Vilinga 10
10
Petulu naKolonelyu
1Jino muKesaliya mwapwile lunga umwe, lijina lyenyi Kolonelyu. Apwile kapitau kamaswalale#10:1 Kapitau ou apwile kaLoma, mukulwane wakulama likulukaji (100) lyamaswalale. vamukana uze vavulukilenga ngwavo wavaItalya.
2Ikiye apwile muka-kukomoka Kalunga nakumwivwa woma, hamwe navakuzuvo yenyi vosena. Ahanyinenga vaka-kukalikiza mawana amavulu namuchima wakusuuluka, kaha alombelenga kuli Kalunga makumbi osena.
3 Likumbi limwe, kafwe halwola lwamuchitanu najiwana#10:3 Nge ngwavo ha15.00., amwene kangelo kaKalunga muchimweneso, mwengila muze apwile nakwamba ngwenyi, Ove Kolonelyu!
4Kaha ikiye hakumushishika evwile woma, ambile ngwenyi, Ngachilihi ove mwata wami? Hanjika. Ikiye amukumbulwile ngwenyi, Kulomba chove namawana weji kuhananga vaka-kukalikiza kufuma kumuchima wakusuuluka vinahete kumeso aKalunga, kaha nakwanukilaho#10:4 Aha hakiko hakutachikijila ngwove, Omu mutu mwasaka-saka Kalunga namuchima wenyi wosena, Kalunga eji kumutuminanga muka-kumwambulwila mujimbu wamwaza..
5Kaha jino, tuma malunga kuYopa nakusaka Shimona uze vavuluka ngwavo, Petulu.
6Ikiye nashikila kuli Shimona, muka-kulòmba malambu, ukwechi zuvo yenyi yatwama kwakamwihi nakalungalwiji.
7Omu afumineko uze kangelo áhanjikile nenyi, Kolonelyu asanyikile vangamba jenyi vavali naliswalale umwe wakukomoka Kalunga, hakachi kavaze vamuzachililenga.
8Kaha omu avahichililemo mwosena, avatumine kuYopa.
Chimweneso amwene Petulu
9Omu kwachele vapwile nakuya muungeji wavo, hakuheta kwakamwihi nalize limbo-lyakembwe, hakiko Petulu anyinyine helu yazuvo nakulomba kafwe halwola lwamuchitanu nalumwe#10:9 Hamulungu..
10Kaha omu evwile zala, asakile kulya. Oloze shimbu vapwile nakuteleka vyakulya, alezukilile mutulo,
11amwene mwilu munasokoloka, kaha mwapwile nakuzezumuka chuma chakufwana nge lihina lyalinene, vanakwate kumavinji alyo awana, vali nakulizezumwina hamavu.
12Mulikiko mwapwile miyachi yatunyama yosena vamahinji awana naava vakukalakasha hamavu natujila nawa.
13Kaha kuli ikiye kwejile lizu ngwalyo, Ove Petulu, katuka, jiha, lyako.
14Oloze Petulu ambile ngwenyi, Nduma, ove Mwata, mwomwo kanda ngulyengaho lyehi chuma chasanga chipwe chakuzeneka kutoma mwaya Jishimbi.
15Kaha lizu lyejile cheka kamuchivali ngwalyo, Evi natomesa Kalunga, kanda uvivuluka ngwove kavyatomeneko.
16Echi chasolokele ngocho katatu, kaha hahaze vene chize chuma vachikokelele cheka mwilu.
17Omu Petulu apwile nakukakasana mwalumbunukilile chize chimweneso, kumana malunga vaze atumine Kolonelyu vanahulisa lyehi oku kwatwama zuvo yaShimona, kaha vanemana kuchikolo chachipango.
18Kaha vatambakanyine nakuhulisa nge Shimona, ou vavulukilenga ngwavo, Petulu, ali kuze.
19Shimbu Petulu apwile nakushinganyeka chize chimweneso, Shipilitu amulwezele ngwenyi, Tala, malunga vatatu vali nakukutonda.
20Shikaho katuka, suluka, yako navo. Kanda ukakasanako, mwomwo Ami yami ngunavatumu.
21Petulu asulukile nakuya kuli vaze malunga nakuvalweza ngwenyi, Yami vene muli nakutonda. Kuli chihande muka, mwane?
22Vakiko vamulwezele ngwavo, Kapitau kamaswalale Kolonelyu, lunga wakwoloka wakumwivwa Kalunga woma, wápuho yamwaza muli vaYuleya vosena, vamulwezanga kuli kangelo wajila ngwenyi akusanyike, uyenga kuzuvo yenyi, mangana evwenga mazu kuli ove.
23Shikaho Petulu avatambwile nakuvazumbula.
Kaha omu kwachele akatukile nakuya navo, navandumbwenyi vamwe vakuYopa vayile nenyi.
Petulu kuzuvo yaKolonelyu
24Omu kwachele vengilile muKesaliya. Kolonelyu apwile nakuvavandamina, oho nakungulula lyehi vausoko wenyi navaka-tusendo twenyi.
25Omu Petulu engilile mulimbo lize lyalinene lyakembwe, Kolonelyu akatukile nakumusesa, Kaha alimbilile kumahinji enyi nakulifukula.
26Oloze Petulu amukatwile, nakumwamba ngwenyi, Imana tuhu, nayami nawa ngumutu kaha.
27Kaha oku ali nakuhanjika nenyi engilile muzuvo, awanyine vatu vavavulu vanakunguluka lyehi.
28Avambile ngwenyi, Enu munatachikiza omu chapwa chijila kuli lunga wakaYuleya kulikata namuka-muyachi weka chipwe kumutambukila. Oloze Kalunga nangusolwela omu kangwatela kuvuluka kala mutu ngwami wasanga chipwe wakuzeneka kutoma mwaya Jishimbiko.
29Shikaho hakungusanyika, nguneza chakuzeneka jipami. Jino nangumihulisa ngwami, chihande muka munangusanyikila?
30Kolonelyu amukumbulwile ngwenyi, Munahichi makumbi awana, kafwe halwola vene luno, lwamuchitanu najiwana, ngwapwile nakulomba muzuvo yami, kaha kukasumuka, lunga nemana kumeso ami navwale uvwalo wakuvyakuma,
31kaha ambile ngwenyi, Ove Kolonelyu, kulomba chove vanachivu namawana ove weji kuhananga vaka-kukalikiza kufuma kumuchima wakusuuluka, vanawanuka kuli Kalunga.
32Shikaho tuma malunga kuYopa nakusaka Shimona, vavuluka ngwavo Petulu, ou nashikila kuzuvo yaShimona muka-kulòmba malambu, kwakamwihi nakalungalwiji.
33Hakiko ngwakusanyikilanga washi, kaha chinawahe uneza. Shikaho jino, tuvosena tuli kuno kumeso aKalunga mangana twivwenga vyosena ovyo vanakulweze kuli Mwata.
Vaka-mafuchi navevwa mujimbu wamwaza
34Kaha Petulu aputukile kuhanjika#10:34 MuchiHelase ngwavo alokolwele mukanwa kenyi. ngwenyi, Mwamuchano vene ngunamono ngwami Kalunga katwama nachihandwako.
35Mwomwo kuli vaka-mafuchi osena, ou amwivwa woma nakulinganga mwakwoloka, navamwitavila kumeso enyi —
36lizu kana Kalunga álitumine kuli vana vaIsalele, lyakwambulula mujimbu wamwaza wakuunda muli Yesu Kulishitu (Ikiye Mwata wavosena).
37Enu munatachikiza vize vyasolokele muYuleya mwosena, kuputukila kuNgalileya, halujimiko ámbulwilenga Yowano,
38omu Yesu wakuNazaleta vamuwavishile naShipilitu Wajila nangolo kuli Kalunga, ahitanganyinenga nakulinga vyamwenemwene nakuhindula vosena vaze váshinyinyikilenga kuli liyavolo, mwomwo Kalunga apwilenga nenyi.
39Kaha etu tuvinjiho havyuma vyosena vize alingilenga, namulifuchi lyavaYuleya namuYelusalema. Kaha vamujihile hakumutachika hakulusu,
40oloze Kalunga amusangwile halikumbi lyamuchitatu, nakumusolola,
41 keshi kuli vatu vosenako, oloze kuli etu vinjiho vavangilile kutongola kuli Kalunga, etu twalile nakunwa nenyi kufuma haze asangukile muvafu.
42Kaha atulwezele ngwenyi twambulilenga vatu nakuvalumbunwina unjiho ngwetu, Ikiye vene Uze vatongola kuli Kalunga, kupwa Muka-kusopesa vavatonyi navafu.
43Ikiye vene vavuluka kuunjiho wavapolofweto vosena ngwavo mulijina lyenyi, weshowo mwamufwelela, navamukonekela milonga yenyi yashili.
Shipilitu Wajila mweza hali vaka-mafuchi
44Shimbu Petulu apwile nakuhanjika vyuma evi, Shipilitu Wajila ejile hali vosena vaze vapwile nakwivwilila mazu aKalunga.
45Kaha vaze vaka-kufwelela vakuli vangalami véjile naPetulu, valikomokelele hakumona wana waShipilitu Wajila vanauhingunwina nahali vaka-mafuchi#10:45 Nge ngwavo vaze kaveshi vaYuleyako. nawa.
46Mwomwo vavevwile vali nakuhanjika malimi eka nakutohwesa Kalunga. Haze vene Petulu ahanjikile ngwenyi,
47Iya mwahasa kukanyisa kujimika ava vanatambula Shipilitu Wajila ngana muze twamutambwile etu?
48Kaha avalwezele kuvajimika mulijina lyaYesu Kulishitu. Haze vene vamulembelele atwame navo makumbi amwe.
Currently Selected:
Vilinga 10: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 10
10
Petulu naKolonelyu
1Jino muKesaliya mwapwile lunga umwe, lijina lyenyi Kolonelyu. Apwile kapitau kamaswalale#10:1 Kapitau ou apwile kaLoma, mukulwane wakulama likulukaji (100) lyamaswalale. vamukana uze vavulukilenga ngwavo wavaItalya.
2Ikiye apwile muka-kukomoka Kalunga nakumwivwa woma, hamwe navakuzuvo yenyi vosena. Ahanyinenga vaka-kukalikiza mawana amavulu namuchima wakusuuluka, kaha alombelenga kuli Kalunga makumbi osena.
3 Likumbi limwe, kafwe halwola lwamuchitanu najiwana#10:3 Nge ngwavo ha15.00., amwene kangelo kaKalunga muchimweneso, mwengila muze apwile nakwamba ngwenyi, Ove Kolonelyu!
4Kaha ikiye hakumushishika evwile woma, ambile ngwenyi, Ngachilihi ove mwata wami? Hanjika. Ikiye amukumbulwile ngwenyi, Kulomba chove namawana weji kuhananga vaka-kukalikiza kufuma kumuchima wakusuuluka vinahete kumeso aKalunga, kaha nakwanukilaho#10:4 Aha hakiko hakutachikijila ngwove, Omu mutu mwasaka-saka Kalunga namuchima wenyi wosena, Kalunga eji kumutuminanga muka-kumwambulwila mujimbu wamwaza..
5Kaha jino, tuma malunga kuYopa nakusaka Shimona uze vavuluka ngwavo, Petulu.
6Ikiye nashikila kuli Shimona, muka-kulòmba malambu, ukwechi zuvo yenyi yatwama kwakamwihi nakalungalwiji.
7Omu afumineko uze kangelo áhanjikile nenyi, Kolonelyu asanyikile vangamba jenyi vavali naliswalale umwe wakukomoka Kalunga, hakachi kavaze vamuzachililenga.
8Kaha omu avahichililemo mwosena, avatumine kuYopa.
Chimweneso amwene Petulu
9Omu kwachele vapwile nakuya muungeji wavo, hakuheta kwakamwihi nalize limbo-lyakembwe, hakiko Petulu anyinyine helu yazuvo nakulomba kafwe halwola lwamuchitanu nalumwe#10:9 Hamulungu..
10Kaha omu evwile zala, asakile kulya. Oloze shimbu vapwile nakuteleka vyakulya, alezukilile mutulo,
11amwene mwilu munasokoloka, kaha mwapwile nakuzezumuka chuma chakufwana nge lihina lyalinene, vanakwate kumavinji alyo awana, vali nakulizezumwina hamavu.
12Mulikiko mwapwile miyachi yatunyama yosena vamahinji awana naava vakukalakasha hamavu natujila nawa.
13Kaha kuli ikiye kwejile lizu ngwalyo, Ove Petulu, katuka, jiha, lyako.
14Oloze Petulu ambile ngwenyi, Nduma, ove Mwata, mwomwo kanda ngulyengaho lyehi chuma chasanga chipwe chakuzeneka kutoma mwaya Jishimbi.
15Kaha lizu lyejile cheka kamuchivali ngwalyo, Evi natomesa Kalunga, kanda uvivuluka ngwove kavyatomeneko.
16Echi chasolokele ngocho katatu, kaha hahaze vene chize chuma vachikokelele cheka mwilu.
17Omu Petulu apwile nakukakasana mwalumbunukilile chize chimweneso, kumana malunga vaze atumine Kolonelyu vanahulisa lyehi oku kwatwama zuvo yaShimona, kaha vanemana kuchikolo chachipango.
18Kaha vatambakanyine nakuhulisa nge Shimona, ou vavulukilenga ngwavo, Petulu, ali kuze.
19Shimbu Petulu apwile nakushinganyeka chize chimweneso, Shipilitu amulwezele ngwenyi, Tala, malunga vatatu vali nakukutonda.
20Shikaho katuka, suluka, yako navo. Kanda ukakasanako, mwomwo Ami yami ngunavatumu.
21Petulu asulukile nakuya kuli vaze malunga nakuvalweza ngwenyi, Yami vene muli nakutonda. Kuli chihande muka, mwane?
22Vakiko vamulwezele ngwavo, Kapitau kamaswalale Kolonelyu, lunga wakwoloka wakumwivwa Kalunga woma, wápuho yamwaza muli vaYuleya vosena, vamulwezanga kuli kangelo wajila ngwenyi akusanyike, uyenga kuzuvo yenyi, mangana evwenga mazu kuli ove.
23Shikaho Petulu avatambwile nakuvazumbula.
Kaha omu kwachele akatukile nakuya navo, navandumbwenyi vamwe vakuYopa vayile nenyi.
Petulu kuzuvo yaKolonelyu
24Omu kwachele vengilile muKesaliya. Kolonelyu apwile nakuvavandamina, oho nakungulula lyehi vausoko wenyi navaka-tusendo twenyi.
25Omu Petulu engilile mulimbo lize lyalinene lyakembwe, Kolonelyu akatukile nakumusesa, Kaha alimbilile kumahinji enyi nakulifukula.
26Oloze Petulu amukatwile, nakumwamba ngwenyi, Imana tuhu, nayami nawa ngumutu kaha.
27Kaha oku ali nakuhanjika nenyi engilile muzuvo, awanyine vatu vavavulu vanakunguluka lyehi.
28Avambile ngwenyi, Enu munatachikiza omu chapwa chijila kuli lunga wakaYuleya kulikata namuka-muyachi weka chipwe kumutambukila. Oloze Kalunga nangusolwela omu kangwatela kuvuluka kala mutu ngwami wasanga chipwe wakuzeneka kutoma mwaya Jishimbiko.
29Shikaho hakungusanyika, nguneza chakuzeneka jipami. Jino nangumihulisa ngwami, chihande muka munangusanyikila?
30Kolonelyu amukumbulwile ngwenyi, Munahichi makumbi awana, kafwe halwola vene luno, lwamuchitanu najiwana, ngwapwile nakulomba muzuvo yami, kaha kukasumuka, lunga nemana kumeso ami navwale uvwalo wakuvyakuma,
31kaha ambile ngwenyi, Ove Kolonelyu, kulomba chove vanachivu namawana ove weji kuhananga vaka-kukalikiza kufuma kumuchima wakusuuluka, vanawanuka kuli Kalunga.
32Shikaho tuma malunga kuYopa nakusaka Shimona, vavuluka ngwavo Petulu, ou nashikila kuzuvo yaShimona muka-kulòmba malambu, kwakamwihi nakalungalwiji.
33Hakiko ngwakusanyikilanga washi, kaha chinawahe uneza. Shikaho jino, tuvosena tuli kuno kumeso aKalunga mangana twivwenga vyosena ovyo vanakulweze kuli Mwata.
Vaka-mafuchi navevwa mujimbu wamwaza
34Kaha Petulu aputukile kuhanjika#10:34 MuchiHelase ngwavo alokolwele mukanwa kenyi. ngwenyi, Mwamuchano vene ngunamono ngwami Kalunga katwama nachihandwako.
35Mwomwo kuli vaka-mafuchi osena, ou amwivwa woma nakulinganga mwakwoloka, navamwitavila kumeso enyi —
36lizu kana Kalunga álitumine kuli vana vaIsalele, lyakwambulula mujimbu wamwaza wakuunda muli Yesu Kulishitu (Ikiye Mwata wavosena).
37Enu munatachikiza vize vyasolokele muYuleya mwosena, kuputukila kuNgalileya, halujimiko ámbulwilenga Yowano,
38omu Yesu wakuNazaleta vamuwavishile naShipilitu Wajila nangolo kuli Kalunga, ahitanganyinenga nakulinga vyamwenemwene nakuhindula vosena vaze váshinyinyikilenga kuli liyavolo, mwomwo Kalunga apwilenga nenyi.
39Kaha etu tuvinjiho havyuma vyosena vize alingilenga, namulifuchi lyavaYuleya namuYelusalema. Kaha vamujihile hakumutachika hakulusu,
40oloze Kalunga amusangwile halikumbi lyamuchitatu, nakumusolola,
41 keshi kuli vatu vosenako, oloze kuli etu vinjiho vavangilile kutongola kuli Kalunga, etu twalile nakunwa nenyi kufuma haze asangukile muvafu.
42Kaha atulwezele ngwenyi twambulilenga vatu nakuvalumbunwina unjiho ngwetu, Ikiye vene Uze vatongola kuli Kalunga, kupwa Muka-kusopesa vavatonyi navafu.
43Ikiye vene vavuluka kuunjiho wavapolofweto vosena ngwavo mulijina lyenyi, weshowo mwamufwelela, navamukonekela milonga yenyi yashili.
Shipilitu Wajila mweza hali vaka-mafuchi
44Shimbu Petulu apwile nakuhanjika vyuma evi, Shipilitu Wajila ejile hali vosena vaze vapwile nakwivwilila mazu aKalunga.
45Kaha vaze vaka-kufwelela vakuli vangalami véjile naPetulu, valikomokelele hakumona wana waShipilitu Wajila vanauhingunwina nahali vaka-mafuchi#10:45 Nge ngwavo vaze kaveshi vaYuleyako. nawa.
46Mwomwo vavevwile vali nakuhanjika malimi eka nakutohwesa Kalunga. Haze vene Petulu ahanjikile ngwenyi,
47Iya mwahasa kukanyisa kujimika ava vanatambula Shipilitu Wajila ngana muze twamutambwile etu?
48Kaha avalwezele kuvajimika mulijina lyaYesu Kulishitu. Haze vene vamulembelele atwame navo makumbi amwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia