Mako 2
2
Yesu mwahindula muka-kalepa
(Mat 9:1-8; Luka 5:17-26)
1Omu mwahichile makumbi amwe Yesu ahilukile ku Kapelenau, kaha chevwakanyine ngwavo ali hembo muzuvo.
2Kaha mwalihomenene vatu vavavulu, ngocho kamwapwile chihelako, chipwe tuhu kuchikolo. Kaha apwile nakuvambulila mazu.
3Kaha vamunehelele muka-kalepa vambachile kuli vatu vawana.
4Jino omu vahonene kumuhetesa kuli Yesu mwomwo walize lizavu lyavatu lyapwile muzuvo, vapandumwine hamulungu wazuvo usunga nahaze ápwile, kaha omu vapandumwine, vazezumwine musela ásavalile uze muka-kalepa.
5Hakumona kufwelela chavo, Yesu ambile uze muka-kalepa ngwenyi, Ove mwanami, milonga yove yashili vanakukonekelayo.
6Oloze muze mwatwamine vaka-kusoneka vamwe, valihwojwele mumichima yavo ngwavo,
7Mwomwo ika nahanjikila ngocho? Ali nakusaula Kalunga. Iya mwahasa kukonekela vatu milonga yavo yashili, shina Kalunga kaha.
8Kaha hahaze vene, Yesu, hakutachikiza mushipilitu yenyi ngwenyi vali nakulihwojola mumichima yavo ngana, avahulishile ngwenyi, Mwomwo ika muli nakulihwojola vyangana mumichima yenu?
9Chachashi chikuma chilihi, kwamba ou muka-kalepa ngwami, Milonga yove yashili vanakukonekelayo, nyi ngwami, Katuka, mbata musela wove, utambuke?
10Oloze mangana mutachikize ngwenu, Mwanamutu ali nangolo jakukonekela vatu milonga yavo yashili hamavu — kaha himwamba uze muka-kalepa ngwenyi,
11Nangukwamba ngwami, Katuka, mbata musela wove, yako kuzuvo yove.
12Akatukile, kaha hahaze vene ambachile musela wenyi, alovokele kumeso avosena. Ngocho vosena valikomokelele, valishile Kalunga haupahu wenyi, nakwamba ngwavo, #Mat 9:33Kanda tumonengaho lyehi chuma changana!
Yesu mwasanyika Levi
(Mat 9:9-13; Luka 5:27-32)
13Alovokele cheka nakuya kuchijiva, kaha lizavu lyosena lyejile kuli Ikiye, kaha avanangwile.
14Jino omu ápwile nakuhita, amwene Levi mwanaAlefweu natwame kwakutelesela. Amwambile ngwenyi, #Mat 8:22Ngukavangizenga. Kaha akatukile nakumukavangizanga.
15Kaha omu asendavalile kumesa muzuvo yaLevi, vaka-kutelesa navaka-shili vavavulu vasendavalile naYesu natumbaji twenyi, mwomwo kwapwile vavavulu vamukavangijilenga.
16Kaha vaka-kusoneka javaFwaliseu hakumona ali nakulya navaka-shili navaka-kutelesa, vambile tumbaji twenyi ngwavo, Mwomwo ika eji kulilanga hamwe navaka-kutelesa navaka-shili?
17Yesu hakuchivwa, avambile ngwenyi, Vavakangule kaveshi kutonda chimbukeko#2:17 Chipwe ngwavo, Ndotolo., shina vaze váli nakuviza kaha. Kangwejile nakusanyika vaka-kwolokako, shina vaka-shili kaha.
Navahulisa chihande chakulitwamina kulya
(Mat 9:14-17; Luka 5:33-39)
18Jino tumbaji twaYowano navaFwaliseu vapwilenga nakuzeneka kulya. Kaha vatu vejile nakumuhulisa ngwavo, Mwomwo ika tumbaji twaYowano natumbaji twavaFwaliseu veji kuzenekanga kulya, oloze tumbaji twove kavalitwamina kulyako?
19Kaha Yesu avakumbulwile ngwenyi, Masepa jamwenya-mwenga navazenekaa kulya shimbu mwenya-mwenga achili navo numba? Shimbu vachili namwenya-mwenga kaveshi kuhasa kuzeneka kulyako.
20Oloze #Luka 17:22; Mat 9:15nakukeza makumbi omu mwenya-mwenga navakavatambulayo, numbanyi halikumbi lize vakalitwamine kulya.
21Naumwe wauchi mwatongela chikamba chachihya hachikovelo chamwaka. Nge mwalinga ngocho, chize chikamba chachihya nachifumaho, hakutanya chize chamwaka, kaha uze muteta nautohwa chikuma.
22Kaha naumwe wauchi mwalongela vinyo yayihya mujituku jamwaka jamalambu. Nge mwalinga ngocho, yize vinyo nayituva jize jituku nakumwangala, najituku nawa najilyenyeka. Oloze vinyo yayihya veji kuyilongelanga mujituku jajihya.
Yesu apwa Mwata waSambata
(Mat 12:1-8; Luka 6:1-5)
23HaSambata yimwe, Yesu apwile nakupulasana mumande atiliku, kaha omu vapwile nakuhita, tumbaji twenyi vaputukile #Lush 28:25kuhelako mitwe yatiliku.
24Kaha vaFwaliseu vamuhulishile ngwavo, Tala, Mwomwo ika tumbaji twove vali nakulinga echi vajilika kulinga haSambata?
25Kaha avambile ngwenyi, Kumana kamwatanga muze alingile Ndavichi omu akalikijile nakwivwa zala, naikiye navaze apwile navoko, tahi,
26 #
1 Samw 21:1-6
engilile muzuvo yaKalunga (haze apwile Aviyatale kapilishitu wakulitulaho), nakulya Jimbolo jakutumbika kumeso aKalunga, nakuhanako nawa vaze apwile navo, echi mwaya Jishimbi kavetavisa kala mutu kuchilingako, shina vapilishitu kaha — kamwachivwako tahi?
27Kaha Yesu avambile ngwenyi, #Kulo 23:12; Lush 5:14Sambata vayitungilile mutu, keshi nge mutu vamutengelele Sambatako.
28Shikaho Mwanamutu apwa Mwata wavyosena naSambata nawa.
Currently Selected:
Mako 2: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Mako 2
2
Yesu mwahindula muka-kalepa
(Mat 9:1-8; Luka 5:17-26)
1Omu mwahichile makumbi amwe Yesu ahilukile ku Kapelenau, kaha chevwakanyine ngwavo ali hembo muzuvo.
2Kaha mwalihomenene vatu vavavulu, ngocho kamwapwile chihelako, chipwe tuhu kuchikolo. Kaha apwile nakuvambulila mazu.
3Kaha vamunehelele muka-kalepa vambachile kuli vatu vawana.
4Jino omu vahonene kumuhetesa kuli Yesu mwomwo walize lizavu lyavatu lyapwile muzuvo, vapandumwine hamulungu wazuvo usunga nahaze ápwile, kaha omu vapandumwine, vazezumwine musela ásavalile uze muka-kalepa.
5Hakumona kufwelela chavo, Yesu ambile uze muka-kalepa ngwenyi, Ove mwanami, milonga yove yashili vanakukonekelayo.
6Oloze muze mwatwamine vaka-kusoneka vamwe, valihwojwele mumichima yavo ngwavo,
7Mwomwo ika nahanjikila ngocho? Ali nakusaula Kalunga. Iya mwahasa kukonekela vatu milonga yavo yashili, shina Kalunga kaha.
8Kaha hahaze vene, Yesu, hakutachikiza mushipilitu yenyi ngwenyi vali nakulihwojola mumichima yavo ngana, avahulishile ngwenyi, Mwomwo ika muli nakulihwojola vyangana mumichima yenu?
9Chachashi chikuma chilihi, kwamba ou muka-kalepa ngwami, Milonga yove yashili vanakukonekelayo, nyi ngwami, Katuka, mbata musela wove, utambuke?
10Oloze mangana mutachikize ngwenu, Mwanamutu ali nangolo jakukonekela vatu milonga yavo yashili hamavu — kaha himwamba uze muka-kalepa ngwenyi,
11Nangukwamba ngwami, Katuka, mbata musela wove, yako kuzuvo yove.
12Akatukile, kaha hahaze vene ambachile musela wenyi, alovokele kumeso avosena. Ngocho vosena valikomokelele, valishile Kalunga haupahu wenyi, nakwamba ngwavo, #Mat 9:33Kanda tumonengaho lyehi chuma changana!
Yesu mwasanyika Levi
(Mat 9:9-13; Luka 5:27-32)
13Alovokele cheka nakuya kuchijiva, kaha lizavu lyosena lyejile kuli Ikiye, kaha avanangwile.
14Jino omu ápwile nakuhita, amwene Levi mwanaAlefweu natwame kwakutelesela. Amwambile ngwenyi, #Mat 8:22Ngukavangizenga. Kaha akatukile nakumukavangizanga.
15Kaha omu asendavalile kumesa muzuvo yaLevi, vaka-kutelesa navaka-shili vavavulu vasendavalile naYesu natumbaji twenyi, mwomwo kwapwile vavavulu vamukavangijilenga.
16Kaha vaka-kusoneka javaFwaliseu hakumona ali nakulya navaka-shili navaka-kutelesa, vambile tumbaji twenyi ngwavo, Mwomwo ika eji kulilanga hamwe navaka-kutelesa navaka-shili?
17Yesu hakuchivwa, avambile ngwenyi, Vavakangule kaveshi kutonda chimbukeko#2:17 Chipwe ngwavo, Ndotolo., shina vaze váli nakuviza kaha. Kangwejile nakusanyika vaka-kwolokako, shina vaka-shili kaha.
Navahulisa chihande chakulitwamina kulya
(Mat 9:14-17; Luka 5:33-39)
18Jino tumbaji twaYowano navaFwaliseu vapwilenga nakuzeneka kulya. Kaha vatu vejile nakumuhulisa ngwavo, Mwomwo ika tumbaji twaYowano natumbaji twavaFwaliseu veji kuzenekanga kulya, oloze tumbaji twove kavalitwamina kulyako?
19Kaha Yesu avakumbulwile ngwenyi, Masepa jamwenya-mwenga navazenekaa kulya shimbu mwenya-mwenga achili navo numba? Shimbu vachili namwenya-mwenga kaveshi kuhasa kuzeneka kulyako.
20Oloze #Luka 17:22; Mat 9:15nakukeza makumbi omu mwenya-mwenga navakavatambulayo, numbanyi halikumbi lize vakalitwamine kulya.
21Naumwe wauchi mwatongela chikamba chachihya hachikovelo chamwaka. Nge mwalinga ngocho, chize chikamba chachihya nachifumaho, hakutanya chize chamwaka, kaha uze muteta nautohwa chikuma.
22Kaha naumwe wauchi mwalongela vinyo yayihya mujituku jamwaka jamalambu. Nge mwalinga ngocho, yize vinyo nayituva jize jituku nakumwangala, najituku nawa najilyenyeka. Oloze vinyo yayihya veji kuyilongelanga mujituku jajihya.
Yesu apwa Mwata waSambata
(Mat 12:1-8; Luka 6:1-5)
23HaSambata yimwe, Yesu apwile nakupulasana mumande atiliku, kaha omu vapwile nakuhita, tumbaji twenyi vaputukile #Lush 28:25kuhelako mitwe yatiliku.
24Kaha vaFwaliseu vamuhulishile ngwavo, Tala, Mwomwo ika tumbaji twove vali nakulinga echi vajilika kulinga haSambata?
25Kaha avambile ngwenyi, Kumana kamwatanga muze alingile Ndavichi omu akalikijile nakwivwa zala, naikiye navaze apwile navoko, tahi,
26 #
1 Samw 21:1-6
engilile muzuvo yaKalunga (haze apwile Aviyatale kapilishitu wakulitulaho), nakulya Jimbolo jakutumbika kumeso aKalunga, nakuhanako nawa vaze apwile navo, echi mwaya Jishimbi kavetavisa kala mutu kuchilingako, shina vapilishitu kaha — kamwachivwako tahi?
27Kaha Yesu avambile ngwenyi, #Kulo 23:12; Lush 5:14Sambata vayitungilile mutu, keshi nge mutu vamutengelele Sambatako.
28Shikaho Mwanamutu apwa Mwata wavyosena naSambata nawa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia