Juwawu 1

Yesu Kiristu gupandutchile jatene voroma vene

1Voroma vene#1:1 Voroma vene: Ku wonga jatene jahanapandutchiwe. Nione Jenesesi 1:1. ohokalawo aitaniwa Mazu. Liye akala vamohi na Mulugu eto alive Mulugu. 2Kuma voroma vene, liye akalave vamohi na Mulugu. 3Jengo jatene jipandutchiwe muwari mwa liye. Kilivo yengo yahapandutchiwe mwa liye.

4Ingumi yali mwa liye.#1:4 Ingumi yali mwa liye. Muwari mwa mazwala anawonga ira Yesu ohavaha atu ingumi ixa. Muwari moavaha atu ingumi ixa, Yesu ohamoneya atu. Ku wonga mutu akala uli ahanamuroromele Yesu, unawenda okwene muisini. Mbwenye muwari mwa ingumi ixa Yesu unanvaha liye, Yesu unomoneya ndila yaye ira aiziwe makalelo anafuna liye wenda. Eto ingumi ile yali moneya para atu atene. 5Moneya unamoneya isi. Isi eto kinawanda timiha moneya.

Juwawu Mbatizi azele muhidedela umboni Moneya

6Ohokalawo mulombwana mmohi arumiwe na Mulugu, nzina naye ali Juwawu. 7Mulugu amurumile ira aze amuhidedele umboni Moneya ira atu atene kamuroromele muwari mwa liye. 8Juwawu kaali Moneya, nari. So liye azele muhidedela umboni Moneya, 9Moneya wa ibaribari wewo wafuna za mwilamboni ira waamoneye atu atene.

10Mwa enne Moneya wenno eto unafwanyeya agali Namapandutcha wa jatene ohoza mwilamboni ya vati. Mbwenye agazile, atu a ilambo ya vati kiwandile muiziwa. 11Liye azaga mwilamboni, aazela atu a nlogo naye eto aliwa tchamuwatchenle. 12Mbwenye zela wa atene kamuwatchenle, zela anne karoromenle nzina naye, liye uhavaha wandeya ira kakale ana Mulugu. 13Mbwenye ira aliwa kakale ana Mulugu, kuzenle muwari mobaliwa mwa sangiri owu mwa maningo, nne kuzenle muwari mofuna wa mutu. Mbwenye unazela mofuna mwa Mulugu.

14Mulombwana Mazu ohoza, liye wara maningo, kalaga vamohi na hiyo atu. Hiyo nihiona undimuwa waye ineriha liye gu Mwana mmohive wa Baba unafwanyeyana sayi dilukulu vamohi na ibaribari.

Umboni wa Juwawu Mbatizi zela Yesu

Matewuji 3:1-12; Markuji 1:1-8; Lukaji 3:1-18

15Juwawu ohomuhidedela umboni Yesu aawandelaga atu eraga: <<Gwenne damuwonga miyo diiraga: <Mundulri mwaga ukala mulombwana unafuna zamo, wenno unafwanyeya agali mundimuwa odikwaranya miyo, mwasiwa liye ohokalawo miyo dahanakalewo.> >>

Sayi da Mulugu dikumile muwari mwa Yesu hiya mmalamuloni

16Muwari mwa upama watene wa Yesu, hiyo atene nihifwanyamo sayi didjindji dene. 17Tchoira Malamulo kavahediwe mwa Mozeji. Mbwenye sayi vamohi na ibaribari ilukulu zela Mulugu kajikumile mwa malamulo. Jikumile mwa Yesu Kiristu.

18Kalivo ubabihile muona Mulugu Baba. Mbwenye umuiziweyihile gu Mwanaye mmohive wenno unafwanyeya agali Mulugu, wenno unakala wewo uli Mulugu Baba.

Juwawu Mbatizi ohofukiwa akala ali Namatikeliwa

19Siku nimohi andimuwa a aJudewu kafwanyeya Jeruzalemu koharuma anamakuta angasi angasi na aLevi afwiwa ira kadowe kanfuke Juwawu ira: <<Weyo uli ani?>> Evale aliwa kohovenyaga, aliwa dowa nfwanya Juwawu. 20Kaganfukile, Juwawu ohawandelaga mohokayikela eraga: <<Miyo kadili Namatikeliwa.>>#1:19-20 Namatikeliwa: Ku wonga mutu urumiwe na Mulugu. Ora yenno aJudewu kohoiziwa ira ukala Nvulusi afuna za. AJudewu eto kamuitana Nvulusi afuna za na nzina na Namatikeliwa nari Kiristu. Navwa Yesu Kiristu, inafwanela niiziwe ira unawongiwa gu Namatikeliwa mmohive wenno unafwanyeya agali Yesu. 21Vevale kohonfuka, aliwa ira: <<Nnga uli ani? Uli Eliya?>> Liye ohoira: <<Nari, miyo kadili Eliya.>> Evale atu kwi: <<Nnga uli Namafiyiheda unadedihiwa?>>#1:21 Namafiyiheda unadedihiwa: AIzarayeli kohokana yodediha ira: <<Ukalawo namafiyiheda mulukulu unafuna za.>> Tchoira Mozeji ohowonga ira: <<Mundulri mwaga ukala namafiyiheda unafuna za odikwaranya miyo. Aza, munvuruwane inafuna liye wonga.>> (Detoronomiyo 18:15,18) Namafiyiheda awongiwa kaali Juwawu mbwenye ali Yesu. (Joira ja Anamarumiwa 3:20-23) Liye ohowakula kwi: <<Hehi, kahi miyo.>>

22Mwa enne aliwa kohonfuka keraga: <<Nnga weyo uli ani? Hiyo niire rumiwa ira nufuke. Kaniwandele ira nafiya wa ale kanirumile, niwande awandela. Kodi weyo uli ani?>> 23Juwawu ohowakula ira: <<Miyo dili wenno amuwonga namafiyiheda Izaiya wanle ira: <Ukala nizu nnakuwa muisalesaleni niiraga: <<Wongolani rampa wa Nabwiya.>>> >> 24Aliba nfukale karumiwe na aFarizewu.#1:24 aFarizewu kali nikuru nimohi nafwanyeya muwari mwa aJudewu. Aliwa kali atu ozuzumela ja Mulugu na makalelo ohokala a masika. Aliwa eto baasogolrelra aJudewu afwiwa zela ja Mulugu. (Matewuji 23:2; Juwawu 3:1,10) Oindjiva mwa aliwa kafwanyeya kagali atu ovitukulela. (Matewuji 23:5-7) Yesu ohowonga mazu madjindji muwari moasumulula aFarizewu na mwasa wa joira jiwa. (Matewuji 23) Muwari mwa nikuru na aFarizewu, omuroromela Yesu tchali anene. 25Evale aliwa kohonfukagave keraga: <<We uni: <Miyo kadili Namatikeliwa, nne kadili Eliya, nne kadili Namafiyiheda>,#1:25 Keraga Namafiyiheda kahi ira anawonga zela namafiyeda wa burebure. Mbwenye anawonga zela Namafiyiheda wenno awongiwa na Mozeji. Nione Detoronomiyo 18:15-18. nnga unaabatizela nni atu?>> 26Juwawu ohawakula eraga: <<Miyo nnabatiza na mahindje. Mbwenye muwari mwa nyo ukala mundimuwa mwahamuiziwile nyo. 27Liye gwenno unafuna za mundulri mwaga, nne miyo kadili ofwanela tapula mingohi da sapato daye.>>#1:26-27 muwari mwa nyo ukala mundimuwa mwahamuiziwile nyo: Mazwala kinatapulela ira Yesu afwanyeya muwari mwa aliba fukale. Mbwenye awonga ira liye akala mwilamboni mwemo mwakala atu. Wanle andimuwa kohokana azari otapula sapato dewa. Ira Juwawu awonge ira: kadili ofwanela tapula mingohi da sapato daye ku wonga Juwawu aviona nnga ali oyevetchetcha bure, mutu ohofwanela kala namalaba wa Yesu na mwasa wa undimuwa wanna Yesu.

Juwawu ohatonyiheda atu ira Yesu gu mwana Nibila na Mulugu

28Jeji jaireyile tatamo ya Betaniya, yenno ili kombela ya muhindje Jordawu, wewo Juwawu waabatizetcha liye atu. 29Mmetcheloni muwa, Juwawu ohomuonaga Yesu azaga wali liye. Evale ohowongaga, liye ira: <<Kaing'anani! Mwana Nibila na Mulugu, neno nnatimiha yotega ya atu a ilambo ya vati, gwenne! 30Gwenne damuwonga miyo diiraga: <Mundulri mwaga ukala mulombwana unafuna zamo, odikwaranya miyo vano. Dikwaranya uwa, tchoira liye ohokalawo miyo dahanakalewo.> >>

31Juwawu ohowongagave eraga: <<Miyo wanle kadamuiziwile. Mbwenye para miyo za abatizaga atu na mahindje, ali ira aIzarayeli kamuiziwe.>> 32-33Eto Juwawu ohomuhidedela Yesu umboni eraga: <<Miyo wanle kadamuiziwile. Mbwenye wenno adirumile abatiza atu na mahindje, ohodiwandela ira: <Wenne unamuone we Munemba Otchena ammorelaga eto aza aimela vazulu vaye, uiziwe ira unafuna abatizaga atu na Munemba Otchena gwenno.> Mwa enne vazile liye dimbatizaga, dohomuona Munemba Otchena ammorelaga kumela zulu kalaga nnga kangayiwa, za imela vazulu vaye. Pa evo vamunonne miyo ira: <Mulugu amuwonga liye gwenna.> 34Na ibaribari miyo dihiona jatene jene eto nnohidedela umboni ira na ibaribari liye gu Mwana Mulugu.>>

Andire na Peduru kohogumana na Yesu

35Noira enne, mmetcheloni muwa, Juwawu agali vamohi na anamamuharaye ambinli, 36ohomuonaga Yesu aviraga. Evale Juwawu ohoiraga: <<Kaing'anani, mwana Nibila na Mulugu gwenne.>> 37Anamamuharaye ambinli ale kagavwile mazu anno, kohoromaga muhara Yesu. 38Yesu againg'anne mundulri, vaaonne liye kamuharaga, ohafukaga eraga: <<Nnga diharaga eni, ikala inafuna nyo?>> Evale aliwa kohoiraga: <<Rabi, so hiyo nera nufukeni, kodi munakala waani?>> (Rabi ku tapulela namafundjiha.) 39Yesu ohawakulaga eraga: <<Ndoweni mwaonevo.>> Evale kohoviraga vamohi, aliwa fiya nimburo neno nakala Yesu. Tempu yafiya atu wewule, yafwanyeya yagali 16 ora. Mwa enne anamamuhara ambinlale kohofiyeda garati vevale na Yesu siku nenne.

40Muwari mwa anamamuhara ambinli kavwile yowonga ya Juwawu, karoma muhara Yesu, mmohi ali Andire. Andire ule ohomukana mbalaye eriwa Simawu Peduru. 41Andire agakumile evale, mutu oroma anfwannye liye ali mbalaye Simawu. Aganfwannye ohomuwandelaga ira: <<Nihinfwanya Mesiya.>> (Mesiya ku wonga Namatikeliwa.) 42Evale Andire ohomudowana Simawu wa Yesu. Yesu agamuing'anne, ohowongaga ira: <<Weyo uli Simawu, mwana Juwawu. Mbwenye roma peno dowa sogolro, unaitaniwege Sefa.>> (Sefa tchi imohive no wonga Peduru. [Inatapulela nibwe.])

Natanayeli ohogumana na Yesu

43Mmetcheloni muwa Yesu ohomaruwa afunaga ira adowe Galileya. Mbwenye ahanadowe, ohonfwanya mulombwana mmohi eriwa Filipi. Aganfwannye ohomuwongana, liye ira: <<Kadiharege.>> 44Filipi ule waniwa ali sidadi ya Betisayida wewo wakumenle mulombwana Peduru na Andire. 45Filipi eto ohokana nfwaye eriwa Natanayeli. Agavwile mazu a Yesu oira: <<Kadiharege>>, ohodowaga nfwanya Natanayeli, liye ira: <<Hiyo nihimala nfwanya wenno amulrembile Mozeji mmalamuloni eto wenno amulrembile anamafiyiheda a wanle. Gu Yesu mwana Joze, nkuda Nazareti.>>

46Natanayeli mbwenye ohokayikela eraga: <<Kodi vihikala wandeya ira yengo yapama ikumele Nazareti?>> Evale Filipi ohomuwakulaga ira: <<Ndowemo waone.>>

47Yesu agamuonne Natanayeli azaga vali liye, ohowonga, liye ira: <<Kaing'anani, ula gu muIzarayeli wa ibaribari, ohowanganyedeya.>> 48Vevale Natanayeli ohonfukaga Yesu, liye ira: <<Nyo mudiiziwile waani?>> Yesu ohomuwakula, liye ira: <<Filipi ahanaufwanye, miyo dohovayela uona wagali mutchindo mwa mufigera.>>#1:48 Mufigera gu mutengo unakala nnga ha nantambu. So mbwenye jovaha jiwa, muwari muwa kamunakala nyelele nnga jinaira jovaha ja nantambu. Eto jinakala jovaha joziva pama. 49Evale Natanayeli ohoira: <<Namafundjiha, nyo muli Mwana Mulugu! Muli Mwene wa Izarayeli.>> 50Yesu ohomuwakula ira: <<Kodi uwandile diroromela na mwasa wa miyo uwandela ira duhuona wagali mutchindo mwa mufigera? Miyo nnouwandela ira jinafuna we ona jinokwaranya yotikiniha yenno iwongile miyo.>> 51Yesu ohowongagave eraga: <<Miyo nnafuna duwandeleni ibaribari. Nyo munoza muone zulu wagahuleyile, angelro a Mulugu katitaga, kazaga wa Mwana wa Mutu#1:50-51 Mwana wa Mutu: Yesu Kiristu awendaga mwilamboni ya vati, liye oviitanetcha Mwana wa Mutu. (Juwawu 3:13,14, 5:27, 6:27,53,62, 8:28, 9:35) Muwari moviitana Mwana wa Mutu, ku wonga Yesu ali mutu okwakwanela, okala nnga Adawu ahanamutegele Mulugu. Yesu aviitanaga Mwana wa Mutu ku tapulela ira liye gu mutu wa ibaribari hiya kala niguruguzu nohokana mabasa nnga atu otega. eto amohiwa kakumaga vali liye kagwelaga zulu akoka.>>

Currently Selected:

Juwawu 1: iLolo

Highlight

Copy