Vilinga 13
13
Mbalanape naSaulu navavasuula kumulimo waMwata
1Jino muliuka lyakuAndeyoka mwapwile vapolofweto navaka-kunangula: ou Mbalanape, naShimeyone vavulukilenga ngwavo Nyijele, naLushiu wakuKulene, naManane uze valelele hamwe nanguvulu Helote, naSaulu.
2Shimbu vapwile nakulifukula kuli Mwata nakulitwamina kulya, Shipilitu Wajila ambile ngwenyi, Nguhandunwinenuko Mbalanape naSaulu vayenga kumilimo ngunavasanyikila.
3Jino hakukumisa kulitwamina kulya nakulomba, vavanangikile mavoko, kaha vavasuwile.
Navambulula mazu kuKupulusu
4Shikaho hakuvatuma kuli Shipilitu Wajila vashikumukile kuSelusha. Kufuma kuze vayile muwato nakuheta kuKupulusu.
5Kaha omu vahetele kuSalame vambulwile mazu aKalunga mujisunangonga#13:5 Tala ha6:9. javaYuleya. Kaha Yowano apwile muka-kuvakafwa.
6Omu vahichile muze mulitungu lyosena, hakuheta kuPafwose, vawanyine lunga umwe muka-tufuta, apwile kaYuleya, muka-kulyongela upolofweto, lijina lyenyi Mbala-Yesu.
7Ikiye apwile hamwe naSeleju Paulu, muhato wanguvulu, lunga wamangana, ásanyikile Mbalanape naSaulu vezenga kuli ikiye, mangana evwenga mazu aKalunga.
8Oloze Mbala-Yesu, ukwechi lijina likwavo Eluma, uze muka-tufuta (mukiko lyalumbunukila lijina lyaEluma), avemanyinyine nakole, kaha esekelenga chikuma kuluwanganyisa uze muhato wanguvulu kuchina mwafwelela.
9Oloze Saulu (uze vavulukilenga nawa ngwavo, Paulu) apwile wakuzala naShipilitu Wajila, amushishikile,
10nakumwamba ngwenyi, Ove wazala nakwonga chosena navilinga vyakuhenga vyosena, ove mwana-liyavolo, ove muka-kole wakwoloka chosena, kumana ove kaweshi kulitwamina kuluwanganyisa jijila jakwoloka jaMwatako?
11Kaha jino tala, Mwata mwakuzangamisa kaha naupwa ukapuputa, hatando yimwe kaweshi kuhasa kumona likumbiko. Kaha hahaze vene mbundu namilima vyamuwanyine, apupuchilile nakutonda vakumukwata kulivoko nakumutetekelako.
12Jino uze muhato wanguvulu hakumona chize chasolokele afwelelele, kaha alikomokelele chize kunangula chakuvuluka Mwata.
Paulu naMbalanape hakupwa kuAndeyoka mungalila yaPishicha
13Jino Paulu navakwavo vayile muwato kufuma kuPafwose nakuheta kuPelenge muPamafulya, Yowano avasezele nakulikindulukila kwenyi kuYelusalema.
14Oloze vakiko vafumine kuPelenge vayile yatunda nakuheta kuAndeyoka mungalila yaPishicha. Kaha haSambata vengilile musunangonga, nakutwama.
15Kaha omu chakumine kutanga chamazu ahamikanda yaJishimbi naVapolofweto, vakulwane jasunangonga vavalwezele ngwavo, Enu malunga vandumbwetu, nge muli namazu akuzamikisa vatu, ahanjikenu.
16Kaha Paulu akatukile, avaholesele nalivoko lyenyi, avambile ngwenyi,
Enu malunga vaIsalele, hamwe nayenu mwamwivwa Kalunga woma, ivwililenu.
17Kalunga kavatu ava vaIsalele asakwile vakakuluka jetu, kaha avazezwile omu vazuzumanyine mulifuchi lyaEjipitu. Avafumishilemo nalivoko lyangolo.
18 Omu valikangile, avatalijijile chikoki muze mupambo kafwe myaka makumi awana (40).
19 Kaha omu anongesele miyachi yize yitanu nayivali yamulifuchi lyaKanane, ahanyine vaIsalele lize lifuchi kupwa uswana wavo.
20 Evi vyasolokele kafwe mumyaka makulukaji awana namyaka makumi atanu (450). Kufuma haze, avahanyine vaka-kuyula swi-i nakuli kapolofweto Samwele.
21Kaha jino valombele vavahane mwangana, kaha Kalunga avahanyine Saulu, mwanaKishe, lunga wakumuyachi waMbenjamine, avayulile myaka makumi awana (40).
22Kaha omu amufumishileho, aswanyishileho Ndavichi, uze ahanyinyine unjiho ngwenyi,
Ngunawane Ndavichi,
mwanaYese,
Lunga wakuya mwaya muchima wami,
ou mwakalinga mwosena mwaya muchima wami.
23 Kufuma kumbuto yaNdavichi, Kalunga anehela vaIsalele Mulwilo, Ikiye Yesu, ngana muze ashikile.
24 Shimbu kanda ezenga, Yowano ambulilile vaIsalele vosena lujimiko lwahakukunyuka hashili nakwalumuka mumuchima.
25Jino omu Yowano apwile nakukumisa milimo yenyi, avahulishile ngwenyi, Enu munashinganyeka ngwenu yami iya? Keshi yami Kulishituko. Oloze ivwililenu, munyima yami muli nakwiza Umwe, Ou kangwatamo kukasununa kachikapa kakumendelo akumahinji enyiko.
26Enu malunga vandumbwami, enu vana vakutanga yaApalahama, nayenu vaka-mafuchi muli mukachi kavo mwamwivwa Kalunga woma, mazu aulwilo uno vanatutuminawo etu.
27Mwomwo vaze vatwama muYelusalema, navaka-kuvayula, hakuzeneka kumutachikiza, nahakuzeneka kuvalumbunukila aze mazu avapolofweto veji kutanganga haSambata haSambata, vakiko vawateselemo hakumutwika mulonga ngwavo afwenga.
28Kaha, chipwe kavamuwanyine namulonga wakutela kufwako, oloze valombele Pilatu ngwavo amujihe.
29Kaha, omu vakumishile vyosena vize vyakumuvuluka vyakumazu-vasoneka-ajila, vamufumishile hachitondo, nakumusavalika muchimbumbe.
30Oloze Kalunga amusangwile muvafu,
31kaha alisolwele makumbi amavulu kuli vaze vakandukile nenyi kufuma kuNgalileya nakuya kuYelusalema, vakiko vanapu jino vinjiho jenyi kuli vaYuleya.
32Kaha, etu tuli nakumyambulila mujimbu wamwaza ngwetu lushiko áshikile Kalunga vakakuluka jetu,
33lukiko natesamo kuli etu vana vavo, hakumukatula Yesu nge muze vasoneka nawa haSamu yamuchivali ngwavo,
Ove uMwanami,
Lelo Ami ngunakuseme.
34Kaha, hakuvuluka muze amusangula kufuma muvafu mangana azeneke kupola, Kalunga nahanjika ngana ngwenyi,
Nangukuhana jishiko jajila jamuchano ngwashikile Ndavichi.
35Mwomwo nakuSamu yikwavo nahanjika nawa ngwenyi,
Ove kaweshi kwechelela Ou wove ájila apoleko.
36Omu Ndavichi, akumishile kuzata mwaya punga yaKalunga muchisemunwino chenyi, asavalile tulo, kaha vamusavalikile hamwe navakakuluka jenyi, kaha apola.
37Oloze, Uze Kalunga asangwile kamwene kupolako.
38Shikaho, enu malunga vandumbwami, tachikizenu, ngwenu muli Ou mukiko vali nakumyambulila lukonekelo lwamilonga yenu.
39Mwomwo muli Ikiye, weshowo mwamufwelela navamuvuluka kupwa wakwoloka kuvyosena vize Jishimbi jaMose kajahashile kumivulukila kwolokako.
40Shikaho, zangamenu kuchina ocho vavuluka muli vapolofweto nachikamiwana chakwamba ngwavo,
41 Talenu, enu vaka-kulumbilisa, likomokelenu, kaha namukanonga,
Mwomwo Ami nguli nakuzata milimo mumakumbi enu,
Milimo kana chipwe tuhu mutu mwamilwezayo, kamweshi kuyifwelelako.
42Omu vapwile nakulovoka vavalembelelele ngwavo mazu kana vakawambulule haSambata nayizaho nawa.
43Jino omu chakumine kukunguluka, vaYuleya vavavulu navaze vaka-kukomoka Kalunga valumukile kupwa vaYuleya, vakavile Paulu naMbalanape. Shikaho Paulu naMbalanape vahanjikile navo nakuvalembelela mangana vakakachilenga kulikoji lyaKalunga.
44HaSambata yakavileho, kafwe nganda yosena yakungulukile mangana vevwenga mazu aMwata.
45Oloze vaYuleya hakumona aze mazavu, vazalile nalisungu nakulingulula vize ahanjikile Paulu nakumusaula.
46Kaha Paulu naMbalanape vomikile nakwamba ngwavo,
Chatelele kuvangila kwambulula mazu aKalunga kuli enu. Hakumona munawakane nakulimona ngwenu kamwatela kutambula mwono wázeneka kukumako, shikaho, natwalumukila kuli vaka-mafuchi.
47Mwomwo mukiko natulweze Mwata, ngana omu Kalunga ambile mumazu-vasoneka-ajila ngwenyi,
Ngunakutongola upwenga uMusana wavaka-mafuchi,
Upwenga uMulwilo#13:47 MuchiHelase ngwavo, upwenga uUlwilo. kwalenga mavu.
48Kaha omu vaka-mafuchi vachivwile vawahililile, kaha valemeselenga mazu aMWATA, kaha vosena vaze vatongwela kumwono wázeneka kukuma vafwelelele.
49Kaha mazu aMwata atanjilenga mungalila yize yosena.
50Oloze vaYuleya vasangumwine mapwevo vavalemu vasólwelenga muchima wakukomoka Kalunga, navatwamina vanganda, mangana vaputuke kuyanjisa vaPaulu naMbalanape nakuvahanga mungalila yavo.
51Oloze vakiko vatotomwene lukungu kumahinji avo kupwa unjiho wakuvahishilaho, kaha vayile kuIkonyume.
52Kaha tumbaji#13:52 Nge ngwavo vaka-kufwelela, mwomwo vosena vapwa tumbaji twaMwata. vazalile naShipilitu Wajila#13:52 Kalunga Ikiye avazalishilenga naShipilitu Wajila nakuwahilila.
Currently Selected:
Vilinga 13: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 13
13
Mbalanape naSaulu navavasuula kumulimo waMwata
1Jino muliuka lyakuAndeyoka mwapwile vapolofweto navaka-kunangula: ou Mbalanape, naShimeyone vavulukilenga ngwavo Nyijele, naLushiu wakuKulene, naManane uze valelele hamwe nanguvulu Helote, naSaulu.
2Shimbu vapwile nakulifukula kuli Mwata nakulitwamina kulya, Shipilitu Wajila ambile ngwenyi, Nguhandunwinenuko Mbalanape naSaulu vayenga kumilimo ngunavasanyikila.
3Jino hakukumisa kulitwamina kulya nakulomba, vavanangikile mavoko, kaha vavasuwile.
Navambulula mazu kuKupulusu
4Shikaho hakuvatuma kuli Shipilitu Wajila vashikumukile kuSelusha. Kufuma kuze vayile muwato nakuheta kuKupulusu.
5Kaha omu vahetele kuSalame vambulwile mazu aKalunga mujisunangonga#13:5 Tala ha6:9. javaYuleya. Kaha Yowano apwile muka-kuvakafwa.
6Omu vahichile muze mulitungu lyosena, hakuheta kuPafwose, vawanyine lunga umwe muka-tufuta, apwile kaYuleya, muka-kulyongela upolofweto, lijina lyenyi Mbala-Yesu.
7Ikiye apwile hamwe naSeleju Paulu, muhato wanguvulu, lunga wamangana, ásanyikile Mbalanape naSaulu vezenga kuli ikiye, mangana evwenga mazu aKalunga.
8Oloze Mbala-Yesu, ukwechi lijina likwavo Eluma, uze muka-tufuta (mukiko lyalumbunukila lijina lyaEluma), avemanyinyine nakole, kaha esekelenga chikuma kuluwanganyisa uze muhato wanguvulu kuchina mwafwelela.
9Oloze Saulu (uze vavulukilenga nawa ngwavo, Paulu) apwile wakuzala naShipilitu Wajila, amushishikile,
10nakumwamba ngwenyi, Ove wazala nakwonga chosena navilinga vyakuhenga vyosena, ove mwana-liyavolo, ove muka-kole wakwoloka chosena, kumana ove kaweshi kulitwamina kuluwanganyisa jijila jakwoloka jaMwatako?
11Kaha jino tala, Mwata mwakuzangamisa kaha naupwa ukapuputa, hatando yimwe kaweshi kuhasa kumona likumbiko. Kaha hahaze vene mbundu namilima vyamuwanyine, apupuchilile nakutonda vakumukwata kulivoko nakumutetekelako.
12Jino uze muhato wanguvulu hakumona chize chasolokele afwelelele, kaha alikomokelele chize kunangula chakuvuluka Mwata.
Paulu naMbalanape hakupwa kuAndeyoka mungalila yaPishicha
13Jino Paulu navakwavo vayile muwato kufuma kuPafwose nakuheta kuPelenge muPamafulya, Yowano avasezele nakulikindulukila kwenyi kuYelusalema.
14Oloze vakiko vafumine kuPelenge vayile yatunda nakuheta kuAndeyoka mungalila yaPishicha. Kaha haSambata vengilile musunangonga, nakutwama.
15Kaha omu chakumine kutanga chamazu ahamikanda yaJishimbi naVapolofweto, vakulwane jasunangonga vavalwezele ngwavo, Enu malunga vandumbwetu, nge muli namazu akuzamikisa vatu, ahanjikenu.
16Kaha Paulu akatukile, avaholesele nalivoko lyenyi, avambile ngwenyi,
Enu malunga vaIsalele, hamwe nayenu mwamwivwa Kalunga woma, ivwililenu.
17Kalunga kavatu ava vaIsalele asakwile vakakuluka jetu, kaha avazezwile omu vazuzumanyine mulifuchi lyaEjipitu. Avafumishilemo nalivoko lyangolo.
18 Omu valikangile, avatalijijile chikoki muze mupambo kafwe myaka makumi awana (40).
19 Kaha omu anongesele miyachi yize yitanu nayivali yamulifuchi lyaKanane, ahanyine vaIsalele lize lifuchi kupwa uswana wavo.
20 Evi vyasolokele kafwe mumyaka makulukaji awana namyaka makumi atanu (450). Kufuma haze, avahanyine vaka-kuyula swi-i nakuli kapolofweto Samwele.
21Kaha jino valombele vavahane mwangana, kaha Kalunga avahanyine Saulu, mwanaKishe, lunga wakumuyachi waMbenjamine, avayulile myaka makumi awana (40).
22Kaha omu amufumishileho, aswanyishileho Ndavichi, uze ahanyinyine unjiho ngwenyi,
Ngunawane Ndavichi,
mwanaYese,
Lunga wakuya mwaya muchima wami,
ou mwakalinga mwosena mwaya muchima wami.
23 Kufuma kumbuto yaNdavichi, Kalunga anehela vaIsalele Mulwilo, Ikiye Yesu, ngana muze ashikile.
24 Shimbu kanda ezenga, Yowano ambulilile vaIsalele vosena lujimiko lwahakukunyuka hashili nakwalumuka mumuchima.
25Jino omu Yowano apwile nakukumisa milimo yenyi, avahulishile ngwenyi, Enu munashinganyeka ngwenu yami iya? Keshi yami Kulishituko. Oloze ivwililenu, munyima yami muli nakwiza Umwe, Ou kangwatamo kukasununa kachikapa kakumendelo akumahinji enyiko.
26Enu malunga vandumbwami, enu vana vakutanga yaApalahama, nayenu vaka-mafuchi muli mukachi kavo mwamwivwa Kalunga woma, mazu aulwilo uno vanatutuminawo etu.
27Mwomwo vaze vatwama muYelusalema, navaka-kuvayula, hakuzeneka kumutachikiza, nahakuzeneka kuvalumbunukila aze mazu avapolofweto veji kutanganga haSambata haSambata, vakiko vawateselemo hakumutwika mulonga ngwavo afwenga.
28Kaha, chipwe kavamuwanyine namulonga wakutela kufwako, oloze valombele Pilatu ngwavo amujihe.
29Kaha, omu vakumishile vyosena vize vyakumuvuluka vyakumazu-vasoneka-ajila, vamufumishile hachitondo, nakumusavalika muchimbumbe.
30Oloze Kalunga amusangwile muvafu,
31kaha alisolwele makumbi amavulu kuli vaze vakandukile nenyi kufuma kuNgalileya nakuya kuYelusalema, vakiko vanapu jino vinjiho jenyi kuli vaYuleya.
32Kaha, etu tuli nakumyambulila mujimbu wamwaza ngwetu lushiko áshikile Kalunga vakakuluka jetu,
33lukiko natesamo kuli etu vana vavo, hakumukatula Yesu nge muze vasoneka nawa haSamu yamuchivali ngwavo,
Ove uMwanami,
Lelo Ami ngunakuseme.
34Kaha, hakuvuluka muze amusangula kufuma muvafu mangana azeneke kupola, Kalunga nahanjika ngana ngwenyi,
Nangukuhana jishiko jajila jamuchano ngwashikile Ndavichi.
35Mwomwo nakuSamu yikwavo nahanjika nawa ngwenyi,
Ove kaweshi kwechelela Ou wove ájila apoleko.
36Omu Ndavichi, akumishile kuzata mwaya punga yaKalunga muchisemunwino chenyi, asavalile tulo, kaha vamusavalikile hamwe navakakuluka jenyi, kaha apola.
37Oloze, Uze Kalunga asangwile kamwene kupolako.
38Shikaho, enu malunga vandumbwami, tachikizenu, ngwenu muli Ou mukiko vali nakumyambulila lukonekelo lwamilonga yenu.
39Mwomwo muli Ikiye, weshowo mwamufwelela navamuvuluka kupwa wakwoloka kuvyosena vize Jishimbi jaMose kajahashile kumivulukila kwolokako.
40Shikaho, zangamenu kuchina ocho vavuluka muli vapolofweto nachikamiwana chakwamba ngwavo,
41 Talenu, enu vaka-kulumbilisa, likomokelenu, kaha namukanonga,
Mwomwo Ami nguli nakuzata milimo mumakumbi enu,
Milimo kana chipwe tuhu mutu mwamilwezayo, kamweshi kuyifwelelako.
42Omu vapwile nakulovoka vavalembelelele ngwavo mazu kana vakawambulule haSambata nayizaho nawa.
43Jino omu chakumine kukunguluka, vaYuleya vavavulu navaze vaka-kukomoka Kalunga valumukile kupwa vaYuleya, vakavile Paulu naMbalanape. Shikaho Paulu naMbalanape vahanjikile navo nakuvalembelela mangana vakakachilenga kulikoji lyaKalunga.
44HaSambata yakavileho, kafwe nganda yosena yakungulukile mangana vevwenga mazu aMwata.
45Oloze vaYuleya hakumona aze mazavu, vazalile nalisungu nakulingulula vize ahanjikile Paulu nakumusaula.
46Kaha Paulu naMbalanape vomikile nakwamba ngwavo,
Chatelele kuvangila kwambulula mazu aKalunga kuli enu. Hakumona munawakane nakulimona ngwenu kamwatela kutambula mwono wázeneka kukumako, shikaho, natwalumukila kuli vaka-mafuchi.
47Mwomwo mukiko natulweze Mwata, ngana omu Kalunga ambile mumazu-vasoneka-ajila ngwenyi,
Ngunakutongola upwenga uMusana wavaka-mafuchi,
Upwenga uMulwilo#13:47 MuchiHelase ngwavo, upwenga uUlwilo. kwalenga mavu.
48Kaha omu vaka-mafuchi vachivwile vawahililile, kaha valemeselenga mazu aMWATA, kaha vosena vaze vatongwela kumwono wázeneka kukuma vafwelelele.
49Kaha mazu aMwata atanjilenga mungalila yize yosena.
50Oloze vaYuleya vasangumwine mapwevo vavalemu vasólwelenga muchima wakukomoka Kalunga, navatwamina vanganda, mangana vaputuke kuyanjisa vaPaulu naMbalanape nakuvahanga mungalila yavo.
51Oloze vakiko vatotomwene lukungu kumahinji avo kupwa unjiho wakuvahishilaho, kaha vayile kuIkonyume.
52Kaha tumbaji#13:52 Nge ngwavo vaka-kufwelela, mwomwo vosena vapwa tumbaji twaMwata. vazalile naShipilitu Wajila#13:52 Kalunga Ikiye avazalishilenga naShipilitu Wajila nakuwahilila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia