Mako 6
6
Yesu navamukana kuNazaleta
(Mat 13:53-58; Luka 4:16-30)
1Afumine kuze nakuya kwimbo lyenyi, kaha tumbaji twenyi vamukavile.
2 #
1:21
Kaha haSambata, aputukile kunangula musunangonga#6:2 Tala ha1:21., kaha vavavulu hakumwivwa #Mat 7:28valikomokelele nakulihwojola ngwavo, Ou Mutu kana vyuma evi naviwane kulihi? Mangana muka vanamuhane? Nyi vilinga vyangolo vipwaha ngana ali nakuvilinga ngachilihi namavoko enyi?
3Ou, kumana keshi Ikiye uze muka-kusongako, mwanaMaliya, ukwechi vasongo jenyi vamalunga Yakova naYose naYuta naShimona? #Mat 13:56Kumana vasongo jenyi vamapwevo vosena katweshi navo kunoko? Kaha #Mat 11:6vamufutukilile.
4Yesu avambile ngwenyi, #Mat 13:57Kapolofweto vamulemesa kweka kaha, keshi mwimbo lyenyi, namuli vausoko wenyi, nakuzuvo yenyiko.
5 Hakulikanga chavo kahashile kulinga vilinga vyangolo kuzeko, shina #5:23; 7:32; 8:23kunangika mavoko kaha hali vaka-kuviza vavandende, nakuvahindula.
6Alikomokelele hakuzeneka chavo kufwelela.
#
1:39; Mat 9:35; Luka 13:22 Kaha ajingwojokelenga mumembo nakunangula.
Yesu mwatuma vaze likumi navavali (12)
(Mat 10:5-15; Luka 9:1-6)
7Asanyikile vaze likumi navavali (12) nakuvatuma#6:7 MuchiHelase ngwavo, aputukile kuvatuma. #Luka 10:1vavali vavali, nakuvahana wata hali vashipilitu vaunyengwe.
8Avalwezele vazeneke kumbata chuma chimwe nakuya nacho mujila yavo, shina mukombo kaha — vyakulya chiku, chipwe chola, chipwe jimbongo jaunengu muvikwama vyavo —
9oloze vakavwale mendelo, kaha nawa kanda vakavwala vikovelo vyavisuku vyamukachi vivaliko.
10Kaha avambile ngwenyi, Mweshomwo muzuvo namukengila, katwamenunga vene muze, palanga nomu namukafuma kuze.
11Kaha #Mat 10:14kweshokwo navakazeneka kumitambula, chipwe kumivwilila, enu hakufumako kalitotomonenu lukungu kuvilyachilo vyenu, chikapwe unjiho wakuvahishilaho.
12 #
Mat 11:1; Luka 9:6 Shikaho vayile nakwambulula mazu mangana vatu vakunyuke hashili nakwalumuka mumichima.
13Valowelenga vandemone vavavulu, #Yako 5:14vawavishilenga vaka-kuviza vavavulu maji nakuvahindula.
Kufwa chaYowano Muka-kujimika vatu
(Mat 14:1-12; Luka 9:7-9)
14Kaha mwangana Helote achivwile, mwomwo lijina lyaYesu lyayile puho. Kaha vamwe vambilenga ngwavo, Yowano Muka-kujimika vatu vanamusangula muvafu, hakiko vilinga vyangolo evi vili nakuzachiwila muli ikiye.
15Oloze vakwavo vambilenga ngwavo, #Mat 16:14Ikiye Elija. Veka nawa ngwavo, #Mat 21:11Kapolofweto nge umwe wavapolofweto vakumwaka.
16Oloze Helote hakuchivwa ambile ngwenyi, Yowano uze ngwátapile vanamusangula!
17Mwomwo shimbu kanda vyuma evi, Helote atumine maswalale nakukwata Yowano nakumuhaka mukamenga, mwomwo waHelochiya pwevo lyayayenyi Fwilipu, uze ámbachile.
18Mwomwo Yowano apwilenga nakumwamba Helote ngwenyi, Mwaya Jishimbi omu unambate pwevo lyayayove chapwa chijila.
19 Shikaho Helochiya amulaminyine koko, kaha asakilenga kumujiha, oloze kahashileko,
20mwomwo Helote evwilenga Yowano woma, hakutachikiza ngwenyi apwile lunga wakwoloka, wakujila nawa. Shikaho amulaminenga kanawa. Omu amwivwililenga, atatasanyinenga chikuma, oloze chipwe ngocho awahililenga hakumwivwilila.
21Jino kwasolokele kanyinyino. Halikumbi lyakwanuka kusemuka chenyi, Helote #Eseta 1:3; 2:18alongeselele vilolo jenyi vavalemu chiwanyino, natupitau twamaswalale navatwamina vamuNgalileya.
22Kaha omu mwana Helochiya wapwevo engilile nakukina, evwishile Helote kuwaha navaze vangeji jenyi nawa. Kaha mwangana ambile uze mwanapwevo ngwenyi, Ngulombe kala chuma unasake, kaha nangukuhanacho.
23Kaha alishingile ngwenyi, #Eseta 5:3, 6; 7:2Kala chuma naungulomba nangukuhanacho, chipwe tuhu kukupulilako wangana wami hakachi.
24Uze mwanapwevo alovokelemo nakuhulisa naye ngwenyi, Ngulombe ika? Naye amukumbulwile ngwenyi, Mutwe waYowano Muka-kujimika vatu.
25Hahaze vene engilile washi nakuya kuli mwangana, nakumulomba ngwenyi, Oholili vene, mutwe waYowano Muka-kujimika vatu ngunasake unguhanewo halilonga.
26Mwangana alinyengele chikumakuma, oloze hakulishinga chenyi kumeso avangeji jenyi, kasakile kumukanako.
27Kaha hahaze vene mwangana atumine chitapanga anehe mutwe waYowano. Ayile nakumutapa muze mukamenga,
28nakuneha mutwe wenyi halilonga nakuuhana uze mwanapwevo, kaha uze mwanapwevo auhanyine naye.
29Omu tumbaji twaYowano vachivwile, vejile nakumbata chivuvu chenyi nakuchisavalika muchimbumbe.
Yesu mwalisa liyongomena
(Mat 14:13-21; Luka 9:10-17; Yowa 6:1-14)
30 #
Luka 9:10
Kaha vaposetolo#6:30 Nge ngwavo, Ava vatuma, ngwavo, Valuwa. valikungulwilile kuli Yesu, vamwambulilile vyosena vize valingile navize vanangwile.
31Avambile ngwenyi, Tuyenu kwauka wetu kwakuhengama tukanokeko chachindende — mwomwo kwapwile vatu vavavulu, ava navaya, ava naveza, ngocho #3:20kavamwene nalwola lwakulyako.
32Kaha vafumine kuze muwato nakuya kwakuhengama.
33Jino omu vapwile nakuya, vatu vavavulu vavamwene kaha vavejivile, hinavalaha mutunda kufuma kumembo-akembwe osena, nakulivanga kuheta kuze vapwile nakuya shimbu vakiko kanda.
34Omu Yesu afumine muwato, #Mat 9:36amwene lizavu lyavatu lyalinene, kaha avevwililile keke, mwomwo vapwile nge mikoko vakuzeneka kafunga. Kaha aputukile kuvanangula vyuma vyavivulu.
35Kaha omu lyahungulukile likumbi, tumbaji twenyi vejile kuli Ikiye nakwamba ngwavo, Kuno kupambo, kaha nawa likumbi linahunguluka lyehi.
36Vasuule vayenga kwakumina membo namumembo mangana vakalande vyakulya.
37Oloze avakumbulwile ngwenyi, #2 Vamy 4:42-44Vahanenu vyakulya vene enu. Kaha vamuhulishile ngwavo, Tuyenga nakulanda jimbolo jajindenali#6:37 Ndenali yimwe yapwile fweto yamuka-kuzata yalikumbi limwe. makulukaji avali (200) tuvahane valyenga tahi?
38Avahulishile ngwenyi, Muli natumbolo tungahi? Yenu mutale. Kaha omu vatachikijile, vamulwezele ngwavo, Kuli tutanu, navaishi vavali.
39Kaha alwezele vosena vatwame mumazavu-mazavu hamwila ututa.
40Shikaho vatwamine mumazavu, aha likulukaji aha likulukaji (100 x 100), heka makumi atanu makumi atanu (50 x 50).
41Jino omu atambwile tuze tumbolo tutanu navaze vaishi vavali, atalile mwilu, #14:22; Mat 14:21; Luka 24:30-31asakwililile, apuzwile tuze tumbolo nakuhana tumbaji twenyi mangana vatutumbike kumeso avatu. Mwomumwe navaze vaishi vavali nawa avapangililile vatu vosena.
42Kaha vosena valile nakwikuta.
43Kaha vambachile vihanda vyajize jimbolo navaze vaishi nakuzalisa jimbángo likumi najivali.
44Vaze valile tuze tumbolo hakulava malunga vapwile makombakaji atanu (5,000).
Yesu mwatambuka hameya
(Mat 14:22-27; Yowa 6:15-21)
45Hahaze vene, Yesu alwezele tumbaji twenyi vengile muwato valivange kuya musali kuMbetesaita, shimbu Ivene apwile nakusuula lize lizavu.
46Omu alihandunwine navo, ayile kupili nakulomba.
47Kaha omu lyalaukile likumbi, uze wato wapwile hakachi kachijiva, Ikiye apwile kutunda uka wenyi.
48Kaha avamwene vali nakupindasana chikuma nakuvuwa, mwomwo vapwile nakukakisa peho. Jino shimbu kanda kuku lyakucha#6:48 MuchiHelase ngwavo, Kafwe hakachi ka04:00 na06:00., ayile kuli vakiko, ali nakutambuka hachijiva. Asakile kuvahambakana,
49oloze omu vamumwene ali nakutambuka hameya, vashinganyekele ngwavo mujimu, kaha vatetumukile,
50mwomwo vosena vamumwene, kaha vevwile woma. Oloze hahaze vene avambile ngwenyi, #Mat 9:2Likolezezenu, yami vene, #Mat 14:27kanda namwivwa womako.
51Kaha engilile muze muwato vapwile, kaha peho yatulile. Valikomokelele chikuma,
52 #
8:17
mwomwo chize chinjikizo chajize mbolo kachavalumbunukilileko, hakukaluhwa chamichima yavo.
Yesu mwahindula vaveji kuNgenesaleta
(Mat 14:34-36)
53 #
Yowa 6:24-25
Omu vazaukile vahetele mungalila yaNgenesaleta, kaha valimbikile wato kwakamwihi natunda.
54Kaha omu vafumine muwato, hahaze vene vatu vamutachikijile,
55kaha valahilile mungalila yize yosena jingulwishi nakuputuka kuneha-neha vaka-kuviza hamisela yavo, kuze vevwile ngwavo kukiko áli.
56Kaha kweshokwo atalikishile, chipwe mumembo, chipwe mumembo-akembwe, chipwe kwalenga membo, vasavalikilenga vaveji kuvilanjilo nakumulembelela ngwavo #3:10vakwate kaha chipwe #Mat 9:20kuzombo jaukundwilo wachikovelo chenyi chachisuku. Kaha veshovo vakwachileko vavahindwile.
Currently Selected:
Mako 6: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
Mako 6
6
Yesu navamukana kuNazaleta
(Mat 13:53-58; Luka 4:16-30)
1Afumine kuze nakuya kwimbo lyenyi, kaha tumbaji twenyi vamukavile.
2 #
1:21
Kaha haSambata, aputukile kunangula musunangonga#6:2 Tala ha1:21., kaha vavavulu hakumwivwa #Mat 7:28valikomokelele nakulihwojola ngwavo, Ou Mutu kana vyuma evi naviwane kulihi? Mangana muka vanamuhane? Nyi vilinga vyangolo vipwaha ngana ali nakuvilinga ngachilihi namavoko enyi?
3Ou, kumana keshi Ikiye uze muka-kusongako, mwanaMaliya, ukwechi vasongo jenyi vamalunga Yakova naYose naYuta naShimona? #Mat 13:56Kumana vasongo jenyi vamapwevo vosena katweshi navo kunoko? Kaha #Mat 11:6vamufutukilile.
4Yesu avambile ngwenyi, #Mat 13:57Kapolofweto vamulemesa kweka kaha, keshi mwimbo lyenyi, namuli vausoko wenyi, nakuzuvo yenyiko.
5 Hakulikanga chavo kahashile kulinga vilinga vyangolo kuzeko, shina #5:23; 7:32; 8:23kunangika mavoko kaha hali vaka-kuviza vavandende, nakuvahindula.
6Alikomokelele hakuzeneka chavo kufwelela.
#
1:39; Mat 9:35; Luka 13:22 Kaha ajingwojokelenga mumembo nakunangula.
Yesu mwatuma vaze likumi navavali (12)
(Mat 10:5-15; Luka 9:1-6)
7Asanyikile vaze likumi navavali (12) nakuvatuma#6:7 MuchiHelase ngwavo, aputukile kuvatuma. #Luka 10:1vavali vavali, nakuvahana wata hali vashipilitu vaunyengwe.
8Avalwezele vazeneke kumbata chuma chimwe nakuya nacho mujila yavo, shina mukombo kaha — vyakulya chiku, chipwe chola, chipwe jimbongo jaunengu muvikwama vyavo —
9oloze vakavwale mendelo, kaha nawa kanda vakavwala vikovelo vyavisuku vyamukachi vivaliko.
10Kaha avambile ngwenyi, Mweshomwo muzuvo namukengila, katwamenunga vene muze, palanga nomu namukafuma kuze.
11Kaha #Mat 10:14kweshokwo navakazeneka kumitambula, chipwe kumivwilila, enu hakufumako kalitotomonenu lukungu kuvilyachilo vyenu, chikapwe unjiho wakuvahishilaho.
12 #
Mat 11:1; Luka 9:6 Shikaho vayile nakwambulula mazu mangana vatu vakunyuke hashili nakwalumuka mumichima.
13Valowelenga vandemone vavavulu, #Yako 5:14vawavishilenga vaka-kuviza vavavulu maji nakuvahindula.
Kufwa chaYowano Muka-kujimika vatu
(Mat 14:1-12; Luka 9:7-9)
14Kaha mwangana Helote achivwile, mwomwo lijina lyaYesu lyayile puho. Kaha vamwe vambilenga ngwavo, Yowano Muka-kujimika vatu vanamusangula muvafu, hakiko vilinga vyangolo evi vili nakuzachiwila muli ikiye.
15Oloze vakwavo vambilenga ngwavo, #Mat 16:14Ikiye Elija. Veka nawa ngwavo, #Mat 21:11Kapolofweto nge umwe wavapolofweto vakumwaka.
16Oloze Helote hakuchivwa ambile ngwenyi, Yowano uze ngwátapile vanamusangula!
17Mwomwo shimbu kanda vyuma evi, Helote atumine maswalale nakukwata Yowano nakumuhaka mukamenga, mwomwo waHelochiya pwevo lyayayenyi Fwilipu, uze ámbachile.
18Mwomwo Yowano apwilenga nakumwamba Helote ngwenyi, Mwaya Jishimbi omu unambate pwevo lyayayove chapwa chijila.
19 Shikaho Helochiya amulaminyine koko, kaha asakilenga kumujiha, oloze kahashileko,
20mwomwo Helote evwilenga Yowano woma, hakutachikiza ngwenyi apwile lunga wakwoloka, wakujila nawa. Shikaho amulaminenga kanawa. Omu amwivwililenga, atatasanyinenga chikuma, oloze chipwe ngocho awahililenga hakumwivwilila.
21Jino kwasolokele kanyinyino. Halikumbi lyakwanuka kusemuka chenyi, Helote #Eseta 1:3; 2:18alongeselele vilolo jenyi vavalemu chiwanyino, natupitau twamaswalale navatwamina vamuNgalileya.
22Kaha omu mwana Helochiya wapwevo engilile nakukina, evwishile Helote kuwaha navaze vangeji jenyi nawa. Kaha mwangana ambile uze mwanapwevo ngwenyi, Ngulombe kala chuma unasake, kaha nangukuhanacho.
23Kaha alishingile ngwenyi, #Eseta 5:3, 6; 7:2Kala chuma naungulomba nangukuhanacho, chipwe tuhu kukupulilako wangana wami hakachi.
24Uze mwanapwevo alovokelemo nakuhulisa naye ngwenyi, Ngulombe ika? Naye amukumbulwile ngwenyi, Mutwe waYowano Muka-kujimika vatu.
25Hahaze vene engilile washi nakuya kuli mwangana, nakumulomba ngwenyi, Oholili vene, mutwe waYowano Muka-kujimika vatu ngunasake unguhanewo halilonga.
26Mwangana alinyengele chikumakuma, oloze hakulishinga chenyi kumeso avangeji jenyi, kasakile kumukanako.
27Kaha hahaze vene mwangana atumine chitapanga anehe mutwe waYowano. Ayile nakumutapa muze mukamenga,
28nakuneha mutwe wenyi halilonga nakuuhana uze mwanapwevo, kaha uze mwanapwevo auhanyine naye.
29Omu tumbaji twaYowano vachivwile, vejile nakumbata chivuvu chenyi nakuchisavalika muchimbumbe.
Yesu mwalisa liyongomena
(Mat 14:13-21; Luka 9:10-17; Yowa 6:1-14)
30 #
Luka 9:10
Kaha vaposetolo#6:30 Nge ngwavo, Ava vatuma, ngwavo, Valuwa. valikungulwilile kuli Yesu, vamwambulilile vyosena vize valingile navize vanangwile.
31Avambile ngwenyi, Tuyenu kwauka wetu kwakuhengama tukanokeko chachindende — mwomwo kwapwile vatu vavavulu, ava navaya, ava naveza, ngocho #3:20kavamwene nalwola lwakulyako.
32Kaha vafumine kuze muwato nakuya kwakuhengama.
33Jino omu vapwile nakuya, vatu vavavulu vavamwene kaha vavejivile, hinavalaha mutunda kufuma kumembo-akembwe osena, nakulivanga kuheta kuze vapwile nakuya shimbu vakiko kanda.
34Omu Yesu afumine muwato, #Mat 9:36amwene lizavu lyavatu lyalinene, kaha avevwililile keke, mwomwo vapwile nge mikoko vakuzeneka kafunga. Kaha aputukile kuvanangula vyuma vyavivulu.
35Kaha omu lyahungulukile likumbi, tumbaji twenyi vejile kuli Ikiye nakwamba ngwavo, Kuno kupambo, kaha nawa likumbi linahunguluka lyehi.
36Vasuule vayenga kwakumina membo namumembo mangana vakalande vyakulya.
37Oloze avakumbulwile ngwenyi, #2 Vamy 4:42-44Vahanenu vyakulya vene enu. Kaha vamuhulishile ngwavo, Tuyenga nakulanda jimbolo jajindenali#6:37 Ndenali yimwe yapwile fweto yamuka-kuzata yalikumbi limwe. makulukaji avali (200) tuvahane valyenga tahi?
38Avahulishile ngwenyi, Muli natumbolo tungahi? Yenu mutale. Kaha omu vatachikijile, vamulwezele ngwavo, Kuli tutanu, navaishi vavali.
39Kaha alwezele vosena vatwame mumazavu-mazavu hamwila ututa.
40Shikaho vatwamine mumazavu, aha likulukaji aha likulukaji (100 x 100), heka makumi atanu makumi atanu (50 x 50).
41Jino omu atambwile tuze tumbolo tutanu navaze vaishi vavali, atalile mwilu, #14:22; Mat 14:21; Luka 24:30-31asakwililile, apuzwile tuze tumbolo nakuhana tumbaji twenyi mangana vatutumbike kumeso avatu. Mwomumwe navaze vaishi vavali nawa avapangililile vatu vosena.
42Kaha vosena valile nakwikuta.
43Kaha vambachile vihanda vyajize jimbolo navaze vaishi nakuzalisa jimbángo likumi najivali.
44Vaze valile tuze tumbolo hakulava malunga vapwile makombakaji atanu (5,000).
Yesu mwatambuka hameya
(Mat 14:22-27; Yowa 6:15-21)
45Hahaze vene, Yesu alwezele tumbaji twenyi vengile muwato valivange kuya musali kuMbetesaita, shimbu Ivene apwile nakusuula lize lizavu.
46Omu alihandunwine navo, ayile kupili nakulomba.
47Kaha omu lyalaukile likumbi, uze wato wapwile hakachi kachijiva, Ikiye apwile kutunda uka wenyi.
48Kaha avamwene vali nakupindasana chikuma nakuvuwa, mwomwo vapwile nakukakisa peho. Jino shimbu kanda kuku lyakucha#6:48 MuchiHelase ngwavo, Kafwe hakachi ka04:00 na06:00., ayile kuli vakiko, ali nakutambuka hachijiva. Asakile kuvahambakana,
49oloze omu vamumwene ali nakutambuka hameya, vashinganyekele ngwavo mujimu, kaha vatetumukile,
50mwomwo vosena vamumwene, kaha vevwile woma. Oloze hahaze vene avambile ngwenyi, #Mat 9:2Likolezezenu, yami vene, #Mat 14:27kanda namwivwa womako.
51Kaha engilile muze muwato vapwile, kaha peho yatulile. Valikomokelele chikuma,
52 #
8:17
mwomwo chize chinjikizo chajize mbolo kachavalumbunukilileko, hakukaluhwa chamichima yavo.
Yesu mwahindula vaveji kuNgenesaleta
(Mat 14:34-36)
53 #
Yowa 6:24-25
Omu vazaukile vahetele mungalila yaNgenesaleta, kaha valimbikile wato kwakamwihi natunda.
54Kaha omu vafumine muwato, hahaze vene vatu vamutachikijile,
55kaha valahilile mungalila yize yosena jingulwishi nakuputuka kuneha-neha vaka-kuviza hamisela yavo, kuze vevwile ngwavo kukiko áli.
56Kaha kweshokwo atalikishile, chipwe mumembo, chipwe mumembo-akembwe, chipwe kwalenga membo, vasavalikilenga vaveji kuvilanjilo nakumulembelela ngwavo #3:10vakwate kaha chipwe #Mat 9:20kuzombo jaukundwilo wachikovelo chenyi chachisuku. Kaha veshovo vakwachileko vavahindwile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zambia