Mako 4
4
Chishimo chamuka-kukuva
(Mat 13:1-23; Luka 8:4-15)
1Cheka nawa aputukile kunangwila kuchijiva, kaha kwahomenene lizavu lyalinene lyavatu nakumujingilika. Shikaho engilile muwato nakutwamamo haze hachijiva, kaha lize lizavu lyosena lyapwile kungenge yachijiva.
2Kaha apwile nakuvanangula vyuma vyavivulu muvishimo. Mukunangula chenyi avambile ngwenyi,
3Ivwenu! Muka-kukuva ayile nakukuva mbuto.
4Kaha omu apwile nakukuva, yimwe yaholokelele kukulo yajila, kaha tujila vejile nakuyilya.
5Yikwavo yaholokelele hamavu amalolwa, haze kahapwile mavu amavuluko. Kaha hahaze vene yasokele, mwomwo kayapwile hamavu amavuluko.
6Oloze omu lyazundukile likumbi, yapapukile, kaha hakuhona miji, yomine chau.
7Yikwavo yaholokelele mukachi kamingonga, kaha yize mingonga yakolele nakuyijiha.
8Kaha yikwavo yaholokelele mumavu amwaza nakwima manona — yakolele nakutohwa nakulovola manona — halinona hilinona, eli makumi atatu (30), eli makumi atanu nalimwe (60), eli likulukaji (100).
9Kaha ambile ngwenyi, #4:23; Mat 11:15Ou ali namatwitwi akwivwa, evwilile.
10Jino omu apwile uka wenyi#4:10 Halwola kana mayongomena anamuseze., vaze vamujingilikile navaze likumi navavali (12) vamuhulishile mwalumbunukila chishimo kana.
11Kaha avambile ngwenyi, Enu vanamihane kutachikiza mangana ápwile akusweka awangana waKalunga, oloze #1 Koli 5:12-13; Kolo 4:5; 1 Teso 4:12; 1 Chim 3:7 vaze vali kuwelukanyi, vyosena kuvanga muvishimo,
12mangana
#
Isa 6:9-10
Omu vali nakutala, vamone, oloze chizeneke kuvatumbunukila,
Omu vali nakwivwa, vevwenga, oloze chizeneke kuvalumbunukila,
Kuchina navakinduluka vavakonekele milonga yavo yashili.
13Avahulishile ngwenyi, Munazeneka kwivwishisa echi chishimo tahi? Nyi vishimo vyosena navikamilumbunukila ngachilihi?
14Muka-kukuva eji kukuvanga mazu.
15Jino ava vakiko vákukulo yajila, kuze vanakuu mazu — omu navevwa mazu, hahaze vene Satana mweza nakuhukula aze mazu vanakuu muli vakiko.
16 Mujila yoyimwe ava vakiko mavu amalolwa aze vákuvileho mbuto — omu navevwa mazu, hahaze vene navawatambula nakuwahilila.
17Kaha kaveshi namiji yakuzama muli vaveneko, oloze vanapu vatando yayindende kaha. Oloze hakumona makava chipwe kuvayanjishila hamazu, hahaze vene navaseza vyalufwelelo.
18Kaha vakwavo vakiko mavu ámingonga haze vákuvile mbuto — vaze navevwa mazu,
19oloze hakuzakamina #Mat 13:22vyamyaka yino, nakutangisa chaluheto, najipeha javyuma vyeka, hinavingila nakuhonesa mazu, kaha hinawazeneka kwima mihako.
20Kaha ava vakiko mavu amwaza haze vákuvile mbuto — vaze navevwa mazu nakuwatambula nakwima mihako, ava makumi atatu (30), ava makumi atanu nalimwe (60), ava likulukaji (100).
Chishimo chalinongo
(Luka 8:16-18)
21Kaha avahulishile ngwenyi, #Mat 5:15; Luka 8:16; 11:33Linongo veji kulinehanga nakulifwikila mumbángo, chipwe kulihaka mwishi yakahela numba? Kumana kaveshi kulihaka hachitumbikilo chalyoko?
22 #
Mat 10:26; Luka 8:17; 12:2 Mwomwo kakweshi chakuswamanako, kuvanga vakachisolole; chipwe chakusweka, kuvanga vakachisolole hatoma.
23 #
4:9; Mat 11:15 Weshowo ali namatwitwi akwivwa, evwilile.
24Kaha avambile ngwenyi, Nyingililenunga evi muli nakwivwa. #Mat 7:2; Luka 6:38Chesekelo mwéji kwesekelanga vakwenu, chikiko navakamyesekelaho nayenu, kaha navakamiwezelako nawa.
25 #
Mat 13:12; 25:29; Luka 8:18; 19:26 Mwomwo ou áli navyo navakamuwezelako, kaha ou keshi navyoko, chipwe chize áli nacho navakamutambulacho.
Chishimo chakukola chajimbuto
26 #
4:26-29; Mat 13:24-30 Kaha avambile ngwenyi, Wangana waKalunga unapu nge mutu mwakuva mbuto hamavu —
27mwasavala, mwahinduka naufuku namusana, kaha mbuto najisoka nakukola, oloze ikiye katachikiza omu najikolelako.
28Mavu eji kulisokeselanga mbuto avene, chakavanga mutombo, numba mutwe wamanona, numba manona akuhya.
29Oloze omu mbuto najihya, hahaze vene hinavajaha napoko, mwomwo ngonde yakwaha yinahete.
Chishimo chambuto yamusetale
(Mat 13:31-32; Luka 13:18-19)
30Ambile ngwenyi, Wangana waKalunga tuufwanyise naka? Nyi tuulumbunune nachishimo muka?
31Unafwane nge mbuto yamusetale, yikiko hakuyitumba mumavu yapwa yayindende chikuma kuhambakana jimbuto josena jahamavu.
32Oloze nge vanayitumbu lyehi nayikola nakutohwa kuhambakana vimbuto vikwavo vyosena, kaha chize chimbuto nachisoka mitango yayinene mangana tujila vahelu vahase kutunga maswa nakutwamanga mumuvule wayo.
Hafumine Yesu kuta vishimo
(Mat 13:34-35)
33Hakuzachisa vishimo vyavivulu vyakufwana ngana evi, avambulililenga mazu kutesa nomu vahashile kwivwishisa.
34 #
Mat 13:34; Yowa 10:6; 16:25 Kahanjikilenga navo chakuzeneka chishimoko, oloze kupenge alumbunwinyinenga tumbaji twenyi vyosena.
Yesu mwaunjisa nyamanganda
(Mat 8:23-27; Luka 8:22-25)
35Halikumbi lize, hakulauka chalikumbi, avambile ngwenyi, Tuzaukenu musali.
36Kaha omu tumbaji twenyi vasezele lize lizavu, vengilile muze muwato ápwile, hinavaya nenyi. Kaha kwapwile mato akwavo áyile naIkiye hamwe.
37Jino kwakatukile nyamanganda wamunene, kaha makimba apwile nakuzombwojokela muwato, ngocho wato wasakile kuvomba.
38Oloze Ikiye apwile kutongo yakunyima mutulo nasachila hamusau. Kaha vamuhindwile nakumwamba ngwavo, Ove Muka-kunangula, omu tuli nakusaka kunonga, kawachizakaminyineko tahi?
39Ahindukile nakuhanjikila yize peho nakwamba meya muchijiva ngwenyi, Unda! Hola kulu! Kaha peho yatulile, kwapwile kwalendele.
40Avahulishile ngwenyi, Mwomwo ika munevwila woma? Kumana noholili kamweshi nalufweleloko?
41Kaha vevwile woma waunene chikuma, hinavalihwojwola ngwavo, Ou apwa Iya, numba napeho nachijiva vimwononoke ngana?
Currently Selected:
Mako 4: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Mako 4
4
Chishimo chamuka-kukuva
(Mat 13:1-23; Luka 8:4-15)
1Cheka nawa aputukile kunangwila kuchijiva, kaha kwahomenene lizavu lyalinene lyavatu nakumujingilika. Shikaho engilile muwato nakutwamamo haze hachijiva, kaha lize lizavu lyosena lyapwile kungenge yachijiva.
2Kaha apwile nakuvanangula vyuma vyavivulu muvishimo. Mukunangula chenyi avambile ngwenyi,
3Ivwenu! Muka-kukuva ayile nakukuva mbuto.
4Kaha omu apwile nakukuva, yimwe yaholokelele kukulo yajila, kaha tujila vejile nakuyilya.
5Yikwavo yaholokelele hamavu amalolwa, haze kahapwile mavu amavuluko. Kaha hahaze vene yasokele, mwomwo kayapwile hamavu amavuluko.
6Oloze omu lyazundukile likumbi, yapapukile, kaha hakuhona miji, yomine chau.
7Yikwavo yaholokelele mukachi kamingonga, kaha yize mingonga yakolele nakuyijiha.
8Kaha yikwavo yaholokelele mumavu amwaza nakwima manona — yakolele nakutohwa nakulovola manona — halinona hilinona, eli makumi atatu (30), eli makumi atanu nalimwe (60), eli likulukaji (100).
9Kaha ambile ngwenyi, #4:23; Mat 11:15Ou ali namatwitwi akwivwa, evwilile.
10Jino omu apwile uka wenyi#4:10 Halwola kana mayongomena anamuseze., vaze vamujingilikile navaze likumi navavali (12) vamuhulishile mwalumbunukila chishimo kana.
11Kaha avambile ngwenyi, Enu vanamihane kutachikiza mangana ápwile akusweka awangana waKalunga, oloze #1 Koli 5:12-13; Kolo 4:5; 1 Teso 4:12; 1 Chim 3:7 vaze vali kuwelukanyi, vyosena kuvanga muvishimo,
12mangana
#
Isa 6:9-10
Omu vali nakutala, vamone, oloze chizeneke kuvatumbunukila,
Omu vali nakwivwa, vevwenga, oloze chizeneke kuvalumbunukila,
Kuchina navakinduluka vavakonekele milonga yavo yashili.
13Avahulishile ngwenyi, Munazeneka kwivwishisa echi chishimo tahi? Nyi vishimo vyosena navikamilumbunukila ngachilihi?
14Muka-kukuva eji kukuvanga mazu.
15Jino ava vakiko vákukulo yajila, kuze vanakuu mazu — omu navevwa mazu, hahaze vene Satana mweza nakuhukula aze mazu vanakuu muli vakiko.
16 Mujila yoyimwe ava vakiko mavu amalolwa aze vákuvileho mbuto — omu navevwa mazu, hahaze vene navawatambula nakuwahilila.
17Kaha kaveshi namiji yakuzama muli vaveneko, oloze vanapu vatando yayindende kaha. Oloze hakumona makava chipwe kuvayanjishila hamazu, hahaze vene navaseza vyalufwelelo.
18Kaha vakwavo vakiko mavu ámingonga haze vákuvile mbuto — vaze navevwa mazu,
19oloze hakuzakamina #Mat 13:22vyamyaka yino, nakutangisa chaluheto, najipeha javyuma vyeka, hinavingila nakuhonesa mazu, kaha hinawazeneka kwima mihako.
20Kaha ava vakiko mavu amwaza haze vákuvile mbuto — vaze navevwa mazu nakuwatambula nakwima mihako, ava makumi atatu (30), ava makumi atanu nalimwe (60), ava likulukaji (100).
Chishimo chalinongo
(Luka 8:16-18)
21Kaha avahulishile ngwenyi, #Mat 5:15; Luka 8:16; 11:33Linongo veji kulinehanga nakulifwikila mumbángo, chipwe kulihaka mwishi yakahela numba? Kumana kaveshi kulihaka hachitumbikilo chalyoko?
22 #
Mat 10:26; Luka 8:17; 12:2 Mwomwo kakweshi chakuswamanako, kuvanga vakachisolole; chipwe chakusweka, kuvanga vakachisolole hatoma.
23 #
4:9; Mat 11:15 Weshowo ali namatwitwi akwivwa, evwilile.
24Kaha avambile ngwenyi, Nyingililenunga evi muli nakwivwa. #Mat 7:2; Luka 6:38Chesekelo mwéji kwesekelanga vakwenu, chikiko navakamyesekelaho nayenu, kaha navakamiwezelako nawa.
25 #
Mat 13:12; 25:29; Luka 8:18; 19:26 Mwomwo ou áli navyo navakamuwezelako, kaha ou keshi navyoko, chipwe chize áli nacho navakamutambulacho.
Chishimo chakukola chajimbuto
26 #
4:26-29; Mat 13:24-30 Kaha avambile ngwenyi, Wangana waKalunga unapu nge mutu mwakuva mbuto hamavu —
27mwasavala, mwahinduka naufuku namusana, kaha mbuto najisoka nakukola, oloze ikiye katachikiza omu najikolelako.
28Mavu eji kulisokeselanga mbuto avene, chakavanga mutombo, numba mutwe wamanona, numba manona akuhya.
29Oloze omu mbuto najihya, hahaze vene hinavajaha napoko, mwomwo ngonde yakwaha yinahete.
Chishimo chambuto yamusetale
(Mat 13:31-32; Luka 13:18-19)
30Ambile ngwenyi, Wangana waKalunga tuufwanyise naka? Nyi tuulumbunune nachishimo muka?
31Unafwane nge mbuto yamusetale, yikiko hakuyitumba mumavu yapwa yayindende chikuma kuhambakana jimbuto josena jahamavu.
32Oloze nge vanayitumbu lyehi nayikola nakutohwa kuhambakana vimbuto vikwavo vyosena, kaha chize chimbuto nachisoka mitango yayinene mangana tujila vahelu vahase kutunga maswa nakutwamanga mumuvule wayo.
Hafumine Yesu kuta vishimo
(Mat 13:34-35)
33Hakuzachisa vishimo vyavivulu vyakufwana ngana evi, avambulililenga mazu kutesa nomu vahashile kwivwishisa.
34 #
Mat 13:34; Yowa 10:6; 16:25 Kahanjikilenga navo chakuzeneka chishimoko, oloze kupenge alumbunwinyinenga tumbaji twenyi vyosena.
Yesu mwaunjisa nyamanganda
(Mat 8:23-27; Luka 8:22-25)
35Halikumbi lize, hakulauka chalikumbi, avambile ngwenyi, Tuzaukenu musali.
36Kaha omu tumbaji twenyi vasezele lize lizavu, vengilile muze muwato ápwile, hinavaya nenyi. Kaha kwapwile mato akwavo áyile naIkiye hamwe.
37Jino kwakatukile nyamanganda wamunene, kaha makimba apwile nakuzombwojokela muwato, ngocho wato wasakile kuvomba.
38Oloze Ikiye apwile kutongo yakunyima mutulo nasachila hamusau. Kaha vamuhindwile nakumwamba ngwavo, Ove Muka-kunangula, omu tuli nakusaka kunonga, kawachizakaminyineko tahi?
39Ahindukile nakuhanjikila yize peho nakwamba meya muchijiva ngwenyi, Unda! Hola kulu! Kaha peho yatulile, kwapwile kwalendele.
40Avahulishile ngwenyi, Mwomwo ika munevwila woma? Kumana noholili kamweshi nalufweleloko?
41Kaha vevwile woma waunene chikuma, hinavalihwojwola ngwavo, Ou apwa Iya, numba napeho nachijiva vimwononoke ngana?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia