Luka 15
15
Chishimo chamukoko wakujimbala
(Mat 18:10-14)
1Jino #5:29-30; 19:7vaka-kutelesa navaka-shili vosena vapwile nakumupandama vamwivwilile.
2Kaha vaFwaliseu navaka-kusoneka vapwile nakuyayavala ngwavo, Ou eji kutambulanga vaka-shili #Mat 9:11nakulya navo.
3Kaha avatelele chishimo echi ngwenyi,
4Mutu muka mukachi kenu, áli namikoko jenyi likulukaji (100), nge mwajimbalisaho umwe, kumana keshi kuseza vaze makumi atanu naawana navatanu navawana (99) mupambo, nakuya nakutonda uze najimbala nomu mwamuwanako, numba?
5Kaha omu mwamuwana, mwamuhaka kuvifwiji nakuwahilila.
6Kaha hakuheta kumahyenyi mwakungulula masepa jenyi navakwavo álihata navo, nakuvamba ngwenyi, Tuwahililenu mwomwo mukoko wami ájimbalanga ngunamuwane.
7Nangumilweza ngwami, Chochimwe namwilu nawa namupwa kuwahilila chachinene hali muka-shili umwe mwakunyuka hashili nakwalumuka mumuchima, kuhambakana kuwahilila hali vaka-kwoloka makumi atanu naawana navatanu navawana (99) ava kaveshi naaha hakutela kukunyukila nakwalumuka mumuchimako.
Chishimo chandenali yakujimbala
8Nyi pwevo muka ali najindenali#15:8 MuchiHelase ngwavo, ndalakima, fweto yamuka-kuzata hakuzata likumbi lyosena. likumi (10), nge mwajimbalisaho yimwe, kumana keshi kuwika linongo nakukomba muzuvo nakuyitonda kanawa nomu mwayiwanako, numba?
9Kaha hakuyiwana, mwakungulula masepa jenyi navakwavo álihata navo nakuvamba ngwenyi, Tuwahililenu, mwomwo ndenali ngwájimbalisanga ngunayiwane.
10Nangumilweza ngwami, chochimwe nawa, kweji kupwanga kuwahilila kuli vangelo jaKalunga hali muka-shili umwe mwakunyuka hashili nakwalumuka mumuchima.
Chishimo chamwanalunga wakujimbala
11Kaha ambile ngwenyi, #Mat 21:28Mutu umwe apwile navana venyi vamalunga vavali.
12Jino wakanyike alombele ise ngwenyi, Ove tata, nguhane chazano chami ngwatela kutambula #Lush 21:15-17kuluheto lwove. Kaha avapangilile upite wenyi.
13Kamwahichile makumbi amavuluko, uze wakanyike alanjishile vyenyi vyosena nakuya kulifuchi lyeka kwakusuku, kuze enyekele luheto lwenyi hakuhungukila mushili.
14Omu akumishile vyenyi vyosena, mulifuchi lize mwaholokelele zala yakalombolombo, kaha aputukile kukalikiza.
15Kaha ayile nakuzachilila kuli mwenyembo wamuze mulifuchi, uze ámutumine kumande nakulisa vangulu.
16Jino afwililenga chikuma kulya yize mihako vapwilenga nakulya vangulu#15:16 Mihako kana yakufwana nge vipalapala vyamuhwichichi., kaha nou amuhanyineko wauchi.
17Oloze omu avezukile, alyambile ngwenyi, Vangamba jatata vakukámba omu vavula, kaha vali nakulya chakulisala, oloze ami kuno, nguli nakufwa zala.
18Nangukatuka nakuya kuli tata nakwamba ngwami, Ove tata, ngunavulumuna mulonga kuli Kalunga wamwilu nakuli ove nawa.
19Kangwatelemo kunguvuluka cheka ngumwanoveko. Ngulingise kupwa nguumwe wavangamba jove vakukámba.
20Kaha akatukile nakuya kuli ise. Shimbu apwile hahasuku, Ise amumwene. Amwivwilile keke, nakumulahila nakumukwata mukasamba nakumusweswenya.
21Mwana amwambile ngwenyi, Ove tata, ngunavulumuna kuli Kalunga wamwilu, nakuli ove nawa. Kangwatelemo kunguvuluka cheka ngumwanoveko.
22Oloze ise alwezele vandungo jenyi ngwenyi, #Zeka 3:4; Kuso 6:11Nehenu washi uvwalo wahelu wausuku wamwaza chikuma mumuvwike, #Kupu 41:42kaha muvwikenu kazeya kumunwe, namendelo kumahinji.
23Kaha nehenu uze mwanangombe vánunyisa#15:23 Mwanangombe wakulisa anune vamuzachise milimo yakumuhana wana wakulumba., mujihenu, tulyenu nakuwahilila!
24Mwomwo ou mwanami #9:60; 1 Chim 5:6; Efwe 2:1; Kolo 2:13afwile, oloze nayoyo cheka; ajimbalile, jino vanamuwane. Kaha vaputukile kuwahilila.
25Jino uze mwanenyi wamukulwane apwile kuwande. Kaha omu ejile nakupandama kuzuvo, evwile visaji nachungumo chavaka-kukina.
26Kaha asanyikile ngamba umwe nakumuhulisa ngwenyi, Vyuma muka ovyo?
27Kaha amulwezele ngwenyi, Songo yove neza, kaha iso najihi uze mwanangombe vánunyisa, mwomwo namutambula wamukangule.
28Kaha apihililile chikuma, akanyine nákwingilamo. Oloze ise alovokele nakumulembejeka.
29Ikiye akumbulwile ise ngwenyi, Tala, ngunakuzachila myaka yayivulu yipwaha nge ngundungo, kaha kanda ngulikangengaho lyehi kumazu ove. Oloze kanda unguhanengaho lyehi mwanapembe mangana nguwahilile namasepa jami.
30Jino omu neza mwanove, ou #Vish 29:3nenyeka luheto lwove namahule, unamujihila uze mwanangombe vánunyisa!
31Kaha ise amwambile ngwenyi, Ove mwanami, watwama nayami makumbi osena, kaha vyami vyosena vyapwa vyove.
32Chinatemo etu kuwahilila nakupwa nachisambo, mwomwo ou songo yove apwanga mufu, kaha nayoyo; ajimbalanga, kaha vanamuwane.
Currently Selected:
Luka 15: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Luka 15
15
Chishimo chamukoko wakujimbala
(Mat 18:10-14)
1Jino #5:29-30; 19:7vaka-kutelesa navaka-shili vosena vapwile nakumupandama vamwivwilile.
2Kaha vaFwaliseu navaka-kusoneka vapwile nakuyayavala ngwavo, Ou eji kutambulanga vaka-shili #Mat 9:11nakulya navo.
3Kaha avatelele chishimo echi ngwenyi,
4Mutu muka mukachi kenu, áli namikoko jenyi likulukaji (100), nge mwajimbalisaho umwe, kumana keshi kuseza vaze makumi atanu naawana navatanu navawana (99) mupambo, nakuya nakutonda uze najimbala nomu mwamuwanako, numba?
5Kaha omu mwamuwana, mwamuhaka kuvifwiji nakuwahilila.
6Kaha hakuheta kumahyenyi mwakungulula masepa jenyi navakwavo álihata navo, nakuvamba ngwenyi, Tuwahililenu mwomwo mukoko wami ájimbalanga ngunamuwane.
7Nangumilweza ngwami, Chochimwe namwilu nawa namupwa kuwahilila chachinene hali muka-shili umwe mwakunyuka hashili nakwalumuka mumuchima, kuhambakana kuwahilila hali vaka-kwoloka makumi atanu naawana navatanu navawana (99) ava kaveshi naaha hakutela kukunyukila nakwalumuka mumuchimako.
Chishimo chandenali yakujimbala
8Nyi pwevo muka ali najindenali#15:8 MuchiHelase ngwavo, ndalakima, fweto yamuka-kuzata hakuzata likumbi lyosena. likumi (10), nge mwajimbalisaho yimwe, kumana keshi kuwika linongo nakukomba muzuvo nakuyitonda kanawa nomu mwayiwanako, numba?
9Kaha hakuyiwana, mwakungulula masepa jenyi navakwavo álihata navo nakuvamba ngwenyi, Tuwahililenu, mwomwo ndenali ngwájimbalisanga ngunayiwane.
10Nangumilweza ngwami, chochimwe nawa, kweji kupwanga kuwahilila kuli vangelo jaKalunga hali muka-shili umwe mwakunyuka hashili nakwalumuka mumuchima.
Chishimo chamwanalunga wakujimbala
11Kaha ambile ngwenyi, #Mat 21:28Mutu umwe apwile navana venyi vamalunga vavali.
12Jino wakanyike alombele ise ngwenyi, Ove tata, nguhane chazano chami ngwatela kutambula #Lush 21:15-17kuluheto lwove. Kaha avapangilile upite wenyi.
13Kamwahichile makumbi amavuluko, uze wakanyike alanjishile vyenyi vyosena nakuya kulifuchi lyeka kwakusuku, kuze enyekele luheto lwenyi hakuhungukila mushili.
14Omu akumishile vyenyi vyosena, mulifuchi lize mwaholokelele zala yakalombolombo, kaha aputukile kukalikiza.
15Kaha ayile nakuzachilila kuli mwenyembo wamuze mulifuchi, uze ámutumine kumande nakulisa vangulu.
16Jino afwililenga chikuma kulya yize mihako vapwilenga nakulya vangulu#15:16 Mihako kana yakufwana nge vipalapala vyamuhwichichi., kaha nou amuhanyineko wauchi.
17Oloze omu avezukile, alyambile ngwenyi, Vangamba jatata vakukámba omu vavula, kaha vali nakulya chakulisala, oloze ami kuno, nguli nakufwa zala.
18Nangukatuka nakuya kuli tata nakwamba ngwami, Ove tata, ngunavulumuna mulonga kuli Kalunga wamwilu nakuli ove nawa.
19Kangwatelemo kunguvuluka cheka ngumwanoveko. Ngulingise kupwa nguumwe wavangamba jove vakukámba.
20Kaha akatukile nakuya kuli ise. Shimbu apwile hahasuku, Ise amumwene. Amwivwilile keke, nakumulahila nakumukwata mukasamba nakumusweswenya.
21Mwana amwambile ngwenyi, Ove tata, ngunavulumuna kuli Kalunga wamwilu, nakuli ove nawa. Kangwatelemo kunguvuluka cheka ngumwanoveko.
22Oloze ise alwezele vandungo jenyi ngwenyi, #Zeka 3:4; Kuso 6:11Nehenu washi uvwalo wahelu wausuku wamwaza chikuma mumuvwike, #Kupu 41:42kaha muvwikenu kazeya kumunwe, namendelo kumahinji.
23Kaha nehenu uze mwanangombe vánunyisa#15:23 Mwanangombe wakulisa anune vamuzachise milimo yakumuhana wana wakulumba., mujihenu, tulyenu nakuwahilila!
24Mwomwo ou mwanami #9:60; 1 Chim 5:6; Efwe 2:1; Kolo 2:13afwile, oloze nayoyo cheka; ajimbalile, jino vanamuwane. Kaha vaputukile kuwahilila.
25Jino uze mwanenyi wamukulwane apwile kuwande. Kaha omu ejile nakupandama kuzuvo, evwile visaji nachungumo chavaka-kukina.
26Kaha asanyikile ngamba umwe nakumuhulisa ngwenyi, Vyuma muka ovyo?
27Kaha amulwezele ngwenyi, Songo yove neza, kaha iso najihi uze mwanangombe vánunyisa, mwomwo namutambula wamukangule.
28Kaha apihililile chikuma, akanyine nákwingilamo. Oloze ise alovokele nakumulembejeka.
29Ikiye akumbulwile ise ngwenyi, Tala, ngunakuzachila myaka yayivulu yipwaha nge ngundungo, kaha kanda ngulikangengaho lyehi kumazu ove. Oloze kanda unguhanengaho lyehi mwanapembe mangana nguwahilile namasepa jami.
30Jino omu neza mwanove, ou #Vish 29:3nenyeka luheto lwove namahule, unamujihila uze mwanangombe vánunyisa!
31Kaha ise amwambile ngwenyi, Ove mwanami, watwama nayami makumbi osena, kaha vyami vyosena vyapwa vyove.
32Chinatemo etu kuwahilila nakupwa nachisambo, mwomwo ou songo yove apwanga mufu, kaha nayoyo; ajimbalanga, kaha vanamuwane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia