Mâk 12
12
Dyitím-Ekan kyi-kim ne Banyáme Kyifát-Byirim-Byichí
(Mátyuu 21:33-46; Lûk 20:9-19)
1Jisos o-kpet eraa kâng ne mbé ké atím-ekan o/fu, onyinchéng obónge o/chi kyifát-byirim-byichí, o-wâng oro o-fé kánkyí ké kafâ, o-sím dyibíng ńdyí badanwárê byirim-byichí ámbyi ba-fîm m babî, o-bi kiǐnyáám-kyikit-mbâm. Ne o-kúng kyifát ánkyi o-kye banet ba-yámê. Nyǐ o-dim bucen. 2Ńdyí nkéré oo/fyi mú badabóng byirim-byichí ámbyi, oyén-kyifát ánkyi o-twóm ósóng obónge o/fu, oca banet ḿbé ba/yámê kyifát ánkyi ba-kye ǎ kyicê-byirim-byichí ḿbyí emen ḿbyí baa/bóng. 3Banet ḿbé ba/yámê kyifát ánkyi ba-kám ósóng ámu ba-mín. Ba-ró ǎ o-bwa esim abwô ábwo. 4Oyén-kyifát ánkyi kâng o-bwa o-chîtwóm ósóng okíri. Banyáme kyifát ánkyi ba-mín ǎ, ba-némê ǎ ké dyishí, ba-chi ǎ byěm-éshwân. 5Oyén-kyifát o-chîtwóm ósóng okíri. Banet ámbe ba-níbî ǎ ba-ju. Eringe ebónge to nké ba/chi básóng bakíri chwóó. Ba-mín kyicê, ba-ju kyicê. 6Onet mú o/waa ǎ, mú nyǐ oda ǎ echîtwóm, o/mû wǎn-dyityém emen. Ké nryî esim kâng, o-ba-twóm wǎn emen ámu kyikit-banyáme kyifát ámbe. O-raa o/fu, n/kabe n/fu, ba/chi ba-kye wǎn ejí ofê. 7Nké banyáme kyifát ámbe ba/kpet eraa ne barî ba/fu, nyín wǎn-oyén-kyifát ńkyín. Bâ n̂g byi-ju ǎ, eringe byěm emen ḿbyí o/mû o/chi o-ryí bukyû byi/chi byi-firi ḿbyí eten. 8Ne mbé ba-níbî kâng wǎn ámu ba-ju. Ba-yip kyikwóm emen ba-twóp esim-oro-kyibám mú kyifát ánkyi.
9Jisos o-bí kâng o/fu, oyén-kyifát ánkyi o-chi i nǎ. O-bâ ng eju banyáme kyifát ámbe. O-kúng kyifát ánkyi o-kye banyáme kyifát bakíri. 10Ntûntû, ben baa/kó ejá-Osówo nyí ba/sáng kyísí nyí e/fu něen, ochíchí-kyirim-buká ńkyí bambi kyise ba/né kii/bírî kyi-firi kiǐtí kyi-shwôm aká nyí áku. 11Otu Kyítá nké o/chi chwǒm ńkyín. Nkyi chwǒm-akat.
12Banet-ashí ḿbé banet-Jûs ámbe ba-kan ba/fu, mbé ba-kám m Jisos, ké ebóng, ba/mû mbe ba-nyît ng ba/fu, nyǐ o/tím dyitím-ekan ándyi kyi-kim ne mbé. Nké mbé ba/shî bujê-banet ḿbú bu/mû ányi. Ké bubwô ámbu, ba-mîng ǎ ba-dim.
Ḿbím kyi-kim ne Akpuga-Dyishí ekye
(Mátyuu 22:15-22; Lûk 20:20-26)
13Banet-ashí ḿbé banet-Jûs ámbe ba-twóm kyicê-banet-ncibi mú badakó Fárasyî ne kyicê-banet ḿbé mbe ké ncibi mú Otu Hérot ba/fu, baca ba-da-bí Jisos bǎmbím, ba-chi ǎ o-róng ké ocím. 14Banet ámbe ba-bâ ba-kâm ǎ, ne ba-raa ne nyǐ ba/fu, ntánge byiraa-Osówo, be byimu byi-nyît ng byi/fu, wo a-sét ng ntûntû. Ké ebóng, wo a*fí a-shî ng achi nyí onet nang obónge* ne aa*kérê eringe nyí onet mu*. Nké wo amu a-tángê e ńkyí nkyi ntûntû kyi-kim ne ńkyí Osówo mu o-ryuu ng o/fu, banet bachi. Sét bě, byije eten byi/ciring otu mú Rûm akpuga-dyishí ekye aa, aa byi*da/ciring*. Byikye aa, aa byi*dakye*.
15Nké Jisos o/nyît kyibî-okabe ebe, ne o-bí kámbé o/fu, ebóng bamu ba-kan n mě. Bâ n̂g ne akpuga ányi kpá n-ri.
16Mbé ba-bâ ne akpuga ányi ba-kye ǎ, ne o-bí kámbé o/fu, bushú ḿbún něen ne dyizîn ńdyín to ḿbyí yeě, ḿbyí ba/fé ké akpuga ńnyín.
Mbé ba-faa ba/fu, ḿbyí otu mú Rûm.
17Jisos o-sét kámbé o/fu, kye n̂g kâng otu mú Rûm ńkyí nkyi ńkyí emen. Ba-kye to Osówo ńkyí kyi/já ǎ.
Ba/waa ocím ké dyishí fúú ké byiraa emen ámbyi.
Ḿbím kyi-kim ne Ojwóbe ké Bukyû
(Mátyuu 22:23-33; Lûk 20:27-40)
18Kyicê-banet ḿbé ncibi mú Sádusyî ba-bâ ba-kâm Jisos. Mbé nké ba/fu, Osówo oo*ba/chi o-jwóbê banet ké bukyû*. 19Ba-kó Jisos ba/fu, ntánge byiraa-Osówo, Músis nké o/sáng bě kyije ńkyín o/fu, â onyinchéng o/kpú o-mîng onyi, nké ba*fí ne wǎn* wǎn-boné-onyinchéng ámu o-man o-kúng onyǐnkú ámu o-bé, eringe nyí badafwon bwǎn ba-kye wǎn-boné emen ámu mú oo/kpú. 20Nkéré obónge, bwǎn-bané ba/mû ashí káchâtkányi, banyinchéng mbé mbe. Okínkán ebe o-bé onyi. Ké nkéré nyǐ o/kpú, o*fí ne wǎn*. 21Nche emen mú o/nye ǎ o-kúng onyinyi ámu o-fé dyibé. Nche emen ámu o-kpú to, wǎn ba*da/fwon*. Eringe ebónge to nké kyi/chi nnyinyěng-nche emen. 22Ne mbé ashí káchâtkányi ba*da/fwon wǎn nang obónge ne onyinyi ámu*. Ké nryî esim mú onyinyi ámu o-kpú to. 23Nké onyinyi ámu o/chi o-kyú onyi yeě ké nkéré mú Osówo oo/jwóbê kángkáng bakúsí ké bukyû, ké dyicí-ojwóbe ké bukyû. Ké ebóng, mbé kángkáng ashí káchâtkányi ba/mû baa/bé ǎ.
24Jisos o-faa kámbé o/fu, kyi*fí éné*. Ben ba*fí ba-nyît ng dyishí* ké ebóng, ben ba*fí ba-nyît ng ejá-Osówo nyí ba/sáng kyísí*. Nang busa ḿbú Osówo to ba*fí ba-nyît ng*. 25Ké ebóng, ké nkéré mú Osówo oo/jwóbê bakúsí ké bukyû, ba/chi ba-firi wǎ barím ḿbé banong ḿbé mbe kyíbóng. Banyinchéng ne banyinyi baa*bé to barî*. 26Kántîk, kyi-kim ne bakúsí ejwóbê ké bukyû, ben ba*da/kó ne kyikit-nwet ńkyí Músis o/sáng kyi-kim ne kyichí ńkyí kyi/mû nkyi kyi-mang ng? Ányi nké ba/sáng ba/fu, Osówo o/raa ne Músis o/fu, me n-chi i Osówo mú Ébarahâm ne Osówo mú Ázik ne Osówo mú Jekôp. 27Ányi kyi/byí, nyǐ mu Osówo mú banet bakpó, *chí Osówo mú bakúsí*. Kyi*fí éné*. Ben ba*fí ba-nyît ng dyishí*.
Kiǐtí-Kyije-Músis
(Mátyuu 22:34-40; Lûk 10:25-28)
28Ntánge Byije-Músis obónge o/mû ányi mú o/jwo bǎmpém ḿbé Jisos ne banet ḿbé Sádusyî ba/mû ba-pem m. Ké nkéré ntánge Byije-Músis ámu o/ri o/fu, Jisos o/faa banet ḿbé Sádusyî kanong kanong, nyǐ o-bâ o-kâm Jisos ne ḿbím. Ne o-bí Jisos o/fu, ké Byije-Músis byimúmú, kyirá nkyi kiǐtí kyi-shwôm.
29Jisos o-faa o/fu, kyije-Músis ńkyí nkyi kiǐtí kyi-shwôm nkyi něen, ńkyí kyi/fu, banet ḿbé Ézerel, fwôo n̂g atông ba-jwo. Osówo Óburúkpâbí kǎnchí nké mu Otu Kyítá. 30Osówo Óburúkpâbí o-man o-jê ǒ ne dyityém eyên kángkáng ne busun eyên kángkáng ne okabe eyên kángkáng ne kángkáng busa eyên. 31Nnyinyěng-kiǐtí-kyije-Músis nkyi něen, orî-onet o-man o-jê ǒ wǎ wo oyén. Kyije-Músis kyikíri kyi*fí to* ńkyí kyi/shwôm ḿbyín byifee*.
32Ntánge Byije-Músis ámu o-raa ne Jisos o/fu, ntánge byiraa-Osówo, a/man efaa kanong kanong. Nkyi ntûntû eringe nyí wo a/fu, a/fu, Otu Kyítá kǎnchí nké nke mu Osówo, okíri o*fí kyi-cibi ne nyǐ*. 33Ne Osówo o-man o-jê onet ne dyityém emen kángkáng ne okabe emen kángkáng ne busa emen kángkáng, ne orî-onet to o-man o-jê ǎ wǎ nyǐ oyén. Nkyi kiǐtí-chwǒm ńkyí onet odafé Byije-Músis ḿbyín byifee, kyi-shwôm ńkyí odafwá byirim-byitú ké kyifen echi ne byifen byikíri to o-kye Osówo.
34Jisos o-ri eringe nyí ntánge Byije-Músis ámu o/man efaa kanong kanong wǎ onet mú mu ne bubong, ne o-sét ǎ kâng o/fu, wo a*da/tíbî ne Butu ḿbú Osówo*.
Ké nkéré Jisos oo/raa ńkyín, onet o*fí mú o/chîrêe dyityém o/fu, nyǐ o-bí ng Jisos bǎmbím bakíri*.
Ḿbím kyi-kim ne Onet mú Osówo o/kúng ǎ Butu
(Mátyuu 22:41-46; Lûk 20:41-44)
35Ńdyí Jisos mu o-tángê e ké kiǐtí-kyise-kyifen-Osówo echi, o/bí ḿbím o/fu, bantánge Byije-Músis ba/cen nǎ ne ba-fu onet mú Osówo o/kúng ǎ butu o/chi o-fím ké kyikû-banet ńkyí Otu Dívit. 36Busun-Osówo bu/chi Otu Dívit oyén o-raa o/fu, Osówo Óburúkpâbí o/raa ne Otu Kyítá ejí o/fu, kyú mě nyín ké kyicê-bubwô-etyebéng ejí, tete n-ren banet-bushwôn eyên kyísí, a-cím kámbé byiká.
37Otu Dívit oyén o/kó ǎ Otu Kyítá. Aa kyi-cen n nǎ kâng ne onet mú Osówo o/kúng ǎ butu o-fím ké kyikû-banet ńkyí Otu Dívit.
Jisos o/kuri Ekó kyi-kim ne Bantánge Byije-Músis
(Mátyuu 23:1-36; Lûk 20:45-47)
Bujê-banet ámbu bu/jwo Jisos ne bunyîn-dyityém. 38Ké nkéré mú Jisos mu o-tángê e kámbé, o/raa ne mbé o/fu, bám m̂ byiko enen kyi-kim ne bantánge Byije-Músis ḿbé kyidanyîn kámbé eyêe ké kasî ne ágbádá ké byiko, banet ba-kûta kámbé kyiraa ne ofê wǎ biǐtí-banet. 39Ḿbé badacá to bukyúng ḿbú ofê ké byise-ékwâbashi ḿbyí banet-Jûs ne byichí ḿbyí byi/nwa byi-shwôm ké ajî. 40Mbé ba-nîm m to banyǐnkú ba-koo ng kámbé byěm ne byise, ne ba-kûtông byiko ba/fu, mbé nké mbe banet ḿbé banong ké biintintang-banshwam efé. Mpan mú Osówo o/chi o-pan kámbé o/chi o-bên o-shwôm.
Eyáré nyí Onyǐnkú
(Lûk 21:1-4)
41Ké nkéré mú Jisos o/kyú ányi fáráng ké kyikit ńkyí badafé akpuga-eyáré ké kiǐtí-kyise-kyifen-Osówo echi, mu o-kpúrî ng o-ri ng eringe nyí banet mbe ba-fâ akpuga ebe. Banfang-banet chwóó ba/fé akpuga chwóó. 42Nké onyǐnkú obónge mú mu kyikpu o/bafé baderyí deryí bafee ké kóbo obónge. 43Jisos o-kó bǎmgbán emen kyikit kyibónge, o-sét kámbé o/fu, me mu n-sét ng běn n/fu, onyǐnkú mún mú mu kyikpu o/fé eyáré ké mkpukpu-eyáré o-shwôm kángkáng banet ḿbé áku. 44Ké ebóng, banet ḿbé áku ba/fé akpuga nyí a/waa kámbé kyísí, nké onyinyi mún ne kyikpu emen o/fé kángkáng ńkyí nyǐ o/mû ne nkyí. Nyǐ o/kye kángkáng ńkyí o/mû o/chi o-kpen ké nkyí.
Currently Selected:
Mâk 12: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Mâk 12
12
Dyitím-Ekan kyi-kim ne Banyáme Kyifát-Byirim-Byichí
(Mátyuu 21:33-46; Lûk 20:9-19)
1Jisos o-kpet eraa kâng ne mbé ké atím-ekan o/fu, onyinchéng obónge o/chi kyifát-byirim-byichí, o-wâng oro o-fé kánkyí ké kafâ, o-sím dyibíng ńdyí badanwárê byirim-byichí ámbyi ba-fîm m babî, o-bi kiǐnyáám-kyikit-mbâm. Ne o-kúng kyifát ánkyi o-kye banet ba-yámê. Nyǐ o-dim bucen. 2Ńdyí nkéré oo/fyi mú badabóng byirim-byichí ámbyi, oyén-kyifát ánkyi o-twóm ósóng obónge o/fu, oca banet ḿbé ba/yámê kyifát ánkyi ba-kye ǎ kyicê-byirim-byichí ḿbyí emen ḿbyí baa/bóng. 3Banet ḿbé ba/yámê kyifát ánkyi ba-kám ósóng ámu ba-mín. Ba-ró ǎ o-bwa esim abwô ábwo. 4Oyén-kyifát ánkyi kâng o-bwa o-chîtwóm ósóng okíri. Banyáme kyifát ánkyi ba-mín ǎ, ba-némê ǎ ké dyishí, ba-chi ǎ byěm-éshwân. 5Oyén-kyifát o-chîtwóm ósóng okíri. Banet ámbe ba-níbî ǎ ba-ju. Eringe ebónge to nké ba/chi básóng bakíri chwóó. Ba-mín kyicê, ba-ju kyicê. 6Onet mú o/waa ǎ, mú nyǐ oda ǎ echîtwóm, o/mû wǎn-dyityém emen. Ké nryî esim kâng, o-ba-twóm wǎn emen ámu kyikit-banyáme kyifát ámbe. O-raa o/fu, n/kabe n/fu, ba/chi ba-kye wǎn ejí ofê. 7Nké banyáme kyifát ámbe ba/kpet eraa ne barî ba/fu, nyín wǎn-oyén-kyifát ńkyín. Bâ n̂g byi-ju ǎ, eringe byěm emen ḿbyí o/mû o/chi o-ryí bukyû byi/chi byi-firi ḿbyí eten. 8Ne mbé ba-níbî kâng wǎn ámu ba-ju. Ba-yip kyikwóm emen ba-twóp esim-oro-kyibám mú kyifát ánkyi.
9Jisos o-bí kâng o/fu, oyén-kyifát ánkyi o-chi i nǎ. O-bâ ng eju banyáme kyifát ámbe. O-kúng kyifát ánkyi o-kye banyáme kyifát bakíri. 10Ntûntû, ben baa/kó ejá-Osówo nyí ba/sáng kyísí nyí e/fu něen, ochíchí-kyirim-buká ńkyí bambi kyise ba/né kii/bírî kyi-firi kiǐtí kyi-shwôm aká nyí áku. 11Otu Kyítá nké o/chi chwǒm ńkyín. Nkyi chwǒm-akat.
12Banet-ashí ḿbé banet-Jûs ámbe ba-kan ba/fu, mbé ba-kám m Jisos, ké ebóng, ba/mû mbe ba-nyît ng ba/fu, nyǐ o/tím dyitím-ekan ándyi kyi-kim ne mbé. Nké mbé ba/shî bujê-banet ḿbú bu/mû ányi. Ké bubwô ámbu, ba-mîng ǎ ba-dim.
Ḿbím kyi-kim ne Akpuga-Dyishí ekye
(Mátyuu 22:15-22; Lûk 20:20-26)
13Banet-ashí ḿbé banet-Jûs ámbe ba-twóm kyicê-banet-ncibi mú badakó Fárasyî ne kyicê-banet ḿbé mbe ké ncibi mú Otu Hérot ba/fu, baca ba-da-bí Jisos bǎmbím, ba-chi ǎ o-róng ké ocím. 14Banet ámbe ba-bâ ba-kâm ǎ, ne ba-raa ne nyǐ ba/fu, ntánge byiraa-Osówo, be byimu byi-nyît ng byi/fu, wo a-sét ng ntûntû. Ké ebóng, wo a*fí a-shî ng achi nyí onet nang obónge* ne aa*kérê eringe nyí onet mu*. Nké wo amu a-tángê e ńkyí nkyi ntûntû kyi-kim ne ńkyí Osówo mu o-ryuu ng o/fu, banet bachi. Sét bě, byije eten byi/ciring otu mú Rûm akpuga-dyishí ekye aa, aa byi*da/ciring*. Byikye aa, aa byi*dakye*.
15Nké Jisos o/nyît kyibî-okabe ebe, ne o-bí kámbé o/fu, ebóng bamu ba-kan n mě. Bâ n̂g ne akpuga ányi kpá n-ri.
16Mbé ba-bâ ne akpuga ányi ba-kye ǎ, ne o-bí kámbé o/fu, bushú ḿbún něen ne dyizîn ńdyín to ḿbyí yeě, ḿbyí ba/fé ké akpuga ńnyín.
Mbé ba-faa ba/fu, ḿbyí otu mú Rûm.
17Jisos o-sét kámbé o/fu, kye n̂g kâng otu mú Rûm ńkyí nkyi ńkyí emen. Ba-kye to Osówo ńkyí kyi/já ǎ.
Ba/waa ocím ké dyishí fúú ké byiraa emen ámbyi.
Ḿbím kyi-kim ne Ojwóbe ké Bukyû
(Mátyuu 22:23-33; Lûk 20:27-40)
18Kyicê-banet ḿbé ncibi mú Sádusyî ba-bâ ba-kâm Jisos. Mbé nké ba/fu, Osówo oo*ba/chi o-jwóbê banet ké bukyû*. 19Ba-kó Jisos ba/fu, ntánge byiraa-Osówo, Músis nké o/sáng bě kyije ńkyín o/fu, â onyinchéng o/kpú o-mîng onyi, nké ba*fí ne wǎn* wǎn-boné-onyinchéng ámu o-man o-kúng onyǐnkú ámu o-bé, eringe nyí badafwon bwǎn ba-kye wǎn-boné emen ámu mú oo/kpú. 20Nkéré obónge, bwǎn-bané ba/mû ashí káchâtkányi, banyinchéng mbé mbe. Okínkán ebe o-bé onyi. Ké nkéré nyǐ o/kpú, o*fí ne wǎn*. 21Nche emen mú o/nye ǎ o-kúng onyinyi ámu o-fé dyibé. Nche emen ámu o-kpú to, wǎn ba*da/fwon*. Eringe ebónge to nké kyi/chi nnyinyěng-nche emen. 22Ne mbé ashí káchâtkányi ba*da/fwon wǎn nang obónge ne onyinyi ámu*. Ké nryî esim mú onyinyi ámu o-kpú to. 23Nké onyinyi ámu o/chi o-kyú onyi yeě ké nkéré mú Osówo oo/jwóbê kángkáng bakúsí ké bukyû, ké dyicí-ojwóbe ké bukyû. Ké ebóng, mbé kángkáng ashí káchâtkányi ba/mû baa/bé ǎ.
24Jisos o-faa kámbé o/fu, kyi*fí éné*. Ben ba*fí ba-nyît ng dyishí* ké ebóng, ben ba*fí ba-nyît ng ejá-Osówo nyí ba/sáng kyísí*. Nang busa ḿbú Osówo to ba*fí ba-nyît ng*. 25Ké ebóng, ké nkéré mú Osówo oo/jwóbê bakúsí ké bukyû, ba/chi ba-firi wǎ barím ḿbé banong ḿbé mbe kyíbóng. Banyinchéng ne banyinyi baa*bé to barî*. 26Kántîk, kyi-kim ne bakúsí ejwóbê ké bukyû, ben ba*da/kó ne kyikit-nwet ńkyí Músis o/sáng kyi-kim ne kyichí ńkyí kyi/mû nkyi kyi-mang ng? Ányi nké ba/sáng ba/fu, Osówo o/raa ne Músis o/fu, me n-chi i Osówo mú Ébarahâm ne Osówo mú Ázik ne Osówo mú Jekôp. 27Ányi kyi/byí, nyǐ mu Osówo mú banet bakpó, *chí Osówo mú bakúsí*. Kyi*fí éné*. Ben ba*fí ba-nyît ng dyishí*.
Kiǐtí-Kyije-Músis
(Mátyuu 22:34-40; Lûk 10:25-28)
28Ntánge Byije-Músis obónge o/mû ányi mú o/jwo bǎmpém ḿbé Jisos ne banet ḿbé Sádusyî ba/mû ba-pem m. Ké nkéré ntánge Byije-Músis ámu o/ri o/fu, Jisos o/faa banet ḿbé Sádusyî kanong kanong, nyǐ o-bâ o-kâm Jisos ne ḿbím. Ne o-bí Jisos o/fu, ké Byije-Músis byimúmú, kyirá nkyi kiǐtí kyi-shwôm.
29Jisos o-faa o/fu, kyije-Músis ńkyí nkyi kiǐtí kyi-shwôm nkyi něen, ńkyí kyi/fu, banet ḿbé Ézerel, fwôo n̂g atông ba-jwo. Osówo Óburúkpâbí kǎnchí nké mu Otu Kyítá. 30Osówo Óburúkpâbí o-man o-jê ǒ ne dyityém eyên kángkáng ne busun eyên kángkáng ne okabe eyên kángkáng ne kángkáng busa eyên. 31Nnyinyěng-kiǐtí-kyije-Músis nkyi něen, orî-onet o-man o-jê ǒ wǎ wo oyén. Kyije-Músis kyikíri kyi*fí to* ńkyí kyi/shwôm ḿbyín byifee*.
32Ntánge Byije-Músis ámu o-raa ne Jisos o/fu, ntánge byiraa-Osówo, a/man efaa kanong kanong. Nkyi ntûntû eringe nyí wo a/fu, a/fu, Otu Kyítá kǎnchí nké nke mu Osówo, okíri o*fí kyi-cibi ne nyǐ*. 33Ne Osówo o-man o-jê onet ne dyityém emen kángkáng ne okabe emen kángkáng ne busa emen kángkáng, ne orî-onet to o-man o-jê ǎ wǎ nyǐ oyén. Nkyi kiǐtí-chwǒm ńkyí onet odafé Byije-Músis ḿbyín byifee, kyi-shwôm ńkyí odafwá byirim-byitú ké kyifen echi ne byifen byikíri to o-kye Osówo.
34Jisos o-ri eringe nyí ntánge Byije-Músis ámu o/man efaa kanong kanong wǎ onet mú mu ne bubong, ne o-sét ǎ kâng o/fu, wo a*da/tíbî ne Butu ḿbú Osówo*.
Ké nkéré Jisos oo/raa ńkyín, onet o*fí mú o/chîrêe dyityém o/fu, nyǐ o-bí ng Jisos bǎmbím bakíri*.
Ḿbím kyi-kim ne Onet mú Osówo o/kúng ǎ Butu
(Mátyuu 22:41-46; Lûk 20:41-44)
35Ńdyí Jisos mu o-tángê e ké kiǐtí-kyise-kyifen-Osówo echi, o/bí ḿbím o/fu, bantánge Byije-Músis ba/cen nǎ ne ba-fu onet mú Osówo o/kúng ǎ butu o/chi o-fím ké kyikû-banet ńkyí Otu Dívit. 36Busun-Osówo bu/chi Otu Dívit oyén o-raa o/fu, Osówo Óburúkpâbí o/raa ne Otu Kyítá ejí o/fu, kyú mě nyín ké kyicê-bubwô-etyebéng ejí, tete n-ren banet-bushwôn eyên kyísí, a-cím kámbé byiká.
37Otu Dívit oyén o/kó ǎ Otu Kyítá. Aa kyi-cen n nǎ kâng ne onet mú Osówo o/kúng ǎ butu o-fím ké kyikû-banet ńkyí Otu Dívit.
Jisos o/kuri Ekó kyi-kim ne Bantánge Byije-Músis
(Mátyuu 23:1-36; Lûk 20:45-47)
Bujê-banet ámbu bu/jwo Jisos ne bunyîn-dyityém. 38Ké nkéré mú Jisos mu o-tángê e kámbé, o/raa ne mbé o/fu, bám m̂ byiko enen kyi-kim ne bantánge Byije-Músis ḿbé kyidanyîn kámbé eyêe ké kasî ne ágbádá ké byiko, banet ba-kûta kámbé kyiraa ne ofê wǎ biǐtí-banet. 39Ḿbé badacá to bukyúng ḿbú ofê ké byise-ékwâbashi ḿbyí banet-Jûs ne byichí ḿbyí byi/nwa byi-shwôm ké ajî. 40Mbé ba-nîm m to banyǐnkú ba-koo ng kámbé byěm ne byise, ne ba-kûtông byiko ba/fu, mbé nké mbe banet ḿbé banong ké biintintang-banshwam efé. Mpan mú Osówo o/chi o-pan kámbé o/chi o-bên o-shwôm.
Eyáré nyí Onyǐnkú
(Lûk 21:1-4)
41Ké nkéré mú Jisos o/kyú ányi fáráng ké kyikit ńkyí badafé akpuga-eyáré ké kiǐtí-kyise-kyifen-Osówo echi, mu o-kpúrî ng o-ri ng eringe nyí banet mbe ba-fâ akpuga ebe. Banfang-banet chwóó ba/fé akpuga chwóó. 42Nké onyǐnkú obónge mú mu kyikpu o/bafé baderyí deryí bafee ké kóbo obónge. 43Jisos o-kó bǎmgbán emen kyikit kyibónge, o-sét kámbé o/fu, me mu n-sét ng běn n/fu, onyǐnkú mún mú mu kyikpu o/fé eyáré ké mkpukpu-eyáré o-shwôm kángkáng banet ḿbé áku. 44Ké ebóng, banet ḿbé áku ba/fé akpuga nyí a/waa kámbé kyísí, nké onyinyi mún ne kyikpu emen o/fé kángkáng ńkyí nyǐ o/mû ne nkyí. Nyǐ o/kye kángkáng ńkyí o/mû o/chi o-kpen ké nkyí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985