Jénésis 13
13
Ébaram ne Lôt ba/pap Barî
1Ébaram o/bírî kyicê ńkyí bushûyû o-byí o-mîng Éjip, o-ribi busyísen-Kínan ne onyi emen ne kángkáng byěm ḿbyí o/mû ne mbyí. Lôt o-dim ne nyǐ ké kyikû. 2Ébaram o/mû o/firi nfang-onet ne ebû ne bampong ne akpuga. 3Ne o-dim ké kyikit ánkyi o-yêe ng o-câ ḿbú Bétel. O-ribi ké otyém ne otyém mú Bétel ne Áyi, ké kyikit ńkyí o/mû o/bi boompyep emen 4ne kyikit-kyifen echi kpákpá. Ányi nké Ébaram o/fé Óburúkpâbí.
5Lôt to, mú o/dim ne nyǐ ké kyikû, o/mû ne ebû ne bampong ne kyikû-banet emen ne bǎmgbán emen. 6Ké bubwô ámbu kâng, kyikit ńkyí byitú ebe byidaryí baryî kyi*da/chîjê* ńkyí mbé badakyú kyikit kyibónge* ké nǎ, byitú ebe byi/mû bii/jang ejê byi-shwôm. 7Ne bushwôn bu-róng banet ḿbé mbe ba-tún n byitú ḿbyí Ébaram ne ḿbé mbe ba-tún n ḿbyí Lôt. Ké nkéré ámu, banet ḿbé Kínan ne Périzit ba/mû ba/tôong ba-kyú u ké esí ányi.
8Ne Ébaram o-raa ne Lôt o/fu, me ne wo byi/fím. Kyi*da/nwa ńkyí banet eyên ne ḿbé ejí badakûshwôn ne barî*. 9Kyi-nwa ng ńkyí byidapap barî. Fîm kyicê-esí ńkyí kyi/nyîn ǒ, a-jâ kyicê kyibónge, me to n-kúng kyicê kyibónge.
10Lôt o-tún o-ri o/fu, kángkáng esí nyí ké bukô-kace ńké Jódan, tete kyi-ribi ké Zówa, nyi ne omu chwóó wǎ kyifát ńkyí Óburúkpâbí, ne wǎ esí nyí Éjip. Ńkyín kyi/mû ké nkéré mú Óburúkpâbí o*da/bên ne Sódom ne Gomóra*. 11Ne Lôt kâng o-kúng kángkáng esí nyí kace ńké Jódan, o-dim o-jâ ké kyicê ńkyí esû nyi e-byí i. Éné nké Ébaram ne Lôt ba/cen ne ba-pap barî. 12Ébaram o/waa ké esí nyí Kínan, Lôt o-kyú ké eshê nyí bukô-kace, o-bi boompyep emen ḿbú badabi ké byídí fáráng ne Sódom, 13mú banet-oshê ámu ba/mû baa*nwa* ne ba/mû ba-chi i byibî ba-bât ng Óburúkpâbí.
Ébaram o/dim o-jâ Héboron
14Ké nkéré mú Lôt oo/dim, Óburúkpâbí o/raa ne Ébaram o/fu, bwom ké kyikit ńkyí amu, a-kpúrî kángkáng byikit a-ri. 15Me n/chi n-kye ǒ ne bwǎn eyên kángkáng esí nyí amu a-ri ng. E/chi e-kyú nyí enen ne banyá. 16Me n/chi n-kye ǒ bwǎn ḿbé onet nang obónge oo*man epan*. Kyi/chi kyi-kyú wǎ onet mú o/chi o-kan o/fu, nyǐ o-pan n boochi-édúkǎndú ḿbú mbu ké ejíí emúmú. 17Dim kâng a-da-ri esí ányi emúmú, ké nǎ, me n/chi n-kye ǒ kányí kángkáng. 18Ne Ébaram o-zú kâng boompyep emen o-da-bi fáráng ne byichí-ociring ḿbyí Mámare ké Héboron, ne o-bi kyikit-kyifen echi ányi o-tî Óburúkpâbí.
Currently Selected:
Jénésis 13: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jénésis 13
13
Ébaram ne Lôt ba/pap Barî
1Ébaram o/bírî kyicê ńkyí bushûyû o-byí o-mîng Éjip, o-ribi busyísen-Kínan ne onyi emen ne kángkáng byěm ḿbyí o/mû ne mbyí. Lôt o-dim ne nyǐ ké kyikû. 2Ébaram o/mû o/firi nfang-onet ne ebû ne bampong ne akpuga. 3Ne o-dim ké kyikit ánkyi o-yêe ng o-câ ḿbú Bétel. O-ribi ké otyém ne otyém mú Bétel ne Áyi, ké kyikit ńkyí o/mû o/bi boompyep emen 4ne kyikit-kyifen echi kpákpá. Ányi nké Ébaram o/fé Óburúkpâbí.
5Lôt to, mú o/dim ne nyǐ ké kyikû, o/mû ne ebû ne bampong ne kyikû-banet emen ne bǎmgbán emen. 6Ké bubwô ámbu kâng, kyikit ńkyí byitú ebe byidaryí baryî kyi*da/chîjê* ńkyí mbé badakyú kyikit kyibónge* ké nǎ, byitú ebe byi/mû bii/jang ejê byi-shwôm. 7Ne bushwôn bu-róng banet ḿbé mbe ba-tún n byitú ḿbyí Ébaram ne ḿbé mbe ba-tún n ḿbyí Lôt. Ké nkéré ámu, banet ḿbé Kínan ne Périzit ba/mû ba/tôong ba-kyú u ké esí ányi.
8Ne Ébaram o-raa ne Lôt o/fu, me ne wo byi/fím. Kyi*da/nwa ńkyí banet eyên ne ḿbé ejí badakûshwôn ne barî*. 9Kyi-nwa ng ńkyí byidapap barî. Fîm kyicê-esí ńkyí kyi/nyîn ǒ, a-jâ kyicê kyibónge, me to n-kúng kyicê kyibónge.
10Lôt o-tún o-ri o/fu, kángkáng esí nyí ké bukô-kace ńké Jódan, tete kyi-ribi ké Zówa, nyi ne omu chwóó wǎ kyifát ńkyí Óburúkpâbí, ne wǎ esí nyí Éjip. Ńkyín kyi/mû ké nkéré mú Óburúkpâbí o*da/bên ne Sódom ne Gomóra*. 11Ne Lôt kâng o-kúng kángkáng esí nyí kace ńké Jódan, o-dim o-jâ ké kyicê ńkyí esû nyi e-byí i. Éné nké Ébaram ne Lôt ba/cen ne ba-pap barî. 12Ébaram o/waa ké esí nyí Kínan, Lôt o-kyú ké eshê nyí bukô-kace, o-bi boompyep emen ḿbú badabi ké byídí fáráng ne Sódom, 13mú banet-oshê ámu ba/mû baa*nwa* ne ba/mû ba-chi i byibî ba-bât ng Óburúkpâbí.
Ébaram o/dim o-jâ Héboron
14Ké nkéré mú Lôt oo/dim, Óburúkpâbí o/raa ne Ébaram o/fu, bwom ké kyikit ńkyí amu, a-kpúrî kángkáng byikit a-ri. 15Me n/chi n-kye ǒ ne bwǎn eyên kángkáng esí nyí amu a-ri ng. E/chi e-kyú nyí enen ne banyá. 16Me n/chi n-kye ǒ bwǎn ḿbé onet nang obónge oo*man epan*. Kyi/chi kyi-kyú wǎ onet mú o/chi o-kan o/fu, nyǐ o-pan n boochi-édúkǎndú ḿbú mbu ké ejíí emúmú. 17Dim kâng a-da-ri esí ányi emúmú, ké nǎ, me n/chi n-kye ǒ kányí kángkáng. 18Ne Ébaram o-zú kâng boompyep emen o-da-bi fáráng ne byichí-ociring ḿbyí Mámare ké Héboron, ne o-bi kyikit-kyifen echi ányi o-tî Óburúkpâbí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985