Jǒn 9
9
Jisos o/chi Onyinchéng mú ba/mû ba/fwon ǎ Achi Kpínkpín o-kpet erángê
1Ké nkéré mú Jisos mu o-cen n o-câ, o/ri onyinchéng obónge mú ba/mû ba/fwon ǎ achi kpínkpín. 2Bǎmgbán-Jisos ba-bí Jisos ba/fu, ntánge byiraa-Osówo, kyibî ńkyí yeě kyi/chi, ne ba-fwon onyinchéng mún achi kpínkpín. Ńkyí emen aa, aa ńkyí boné ne bonchí.
3Jisos o-faa o/fu, achi emen nyí a/sêe a*fí ne chwǒm kyi-kim ne byibî ḿbyí emen* nang kyi-kim ne ḿbyí boné ne bonchí*. Achi emen a/sêe, eringe nyí banet badaman eri bǎmkpóngé ḿbé busa ḿbú Osówo bu/chi bu-tông ké enyam-byiko emen. 4Byi-man byi-ca kashú ne bǎmkpóngé ḿbé nyǐ mú o/twóm mě ké esû e/tôong. Buchú mbu bu-bâ ḿbú onet nang obónge oo*man echi to bǎmkpóngé*. 5Eringe nyí me n/tôong ké ejíí, me n-chi i kiinwángé ńkyí ejíí.
6Ké nkéré mú Jisos oo/raa ńkyín, o-shú akorong kyísí, o-chi kaǎkpí-ecing ké akorong ányi. O-kúng ecing ányi o-sabe onyinchéng ámu ké achi, 7ne o-sét ǎ o/fu, ca a-da-soo bushú eyên ké kiǐdé-omu ńkyí badakó Solôm. Dyizîn ńdyín dyi/byí, Kyitwóm. Onyinchéng ámu o-dim o-da-soo bushú emen, o-kpet erángê, ne o-bwa esim.
8Barî-banet emen kâng ne banet to ḿbé ba/mû baa/ri ǎ ké nkéré mú mu o-rém m byěm, ba-kpet ebí ba/fu, *chí onyinchéng mún něen nké o/mû o-fwam m ekyú o-rém m byěm*?
9Kyicê-banet ba/fu, nyǐ. Nké bakíri ba/fu, aa*wááng* *chí nyǐ*. O/bí ǎ obíng.
Ne onyinchéng ámu nyǐ oyén kâng o-raa o/fu, me onyinchéng ámu.
10Mbé ba-bí ǎ ba/fu, achi eyên a/cen nǎ ne a-bâa.
11Nyǐ o-faa o/fu, onyinchéng mú odabángê Jisos nké o/chi ecing o-sabe mě ké achi, ne o-sét mě o/fu, ca ké kiǐdé-omu ńkyí badakó Solôm a-da-soo bushú eyên. N-dim kâng n-ca, ne ńdyí n-soo ng osoǒng m-bâ, n-waa ányi m-kpet erángê.
12Mbé ba-bí ǎ ba/fu, nyǐ mu nyá.
Nyǐ o-faa o/fu, me n*fí n-nyît ng*.
Banet-Ncibi mú badakó Fárasyî ba/kyé Kyikû ńkyí Nsêe Achi ámu o/kpet erángê
13Banet ámbe ba-kúng kâng onyinchéng ámu mú achi emen a/mû a/sêe, ba-dim ne nyǐ ké kyikit ńkyí banet-ncibi mú badakó Fárasyî. 14Dyicí ńdyí Jisos o/chi ecing ne o-chi achi nyí onyinchéng ámu a-bâa dyi/mû dyicí-ékwâbashi. 15Banet-Fárasyî ba-chîbí onyinchéng ámu eringe nyí kyi/cen ne o-kpet erángê. O-sét kámbé o/fu, Jisos o/sabe mě ecing ké achi, ne n-da-soo bushú ejí. Kántîk n-kú n-rángê e.
16Kyicê-banet-Fárasyî ba-kpet eraa ba/fu, onyinchéng mú o/chi chwǒm ńkyín oo*man efím ké abwô nyí Osówo* ké ebóng, nyǐ o*fí o-fâ kyije ńkyí dyicí-ékwâbashi*.
Bakíri ba/fu, onyinchéng mú mu nchi byibî o-cen n nǎ ne o-kûman echi azong-biǐtí-akat něen wǎ ḿbyín. Ne ba-waa ányi ba-kyii ké byikim ké byikim, ḿbyí byi*fí byi-bángê e ne barî*.
17Banet-Fárasyî ba-chînye ba-bí onyinchéng ámu ba/fu, wo a/fu, nyǐ nké o/bâa ǒ achi eyên? Kántîk, wo a/kabe nǎ kyi-kim ne nyǐ.
Onyinchéng ámu o-faa o/fu, o-chi i mkpábé mú odasét byiraa-Osówo.
18Nké batu-ashí-banet-Jûs ba/mû ba*fí ba-bángê e obángé ba/fu, onyinchéng ámu o/mû achi kpínkpín* ne kántîk o-kú o-rángê e* tete ba-kó bonchí ne boné emen. 19Ne ba-bí kámbé ba/fu, nyín wǎn enen dí. Ben bamu ba-sét ng ba/fu, ba/fwon ǎ achi kpínkpín? Kántîk, ebóng byi/bwa kyi-chi ǎ ne nyǐ o-kú o-rángê e.
20Bonchí ne boné-onyinchéng ámu ba-faa ba/fu, be byimu byi-nyît ng byi/fu, nyǐ o-chi i wǎn eten. Byimu byi-nyît ng to byi/fu, byi/fwon ǎ achi kpínkpín. 21Nké byi*fí byi-nyît ng eringe nyí kyi/cen ne o-kú o-rángê e kántîk*. Nang onet mú o/chi ne achi emen a-bâa byi*fí byi-nyît ng ǎ*. Bí n̂g ǎ. Nyǐ oo/kán o-kwárê mú odaman efaa nyǐ oyén. 22Bonchí ne boné ba/fu ńkyín, ké nǎ, mbé ba/mû mbe ba-shî ng batu-ashí-banet-Jûs, ḿbé ba/mû baa/tóbê ne barî ba-bángê ba/fu, nang yeě nké o/sét wááng o/fu, Jisos o-chi i onet mú Osówo o/kúng ǎ butu, mbé ba/chi ba-fîm ǎ ké ékwâbashi ebe. 23Nkyí nké kyi/chi ne bonchí ne boné-onyinchéng ámu ba/fu, bí n̂g ǎ. Nyǐ oyén oo/kán o-kwárê.
24Ba-chîkó onyinchéng ámu mú ba/mû ba/fwon ǎ achi kpínkpín ké kampén kafee, ba-sét ǎ ba/fu, ryí ocím ké bushú-Osówo a/fu, wo a-sét ng ntûntû. Be byimu byi-nyît ng byi/fu, Jisos o-chi i nchi byibî.
25Onyinchéng ámu o-faa o/fu, me n*fí n-nyît ng* nang nyǐ o-chi i nchi byibî o, nang oo*chi o*. Chwǒm kyibónge nké me mu n-nyît ng. Me m/mû achi kpínkpín, nké kántîk n-kú n-rángê e.
26Mbé ba-bí ǎ ba/fu, nyǐ o/chi ǒ ebóng. Nyǐ o/cen nǎ ne o-bâa achi eyên.
27Nyǐ o-faa kámbé o/fu, me m/mû nn/sét běn, nké ben ba/né ejwo. Ebóng kyi/chi ńkyí ben bamu ba-chî ng eryuu ba/fu, ben ba-jwo ng kánkyí. Kakíri ben to bamu ba-ryuu ng ba/fu, ba-kyú u bǎmgbán emen.
28Ba-kpet ǎ eshú, ba-raa ng ne nyǐ ba/fu, wo nké amu ḿgbán-onyinchéng ámu. Be byi-chi i bǎmgbán ḿbé Músis. 29Be byimu byi-nyît ng byi/fu, Osówo o/pem ne Músis. Nké kyi-kim ne onyinchéng ámu, be byi*fí byi-nyît ng nang kyicê ńkyí nyǐ o/fím*.
30Onyinchéng ámu o-faa o/fu, ebóng dí. Ńkyín něen, chwǒm-akat. Ben ba*fí ba-nyît ng kyicê ńkyí nyǐ o/fím* nké nyǐ nké o/bâa achi ejí. 31Be byimu byi-nyît ng byi/fu, Osówo oo*fwôo atông ké byiraa ḿbyí banchi byibî*. Nké mu o-fwôo ng atông o-jwo banet ḿbé mbe ba-fâ ǎ, ne mbe ba-chi i ńkyí nyǐ mu o-ryuu ng o/fu, bachi. 32Kyi-fím ké nkéré mú Osówo o/chi ejíí, banet ba/mû ba*da/jwo ne nang kabónge ba/fu, onet oo/bâa achi nyí onet mú ba/fwon ǎ achi kpínkpín*. 33Onyinchéng ámu o/mû oo*man echi nang chwǒm kyibónge* â o/mû o*da/fím ké abwô nyí Osówo*.
34Ne mbé ba-chîfaa ba/fu, wo mú ba/fwon ǒ ba-nen ǒ a-kán ké byibî nké amu a-kan n a/fu, wo a-tángê e bě byěm? Ne ba-waa ányi ba-fîm ǎ ké ékwâbashi ebe.
Achi esêe nyí Busun
35Jisos o/jwo ba/fu, baa/fîm onyinchéng ámu ké ékwâbashi ebe, ne ké nkéré o/ri ǎ, o-bí onyinchéng ámu o/fu, wo amu a-bángê e ne Wǎn-Onet ne dyityém eyên dí.
36Onyinchéng ámu o-raa ne Jisos o/fu, sét mě onet mú nyǐ mu, ǎ bonchí eringe nyí me ndaman m-bángê ne nyǐ ne dyityém ejí.
37Jisos o-raa ne nyǐ o/fu, wo a/mû aa/ri ǎ. Nyǐ to nké mu o-pem m něen ne wo kántîk.
38Onyinchéng ámu o-raa o/fu, me m/bángê ne dyityém ejí, ǎ Otu Kyítá. Ne o-waa ányi o-tím arông kyísí ké bushú-Jisos.
39Jisos o-raa o/fu, me m/bê ké ejíí ńnyín banet bampan epan, eringe nyí bansêe achi badakûrángê, ne ḿbé mbe ba-rángê e badafiri achi kpínkpín.
40Kyicê-banet-Fárasyî ḿbé ba/mû ányi ne nyǐ ba/jwo ńdyí mu o-raa ng ńkyín, ne ba-bí ǎ ba/fu, ńkyín kyi*da ǒ ebyí wǎ amu a-sét ng bě a/fu, be to byimu achi kpínkpín*?
41Jisos o-faa o/fu, â ben ba/mû achi kpínkpín, ben ba/mû baa*ba/chi ba-kyú ne dyibîn*. Nké ké ben bamu ba-sét ng ba/fu, be byi-man n eri, ńkyín kyi/tông kyi/fu, ben ba/tôong ne dyibîn.
Currently Selected:
Jǒn 9: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Jǒn 9
9
Jisos o/chi Onyinchéng mú ba/mû ba/fwon ǎ Achi Kpínkpín o-kpet erángê
1Ké nkéré mú Jisos mu o-cen n o-câ, o/ri onyinchéng obónge mú ba/mû ba/fwon ǎ achi kpínkpín. 2Bǎmgbán-Jisos ba-bí Jisos ba/fu, ntánge byiraa-Osówo, kyibî ńkyí yeě kyi/chi, ne ba-fwon onyinchéng mún achi kpínkpín. Ńkyí emen aa, aa ńkyí boné ne bonchí.
3Jisos o-faa o/fu, achi emen nyí a/sêe a*fí ne chwǒm kyi-kim ne byibî ḿbyí emen* nang kyi-kim ne ḿbyí boné ne bonchí*. Achi emen a/sêe, eringe nyí banet badaman eri bǎmkpóngé ḿbé busa ḿbú Osówo bu/chi bu-tông ké enyam-byiko emen. 4Byi-man byi-ca kashú ne bǎmkpóngé ḿbé nyǐ mú o/twóm mě ké esû e/tôong. Buchú mbu bu-bâ ḿbú onet nang obónge oo*man echi to bǎmkpóngé*. 5Eringe nyí me n/tôong ké ejíí, me n-chi i kiinwángé ńkyí ejíí.
6Ké nkéré mú Jisos oo/raa ńkyín, o-shú akorong kyísí, o-chi kaǎkpí-ecing ké akorong ányi. O-kúng ecing ányi o-sabe onyinchéng ámu ké achi, 7ne o-sét ǎ o/fu, ca a-da-soo bushú eyên ké kiǐdé-omu ńkyí badakó Solôm. Dyizîn ńdyín dyi/byí, Kyitwóm. Onyinchéng ámu o-dim o-da-soo bushú emen, o-kpet erángê, ne o-bwa esim.
8Barî-banet emen kâng ne banet to ḿbé ba/mû baa/ri ǎ ké nkéré mú mu o-rém m byěm, ba-kpet ebí ba/fu, *chí onyinchéng mún něen nké o/mû o-fwam m ekyú o-rém m byěm*?
9Kyicê-banet ba/fu, nyǐ. Nké bakíri ba/fu, aa*wááng* *chí nyǐ*. O/bí ǎ obíng.
Ne onyinchéng ámu nyǐ oyén kâng o-raa o/fu, me onyinchéng ámu.
10Mbé ba-bí ǎ ba/fu, achi eyên a/cen nǎ ne a-bâa.
11Nyǐ o-faa o/fu, onyinchéng mú odabángê Jisos nké o/chi ecing o-sabe mě ké achi, ne o-sét mě o/fu, ca ké kiǐdé-omu ńkyí badakó Solôm a-da-soo bushú eyên. N-dim kâng n-ca, ne ńdyí n-soo ng osoǒng m-bâ, n-waa ányi m-kpet erángê.
12Mbé ba-bí ǎ ba/fu, nyǐ mu nyá.
Nyǐ o-faa o/fu, me n*fí n-nyît ng*.
Banet-Ncibi mú badakó Fárasyî ba/kyé Kyikû ńkyí Nsêe Achi ámu o/kpet erángê
13Banet ámbe ba-kúng kâng onyinchéng ámu mú achi emen a/mû a/sêe, ba-dim ne nyǐ ké kyikit ńkyí banet-ncibi mú badakó Fárasyî. 14Dyicí ńdyí Jisos o/chi ecing ne o-chi achi nyí onyinchéng ámu a-bâa dyi/mû dyicí-ékwâbashi. 15Banet-Fárasyî ba-chîbí onyinchéng ámu eringe nyí kyi/cen ne o-kpet erángê. O-sét kámbé o/fu, Jisos o/sabe mě ecing ké achi, ne n-da-soo bushú ejí. Kántîk n-kú n-rángê e.
16Kyicê-banet-Fárasyî ba-kpet eraa ba/fu, onyinchéng mú o/chi chwǒm ńkyín oo*man efím ké abwô nyí Osówo* ké ebóng, nyǐ o*fí o-fâ kyije ńkyí dyicí-ékwâbashi*.
Bakíri ba/fu, onyinchéng mú mu nchi byibî o-cen n nǎ ne o-kûman echi azong-biǐtí-akat něen wǎ ḿbyín. Ne ba-waa ányi ba-kyii ké byikim ké byikim, ḿbyí byi*fí byi-bángê e ne barî*.
17Banet-Fárasyî ba-chînye ba-bí onyinchéng ámu ba/fu, wo a/fu, nyǐ nké o/bâa ǒ achi eyên? Kántîk, wo a/kabe nǎ kyi-kim ne nyǐ.
Onyinchéng ámu o-faa o/fu, o-chi i mkpábé mú odasét byiraa-Osówo.
18Nké batu-ashí-banet-Jûs ba/mû ba*fí ba-bángê e obángé ba/fu, onyinchéng ámu o/mû achi kpínkpín* ne kántîk o-kú o-rángê e* tete ba-kó bonchí ne boné emen. 19Ne ba-bí kámbé ba/fu, nyín wǎn enen dí. Ben bamu ba-sét ng ba/fu, ba/fwon ǎ achi kpínkpín? Kántîk, ebóng byi/bwa kyi-chi ǎ ne nyǐ o-kú o-rángê e.
20Bonchí ne boné-onyinchéng ámu ba-faa ba/fu, be byimu byi-nyît ng byi/fu, nyǐ o-chi i wǎn eten. Byimu byi-nyît ng to byi/fu, byi/fwon ǎ achi kpínkpín. 21Nké byi*fí byi-nyît ng eringe nyí kyi/cen ne o-kú o-rángê e kántîk*. Nang onet mú o/chi ne achi emen a-bâa byi*fí byi-nyît ng ǎ*. Bí n̂g ǎ. Nyǐ oo/kán o-kwárê mú odaman efaa nyǐ oyén. 22Bonchí ne boné ba/fu ńkyín, ké nǎ, mbé ba/mû mbe ba-shî ng batu-ashí-banet-Jûs, ḿbé ba/mû baa/tóbê ne barî ba-bángê ba/fu, nang yeě nké o/sét wááng o/fu, Jisos o-chi i onet mú Osówo o/kúng ǎ butu, mbé ba/chi ba-fîm ǎ ké ékwâbashi ebe. 23Nkyí nké kyi/chi ne bonchí ne boné-onyinchéng ámu ba/fu, bí n̂g ǎ. Nyǐ oyén oo/kán o-kwárê.
24Ba-chîkó onyinchéng ámu mú ba/mû ba/fwon ǎ achi kpínkpín ké kampén kafee, ba-sét ǎ ba/fu, ryí ocím ké bushú-Osówo a/fu, wo a-sét ng ntûntû. Be byimu byi-nyît ng byi/fu, Jisos o-chi i nchi byibî.
25Onyinchéng ámu o-faa o/fu, me n*fí n-nyît ng* nang nyǐ o-chi i nchi byibî o, nang oo*chi o*. Chwǒm kyibónge nké me mu n-nyît ng. Me m/mû achi kpínkpín, nké kántîk n-kú n-rángê e.
26Mbé ba-bí ǎ ba/fu, nyǐ o/chi ǒ ebóng. Nyǐ o/cen nǎ ne o-bâa achi eyên.
27Nyǐ o-faa kámbé o/fu, me m/mû nn/sét běn, nké ben ba/né ejwo. Ebóng kyi/chi ńkyí ben bamu ba-chî ng eryuu ba/fu, ben ba-jwo ng kánkyí. Kakíri ben to bamu ba-ryuu ng ba/fu, ba-kyú u bǎmgbán emen.
28Ba-kpet ǎ eshú, ba-raa ng ne nyǐ ba/fu, wo nké amu ḿgbán-onyinchéng ámu. Be byi-chi i bǎmgbán ḿbé Músis. 29Be byimu byi-nyît ng byi/fu, Osówo o/pem ne Músis. Nké kyi-kim ne onyinchéng ámu, be byi*fí byi-nyît ng nang kyicê ńkyí nyǐ o/fím*.
30Onyinchéng ámu o-faa o/fu, ebóng dí. Ńkyín něen, chwǒm-akat. Ben ba*fí ba-nyît ng kyicê ńkyí nyǐ o/fím* nké nyǐ nké o/bâa achi ejí. 31Be byimu byi-nyît ng byi/fu, Osówo oo*fwôo atông ké byiraa ḿbyí banchi byibî*. Nké mu o-fwôo ng atông o-jwo banet ḿbé mbe ba-fâ ǎ, ne mbe ba-chi i ńkyí nyǐ mu o-ryuu ng o/fu, bachi. 32Kyi-fím ké nkéré mú Osówo o/chi ejíí, banet ba/mû ba*da/jwo ne nang kabónge ba/fu, onet oo/bâa achi nyí onet mú ba/fwon ǎ achi kpínkpín*. 33Onyinchéng ámu o/mû oo*man echi nang chwǒm kyibónge* â o/mû o*da/fím ké abwô nyí Osówo*.
34Ne mbé ba-chîfaa ba/fu, wo mú ba/fwon ǒ ba-nen ǒ a-kán ké byibî nké amu a-kan n a/fu, wo a-tángê e bě byěm? Ne ba-waa ányi ba-fîm ǎ ké ékwâbashi ebe.
Achi esêe nyí Busun
35Jisos o/jwo ba/fu, baa/fîm onyinchéng ámu ké ékwâbashi ebe, ne ké nkéré o/ri ǎ, o-bí onyinchéng ámu o/fu, wo amu a-bángê e ne Wǎn-Onet ne dyityém eyên dí.
36Onyinchéng ámu o-raa ne Jisos o/fu, sét mě onet mú nyǐ mu, ǎ bonchí eringe nyí me ndaman m-bángê ne nyǐ ne dyityém ejí.
37Jisos o-raa ne nyǐ o/fu, wo a/mû aa/ri ǎ. Nyǐ to nké mu o-pem m něen ne wo kántîk.
38Onyinchéng ámu o-raa o/fu, me m/bángê ne dyityém ejí, ǎ Otu Kyítá. Ne o-waa ányi o-tím arông kyísí ké bushú-Jisos.
39Jisos o-raa o/fu, me m/bê ké ejíí ńnyín banet bampan epan, eringe nyí bansêe achi badakûrángê, ne ḿbé mbe ba-rángê e badafiri achi kpínkpín.
40Kyicê-banet-Fárasyî ḿbé ba/mû ányi ne nyǐ ba/jwo ńdyí mu o-raa ng ńkyín, ne ba-bí ǎ ba/fu, ńkyín kyi*da ǒ ebyí wǎ amu a-sét ng bě a/fu, be to byimu achi kpínkpín*?
41Jisos o-faa o/fu, â ben ba/mû achi kpínkpín, ben ba/mû baa*ba/chi ba-kyú ne dyibîn*. Nké ké ben bamu ba-sét ng ba/fu, be byi-man n eri, ńkyín kyi/tông kyi/fu, ben ba/tôong ne dyibîn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985