Jénésis 28
28
1Ázik o/kó Jekôp, o-sét ǎ o/fu, *dachi a-bé wǎn-onyinyi mú o/fím Kínan*. 2Nké ca Mesopotémya, ké kyise ńkyí Bétwel mú bonchí eyên mú kánkán a-da-bé wǎn-Lában mú wǎn-boné eyên. 3Kyi/bát Osówo mú o/rêe o-shwôm ojware dyibé enen o-kye ǒ bwǎn chwóó eringe nyí a/chi a-firi bonchí mú eshê chwóó. 4Kyi/bát Osówo ojware ǒ ne bwǎn eyên wǎ eringe nyí o/jware Ébarahâm, ne kyi/bát wo akoo esí ńnyín nyí aa/kyú ké nyǐ, nyí Osówo o/kye Ébarahâm. 5Ázik o-twóm Jekôp o-dim Mesopotémya o-kâm Lában mú o/mû wǎn-Bétwel, mú o/fím Áram, ne o/mû to wǎn-boné-Rebéka mú o/mû boné-Jekôp ne Éso.
Éso o/chîbé Onyi Okíri
6Éso o/jwo ba/fu, Ázik oo/jware Jekôp o-twóm ǎ o-dim Mesopotémya, o/fu, oda-bé onyi. O-jwo to ba/fu, ké nkéré mú Ázik o/jware ǎ, o/sét ǎ o/fu, o*dachi o-bé onyi mú o/fím Kínan*. 7O-nyît o-fu, Jekôp oo/jwo ejá nyí bonchí ne boné emen ne oo/dim o-jâ Mesopotémya. 8Éso o-nyît kâng o/fu, bonchí emen o*fí o-ryuu ng o/fu, bwǎn emen babé banyi ḿbé ba/fím Kínan*. 9Ne o-dim o-kâm Éshimal mú wǎn-Ébarahâm o-da-bé wǎn emen mú odabángê Mahálat, mú o/mû wǎn-boné mú Nabáyot.
Burê ḿbú Jekôp o/ri ké Bétel
10Jekôp o/dim ké Byíshíba o-wâa ḿbú Háran. 11Ńdyí dyikurúku dyi/fyi, o/ribi ké [kyikit ńkyí Osówo o/cá kánkyí,] ne o-rí ányi. O-rí sáre, o-twôom dyishí ké buká, o-róng ké burê. 12Nyǐ o/ri burê ké o/ri égbagâmgba nyí e/fím kyísí e-ribi ké bubóng, ne barím ḿbé banong mbe ba-yú u kyíbóng ba-shû ng kyísí ké nyǐ. 13Ne Óburúkpâbí o/bwom ǎ [ké bukô,] o-raa ne nyǐ o/fu, me n-chi i Óburúkpâbí mú mu Osówo mú Ébarahâm ne Ázik. N/chi n-kye ǒ wo ne bwǎn eyên esí ńnyín nyí a/rí ké nyǐ. 14Ba/chi ba-jê jangjang wǎ boochi-édúkǎndú ḿbú mbu ké ejíí. Ba/chi ba-nere esí ebe byicê byimúmú, ne [ké bubwô eyên ne ḿbú bwǎn eyên, me n/chi n-jware ejíí emúmú.] 15Zîim a/fu, me n/chi n-kyú ne wo, n-ku ǒ nang nyá nké a/jé, ne n/chi m-bwa ne wo esim ké esí ńnyín. Me mm*ba/chi m-mîng ǒ* tete n-chi kángkáng byěm ḿbyí n/ryí ǒ ocím.
16Jekôp o-jwóbê ké burê ne o-raa o/fu, Óburúkpâbí mu nyín. Mu ké kyikit ńkyín, me n*da/nyît*. 17O-kpet eshî, o-raa o/fu, kyikit ńkyín nkyi kyi-chi i bushî. Kyi-man kyi-kyú kyise-Osówo. Kyi-man kyi-kyú dyifyi ńdyí adacen ne a-nung kyíbóng.
18Jekôp o/bûu nensang nencófóróng ké orî-dyicí, o-yip buká ḿbú o/mû o/rí o-twôom dyishí o-tî kámbú wǎ chwǒm ńkyí kyida ǎ ekûzîim kyi-kim ne kyikit ánkyi. Ne o-kúng bakút-ólif o-pwó ké mbú o-chi kyifen o-kye Osówo. 19O-fé kyikit ánkyi dyizîn, Bétel. Oshê mú o/mû ányi ba/mû ba-kó ng kámú Lûz. 20Ne Jekôp o-ryí Óburúkpâbí ocím o/fu, â wo a/chi a-kyú ne me, a-ku mě ké bucen ejí ḿbún, a-kye mě byiryíng ne byídí, 21ne â n/fyi kanong kanong ké kyise ńkyí bonchí ejí, wo a/chi a-kyú Osówo ejí. 22Buká ḿbú me nn/tî dyizǐm něen bu/chi bu-kyú kyikit ńkyí nda ǒ ekûkye ofê, ne n/chi n-kyii nang ebóng chwǒm ńkyí a/kye mě ké byikit diǐkpú n-kye ǒ kyikit kyibónge.
Currently Selected:
Jénésis 28: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jénésis 28
28
1Ázik o/kó Jekôp, o-sét ǎ o/fu, *dachi a-bé wǎn-onyinyi mú o/fím Kínan*. 2Nké ca Mesopotémya, ké kyise ńkyí Bétwel mú bonchí eyên mú kánkán a-da-bé wǎn-Lában mú wǎn-boné eyên. 3Kyi/bát Osówo mú o/rêe o-shwôm ojware dyibé enen o-kye ǒ bwǎn chwóó eringe nyí a/chi a-firi bonchí mú eshê chwóó. 4Kyi/bát Osówo ojware ǒ ne bwǎn eyên wǎ eringe nyí o/jware Ébarahâm, ne kyi/bát wo akoo esí ńnyín nyí aa/kyú ké nyǐ, nyí Osówo o/kye Ébarahâm. 5Ázik o-twóm Jekôp o-dim Mesopotémya o-kâm Lában mú o/mû wǎn-Bétwel, mú o/fím Áram, ne o/mû to wǎn-boné-Rebéka mú o/mû boné-Jekôp ne Éso.
Éso o/chîbé Onyi Okíri
6Éso o/jwo ba/fu, Ázik oo/jware Jekôp o-twóm ǎ o-dim Mesopotémya, o/fu, oda-bé onyi. O-jwo to ba/fu, ké nkéré mú Ázik o/jware ǎ, o/sét ǎ o/fu, o*dachi o-bé onyi mú o/fím Kínan*. 7O-nyît o-fu, Jekôp oo/jwo ejá nyí bonchí ne boné emen ne oo/dim o-jâ Mesopotémya. 8Éso o-nyît kâng o/fu, bonchí emen o*fí o-ryuu ng o/fu, bwǎn emen babé banyi ḿbé ba/fím Kínan*. 9Ne o-dim o-kâm Éshimal mú wǎn-Ébarahâm o-da-bé wǎn emen mú odabángê Mahálat, mú o/mû wǎn-boné mú Nabáyot.
Burê ḿbú Jekôp o/ri ké Bétel
10Jekôp o/dim ké Byíshíba o-wâa ḿbú Háran. 11Ńdyí dyikurúku dyi/fyi, o/ribi ké [kyikit ńkyí Osówo o/cá kánkyí,] ne o-rí ányi. O-rí sáre, o-twôom dyishí ké buká, o-róng ké burê. 12Nyǐ o/ri burê ké o/ri égbagâmgba nyí e/fím kyísí e-ribi ké bubóng, ne barím ḿbé banong mbe ba-yú u kyíbóng ba-shû ng kyísí ké nyǐ. 13Ne Óburúkpâbí o/bwom ǎ [ké bukô,] o-raa ne nyǐ o/fu, me n-chi i Óburúkpâbí mú mu Osówo mú Ébarahâm ne Ázik. N/chi n-kye ǒ wo ne bwǎn eyên esí ńnyín nyí a/rí ké nyǐ. 14Ba/chi ba-jê jangjang wǎ boochi-édúkǎndú ḿbú mbu ké ejíí. Ba/chi ba-nere esí ebe byicê byimúmú, ne [ké bubwô eyên ne ḿbú bwǎn eyên, me n/chi n-jware ejíí emúmú.] 15Zîim a/fu, me n/chi n-kyú ne wo, n-ku ǒ nang nyá nké a/jé, ne n/chi m-bwa ne wo esim ké esí ńnyín. Me mm*ba/chi m-mîng ǒ* tete n-chi kángkáng byěm ḿbyí n/ryí ǒ ocím.
16Jekôp o-jwóbê ké burê ne o-raa o/fu, Óburúkpâbí mu nyín. Mu ké kyikit ńkyín, me n*da/nyît*. 17O-kpet eshî, o-raa o/fu, kyikit ńkyín nkyi kyi-chi i bushî. Kyi-man kyi-kyú kyise-Osówo. Kyi-man kyi-kyú dyifyi ńdyí adacen ne a-nung kyíbóng.
18Jekôp o/bûu nensang nencófóróng ké orî-dyicí, o-yip buká ḿbú o/mû o/rí o-twôom dyishí o-tî kámbú wǎ chwǒm ńkyí kyida ǎ ekûzîim kyi-kim ne kyikit ánkyi. Ne o-kúng bakút-ólif o-pwó ké mbú o-chi kyifen o-kye Osówo. 19O-fé kyikit ánkyi dyizîn, Bétel. Oshê mú o/mû ányi ba/mû ba-kó ng kámú Lûz. 20Ne Jekôp o-ryí Óburúkpâbí ocím o/fu, â wo a/chi a-kyú ne me, a-ku mě ké bucen ejí ḿbún, a-kye mě byiryíng ne byídí, 21ne â n/fyi kanong kanong ké kyise ńkyí bonchí ejí, wo a/chi a-kyú Osówo ejí. 22Buká ḿbú me nn/tî dyizǐm něen bu/chi bu-kyú kyikit ńkyí nda ǒ ekûkye ofê, ne n/chi n-kyii nang ebóng chwǒm ńkyí a/kye mě ké byikit diǐkpú n-kye ǒ kyikit kyibónge.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985