Mateu 26
26
Punga yakujiha Yesu
(Mako 14:1-2; Luka 22:1-2; Yowa 11:45-53)
1Kaha #7:28; 11:1; 13:53; 19:1omu Yesu akumishile kuhanjika mazu osena awa, ambile tumbaji twenyi ngwenyi,
2Munatachikiza ngwenu namuhita makumbi avali numba chiwanyino chaKuzomboka chipwengako, kaha Mwanamutu navamuhana kumavoko avaka-kole nakumupapalila hakulusu.
3Haze vene vapilishitu vavalemu navakulwane javaYuleya vakungulukilile muchipango chakapilishitu wakulitulaho, Kayafwase.
4 #
12:14
Kaha vamutwamine Yesu punga vawane mwakumukwachila mujila yakwonga mangana vamujihe.
5Oloze vambile ngwavo, Kanda nachipwa hachiwanyinoko, kuchina kukatula chizungo muli vatu.
Yesu navamuwavisa kuMbetane
(Mako 14:3-9; Yowa 12:1-8)
6 #
26:6-13; Luka 7:37-39 Jino, omu Yesu ápwile kuMbetane muzuvo yaShimona uze vátomesele kumbumba,
7pwevo umwe ejile kuli Ikiye nasaji yalilolwa yamaji andando yayinene chikuma, nakuwahingunwina kumutwe waYesu haze ásendavalile kumesa.
8Oloze omu tumbaji twenyi vachimwene, vevwile kupihya chikuma, hinavamba ngwavo, Mwomwo ika nawenyekela ngana?
9Kachi vawalandululanga handando yayinene nakuhana vaka-kuhutwa#26:9 MuchiHelase ngwavo, Mwomwo chahashiwanga kuwalandulula handando yayinene nakuhana vaka-kuhutwa..
10Oloze Yesu hakuchitachikiza, avambile ngwenyi, Muli nakumuyanjishila ika ou pwevo? Nalingi mwamwaza kuli Ami.
11 #
Lush 15:11
Mwomwo vaka-kuhutwa mwatwama navo lika, oloze Ami kangweshi kutwama nayenu likako.
12Hakuhingunwina maji awa hamujimba wami, #Yowa 19:40nachilingila kunguwahisa chimweza shimbu kanda vangufunde.
13Mwamuchano nangumilweza ngwami, Kweshokwo navakambulwila ou mujimbu wamwaza hano hakaye hosena, echi nalingi ou pwevo navakachivuluka nakumwanukilaho.
Yuta mwalivwasana navaka-kole kuhana Yesu kumavoko avo
(Mako 14:10-11; Luka 22:3-6)
14Haze vene, umwe wavaze likumi navavali (12) vávulukilenga ngwavo, Yuta Isakalyote, ayile kuli vapilishitu vavalemu nakuvahulisa ngwenyi,
15Namwitavila kunguhana ika, nge nangumihanayo kumavoko enu? Kaha vamulavilile #Kulo 21:32; Zeka 11:12jimbongo japalata#26:15 Lumbongo lwapalata lwapwile kafwe nge shekele, fweto yamuka-kuzata hakuzata likumbi limwe kaha. Tala Mat 17:24. makumi atatu (30).
16Kaha kufuma haze atondelenga awane hakumuhanyina kumavoko avo.
Yesu mwalya chiwanyino chaKuzomboka natumbaji twenyi
(Mako 14:12-25; Luka 22:7-23; Yowa 13:21-30; 1 Koli 11:23-26)
17Jino halikumbi lyatete #Kulo 12:18-20lyachiwanyino chaJimbolo jakuzeneka Chimbalwila, tumbaji twenyi vapandamine kuli Yesu nakumuhulisa ngwavo, Kulihi unasake tukakulongesele ukalileko vyachiwanyino chaKuzomboka?
18Avambile ngwenyi, Yenu munganda kuli lunga#26:18 Tala mazu ahaMako 14:14; Luka 22:11 uwaneko omu vamuwanyinyine uze lunga. uze namuwana, kaha kamulwezenu ngwenu, Muka-kunangula nambe ngwenyi, #26:45; Yowa 7:6; 12:23; 13:1; 17:1Lwola lwami luli kwakamwihi. Nangulila chiwanyino chaKuzomboka muzuvo yove natumbaji twami.
19Kaha vaze tumbaji valingile ngana muze avalwezele Yesu, kaha #Lush 16:5-8valongesele chiwanyino chaKuzomboka.
20Kaha omu lyalaukile likumbi, asendavalile kumesa navaze likumi navavali (12).
21Omu vapwile nakulya, ambile ngwenyi, Mwamuchano nangumilweza ngwami, Umwe wenu mwanguhana kumavoko avaka-kole.
22Valinyengele chikumakuma, kaha vaputukile kumuhulisa, umwe naumwe, ngwavo, Ove Mwata, yami tahi?
23Oloze avakumbulwile ngwenyi, Ou natate halilonga nayAmi, ikiye vene ou mwanguhana kumavoko avaka-kole.
24Mwanamutu mwaya #Samu 41:9; Luka 24:25; 1 Koli 15:3; Vili 17:2-3ngana muze vasoneka hakumuvuluka. Oloze #18:7; Mako 14:21luvinda lwenyi mutu ou mwahana Mwanamutu kumavoko avaka-kole! Chawahile kachi mutu kana kasemukileko.
25Kaha Yuta, uze mwamuhana kumavoko avaka-kole, amuhulishile ngwenyi, Ove Lapi#26:25 Tala ha23:7., yami tahi? Amwambile ngwenyi, #26:64; 27:11; Luka 22:70; 23:3Mwomwo vene unambe.
26Jino omu vapwile nakulya chiwanyino chaKuzomboka, Yesu anonele mbolo. Kaha omu asakwililile#26:26 Chipwe ngwavo, Akiswile Kalunga., ayipuzwile nakuhana tumbaji twenyi nakwamba ngwenyi, Tambulenu, lyenu — ou mujimba wami.
27Kaha anonele lupasa, omu asakwililile, avahanyinelwo nakwamba ngwenyi, Nwenumo muvosena.
28Mwomwo #Hepe 9:20; Kulo 24:6-8awa manyinga ami achilongeselo-chalushiko-lwaKalunga, náwambweka #20:28hali vavavulu, #Mako 1:4akuneha kuvakonekela milonga yavo yashili.
29Nangumilweza ngwami, Kufuma oholili kangweshi kunwa cheka vyakumihako yamuvinyoko, palanga nakulikumbi lize nangukavinwa mwamuhya nayenu hamwe muwangana waTata.
30Kaha omu vembile mwaso wakwalisa, valovokele nakuya kupili yaMilive.
Yesu mwalweza Petulu ngwenyi, Naungukana
(Mako 14:26-31; Luka 22:31-34; Yowa 13:36-38)
31Haze vene Yesu avambile ngwenyi, Ufuku uno enu muvosena namufutuka mumichima nakuchina hakumona vize navisoloka hali Ami, mwomwo vasoneka ngwavo,
#
Zeka 13:7
Nangukaveta Kafunga,
Kaha #Yowa 16:32mikoko vakuutanga navakalimwanga.
32Oloze omu navakangusangula, #28:7, 10, 16; Mako 16:7nangukalivanga kulutwe lwenu nakuya kuNgalileya.
33Petulu amukumbulwile ngwenyi, Chipwe vosena navafutuka mumichima nakuchina havize navisoloka hali Ove, oloze ami kangweshi kwiza kukafutuka mumuchima nakuchinako.
34Yesu amwambile ngwenyi, Mwamuchano nangukulweza ngwami, ufuku uno vene, shimbu kanda ndemba asanyike, naukana katatu ngwove kawangutachikizako.
35Petulu amwambile ngwenyi, Chipwe nge kuvanga ngufwenga nayOve hamwe, kangweshi kukana ngwami kangwakutachikizako. Kaha tumbaji twenyi vosena vahanjikile mwomumwe.
Yesu mwalomba kuNgetesemane
(Mako 14:32-42; Luka 22:39-46)
36Haze vene Yesu ayile navo kumilemba yamilive vavuluka ngwavo, Ngetesemane. Kaha ambile tumbaji twenyi ngwenyi, Twamenu hano shimbu nanguya kuze nakulomba.
37Kaha omu ambachile #17:1; Mako 5:37Petulu navaze vana vaZevete vavali nakuya navo, Yesu aputukile kunyengetela chikuma nakupinda mumuchima wenyi.
38Haze vene avalwezele ngwenyi, #Yowa 12:27; Hepe 5:7-8Nguli nakulyonyinga chikuma mumwono wami, nge kufwa kaha. Salenu hano. Tonenu hamwe nayAmi.
39Hakuswenyako chachindende kulutwe, alimbilile chameso-hamavu nakulomba ngwenyi, Ove Tata, nge chinahase, #20:22; Yowa 18:11lupasa olu lungufume. Oloze chipwe ngocho, keshi munayi muchima wamiko, shina munayi muchima wove.
40Kaha ahilukile kuli tumbaji twenyi, kuvawana vali mutulo. Himwamba Petulu ngwenyi, Kumana kamwahashile kutona ola yimwe#26:40 Nge ngwavo, kufuma ku22:00 nakutwala ku23:00. nayAmiko?
41Tonenu nakulomba #6:13; Luka 11:4kuchina namwingila mukumyeseka — shipilitu yinasake vene, oloze mujimba wanyama unahehela.
42Ayile cheka nakulomba kamuchivali ngwenyi, Ove Tata, nge lupasa olu kalweshi kuhasa kungufumako, kuvanga ngulunwe, #Yowa 4:34; 5:30; 6:38kaha mwaya muchima wove mulingiwe.
43Omu ahilulukile cheka, kuvawana vali mutulo, mwomwo meso avo alemene natulo.
44Omu avasezele cheka, ayile nakulomba kamuchitatu nakuhanjika mazu oamwe.
45Haze vene ahilukile kuli tumbaji twenyi nakuvamba ngwenyi, Kumana hanga muchili mutulo nakunoka? Talenu, #26:18; Yowa 12:27; 13:1; 17:1lwola lunahete, kaha Mwanamutu hinavamuhana kumavoko avaka-shili.
46Katukenu, tuyenu. Talenu, ou mwanguhana kumavoko avaka-kole nahete.
Yesu navamuhana kumavoko avaka-kole
(Mako 14:43-50; Luka 22:47-53; Yowa 18:2-11)
47Shimbu Yesu apwile nakuhanjika, Yuta, umwe wavaze likumi navavali (12), ejile nalizavu lyavatu lyalinene kufuma kuli vapilishitu vavalemu navakulwane javaYuleya, vanambate jipoko jamikwale najingungulu.
48Oho, Yuta uze muka-kumuhana kumavoko avaka-kole, navalweze lyehi chinjikizo ngwenyi, Owo nángukasweswenya, Ikiye vene, kamukwatenu.
49Hahaze vene apandamine kuli Yesu nakumwamba ngwenyi, Ove Lapi#26:49 Tala ha23:7., vulye! Kaha amusweswenyele.
50Yesu amwambile ngwenyi, #20:13; 22:12Ove mukwetu, linga ocho unakatukila. Kaha haze vene vapandamine kuli Yesu, vamukwachile nakumukasa.
51Kaha kumana, umwe wavaze vapwile naYesu, asolomwene poko yamukwale, ngwenyi atape ndungo yakapilishitu wakulitulaho, kaha amuvatwile litwitwi.
52Haze vene Yesu amwambile ngwenyi, Someka poko yamukwale muchindalo chayo. Mwomwo #Kupu 9:6; Kuso 13:10veshovo navakwata kupoko yamukwale navakanonga kupoko yamukwale.
53Nyi unashinganyeka ngwove kangweshi kuhasa kulomba Tata mangana oholili vene atume jilengiyona#26:53 Lengiyona yapwa chendo chamaswalale chakuheta mumakombakaji atanu nalimwe (6,000). likumi najivali (72,000) javangeloko?
54 Nge nangulinga ngocho, kaha #26:24Mazu-vasoneka-ajila akwamba ngwavo kuvanga chisoloke, navawatesamo ngachilihi?
55Halwola luze, Yesu ambile aze mazavu ngwenyi, Munangulukuka najipoko jamikwale najingungulu nakungukwata, nge nguchihwanga?! #Mako 12:35; Luka 19:47; 20:1; 21:37; Yowa 7:14, 28; 8:2, 20; 18:20Ngunatwamenga muTembele hakumbi hakumbi nakunangula, oloze kamwangukwachileko.
56Oloze vyosena evi vinasoloka mangana Mazu-vasoneka-ajila avapolofweto vawatesemo.
Haze vene tumbaji twenyi vosena vamusezele nakuchina.
Yesu mwemana kumeso aKayafwase
(Mako 14:53-65; Luka 22:54, 63-71; Yowa 18:12-14, 19-24)
57Jino vaze vákwachile Yesu vamutwalile kuli kapilishitu wakulitulaho Kayafwase, kuze vakungulukilile vaka-kusoneka navakulwane javaYuleya.
58Oloze #Yowa 18:15Petulu apwile nakumukavangiza hahasuku swi-i nakuchipango chakapilishitu wakulitulaho, kaha engilile, atwamine hamwe navaka-kulama Tembele, amone mujila navikumina.
59Jino vapilishitu vavalemu nazango yavaYuleya#26:59 Tala ha5:22. yosena hinavatondatonda unjiho wamakuli wakuhishilaho Yesu mangana vamujihe,
60oloze kavauwanyineko, chipwe tuhu kwejile vinjiho vakwonga vavavulu. Hakukuminyina kwejile vavali nakwamba ngwavo,
61Ou ambile ngwenyi, #27:40; Mako 14:58; 15:29; Yowa 2:19Ngunahase kushiula Tembele yaKalunga nakuyitunga mumakumbi atatu.
62Kapilishitu wakulitulaho akatukile nakumuhulisa ngwenyi, Kaweshi namazu akukumbululako tahi? Unjiho kana wakukuwanyina mulonga vanahane ava, unayi mulihi?
63Oloze #27:12, 14; Yowa 19:9Yesu aholele kulu. Kaha #26:63-66; Luka 22:67-71kapilishitu wakulitulaho amwambile ngwenyi, #Levi 5:1Nangukulweza ngwami, lishinge #16:16Kalunga ayoya nakutulweza numba nge #27:11; Yowa 18:33Ove yove Kulishitu MwanaKalunga.
64Yesu amwambile ngwenyi, #26:25Mwomwo vene unambe. Oloze nangumilweza ngwami, Kufuma oholili
Namukamona Mwanamutu
#
28:18; Samu 110:1 Natwame kulivoko lyaNgolo#26:64 Ngolo, likiko lijina lyaKalunga lyakwinyika ngolo natwima naundume wenyi. lyachilyo,
#
16:28; Ndan 7:13 Ali nakwiza hamavwi amwilu.
65Haze vene kapilishitu wakulitulaho #Kula 14:6; Vili 14:14apulile uvwalo wenyi wahelu nakwamba ngwenyi, Nasaula Kalunga. Nyi ika natutondela vinjiho veka? Kwivwa, munevu omu nasaula Kalunga.
66 Enu munashinganyeka muka? Vamukumbulwile ngwavo, #Levi 24:16; Yowa 19:7Atela kufwa.
67 #
26:67-68; Luka 22:63-65 Haze vene #27:30; Mako 10:37vamufwijilile kumeso nakumulukula jikonyi. Kaha vamwe vamuvetele jimbanda nakumwamba ngwavo,
68Polofweta, Ove Kulishitu! Iya nakuvete?
Petulu mwakana Yesu
(Mako 14:66-72; Luka 22:55-62; Yowa 18:15-18, 25-27)
69Jino Petulu atwamine muchipango kuweluka wazuvo. Kaha ndungo wamwanapwevo apandamine kuli ikiye nakumwamba ngwenyi, Nayove nawa wapwanga naYesu wakuNgalileya.
70Oloze ikiye akanyine kumeso avosena ngwenyi, Ovyo unahanjika kangwavijivileko.
71Kaha omu ayile kuchikolo chachipango, ndungo wamwanapwevo mukwavo amumwene, kaha alwezele vaze vapwile kuze ngwenyi, Ou apwanga naYesu wakuNazaleta.
72Kaha akanyine cheka nakulishinga ngwenyi, Mutu kana kangwamwijivako.
73Omu hashimbwile chachindende, vaze vemanyineko vapandamine kuli Petulu nakumwamba ngwavo, Mwamuchano, nayove nawa wapwa umwe wavo, mwomwo hanjikiso yove yinakusolola.
74Haze vene aputukile kulyangula nakulishinga ngwenyi, Mutu kana kangwamwijivako. Hahaze vene ndemba asanyikile.
75Kaha Petulu himwanuka mazu aYesu akwamba ngwenyi, #26:34Shimbu kanda ndemba asanyike, naungukana katatu. Kaha alovokele haweluka nakulila nakulyonyinga.
Currently Selected:
Mateu 26: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Mateu 26
26
Punga yakujiha Yesu
(Mako 14:1-2; Luka 22:1-2; Yowa 11:45-53)
1Kaha #7:28; 11:1; 13:53; 19:1omu Yesu akumishile kuhanjika mazu osena awa, ambile tumbaji twenyi ngwenyi,
2Munatachikiza ngwenu namuhita makumbi avali numba chiwanyino chaKuzomboka chipwengako, kaha Mwanamutu navamuhana kumavoko avaka-kole nakumupapalila hakulusu.
3Haze vene vapilishitu vavalemu navakulwane javaYuleya vakungulukilile muchipango chakapilishitu wakulitulaho, Kayafwase.
4 #
12:14
Kaha vamutwamine Yesu punga vawane mwakumukwachila mujila yakwonga mangana vamujihe.
5Oloze vambile ngwavo, Kanda nachipwa hachiwanyinoko, kuchina kukatula chizungo muli vatu.
Yesu navamuwavisa kuMbetane
(Mako 14:3-9; Yowa 12:1-8)
6 #
26:6-13; Luka 7:37-39 Jino, omu Yesu ápwile kuMbetane muzuvo yaShimona uze vátomesele kumbumba,
7pwevo umwe ejile kuli Ikiye nasaji yalilolwa yamaji andando yayinene chikuma, nakuwahingunwina kumutwe waYesu haze ásendavalile kumesa.
8Oloze omu tumbaji twenyi vachimwene, vevwile kupihya chikuma, hinavamba ngwavo, Mwomwo ika nawenyekela ngana?
9Kachi vawalandululanga handando yayinene nakuhana vaka-kuhutwa#26:9 MuchiHelase ngwavo, Mwomwo chahashiwanga kuwalandulula handando yayinene nakuhana vaka-kuhutwa..
10Oloze Yesu hakuchitachikiza, avambile ngwenyi, Muli nakumuyanjishila ika ou pwevo? Nalingi mwamwaza kuli Ami.
11 #
Lush 15:11
Mwomwo vaka-kuhutwa mwatwama navo lika, oloze Ami kangweshi kutwama nayenu likako.
12Hakuhingunwina maji awa hamujimba wami, #Yowa 19:40nachilingila kunguwahisa chimweza shimbu kanda vangufunde.
13Mwamuchano nangumilweza ngwami, Kweshokwo navakambulwila ou mujimbu wamwaza hano hakaye hosena, echi nalingi ou pwevo navakachivuluka nakumwanukilaho.
Yuta mwalivwasana navaka-kole kuhana Yesu kumavoko avo
(Mako 14:10-11; Luka 22:3-6)
14Haze vene, umwe wavaze likumi navavali (12) vávulukilenga ngwavo, Yuta Isakalyote, ayile kuli vapilishitu vavalemu nakuvahulisa ngwenyi,
15Namwitavila kunguhana ika, nge nangumihanayo kumavoko enu? Kaha vamulavilile #Kulo 21:32; Zeka 11:12jimbongo japalata#26:15 Lumbongo lwapalata lwapwile kafwe nge shekele, fweto yamuka-kuzata hakuzata likumbi limwe kaha. Tala Mat 17:24. makumi atatu (30).
16Kaha kufuma haze atondelenga awane hakumuhanyina kumavoko avo.
Yesu mwalya chiwanyino chaKuzomboka natumbaji twenyi
(Mako 14:12-25; Luka 22:7-23; Yowa 13:21-30; 1 Koli 11:23-26)
17Jino halikumbi lyatete #Kulo 12:18-20lyachiwanyino chaJimbolo jakuzeneka Chimbalwila, tumbaji twenyi vapandamine kuli Yesu nakumuhulisa ngwavo, Kulihi unasake tukakulongesele ukalileko vyachiwanyino chaKuzomboka?
18Avambile ngwenyi, Yenu munganda kuli lunga#26:18 Tala mazu ahaMako 14:14; Luka 22:11 uwaneko omu vamuwanyinyine uze lunga. uze namuwana, kaha kamulwezenu ngwenu, Muka-kunangula nambe ngwenyi, #26:45; Yowa 7:6; 12:23; 13:1; 17:1Lwola lwami luli kwakamwihi. Nangulila chiwanyino chaKuzomboka muzuvo yove natumbaji twami.
19Kaha vaze tumbaji valingile ngana muze avalwezele Yesu, kaha #Lush 16:5-8valongesele chiwanyino chaKuzomboka.
20Kaha omu lyalaukile likumbi, asendavalile kumesa navaze likumi navavali (12).
21Omu vapwile nakulya, ambile ngwenyi, Mwamuchano nangumilweza ngwami, Umwe wenu mwanguhana kumavoko avaka-kole.
22Valinyengele chikumakuma, kaha vaputukile kumuhulisa, umwe naumwe, ngwavo, Ove Mwata, yami tahi?
23Oloze avakumbulwile ngwenyi, Ou natate halilonga nayAmi, ikiye vene ou mwanguhana kumavoko avaka-kole.
24Mwanamutu mwaya #Samu 41:9; Luka 24:25; 1 Koli 15:3; Vili 17:2-3ngana muze vasoneka hakumuvuluka. Oloze #18:7; Mako 14:21luvinda lwenyi mutu ou mwahana Mwanamutu kumavoko avaka-kole! Chawahile kachi mutu kana kasemukileko.
25Kaha Yuta, uze mwamuhana kumavoko avaka-kole, amuhulishile ngwenyi, Ove Lapi#26:25 Tala ha23:7., yami tahi? Amwambile ngwenyi, #26:64; 27:11; Luka 22:70; 23:3Mwomwo vene unambe.
26Jino omu vapwile nakulya chiwanyino chaKuzomboka, Yesu anonele mbolo. Kaha omu asakwililile#26:26 Chipwe ngwavo, Akiswile Kalunga., ayipuzwile nakuhana tumbaji twenyi nakwamba ngwenyi, Tambulenu, lyenu — ou mujimba wami.
27Kaha anonele lupasa, omu asakwililile, avahanyinelwo nakwamba ngwenyi, Nwenumo muvosena.
28Mwomwo #Hepe 9:20; Kulo 24:6-8awa manyinga ami achilongeselo-chalushiko-lwaKalunga, náwambweka #20:28hali vavavulu, #Mako 1:4akuneha kuvakonekela milonga yavo yashili.
29Nangumilweza ngwami, Kufuma oholili kangweshi kunwa cheka vyakumihako yamuvinyoko, palanga nakulikumbi lize nangukavinwa mwamuhya nayenu hamwe muwangana waTata.
30Kaha omu vembile mwaso wakwalisa, valovokele nakuya kupili yaMilive.
Yesu mwalweza Petulu ngwenyi, Naungukana
(Mako 14:26-31; Luka 22:31-34; Yowa 13:36-38)
31Haze vene Yesu avambile ngwenyi, Ufuku uno enu muvosena namufutuka mumichima nakuchina hakumona vize navisoloka hali Ami, mwomwo vasoneka ngwavo,
#
Zeka 13:7
Nangukaveta Kafunga,
Kaha #Yowa 16:32mikoko vakuutanga navakalimwanga.
32Oloze omu navakangusangula, #28:7, 10, 16; Mako 16:7nangukalivanga kulutwe lwenu nakuya kuNgalileya.
33Petulu amukumbulwile ngwenyi, Chipwe vosena navafutuka mumichima nakuchina havize navisoloka hali Ove, oloze ami kangweshi kwiza kukafutuka mumuchima nakuchinako.
34Yesu amwambile ngwenyi, Mwamuchano nangukulweza ngwami, ufuku uno vene, shimbu kanda ndemba asanyike, naukana katatu ngwove kawangutachikizako.
35Petulu amwambile ngwenyi, Chipwe nge kuvanga ngufwenga nayOve hamwe, kangweshi kukana ngwami kangwakutachikizako. Kaha tumbaji twenyi vosena vahanjikile mwomumwe.
Yesu mwalomba kuNgetesemane
(Mako 14:32-42; Luka 22:39-46)
36Haze vene Yesu ayile navo kumilemba yamilive vavuluka ngwavo, Ngetesemane. Kaha ambile tumbaji twenyi ngwenyi, Twamenu hano shimbu nanguya kuze nakulomba.
37Kaha omu ambachile #17:1; Mako 5:37Petulu navaze vana vaZevete vavali nakuya navo, Yesu aputukile kunyengetela chikuma nakupinda mumuchima wenyi.
38Haze vene avalwezele ngwenyi, #Yowa 12:27; Hepe 5:7-8Nguli nakulyonyinga chikuma mumwono wami, nge kufwa kaha. Salenu hano. Tonenu hamwe nayAmi.
39Hakuswenyako chachindende kulutwe, alimbilile chameso-hamavu nakulomba ngwenyi, Ove Tata, nge chinahase, #20:22; Yowa 18:11lupasa olu lungufume. Oloze chipwe ngocho, keshi munayi muchima wamiko, shina munayi muchima wove.
40Kaha ahilukile kuli tumbaji twenyi, kuvawana vali mutulo. Himwamba Petulu ngwenyi, Kumana kamwahashile kutona ola yimwe#26:40 Nge ngwavo, kufuma ku22:00 nakutwala ku23:00. nayAmiko?
41Tonenu nakulomba #6:13; Luka 11:4kuchina namwingila mukumyeseka — shipilitu yinasake vene, oloze mujimba wanyama unahehela.
42Ayile cheka nakulomba kamuchivali ngwenyi, Ove Tata, nge lupasa olu kalweshi kuhasa kungufumako, kuvanga ngulunwe, #Yowa 4:34; 5:30; 6:38kaha mwaya muchima wove mulingiwe.
43Omu ahilulukile cheka, kuvawana vali mutulo, mwomwo meso avo alemene natulo.
44Omu avasezele cheka, ayile nakulomba kamuchitatu nakuhanjika mazu oamwe.
45Haze vene ahilukile kuli tumbaji twenyi nakuvamba ngwenyi, Kumana hanga muchili mutulo nakunoka? Talenu, #26:18; Yowa 12:27; 13:1; 17:1lwola lunahete, kaha Mwanamutu hinavamuhana kumavoko avaka-shili.
46Katukenu, tuyenu. Talenu, ou mwanguhana kumavoko avaka-kole nahete.
Yesu navamuhana kumavoko avaka-kole
(Mako 14:43-50; Luka 22:47-53; Yowa 18:2-11)
47Shimbu Yesu apwile nakuhanjika, Yuta, umwe wavaze likumi navavali (12), ejile nalizavu lyavatu lyalinene kufuma kuli vapilishitu vavalemu navakulwane javaYuleya, vanambate jipoko jamikwale najingungulu.
48Oho, Yuta uze muka-kumuhana kumavoko avaka-kole, navalweze lyehi chinjikizo ngwenyi, Owo nángukasweswenya, Ikiye vene, kamukwatenu.
49Hahaze vene apandamine kuli Yesu nakumwamba ngwenyi, Ove Lapi#26:49 Tala ha23:7., vulye! Kaha amusweswenyele.
50Yesu amwambile ngwenyi, #20:13; 22:12Ove mukwetu, linga ocho unakatukila. Kaha haze vene vapandamine kuli Yesu, vamukwachile nakumukasa.
51Kaha kumana, umwe wavaze vapwile naYesu, asolomwene poko yamukwale, ngwenyi atape ndungo yakapilishitu wakulitulaho, kaha amuvatwile litwitwi.
52Haze vene Yesu amwambile ngwenyi, Someka poko yamukwale muchindalo chayo. Mwomwo #Kupu 9:6; Kuso 13:10veshovo navakwata kupoko yamukwale navakanonga kupoko yamukwale.
53Nyi unashinganyeka ngwove kangweshi kuhasa kulomba Tata mangana oholili vene atume jilengiyona#26:53 Lengiyona yapwa chendo chamaswalale chakuheta mumakombakaji atanu nalimwe (6,000). likumi najivali (72,000) javangeloko?
54 Nge nangulinga ngocho, kaha #26:24Mazu-vasoneka-ajila akwamba ngwavo kuvanga chisoloke, navawatesamo ngachilihi?
55Halwola luze, Yesu ambile aze mazavu ngwenyi, Munangulukuka najipoko jamikwale najingungulu nakungukwata, nge nguchihwanga?! #Mako 12:35; Luka 19:47; 20:1; 21:37; Yowa 7:14, 28; 8:2, 20; 18:20Ngunatwamenga muTembele hakumbi hakumbi nakunangula, oloze kamwangukwachileko.
56Oloze vyosena evi vinasoloka mangana Mazu-vasoneka-ajila avapolofweto vawatesemo.
Haze vene tumbaji twenyi vosena vamusezele nakuchina.
Yesu mwemana kumeso aKayafwase
(Mako 14:53-65; Luka 22:54, 63-71; Yowa 18:12-14, 19-24)
57Jino vaze vákwachile Yesu vamutwalile kuli kapilishitu wakulitulaho Kayafwase, kuze vakungulukilile vaka-kusoneka navakulwane javaYuleya.
58Oloze #Yowa 18:15Petulu apwile nakumukavangiza hahasuku swi-i nakuchipango chakapilishitu wakulitulaho, kaha engilile, atwamine hamwe navaka-kulama Tembele, amone mujila navikumina.
59Jino vapilishitu vavalemu nazango yavaYuleya#26:59 Tala ha5:22. yosena hinavatondatonda unjiho wamakuli wakuhishilaho Yesu mangana vamujihe,
60oloze kavauwanyineko, chipwe tuhu kwejile vinjiho vakwonga vavavulu. Hakukuminyina kwejile vavali nakwamba ngwavo,
61Ou ambile ngwenyi, #27:40; Mako 14:58; 15:29; Yowa 2:19Ngunahase kushiula Tembele yaKalunga nakuyitunga mumakumbi atatu.
62Kapilishitu wakulitulaho akatukile nakumuhulisa ngwenyi, Kaweshi namazu akukumbululako tahi? Unjiho kana wakukuwanyina mulonga vanahane ava, unayi mulihi?
63Oloze #27:12, 14; Yowa 19:9Yesu aholele kulu. Kaha #26:63-66; Luka 22:67-71kapilishitu wakulitulaho amwambile ngwenyi, #Levi 5:1Nangukulweza ngwami, lishinge #16:16Kalunga ayoya nakutulweza numba nge #27:11; Yowa 18:33Ove yove Kulishitu MwanaKalunga.
64Yesu amwambile ngwenyi, #26:25Mwomwo vene unambe. Oloze nangumilweza ngwami, Kufuma oholili
Namukamona Mwanamutu
#
28:18; Samu 110:1 Natwame kulivoko lyaNgolo#26:64 Ngolo, likiko lijina lyaKalunga lyakwinyika ngolo natwima naundume wenyi. lyachilyo,
#
16:28; Ndan 7:13 Ali nakwiza hamavwi amwilu.
65Haze vene kapilishitu wakulitulaho #Kula 14:6; Vili 14:14apulile uvwalo wenyi wahelu nakwamba ngwenyi, Nasaula Kalunga. Nyi ika natutondela vinjiho veka? Kwivwa, munevu omu nasaula Kalunga.
66 Enu munashinganyeka muka? Vamukumbulwile ngwavo, #Levi 24:16; Yowa 19:7Atela kufwa.
67 #
26:67-68; Luka 22:63-65 Haze vene #27:30; Mako 10:37vamufwijilile kumeso nakumulukula jikonyi. Kaha vamwe vamuvetele jimbanda nakumwamba ngwavo,
68Polofweta, Ove Kulishitu! Iya nakuvete?
Petulu mwakana Yesu
(Mako 14:66-72; Luka 22:55-62; Yowa 18:15-18, 25-27)
69Jino Petulu atwamine muchipango kuweluka wazuvo. Kaha ndungo wamwanapwevo apandamine kuli ikiye nakumwamba ngwenyi, Nayove nawa wapwanga naYesu wakuNgalileya.
70Oloze ikiye akanyine kumeso avosena ngwenyi, Ovyo unahanjika kangwavijivileko.
71Kaha omu ayile kuchikolo chachipango, ndungo wamwanapwevo mukwavo amumwene, kaha alwezele vaze vapwile kuze ngwenyi, Ou apwanga naYesu wakuNazaleta.
72Kaha akanyine cheka nakulishinga ngwenyi, Mutu kana kangwamwijivako.
73Omu hashimbwile chachindende, vaze vemanyineko vapandamine kuli Petulu nakumwamba ngwavo, Mwamuchano, nayove nawa wapwa umwe wavo, mwomwo hanjikiso yove yinakusolola.
74Haze vene aputukile kulyangula nakulishinga ngwenyi, Mutu kana kangwamwijivako. Hahaze vene ndemba asanyikile.
75Kaha Petulu himwanuka mazu aYesu akwamba ngwenyi, #26:34Shimbu kanda ndemba asanyike, naungukana katatu. Kaha alovokele haweluka nakulila nakulyonyinga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia