बु, लावो खारी बेपा मु़चु़मिम कति ङा बुमी। मेम्मिमका उनी मा-के खोम्मु खारी बेपा मु़चु़मिम थु़र्नी र्वाक्साका मा-के थोक्पा ये-दकु ङाचो़लाई सो़म्दी बेनी।#मत्ती ९:३७-३८ 3गानी लक्नी, लावो लमु ङादो थो़नी, गानीलाई गो बडिमिमकु थेतेगोडा भेन्दाकु चो़ होङङा थु़र्तोङा लेनिनी।#मत्ती १०:१६ 4#मत्ती १०:७-१४; मर्क ६:८-११; लूक ९:३-५गानी खउलुङ, फाजी, सो़लो़प हाम वो मेकुर्नी, मा लाम्दीडा मु़चु़मिमलाई सेव सासाका नेम मेतानी।
5“उहेम नेमडा गानी हुनी, हुमु ङादो मेराम नेमडाम खोत्ले मु़चु़काम ‘न-भ्रसिनु़’ र्वाक्साका जि ग्वाक्नी। 6न-भ्रम्सिमु द्वाक्पा मु़चु़मिम मेसिन्डा बुमी माला गानी न-भ्रसिनु़ र्वाक्साका ग्वाक्निम जि मेर्मिमका ल्वामी। लावो न-भ्रम्सिमु मेद्वाक्पा मु़चु़ बुमी माला न-भ्रसीकु जि इनीमाडा ङा ख्लोसिमा रो। 7मेर्मिमका गानीलाई हाम पोमु-डुमु ग्वानिमी पेनिमा मेराम नेमडाङा बानी। हेङालोने खारी बेपा मु़चु़का खारी बु़मिमकु खउलुङ ल्वामु घ्रेट्पा दु़म। मेराम नेम डिसाका वाङमी नेमडा बाप्डा मेलक्नी।#१ कोर ९:१४; १ तिमो ५:१८
8“गानी उहेम शहरडा लनी, मेसिन्डाम मु़चु़मिमका गानीलाई हुनाखाना बोनी माला, मेर्मिमका गानीलाई ग्वानिमिमिम पोमु-डुमु पेनी डुनी। 9मेराम शहरडाम मु़चु़मिमलाई सबेट्नी, मा मेर्मिमलाई र्वाक्नी, ‘माम्चु़नीकु किब्दी इनी फार्डा ङा रोक्फाड्डाम बु।’ 10लावो गानी कोले शहरगोनो हुनिलो मेसिन्डाम मु़चु़मिमका गानीलाई हुनाखाना मेबेनिवा माला मेराम शहरलामका लाम्दीबाडे लुक्नीमा आरे र्वाक्नी,#थु़र्मा १३:५१ 11‘माम्चु़नीका गानीलाई देन्दे ग्वानी र्वाक्पा रेम्बोमु लागि आकी फेम-खेलयु़ केम्सिक्पा इनी शहरडाम फुर्कु वो थेम्जो़ल्कु। लावो गानी ओराम चन्जो़ल्नी, माम्चु़नीकु किब्दी रोक्फाड्डाम ङा बु।’ 12गो गानीलाई र्वाङु, निया दु़म्मिम नेम सदोम शहरडाम छु़ल बेपा मु़चु़मिमका ल्वापाडाम वो इम्मु मेझापा देन्दे मेराम शहरडाम मु़चु़मिमका ल्वामी।#उत १९:२४-२८; मत्ती ११:२४; १०:१५
13“ए खोराजीन शहरडाम मु़चु़नी, गानीलाई वाइतो, ए बेथसेदा शहरडाम मु़चु़नी, गानीलाई वाइतो, गानीगोडा बेम्मा यु़म खारीमिम टुरोस नुङ सीदोन शहरडा बेपाका माला मेसिन्डाम मु़चु़मिमका हापा ङादो ङा जिलेम फसिट्मिवा, मा फोका क्लसिक्साका उनी छु़लमिम न-गोलामका मिम्सिसाका ख्लोसिट्मिवाम रेम्बेमिवा।#यशै २३:१-१८; इज २३:१-१८; योए ३:४-८; आमो १:९-१०; जक ९:२-४ 14लावो निया दु़म्मु नेम टुरोस नुङ सीदोन शहरडाम छु़लबेपा मु़चु़मिमका ल्वापाडाम वो इम्मु मेझापा देन्दे गानी ल्वानी। 15ए कफर्नहुमडाम मु़चु़नी, हाम गानी इनी त्वाप ङा पाह्रीथो़ कोसिन्कु र्वाक्पा मिम्नी? गानी ने खादीयु़ डन्सिनी।”#यशै १४:१३-१५
16येशूका उनी सीसिपामिमलाई र्वाम्डी, “उहेमका इनीमा ल्वा थो़सु़, मेरामका आमा ल्वा थो़सु़मिम होप्माम ङा सो़। उहेमका इनीमा ल्वा मेथो़सु़, मेरामका आमा ल्वा वो मेथो़सु़मिम होप्माम ङा सो़, मा उहेमका आमा ल्वा मेथो़सु़, मेरामका गोलाई थु़र्पा माम्चु़नीका र्वामिम वो मेथो़सु़मिम होप्माम ङा सो़।”#मत्ती १०:४०; मर्क ९:३७; लूक ९:४८; यूह १३:२०
येत धु़म (७०) मु़चु़मिम ख्लोम्सीम्डिमा रोम्डिम
17मे येत धु़म (७०) मु़चु़मिम भ्रसिक्तो ख्लोसिम्डिमा रोम्डी, मा आरे र्वाम्डी, “ङाचो़, इनी नङडा मुनाङपेलमिमका वो गुकु र्वाक्तोकोम ल्वा बिम्सिम्डी।”
18गुमीका मेर्मिम मु़चु़लाई र्वाम्डी, “ब्ल्याक्ची ओपा होङङा पाह्रीलामका शैतान आल्स्ताम गो ल्वाउतो। 19ब्लोमिम नुङ दावाखाममिम फेमखेलगोयु़ बेपा साखाम नुङ खोत्ले स्वाक्चिमो शैतानकु यु़मलाई वो घ्ल्वापा यु़म गो गानीलाई ग्वाक्निमिम बु। ओर्मिम उहेम ल्वाका वो गानीलाई मेजो़पा मेबोनी।#भज ९१:१३ 20मेमङा लावो मुनाङपेलमिमका गानी र्वानिमिम थो़मी र्वाक्साका गानी मेगेर्सिट्नी। लावो इनीमा नङ पाह्रीला र्यास्ताम बु र्वाक्साका गेर्सिट्नी।”
21मेराम थारीकाङा येशूलाई माम्चु़नी-पेलका गेर्सिबेट्मिडी, मा गुमीका र्वाम्डी, “माम्चु़नी, गानी सुबु नुङ पाह्रीकाम ङाचो़, गो गानीलाई आलासो़ ग्वानिनी, हेङालोने थेट्पा मु़चु़ नुङ नेप्चीनुङमामिमडाम थक्निम ल्वा चो़च्चो़ होप्माम मु़चु़मिमलाई रेम्बेट्नी। गानी आरे बोमु ङा जो़पा लु़न्नी माम्चु़नी।
22“आमा माम्चु़नीका खोत्ले गोलाई आमा ल्वाडा ग्वाङ्डिमिम बु। माम्चु़नीकु तारापाचो़ सु़ र्वाक्साका माम्चु़नीडाम वाङमिम सु़का वो मेछेङिमी। माम्चु़नी सु़ र्वाक्साका माम्चु़नीकु तारापाचो़डाम सु़का मेछेडु़। माम्चु़नीकु तारापाचो़का गुमीलाई उहेमकाडा रेम्बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”#यूह ३:३५; १०:१५
23मेकोतिमा येशूका उनी सीसिपामिम कोङङा बाम्डिम थारीका मेर्मिमथो़ ख्लोसिम्डिमा र्वाम्डी, “गानी हाम ल्वानी, मेराम ल्वापा मु़चु़मिम आलाकाम सो़। 24हेङालोने गो गानीलाई र्वाङु, हपमिम नुङ माम्चु़नीलाम-जेपामिम हापाका गानी हाम ल्वानी, मेराम ल्वा रेम्मु न बेम्डिम बाइडा, लावो मेर्मिमका रेम्मु मेल्वामिवा। मेम्मा गानी हाम थो़नी, मेराम ल्वा मेर्मिमका वो थो़पा न बेम्डिम बाइडा, लावो मेर्मिमका मेथो़मिवा।”
न-थो़मनुङमा सामरियाडाम मु़चु़कु सीसि-सो़म्दी
(मत्ती २२:३४-४०; मर्कूस १२:२८-३१)
25कोले मोशाकु डु़म्ला छो़म थेट्पा मु़चु़का येशूकु न छाम्मु लागि गुमीनुङ आरे र्वाक्ता, #मत्ती २२:३५-४०; मर्क १२:२८-३४“ङाचो़, हेल्लो वो मेसिपा त्वारो़म ल्वामु लागि गो हाम बोमु बासी?”
26गुमीका मेरामलाई र्वाम्डी, “मोशाकु डु़म्लाडा हाम र्वाक्मा बु? गाना मेराम डाट्नामा हाम थेसिथेट्ना?”
27गुका र्वाक्ता, “‘मिप्रङमा इमा माम्चु़नीलाई खोत्ले इमा न-गोका, खोत्ले इमा सामका, खोत्ले इमा सोका, मा खोत्ले इमा नका रिखाम बे।’ मेम्मा ‘गाना इमा त्वापलाई होङङा इमा साउखोरेलाई रिखाम बे’।”#लेवी १९:१८; व्य ६:५
28येशूका मेराम मु़चु़लाई र्वाम्डी, “गाना जो़होमका र्वाक्ना। मेमङा बे, मा गाना हेल्लो वो मेसिपा त्वारो़म ल्वाना।”
29लावो गुका उ त्वापलाई जो़पा मु़चु़ रेम्बोमु नका येशूनुङ र्वाक्ता, “सु़ आमा साउखोरे?”
30येशूका र्वाम्डी, “कोले मु़चु़ यरूशलेमलामका यरीहोयु़ लक्तोङा बु़डु़। लाम्दीडा मेरामलाई खुचु़वामिमका डार्मिडी, मा गुनुङ बाट्पा खोत्लेङा रोन्साम्डी। मेकोतिमा र्वाप्डा सिडामसम्म डेप्मिडिमा डिन्जो़ल्मिडी। 31घरिकोङका कोले डु़म्लाचो़ मेराम लाम्दीधाली योक्ता, मा मेरामका खुचु़वामिमका याल्मिडिम मु़चु़ ल्वास्तु़मा कोर्थो़ हेर्सिड्डामा लस्ता। 32मेम्साकाङा कोले लेवी दोचो़गोडाम कोले मु़चु़ वो मेराम लाम्दीधाली योक्ता, मा मेराम मु़चु़लाई ल्वास्तु़मा गु वो कोर्थो़ हेर्सिक्साका लस्ता। 33#२ इति २८:१५मेकोतिमा कोले सामरियाडाम मु़चु़ वो मेरामधाली योक्ता, मा मेराम मु़चु़लाई ल्वास्तु़लो छो़म उ थो़म भ्रो़स्ता। 34मेम्मा गु मेरामकाडा लस्ता, मा अङ्गूरकु ग्वाल#१०:३४ अङ्गूरकु ग्वाल औषधी होम्साका मोम्थाल्मिडी। नुङ तेलका मेरामकु पारडला क्लक्साड्डु़मा बसाड्डु़। मेम्मा उ गधाडला हुबेड्डु़मा मेरामलाई कोले पाटीडा रेड्डु़मा रेप्डु़।
35“उ दिकाम मे सामरियाडाम मु़चु़का पाटी रेपा मु़चु़लाई नले मतोकु खउलुङ ग्वाक्तु़मा र्वाक्ता, ‘ओराम मु़चु़लाई जो़होमका रेप्डा, मा आकोतिका मेलिडु़वामा इमा खउलुङ हुङडा माला गो ख्लोङसिङुमा रोङुलो ग्वानी’।”
36येशूका मोशाकु डु़म्ला थेट्पा मेराम मु़चु़लाई हिलाबेम्डी, “मे सुले मु़चु़मिमगोडाम खुचु़वामिमका याल्मिडिम मु़चु़कु साउखोरे सु़?”
37गुका र्वाक्ता, “मेराम मु़चु़डला न-थो़म रेम्बेपा मु़चु़ मेरामकु साउखोरे।”
मेकोतिमा येशूका गुलाई र्वाम्डी, “लक्सा गाना वो मेमङा बे।”
येशू मार्था नुङ मरियमकु नेमडा लम्डिम
38 #
यूह ११:१
येशू उनी सीसिपामिमनुङ यरूशलेमथो़ लक्तोङा बेम्डिलो कोले देलडा रोम्फाम्डी। मेसिन्डा बाट्पा मार्था नङकाम कोले मेसेमका गुमीलाई उमा नेमडा येड्डु़मी। 39मेराम मेसेमकाम कोले मरियम नङकाम उ जाउमो ल्वाक बाइडा। मेरामका येशूकु फार्डा गन्स्तामा उनी सिजेम थो़त्तोङा बु़डु़। 40लावो मार्थाका पोमु-डुमुकु उनी चापे-डुपेमिम बोमुका उ न जेस्ताम बाइडा। मेम्मा गु येशूकाडा रोक्तामा र्वाक्ता, “ङाचो़, चापे-डुपेमिमकु खारी बोमुडा आमा ल्वाकका गोलाई आ त्वाप ङा बेङ्डिम बु, हाम गानी ओराम मेल्वानी? मेरामलाई गानी र्वाङसाङ्निका, मा गु रोनु़मा गोलाई ख्लो़ङिनु़।”
41लावो येशूका र्वाम्डी, “मार्था, मार्था, गाना हापा ल्वामिमकु दुथाम मिम्ताम-सो़र्ताम बोना, मा इ थो़मतेर्सी। 42लावो छो़म चाहेदु़म्पा ने कोलेङा ल्वा बु, मेराम जो़पा ल्वा मरियमका छेड्डु़म बु, मेराम ल्वा गुलाई मेरोन्मी।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.