Vilinga 12
12
Navajiha Yakova nakukasa Petulu
1Jino hamakumbi aze mwangana Helote#12:1 Ou Helote, lijina lyenyi Angalipa wakulivanga, ikiye muzukulu wauze Helote wamulemu atungile tembele, nakujiha vana kuMbetelema (Mat 2:16). Angalipa wakulivanga ajihile Yakova nakukasa Petulu (Vili 12:1-23). Mwanenyi, ikiye Angalipa wamuchivali, evwililile mujimbu wakaposetolo Paulu (Vili 26:1-32). aputukile kuyanjisa vamwe muliuka.
2Kaha ajihile Yakova, ndumbwaYowano, napoko yamukwale.
3Kaha omu amwene ngwenyi chinevwisa vaYuleya kuwaha, ahakilileko kukwata naPetulu nawa. Echi chasolokele hamakumbi achiwanyino chaJimbolo jakuzeneka Chimbalwila.
4Omu amukwachile, amuhakile mukamenga nakumuhana kumavoko amikana yiwana yamaswalale, mumukana vawana mumukana vawana (4 x 4 = 16), mangana ngwenyi vamulame nakukukuma chachiwanyino chaKuzomboka numba vakamulovole kuli vatu vakamuhise afwenga.
5Shikaho Petulu vamulaminenga mukamenga, oloze liuka lyamulombelelenga chikuma kuli Kalunga.
Petulu navamuyovola mukamenga
6Kaha ufuku vene uze ambile Helote kumulovola, Petulu apwile mutulo mukachi kamaswalale vavali, wakukasa namalenge avali. Kaha kuchikolo kwapwile maswalale vavali nakulama kamenga.
7Kaha hahaze vene, kangelo kaMWATA emanyine kuli ikiye, kaha muze mukapete kakamenga ápwile mwamunyikile zwalala. Avetele Petulu kuluhachi nakumutonesa, amwambile ngwenyi, Katuka washi. Kaha aze malenge aholokele kumavoko enyi.
8Kaha uze kangelo amwambile ngwenyi, lijichike, vwala mendelo ove. Kaha alingile ngocho. Himwamwamba ngwenyi, Likupilike chikovelo chove chachisuku chakuweluka ungukave.
9Kaha omu Petulu alovokele, amukavile, oloze katachikijile ngwenyi vize apwile nakulinga uze kangelo vyamuchanoko, oloze ashinganyekele nge ali nakumona chimweneso.
10Omu vahambakanyine uze muka-kulama wakavanga nauze wamuchivali, vahetele kulipito lyachikungo lyakuchikolo chakulovokela munganda, kaha lyalisokolokelele livene, kaha valovokele, vahichile mujila yimwe, kaha hahaze vene uze kangelo amusezele.
11Kaha omu Petulu eulukile, ambile ngwenyi, Jino ngunatachikiza kanawa ngwami Mwata atumanga kangelo kenyi nakungupululula mulivoko lyaHelote nakuvyosena vize vatalililanga vaYuleya.
12Omu eulukile ngocho, ayile kuzuvo yaMaliya, naye yaYowano, uze vavulukilenga ngwavo Mako, kuze vakungulukilile vavavulu nakulomba.
13Kaha omu angongomwezele kuchikolo chachipango, ndungo wamwanapwevo ejile nakutalako, lijina lyenyi Londa.
14Hakutachikiza ngwenyi lizu kana lyaPetulu, awahililile chikuma oloze kasokolwele kuchikoloko, alahilile muzuvo nakuvalweza ngwenyi, Petulu nemana kuchikolo.
15Vamwambile ngwavo, Unakíndama! Oloze ikiye atwalilileho nakwamba ngwenyi, Omu ngunahanjika mukiko vene. Vakiko vamwambile ngwavo, Owo kangelo kenyi kaha.
16Petulu atwalilileho nakungongomweza. Kaha omu vasokolweleko vamumwene, kaha valikomokelele.
17Jino avaholesele nalivoko lyenyi nakuvalumbunwina omu amulowelanga Mwata mukamenga. Kaha avambile ngwenyi, Lwezenu Yakova, navandumbwetu vyuma evi. Kaha afumine kuze ayile kweka.
18Kaha jino omu kwachele, kwapwile pindangano yayinene muli vaze maswalale hali Petulu, ngwavo, chuma muka chinamusolokela!
19Oloze omu Helote amutondele, nakuhona kumuwana, ehwojwele vaze vaka-kumulama, kaha ambile ngwenyi vavatape. Kaha Helote afumine kuYuleya, ashikumukile kuKesaliya nakutwamako.
Kufwa chaHelote
20Jino Helote asolwele utenu chikuma hali vaka-Tule naShitone. Hakupwa vakiko vatambwilenga kulya chavo kulifuchi lyenyi, vejile kuli ikiye mwangana namuchima umwe nakumulomba kupwenga kuunda, oho vanakunyula lyehi Mbalashitu uze kaselwa kenyi avakafweko.
21Halikumbi lize átongwele, Helote avwalile uvwalo wawangana, atwamine halitanda lyenyi nakwambulila vatu chihande mwakukomwesa.
22Lizavu lyavatu lyatambakanyine ngwalyo, Lizu kana lyakalunga, kalyeshi lyamutuko!
23Kaha hahaze vene kangelo kaMWATA amuvetele namusongo, mavunu vamulile kaha afwile, mwomwo kahanyine Kalunga kalemesako.
24Oloze mazu aKalunga akwachile ngolo nakutanda.
25Omu Mbalanape naSaulu vakumishile milimo yavo kuYelusalema, vakindulukile kuAndeyoka. Vayile naYowano, uze vavulukilenga ngwavo Mako.
Currently Selected:
Vilinga 12: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 12
12
Navajiha Yakova nakukasa Petulu
1Jino hamakumbi aze mwangana Helote#12:1 Ou Helote, lijina lyenyi Angalipa wakulivanga, ikiye muzukulu wauze Helote wamulemu atungile tembele, nakujiha vana kuMbetelema (Mat 2:16). Angalipa wakulivanga ajihile Yakova nakukasa Petulu (Vili 12:1-23). Mwanenyi, ikiye Angalipa wamuchivali, evwililile mujimbu wakaposetolo Paulu (Vili 26:1-32). aputukile kuyanjisa vamwe muliuka.
2Kaha ajihile Yakova, ndumbwaYowano, napoko yamukwale.
3Kaha omu amwene ngwenyi chinevwisa vaYuleya kuwaha, ahakilileko kukwata naPetulu nawa. Echi chasolokele hamakumbi achiwanyino chaJimbolo jakuzeneka Chimbalwila.
4Omu amukwachile, amuhakile mukamenga nakumuhana kumavoko amikana yiwana yamaswalale, mumukana vawana mumukana vawana (4 x 4 = 16), mangana ngwenyi vamulame nakukukuma chachiwanyino chaKuzomboka numba vakamulovole kuli vatu vakamuhise afwenga.
5Shikaho Petulu vamulaminenga mukamenga, oloze liuka lyamulombelelenga chikuma kuli Kalunga.
Petulu navamuyovola mukamenga
6Kaha ufuku vene uze ambile Helote kumulovola, Petulu apwile mutulo mukachi kamaswalale vavali, wakukasa namalenge avali. Kaha kuchikolo kwapwile maswalale vavali nakulama kamenga.
7Kaha hahaze vene, kangelo kaMWATA emanyine kuli ikiye, kaha muze mukapete kakamenga ápwile mwamunyikile zwalala. Avetele Petulu kuluhachi nakumutonesa, amwambile ngwenyi, Katuka washi. Kaha aze malenge aholokele kumavoko enyi.
8Kaha uze kangelo amwambile ngwenyi, lijichike, vwala mendelo ove. Kaha alingile ngocho. Himwamwamba ngwenyi, Likupilike chikovelo chove chachisuku chakuweluka ungukave.
9Kaha omu Petulu alovokele, amukavile, oloze katachikijile ngwenyi vize apwile nakulinga uze kangelo vyamuchanoko, oloze ashinganyekele nge ali nakumona chimweneso.
10Omu vahambakanyine uze muka-kulama wakavanga nauze wamuchivali, vahetele kulipito lyachikungo lyakuchikolo chakulovokela munganda, kaha lyalisokolokelele livene, kaha valovokele, vahichile mujila yimwe, kaha hahaze vene uze kangelo amusezele.
11Kaha omu Petulu eulukile, ambile ngwenyi, Jino ngunatachikiza kanawa ngwami Mwata atumanga kangelo kenyi nakungupululula mulivoko lyaHelote nakuvyosena vize vatalililanga vaYuleya.
12Omu eulukile ngocho, ayile kuzuvo yaMaliya, naye yaYowano, uze vavulukilenga ngwavo Mako, kuze vakungulukilile vavavulu nakulomba.
13Kaha omu angongomwezele kuchikolo chachipango, ndungo wamwanapwevo ejile nakutalako, lijina lyenyi Londa.
14Hakutachikiza ngwenyi lizu kana lyaPetulu, awahililile chikuma oloze kasokolwele kuchikoloko, alahilile muzuvo nakuvalweza ngwenyi, Petulu nemana kuchikolo.
15Vamwambile ngwavo, Unakíndama! Oloze ikiye atwalilileho nakwamba ngwenyi, Omu ngunahanjika mukiko vene. Vakiko vamwambile ngwavo, Owo kangelo kenyi kaha.
16Petulu atwalilileho nakungongomweza. Kaha omu vasokolweleko vamumwene, kaha valikomokelele.
17Jino avaholesele nalivoko lyenyi nakuvalumbunwina omu amulowelanga Mwata mukamenga. Kaha avambile ngwenyi, Lwezenu Yakova, navandumbwetu vyuma evi. Kaha afumine kuze ayile kweka.
18Kaha jino omu kwachele, kwapwile pindangano yayinene muli vaze maswalale hali Petulu, ngwavo, chuma muka chinamusolokela!
19Oloze omu Helote amutondele, nakuhona kumuwana, ehwojwele vaze vaka-kumulama, kaha ambile ngwenyi vavatape. Kaha Helote afumine kuYuleya, ashikumukile kuKesaliya nakutwamako.
Kufwa chaHelote
20Jino Helote asolwele utenu chikuma hali vaka-Tule naShitone. Hakupwa vakiko vatambwilenga kulya chavo kulifuchi lyenyi, vejile kuli ikiye mwangana namuchima umwe nakumulomba kupwenga kuunda, oho vanakunyula lyehi Mbalashitu uze kaselwa kenyi avakafweko.
21Halikumbi lize átongwele, Helote avwalile uvwalo wawangana, atwamine halitanda lyenyi nakwambulila vatu chihande mwakukomwesa.
22Lizavu lyavatu lyatambakanyine ngwalyo, Lizu kana lyakalunga, kalyeshi lyamutuko!
23Kaha hahaze vene kangelo kaMWATA amuvetele namusongo, mavunu vamulile kaha afwile, mwomwo kahanyine Kalunga kalemesako.
24Oloze mazu aKalunga akwachile ngolo nakutanda.
25Omu Mbalanape naSaulu vakumishile milimo yavo kuYelusalema, vakindulukile kuAndeyoka. Vayile naYowano, uze vavulukilenga ngwavo Mako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia