Genese 12
12
1Henohu Yehova wamwila dehi Abarama, nindi, Nyamukaku mwituŋa denu, nikudi antaŋa jeyi nikumutaŋa watata yeyi, wuyimwituŋa dinakakuleja; 2nakakwila muza weneni, nakakukiswila nkisu, ijina deyi nakaditohesha, antu akakoolekela kudeyi. 3Ana akakukiswilankisu, ami nakayikiswila nkisu; ona wakakushiŋa, ami nakamushiŋa; yisaka yaheseki yejima yakakoolekela kudeyi.
4Abarama yonyamuka nikunyamuka, mwomwamulejeliyi Yehova, Loti wayili nindi. Hanyamukiliyi Abarama muHarana washi kili munya kamakumi atanu nayedi nanyaka yitanu. 5Abarama wasendeli niŋodindi Sarayi, ni mwana kamana kwindi Loti, nimahetawu ejima apompesheluwu, niantu aheteluwu muHarana; anyamuka nikunyamuka nawu ayi mwituŋa daKenani, ni mwituŋa daKenani dimu mwashikiluwu. 6Abarama wahitili mwituŋa nichashikiliyi kwaShekemi, kumukula wakuMore. AKenani mwituŋa mwomwadiŋuwu. 7Yehova wadi mwekesheli kudi Abarama, wamwilili nindi, Anyaneyi nakayinka ituŋidi. Kwenoku hakutuŋa kameŋa kakunamutuŋila Yehova wadi mwekesheli kudi yena.
8Wafumini kwenoku hakuya kumpidi yekala hambadi yaBeteli yakumusela, yopopelaku niitenti dindi, Beteli kumujika, Ayi kumusela, yena hakachi; kwenoku hakunamutuŋila Yehova kameŋa, liakutambika niijina daYehova. 9Abarama hakwenda, yoyaŋa tuhu nakutalisha kukabetaka kuchidiilu. 10Mwituŋa mwaholokeli nzala. Abarama hakuya muEjipitu nakusha kamaku, muloŋa nzala yaswejeli mwituŋa. 11Cheliliyi hakuya nakushika mwituŋa daEjipitu hakumwila Iŋodindi Sarayi, nindi, Ami neluka dehi eyi wumumbanda muwahi walubanji; 12chaka kumonawu aEjipitu, akela nawu, Yeniwu diyi Iŋodindi; akanjaha, hakwila eyikweyi akakuleka mumi. 13Wuhoshaŋa mwani, neyi, nimuhelindi; kulondani shakami chachiwahi nibuli kumona kukala hadeyi, nakahandani kuhanda, kulonda akabuli kunjahila hamujimba weyi. 14Woho, chashikayi Abarama muEjipitu, aEjipitu amutala nimumbanda nawu waswejalubanji. 15Atulamba twaFwaro niwena amumweni, hiyakumuhameka kudi Fwaro; mumbanda amutwala nikumutwala mwitala daFwaro lwe. 16Yena hakumwila Abarama chachiwahi nanowu mumbanda; yohetani anyikoku, ni aŋombi, niayimbulu amayala, nianduŋu amayala, nianduŋu awambanda, niayimbulu awambanda, nianŋameli.
17Yehova wakatishili niFwaro niakwitala dindi chipupu chacheni, nanowu Sarayi iŋodambala daAbarama atambwiliyi. 18Fwaro wamu tambikili Abarama, nindi, Indi ichi hichumanyi chiwunaŋili? Walekelelidi kinleja neyi hiŋodami? 19Indi eyi wahoshelelidi neyi himuhelami, mwaka nimusumbulami; iŋodeyi owu, mutambuli, wudiyili kweyi. 20Fwaro wayilejeli antu indi amayala hansaŋu yindi; amutwalaku nimunjila yindi, niŋodindi niyuma yindi yejima.
Currently Selected:
Genese 12: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
Genese 12
12
1Henohu Yehova wamwila dehi Abarama, nindi, Nyamukaku mwituŋa denu, nikudi antaŋa jeyi nikumutaŋa watata yeyi, wuyimwituŋa dinakakuleja; 2nakakwila muza weneni, nakakukiswila nkisu, ijina deyi nakaditohesha, antu akakoolekela kudeyi. 3Ana akakukiswilankisu, ami nakayikiswila nkisu; ona wakakushiŋa, ami nakamushiŋa; yisaka yaheseki yejima yakakoolekela kudeyi.
4Abarama yonyamuka nikunyamuka, mwomwamulejeliyi Yehova, Loti wayili nindi. Hanyamukiliyi Abarama muHarana washi kili munya kamakumi atanu nayedi nanyaka yitanu. 5Abarama wasendeli niŋodindi Sarayi, ni mwana kamana kwindi Loti, nimahetawu ejima apompesheluwu, niantu aheteluwu muHarana; anyamuka nikunyamuka nawu ayi mwituŋa daKenani, ni mwituŋa daKenani dimu mwashikiluwu. 6Abarama wahitili mwituŋa nichashikiliyi kwaShekemi, kumukula wakuMore. AKenani mwituŋa mwomwadiŋuwu. 7Yehova wadi mwekesheli kudi Abarama, wamwilili nindi, Anyaneyi nakayinka ituŋidi. Kwenoku hakutuŋa kameŋa kakunamutuŋila Yehova wadi mwekesheli kudi yena.
8Wafumini kwenoku hakuya kumpidi yekala hambadi yaBeteli yakumusela, yopopelaku niitenti dindi, Beteli kumujika, Ayi kumusela, yena hakachi; kwenoku hakunamutuŋila Yehova kameŋa, liakutambika niijina daYehova. 9Abarama hakwenda, yoyaŋa tuhu nakutalisha kukabetaka kuchidiilu. 10Mwituŋa mwaholokeli nzala. Abarama hakuya muEjipitu nakusha kamaku, muloŋa nzala yaswejeli mwituŋa. 11Cheliliyi hakuya nakushika mwituŋa daEjipitu hakumwila Iŋodindi Sarayi, nindi, Ami neluka dehi eyi wumumbanda muwahi walubanji; 12chaka kumonawu aEjipitu, akela nawu, Yeniwu diyi Iŋodindi; akanjaha, hakwila eyikweyi akakuleka mumi. 13Wuhoshaŋa mwani, neyi, nimuhelindi; kulondani shakami chachiwahi nibuli kumona kukala hadeyi, nakahandani kuhanda, kulonda akabuli kunjahila hamujimba weyi. 14Woho, chashikayi Abarama muEjipitu, aEjipitu amutala nimumbanda nawu waswejalubanji. 15Atulamba twaFwaro niwena amumweni, hiyakumuhameka kudi Fwaro; mumbanda amutwala nikumutwala mwitala daFwaro lwe. 16Yena hakumwila Abarama chachiwahi nanowu mumbanda; yohetani anyikoku, ni aŋombi, niayimbulu amayala, nianduŋu amayala, nianduŋu awambanda, niayimbulu awambanda, nianŋameli.
17Yehova wakatishili niFwaro niakwitala dindi chipupu chacheni, nanowu Sarayi iŋodambala daAbarama atambwiliyi. 18Fwaro wamu tambikili Abarama, nindi, Indi ichi hichumanyi chiwunaŋili? Walekelelidi kinleja neyi hiŋodami? 19Indi eyi wahoshelelidi neyi himuhelami, mwaka nimusumbulami; iŋodeyi owu, mutambuli, wudiyili kweyi. 20Fwaro wayilejeli antu indi amayala hansaŋu yindi; amutwalaku nimunjila yindi, niŋodindi niyuma yindi yejima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.