Vilinga 16
16
VaPaulu naShilase navaya naChimoteu
1 Paulu ahetele nawa kuNdeleve nakuLusutala. Kaha kuze kwapwile kambaji#16:1 Nge ngwavo muka-kufwelela, mwomwo vosena vapwa tumbaji twaMwata. umwe, lijina lyenyi Chimoteu, naye kaYuleya muka-kufwelela, oloze ise kaHelase.
2 Chimoteu apwile napuho yamwaza kuli vandumbwenyi vakuLusutala, nakuIkonyume.
3Paulu asakile atambukenga nenyi, kaha amumbachile nakumujihana mwomwo wavaYuleya vaze vapwilenga kuze, mwomwo vosena vatachikijile ngwavo ise kaHelase.
4Omu vayilenga mujila yavo, vahichilenga mumembo-akembwe kaha valwezelenga vaka-kufwelela valamenga vize vakashile vaposetolo navakulwane vakuYelusalema.
5Ngocho mauka vawazamikishilenga mulufwelelo, kaha vaka-kufwelela vapwilenga nakuvula hakumbi hakumbi.
Paulu navamusanyika kuMasetonya
6Kaha vapulasanyine mungalila yaFwiluja naNgalesha, mwomwo Shipilitu Wajila avakanyishile kwambulula mazu kuAja.
7Omu vahetele kwakamwihi naMusha, vesekele kwingila muMbitunya, oloze Shipilitu yaYesu kavetavishileko.
8Shikaho vahambakanyine Musha, nakushikumuka kuTolowa.
9Kaha naufuku, Paulu amwene chimweneso, amwene lunga wakuMasetonya nemana nakumulembelela ngwenyi, Zauka muno muMasetonya utukafweko.
10Kaha omu amwene chize chimweneso, hahaze vene twafwililile kuya kuMasetonya, mwomwo twamwene ngwetu, Kalunga natusanyika tukambulule mujimbu wamwaza kuli vakiko.
Luchiya mwafwelela Mwata Yesu
11Shikaho etu hakusununa wato kuTolowa, twasungamishile kuSamotelese kaha omu kwachele twahetele kuNeyapole.
12Kaha kufuma kuze twayile yatunda nakuheta kuFwilipi, limbo lyalilemu chikuma lyakembwe mungalila yaMasetonya, limbo lyavakuLoma#16:12 Limbo kana lyavaLoma mwomwo weshowo asemukililemo himwapwa kaLoma hohamwe nge kaLoma ali kuItalya.. Twatwaminemo makumbi amwe mulimbo lize.
13 Halikumbi lyaSambata twalovokele kuchikolo chalimbo lize nakuya kungenge yakalwiji, kuze twashinganyekele ngwetu kuli kwakulombela. Kaha twatwamine nakuhanjika namapwevo vákungulukile kuze.
14Kaha pwevo umwe evwililile — lijina lyenyi Luchiya, muka-kulanjisa mahina ausombo, wakulimbo-lyakembwe lyaTulachila, muka-kukomoka Kalunga — kaha Mwata amweulwile ahake muchima wenyi kumazu aze apwile nakuhanjika Paulu.
15Shikaho omu vamujimikile navaze vakuzuvo yenyi, atulembelelele ngwenyi, Kachi munamono ngwenu, ngumuka-kufwelela Mwata, ingilenu muzuvo yami mutwamengamo. Atulembelelele chikuma kaha twetavile.
Vaposetolo navavakasa kuFwilipi
16Jino chasolokele omu twapwile nakuya kuze kwakulombela, mwanapwevo umwe wandungo atuwanyine — apwile nashipilitu wakutahisa, kaha avaheteselenga vakaka jenyi luheto hakutaha chenyi.
17Ikiye akavilenga etu naPaulu, atambakanyinenga ngwenyi, Vatu ava vandungo jaKalunga wakulitulaho, veji kumyambulilanga jila yaulwilo.
18Kaha echi achilingilenga makumbi amavulu. Oloze Paulu hakwivwa kupihya chikuma, alumukile nakwamba uze shipilitu ngwenyi, Nangukwamba mulijina lyaYesu Kulishitu ngwami mulovoke. Kaha hahaze vene amulovokele.
19Oloze vakaka jenyi hakumona ngwavo kalilo kavo kanakumu, vakwachile Paulu naShilase nakuvakokela kuchilanjilo kumeso avaka-kuyula.
20Kaha omu vavanehele kuli vaka-kusopesa, vambile ngwavo, Vatu ava vaYuleya, veji kukatulanga vikokojola muno mwimbo lyetu,
21veji kwambululanga vilika vyeka, evi vyapwa chijila kuli etu, kuvitavila chipwe kuvilinga hakupwa tuvaLoma.
22Lizavu lyavatu lyavazemukilile, kaha vaze vaka-kusopesa vazulile uvwalo wahelu waPaulu naShilase nakwamba ngwavo, Vavetenu najimbwechi!
23Kaha omu valingile hivanavepula lyehi chikuma, vavambilile mukamenga nakulweza muka-kulama kukamenga avalame kanawa.
24Hakutambula lushimbi kana, avambilile mukapete kamukachi kakamenga, nakuhaka mahinji avo mujikuli.
Muka-kulama kukamenga mwafwelela
25Oloze kuheta mukachi kaufuku, Paulu naShilase vapwile nakulomba nakwimba myaso yakwalisa Kalunga, kaha vafunge vapwile nakuvevwilila.
26Kaha kukasumuka kwejile mundenda waunene, wanyikishile chihela chauze kamenga. Kaha hahaze vene vikolo vyosena vyasokolokele, malenge avosena azokokele.
27Oloze uze muka-kulama kukamenga hakukasumuka mutulo, hakumona vikolo vyakamenga vyahululu, asolomwene poko yenyi yamukwale ngwenyi alijihe, mwomwo ashinganyekele ngwenyi vafunge vanachinyi.
28Oloze Paulu atambakanyine ngwenyi, Kanda ulivulumunako! Mwomwo tuvosena mutuli muno.
29Kaha uze muka-kulama kamenga atambakanyine vamunehele manongo, kaha anguhwishile nakwingila muze mukamenga oku ali nakuchikima nawoma, kaha alimbilile hamavu kumahinji aPaulu naShilase.
30Kaha avalowelemo nakuvahulisa ngwenyi, Enu vamyata, kuvanga ngulinge muka numba vangulwile?
31Kaha vakiko ngwavo, Fwelela Mwata Yesu kaha navakulwila, nayove naava vakuzuvo yove.
32Kaha vamwambulilile mazu aMwata, hamwe navaze vosena vakuzuvo yenyi.
33Avatwalile halwola vene luze lwaufuku nakuvakosa hajimbandu javo. Kaha hahaze vene vamujimikile, naikiye navaze vakuzuvo yenyi vosena.
34Avanehele muzuvo yenyi nakuvahana vyakulya, kaha awahililile hakufwelela Kalunga hamwe navaze vakuzuvo yenyi vosena.
35Omu kwachele vaze vaka-kusopesa vatumine vaka-kulama kamenga nakumulweza ngwavo, Veche ovo vatu.
36Uze muka-kulama kuze kukamenga alwezele Paulu aze mazu ngwenyi, Vaka-kusopesa vanatumu mazu ngwavo ngumyeche. Shikaho lovokenu jino, liyilenu kwenu mukuunda.
37Oloze Paulu ambile ngwenyi, Vatwipwilanga kumeso avatu vosena chakuzeneka kutusopesa nakutumbila mukamenga, shimbunyi etu tuvaLoma. Kaha jino vatulowele kupenge? Chijilocho! Vezenga vavene vatulovole.
38Vaze vaka-kulama kamenga vambulwile awa mazu kuli vaze vaka-kusopesa. Kaha vevwile woma hakwivwa ngwavo vapwa vaLoma.
39Vejile nakulomba lukonekelo, kaha omu vavalowele vavalembelele ngwavo, Fumenu mwimbo lino.
40Oloze hakulovoka muze mukamenga, vengilile muzuvo yaLuchiya. Omu vawanyine vandumbwavo vavazamikishile, kaha vafumine muze mwimbo.
Currently Selected:
Vilinga 16: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 16
16
VaPaulu naShilase navaya naChimoteu
1 Paulu ahetele nawa kuNdeleve nakuLusutala. Kaha kuze kwapwile kambaji#16:1 Nge ngwavo muka-kufwelela, mwomwo vosena vapwa tumbaji twaMwata. umwe, lijina lyenyi Chimoteu, naye kaYuleya muka-kufwelela, oloze ise kaHelase.
2 Chimoteu apwile napuho yamwaza kuli vandumbwenyi vakuLusutala, nakuIkonyume.
3Paulu asakile atambukenga nenyi, kaha amumbachile nakumujihana mwomwo wavaYuleya vaze vapwilenga kuze, mwomwo vosena vatachikijile ngwavo ise kaHelase.
4Omu vayilenga mujila yavo, vahichilenga mumembo-akembwe kaha valwezelenga vaka-kufwelela valamenga vize vakashile vaposetolo navakulwane vakuYelusalema.
5Ngocho mauka vawazamikishilenga mulufwelelo, kaha vaka-kufwelela vapwilenga nakuvula hakumbi hakumbi.
Paulu navamusanyika kuMasetonya
6Kaha vapulasanyine mungalila yaFwiluja naNgalesha, mwomwo Shipilitu Wajila avakanyishile kwambulula mazu kuAja.
7Omu vahetele kwakamwihi naMusha, vesekele kwingila muMbitunya, oloze Shipilitu yaYesu kavetavishileko.
8Shikaho vahambakanyine Musha, nakushikumuka kuTolowa.
9Kaha naufuku, Paulu amwene chimweneso, amwene lunga wakuMasetonya nemana nakumulembelela ngwenyi, Zauka muno muMasetonya utukafweko.
10Kaha omu amwene chize chimweneso, hahaze vene twafwililile kuya kuMasetonya, mwomwo twamwene ngwetu, Kalunga natusanyika tukambulule mujimbu wamwaza kuli vakiko.
Luchiya mwafwelela Mwata Yesu
11Shikaho etu hakusununa wato kuTolowa, twasungamishile kuSamotelese kaha omu kwachele twahetele kuNeyapole.
12Kaha kufuma kuze twayile yatunda nakuheta kuFwilipi, limbo lyalilemu chikuma lyakembwe mungalila yaMasetonya, limbo lyavakuLoma#16:12 Limbo kana lyavaLoma mwomwo weshowo asemukililemo himwapwa kaLoma hohamwe nge kaLoma ali kuItalya.. Twatwaminemo makumbi amwe mulimbo lize.
13 Halikumbi lyaSambata twalovokele kuchikolo chalimbo lize nakuya kungenge yakalwiji, kuze twashinganyekele ngwetu kuli kwakulombela. Kaha twatwamine nakuhanjika namapwevo vákungulukile kuze.
14Kaha pwevo umwe evwililile — lijina lyenyi Luchiya, muka-kulanjisa mahina ausombo, wakulimbo-lyakembwe lyaTulachila, muka-kukomoka Kalunga — kaha Mwata amweulwile ahake muchima wenyi kumazu aze apwile nakuhanjika Paulu.
15Shikaho omu vamujimikile navaze vakuzuvo yenyi, atulembelelele ngwenyi, Kachi munamono ngwenu, ngumuka-kufwelela Mwata, ingilenu muzuvo yami mutwamengamo. Atulembelelele chikuma kaha twetavile.
Vaposetolo navavakasa kuFwilipi
16Jino chasolokele omu twapwile nakuya kuze kwakulombela, mwanapwevo umwe wandungo atuwanyine — apwile nashipilitu wakutahisa, kaha avaheteselenga vakaka jenyi luheto hakutaha chenyi.
17Ikiye akavilenga etu naPaulu, atambakanyinenga ngwenyi, Vatu ava vandungo jaKalunga wakulitulaho, veji kumyambulilanga jila yaulwilo.
18Kaha echi achilingilenga makumbi amavulu. Oloze Paulu hakwivwa kupihya chikuma, alumukile nakwamba uze shipilitu ngwenyi, Nangukwamba mulijina lyaYesu Kulishitu ngwami mulovoke. Kaha hahaze vene amulovokele.
19Oloze vakaka jenyi hakumona ngwavo kalilo kavo kanakumu, vakwachile Paulu naShilase nakuvakokela kuchilanjilo kumeso avaka-kuyula.
20Kaha omu vavanehele kuli vaka-kusopesa, vambile ngwavo, Vatu ava vaYuleya, veji kukatulanga vikokojola muno mwimbo lyetu,
21veji kwambululanga vilika vyeka, evi vyapwa chijila kuli etu, kuvitavila chipwe kuvilinga hakupwa tuvaLoma.
22Lizavu lyavatu lyavazemukilile, kaha vaze vaka-kusopesa vazulile uvwalo wahelu waPaulu naShilase nakwamba ngwavo, Vavetenu najimbwechi!
23Kaha omu valingile hivanavepula lyehi chikuma, vavambilile mukamenga nakulweza muka-kulama kukamenga avalame kanawa.
24Hakutambula lushimbi kana, avambilile mukapete kamukachi kakamenga, nakuhaka mahinji avo mujikuli.
Muka-kulama kukamenga mwafwelela
25Oloze kuheta mukachi kaufuku, Paulu naShilase vapwile nakulomba nakwimba myaso yakwalisa Kalunga, kaha vafunge vapwile nakuvevwilila.
26Kaha kukasumuka kwejile mundenda waunene, wanyikishile chihela chauze kamenga. Kaha hahaze vene vikolo vyosena vyasokolokele, malenge avosena azokokele.
27Oloze uze muka-kulama kukamenga hakukasumuka mutulo, hakumona vikolo vyakamenga vyahululu, asolomwene poko yenyi yamukwale ngwenyi alijihe, mwomwo ashinganyekele ngwenyi vafunge vanachinyi.
28Oloze Paulu atambakanyine ngwenyi, Kanda ulivulumunako! Mwomwo tuvosena mutuli muno.
29Kaha uze muka-kulama kamenga atambakanyine vamunehele manongo, kaha anguhwishile nakwingila muze mukamenga oku ali nakuchikima nawoma, kaha alimbilile hamavu kumahinji aPaulu naShilase.
30Kaha avalowelemo nakuvahulisa ngwenyi, Enu vamyata, kuvanga ngulinge muka numba vangulwile?
31Kaha vakiko ngwavo, Fwelela Mwata Yesu kaha navakulwila, nayove naava vakuzuvo yove.
32Kaha vamwambulilile mazu aMwata, hamwe navaze vosena vakuzuvo yenyi.
33Avatwalile halwola vene luze lwaufuku nakuvakosa hajimbandu javo. Kaha hahaze vene vamujimikile, naikiye navaze vakuzuvo yenyi vosena.
34Avanehele muzuvo yenyi nakuvahana vyakulya, kaha awahililile hakufwelela Kalunga hamwe navaze vakuzuvo yenyi vosena.
35Omu kwachele vaze vaka-kusopesa vatumine vaka-kulama kamenga nakumulweza ngwavo, Veche ovo vatu.
36Uze muka-kulama kuze kukamenga alwezele Paulu aze mazu ngwenyi, Vaka-kusopesa vanatumu mazu ngwavo ngumyeche. Shikaho lovokenu jino, liyilenu kwenu mukuunda.
37Oloze Paulu ambile ngwenyi, Vatwipwilanga kumeso avatu vosena chakuzeneka kutusopesa nakutumbila mukamenga, shimbunyi etu tuvaLoma. Kaha jino vatulowele kupenge? Chijilocho! Vezenga vavene vatulovole.
38Vaze vaka-kulama kamenga vambulwile awa mazu kuli vaze vaka-kusopesa. Kaha vevwile woma hakwivwa ngwavo vapwa vaLoma.
39Vejile nakulomba lukonekelo, kaha omu vavalowele vavalembelele ngwavo, Fumenu mwimbo lino.
40Oloze hakulovoka muze mukamenga, vengilile muzuvo yaLuchiya. Omu vawanyine vandumbwavo vavazamikishile, kaha vafumine muze mwimbo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia