1. Mose 10

I laba kol menshendar, kai wan pal o Noah

1Kowa hi ko liil, kai i laba tchinlo hi kol menshendar, kai wan o Noaheskre tchawendar: o Sem, o Ham un o Jafet. Kolenge wan tchawe boldo pal o baro pani.

O Jafeteskre tchawe

2O Jafet: Leskre tchawe hi o Gomer, o Magog, o Madai, o Jawan, o Tubal, o Meshech un o Tiras.

3I menshe, kai wan pal o Gomer, hi: o Ashkenas, o Rifat un o Togarma.

4I menshe, kai wan pal o Jawan, hi o Elisha, o Tarsis#10:4a Tarsis Spania , i Kitarja#10:4b Kitarja, ap hebretikes: Kittim: Jon djiwan ap Ciprus un Rodanarja#10:4c Rodanarja: Jon djiwan ap Rhodos.. 5Kolendar wenna i menshe, kai djiwenna an i themma pash o baro pani.

Kolla hi i tchawe o Jafetestar pengre menshentsa. Lendar wan bare familje. Hakeni rakras peskro rakepen un djiwas an peskro them.

O Hameskre tchawe

6O Ham: Leskre tchawe hi: o Kush, o Mizrajim#10:6a Mizrajim Egiptia , o Put#10:6b Put Libia un o Kanaan.

7I menshe, kai wan pal o Kush, hi: o Seba, o Hawila, o Sabta, o Ragma, un o Sabteka.

I menshe, kai wan pal o Ragma hi: o Seba un o Dedan.

8O Kush, les his i tchawo, leskro lab his Nimrod. Kowa his o ersto, kai las bari soor pral wawar menshende ap i phub. 9Un job his i baro jegari glan o baro Debleste. Doleske well penlo: ‘Kowa hi i baro jegari glan o baro Debleste har o Nimrod.’ 10An ko ersto tsiro was job o rai pral i forja Babel, Erek, Akkad un Kalne an o them Shinar. 11Kotar djas job an o them Assur un kras i forja Ninive, Rechobot-Ir, Kelach 12un ninna Resen, kai mashkral Ninive un ko baro foro Kelach hi.

13O Mizrajim was o dad kol menshendar Lud, Anam, Lehab, Naftu, 14Patros, Kaslu un Kaftor#10:14 Kaftor Kreta , kolendar wenna i Filistarja.

O Kanaaneskre tchawe

15O Kanaan#10:15 Leskro dad his o Ham. Leskro papo his o Noah.: Leskre tchawe hi o Sidon un o Het. O Sidon hi o phureder tchawo. 16O Kanaan was ninna o dad kol menshendar Jebus, Amor, Girgash, 17Hiw, Ark, Sin, 18Arwad, Zemar un Hamat. Pal i tsiro atchan kolla bare familje, kai wan pal o Kanaan, buder gar khetne un djan dureder. 19Lengro tselo them djas pral pash o foro Sidon un tele pash o foro Gaza. Un ap koi rig, kai o kham pre-djala, djas lo pash o foro Gerar un dureder pash kol forja Sodom, Gomorra, Adma, un Zebojim pash o foro Lesha.

20Kolla hi i tchawe o Hamestar pengre menshentsa. Lendar wan bare familje. Hakeni rakras peskro rakepen un djiwas an peskro them.

O Semeskre tchawe

21O Jafeteskro phureder phraal, o Sem, las ninna tchawe. Job his o dad i tsele menshendar Eber.

22Kolla hi i tchawe o Semestar: o Elam, o Assur, o Arpaksad, o Lud, un o Aram.

23O Aram: Leskre tchawe hi: o Uz, o Hul, o Geter, un o Mash.

24O Arpaksad las i tchawo, o Shelach. Koleskro tchawo hi o Eber. 25O Eber las dui tchawe: Jek kharas Peleg. An leskro tsiro atchan i menshe buder gar khetne. Haki bari familja las peskro them.

O Peleges his i phraal. Kowa kharas Joktan. 26Koleskre tchawe his: o Almodad, o Shelef, o Hazarmawet, o Jerach, 27o Hadoram, o Usal, o Dikla, 28o Obal, o Abimael, o Saba, 29o Ofir, o Hawila, un o Jobab. Kolla halauter wan pal o Joktan. 30Un o them, kai jon khere his, his mashkral Mesha un Sefar, kai hi tchiddo an kol berge kote, kai o kham pre djala.

31Kolla hi i tchawe o Semestar pengre menshentsa. Lendar wan bare familje. Hakeni rakras peskro rakepen un djiwas an peskro them.

32Kolla hi halauter i menshe, kai wenna o Noaheskre tchawendar. Lengre laba hi jaake pre tchinlo, te well diklo, koon lengro dad hi, un hawe menshe lendar wenna. Kol menshendar wenna i tsele menshe ap i phub pal o baro pani.

Currently Selected:

1. Mose 10: Sint2021

Highlight

Copy

Want to have your highlights saved across all your devices? Sign up or sign in

Erste Auflage

Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen.

Herausgeber und Vertrieb: Romanes-Arbeit-Marburg e.V., Germany

info@romanes-arbeit-marburg.de

ISBN: 978-3-00-068366-4

Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995

Farbige Illustrationen mit Erlaubnis von Louise Bass

Learn More About O Debleskro Drom 2021 (Sinte)