Jenesesi 21
21
Baliwa wa Izaki
1Yehova ohoza mukamiheda Sara nnga mwawongele liye eto Yehova ohokwakwaneliheda nipangano naye na Sara molingana na mwemo mwapanganne liye. 2Abarahamu agamanle ulula, Sara ohokana vambani, mbala mwanapongwe, mokwakwanela na ora yenno nnga yawongile Mulugu.#Jenesesi 17:21 3Abarahamu ohonvaha mwanaye wenno ambanle liye na Sara nzina na Izaki.#21:3 Izaki: Nzina na Izaki tapulela teya. 4Izaki agakwakwanihile malambo matanu na mararu, Abarahamu ohomuinela nnga mwemo mwamurumele Mulugu. 5Tempu yenno yabaliwa Izaki, Abarahamu anna yaka 100. 6Evale Sara ohowonga eraga: <<Mulugu uhuditeyiha eto atu atene kavwa jatene jiireyile, anoteya vamohi na miyo.>> 7Sara eto ohowonga ira: <<Kalivo mutu afuna muwandela mamunaga Abarahamu ira: <Muhiyanawo Sara unoza akayena mwana mutete owamwa.> Mbwenye masiki mamunaga uulunleve, dihimbalela mwana.>>
Abarahamu ohomulanya muzaraye Agari vamohi na mwanaye Jomayili
8Izaki ohoulukula fiyeda hiya wamwa. Siku nenne Izaki ahiyile liye wamwa, Abarahamu ohomusakanyelaga pwando ilukulu. 9Mbwenye Sara ohomuona Jomayili mwana wenno Abarahamu ambanle liye na muIjipitu Agari amuteyaga Izaki. 10Na mwasa wenne, Sara ohomuwandelaga mamunaye Abarahamu eraga: <<Kamutamangiheni muzari ula vamohi na mwanayene. Mwasiwa hiyo nakwa kavali wandeya ira mwana wa muzari avahiwe pandi ya jorayela jihu vamohi na mwanaga Izaki!>>
11Abarahamu agavwile mazu a muhiyanaye, kaziveliwe nne vang'ono, mwasiwa na Jomayili wenne afuna liye mutamangiha ali eto mwanaye. 12Mbwenye Mulugu ohomuwandelaga Abarahamu eraga: <<Weyo kukumbanye zela mwanawo Jomayili vamohi na muzari wawo Agari. Urumele jejo jiwongile muhiyanawo Sara, mwasiwa mwa Izaki pu mwemo munafuna za kumela ahimawo a musogolro. 13Eto zela mwana wenno umbanle we na muzarawo, kukumbanye mwasiwa miyo nnosakanya ira akale nlogo nindimuwa mwasiwa na liyene gu mwanawo.>>
14Noira enne, mmetcheloni muwa na mabebehene, mulombwana Abarahamu ohovenya, liye tukula pawu na kantilu osakanyiwa na tembe mwagali mahindje, liye nkapatchiha Agari. Eto ohonvaheda mwanaye ule, liye muruma ira adowege. Evale Agari agatamangihiwe, ohovenya apupuruwaga, awendaga muwari mwa kokola ya Beriseba. 15Kawendagave, mahindje mukantiluni mule kohofiyeda mwezo omala, aliwa kana ntona nohokala na masika. Evale Agari ohomuhiya mwanaye ule mutchindo mwa mwana nikupu eni. 16Liye susavo dowa sogolro, liye kala volapela vene na nimburo namuhiyile liye mwanaye ule, aumbuwelaga ira: <<Miyo kannafuna muing'anaga mwanaga akwaga.>> Evale ohogaratigi sogolro wa mwanole, liye tomola kuto roma nla. 17Na mwanaye wenne ohonlaga. Evale Mulugu ohovwa nla wanla mwanole. Mwa enne zulu mungelro wa Mulugu ohomuitanaga Agari eraga: <<Agari! Kodi unakukumuwela nni? Kuove mwasiwa Mulugu uhumala vwa nla wa mwanawo vevo vinafwanyeya liye. 18Kavenya wamutukule mwanawo ule umuhele mmandani mwawo, tchoira miyo nnoza dimukalihe babi wa nlogo nindimuwa.>> 19Noira eno, Mulugu ohomugudubulra Agari meso, liye ona isime ya mahindje. Evale ohotukulaga kantilu anna liye, dowa zaliha mahindje, liye mung'wiha mwanaye ule. 20-21Evale kohomaruwaga, aliwa dowa kalaga kokola ya Parani. Mulugu ohomusogolrelra mwanole fiyeda liye ulukula. Mwanole ali mutu owanda voka mafumo. Mmaye eto ohodowa muteliha na muhiyana mmohi wa ilambo ya Ijipitu.
Abarahamu ohosakanya nipangano na Abimeleki
22Mwa tempu yenne mulombwana Abimeleki#21:22 Abimeleki ali mwene wa aFilistewu. Nione Jenesesi 21:32, 26:1. na musogolrelri mundimuwa wa anyakondo aye aitaniwa Fikoli, kohodowaga wa mulombwana Abarahamu. Kagafiyile wa Abarahamu, Abimeleki ohowongaga eraga: <<Miyo nnaona ira Mulugu uli na weyo mwa jatene jinaira we. 23Nnauvepa ira na makalelo mamohive nnga upama nnauirela miyo, na wenne udiirele upama miyo vamohi na atu a ilambo yenna unakala we wagali mutu oza. Mwa eno, miyo nnouvepa ira peno veva ulumbele vamentoni va Mulugu ira kuza udinyenga miyo nari ahimaga dinna miyo nari azulaga.>> 24Evale Abarahamu ohorumelaga eraga: <<Miyo nnolumbela ira nnoirana.>>
25Evale Abarahamu ohomuwandela Abimeleki ira: <<So mbwenye yengo yahadizivenle tchoira anamalabawo bazile diwaka isime ya mahindje.>> 26Evale Abimeleki ohomuwakulaga Abarahamu eraga: <<Miyo kadimuiziwile wenno wirile jejo eto nne weyo kuzile diwandela. Miyo peno eni nnaroma wene vwa zela jejo.>> 27Noira enne, Abarahamu ohotukulaga mabila na ng'ombe, liye nvaha Abimeleki. Evale ambinlene kohosakanya yopangana ira kawandane.#21:27 Evale ambinlene kohosakanya yopangana ira kawandane. Abimeleki omuova Abarahamu mwasiwa liye ohoiziwa ira Mulugu omukamiheda muwari mwa jatene jahinda liye. Lumbelihana waira atu watapulela ira kawendege mwa murendele mwilamboni mwali atu, kahakayena wanawana nne zela ja isime jaireya jile jahaweleleye akoka.
28Evale mulombwana Abarahamu ohosakulraga mabila matanu na menli a ahiyana mwa jifuwo jaye jile, liye hiya ikukuru yewene. 29Mulombwana Abimeleki agaonne enne, ohonfuka Abarahamu eraga: <<Kodi mwasiwa gwa nni tukulaga mabila matanu na menli ala we hiyaga pandi yewene?>> 30Abarahamu ohomuwakulaga eraga: <<Mabila matanu na menli dihenle miyo pandi yewene ala, nnafuna duvahe para ikale umboni ira isimela tchaga#21:30 nnafuna duvahe para ikale umboni ira isimela tchaga: Mulombwana Abimeleki muwari mowatchela mabila na Abarahamu, ku wonga liye ohorumela ira isimele tcha Abarahamu. eto utimbile gu miyo.>> 31Kuma siku nenne, isimele kohoroma itana na nzina na Beriseba [ku wonga lumbela] mwasiwa ali nimburo nalumbenle Abarahamu na Abimeleki.
32Kagamanle sakanya yopangana yowandana Beriseba ule, Abimeleki vamohi na Fikoli musogolrelri mundimuwa wa anyakondo aye, kohovenyihana aliwa welela waniwa.#21:32 aliwa welela waniwa: Owu hehi aliwa welela mwilamboni mwa aFilistewu. Aliwa kavenyile mwilamboni mmohive emule. Kahi ira kakumile ilambo ya aFilistewu aliwa dowaga ilambo imohiwa nari. Tchoira Abarahamu eto na liyene afwanyeya mwilamboni mwa aFilistewu mmohive emule. Nona va kawongaga ira kohowelela waniwa. 33Abarahamu ohozalaga mutengo mmohi eni uneriwa tamarga Beriseba ule, liye lobelaga wewule na nzina na Yehova, Mulugu wa Mukalakala. 34Evale mulombwana Abarahamu ohomala tempu ilukulu ilambo ya aFilistewu ile agali mutu oza.
Currently Selected:
Jenesesi 21: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Jenesesi 21
21
Baliwa wa Izaki
1Yehova ohoza mukamiheda Sara nnga mwawongele liye eto Yehova ohokwakwaneliheda nipangano naye na Sara molingana na mwemo mwapanganne liye. 2Abarahamu agamanle ulula, Sara ohokana vambani, mbala mwanapongwe, mokwakwanela na ora yenno nnga yawongile Mulugu.#Jenesesi 17:21 3Abarahamu ohonvaha mwanaye wenno ambanle liye na Sara nzina na Izaki.#21:3 Izaki: Nzina na Izaki tapulela teya. 4Izaki agakwakwanihile malambo matanu na mararu, Abarahamu ohomuinela nnga mwemo mwamurumele Mulugu. 5Tempu yenno yabaliwa Izaki, Abarahamu anna yaka 100. 6Evale Sara ohowonga eraga: <<Mulugu uhuditeyiha eto atu atene kavwa jatene jiireyile, anoteya vamohi na miyo.>> 7Sara eto ohowonga ira: <<Kalivo mutu afuna muwandela mamunaga Abarahamu ira: <Muhiyanawo Sara unoza akayena mwana mutete owamwa.> Mbwenye masiki mamunaga uulunleve, dihimbalela mwana.>>
Abarahamu ohomulanya muzaraye Agari vamohi na mwanaye Jomayili
8Izaki ohoulukula fiyeda hiya wamwa. Siku nenne Izaki ahiyile liye wamwa, Abarahamu ohomusakanyelaga pwando ilukulu. 9Mbwenye Sara ohomuona Jomayili mwana wenno Abarahamu ambanle liye na muIjipitu Agari amuteyaga Izaki. 10Na mwasa wenne, Sara ohomuwandelaga mamunaye Abarahamu eraga: <<Kamutamangiheni muzari ula vamohi na mwanayene. Mwasiwa hiyo nakwa kavali wandeya ira mwana wa muzari avahiwe pandi ya jorayela jihu vamohi na mwanaga Izaki!>>
11Abarahamu agavwile mazu a muhiyanaye, kaziveliwe nne vang'ono, mwasiwa na Jomayili wenne afuna liye mutamangiha ali eto mwanaye. 12Mbwenye Mulugu ohomuwandelaga Abarahamu eraga: <<Weyo kukumbanye zela mwanawo Jomayili vamohi na muzari wawo Agari. Urumele jejo jiwongile muhiyanawo Sara, mwasiwa mwa Izaki pu mwemo munafuna za kumela ahimawo a musogolro. 13Eto zela mwana wenno umbanle we na muzarawo, kukumbanye mwasiwa miyo nnosakanya ira akale nlogo nindimuwa mwasiwa na liyene gu mwanawo.>>
14Noira enne, mmetcheloni muwa na mabebehene, mulombwana Abarahamu ohovenya, liye tukula pawu na kantilu osakanyiwa na tembe mwagali mahindje, liye nkapatchiha Agari. Eto ohonvaheda mwanaye ule, liye muruma ira adowege. Evale Agari agatamangihiwe, ohovenya apupuruwaga, awendaga muwari mwa kokola ya Beriseba. 15Kawendagave, mahindje mukantiluni mule kohofiyeda mwezo omala, aliwa kana ntona nohokala na masika. Evale Agari ohomuhiya mwanaye ule mutchindo mwa mwana nikupu eni. 16Liye susavo dowa sogolro, liye kala volapela vene na nimburo namuhiyile liye mwanaye ule, aumbuwelaga ira: <<Miyo kannafuna muing'anaga mwanaga akwaga.>> Evale ohogaratigi sogolro wa mwanole, liye tomola kuto roma nla. 17Na mwanaye wenne ohonlaga. Evale Mulugu ohovwa nla wanla mwanole. Mwa enne zulu mungelro wa Mulugu ohomuitanaga Agari eraga: <<Agari! Kodi unakukumuwela nni? Kuove mwasiwa Mulugu uhumala vwa nla wa mwanawo vevo vinafwanyeya liye. 18Kavenya wamutukule mwanawo ule umuhele mmandani mwawo, tchoira miyo nnoza dimukalihe babi wa nlogo nindimuwa.>> 19Noira eno, Mulugu ohomugudubulra Agari meso, liye ona isime ya mahindje. Evale ohotukulaga kantilu anna liye, dowa zaliha mahindje, liye mung'wiha mwanaye ule. 20-21Evale kohomaruwaga, aliwa dowa kalaga kokola ya Parani. Mulugu ohomusogolrelra mwanole fiyeda liye ulukula. Mwanole ali mutu owanda voka mafumo. Mmaye eto ohodowa muteliha na muhiyana mmohi wa ilambo ya Ijipitu.
Abarahamu ohosakanya nipangano na Abimeleki
22Mwa tempu yenne mulombwana Abimeleki#21:22 Abimeleki ali mwene wa aFilistewu. Nione Jenesesi 21:32, 26:1. na musogolrelri mundimuwa wa anyakondo aye aitaniwa Fikoli, kohodowaga wa mulombwana Abarahamu. Kagafiyile wa Abarahamu, Abimeleki ohowongaga eraga: <<Miyo nnaona ira Mulugu uli na weyo mwa jatene jinaira we. 23Nnauvepa ira na makalelo mamohive nnga upama nnauirela miyo, na wenne udiirele upama miyo vamohi na atu a ilambo yenna unakala we wagali mutu oza. Mwa eno, miyo nnouvepa ira peno veva ulumbele vamentoni va Mulugu ira kuza udinyenga miyo nari ahimaga dinna miyo nari azulaga.>> 24Evale Abarahamu ohorumelaga eraga: <<Miyo nnolumbela ira nnoirana.>>
25Evale Abarahamu ohomuwandela Abimeleki ira: <<So mbwenye yengo yahadizivenle tchoira anamalabawo bazile diwaka isime ya mahindje.>> 26Evale Abimeleki ohomuwakulaga Abarahamu eraga: <<Miyo kadimuiziwile wenno wirile jejo eto nne weyo kuzile diwandela. Miyo peno eni nnaroma wene vwa zela jejo.>> 27Noira enne, Abarahamu ohotukulaga mabila na ng'ombe, liye nvaha Abimeleki. Evale ambinlene kohosakanya yopangana ira kawandane.#21:27 Evale ambinlene kohosakanya yopangana ira kawandane. Abimeleki omuova Abarahamu mwasiwa liye ohoiziwa ira Mulugu omukamiheda muwari mwa jatene jahinda liye. Lumbelihana waira atu watapulela ira kawendege mwa murendele mwilamboni mwali atu, kahakayena wanawana nne zela ja isime jaireya jile jahaweleleye akoka.
28Evale mulombwana Abarahamu ohosakulraga mabila matanu na menli a ahiyana mwa jifuwo jaye jile, liye hiya ikukuru yewene. 29Mulombwana Abimeleki agaonne enne, ohonfuka Abarahamu eraga: <<Kodi mwasiwa gwa nni tukulaga mabila matanu na menli ala we hiyaga pandi yewene?>> 30Abarahamu ohomuwakulaga eraga: <<Mabila matanu na menli dihenle miyo pandi yewene ala, nnafuna duvahe para ikale umboni ira isimela tchaga#21:30 nnafuna duvahe para ikale umboni ira isimela tchaga: Mulombwana Abimeleki muwari mowatchela mabila na Abarahamu, ku wonga liye ohorumela ira isimele tcha Abarahamu. eto utimbile gu miyo.>> 31Kuma siku nenne, isimele kohoroma itana na nzina na Beriseba [ku wonga lumbela] mwasiwa ali nimburo nalumbenle Abarahamu na Abimeleki.
32Kagamanle sakanya yopangana yowandana Beriseba ule, Abimeleki vamohi na Fikoli musogolrelri mundimuwa wa anyakondo aye, kohovenyihana aliwa welela waniwa.#21:32 aliwa welela waniwa: Owu hehi aliwa welela mwilamboni mwa aFilistewu. Aliwa kavenyile mwilamboni mmohive emule. Kahi ira kakumile ilambo ya aFilistewu aliwa dowaga ilambo imohiwa nari. Tchoira Abarahamu eto na liyene afwanyeya mwilamboni mwa aFilistewu mmohive emule. Nona va kawongaga ira kohowelela waniwa. 33Abarahamu ohozalaga mutengo mmohi eni uneriwa tamarga Beriseba ule, liye lobelaga wewule na nzina na Yehova, Mulugu wa Mukalakala. 34Evale mulombwana Abarahamu ohomala tempu ilukulu ilambo ya aFilistewu ile agali mutu oza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral