WALEWI 1
1
Shidaso shemaya modonyi
1Mndumii-Ruwa kalaha Mose, kadeda nao kuwuka kulya ihemenyi lyesanzia, kambia, 2“Deda na wana wa Waisraeli, nowawie, mndu o konu ili echiinenga Mndumii-Ruwa shiinengo, mochilekia shiinengo shanu sha shuma, kiidi kya mmbe na kiidi kya machondi.
3“Shiinengo shake kokoya nyi kidaso kemaya modonyi kya mmbe, nechilekia pung'a njiheṟemtsu; nechiende na alya mongo fo ihema lyesanzia, kundu naidikio oshangunyi lo Mndumii-Ruwa. 4Numa nahekie owoko loke huya mdo fo kidasokyo kemaya modonyi; nakyo kechiidikio kipfa kyake, iwika kisanza kipfa kyake. 5Nao nashinje mmbeyo oshangunyi lo Mndumii-Ruwa; numa wana wa Aroni wakohanyiwo wechiende samuyo hafui, na iolyia samuyo mbai ya rasio lii o mongo fo ihema lyesanzia. 6Numa nashinje kidaso kemaya modonyi na imanyamanya njohawi tsakyo. 7Numa wana wa mkohanyi Aroni, wechiwika modo huya rasio, wawike ngu huya modo, 8numa wana wa mkohanyi Aroni, wechiachikia njohawi tsilya tsa nyama, mdo foyo, na mafuda hayo huya ngutso tsii huya modo fui huya rasio. 9Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.
10“Kiinengo kyake kokoya nyi kyauka iponyi lya machondi ang'u lya mburu, kiwe kidaso kemaya modonyi; nechilekia kya kisoṟo kiheṟemtsu. 11Nao nechishinjia o ora lo rasionyi luambuye mtsudu oshangunyi lo Mndumii-Ruwa; na wana wa Aroni, wakohanyiwo, wechiolyia samu yakyo huya rasio njora tsose. 12Numa nechimanyamanya njohawi tsakyo, handu hamu na mdo fokyo, na mafuda hakyo numa mkohanyi naachikie njohawitso huya ngu tsii huya modo fui huya rasio; 13Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.
14“Shiinengo shake echiinenga Mndumii-Ruwa, shiwe shidaso shemaya modonyi, ko koya nyi shilehe, nlyondi echiende mwano foke kui mbeta ang'u malea ha mbeta. 15Numa mkohanyi nechikiende kufui na rasionyi, nao nechikiochohuo mdofo, na irumatsa na modo rasionyi, na samu yakyo yechiletsekia mbai ya rasio; 16numa nawutepfo nduuyo yakyo, handu hamu na mbosha tsiipfo natsikumbe mbai ya rasio ora lo ngamenyi, handu hai mafu. 17Numa napahuo makungoho hakyo, kyaindi nalamanjuo njohawi tsiwi; numa mkohanyi nairumatse modonyi huya rasio, huya ngu tsii huya modo; nyi kidaso kemaya modonyi, kidaso keseheṟia modonyi kya opfamo luchihiṟie Mndumii-Ruwa.”
Currently Selected:
WALEWI 1: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
WALEWI 1
1
Shidaso shemaya modonyi
1Mndumii-Ruwa kalaha Mose, kadeda nao kuwuka kulya ihemenyi lyesanzia, kambia, 2“Deda na wana wa Waisraeli, nowawie, mndu o konu ili echiinenga Mndumii-Ruwa shiinengo, mochilekia shiinengo shanu sha shuma, kiidi kya mmbe na kiidi kya machondi.
3“Shiinengo shake kokoya nyi kidaso kemaya modonyi kya mmbe, nechilekia pung'a njiheṟemtsu; nechiende na alya mongo fo ihema lyesanzia, kundu naidikio oshangunyi lo Mndumii-Ruwa. 4Numa nahekie owoko loke huya mdo fo kidasokyo kemaya modonyi; nakyo kechiidikio kipfa kyake, iwika kisanza kipfa kyake. 5Nao nashinje mmbeyo oshangunyi lo Mndumii-Ruwa; numa wana wa Aroni wakohanyiwo wechiende samuyo hafui, na iolyia samuyo mbai ya rasio lii o mongo fo ihema lyesanzia. 6Numa nashinje kidaso kemaya modonyi na imanyamanya njohawi tsakyo. 7Numa wana wa mkohanyi Aroni, wechiwika modo huya rasio, wawike ngu huya modo, 8numa wana wa mkohanyi Aroni, wechiachikia njohawi tsilya tsa nyama, mdo foyo, na mafuda hayo huya ngutso tsii huya modo fui huya rasio. 9Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.
10“Kiinengo kyake kokoya nyi kyauka iponyi lya machondi ang'u lya mburu, kiwe kidaso kemaya modonyi; nechilekia kya kisoṟo kiheṟemtsu. 11Nao nechishinjia o ora lo rasionyi luambuye mtsudu oshangunyi lo Mndumii-Ruwa; na wana wa Aroni, wakohanyiwo, wechiolyia samu yakyo huya rasio njora tsose. 12Numa nechimanyamanya njohawi tsakyo, handu hamu na mdo fokyo, na mafuda hakyo numa mkohanyi naachikie njohawitso huya ngu tsii huya modo fui huya rasio; 13Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.
14“Shiinengo shake echiinenga Mndumii-Ruwa, shiwe shidaso shemaya modonyi, ko koya nyi shilehe, nlyondi echiende mwano foke kui mbeta ang'u malea ha mbeta. 15Numa mkohanyi nechikiende kufui na rasionyi, nao nechikiochohuo mdofo, na irumatsa na modo rasionyi, na samu yakyo yechiletsekia mbai ya rasio; 16numa nawutepfo nduuyo yakyo, handu hamu na mbosha tsiipfo natsikumbe mbai ya rasio ora lo ngamenyi, handu hai mafu. 17Numa napahuo makungoho hakyo, kyaindi nalamanjuo njohawi tsiwi; numa mkohanyi nairumatse modonyi huya rasio, huya ngu tsii huya modo; nyi kidaso kemaya modonyi, kidaso keseheṟia modonyi kya opfamo luchihiṟie Mndumii-Ruwa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.