Mako 15
15
Yesu mwemana kumeso aPilatu
(Mat 27:1-2, 11-14; Luka 23:1-5; Yowa 18:28-38)
1 #
Mat 27:1-2; Luka 23:1; Yowa 18:28 Kaha hahaze vene, chimenemene, vapilishitu vavalemu navakulwane javaYuleya navaka-kusoneka nazango yavaYuleya yosena#15:1 Tala ha13:9. vatwamine punga, kaha vamukashile Yesu, vamutwalile nakumuhana kumavoko aPilatu.
2Kaha Pilatu amuhulishile ngwenyi, Ove yove Mwangana wavaYuleya tahi? Ikiye amukumbulwile ngwenyi, Mwomwo vene unambe.
3Kaha vapilishitu vavalemu vapwile nakwaula vyavivulu hachihande chenyi.
4Kaha Pilatu amuhulishile cheka ngwenyi, Kaweshi namazu akukumbululako tahi? Tala eyi milonga yayivulu ngana vali nakukutwika.
5Oloze cheka nawa, Yesu kamukumbulwileko, ngocho Pilatu alikomokelele.
Ngwavo, Yesu afwenga
(Mat 27:15-31; Luka 23:13-25; Yowa 18:38—19:16)
6Jino hachiwanyino chaKuzomboka, Pilatu apwilenga nakuvechela weshowo funge navalomba.
7Jino mukamenga mwapwile vaka-kulikanga vamwe vájihile vatu hakufumbukila chiyulo, kaha hali vaze hapwile umwe lijina lyenyi Mbalapa.
8Kaha lizavu lyavatu lyejile, vaputukile kulomba Pilatu mangana alinge ngana muze alingilenga.
9Jino Pilatu avahulishile ngwenyi, Munasake ngumyechele Mwangana wavaYuleya tahi?
10Mwomwo atachikijile ngwenyi vapilishitu vavalemu vanamuhane kumavoko enyi halisungu.
11Oloze vapilishitu vavalemu vasangumwine lize lizavu mangana #Vili 3:14avechele Mbalapa.
12Kaha Pilatu avambile cheka ngwenyi, Nyi munasake ngulinge muka nayOu mwavuluka ngwenu Mwangana wavaYuleya?
13Kaha vatambakanyine cheka ngwavo, Mupapalile hakulusu!
14Pilatu atwalilileho nakuvahulisa ngwenyi, Mwomwo ika? Kupihya muka nalingi? Oloze vakiko vahambakanyine kutambakana ngwavo, Mupapalile hakulusu!
15Jino Pilatu, hakusaka kwivwisa lizavu kuwaha, avechelele Mbalapa, kaha omu amwipwishile Yesu vikote, amuhanyine kumavoko avo mangana vamupapalile hakulusu.
Yesu navamuyanjisa kuli maswalale
(Mat 27:26-31)
16Jino maswalale vamutwalile Yesu mulilapa muze vavuluka ngwavo Peletolyume#15:16 Mukembwe yamaswalale mwapwile nawa zuvo yanguvulu.. Kaha vamukungulwilile chendo chamaswalale chosena#15:16 Chendo chamaswalale chapwile kafwe namaswalale 600..
17Vamuvwikile chikovelo chachisuku chawangana, chaulombo wausombo, kaha vavinjile muchama wamingonga nakumuvwikawo kumutwe.
18Vaputukile kumumenejeka nakalemesa ngwavo, Vulye! Ove Mwangana wavaYuleya!
19Kaha vamuvetele-vetele lukosa kumutwe nakumufwijila maleji, hinavamufukamina nakulifukula.
20Omu vakumishile kumuhenda, vamuzulile chize chikovelo chausombo nakumuvwika cheka uvwalo wenyi. Kaha vamulowele munganda vakamupapalile hakulusu.
Navapapalila Yesu hakulusu
(Mat 27:32-56; Luka 23:26-49; Yowa 19:17-30)
21 #
Mat 27:32; Luka 23:26 Vakanjikijile mutu ápwile nakulihichila, Shimona wakuKulene, ise yaAlekesande naLufuse, uze ápwile nakufuma kungalila yamawande, mangana amumbachile kulusu.
22Kaha vamutwalile kuNgolongota, kulumbununa ngwavo Chihela chaChikola.
23Vamuhanyine vinyo yakufutula namila#15:23 Mila yapwile vitumbo vyavisasu vyakuunjisa kukola., oloze kayinwineko.
24Kaha vamupapalilile hakulusu, #Samu 22:18; Yowa 19:24valipangilile uvwalo wenyi hakuutahisa navitaho mangana vamone ocho mwatambula mutu himutu.
25Hapwile halwola lwamuchitatu#15:25 Hakachi kachimene namulungu, ha09:00., kaha vamupapalile hakulusu.
26Kaha mulonga vamuhanyine vawolele halipulanga ngwavo,
#
Mat 27:37
MWANGANA WAVAYULEYA.
27Vihwanga vavali naIkiye vavapapalilile hajikulusu, umwe kuchilyo, mukwavo kuchimoswe.
28[Kaha Mazu-vasoneka-ajila ateselemo akwamba ngwavo,
#
Isa 53:12
Kaha vamulavilile hamwe navaka-kuzombwojoka jishimbi.]
29Kaha vaze váhichilenga kuze vamusawilenga nakupyakwojola mitwe yavo nakwamba ngwavo, Wo! #13:2; 14:58; Yowa 2:19Ove wamba kushiula Tembele nakuyitunga mumakumbi atatu,
30lilwile, suluka hakulusu!
31 #
Samu 22:7-8
Chochimwe nawa vapilishitu vavalemu navaka-kusoneka vamulangulwile ngwavo, Nalwilinga veka, oloze Ivene kahashile kulilwilako.
32Ikiye ngwenyi apwa Kulishitu, Mwangana wavaIsalele, asuluke jino hakulusu mangana tuchimone nakufwelela. #Mat 27:44; Luka 23:39-43Navaze vapapalilile hajikulusu naIkiye vamutolekele.
Kufwa chaYesu
(Mat 27:45-56; Luka 23:44-49; Yowa 19:28-30)
33Jino omu lwahetele lwola lwamuchitanu nalumwe#15:33 Hamulungu, ha12:00., hamavu hosena hejile milima kokolo palanga nakulwola lwamuchitanu najiwana#15:33 Hachiteuko, ha15:00..
34Kaha halwola lwamuchitanu najiwana, Yesu atambakanyine ngwenyi,
Eloi, Eloi, lama savakatanyi?
kuchilumbununa ngwenyi,
#
Samu 22:1
Ove Kalunga kami, Ove Kalunga kami, unangusuvila ika?
35Kaha vamwe vemanyine kuze hakuchivwa vambile ngwavo, Talenu, ali nakusanyika Elija.
36Kaha umwe alahile nakuvombeka mupelo#15:36 MuchiHelase ngwavo, Chiponja. Chiponja chapwile chachivwovu chakufwana nge mupelo, chamukukalungalwiji. #Samu 69:21muvinyo yingangamina#15:36 Vinyo yingangamina yapwile vinyo yayisamu, vanwinenga vatu vavavulu, yandando yayindende. Vamuhanyineyo Mwata hakumwivwila keke., automekele kuchitondo nakumuhana anwenga, himwamba ngwenyi, Mwechenu tutale nge Elija mweza nakumufumisaho.
37Yesu atambakanyine, kaha atulile mwono wenyi.
38 #
Mat 27:51; Luka 23:45; Hepe 10:19-20 Kaha lihina lyapimo yayinene lyakuvatasana muTembele lyapulikile muvihanda vivali, kufuma kwilu mbwe nakwishi.
39Jino uze kapitau kamaswalale#15:39 MuchiHelase ngwavo, Kapitau wakutwaminyina maswalale likulukaji (100). uze emanyine nakulitalasana nenyi hakumona mujila atulilile mwono wenyi, ambile ngwenyi, Mwamuchano Ou #1:11; 9:7Mutu apwanga vene MwanaKalunga.
40 #
15:40-41; Mat 27:55-56; Luka 23:49; Yowa 19:25 Kwapwile nawa mapwevo hahasuku nakutala, hakachi kavo hapwile naMaliya wakuMangatala, naSalome, naMaliya nevo yaYakova wakanyike naYose.
41Omu Yesu apwile muNgalileya, vakiko vamukavangijilenga nakumuzachila. #Luka 8:1-3Kaha kuze kuchihela vamupapalile hakulusu kwapwile nawa mapwevo vakwavo vavavulu vakandukile nenyi kuYelusalema.
Navasavalika Yesu muchimbumbe
(Mat 27:57-61; Luka 23:50-56; Yowa 19:38-42)
42 #
Lush 21:22-23
Hakulembalemba chalikumbi, hakupwa lyapwile likumbi lyakulongesa vyaSambata, shimbu kanda Sambata#15:42 Likumbi lyaSambata lyaputuka ha18:00 hachitanu, nakutwala ku18:00 haSateli.,
43Yosefwe wakuAlimateya, umwe wamulemu wamuzango yavaYuleya, naikiye nawa #Luka 2:25, 38atalililenga wangana waKalunga, omikile nakuya kuli Pilatu nakulomba mujimba waYesu.
44Pilatu alikomokelele hakwivwa ngwavo Yesu nafu lyehi, kaha asanyikile uze kapitau kamaswalale nakumuhulisa nge nafu lyehi chikupu.
45Jino omu chamulumbunukile hakumulweza kuli uze kapitau kamaswalale ngwenyi nafu lyehi, etavishile Yosefwe ambate mujimba#15:45 MuchiHelase ngwavo, Chivimbi. waYesu.
46Kaha Yosefwe alanjile lihina lyalinyu#15:46 Lihina lyalinyu, lyapwa lyamwaza chikuma, lyandando yayinene, lyakuvwala kuli mahando., amufumishileho nakumujingila halihina lyalinyu lize, kaha amusavalikile muchimbumbe chakutota mulilolwa. Kaha ashindumwinyine lilolwa kuchikolo chachimbumbe.
47Maliya wakuMangatala naMaliya naye yaYose vamwene muze vamusavalikile.
Currently Selected:
Mako 15: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Mako 15
15
Yesu mwemana kumeso aPilatu
(Mat 27:1-2, 11-14; Luka 23:1-5; Yowa 18:28-38)
1 #
Mat 27:1-2; Luka 23:1; Yowa 18:28 Kaha hahaze vene, chimenemene, vapilishitu vavalemu navakulwane javaYuleya navaka-kusoneka nazango yavaYuleya yosena#15:1 Tala ha13:9. vatwamine punga, kaha vamukashile Yesu, vamutwalile nakumuhana kumavoko aPilatu.
2Kaha Pilatu amuhulishile ngwenyi, Ove yove Mwangana wavaYuleya tahi? Ikiye amukumbulwile ngwenyi, Mwomwo vene unambe.
3Kaha vapilishitu vavalemu vapwile nakwaula vyavivulu hachihande chenyi.
4Kaha Pilatu amuhulishile cheka ngwenyi, Kaweshi namazu akukumbululako tahi? Tala eyi milonga yayivulu ngana vali nakukutwika.
5Oloze cheka nawa, Yesu kamukumbulwileko, ngocho Pilatu alikomokelele.
Ngwavo, Yesu afwenga
(Mat 27:15-31; Luka 23:13-25; Yowa 18:38—19:16)
6Jino hachiwanyino chaKuzomboka, Pilatu apwilenga nakuvechela weshowo funge navalomba.
7Jino mukamenga mwapwile vaka-kulikanga vamwe vájihile vatu hakufumbukila chiyulo, kaha hali vaze hapwile umwe lijina lyenyi Mbalapa.
8Kaha lizavu lyavatu lyejile, vaputukile kulomba Pilatu mangana alinge ngana muze alingilenga.
9Jino Pilatu avahulishile ngwenyi, Munasake ngumyechele Mwangana wavaYuleya tahi?
10Mwomwo atachikijile ngwenyi vapilishitu vavalemu vanamuhane kumavoko enyi halisungu.
11Oloze vapilishitu vavalemu vasangumwine lize lizavu mangana #Vili 3:14avechele Mbalapa.
12Kaha Pilatu avambile cheka ngwenyi, Nyi munasake ngulinge muka nayOu mwavuluka ngwenu Mwangana wavaYuleya?
13Kaha vatambakanyine cheka ngwavo, Mupapalile hakulusu!
14Pilatu atwalilileho nakuvahulisa ngwenyi, Mwomwo ika? Kupihya muka nalingi? Oloze vakiko vahambakanyine kutambakana ngwavo, Mupapalile hakulusu!
15Jino Pilatu, hakusaka kwivwisa lizavu kuwaha, avechelele Mbalapa, kaha omu amwipwishile Yesu vikote, amuhanyine kumavoko avo mangana vamupapalile hakulusu.
Yesu navamuyanjisa kuli maswalale
(Mat 27:26-31)
16Jino maswalale vamutwalile Yesu mulilapa muze vavuluka ngwavo Peletolyume#15:16 Mukembwe yamaswalale mwapwile nawa zuvo yanguvulu.. Kaha vamukungulwilile chendo chamaswalale chosena#15:16 Chendo chamaswalale chapwile kafwe namaswalale 600..
17Vamuvwikile chikovelo chachisuku chawangana, chaulombo wausombo, kaha vavinjile muchama wamingonga nakumuvwikawo kumutwe.
18Vaputukile kumumenejeka nakalemesa ngwavo, Vulye! Ove Mwangana wavaYuleya!
19Kaha vamuvetele-vetele lukosa kumutwe nakumufwijila maleji, hinavamufukamina nakulifukula.
20Omu vakumishile kumuhenda, vamuzulile chize chikovelo chausombo nakumuvwika cheka uvwalo wenyi. Kaha vamulowele munganda vakamupapalile hakulusu.
Navapapalila Yesu hakulusu
(Mat 27:32-56; Luka 23:26-49; Yowa 19:17-30)
21 #
Mat 27:32; Luka 23:26 Vakanjikijile mutu ápwile nakulihichila, Shimona wakuKulene, ise yaAlekesande naLufuse, uze ápwile nakufuma kungalila yamawande, mangana amumbachile kulusu.
22Kaha vamutwalile kuNgolongota, kulumbununa ngwavo Chihela chaChikola.
23Vamuhanyine vinyo yakufutula namila#15:23 Mila yapwile vitumbo vyavisasu vyakuunjisa kukola., oloze kayinwineko.
24Kaha vamupapalilile hakulusu, #Samu 22:18; Yowa 19:24valipangilile uvwalo wenyi hakuutahisa navitaho mangana vamone ocho mwatambula mutu himutu.
25Hapwile halwola lwamuchitatu#15:25 Hakachi kachimene namulungu, ha09:00., kaha vamupapalile hakulusu.
26Kaha mulonga vamuhanyine vawolele halipulanga ngwavo,
#
Mat 27:37
MWANGANA WAVAYULEYA.
27Vihwanga vavali naIkiye vavapapalilile hajikulusu, umwe kuchilyo, mukwavo kuchimoswe.
28[Kaha Mazu-vasoneka-ajila ateselemo akwamba ngwavo,
#
Isa 53:12
Kaha vamulavilile hamwe navaka-kuzombwojoka jishimbi.]
29Kaha vaze váhichilenga kuze vamusawilenga nakupyakwojola mitwe yavo nakwamba ngwavo, Wo! #13:2; 14:58; Yowa 2:19Ove wamba kushiula Tembele nakuyitunga mumakumbi atatu,
30lilwile, suluka hakulusu!
31 #
Samu 22:7-8
Chochimwe nawa vapilishitu vavalemu navaka-kusoneka vamulangulwile ngwavo, Nalwilinga veka, oloze Ivene kahashile kulilwilako.
32Ikiye ngwenyi apwa Kulishitu, Mwangana wavaIsalele, asuluke jino hakulusu mangana tuchimone nakufwelela. #Mat 27:44; Luka 23:39-43Navaze vapapalilile hajikulusu naIkiye vamutolekele.
Kufwa chaYesu
(Mat 27:45-56; Luka 23:44-49; Yowa 19:28-30)
33Jino omu lwahetele lwola lwamuchitanu nalumwe#15:33 Hamulungu, ha12:00., hamavu hosena hejile milima kokolo palanga nakulwola lwamuchitanu najiwana#15:33 Hachiteuko, ha15:00..
34Kaha halwola lwamuchitanu najiwana, Yesu atambakanyine ngwenyi,
Eloi, Eloi, lama savakatanyi?
kuchilumbununa ngwenyi,
#
Samu 22:1
Ove Kalunga kami, Ove Kalunga kami, unangusuvila ika?
35Kaha vamwe vemanyine kuze hakuchivwa vambile ngwavo, Talenu, ali nakusanyika Elija.
36Kaha umwe alahile nakuvombeka mupelo#15:36 MuchiHelase ngwavo, Chiponja. Chiponja chapwile chachivwovu chakufwana nge mupelo, chamukukalungalwiji. #Samu 69:21muvinyo yingangamina#15:36 Vinyo yingangamina yapwile vinyo yayisamu, vanwinenga vatu vavavulu, yandando yayindende. Vamuhanyineyo Mwata hakumwivwila keke., automekele kuchitondo nakumuhana anwenga, himwamba ngwenyi, Mwechenu tutale nge Elija mweza nakumufumisaho.
37Yesu atambakanyine, kaha atulile mwono wenyi.
38 #
Mat 27:51; Luka 23:45; Hepe 10:19-20 Kaha lihina lyapimo yayinene lyakuvatasana muTembele lyapulikile muvihanda vivali, kufuma kwilu mbwe nakwishi.
39Jino uze kapitau kamaswalale#15:39 MuchiHelase ngwavo, Kapitau wakutwaminyina maswalale likulukaji (100). uze emanyine nakulitalasana nenyi hakumona mujila atulilile mwono wenyi, ambile ngwenyi, Mwamuchano Ou #1:11; 9:7Mutu apwanga vene MwanaKalunga.
40 #
15:40-41; Mat 27:55-56; Luka 23:49; Yowa 19:25 Kwapwile nawa mapwevo hahasuku nakutala, hakachi kavo hapwile naMaliya wakuMangatala, naSalome, naMaliya nevo yaYakova wakanyike naYose.
41Omu Yesu apwile muNgalileya, vakiko vamukavangijilenga nakumuzachila. #Luka 8:1-3Kaha kuze kuchihela vamupapalile hakulusu kwapwile nawa mapwevo vakwavo vavavulu vakandukile nenyi kuYelusalema.
Navasavalika Yesu muchimbumbe
(Mat 27:57-61; Luka 23:50-56; Yowa 19:38-42)
42 #
Lush 21:22-23
Hakulembalemba chalikumbi, hakupwa lyapwile likumbi lyakulongesa vyaSambata, shimbu kanda Sambata#15:42 Likumbi lyaSambata lyaputuka ha18:00 hachitanu, nakutwala ku18:00 haSateli.,
43Yosefwe wakuAlimateya, umwe wamulemu wamuzango yavaYuleya, naikiye nawa #Luka 2:25, 38atalililenga wangana waKalunga, omikile nakuya kuli Pilatu nakulomba mujimba waYesu.
44Pilatu alikomokelele hakwivwa ngwavo Yesu nafu lyehi, kaha asanyikile uze kapitau kamaswalale nakumuhulisa nge nafu lyehi chikupu.
45Jino omu chamulumbunukile hakumulweza kuli uze kapitau kamaswalale ngwenyi nafu lyehi, etavishile Yosefwe ambate mujimba#15:45 MuchiHelase ngwavo, Chivimbi. waYesu.
46Kaha Yosefwe alanjile lihina lyalinyu#15:46 Lihina lyalinyu, lyapwa lyamwaza chikuma, lyandando yayinene, lyakuvwala kuli mahando., amufumishileho nakumujingila halihina lyalinyu lize, kaha amusavalikile muchimbumbe chakutota mulilolwa. Kaha ashindumwinyine lilolwa kuchikolo chachimbumbe.
47Maliya wakuMangatala naMaliya naye yaYose vamwene muze vamusavalikile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia