Yowano 4

Yesu napwevo waka Samaliya

1Jino omu #Luka 7:13Yesu ejivile ngwenyi vaFwaliseu vanevu ngwavo Yesu ali nakuvulisa tumbaji #3:22, 26nakuvajimika kuhambakana Yowano,

2(oloze Ivene Yesu kajimikilengako, shina tumbaji twenyi kaha),

3afumine kuYuleya nakuya cheka kuNgalileya.

4Oloze kuvanga apulasane #Luka 9:52; 17:11muSamaliya.

5Kaha ahetele mulimbo limwe lyakembwe lyakuSamaliya vavuluka ngwavo Sukale, kukamwihi namavu aze #Kupu 33:19; 48:22; Yosh 24:32ahanyine Yakova mwanenyi Yosefwe.

6Kaha kuze kwapwile lishima lyaYakova. Yesu hakuzeya nakutambuka, atwamine kuze kulishima. Hapwile kafwe halwola lwamuchitanu nalumwe#4:6 Mwaya jiola javaLoma, hakiko hachingoloshi ha18.00..

7Kwejile pwevo waka Samaliya nakuswita meya. Yesu amwambile ngwenyi, Nguhaneko meya, ngunwenga.

8(Mwomwo haze tumbaji twenyi vayile mulimbo lize lyakembwe nakulanda vyakulya.)

9Kaha uze pwevo wakaSamaliya amuhulishile ngwenyi, Chinapu ngachilihi Ove ukaYuleya, naungulomba ami pwevo wakaSamaliya meya akunwa? (Mwomwo #8:48; Mat 10:5; Ezek 4:3-6vaYuleya navaSamaliya kavalivwasanako.)

10Yesu amukumbulwile ngwenyi, Nge watachikizanga wana waKalunga, nOu ali nakukwamba ngwenyi, Nguhaneko meya ngunwenga, kachi unamulombo Ikiye, kachi nakuhane #7:37; Kuso 21:6; 22:17meya akuyoya.

11Uze pwevo himwamwamba ngwenyi, Ove mukulwane#4:11 MuchiHelase kusanyika chakalemesa veji kwambanga nawa ngwavo, mwata., kaweshi nechi chakuswichisako, kaha nawa, eli lishima lyakukunama. Nyi owo meya akuyoya nauwawana kulihi?

12Ove unahambakana kakuluka yetu Yakova, numba? Ikiye atuhanyine lishima lino, kaha ivene anwinengamo navana venyi navimuna jenyi nawa.

13Yesu amukumbulwile ngwenyi, Weshowo mwanwa meya awa mwakevwa cheka lipwila.

14Oloze ou mwanwa meya aze nangumuhana Ami #6:35; 7:38keshi kukevwa cheka lipwilako. Meya kana nangumuhana Ami naapwanga kaselwoke muli ikiye wakuvwelukanga nakuhana mwono wázeneka kukuma.

15Uze pwevo amwambile ngwenyi, Ove Mwata, #6:34nguhane owo meya kana kuchina nangwivwanga lipwila, chipwe kwizanga kuno nakuswita.

16Yesu amwambile ngwenyi, Yako ukasanyike lunga lyove, wizenga nenyi kuno.

17Uze pwevo amukumbulwile ngwenyi, Kangwasombokako. Yesu himwamwamba ngwenyi, Unahanjika kanawa omu unambe ngwove, Kangwasombokako,

18mwomwo unasomboka lyehi katanu kuli malunga, kaha ou uli nenyi oholili keshi lunga wakukumbatako. Unahanjika vene mwamuchano.

19Uze pwevo himwamwamba ngwenyi, Ove Mwata, ngunamono ngwami, Ove #Mat 21:11uKapolofweto.

20Vakakuluka jetu valifukwililenga hapili yino, kaha enu ngwenu, kuvanga kuYelusalema kaha kukiko kwakulifukwila kuli Kalunga.

21Yesu amwambile ngwenyi, Ove pwevo, ngufwelele, mwomwo #4:23; 5:25, 28; 16:2, 32kuli nakwiza lwola omu namukalifukula kuli Tata, #Mala 1:11; 1 Chim 2:8keshi hapili yino chipwe kuYelusalemako.

22Enu #2 Vamy 17:28-41mweji kulifukulanga kuocho mwazeneka kutachikiza. Etu tweji kulifukulanga kuli Ou twatachikiza, mwomwo #Isa 2:3; Loma 3:1-2; 9:4ulwilo walovokela kuli vaYuleya.

23Oloze kuli nakwiza lwola, lwaluno vene, omu vaka-kulifukula vamuchano navakalifukulanga kuli Tata #Fwili 3:3mushipilitu namumuchano, mwomwo Tata asaka vangana valifukulenga kuli Ikiye.

24Kalunga apwa Shipilitu, kaha vaka-kulifukula kuli Ikiye kuvanga valifukwilenga mushipilitu namumuchano.

25Uze pwevo himwamwamba ngwenyi, Ngunatachikiza ngwami, #1:41Meshiya ali nakwiza (Ou vavuluka ngwavo, Kulishitu). Omu mweza Ikiye mwatulweza vyosena.

26Yesu amwambile ngwenyi, #8:24; 9:36-37Ami yami Ngwapwa#4:26 Ami ngwapwa, hilijina lyakwinyika uKalunga wenyi. Tala Kulo 3:14. nguli nakuhanjika nayove.

Yesu Ikiye Mulwilo wavaka-kaye

27Haze vene tumbaji twenyi vejile, kaha valikomokelele mwomwo apwile nakuhanjika napwevo. Oloze naumwe wauchi ahulishile ngwenyi, Unasake ika? Chipwe kuhulisa ngwenyi, Ikaze uli nakuhanjikila nou pwevo?

28Shikaho uze pwevo asezele mulondo wenyi nakuya mwimbo nakulweza vatu ngwenyi,

29Twayenu mutale Mutu nangulweze vyosena vize ngwalinga. #7:26; Mat 12:23Nyi Ikiye Kulishitu tahi?

30Hinavalovoka muze mwimbo, nakuya kuli Ikiye.

31Halwola luze, tumbaji twenyi vapwile nakumulembelela ngwavo, Ove Lapi#4:31 Nge ngwavo, Ove Muka-kunangula. Tala ha1:38., achilyeko.

32Oloze avambile ngwenyi, Ami #Mat 4:4nguli navyakulya nangulya vize munazeneka kutachikiza.

33Tumbaji twenyi hinavalihwojola ngwavo, Kuli umwe namunehela vyakulya tahi?

34Yesu avambile ngwenyi, Kulya chami chikiko #5:30; 6:38kulinga mwaya muchima waUze angutuma, #5:36; 17:4nakukumisa milimo yenyi.

35Enu kamwamba ngwenu, Kuchinasale tukweji vawana, numbanyi ngonde yakwaha yizengako? Talenu ngumilweze, Andulenu meso mumone — mande #Luka 10:2; Mat 9:37anatomasana lyehi nakwaha#4:35 Nge ngwavo, jimbuto jinahi.!

36Muka-kwaha ali lyehi nakutambula #1 Koli 9:17fweto, nakukungulwila mihako kumwono wázeneka kukuma, mangana muka-kukuva namuka-kwaha vakawahililenga hamwe.

37Mwomwo lizu eli lyamuchano,

# Yopa 31:8; Mika 6:15 Umwe muka-kukuva, mukwavo muka-kwaha.

38Ami ngwamitumine nakwaha vize mwazenekele enu kukilikichila. Veka vanakilikita, kaha enu munengila nakutokwela navo hamwe mukukilikita chavo.

39VaSamaliya vavavulu vamuze mwimbo vamufwelelele Yesu halizu lyauze pwevo ahanyine unjiho ngwenyi, #4:29Nangulweze vyosena vize ngwalinga.

40Jino omu vaze vaSamaliya vahetele kuli Ikiye, vamulembelelele ngwavo achitwame navo. Kaha atwamineko makumbi avali.

41Kaha vakwavo vavavulu vafwelelele halizu lyenyi.

42Hinavamba uze pwevo ngwavo, Jino tunafwelela, keshi havize watulwezanga kahako, mwomwo etu vavene tunalivwila, kaha tunatachikiza ngwetu, Mwamuchano Ou Ikiye #1 Yowa 4:14; 1 Chim 4:10Mulwilo wavaka-kaye.

43Omu ahichile aze makumbi avali, afumine kuze nakuya kuNgalileya.

44Mwomwo Ivene Yesu asolwele unjiho wenyi ngwenyi, #Mako 6:4; Mat 13:57Kapolofweto vamulemesa kweka kaha, keshi mwimbo lyenyiko.

45Hakuheta kuNgalileya, vaka-Ngalileya vamutambwile kanawa, mwomwo navakiko hakuya kuchiwanyino kuYelusalema, vamwene vyosena vize alingile kuze.

Yesu mwahindula mwanachilolo

46Kaha Yesu ejile cheka kuKana, limbo lyakuNgalileya, #2:1-11kuze álumwine meya kupwa vinyo. Jino #Mat 8:5-10; Luka 7:2-10kuKapelenau, kwapwile chilolo umwe apwile namwanenyi walunga ápwile nakuviza.

47Ikiye omu evwile ngwavo Yesu nafumu kuYuleya nakwiza kuNgalileya, ayile kuli Ikiye nakumusanyika ezenga nakumuhindwila mwanenyi, mwomwo apwile hakamwihi nakufwa.

48Jino Yesu amwambile ngwenyi, Chakuzeneka enu kumona #Ndan 4:2-3; Mako 13:22; Vili 2:19; 4:30; Loma 15:9; Hepe 2:4vinjikizo navyakukomwesa, kamweshi kufwelelako.

49Uze chilolo himwamwamba ngwenyi, Ove Mwata, twaya washi shimbu kanda mwanami wamundende afwenga.

50Yesu amwambile ngwenyi, Yakonga tuhu, mwanove nayoyo. Uze mutu afwelelele lizu ahanjikile Yesu, kaha ayile.

51Omu apwile nakuya#4:51 MuchiHelase ngwavo, Apwile nakushikumuka. (Limbo lyenyi lyapwile kuchijiva)., vandungo jenyi vamusesele nakumulweza ngwavo, Mwanove nayoyo.

52Kaha avahulishile lwola aputukile kulivwako. Vamulwezele ngwavo, Zau halwola lwamuchitanu najivali#4:52 Mwaya jiola javaLoma ha19.00. chishika chamufumanga.

53Ngocho ise atachikijile ngwenyi lukiko lwola amulwezanga Yesu ngwenyi, Mwanove nayoyo. Kaha ivene afwelelele, #Vili 11:14navakuzuvo yenyi vosena.

54 # 2:11 Chinjikizo echi chapwile chamuchivali álingile Yesu omu afumine kuYuleya nakwiza kuNgalileya.

Currently Selected:

Yowano 4: LUE

Highlight

Copy