Mateu 22
22
Chishimo chachifupawenga
1Kaha Yesu ahanjikile cheka kuli vakiko muvishimo ngwenyi,
2 #
22:2-14; Luka 14:16-24 Wangana wamwilu vanaufwanyisa namwangana álongesele chifupawenga chamwanenyi walunga.
3 #
21:34
Kaha atumine vandungo jenyi nakulweza vaze ásanyikile kuchifupawenga vezenga. Oloze vakanyine kwiza.
4 #
21:36
Cheka nawa atumine vandungo jenyi vakwavo nakuvamba ngwenyi, Valwezenu vaze ngunasanyika ngwenu, Talenu, ngunalongesa lyehi kulya chami. Vangombe jami vavanene navana vavangombe vakununa vanavajihi lyehi. Vyosena vanavilongesa lyehi. Twayenu kuchifupawenga.
5Oloze vakiko valiwile nakuliyila kwavo, ou kuwande wenyi, ou kukusekasana chenyi,
6kaha vakwavo vakwachile vaze vandungo jenyi, vavasawile nakuvajiha.
7Jino uze mwangana apihililile chikuma, kaha atumine maswalale nakunongesa vaze vaka-kujiha vatu nakwocha limbo lyavo lyakembwe.
8Haze vene himwavamba vandungo jenyi ngwenyi, Chifupawenga vanachilongesa lyehi, oloze vaze ngwasanyikile kavatamoko.
9Shikaho yenu kumakanyiko amikwakwa, veshovo namuwana valwezenu vezenga kuchifupawenga.
10Kaha vaze vandungo vayile kumikwakwa nakukungula vosena vawanyine, vavapi navamwenemwene. Kaha muzuvo yachifupawenga mwazalile navaze vákungwile.
11Oloze omu engililemo uze mwangana nakutala vaze vasendavalile kumesa, amwene mutu ázenekele kuvwala uvwalo wachifupawenga.
12Kaha amuhulishile ngwenyi, #20:13; 26:50Ove mukwetu, unengila ngachilihi muno chakuzeneka uvwalo wachifupawenga? Oloze ikiye kamwene mwakukumbululako.
13Haze vene mwangana alwezele vaka-kuzata ngwenyi, Mukasenu kumavoko nakumahinji nakumumbila #8:12kusali mumilima yayinene. Muze namukapwanga kulila jimbimbi nakulingenjunga kumazo.
14Mwomwo ava vásanyika vapwa vavavulu, oloze ovo vasakula, vavandende.
Mutelo waKesale
(Mako 12:13-17; Luka 20:20-26)
15Haze vene vaFwaliseu vayile nakumutwama punga yamwakumutela kumazu enyi.
16Kaha vamutuminyine tumbaji twavo hamwe navaka-Helote nakwamba ngwavo, Ove Muka-kunangula, tunatachikiza ngwetu umuka-muchano, weji kunangulanga jila yaKalunga mwamuchano, keshi hakwivwisa vatu kuwahako, mwomwo kawatwama nachihandwako.
17Shikaho tulweze kushinganyeka chove. Mwaya Jishimbi, chatamo kutela kuli Kesale tahi nyi chiku?
18Oloze Yesu hakutachikiza kupihya chavo, avambile ngwenyi, Muli nakungwesekela ika, enu vaka-kulyongela kwoloka?
19Tutalenu lumbongo lwamutelo. Kaha vamunehelele ndenali#22:19 Tala ha18:28..
20Ikiye avahulishile ngwenyi, Ou mutwe úliho navasona volaho vyeya?
21Vamukumbulwile ngwavo, VyaKesale. Kaha avambile ngwenyi, Shikaho #Loma 13:7vyaKesale muhanenunga Kesale, vyaKalunga nawa muhanenunga Kalunga.
22Jino omu vachivwile valikomokelele, kaha vamusezele nakuliyila.
VaSatuse nakusanguka chavafu
(Mako 12:18-27; Luka 20:27-40)
23Halikumbi lyolimwe vaSatuse, #Vili 4:1-2; 23:6-10vaze vamba ngwavo, Kakwatwama kusangukako, vejile kuli Ikiye. Kaha vamuhulishile ngwavo,
24Ove Muka-kunangula, Mose ambile ngwenyi,
#
Lush 25:5
Nge lunga mwafwa chakuzeneka kusema mwana napwevo lyenyi, ndumbwenyi ambate uze pwevo nakusangula mbuto yandumbwenyi.
25Jino mungalila yetu mwapwile malunga vatanu navavali mulijimo lyavo. Uze watete ambachile pwevo, kaha uze lunga afwile chakuzeneka kusema mwana, shikaho uze pwevo amuseleleleyo ndumbwenyi apwenga pwevo lyenyi.
26 Chapwile ngocho kuli uze wamuchivali nakuli uze wamuchitatu nawa, swi-i nakuli uze wamuchitanu navavali.
27Hakukuminyina, uze pwevo nawa afwile.
28Shikaho hakusanguka, mwakapwa pwevo lyaumwe ulihi hakachi kavaze vatanu navavali, hakupwa vosena vamumbachile?
29Oloze Yesu avakumbulwile ngwenyi, Munahungumuka, mwomwo kamwatachikiza Mazu-vasoneka-ajila, chipwe ngolo jaKalungako.
30Mwomwo kusali yakusanguka, kaveshi kukambata chipwe kuhangisa mapwevoko, oloze navakapwanga nge vangelo mwilu.
31Kaha hakuvuluka chihande chakusanguka chavafu, kamwatangile vize ahanjikile Kalunga kuli enuko tahi? Ngwenyi,
32 #
Kulo 3:6
Ami yami Kalunga kaApalahama,
Kalunga kaIsaka,
Kalunga kaYakova.
Shikaho kapwa Kalunga kavafuko, oloze kavavatonyi.
33Kaha omu lizavu lyachivwile, #7:28lyalikomokelele kunangula chenyi.
Lushimbi lwalulemu
(Mako 12:28-34)
34 #
22:34-40; Luka 10:25-28 Oloze omu vaFwaliseu vevwile ngwavo, vaSatuse navaholesa kulu, valikungulwile hamwe.
35Kaha minavo umwe, #Luka 7:30; 11:45; 14:3kúluwa muJishimbi, amuhulishile nakumweseka ngwenyi,
36Ove Muka-kunangula, haJishimbi josena lushimbi muka lwahambakana jikwavo?
37Amukumbulwile ngwenyi, Olu ngwavo,
#
Lush 6:5
Zanganga MWATA Kalunga kove
Namuchima wove wosena
Namwono wove wosena
Namangana ove osena.
38Olu lukiko lushimbi lwahambakana lwatete.
39Kaha lwamuchivali lwalifwana nalukiko, olu ngwavo.
#
19:19; Levi 19:18; Ngal 5:14; Loma 13:9; Yako 2:8 Zanganga mukwenu ngana omu walizanga ove ivene.
40 #
7:12
Hajishimbi jivali eji hakiko hakolela mikanda yaJishimbi yosena namazu avapolofweto osena.
Ou Kulishitu apwa Mwana iya?
(Mako 12:35-37; Luka 20:41-44)
41Jino omu vaFwaliseu valikungulwile hamwe, Yesu avahulishile ngwenyi,
42Nyi Kulishitu mwamushinganyeka muka? Apwa Mwana iya? Vamukumbulwile ngwavo, Apwa #9:27MwanaNdavichi.
43Kaha avahulishile ngwenyi, Nyi mujila muka amuvulukilile Ndavichi muli Shipilitu ngwenyi, Ikiye Mwata? Hakwamba ngwenyi,
44 #
Samu 110:1; Vili 2:34-35; Hepe 1:13 MWATA ambile Mwata wami ngwenyi,
Twamanga kulivoko lyami lyachilyo
#
1 Koli 15:25; Hepe 10:13 Palanga nomu nangukahaka vaka-kole jove mwishi yavilyachilo vyove.
45Shikaho nge Ndavichi amuvuluka ngwenyi, Ikiye Mwata, kaha mwapwa ngachilihi Mwanenyi?
46Kaha naumwe ahashile kumukumbulula lizu wauchi. Kaha #Mako 12:34; Luka 14:6; 20:40kufuma halikumbi lize naumwe wauchi ahasukile kumuhulisa cheka.
Currently Selected:
Mateu 22: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Mateu 22
22
Chishimo chachifupawenga
1Kaha Yesu ahanjikile cheka kuli vakiko muvishimo ngwenyi,
2 #
22:2-14; Luka 14:16-24 Wangana wamwilu vanaufwanyisa namwangana álongesele chifupawenga chamwanenyi walunga.
3 #
21:34
Kaha atumine vandungo jenyi nakulweza vaze ásanyikile kuchifupawenga vezenga. Oloze vakanyine kwiza.
4 #
21:36
Cheka nawa atumine vandungo jenyi vakwavo nakuvamba ngwenyi, Valwezenu vaze ngunasanyika ngwenu, Talenu, ngunalongesa lyehi kulya chami. Vangombe jami vavanene navana vavangombe vakununa vanavajihi lyehi. Vyosena vanavilongesa lyehi. Twayenu kuchifupawenga.
5Oloze vakiko valiwile nakuliyila kwavo, ou kuwande wenyi, ou kukusekasana chenyi,
6kaha vakwavo vakwachile vaze vandungo jenyi, vavasawile nakuvajiha.
7Jino uze mwangana apihililile chikuma, kaha atumine maswalale nakunongesa vaze vaka-kujiha vatu nakwocha limbo lyavo lyakembwe.
8Haze vene himwavamba vandungo jenyi ngwenyi, Chifupawenga vanachilongesa lyehi, oloze vaze ngwasanyikile kavatamoko.
9Shikaho yenu kumakanyiko amikwakwa, veshovo namuwana valwezenu vezenga kuchifupawenga.
10Kaha vaze vandungo vayile kumikwakwa nakukungula vosena vawanyine, vavapi navamwenemwene. Kaha muzuvo yachifupawenga mwazalile navaze vákungwile.
11Oloze omu engililemo uze mwangana nakutala vaze vasendavalile kumesa, amwene mutu ázenekele kuvwala uvwalo wachifupawenga.
12Kaha amuhulishile ngwenyi, #20:13; 26:50Ove mukwetu, unengila ngachilihi muno chakuzeneka uvwalo wachifupawenga? Oloze ikiye kamwene mwakukumbululako.
13Haze vene mwangana alwezele vaka-kuzata ngwenyi, Mukasenu kumavoko nakumahinji nakumumbila #8:12kusali mumilima yayinene. Muze namukapwanga kulila jimbimbi nakulingenjunga kumazo.
14Mwomwo ava vásanyika vapwa vavavulu, oloze ovo vasakula, vavandende.
Mutelo waKesale
(Mako 12:13-17; Luka 20:20-26)
15Haze vene vaFwaliseu vayile nakumutwama punga yamwakumutela kumazu enyi.
16Kaha vamutuminyine tumbaji twavo hamwe navaka-Helote nakwamba ngwavo, Ove Muka-kunangula, tunatachikiza ngwetu umuka-muchano, weji kunangulanga jila yaKalunga mwamuchano, keshi hakwivwisa vatu kuwahako, mwomwo kawatwama nachihandwako.
17Shikaho tulweze kushinganyeka chove. Mwaya Jishimbi, chatamo kutela kuli Kesale tahi nyi chiku?
18Oloze Yesu hakutachikiza kupihya chavo, avambile ngwenyi, Muli nakungwesekela ika, enu vaka-kulyongela kwoloka?
19Tutalenu lumbongo lwamutelo. Kaha vamunehelele ndenali#22:19 Tala ha18:28..
20Ikiye avahulishile ngwenyi, Ou mutwe úliho navasona volaho vyeya?
21Vamukumbulwile ngwavo, VyaKesale. Kaha avambile ngwenyi, Shikaho #Loma 13:7vyaKesale muhanenunga Kesale, vyaKalunga nawa muhanenunga Kalunga.
22Jino omu vachivwile valikomokelele, kaha vamusezele nakuliyila.
VaSatuse nakusanguka chavafu
(Mako 12:18-27; Luka 20:27-40)
23Halikumbi lyolimwe vaSatuse, #Vili 4:1-2; 23:6-10vaze vamba ngwavo, Kakwatwama kusangukako, vejile kuli Ikiye. Kaha vamuhulishile ngwavo,
24Ove Muka-kunangula, Mose ambile ngwenyi,
#
Lush 25:5
Nge lunga mwafwa chakuzeneka kusema mwana napwevo lyenyi, ndumbwenyi ambate uze pwevo nakusangula mbuto yandumbwenyi.
25Jino mungalila yetu mwapwile malunga vatanu navavali mulijimo lyavo. Uze watete ambachile pwevo, kaha uze lunga afwile chakuzeneka kusema mwana, shikaho uze pwevo amuseleleleyo ndumbwenyi apwenga pwevo lyenyi.
26 Chapwile ngocho kuli uze wamuchivali nakuli uze wamuchitatu nawa, swi-i nakuli uze wamuchitanu navavali.
27Hakukuminyina, uze pwevo nawa afwile.
28Shikaho hakusanguka, mwakapwa pwevo lyaumwe ulihi hakachi kavaze vatanu navavali, hakupwa vosena vamumbachile?
29Oloze Yesu avakumbulwile ngwenyi, Munahungumuka, mwomwo kamwatachikiza Mazu-vasoneka-ajila, chipwe ngolo jaKalungako.
30Mwomwo kusali yakusanguka, kaveshi kukambata chipwe kuhangisa mapwevoko, oloze navakapwanga nge vangelo mwilu.
31Kaha hakuvuluka chihande chakusanguka chavafu, kamwatangile vize ahanjikile Kalunga kuli enuko tahi? Ngwenyi,
32 #
Kulo 3:6
Ami yami Kalunga kaApalahama,
Kalunga kaIsaka,
Kalunga kaYakova.
Shikaho kapwa Kalunga kavafuko, oloze kavavatonyi.
33Kaha omu lizavu lyachivwile, #7:28lyalikomokelele kunangula chenyi.
Lushimbi lwalulemu
(Mako 12:28-34)
34 #
22:34-40; Luka 10:25-28 Oloze omu vaFwaliseu vevwile ngwavo, vaSatuse navaholesa kulu, valikungulwile hamwe.
35Kaha minavo umwe, #Luka 7:30; 11:45; 14:3kúluwa muJishimbi, amuhulishile nakumweseka ngwenyi,
36Ove Muka-kunangula, haJishimbi josena lushimbi muka lwahambakana jikwavo?
37Amukumbulwile ngwenyi, Olu ngwavo,
#
Lush 6:5
Zanganga MWATA Kalunga kove
Namuchima wove wosena
Namwono wove wosena
Namangana ove osena.
38Olu lukiko lushimbi lwahambakana lwatete.
39Kaha lwamuchivali lwalifwana nalukiko, olu ngwavo.
#
19:19; Levi 19:18; Ngal 5:14; Loma 13:9; Yako 2:8 Zanganga mukwenu ngana omu walizanga ove ivene.
40 #
7:12
Hajishimbi jivali eji hakiko hakolela mikanda yaJishimbi yosena namazu avapolofweto osena.
Ou Kulishitu apwa Mwana iya?
(Mako 12:35-37; Luka 20:41-44)
41Jino omu vaFwaliseu valikungulwile hamwe, Yesu avahulishile ngwenyi,
42Nyi Kulishitu mwamushinganyeka muka? Apwa Mwana iya? Vamukumbulwile ngwavo, Apwa #9:27MwanaNdavichi.
43Kaha avahulishile ngwenyi, Nyi mujila muka amuvulukilile Ndavichi muli Shipilitu ngwenyi, Ikiye Mwata? Hakwamba ngwenyi,
44 #
Samu 110:1; Vili 2:34-35; Hepe 1:13 MWATA ambile Mwata wami ngwenyi,
Twamanga kulivoko lyami lyachilyo
#
1 Koli 15:25; Hepe 10:13 Palanga nomu nangukahaka vaka-kole jove mwishi yavilyachilo vyove.
45Shikaho nge Ndavichi amuvuluka ngwenyi, Ikiye Mwata, kaha mwapwa ngachilihi Mwanenyi?
46Kaha naumwe ahashile kumukumbulula lizu wauchi. Kaha #Mako 12:34; Luka 14:6; 20:40kufuma halikumbi lize naumwe wauchi ahasukile kumuhulisa cheka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia