Jǒn 14
14
Jisos nké mu Bukwóp ḿbú adakâm Bonchí
1Jisos o-sét kámbé o/fu, ofong o*dachi o-kédê běn* nké bángê ê ne Osówo ne atyém enen. Bángê ê to ne me ne atyém enen. 2Banfût mbe kô chwóó ké kyise ńkyí Bonchí ejí, ne me mu n-wâa ng n-da-kpá byiko n-tî běn kyikit. Â kyi/mû kyi*fí éné* me m/mû n/chi n-sét běn n/fu, me n-câ n-da-kpá byiko n-tî běn kyikit? 3Ké nkéré mú nn/da běn etî kyikit, me n/chi m-bwa esim m-ba-kpî běn n-fé ké byiko, eringe nyí ben badaribi ké kyikit ńkyí me mu. 4Ben bamu ba-nyît ng eringe nyí badacen ne ba-ribi ké kyikit ńkyí me mu n-wâa ng.
5Tómos o-sét ǎ o/fu, Otu Kyítá be byi*fí byi-nyît ng kyikit ńkyí wo amu a-wâa ng* byi-cen n nǎ kâng ne byi-nyît bukwóp ḿbú byidacen ne byi-ribi áku.
6Jisos o-faa ǎ o/fu, me nké mu bukwóp ḿbú adakâm Bonchí. Me n-chi i to ntûntû ne dyikpen. Onet o*fí nang obónge mú odawâa o-kâm Bonchí ejí* â o*da/cen ké bubwô ejí*. 7Ne o-raa ne mbé o/fu, kántîk mú ben baa/nyît mě me, ba/chi ba-nyît to Bonchí ejí. Kyi-fím kántîk to kyi-ca kashú, ben ba-kú ba-nyît ng ǎ, ne baa/ri ǎ to.
8Fyílip o-raa ne nyǐ o/fu, Otu Kyítá, tông bě Bonchí eyên. Nkyí kǎnchí nké byimu byi-ryuu ng.
9Jisos o-faa ǎ o/fu, nang ké nn/kyú ne ben ashí amúmú ké bujê-nkéré, wo a*fí a-nyît ng mě, ǎ Fyílip*? Nang yeě nké oo/ri mě, ányi oo/ri Bonchí ejí to. Kyi/cen nǎ kâng ne wo amu a-raa ng a/fu, tông bě Bonchí eyên. 10Wo a*da/bángê ne dyityém eyên, ǎ Fyílip*? a/fu, me mu ké dyityém ńdyí Bonchí, ne Bonchí to mu ké ńdyí ejí dí. Jisos o-raa ne bǎmgbán emen o/fu, byiraa ḿbyí me nn/sét běn něen byi*da/fím ne me*. Bonchí ejí mú mu mě ké dyityém nké mu o-chi i bǎmkpóngé ḿbé emen. 11Bángê ê ne me ne atyém enen ba/fu, me mu ké dyityém ńdyí Bonchí ejí, ne Bonchí ejí to mu ké ńdyí ejí. Â kyi*fí éné* bángê ê ne atyém enen ké bubwô ḿbú bǎmkpóngé emen ḿbén. 12Me mu n-sét ng běn ké ntûntû n/fu, nang yeě nké mu o-bángê e ne me ne dyityém emen, onet ámu o/chi o-chi bǎmkpóngé ḿbé me mu n-chi i. Ne nyǐ o/chi o-chi nang ḿbé mbe kiǐtí ba-shwôm ḿbén. Ké ebóng, me n-kú n-wâa ng n-kâm Bonchí ejí. 13Me n/chi n-chi to nang ebóng chwǒm ńkyí ben bamu ba-bí ng mě, â ba/kó dyizîn ejí, eringe nyí busa ḿbú Bonchí ejí bu/chi bu-byí wááng ké bubwô ḿbú Wǎn emen. 14Â ben ba/kó dyizîn ejí ba-bí mě nang ebóng chwǒm, me n/chi n-chi kánkyí.
Ocím eryí mú Busun-Osówo etwóm
15Â me mu n-jê ng běn, ben ba/chi ba-kûchi ńkyí byije ejí byi/fu, bachi. 16Me n/chi m-bí Bonchí ejí, ne nyǐ o/chi o-kye běn Nchíchwábáng okíri, ányi Busun-Osówo ḿbú budasét ntûntû, ḿbú bu/chi bu-waa ne ben ne banyá. 17Ejíí ee*man ekoo kámbú* ké nǎ, ee*man eri kámbú* e-nyît nang kámbú*. Nké ben bamu ba-nyît ng kámbú, ké ebóng, mbú bu-waa ng ne ben, ne mbu běn to ké dyityém.
18Mm*ba/chi m-mîng běn kǎnchí* n/chi m-bwa esim n-kâm běn. 19Ké kaǎnyín-nkéré, ejíí ee*ba/chi e-chî mě eri* nké ben ba/chi ba-ri mě, ne ké bubwô ḿbú me mu m-kpen n, ben to ba/chi ba-kpen. 20Ké nkéré mú dyicí ándyi dii/fyi, ben ba/chi ba-nyît ba/fu, me mu ké dyityém ńdyí Bonchí ejí, ba-nyît to ba/fu, ben to bamu ké ńdyí ejí, wǎ eringe nyí me mu ké ńdyí enen.
21Nang yeě nké mu o-koo ng byije ejí, ne mu o-chi i wǎ eringe nyí byi/sét, onet ámu o-chi i onet mú me mu n-jê ng ǎ. Onet mú me mu n-jê ng ǎ o/chi o-jê Bonchí ejí. Onet ámu to o/chi o-jê mě, ne n-tông ng ǎ byiko ejí wááng.
22Júdas, *chí Júdas-Esakáryot* o-bí ǎ o/fu, Otu Kyítá, kyi-cen n nǎ ńkyí wo ada bě etông be byiko eyên wááng, aa*tông ejíí*.
23Jisos o-faa ǎ o/fu, nang yeě nké me mu n-jê ng ǎ o-chi i ńkyí ejá ejí e/sét. Onet ámu o-jê ng Bonchí ejí, ne me ne Bonchí ejí byi/chi byi-bâ byi-kâm ǎ, byi-kûkyú ne nyǐ. 24Nang yeě nké me n*fí n-jê ng ǎ* nyǐ oo*chi ńkyí ejá ejí e/sét*. Byiraa ḿbyí ben baa/jwo ne me byi*da/fím ne me* nké byi/fím ne Bonchí ejí mú o/twóm mě.
25Me nn/sét běn ńkyín kántîk ké n/tôong ne ben. 26Nké Busun-Osówo ḿbú mbu Nchíchwábáng, ḿbú Bonchí ejí o/chi o-twóm ké bubwô ejí bu/chi bu-tángê běn kángkáng byěm, ne bu-chi běn to ba-zîim kángkáng byěm ḿbyí nn/sét běn.
27Me m/mîng běn ne bunyîn-dyityém. Bunyîn-dyityém ḿbú ejí nké mu n-kyâ běn. Me n*da běn ekye kámbú wǎ eringe nyí ejíí nyi e-kyâ*. *Da n̂g ekûkédê ofong* ba-shî ng bushî*. 28Ben ba/jwo mě ké n/sét běn n/fu, me n-kú n-dim m. Nké n/chi m-bwa esim n-kâm běn. Â me m/mû mu n-jê ng běn, ben ba/mû ba/chi ba-kûjêe ba/fu, me n-kú n-wâa ng kyikit-Bonchí ejí. Ké nǎ, nyǐ o/rêe o-shwôm mě. 29Me nn/sét běn ńkyín kántîk, ne kyi-kûchi, eringe nyí â kyi/chi, ben ba/chi ba-bángê ne atyém enen. 30Me mm*ba/chi n-chîpem ne ben ka-bwon chwóó*. Ké ebóng, otu mú ejíí ńnyín o-kú o-bâ. Nyǐ o*fí ne busa ne me*. 31Nké ejíí e-man e-nyît e/fu, Bonchí ejí mu o-jê ng mě, nkyí nké me mu n-chi i kángkáng byěm eringe nyí nyǐ mu o-sét ng mě.
Bâ n̂g byi-dim byi-mîng kyikit ńkyín.
Currently Selected:
Jǒn 14: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jǒn 14
14
Jisos nké mu Bukwóp ḿbú adakâm Bonchí
1Jisos o-sét kámbé o/fu, ofong o*dachi o-kédê běn* nké bángê ê ne Osówo ne atyém enen. Bángê ê to ne me ne atyém enen. 2Banfût mbe kô chwóó ké kyise ńkyí Bonchí ejí, ne me mu n-wâa ng n-da-kpá byiko n-tî běn kyikit. Â kyi/mû kyi*fí éné* me m/mû n/chi n-sét běn n/fu, me n-câ n-da-kpá byiko n-tî běn kyikit? 3Ké nkéré mú nn/da běn etî kyikit, me n/chi m-bwa esim m-ba-kpî běn n-fé ké byiko, eringe nyí ben badaribi ké kyikit ńkyí me mu. 4Ben bamu ba-nyît ng eringe nyí badacen ne ba-ribi ké kyikit ńkyí me mu n-wâa ng.
5Tómos o-sét ǎ o/fu, Otu Kyítá be byi*fí byi-nyît ng kyikit ńkyí wo amu a-wâa ng* byi-cen n nǎ kâng ne byi-nyît bukwóp ḿbú byidacen ne byi-ribi áku.
6Jisos o-faa ǎ o/fu, me nké mu bukwóp ḿbú adakâm Bonchí. Me n-chi i to ntûntû ne dyikpen. Onet o*fí nang obónge mú odawâa o-kâm Bonchí ejí* â o*da/cen ké bubwô ejí*. 7Ne o-raa ne mbé o/fu, kántîk mú ben baa/nyît mě me, ba/chi ba-nyît to Bonchí ejí. Kyi-fím kántîk to kyi-ca kashú, ben ba-kú ba-nyît ng ǎ, ne baa/ri ǎ to.
8Fyílip o-raa ne nyǐ o/fu, Otu Kyítá, tông bě Bonchí eyên. Nkyí kǎnchí nké byimu byi-ryuu ng.
9Jisos o-faa ǎ o/fu, nang ké nn/kyú ne ben ashí amúmú ké bujê-nkéré, wo a*fí a-nyît ng mě, ǎ Fyílip*? Nang yeě nké oo/ri mě, ányi oo/ri Bonchí ejí to. Kyi/cen nǎ kâng ne wo amu a-raa ng a/fu, tông bě Bonchí eyên. 10Wo a*da/bángê ne dyityém eyên, ǎ Fyílip*? a/fu, me mu ké dyityém ńdyí Bonchí, ne Bonchí to mu ké ńdyí ejí dí. Jisos o-raa ne bǎmgbán emen o/fu, byiraa ḿbyí me nn/sét běn něen byi*da/fím ne me*. Bonchí ejí mú mu mě ké dyityém nké mu o-chi i bǎmkpóngé ḿbé emen. 11Bángê ê ne me ne atyém enen ba/fu, me mu ké dyityém ńdyí Bonchí ejí, ne Bonchí ejí to mu ké ńdyí ejí. Â kyi*fí éné* bángê ê ne atyém enen ké bubwô ḿbú bǎmkpóngé emen ḿbén. 12Me mu n-sét ng běn ké ntûntû n/fu, nang yeě nké mu o-bángê e ne me ne dyityém emen, onet ámu o/chi o-chi bǎmkpóngé ḿbé me mu n-chi i. Ne nyǐ o/chi o-chi nang ḿbé mbe kiǐtí ba-shwôm ḿbén. Ké ebóng, me n-kú n-wâa ng n-kâm Bonchí ejí. 13Me n/chi n-chi to nang ebóng chwǒm ńkyí ben bamu ba-bí ng mě, â ba/kó dyizîn ejí, eringe nyí busa ḿbú Bonchí ejí bu/chi bu-byí wááng ké bubwô ḿbú Wǎn emen. 14Â ben ba/kó dyizîn ejí ba-bí mě nang ebóng chwǒm, me n/chi n-chi kánkyí.
Ocím eryí mú Busun-Osówo etwóm
15Â me mu n-jê ng běn, ben ba/chi ba-kûchi ńkyí byije ejí byi/fu, bachi. 16Me n/chi m-bí Bonchí ejí, ne nyǐ o/chi o-kye běn Nchíchwábáng okíri, ányi Busun-Osówo ḿbú budasét ntûntû, ḿbú bu/chi bu-waa ne ben ne banyá. 17Ejíí ee*man ekoo kámbú* ké nǎ, ee*man eri kámbú* e-nyît nang kámbú*. Nké ben bamu ba-nyît ng kámbú, ké ebóng, mbú bu-waa ng ne ben, ne mbu běn to ké dyityém.
18Mm*ba/chi m-mîng běn kǎnchí* n/chi m-bwa esim n-kâm běn. 19Ké kaǎnyín-nkéré, ejíí ee*ba/chi e-chî mě eri* nké ben ba/chi ba-ri mě, ne ké bubwô ḿbú me mu m-kpen n, ben to ba/chi ba-kpen. 20Ké nkéré mú dyicí ándyi dii/fyi, ben ba/chi ba-nyît ba/fu, me mu ké dyityém ńdyí Bonchí ejí, ba-nyît to ba/fu, ben to bamu ké ńdyí ejí, wǎ eringe nyí me mu ké ńdyí enen.
21Nang yeě nké mu o-koo ng byije ejí, ne mu o-chi i wǎ eringe nyí byi/sét, onet ámu o-chi i onet mú me mu n-jê ng ǎ. Onet mú me mu n-jê ng ǎ o/chi o-jê Bonchí ejí. Onet ámu to o/chi o-jê mě, ne n-tông ng ǎ byiko ejí wááng.
22Júdas, *chí Júdas-Esakáryot* o-bí ǎ o/fu, Otu Kyítá, kyi-cen n nǎ ńkyí wo ada bě etông be byiko eyên wááng, aa*tông ejíí*.
23Jisos o-faa ǎ o/fu, nang yeě nké me mu n-jê ng ǎ o-chi i ńkyí ejá ejí e/sét. Onet ámu o-jê ng Bonchí ejí, ne me ne Bonchí ejí byi/chi byi-bâ byi-kâm ǎ, byi-kûkyú ne nyǐ. 24Nang yeě nké me n*fí n-jê ng ǎ* nyǐ oo*chi ńkyí ejá ejí e/sét*. Byiraa ḿbyí ben baa/jwo ne me byi*da/fím ne me* nké byi/fím ne Bonchí ejí mú o/twóm mě.
25Me nn/sét běn ńkyín kántîk ké n/tôong ne ben. 26Nké Busun-Osówo ḿbú mbu Nchíchwábáng, ḿbú Bonchí ejí o/chi o-twóm ké bubwô ejí bu/chi bu-tángê běn kángkáng byěm, ne bu-chi běn to ba-zîim kángkáng byěm ḿbyí nn/sét běn.
27Me m/mîng běn ne bunyîn-dyityém. Bunyîn-dyityém ḿbú ejí nké mu n-kyâ běn. Me n*da běn ekye kámbú wǎ eringe nyí ejíí nyi e-kyâ*. *Da n̂g ekûkédê ofong* ba-shî ng bushî*. 28Ben ba/jwo mě ké n/sét běn n/fu, me n-kú n-dim m. Nké n/chi m-bwa esim n-kâm běn. Â me m/mû mu n-jê ng běn, ben ba/mû ba/chi ba-kûjêe ba/fu, me n-kú n-wâa ng kyikit-Bonchí ejí. Ké nǎ, nyǐ o/rêe o-shwôm mě. 29Me nn/sét běn ńkyín kántîk, ne kyi-kûchi, eringe nyí â kyi/chi, ben ba/chi ba-bángê ne atyém enen. 30Me mm*ba/chi n-chîpem ne ben ka-bwon chwóó*. Ké ebóng, otu mú ejíí ńnyín o-kú o-bâ. Nyǐ o*fí ne busa ne me*. 31Nké ejíí e-man e-nyît e/fu, Bonchí ejí mu o-jê ng mě, nkyí nké me mu n-chi i kángkáng byěm eringe nyí nyǐ mu o-sét ng mě.
Bâ n̂g byi-dim byi-mîng kyikit ńkyín.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985