Vilinga 11
11
Petulu mwalumbununa milimo yenyi kuliuka lyakuYelusalema
1Jino vaposetolo navandumbwavo muli Kulishitu vápwile kuYuleya kwosena, vevwile ngwavo navaka-mafuchi nawa vanatambula lizu lyaKalunga.
2Omu Petulu akandukile kuYelusalema, vangalami#11:2 Nge ngwavo, vaYuleya vaze vafwelelele vashinganyekele ngwavo kuvanga mutu vamujihane mokomoko kavahashile kulikata nenyiko. Tala Vilinga 15:5. vamukokojwesele ngwavo,
3 Wayanga nakulifutula namalunga vavijiji nakulya navo!
4Oloze Petulu aputukile kuvalumbunwina chihande munona munona, ngwenyi,
5 Ami ngwapwile mulimbo lyaYopa lyakembwe nakulomba, kaha muchimweneso ngwamwene mwilu muli nakuzezumuka chuma chakufwana nge lihina lyalinene vanakwate kumavinji alyo awana, kaha chahetele kuli ami.
6Ami hakuchishishika, ngwamweneho tunyama vamahinji awana vahamavu — vamuchipapa, vakukalakasha, natujila nawa.
7Kaha ngwevwile lizu nalingwamba ngwalyo, Ove Petulu, katuka, jiha, lyako.
8Oloze, ngwambile ngwami, Nduma ove Mwata, mwomwo mukanwa kami kanda mwingilengaho lyehi chuma chasanga chipwe chakuzeneka kutoma mwaya Jishimbi.
9Oloze lize lizu lyakumbulwile kamuchivali kufuma mwilu ngwalyo, Evi natomesa Kalunga kanda uvivuluka ngwove kavyatomeneko.
10Echi chasolokele katatu, kaha vyosena vavikokelele cheka mwilu.
11Kaha haze vene malunga vatatu vátumine kuli ami kufuma kuKesaliya, vemanyine kwakamwihi nazuvo yize twapwile.
12Shipilitu angulwezele nguyenga navo chakuzeneka kukakasana. Navandumbwami muli Kulishitu vatanu naumwe nawa ngwayile navo hamwe, kaha twengilile muzuvo yauze lunga.
13Kaha atulwezele omu amwene kangelo nemana muzuvo yenyi nakumwamba ngwenyi, Tuma malunga kuYopa vakasake Shimona, vavuluka ngwavo Petulu.
14Ikiye mwakakulweza mazu navakulwila nawo naava vakuzuvo yove vosena.
15Omu ngwaputukile kuhanjika, Shipilitu Wajila ejile hali vakiko ngana muze ejile hali etu hakavanga.
16Kaha ngwanukile lizu lyaMwata lize ambile ngwenyi, Yowano ajimikilenga vene vatu mumeya, oloze enu navakamijimika muli Shipilitu Wajila.
17Shikaho nge Kalunga navahane wana woumwe ngana muze atuhanyinewo etu nawa twáfwelelele Mwata Yesu Kulishitu, nyi yami iya numba nguhonese Kalunga?
18Vakiko hakwivwa mazu awa vaholele kulu. Kaha valishile Kalunga haupahu wenyi ngwavo, Kumana navaka-mafuchi nawa Kalunga navahane lyehi kukunyuka hashili nakwalumuka mumichima chakutwala kumwono.
Liuka lyakuAndeyoka
19Jino vaze vamwangile mwomwo waluyanjisa luze lwaputukilile hali Setefwano, vahetele nakuFwenyisha nakuKupulusu nakuAndeyoka, oku vali nakwambulula mazu kuli vaYuleya kaha, keshi kuli vatu vekako.
20Oloze mukachi kavo mwapwile malunga vamwe vakuKupulusu nakuKulene, vakiko omu vahetele kuAndeyoka vahanjikilenga nawa navaHelene#11:20 Nge ngwavo vaze vahanjikilenga chiHelase, vapwile vaYuleya navaHelase vavene. nakuvambulila mujimbu wamwaza waMwata Yesu.
21Kaha livoko lyaMwata lyapwilenga navo hamwe, kaha vatu vavavulu vafwelelele nakwalumukila kuli Mwata.
22Mujimbu kana wahetele kumatwitwi aliuka lyakuYelusalema, kaha vatumine Mbalanape ayenga swi-i nakuAndeyoka.
23Ikiye hakuheta kuze, hakumona likoji lyaKalunga, awahililile, kaha avalembelele vosena vashishikenga muli Mwata namuchima wosena.
24Mwomwo apwile lunga wamwenemwene, wakuzala naShipilitu Wajila nalufwelelo. Kaha kuli Mwata vahakilileko lizavu lyalinene.
25Jino Mbalanape ayile kuTalasu nakutonda Saulu.
26Kaha omu amuwanyine ejile nenyi kuAndeyoka. Kaha mwaka wosena vakungulukilenga naliuka, kaha vanangwilenga lizavu lyalinene. KuAndeyoka, kukiko vene vavangilile kuvuluka tumbaji#11:26 Nge ngwavo vaka-kufwelela, mwomwo vosena vapwa tumbaji twaMwata. ngwavo, Vaka-Kulishitu.
27Hamakumbi aze vapolofweto vafumine kuYelusalema nakushikumuka kuAndeyoka.
28Kaha umwe wavo, lijina lyenyi Angavu, emanyine nakupolofweta muli Shipilitu ngwenyi, Mumafuchi osena namukaholokela zala yakalombolombo. (Yasolokele hamakumbi achiyulo chaKolochiyu).
29Kaha tumbaji#11:29 Nge ngwavo vaka-kufwelela, mwomwo vosena vapwa tumbaji twaMwata. vajinyine kutuma jimbongo, mutu himutu ahanyine kutesa nomu ahashilile, jakukafwako vandumbwavo vaze vatwama muYuleya,
30Kaha mukiko valingile, vatumine Mbalanape naSaulu vajitwale kuli vakulwane kuYelusalema.
Currently Selected:
Vilinga 11: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 11
11
Petulu mwalumbununa milimo yenyi kuliuka lyakuYelusalema
1Jino vaposetolo navandumbwavo muli Kulishitu vápwile kuYuleya kwosena, vevwile ngwavo navaka-mafuchi nawa vanatambula lizu lyaKalunga.
2Omu Petulu akandukile kuYelusalema, vangalami#11:2 Nge ngwavo, vaYuleya vaze vafwelelele vashinganyekele ngwavo kuvanga mutu vamujihane mokomoko kavahashile kulikata nenyiko. Tala Vilinga 15:5. vamukokojwesele ngwavo,
3 Wayanga nakulifutula namalunga vavijiji nakulya navo!
4Oloze Petulu aputukile kuvalumbunwina chihande munona munona, ngwenyi,
5 Ami ngwapwile mulimbo lyaYopa lyakembwe nakulomba, kaha muchimweneso ngwamwene mwilu muli nakuzezumuka chuma chakufwana nge lihina lyalinene vanakwate kumavinji alyo awana, kaha chahetele kuli ami.
6Ami hakuchishishika, ngwamweneho tunyama vamahinji awana vahamavu — vamuchipapa, vakukalakasha, natujila nawa.
7Kaha ngwevwile lizu nalingwamba ngwalyo, Ove Petulu, katuka, jiha, lyako.
8Oloze, ngwambile ngwami, Nduma ove Mwata, mwomwo mukanwa kami kanda mwingilengaho lyehi chuma chasanga chipwe chakuzeneka kutoma mwaya Jishimbi.
9Oloze lize lizu lyakumbulwile kamuchivali kufuma mwilu ngwalyo, Evi natomesa Kalunga kanda uvivuluka ngwove kavyatomeneko.
10Echi chasolokele katatu, kaha vyosena vavikokelele cheka mwilu.
11Kaha haze vene malunga vatatu vátumine kuli ami kufuma kuKesaliya, vemanyine kwakamwihi nazuvo yize twapwile.
12Shipilitu angulwezele nguyenga navo chakuzeneka kukakasana. Navandumbwami muli Kulishitu vatanu naumwe nawa ngwayile navo hamwe, kaha twengilile muzuvo yauze lunga.
13Kaha atulwezele omu amwene kangelo nemana muzuvo yenyi nakumwamba ngwenyi, Tuma malunga kuYopa vakasake Shimona, vavuluka ngwavo Petulu.
14Ikiye mwakakulweza mazu navakulwila nawo naava vakuzuvo yove vosena.
15Omu ngwaputukile kuhanjika, Shipilitu Wajila ejile hali vakiko ngana muze ejile hali etu hakavanga.
16Kaha ngwanukile lizu lyaMwata lize ambile ngwenyi, Yowano ajimikilenga vene vatu mumeya, oloze enu navakamijimika muli Shipilitu Wajila.
17Shikaho nge Kalunga navahane wana woumwe ngana muze atuhanyinewo etu nawa twáfwelelele Mwata Yesu Kulishitu, nyi yami iya numba nguhonese Kalunga?
18Vakiko hakwivwa mazu awa vaholele kulu. Kaha valishile Kalunga haupahu wenyi ngwavo, Kumana navaka-mafuchi nawa Kalunga navahane lyehi kukunyuka hashili nakwalumuka mumichima chakutwala kumwono.
Liuka lyakuAndeyoka
19Jino vaze vamwangile mwomwo waluyanjisa luze lwaputukilile hali Setefwano, vahetele nakuFwenyisha nakuKupulusu nakuAndeyoka, oku vali nakwambulula mazu kuli vaYuleya kaha, keshi kuli vatu vekako.
20Oloze mukachi kavo mwapwile malunga vamwe vakuKupulusu nakuKulene, vakiko omu vahetele kuAndeyoka vahanjikilenga nawa navaHelene#11:20 Nge ngwavo vaze vahanjikilenga chiHelase, vapwile vaYuleya navaHelase vavene. nakuvambulila mujimbu wamwaza waMwata Yesu.
21Kaha livoko lyaMwata lyapwilenga navo hamwe, kaha vatu vavavulu vafwelelele nakwalumukila kuli Mwata.
22Mujimbu kana wahetele kumatwitwi aliuka lyakuYelusalema, kaha vatumine Mbalanape ayenga swi-i nakuAndeyoka.
23Ikiye hakuheta kuze, hakumona likoji lyaKalunga, awahililile, kaha avalembelele vosena vashishikenga muli Mwata namuchima wosena.
24Mwomwo apwile lunga wamwenemwene, wakuzala naShipilitu Wajila nalufwelelo. Kaha kuli Mwata vahakilileko lizavu lyalinene.
25Jino Mbalanape ayile kuTalasu nakutonda Saulu.
26Kaha omu amuwanyine ejile nenyi kuAndeyoka. Kaha mwaka wosena vakungulukilenga naliuka, kaha vanangwilenga lizavu lyalinene. KuAndeyoka, kukiko vene vavangilile kuvuluka tumbaji#11:26 Nge ngwavo vaka-kufwelela, mwomwo vosena vapwa tumbaji twaMwata. ngwavo, Vaka-Kulishitu.
27Hamakumbi aze vapolofweto vafumine kuYelusalema nakushikumuka kuAndeyoka.
28Kaha umwe wavo, lijina lyenyi Angavu, emanyine nakupolofweta muli Shipilitu ngwenyi, Mumafuchi osena namukaholokela zala yakalombolombo. (Yasolokele hamakumbi achiyulo chaKolochiyu).
29Kaha tumbaji#11:29 Nge ngwavo vaka-kufwelela, mwomwo vosena vapwa tumbaji twaMwata. vajinyine kutuma jimbongo, mutu himutu ahanyine kutesa nomu ahashilile, jakukafwako vandumbwavo vaze vatwama muYuleya,
30Kaha mukiko valingile, vatumine Mbalanape naSaulu vajitwale kuli vakulwane kuYelusalema.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia