Vilinga 24
24
Paulu mwalihakwila kumeso aFwelise
1Jino omu mwahichile makumbi atanu, kapilishitu wakulitulaho Ananyiya ashikumukile kuKesaliya navakulwane javaYuleya vamwe, nalihako umwe Telutulu. Vakiko vawile chihande chavo naPaulu kuli nguvulu.
2Kaha omu vasanyikile Paulu, Telutulu aputukile kwaula chihande kuli Fwelise, ngwenyi,
Chiyulo chove chinanehe kuunda chachinene, kaha mangana ove akutachikiza vyakulutwe ananehe kwalumuka mulifuchi lino.
3Shikaho tunachitavila mwosena kwosena nakusakwilila chikuma, Ove walema chikuma Fwelise.
4Jino kuchina kukuzezeka chikuma, ngunakulembelela utwivwilile chachindende kweseka nalikoji lyove.
5Mwomwo tunawane ou lunga kupwa muka-vikokojola, muka-kuneha pindangano muli vaYuleya vosena vali mukaye kosena, kaha apwa twamina yamukana wavaka-Nazaleta.
6Ikiye esekanga nawa kujilulula Tembele, oloze twamukwatanga.
7[Oloze hakwiza uze mukulwane wamaswalale Lushase, atutambulangayo nangolo jajinene,
8kaha alwezanga etu venya-chihande ngwenyi tuhete kumeso ove.] Omu naumuhulisa kanawa, nautachikiza chihande chosena túnamuwanyina.
9Kaha navaYuleya nawa valifutwile naTelutulu nakwimanyina Paulu nakuzamisa mazu enyi ngwavo mukiko muchapwa vene ngocho.
10Kaha omu nguvulu amwitavishile#24:10 MuchiHelase ngwavo, nguvulu amunyachililile, nge ngwavo, amwitavishile kuhanjika. Paulu mangana ahanjike, kaha akumbulwile ngwenyi,
Ngunatachikiza ngwami, Ove unapu muka-kuyula vaka-lifuchi lino myaka yayivulu, shikaho nangulihakwila nakusuuluka.
11Mwomwo unahase kuwana unjiho kanawa hakupwa munahichi kaha makumbi likumi naavali kufuma haze ngwakandukile kuYelusalema nakulifukula kuli Kalunga.
12Kaha kavanguwanyine nguli nakulipula jipami namutu muTembeleko, chipwe kusowangiza lizavu lyavatu mujisunangonga#24:12 Tala ha6:9. chipwe mungandako.
13Kaha kaveshi kuhasa kusolola unjiho wachihande vánanguvukilako.
14Oloze nangulitavila hatoma echi kaha kumeso ove ngwami — muJila eyi vavuluka vakiko ngwavo yakuhenga, mukiko ngweji kuzachilanga Kalunga kavakakuluka jetu nakufwelela vyosena ngana omu jaya Jishimbi namazu vásoneka muli vapolofweto.
15Kaha nguli nalutalililo muli Kalunga, olu vetavila navakiko nawa, ngwetu nakukapwa kusanguka chavaka-kwoloka navaka-kuhenga.
16Hakiko ngweji kulikakilanga makumbi osena ngwami ngupwenga nachivezu chitoma nakumeso aKalunga nakumeso avatu.
17Kaha jino hakuhita myaka yayivulu, ngwejile nakuneha mawana avaka-kukalikiza kuli vaka-muyachi wami, namilambu yakulemesa nayo Kalunga.
18Shimbu ngwapwile nakulinga ngocho, vanguwanyine muTembele ngúwakulitomesa lyehi, chakuzeneka lizavu lyavatu, chipwe chizungo.
19Jino kwapwile vaYuleya vamwe vakuAja vánguwanyine muze muTembele, nge vapwanga nachihande nayami, vatelanga kupwa kuno kuli ove nakuchambulula.
20Chipwe vavene ava vavuluke ocho chakuhenga vawanyine muli ami omu ngwemanyine kumeso azango yavaYuleya#24:20 Tala ha4:15.,
21kwiji pamo halizu limwe kaha lize ngwatambakanyine hakwimana mukachi kavo ngwami, Vali nakungusopesela kumeso enu lelo hachihande chakuvuluka kusanguka chavafu.
22Oloze Fwelise, hakutachikiza kanawa vyaJila kana, katetele chihande hahaze veneko — avambile ngwenyi, Omu mwakashikumuka mukulwane wamaswalale Lushase kuno, numbanyi ngukatale hachihande chenu.
23Alwezele kapitau kamaswalale ngwenyi alame Paulu mwafunge, oloze apwenga wakulihehwako, kanda akanyisa masepa jenyi kwiza nakumukafwakoko.
24Omu mwahichile makumbi, Fwelise ejile napwevo lyenyi wakaYuleya Ndulushila, kaha asanyikile Paulu nakumwivwilila hakwambulula omu chalumbunukila kufwelela Kulishitu Yesu.
25Shimbu Paulu apwile nakulumbununa kanawa kwoloka nakuliyula mumuchima, nakuhisa chize nachikeza, Fwelise evwile woma, kaha amwambile ngwenyi, Oholilinyi yako tuhu, kaha omu nangukapwa nalwola lwakutamo nangukakusanyika.
26Chikwavo nawa, apwile nakutalilila ngwenyi Paulu mwamuhana jimbongo mangana amweche, hakiko amusanyikililenga mukamwihi mukamwihi nakushimutwila nenyi.
27Jino omu mwahichile myaka yivali, Polosu Fwesetu ashishile Fwelise, kaha Fwelise hakusaka kwivwisa vaYuleya kuwaha, asele Paulu mukamenga.
Currently Selected:
Vilinga 24: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga 24
24
Paulu mwalihakwila kumeso aFwelise
1Jino omu mwahichile makumbi atanu, kapilishitu wakulitulaho Ananyiya ashikumukile kuKesaliya navakulwane javaYuleya vamwe, nalihako umwe Telutulu. Vakiko vawile chihande chavo naPaulu kuli nguvulu.
2Kaha omu vasanyikile Paulu, Telutulu aputukile kwaula chihande kuli Fwelise, ngwenyi,
Chiyulo chove chinanehe kuunda chachinene, kaha mangana ove akutachikiza vyakulutwe ananehe kwalumuka mulifuchi lino.
3Shikaho tunachitavila mwosena kwosena nakusakwilila chikuma, Ove walema chikuma Fwelise.
4Jino kuchina kukuzezeka chikuma, ngunakulembelela utwivwilile chachindende kweseka nalikoji lyove.
5Mwomwo tunawane ou lunga kupwa muka-vikokojola, muka-kuneha pindangano muli vaYuleya vosena vali mukaye kosena, kaha apwa twamina yamukana wavaka-Nazaleta.
6Ikiye esekanga nawa kujilulula Tembele, oloze twamukwatanga.
7[Oloze hakwiza uze mukulwane wamaswalale Lushase, atutambulangayo nangolo jajinene,
8kaha alwezanga etu venya-chihande ngwenyi tuhete kumeso ove.] Omu naumuhulisa kanawa, nautachikiza chihande chosena túnamuwanyina.
9Kaha navaYuleya nawa valifutwile naTelutulu nakwimanyina Paulu nakuzamisa mazu enyi ngwavo mukiko muchapwa vene ngocho.
10Kaha omu nguvulu amwitavishile#24:10 MuchiHelase ngwavo, nguvulu amunyachililile, nge ngwavo, amwitavishile kuhanjika. Paulu mangana ahanjike, kaha akumbulwile ngwenyi,
Ngunatachikiza ngwami, Ove unapu muka-kuyula vaka-lifuchi lino myaka yayivulu, shikaho nangulihakwila nakusuuluka.
11Mwomwo unahase kuwana unjiho kanawa hakupwa munahichi kaha makumbi likumi naavali kufuma haze ngwakandukile kuYelusalema nakulifukula kuli Kalunga.
12Kaha kavanguwanyine nguli nakulipula jipami namutu muTembeleko, chipwe kusowangiza lizavu lyavatu mujisunangonga#24:12 Tala ha6:9. chipwe mungandako.
13Kaha kaveshi kuhasa kusolola unjiho wachihande vánanguvukilako.
14Oloze nangulitavila hatoma echi kaha kumeso ove ngwami — muJila eyi vavuluka vakiko ngwavo yakuhenga, mukiko ngweji kuzachilanga Kalunga kavakakuluka jetu nakufwelela vyosena ngana omu jaya Jishimbi namazu vásoneka muli vapolofweto.
15Kaha nguli nalutalililo muli Kalunga, olu vetavila navakiko nawa, ngwetu nakukapwa kusanguka chavaka-kwoloka navaka-kuhenga.
16Hakiko ngweji kulikakilanga makumbi osena ngwami ngupwenga nachivezu chitoma nakumeso aKalunga nakumeso avatu.
17Kaha jino hakuhita myaka yayivulu, ngwejile nakuneha mawana avaka-kukalikiza kuli vaka-muyachi wami, namilambu yakulemesa nayo Kalunga.
18Shimbu ngwapwile nakulinga ngocho, vanguwanyine muTembele ngúwakulitomesa lyehi, chakuzeneka lizavu lyavatu, chipwe chizungo.
19Jino kwapwile vaYuleya vamwe vakuAja vánguwanyine muze muTembele, nge vapwanga nachihande nayami, vatelanga kupwa kuno kuli ove nakuchambulula.
20Chipwe vavene ava vavuluke ocho chakuhenga vawanyine muli ami omu ngwemanyine kumeso azango yavaYuleya#24:20 Tala ha4:15.,
21kwiji pamo halizu limwe kaha lize ngwatambakanyine hakwimana mukachi kavo ngwami, Vali nakungusopesela kumeso enu lelo hachihande chakuvuluka kusanguka chavafu.
22Oloze Fwelise, hakutachikiza kanawa vyaJila kana, katetele chihande hahaze veneko — avambile ngwenyi, Omu mwakashikumuka mukulwane wamaswalale Lushase kuno, numbanyi ngukatale hachihande chenu.
23Alwezele kapitau kamaswalale ngwenyi alame Paulu mwafunge, oloze apwenga wakulihehwako, kanda akanyisa masepa jenyi kwiza nakumukafwakoko.
24Omu mwahichile makumbi, Fwelise ejile napwevo lyenyi wakaYuleya Ndulushila, kaha asanyikile Paulu nakumwivwilila hakwambulula omu chalumbunukila kufwelela Kulishitu Yesu.
25Shimbu Paulu apwile nakulumbununa kanawa kwoloka nakuliyula mumuchima, nakuhisa chize nachikeza, Fwelise evwile woma, kaha amwambile ngwenyi, Oholilinyi yako tuhu, kaha omu nangukapwa nalwola lwakutamo nangukakusanyika.
26Chikwavo nawa, apwile nakutalilila ngwenyi Paulu mwamuhana jimbongo mangana amweche, hakiko amusanyikililenga mukamwihi mukamwihi nakushimutwila nenyi.
27Jino omu mwahichile myaka yivali, Polosu Fwesetu ashishile Fwelise, kaha Fwelise hakusaka kwivwisa vaYuleya kuwaha, asele Paulu mukamenga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia