Luka 13
13
Kunyukenu hashili nakwalumuka mumuchima
1Kwapwile vamwe halwola vene luze, vamwambulilile vyavaka-Ngalileya vákwechi manyinga avo váchingasanyine kuli Pilatu naaze avimuna javo vakuvatula.
2Kaha Yesu avakumbulwile ngwenyi, #Yowa 9:1-3Munashinganyeka ngwenu vaze vaka-Ngalileya vapwile vaka-shili chikuma kuhambakana vakwavo vaka-Ngalileya vosena hakuyanda ngachize, tahi?
3Nangumilweza ngwami chiku, oloze kuvanga mukunyuke hashili nakwalumuka mumuchima, mokomoko muvosena namukanonga ngachize.
4Chipwe vaze likumi navatanu navatatu (18) káshiukilile kaposhi kuShilowame nakuvajiha — munashinganyeka ngwenu vapwile vaka-shili kuhambakana vatu vosena vatwama muYelusalema tahi?
5Nangumilweza ngwami chiku, oloze kuvanga mukunyuke hashili nakwalumuka mumuchima mokomoko muvosena namukanonga ngachize.
Chishimo chamukuyu wakuzeneka mihako
6Kaha avatelele chishimo chino ngwenyi, Kwapwile umwe apwile namukuyu vatumbile muwande wenyi wamivinyo. Kaha ayile mangana awaneko mihako, oloze kayiwanyineko.
7Jino ambile muka-kulama wande ngwenyi, Tala, yinapu jino myaka yitatu ngunezanga ngwami nguwaneko mihako kumukuyu ou, oloze kangwayiwanakoko. #3:9; Mat 3:10; 7:19Upakule, nyi nawenyekela ika mavu?
8Oloze amukumbulwile ngwenyi, Ove mwata, weche tuhu nauno mwaka nawa, nguvangile kuchipululako nakuhakako wilo,
9kaha nge naukema mihako, chamwaza, oloze nge chiku, kaupakule tuhu.
Yesu mwahindula pwevo wachitonji haSambata
10Jino apwile nakunangula musunangonga#13:10 Tala ha4:16. yimwe haSambata.
11Kaha mwapwile pwevo ápwile nashipilitu wakumuvijisa nakumunehela utonji myaka likumi nayitanu nayitatu (18), kaha ahokokele nyima, kahashilenga kwoloka hwakuko.
12Kaha omu Yesu amumwene, amusanyikile nakumwamba ngwenyi, Ove pwevo, vanakukasununa kuutonji wove.
13Kaha amunangikile mavoko enyi, hahaze vene vamulingishile kupwa walambwe, kaha alishile Kalunga haupahu wenyi.
14Oloze mukulwane wasunangonga apihililile mwomwo Yesu #6:6-11; Yowa 5:1-18amuhindwile haSambata, ambile lize lizavu ngwenyi, #Kulo 20:9; Lush 5:13Kwatwama makumbi atanu nalimwe atela kuzachilamo milimo. Shikaho mwizenganga haakiko nakumihindula, keshi haSambatako.
15Kaha #19:9Mwata amukumbulwile ngwenyi, Enu vaka-kulyongela kwoloka! #14:5; Mat 12:11Kumana enu, mutu himutu, keshi kukasununa pulu#13:15 Ngombe wakulutula wakuzachisa milimo. yenyi chipwe chimbulu chenyi haSambata nakumufumisa kulingolengole lyakulila, nakumutwala nakumunwisa meyako?
16Kaha jino ou pwevo, #19:9mwanaApalahama, ákashiwile kuli Satana myaka likumi nayitanu nayitatu (18), katela kumukasununa mumalenge kana halikumbi lyaSambatako?
17Hakuvuluka vyuma evi, vosena vaze vámulingulwile avevwishile sonyi, kaha lize lizavu lyosena lyawahililile havyakukomwesa vyosena vize alingilenga.
Chishimo chambuto yamusetale
(Mat 13:31-32; Mako 4:30-32)
18 Yesu ambile ngwenyi, Wangana waKalunga unafwane nge chuma muka? Kaha nanguufwanyisa naka?
19Unafwane nge mbuto yamusetale, yize ambachile mutu nakuyitumba mulitepa lyenyi, kaha yakolele nakupwa mutondo, kaha tujila vahelu vatungile maswa hamitango yawo.
Chishimo chachimbalwila
(Mat 13:33)
20Kaha cheka nawa ambile ngwenyi, Wangana waKalunga nanguufwanyisa nachuma muka?
21Unafwane nge chimbalwila chize ambachile pwevo nakuchisweka hakuchichingasana muunga watiliku wavyesekelo vitatu, swi-i nomu chayangililile mwosena.
Ingililenu kuchikolo chakulipalakanya
(Mat 7:13-14, 21-23)
22Kaha ahitanganyinenga mumembo-akembwe namembo akwavo nakunangula vatu, #9:51; 17:11; 18:31; 19:11omu apwile nakuya kuYelusalema.
23Kaha umwe amuhulishile ngwenyi, Ove Mwata, vavandende kaha navalwila tahi? Ikiye avambile ngwenyi,
24 #
Yowa 10:7
Likakenu mwingilile kuchikolo chakulipalakanya, mwomwo nangumilweza ngwami, vavavulu navakasaka kwingila, oloze kaveshi kukahasako.
25 #
Mat 25:10-12
Nge Mwenyazuvo nakatuka lyehi nakusoka kuchikolo, kaha enu hinamwimana kuweluka nakuputuka kungongomweza kuchikolo nakwamba ngwenu, Ove Mwata, tusokolweleko mwane! Kaha Ikiye mwakamikumbulula ngwenyi, Kangwatachikiza okwo mwafumako.
26Haze vene namukaputuka kwamba ngwenu, twalilenga nakunwa kumeso ove, kaha watunangwilenga mumikwakwa yetu.
27Oloze mwakamyamba ngwenyi, Kangwatachikiza okwo mwafumako, #Mat 25:41fumenu kuli Ami enu vaka-kulinga vyavipi muvosena!
28 #
Mat 8:11-12
Kaha kuze nakukapwanga kulila jimbimbi nakulingenjunga kumazo, omu namukamona Apalahama naIsaka naYakova navapolofweto vosena muWangana waKalunga, oloze enu vanamimbili kuweluka.
29Kaha vatu navakafuma kumututuko nakumulauko, nakumutamba wachimoswe chamututuko, nakumutamba wachilyo chamututuko, nakusendavala kumesa nakulya muWangana waKalunga.
30 #
Mat 19:30; Mako 10:31 Kaha talenu, vakukuminamo navakapwa vavalemu, kaha vavalemu navakapwa vakukuminamo.
Yesu mwalilila Yelusalema
(Mat 23:37-39)
31Halwola vene luze vaFwaliseu vamwe vejile nakumwamba ngwavo, Fuma kuno, mwomwo Helote nasake kukujiha.
32Kaha avambile ngwenyi, Yenu mukalweze uze lunga wachilembekeshi#13:32 MuchiHelase ngwavo, Mumbwe. Mumbwe kana wakulifuchi lyavaYuleya, afwana nge omu apwa munguli — kanyama wawiji walizangamina namangana amapi. ngwenu, Yesu nambe ngwenyi, Ivwa, nguli nakulovola vandemone nakuhindula vatu. Nanguchilinga lelo nahamene, kaha halikumbi lyamuchitatu numba #Hepe 2:10; 5:9; 7:28nguchitesemo.
33Chipwe ngocho, #Yowa 11:9kuvanga ngutwalilileho naungeji wami lelo nahamene nahamenyauze, mwomwo kachahasa #Mat 21:11kapolofweto kufwila kwekako, shina kuYelusalema kaha.
34Ove Yelusalema! Ove Yelusalema! Ove wéji kujihanga vapolofweto nakwasa malolwa vaze veji kukutuminánga! Kakavulu ngwasákilenga kukungulula vana vove ngana omu eji kukungulwilanga kasumbi vana venyi mumavava, oloze enu kamwachisakako!
35Talenu, #Yele 22:5zuvo yenu vanamiselayo kupwa ngundu kaha. Oloze nangumilweza ngwami, kamweshi kukangumonako palanga nomu namukamba ngwenu,
#
Samu 118:26; Mat 21:9; Luka 19:38 Wakukisula Ou mweza mulijina lyaMWATA!
Currently Selected:
Luka 13: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Luka 13
13
Kunyukenu hashili nakwalumuka mumuchima
1Kwapwile vamwe halwola vene luze, vamwambulilile vyavaka-Ngalileya vákwechi manyinga avo váchingasanyine kuli Pilatu naaze avimuna javo vakuvatula.
2Kaha Yesu avakumbulwile ngwenyi, #Yowa 9:1-3Munashinganyeka ngwenu vaze vaka-Ngalileya vapwile vaka-shili chikuma kuhambakana vakwavo vaka-Ngalileya vosena hakuyanda ngachize, tahi?
3Nangumilweza ngwami chiku, oloze kuvanga mukunyuke hashili nakwalumuka mumuchima, mokomoko muvosena namukanonga ngachize.
4Chipwe vaze likumi navatanu navatatu (18) káshiukilile kaposhi kuShilowame nakuvajiha — munashinganyeka ngwenu vapwile vaka-shili kuhambakana vatu vosena vatwama muYelusalema tahi?
5Nangumilweza ngwami chiku, oloze kuvanga mukunyuke hashili nakwalumuka mumuchima mokomoko muvosena namukanonga ngachize.
Chishimo chamukuyu wakuzeneka mihako
6Kaha avatelele chishimo chino ngwenyi, Kwapwile umwe apwile namukuyu vatumbile muwande wenyi wamivinyo. Kaha ayile mangana awaneko mihako, oloze kayiwanyineko.
7Jino ambile muka-kulama wande ngwenyi, Tala, yinapu jino myaka yitatu ngunezanga ngwami nguwaneko mihako kumukuyu ou, oloze kangwayiwanakoko. #3:9; Mat 3:10; 7:19Upakule, nyi nawenyekela ika mavu?
8Oloze amukumbulwile ngwenyi, Ove mwata, weche tuhu nauno mwaka nawa, nguvangile kuchipululako nakuhakako wilo,
9kaha nge naukema mihako, chamwaza, oloze nge chiku, kaupakule tuhu.
Yesu mwahindula pwevo wachitonji haSambata
10Jino apwile nakunangula musunangonga#13:10 Tala ha4:16. yimwe haSambata.
11Kaha mwapwile pwevo ápwile nashipilitu wakumuvijisa nakumunehela utonji myaka likumi nayitanu nayitatu (18), kaha ahokokele nyima, kahashilenga kwoloka hwakuko.
12Kaha omu Yesu amumwene, amusanyikile nakumwamba ngwenyi, Ove pwevo, vanakukasununa kuutonji wove.
13Kaha amunangikile mavoko enyi, hahaze vene vamulingishile kupwa walambwe, kaha alishile Kalunga haupahu wenyi.
14Oloze mukulwane wasunangonga apihililile mwomwo Yesu #6:6-11; Yowa 5:1-18amuhindwile haSambata, ambile lize lizavu ngwenyi, #Kulo 20:9; Lush 5:13Kwatwama makumbi atanu nalimwe atela kuzachilamo milimo. Shikaho mwizenganga haakiko nakumihindula, keshi haSambatako.
15Kaha #19:9Mwata amukumbulwile ngwenyi, Enu vaka-kulyongela kwoloka! #14:5; Mat 12:11Kumana enu, mutu himutu, keshi kukasununa pulu#13:15 Ngombe wakulutula wakuzachisa milimo. yenyi chipwe chimbulu chenyi haSambata nakumufumisa kulingolengole lyakulila, nakumutwala nakumunwisa meyako?
16Kaha jino ou pwevo, #19:9mwanaApalahama, ákashiwile kuli Satana myaka likumi nayitanu nayitatu (18), katela kumukasununa mumalenge kana halikumbi lyaSambatako?
17Hakuvuluka vyuma evi, vosena vaze vámulingulwile avevwishile sonyi, kaha lize lizavu lyosena lyawahililile havyakukomwesa vyosena vize alingilenga.
Chishimo chambuto yamusetale
(Mat 13:31-32; Mako 4:30-32)
18 Yesu ambile ngwenyi, Wangana waKalunga unafwane nge chuma muka? Kaha nanguufwanyisa naka?
19Unafwane nge mbuto yamusetale, yize ambachile mutu nakuyitumba mulitepa lyenyi, kaha yakolele nakupwa mutondo, kaha tujila vahelu vatungile maswa hamitango yawo.
Chishimo chachimbalwila
(Mat 13:33)
20Kaha cheka nawa ambile ngwenyi, Wangana waKalunga nanguufwanyisa nachuma muka?
21Unafwane nge chimbalwila chize ambachile pwevo nakuchisweka hakuchichingasana muunga watiliku wavyesekelo vitatu, swi-i nomu chayangililile mwosena.
Ingililenu kuchikolo chakulipalakanya
(Mat 7:13-14, 21-23)
22Kaha ahitanganyinenga mumembo-akembwe namembo akwavo nakunangula vatu, #9:51; 17:11; 18:31; 19:11omu apwile nakuya kuYelusalema.
23Kaha umwe amuhulishile ngwenyi, Ove Mwata, vavandende kaha navalwila tahi? Ikiye avambile ngwenyi,
24 #
Yowa 10:7
Likakenu mwingilile kuchikolo chakulipalakanya, mwomwo nangumilweza ngwami, vavavulu navakasaka kwingila, oloze kaveshi kukahasako.
25 #
Mat 25:10-12
Nge Mwenyazuvo nakatuka lyehi nakusoka kuchikolo, kaha enu hinamwimana kuweluka nakuputuka kungongomweza kuchikolo nakwamba ngwenu, Ove Mwata, tusokolweleko mwane! Kaha Ikiye mwakamikumbulula ngwenyi, Kangwatachikiza okwo mwafumako.
26Haze vene namukaputuka kwamba ngwenu, twalilenga nakunwa kumeso ove, kaha watunangwilenga mumikwakwa yetu.
27Oloze mwakamyamba ngwenyi, Kangwatachikiza okwo mwafumako, #Mat 25:41fumenu kuli Ami enu vaka-kulinga vyavipi muvosena!
28 #
Mat 8:11-12
Kaha kuze nakukapwanga kulila jimbimbi nakulingenjunga kumazo, omu namukamona Apalahama naIsaka naYakova navapolofweto vosena muWangana waKalunga, oloze enu vanamimbili kuweluka.
29Kaha vatu navakafuma kumututuko nakumulauko, nakumutamba wachimoswe chamututuko, nakumutamba wachilyo chamututuko, nakusendavala kumesa nakulya muWangana waKalunga.
30 #
Mat 19:30; Mako 10:31 Kaha talenu, vakukuminamo navakapwa vavalemu, kaha vavalemu navakapwa vakukuminamo.
Yesu mwalilila Yelusalema
(Mat 23:37-39)
31Halwola vene luze vaFwaliseu vamwe vejile nakumwamba ngwavo, Fuma kuno, mwomwo Helote nasake kukujiha.
32Kaha avambile ngwenyi, Yenu mukalweze uze lunga wachilembekeshi#13:32 MuchiHelase ngwavo, Mumbwe. Mumbwe kana wakulifuchi lyavaYuleya, afwana nge omu apwa munguli — kanyama wawiji walizangamina namangana amapi. ngwenu, Yesu nambe ngwenyi, Ivwa, nguli nakulovola vandemone nakuhindula vatu. Nanguchilinga lelo nahamene, kaha halikumbi lyamuchitatu numba #Hepe 2:10; 5:9; 7:28nguchitesemo.
33Chipwe ngocho, #Yowa 11:9kuvanga ngutwalilileho naungeji wami lelo nahamene nahamenyauze, mwomwo kachahasa #Mat 21:11kapolofweto kufwila kwekako, shina kuYelusalema kaha.
34Ove Yelusalema! Ove Yelusalema! Ove wéji kujihanga vapolofweto nakwasa malolwa vaze veji kukutuminánga! Kakavulu ngwasákilenga kukungulula vana vove ngana omu eji kukungulwilanga kasumbi vana venyi mumavava, oloze enu kamwachisakako!
35Talenu, #Yele 22:5zuvo yenu vanamiselayo kupwa ngundu kaha. Oloze nangumilweza ngwami, kamweshi kukangumonako palanga nomu namukamba ngwenu,
#
Samu 118:26; Mat 21:9; Luka 19:38 Wakukisula Ou mweza mulijina lyaMWATA!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia