Vilinga Kujimbula mukanda
Kujimbula mukanda
Ásonekele mukanda
Ásonekele mukanda, Luka, ndotolo wakuAndeyoka. Ikiye nawa asonekele mukanda waLuka.
Mwaka wakuusoneka
Mumukanda waVilinga, Luka akumishile nachihande chamilimo yaPaulu yatete omu Paulu apwile mukamenga kuLoma, mumwaka wa65 kufuma hakusemuka chaYesu Kulishitu, (A.D. 65). Chasoloka nge hamwaka uze hakiko asonekele mukanda ou.
Vihande vili mumukanda
Mumukanda uno, ali nakutwalililaho kukukulula mujimbu wavyavaka-Kulishitu uze aputukile kusoneka mumukanda wenyi watete vavuluka ngwavo, Mujimbu wamwaza asonekele Luka. Mumukanda wenyi watete, asonekele vize Mwata Yesu aputukile kulinga nakunangula. Mumukanda waVilinga asonekele vize Mwata Yesu atwalilileho nakulinga muli Shipilitu Wajila atuma hamavu.
Asonekamo vyakuvuluka kuya chaMwata mwilu, nakwiza chaShipilitu wajila halikumbi lyaPendekoseta, nomu Petulu mwazachisa sapi yakuwangana wamwilu hali vaIsalele halikumbi lyaPendekoseta, (Mat 16:19). Eyi sapi yamujimbu wamwaza ayizachishile ngana: kuli vaIsalele, (2:14-41), kuli vaSamaliya, (8:5-25), nakuli vaka-mafuchi, (10:1-48). Muli nawa mazu akuputuka chaLiuka, nomu Paulu afwelelele Mwata, namilimo azachile nawa.
Mumikanda yamujimbu wamwaza, chihande chalemamo chaMwanaKalunga kusolola Ise Kalunga nakumutohwesa. Chochimwe nawa, mumukanda waVilinga chihande chalemamo chaShipilitu Wajila kusolola MwanaKalunga nakumutohwesa.
Vihanda vivali vili mumukanda
1. Chihanda chatete (1:1—9:43).
Petulu ali nakwambulula mujimbu wamwaza, kuYelusalema kuze vaputukilile kuwambulula.
Chihande chazaminyine hakwambulila vaYuleya. Vakiko vapwile lyehi venya-jishiko jaMWATA, oloze vavulumwine hakukana Yesu Kulishitu. Shikaho kwambulula chazaminyine hakulikanga chavo, mwomwo Kalunga asakile vakunyuke hashili yize nakwalumuka mumuchima. Chize kusoloka nge kuhona chajishiko jakuvuluka wangana waNdavichi vachilumbunwine nalushiko olu ngwavo Wangana Ou naukapwako hakwiza chaKulishitu chamuchivali, (2:25-31; 15:14-16).
Mulimo ou kuli vaYuleya watesamo mazu ali kumukanda waLuka 19:12-14. Muluyanjisa vayanjishile vaposetolo nakujiha chaSetefwano, vakanyine Kulishitu kupwa Mwata wavo, nge ngwavo, Ou Mutu katwamusakile atuyuleko.
2. Chihanda chamuchivali (10:1—28:31)
Paulu ali nakwambulula mujimbu wamwaza, kuputukila kuAndeyoka, chikumanyi hali vaka-mafuchi, ava kavapwile muvilongeselo vyalushikoko (2:12), navakiko kuvanga vafwelele Mwata Yesu Kulishitu numba vavalwile.
Mazu ali kutupetulu 11-15 ali nakulumbununa milimo yaJishimbi jaMose omu jazata hakutwaminyina vatu vahete kukumutachikiza Mwata Yesu Kulishitu nakumufwelela. Ali nakuzamisa kuhandunuka chatwama hakachi kaJishimbi nalikoji, ngana omu vanasoneka nawa kumukanda wavaka-Ngalesha.
Currently Selected:
Vilinga Kujimbula mukanda: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Vilinga Kujimbula mukanda
Kujimbula mukanda
Ásonekele mukanda
Ásonekele mukanda, Luka, ndotolo wakuAndeyoka. Ikiye nawa asonekele mukanda waLuka.
Mwaka wakuusoneka
Mumukanda waVilinga, Luka akumishile nachihande chamilimo yaPaulu yatete omu Paulu apwile mukamenga kuLoma, mumwaka wa65 kufuma hakusemuka chaYesu Kulishitu, (A.D. 65). Chasoloka nge hamwaka uze hakiko asonekele mukanda ou.
Vihande vili mumukanda
Mumukanda uno, ali nakutwalililaho kukukulula mujimbu wavyavaka-Kulishitu uze aputukile kusoneka mumukanda wenyi watete vavuluka ngwavo, Mujimbu wamwaza asonekele Luka. Mumukanda wenyi watete, asonekele vize Mwata Yesu aputukile kulinga nakunangula. Mumukanda waVilinga asonekele vize Mwata Yesu atwalilileho nakulinga muli Shipilitu Wajila atuma hamavu.
Asonekamo vyakuvuluka kuya chaMwata mwilu, nakwiza chaShipilitu wajila halikumbi lyaPendekoseta, nomu Petulu mwazachisa sapi yakuwangana wamwilu hali vaIsalele halikumbi lyaPendekoseta, (Mat 16:19). Eyi sapi yamujimbu wamwaza ayizachishile ngana: kuli vaIsalele, (2:14-41), kuli vaSamaliya, (8:5-25), nakuli vaka-mafuchi, (10:1-48). Muli nawa mazu akuputuka chaLiuka, nomu Paulu afwelelele Mwata, namilimo azachile nawa.
Mumikanda yamujimbu wamwaza, chihande chalemamo chaMwanaKalunga kusolola Ise Kalunga nakumutohwesa. Chochimwe nawa, mumukanda waVilinga chihande chalemamo chaShipilitu Wajila kusolola MwanaKalunga nakumutohwesa.
Vihanda vivali vili mumukanda
1. Chihanda chatete (1:1—9:43).
Petulu ali nakwambulula mujimbu wamwaza, kuYelusalema kuze vaputukilile kuwambulula.
Chihande chazaminyine hakwambulila vaYuleya. Vakiko vapwile lyehi venya-jishiko jaMWATA, oloze vavulumwine hakukana Yesu Kulishitu. Shikaho kwambulula chazaminyine hakulikanga chavo, mwomwo Kalunga asakile vakunyuke hashili yize nakwalumuka mumuchima. Chize kusoloka nge kuhona chajishiko jakuvuluka wangana waNdavichi vachilumbunwine nalushiko olu ngwavo Wangana Ou naukapwako hakwiza chaKulishitu chamuchivali, (2:25-31; 15:14-16).
Mulimo ou kuli vaYuleya watesamo mazu ali kumukanda waLuka 19:12-14. Muluyanjisa vayanjishile vaposetolo nakujiha chaSetefwano, vakanyine Kulishitu kupwa Mwata wavo, nge ngwavo, Ou Mutu katwamusakile atuyuleko.
2. Chihanda chamuchivali (10:1—28:31)
Paulu ali nakwambulula mujimbu wamwaza, kuputukila kuAndeyoka, chikumanyi hali vaka-mafuchi, ava kavapwile muvilongeselo vyalushikoko (2:12), navakiko kuvanga vafwelele Mwata Yesu Kulishitu numba vavalwile.
Mazu ali kutupetulu 11-15 ali nakulumbununa milimo yaJishimbi jaMose omu jazata hakutwaminyina vatu vahete kukumutachikiza Mwata Yesu Kulishitu nakumufwelela. Ali nakuzamisa kuhandunuka chatwama hakachi kaJishimbi nalikoji, ngana omu vanasoneka nawa kumukanda wavaka-Ngalesha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia