UKUM 19
19
Ratnan Ulun Luk Meligan Idi Dalan Luk Mesiri
1Kebala Tuhan ni Musa, 2#Uk 11.44–45; 1 Pét 1.16 “Do' iko mada' kuan amung lun Israil kudeng ini: Do' muyuh meligan, ngaceku Ui ini Tuhan Allah muyuh luk meligan. 3#Pur 20.12; Bad 5.16; Pur 20.8; Bad 5.12 Idi do' anid-anid lemulun ngedita' taman-tinanneh, idi matar aco luk inanKu mudeng. Ui ini Tuhan Allah muyuh. 4#Uk 26.1; Pur 20.23; 34.17; Bad 17.15 Aleg muyuh lumi ku akang-akang. Idi aleg muyuh nganau' akang pudut luk inurai. Ui ini Tuhan Allah muyuh.
5“Idi kareb muyuh maré kuan Tuhan baré luk nguit pedo', do' muyuh maré ineh maya' bala Tuhan pad Ieh mawang niat nemuyuh. 6Idi kareb aco luk inan muyuh maré ineh, kian kenebpa lek, do' ieh kenen. Iamo' luk ketecan macing kesoriak ineh, do' ieh sabpen amung. 7Idi kudeng kesoriak muyuh kuman ineh, ieh ineh aceh dalan luk dat idi na petulu pa kiungKu. 8Idi idé-idé luk kuman ineh, ieh ineh mabeh sala'neh, ngaceku ieh pangeh nengedat ligan Tuhan. Lemulun ineh miak duken buro rat arang pupuneh.
9“Idi kareb muyuh ngeranih, aleg muyuh ngeranih macing iring lati' muyuh. Idi aleg muyuh ngamung luk neketecan ratnan perinien muyuh ineh. 10#Uk 23.22; Bad 24.19–22 Aleg muyuh mureg bua' anggur muyuh macing dueh kua', idi bua' luk neremurug ineh aleg muyuh ngamung. Iamo' do' muyuh nima' ineh ku babpat lun masi' idi lun sakai. Ui ini Tuhan Allah muyuh.
11 #
Pur 20.15; Bad 5.19; Pur 20.16; Bad 5.20 “Aleg muyuh mano, idi aleg muyuh mebalih. Idi aleg muyuh naluk seburur dengan seburur. 12#Pur 20.7; Bad 5.11; Mat 5.33 Aleg muyuh pebulung ku ngadanKu pad naluk seburur lemulun. Ngaceku kudeng ineh muyuh ngedat ngadan Allah muyuh. Ui ini Tuhan. 13#Bad 24.14–15 “Aleg iko ngedereh nelun denganmu idi ngaro binawehneh. Aleg maleh tabpar lun tebarinmu macing pekak nebpa. 14#Bad 27.18 Aleg iko mulung lun luk mebengel, idi aleg ngerareng luk inan metebaceng pa atun lun mebuser. Iamo' do' iko matot inan Allahmu. Ui ini Tuhan.
15 #
Pur 23.6–8; Bad 16.19 “Aleg mutut besara' dengan na mesiri, idi aleg ngerurum nelun dat idi lun do' kareb iko mutut besara'deh. Iamo' do' iko mutut besara' lun denganmu dengan mepad. 16Aleg iko nalan amé' ngeruma' arang pupumu mepad kudeng lun luk ngatum bala. Idi aleg iko ngalap peruan ku até lun denganmu. Ui ini Tuhan.
17 #
Mat 18.15
“Idi aleg megateh niat inan kinanakmu. Iamo' do' iko mada' nelun denganmu dengan gala'-gala', pad iko na mabeh sala' ngaceku ieh. 18#Mat 5.43; 19.19; 22.39; Mrk 12.31; Luk 10.27; Rum 13.9; Gal 5.14; Yak 2.8 Aleg iko ngua' luk dat idi tekedamut inan pupumu. Iamo' do' iko méi' nelun denganmu mepad kudeng bururmu sebuleng. Ui ini Tuhan.
19 #
Bad 22.9–11
“Do' muyuh maya' ukumKu. Aleg muyuh nima' aya' muyuh ngebaneh pung luk baken. Idi aleg muyuh ngisak lati' muyuh ku dueh ayu ilung. Aleg muyuh ngayung ku ayung tebaruh luk dueh ayu nuper.
20“Idi kudeng selemulun pesipu dengan aceh decur luk demulun idi luk pangeh tinuduk kuan lun baken, iamo' na ieh inuli' idi pinuit, idi do' didueh inan pegayam idi besara'. Iamo' aleg ngaté nedidueh, ngaceku na ieh pinuit. 21Idi do' deléi ineh maré aceh dumba deléi kuan Tuhan ku baré luk pingetap pa atun tanga' Lepo su luk inan papu' Tuhan. 22Idi do' imam nganau' luk nguit pedo' kuanneh. Dumba deléi ineh barén ku baré luk pingetap pa kiung Tuhan, ngaceku sala'neh ineh. Idi Tuhan miak maré do' neneh.
23“Kareb muyuh semuet bang bawang Kanaan, idi muyuh nibu puar-puar bua', idi do' bua' ineh mangun ku ali' teluh lak kinioneh, idi na miak kenen. 24Idi kareb lak luk keapat amung bua'neh meligan, idi mangun ku baré ubur kuan Tuhan. 25Iamo' bang lak luk kelimeh miak muyuh kuman bua'neh, pad uli'neh amé' mula' kuan muyuh. Ui ini Tuhan Allah muyuh.
26 #
Pud 9.4; Uk 7.26–27; 17.10–14; Bad 12.16, 23; 15.23; 18.10 “Aleg muyuh kuman uang luk inan dara'. Aleg muyuh mangun idi ngelimu'. 27#Uk 21.5; Bad 14.1 Aleg muyuh ngiki abpuk muyuh pekelibut pad necan buduk uluh. Aleg muyuh nangal paped buluh ada muyuh. 28Aleg muyuh ngurat burur muyuh kareb lemulun maté. Idi aleg muyuh matik burur muyuh ku aceh arit. Ui ini Tuhan.
29 #
Bad 23.17
“Aleg nima' anak muyuh luk decur mangun ku decur luk mesawa', pad bawang ineh na mepanu' ku sawa' idi kekamen luk meluun dat. 30#Uk 26.2 Do' muyuh nginita aco luk inanKu mudeng idi ngedita' Su inanKu luk Meligan. Ui ini Tuhan.
31 #
Bad 18.11; 1 Sem 28.3; 2 Rac 23.4; Yes 8.19 “Idi aleg muyuh lumi inan lemulun luk mangun idi lemulun luk nawar ada'. Aleg muyuh nakap nedeh ineh, idi ngelutak burur muyuh ku ineh. Ui ini Tuhan Allah muyuh.
32“Do' muyuh ngerayeh idi ngedita' lun luk mengered. Idi do' muyuh matot inan Allah muyuh. Ui ini Tuhan.
33“Kudeng aceh sakai tudo arang muyuh idi bang bawang muyuh, aleg muyuh mekuel nedeh. 34#Pur 22.21; Bad 24.17–18; 27.19 Nima' lun sakai luk tudo arang muyuh ineh siren muyuh mepad kudeng lun kuan bawang teh, idi méi' nedeh mepad kudeng muyuh méi kuan burur muyuh sebuleng. Ngaceku atun pana' muyuh lun sakai déi' bawang Masir. Ui ini Tuhan Allah muyuh.
35“Aleg muyuh ngisu' tari, uad, idi timang. 36#Bad 25.13–16; Bal 20.10; Yeh 45.10 Idi do' muyuh nganau' timang, betuh, idi uad luk matu. Ui ini Tuhan Allah muyuh, luk nenguit nemuyuh remuat rat bang bawang Masir. 37Ngaceku ineh do' muyuh maya' amung ukum idi balaKu. Ui ini Tuhan.”
Currently Selected:
UKUM 19: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
UKUM 19
19
Ratnan Ulun Luk Meligan Idi Dalan Luk Mesiri
1Kebala Tuhan ni Musa, 2#Uk 11.44–45; 1 Pét 1.16 “Do' iko mada' kuan amung lun Israil kudeng ini: Do' muyuh meligan, ngaceku Ui ini Tuhan Allah muyuh luk meligan. 3#Pur 20.12; Bad 5.16; Pur 20.8; Bad 5.12 Idi do' anid-anid lemulun ngedita' taman-tinanneh, idi matar aco luk inanKu mudeng. Ui ini Tuhan Allah muyuh. 4#Uk 26.1; Pur 20.23; 34.17; Bad 17.15 Aleg muyuh lumi ku akang-akang. Idi aleg muyuh nganau' akang pudut luk inurai. Ui ini Tuhan Allah muyuh.
5“Idi kareb muyuh maré kuan Tuhan baré luk nguit pedo', do' muyuh maré ineh maya' bala Tuhan pad Ieh mawang niat nemuyuh. 6Idi kareb aco luk inan muyuh maré ineh, kian kenebpa lek, do' ieh kenen. Iamo' luk ketecan macing kesoriak ineh, do' ieh sabpen amung. 7Idi kudeng kesoriak muyuh kuman ineh, ieh ineh aceh dalan luk dat idi na petulu pa kiungKu. 8Idi idé-idé luk kuman ineh, ieh ineh mabeh sala'neh, ngaceku ieh pangeh nengedat ligan Tuhan. Lemulun ineh miak duken buro rat arang pupuneh.
9“Idi kareb muyuh ngeranih, aleg muyuh ngeranih macing iring lati' muyuh. Idi aleg muyuh ngamung luk neketecan ratnan perinien muyuh ineh. 10#Uk 23.22; Bad 24.19–22 Aleg muyuh mureg bua' anggur muyuh macing dueh kua', idi bua' luk neremurug ineh aleg muyuh ngamung. Iamo' do' muyuh nima' ineh ku babpat lun masi' idi lun sakai. Ui ini Tuhan Allah muyuh.
11 #
Pur 20.15; Bad 5.19; Pur 20.16; Bad 5.20 “Aleg muyuh mano, idi aleg muyuh mebalih. Idi aleg muyuh naluk seburur dengan seburur. 12#Pur 20.7; Bad 5.11; Mat 5.33 Aleg muyuh pebulung ku ngadanKu pad naluk seburur lemulun. Ngaceku kudeng ineh muyuh ngedat ngadan Allah muyuh. Ui ini Tuhan. 13#Bad 24.14–15 “Aleg iko ngedereh nelun denganmu idi ngaro binawehneh. Aleg maleh tabpar lun tebarinmu macing pekak nebpa. 14#Bad 27.18 Aleg iko mulung lun luk mebengel, idi aleg ngerareng luk inan metebaceng pa atun lun mebuser. Iamo' do' iko matot inan Allahmu. Ui ini Tuhan.
15 #
Pur 23.6–8; Bad 16.19 “Aleg mutut besara' dengan na mesiri, idi aleg ngerurum nelun dat idi lun do' kareb iko mutut besara'deh. Iamo' do' iko mutut besara' lun denganmu dengan mepad. 16Aleg iko nalan amé' ngeruma' arang pupumu mepad kudeng lun luk ngatum bala. Idi aleg iko ngalap peruan ku até lun denganmu. Ui ini Tuhan.
17 #
Mat 18.15
“Idi aleg megateh niat inan kinanakmu. Iamo' do' iko mada' nelun denganmu dengan gala'-gala', pad iko na mabeh sala' ngaceku ieh. 18#Mat 5.43; 19.19; 22.39; Mrk 12.31; Luk 10.27; Rum 13.9; Gal 5.14; Yak 2.8 Aleg iko ngua' luk dat idi tekedamut inan pupumu. Iamo' do' iko méi' nelun denganmu mepad kudeng bururmu sebuleng. Ui ini Tuhan.
19 #
Bad 22.9–11
“Do' muyuh maya' ukumKu. Aleg muyuh nima' aya' muyuh ngebaneh pung luk baken. Idi aleg muyuh ngisak lati' muyuh ku dueh ayu ilung. Aleg muyuh ngayung ku ayung tebaruh luk dueh ayu nuper.
20“Idi kudeng selemulun pesipu dengan aceh decur luk demulun idi luk pangeh tinuduk kuan lun baken, iamo' na ieh inuli' idi pinuit, idi do' didueh inan pegayam idi besara'. Iamo' aleg ngaté nedidueh, ngaceku na ieh pinuit. 21Idi do' deléi ineh maré aceh dumba deléi kuan Tuhan ku baré luk pingetap pa atun tanga' Lepo su luk inan papu' Tuhan. 22Idi do' imam nganau' luk nguit pedo' kuanneh. Dumba deléi ineh barén ku baré luk pingetap pa kiung Tuhan, ngaceku sala'neh ineh. Idi Tuhan miak maré do' neneh.
23“Kareb muyuh semuet bang bawang Kanaan, idi muyuh nibu puar-puar bua', idi do' bua' ineh mangun ku ali' teluh lak kinioneh, idi na miak kenen. 24Idi kareb lak luk keapat amung bua'neh meligan, idi mangun ku baré ubur kuan Tuhan. 25Iamo' bang lak luk kelimeh miak muyuh kuman bua'neh, pad uli'neh amé' mula' kuan muyuh. Ui ini Tuhan Allah muyuh.
26 #
Pud 9.4; Uk 7.26–27; 17.10–14; Bad 12.16, 23; 15.23; 18.10 “Aleg muyuh kuman uang luk inan dara'. Aleg muyuh mangun idi ngelimu'. 27#Uk 21.5; Bad 14.1 Aleg muyuh ngiki abpuk muyuh pekelibut pad necan buduk uluh. Aleg muyuh nangal paped buluh ada muyuh. 28Aleg muyuh ngurat burur muyuh kareb lemulun maté. Idi aleg muyuh matik burur muyuh ku aceh arit. Ui ini Tuhan.
29 #
Bad 23.17
“Aleg nima' anak muyuh luk decur mangun ku decur luk mesawa', pad bawang ineh na mepanu' ku sawa' idi kekamen luk meluun dat. 30#Uk 26.2 Do' muyuh nginita aco luk inanKu mudeng idi ngedita' Su inanKu luk Meligan. Ui ini Tuhan.
31 #
Bad 18.11; 1 Sem 28.3; 2 Rac 23.4; Yes 8.19 “Idi aleg muyuh lumi inan lemulun luk mangun idi lemulun luk nawar ada'. Aleg muyuh nakap nedeh ineh, idi ngelutak burur muyuh ku ineh. Ui ini Tuhan Allah muyuh.
32“Do' muyuh ngerayeh idi ngedita' lun luk mengered. Idi do' muyuh matot inan Allah muyuh. Ui ini Tuhan.
33“Kudeng aceh sakai tudo arang muyuh idi bang bawang muyuh, aleg muyuh mekuel nedeh. 34#Pur 22.21; Bad 24.17–18; 27.19 Nima' lun sakai luk tudo arang muyuh ineh siren muyuh mepad kudeng lun kuan bawang teh, idi méi' nedeh mepad kudeng muyuh méi kuan burur muyuh sebuleng. Ngaceku atun pana' muyuh lun sakai déi' bawang Masir. Ui ini Tuhan Allah muyuh.
35“Aleg muyuh ngisu' tari, uad, idi timang. 36#Bad 25.13–16; Bal 20.10; Yeh 45.10 Idi do' muyuh nganau' timang, betuh, idi uad luk matu. Ui ini Tuhan Allah muyuh, luk nenguit nemuyuh remuat rat bang bawang Masir. 37Ngaceku ineh do' muyuh maya' amung ukum idi balaKu. Ui ini Tuhan.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.