Jénésis 15
15
Ocím mú Osówo o/ryí ne Ébaram
1Ńdyí ńkyín kii/shwôm, Ébaram o/ri chwǒm-akat ne o-jwo Óburúkpâbí ké o/raa ne nyǐ o/fu, Ébaram, *dachi a-shî*. Me n/chi n-ku ǒ ké afaníkong, n-kye ǒ kiǐtí-eyáré.
2Nké Ébaram o/faa o/fu, Óburúkpâbí, mú mu Otu Kyítá, ebóng kanong ńké eyáré eyên eda mě ekye, me wǎn o*fí mě*. [Onet mú o/chi o-ryí mě bukyû kántîk, ányi Elyěze mú o/fím Damásákus.] 3Wo a*da mě ekye wǎn* ne ósóng ejí obónge nké o/chi o-ryí byěm ejí.
4Óburúkpâbí o-chîraa ne nyǐ o/fu, Elyěze mú ósóng mún oo*ryí byěm eyên*. Ochíchí-wǎn eyên nké o/chi o-ryí ǒ bukyû. 5Óburúkpâbí o-kúng ǎ o-byí kyíjí, o-sét ǎ o/fu, bírî achi kyíbóng a-kan epan ékpére nyí nyi ké mbú. Bwǎn eyên ba/chi ba-jê jangjang wǎ ékpére ányi.
6Ébaram o/fé dyityém ne Óburúkpâbí, ne ké bubwô ḿbún, kyi/nyîn Óburúkpâbí ne nyǐ, ne o-koo ǎ.
7Ne Óburúkpâbí o-raa kâng ne Ébaram o/fu, me n-chi i Óburúkpâbí mú n/tông ǒ kiǐfáng a-dim ké Ô, ké Bábyílon, n/fu, n-kyâ ǒ esí ńnyín e-firi nyí eyên.
8Nké Ébaram o/bí ǎ o/fu, Óburúkpâbí, mú mu Otu Kyítá, me n-cen n nǎ ne n-nyît n/fu, esí ńnyín e/chi e-kyú nyí ejí.
9Óburúkpâbí o-faa ǎ o/fu, bâ mě ne byěm ḿbyín, ḿbyí bii/rí aje achât, ebû ne otyítǎm ne mpong ne ámalê ne kaatǒmtǒm. 10Ébaram o-bâ ne byěm ámbyi, o-kyii kámbyí byicê byifee byifee, o-tî kámbyí byifee byifee ké etáng efee. Nké o*da/kyii boǒnúrúng*. 11Biinfuu akun byi-bâ enyam ányi ebaryí, nké Ébaram o/ró kámbyí.
12Ké nkéré mú esû e-kú e-ríbî ng, Ébaram o/róng ké kiimbâng-burê, bushî bu-róng ǎ. 13Óburúkpâbí o-raa ne nyǐ o/fu, bwǎn eyên ba/chi ba-kyú bacinbánet ké esí nyí e*fí nyí ebe*. Ba/chi ba-kyú básóng ké esí ányi, ne ba/chi ba-tî kámbé ké kyibî-dyikpen ké égot-aje efee. 14Nké n/chi n-kye oshê mú o/chi o-tî kámbé wǎ básóng busông. Ne ké nkéré ba/chi ba-dim ké esí ányi nyí e*fí nyí ebe* ba/chi ba-wuri esang chwóó ba-dim ne nyǐ. 15Wo oyén a/chi a-kán a-kâa, a-kpú bukyû ḿbú bunong, ba-ryii ǒ. 16Kyi/chi kyi-rí ńkyí ba/chi ba-fwon byitông-banet byinyii ne bwǎn eyên ba-bwa esim nyín, ké nǎ, mm*ba/chi n-ró banet ḿbé Ámórit* tete byibî ebe byi-jê chwóó ḿbyí ndakye kámbé busông.
17Ké nkéré mú esû ee/ríbî, kyifip kyi-jîi, katí ńké arúkwâ nyi a-byí i ké nké ne buka ḿbú ba/mee okwâ byi-byí byi-shwôm ochéé óchee ké otyém ne otyém mú byicê-enyam ámbyi. 18Ké dyicí ándyi kâng nké Óburúkpâbí o/ryí ocím ne Ébaram o/fu, me n/ryí ocím n/fu, n-kyâ bwǎn eyên esí ńnyín kyi-fím ké buti ḿbú Éjip tete kyi-ribi ké kace ńké Yuférétyis, 19cibicibi ne esí nyí banet ḿbé Kên ne ḿbé Kénez ne ḿbé Kádámonit 20ne ḿbé Hêt ne ḿbé Périzit ne ḿbé Réfyam 21ne ḿbé Ámórit ne ḿbé Kínan ne ḿbé Gyígashit ne ḿbé Jébus.
Currently Selected:
Jénésis 15: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jénésis 15
15
Ocím mú Osówo o/ryí ne Ébaram
1Ńdyí ńkyín kii/shwôm, Ébaram o/ri chwǒm-akat ne o-jwo Óburúkpâbí ké o/raa ne nyǐ o/fu, Ébaram, *dachi a-shî*. Me n/chi n-ku ǒ ké afaníkong, n-kye ǒ kiǐtí-eyáré.
2Nké Ébaram o/faa o/fu, Óburúkpâbí, mú mu Otu Kyítá, ebóng kanong ńké eyáré eyên eda mě ekye, me wǎn o*fí mě*. [Onet mú o/chi o-ryí mě bukyû kántîk, ányi Elyěze mú o/fím Damásákus.] 3Wo a*da mě ekye wǎn* ne ósóng ejí obónge nké o/chi o-ryí byěm ejí.
4Óburúkpâbí o-chîraa ne nyǐ o/fu, Elyěze mú ósóng mún oo*ryí byěm eyên*. Ochíchí-wǎn eyên nké o/chi o-ryí ǒ bukyû. 5Óburúkpâbí o-kúng ǎ o-byí kyíjí, o-sét ǎ o/fu, bírî achi kyíbóng a-kan epan ékpére nyí nyi ké mbú. Bwǎn eyên ba/chi ba-jê jangjang wǎ ékpére ányi.
6Ébaram o/fé dyityém ne Óburúkpâbí, ne ké bubwô ḿbún, kyi/nyîn Óburúkpâbí ne nyǐ, ne o-koo ǎ.
7Ne Óburúkpâbí o-raa kâng ne Ébaram o/fu, me n-chi i Óburúkpâbí mú n/tông ǒ kiǐfáng a-dim ké Ô, ké Bábyílon, n/fu, n-kyâ ǒ esí ńnyín e-firi nyí eyên.
8Nké Ébaram o/bí ǎ o/fu, Óburúkpâbí, mú mu Otu Kyítá, me n-cen n nǎ ne n-nyît n/fu, esí ńnyín e/chi e-kyú nyí ejí.
9Óburúkpâbí o-faa ǎ o/fu, bâ mě ne byěm ḿbyín, ḿbyí bii/rí aje achât, ebû ne otyítǎm ne mpong ne ámalê ne kaatǒmtǒm. 10Ébaram o-bâ ne byěm ámbyi, o-kyii kámbyí byicê byifee byifee, o-tî kámbyí byifee byifee ké etáng efee. Nké o*da/kyii boǒnúrúng*. 11Biinfuu akun byi-bâ enyam ányi ebaryí, nké Ébaram o/ró kámbyí.
12Ké nkéré mú esû e-kú e-ríbî ng, Ébaram o/róng ké kiimbâng-burê, bushî bu-róng ǎ. 13Óburúkpâbí o-raa ne nyǐ o/fu, bwǎn eyên ba/chi ba-kyú bacinbánet ké esí nyí e*fí nyí ebe*. Ba/chi ba-kyú básóng ké esí ányi, ne ba/chi ba-tî kámbé ké kyibî-dyikpen ké égot-aje efee. 14Nké n/chi n-kye oshê mú o/chi o-tî kámbé wǎ básóng busông. Ne ké nkéré ba/chi ba-dim ké esí ányi nyí e*fí nyí ebe* ba/chi ba-wuri esang chwóó ba-dim ne nyǐ. 15Wo oyén a/chi a-kán a-kâa, a-kpú bukyû ḿbú bunong, ba-ryii ǒ. 16Kyi/chi kyi-rí ńkyí ba/chi ba-fwon byitông-banet byinyii ne bwǎn eyên ba-bwa esim nyín, ké nǎ, mm*ba/chi n-ró banet ḿbé Ámórit* tete byibî ebe byi-jê chwóó ḿbyí ndakye kámbé busông.
17Ké nkéré mú esû ee/ríbî, kyifip kyi-jîi, katí ńké arúkwâ nyi a-byí i ké nké ne buka ḿbú ba/mee okwâ byi-byí byi-shwôm ochéé óchee ké otyém ne otyém mú byicê-enyam ámbyi. 18Ké dyicí ándyi kâng nké Óburúkpâbí o/ryí ocím ne Ébaram o/fu, me n/ryí ocím n/fu, n-kyâ bwǎn eyên esí ńnyín kyi-fím ké buti ḿbú Éjip tete kyi-ribi ké kace ńké Yuférétyis, 19cibicibi ne esí nyí banet ḿbé Kên ne ḿbé Kénez ne ḿbé Kádámonit 20ne ḿbé Hêt ne ḿbé Périzit ne ḿbé Réfyam 21ne ḿbé Ámórit ne ḿbé Kínan ne ḿbé Gyígashit ne ḿbé Jébus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985