YUHANA 16
16
1Ma yã dínɔ òárɛ de àsun furo yãimɛ. 2Oni aduakɛkpɛ zɛ́ zɔ̃árɛ. A gɔrɔ tɛn su se kũ gbɛ̃ kũ ani á dɛ nigɔ̃ da Luda zĩn àtɛn kɛ. 3Oni yã pìnɔ kɛárɛ kũ ò ma De kũ makũo dɔ̃ro yãi. 4Ma yã dínɔ òárɛ de tó a gɔrɔ kà, ánigɔ̃ dɔ̃ kũ ma òárɛ kɔ̀.
Luda Nini zĩkɛnaa
Mádi yã dínɔ oárɛ zaa káakuro, kũ má kú kãáo yãi. 5Matɛn tá gbɛ̃ kũ à ma zĩ kĩnaa sà, ama á gbɛ̃ke dí ma la gu kũ matɛn tánlo. 6Á nɛ̀sɛɛ yàka sà kũ ma yã dínɔ òárɛ yãi. 7Yãpuran matɛn oárɛ, ma tana ni àre kɛárɛ, zaakũ tó mádi táro, Zɛkũnwode pì ni su á kĩnaaro. Tó ma ta, mani a zĩáwa. 8Tó à sù, ani tó andunia a yãzɛ dɔ̃ durunna kũ manakɛnaao kũ yãvutɛmmanaao musu. 9Oni a yãzɛ dɔ̃ durunna yã musu, kũ odi ma náani kɛro yãi. 10Oni a yãzɛ dɔ̃ manakɛna yã musu, kũ matɛn tá ma De kĩnaa, áni ma e doro. 11Oni a yãzɛ dɔ̃ yãvutɛmmanaa musu, kũ yã vùtɛ andunia díkĩna kínaa yãi. 12Má yã vĩ dɔ dasi mà oárɛ, ama áni yã pìnɔ fɔ̃ gĩaro. 13Tó Nini yãpurade sù, ani doárɛ arɛ yãpura pínki gũn. Ani yã o kũ a zĩda dɔ̃naaoro, yã kũ à màan anigɔ̃ o, ani yã kũ àtɛn sunɔ baaru kpáárɛ. 14Ani ma tɔ́ bo, zaakũ ani ma yãnɔ sɛ́tɛ à babaárɛ. 15Pɔ́ kũ ma De vĩ pínki bi ma pɔ́mɛ. Abire yãin ma pì, ani ma yãnɔ sɛ́tɛ à babaárɛ. 16À gɔ̃̀ fíti kũ áni ma e doro, à gɔ̃̀ fíti dɔ kũ áni ma e.
Pɔsira litɛna pɔnna ũ
17Akũ a ìba kenɔ pìkɔ̃nɛ: Bɔ́ yãn àtɛn owɛrɛ gwee? À pì à gɔ̃̀ fíti kũ óni a e doro, à gɔ̃̀ fíti dɔ kũ óni a e. À pì dɔ, átɛn tá a De kĩnaamɛ. 18Akũ ò pì: À gɔ̃̀ fíti kũ à òo pì de deraa? Ódi yã kũ àtɛn o pìi dɔ̀rɔ dɔ̃ro. 19Yesu dɔ̃̀ kũ ò ye ò a la, akũ à pìńnɛ: Kũ ma pì à gɔ̃̀ fíti kũ áni ma e doro, akũsɔ̃ à gɔ̃̀ fíti kũ dɔ áni ma e, abirekũn átɛn kɔ̃ lalai yá? 20Yãpuran matɛn oárɛ, áni ɔ́ɔ dɔ à wɛ̃nda kɛ, ama andunia ni pɔnna kɛ. Ánigɔ̃ kú pɔsira gũn, ama á pɔsira pì ni litɛ pɔnna ũ. 21Tó nɔgbɛ̃ ye à nɛ́ i, a nɛ̀sɛɛ dì yaka kũ a wãwãkɛna gɔrɔ kà yãi. Tó à nɛ́ ì sɔ̃, wãwã kũ à màa pìi dì dɔn doro. A pɔ dì kɛ nna kũ à nɛ́ dufu ì andunia gũn yãi. 22Lɛn ákɔ̃nɔ sɔ̃ á nɛ̀sɛɛ yakana lɛ gĩa. Mani ɛra mà á e dɔ, á pɔ ni kɛ nna, gbɛ̃ke sɔ̃ ani fɔ̃ à á pɔnna pì síáwaro. 23Gɔrɔ kũ̀a áni yãke lama doro. Yãpuran matɛn oárɛ, ma De ni pɔ́ sĩnda pínki kũ áni wɛ́ kɛa kũ ma tɔ́o kpááwa. 24Ari tera ádi pɔ́ke wɛ́ kɛ kũ ma tɔ́oro. À wɛ́ kɛ, áni le de á pɔnna gɔ̃ papana yãi.
Yesu zĩ̀i blè anduniaa
25Ma yã pìnɔ lɛ̀kɔ̃aárɛmɛ. A gɔrɔ tɛn su kũ mani yã oárɛ kũ yãlɛkɔ̃anaao doro, mani ma De yã oárɛ swáswa. 26Gɔrɔ kũ̀a áni wɛ́ kɛ kũ ma tɔ́o. Mádi oárɛ kũ makũmɛ mani wɛ́ kɛárɛ ma Dearo, 27zaakũ ma De a zĩdanɛ yeái kũ á yemai yãi, akũsɔ̃ a ma bona a kĩnaa sì. 28Ma bo ma De kĩnaa ma su andunia gũn. Tera sà matɛn andunia tó matɛn tá a kĩnaa.
29Akũ a ìbanɔ pìnɛ: Tɔ̀, ntɛn yã o kũ yãlɛkɔ̃anaao doro, ntɛn o swáswamɛ sà. 30Ó dɔ̃ sà kũ ń yã sĩnda pínki dɔ̃, àdi kɛ séto ò yãke gbɛkammaro. Abire yãin o n bona Luda kĩnaa sì. 31Akũ Yesu pìńnɛ: Átɛni ma náani kɛ sà yá? 32A gɔrɔ tɛn su à kà kɔ̀, kũ áni fãkɔ̃a, á baadi ni tá a bɛa à ma tó mado. Bee kũ abireo má kun madoro, zaakũ ma De kú kũmao. 33Ma yã dínɔ òárɛ, de á laakari gɔ̃ kpatɛna kunna ma gũn. Áni wɛ́tãmma le andunia gũn, ama à swɛ̃̀ ditɛ, ma gĩnakɛ ma zĩ̀i blè anduniaa.
Currently Selected:
YUHANA 16: BB2005
Highlight
Share
Copy
Want to have your highlights saved across all your devices? Sign up or sign in
Bisã Bible © SIM International, 2005.
YUHANA 16
16
1Ma yã dínɔ òárɛ de àsun furo yãimɛ. 2Oni aduakɛkpɛ zɛ́ zɔ̃árɛ. A gɔrɔ tɛn su se kũ gbɛ̃ kũ ani á dɛ nigɔ̃ da Luda zĩn àtɛn kɛ. 3Oni yã pìnɔ kɛárɛ kũ ò ma De kũ makũo dɔ̃ro yãi. 4Ma yã dínɔ òárɛ de tó a gɔrɔ kà, ánigɔ̃ dɔ̃ kũ ma òárɛ kɔ̀.
Luda Nini zĩkɛnaa
Mádi yã dínɔ oárɛ zaa káakuro, kũ má kú kãáo yãi. 5Matɛn tá gbɛ̃ kũ à ma zĩ kĩnaa sà, ama á gbɛ̃ke dí ma la gu kũ matɛn tánlo. 6Á nɛ̀sɛɛ yàka sà kũ ma yã dínɔ òárɛ yãi. 7Yãpuran matɛn oárɛ, ma tana ni àre kɛárɛ, zaakũ tó mádi táro, Zɛkũnwode pì ni su á kĩnaaro. Tó ma ta, mani a zĩáwa. 8Tó à sù, ani tó andunia a yãzɛ dɔ̃ durunna kũ manakɛnaao kũ yãvutɛmmanaao musu. 9Oni a yãzɛ dɔ̃ durunna yã musu, kũ odi ma náani kɛro yãi. 10Oni a yãzɛ dɔ̃ manakɛna yã musu, kũ matɛn tá ma De kĩnaa, áni ma e doro. 11Oni a yãzɛ dɔ̃ yãvutɛmmanaa musu, kũ yã vùtɛ andunia díkĩna kínaa yãi. 12Má yã vĩ dɔ dasi mà oárɛ, ama áni yã pìnɔ fɔ̃ gĩaro. 13Tó Nini yãpurade sù, ani doárɛ arɛ yãpura pínki gũn. Ani yã o kũ a zĩda dɔ̃naaoro, yã kũ à màan anigɔ̃ o, ani yã kũ àtɛn sunɔ baaru kpáárɛ. 14Ani ma tɔ́ bo, zaakũ ani ma yãnɔ sɛ́tɛ à babaárɛ. 15Pɔ́ kũ ma De vĩ pínki bi ma pɔ́mɛ. Abire yãin ma pì, ani ma yãnɔ sɛ́tɛ à babaárɛ. 16À gɔ̃̀ fíti kũ áni ma e doro, à gɔ̃̀ fíti dɔ kũ áni ma e.
Pɔsira litɛna pɔnna ũ
17Akũ a ìba kenɔ pìkɔ̃nɛ: Bɔ́ yãn àtɛn owɛrɛ gwee? À pì à gɔ̃̀ fíti kũ óni a e doro, à gɔ̃̀ fíti dɔ kũ óni a e. À pì dɔ, átɛn tá a De kĩnaamɛ. 18Akũ ò pì: À gɔ̃̀ fíti kũ à òo pì de deraa? Ódi yã kũ àtɛn o pìi dɔ̀rɔ dɔ̃ro. 19Yesu dɔ̃̀ kũ ò ye ò a la, akũ à pìńnɛ: Kũ ma pì à gɔ̃̀ fíti kũ áni ma e doro, akũsɔ̃ à gɔ̃̀ fíti kũ dɔ áni ma e, abirekũn átɛn kɔ̃ lalai yá? 20Yãpuran matɛn oárɛ, áni ɔ́ɔ dɔ à wɛ̃nda kɛ, ama andunia ni pɔnna kɛ. Ánigɔ̃ kú pɔsira gũn, ama á pɔsira pì ni litɛ pɔnna ũ. 21Tó nɔgbɛ̃ ye à nɛ́ i, a nɛ̀sɛɛ dì yaka kũ a wãwãkɛna gɔrɔ kà yãi. Tó à nɛ́ ì sɔ̃, wãwã kũ à màa pìi dì dɔn doro. A pɔ dì kɛ nna kũ à nɛ́ dufu ì andunia gũn yãi. 22Lɛn ákɔ̃nɔ sɔ̃ á nɛ̀sɛɛ yakana lɛ gĩa. Mani ɛra mà á e dɔ, á pɔ ni kɛ nna, gbɛ̃ke sɔ̃ ani fɔ̃ à á pɔnna pì síáwaro. 23Gɔrɔ kũ̀a áni yãke lama doro. Yãpuran matɛn oárɛ, ma De ni pɔ́ sĩnda pínki kũ áni wɛ́ kɛa kũ ma tɔ́o kpááwa. 24Ari tera ádi pɔ́ke wɛ́ kɛ kũ ma tɔ́oro. À wɛ́ kɛ, áni le de á pɔnna gɔ̃ papana yãi.
Yesu zĩ̀i blè anduniaa
25Ma yã pìnɔ lɛ̀kɔ̃aárɛmɛ. A gɔrɔ tɛn su kũ mani yã oárɛ kũ yãlɛkɔ̃anaao doro, mani ma De yã oárɛ swáswa. 26Gɔrɔ kũ̀a áni wɛ́ kɛ kũ ma tɔ́o. Mádi oárɛ kũ makũmɛ mani wɛ́ kɛárɛ ma Dearo, 27zaakũ ma De a zĩdanɛ yeái kũ á yemai yãi, akũsɔ̃ a ma bona a kĩnaa sì. 28Ma bo ma De kĩnaa ma su andunia gũn. Tera sà matɛn andunia tó matɛn tá a kĩnaa.
29Akũ a ìbanɔ pìnɛ: Tɔ̀, ntɛn yã o kũ yãlɛkɔ̃anaao doro, ntɛn o swáswamɛ sà. 30Ó dɔ̃ sà kũ ń yã sĩnda pínki dɔ̃, àdi kɛ séto ò yãke gbɛkammaro. Abire yãin o n bona Luda kĩnaa sì. 31Akũ Yesu pìńnɛ: Átɛni ma náani kɛ sà yá? 32A gɔrɔ tɛn su à kà kɔ̀, kũ áni fãkɔ̃a, á baadi ni tá a bɛa à ma tó mado. Bee kũ abireo má kun madoro, zaakũ ma De kú kũmao. 33Ma yã dínɔ òárɛ, de á laakari gɔ̃ kpatɛna kunna ma gũn. Áni wɛ́tãmma le andunia gũn, ama à swɛ̃̀ ditɛ, ma gĩnakɛ ma zĩ̀i blè anduniaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bisã Bible © SIM International, 2005.