MAITALA 6
6
Wuhendeli wo mndu awikie kyasa
1Mndumii-Ruwa kawia Mose, 2“Inenga Waisraeli wuikimbi ochiwawia: kokoya mndumsoṟo ang'u mndu mka awika kyasa king'anyi, kyasa ke nawe mshimbuo, nakuletsane na wandu nakae wutengo kipfa kya Mndumii-Ruwa, 3 nahong'u nalanyo mvinyo ma wunanzi, nalanyo siki ya mvinyo fo mbaṟi yose, nalanyo mṟinga fo msabibu ang'u nalye msabibu njiwiri ma njiumu. 4Kiheri kyose ai mtengo nalalye kindo kyose kiwukie msabibunyi, ndunda tsa kiidi ang'u makanda hake.
5“Mfiri yose ya kyasa kyake kekaa kuleshe na wandu, nalaode njui tsake; mṟasa kiheri kya kyasa kyake kya wutengo; ikuwika mshimbuo o Mndumii-Ruwa kechisia, nechiwa mwele, nechida njui tsake tsiwe njileshe. 6Mfiriyo yose echiwa mshimbuo ko Mndumii-Ruwa mnducho nalatikirie mnying'a, 7manya kokoya nyi ndee, mae, manomae ang'u mshiki oke, nalashike ikuterefutsa kyamba nyi amshimbuo ko Mndumii-Ruwa kui ilya nyamu. 8Nechiwa mshimbuo ko Mndumii-Ruwa kiheri kyo kyose kya kyasakyo.
9“Kokoya njui tsa mndu awikie kiasa tsaterefutso nyi mndu apfa kitusu ai kufui nao nechioda njui tsake mkonu fo iheṟemka lyake; mkonu fo mfungade. 10Mkonu fo nyanya nechiduo mbuna tsiwi ang'u malea hawi ha mbeta ko mkohanyi alya mongo fo ihema lyesanzia. 11Mkohanyi nawute imu iwe kidaso kewuta wunyamaṟi, na ingi iwe kidaso kemaya modonyi, nao nammbutie kisanza, kipfa kya ili awuta wunyamaṟi wo mnying'a. Mfiri na ifo echishimbuo mdo foke, 12nao nawekuwika mshimbuo ko Mndumii-Ruwa kui mkonu yake yekuletsana na wengi. Mkonuyo ileida yechiitalopfo kipfa kya njui tsake tsiwei njishimbuo tsileterefutso. Nechiwuta kichondi kya kisuwa kya maka fumu kiwe kidaso kya mti.
13 “Ilyi nlyo iwawaso lya msa awikie kiasa kameawutsia kiheri kyake kekushimbuo: Nechiendo na mongo fo ihema lyesanzia, 14nainenge Mndumii-Ruwa shindo shake sha nnga: kichoondi kimu kya kisuwa kya maka fumu kilawode tewe kiwe kidaso kemaya modonyi; kichoondi kimu kya kihuṟuwi kya maka fumu kilawode tewe kiwe kidaso kewuta wunyamaṟi; na isuwa limu lilawode tewe liwe kidaso kya ofoṟo. 15Nechilekiase kikapu kiichuo mkate ilanjiwike mtarang'ao; mandasi ha mso mmamiri na mafuda, na mkate nsise tsinjishie mafuda handu hamu na mwano ya mso na shindo shenyo.
16“Mkohanyi nechiinengia Mndumii-Ruwa shindoshi shose handu hamu na mwano foke fo wunyamaṟi na kidaso kyake kemaya modonyi. 17Nechiinengia Mndumii-Ruwa ichondilyo lya mwano fo ofoṟo, handu hamu na kikapu kya mkate ilantarang'ashe, mwano fo mso na fo shindo shenyo. 18Oo mongo fo ihema lyesanzia, mnducho awikie kiasa nechioda njui tsake natsiwike modonyi fui shiya kidaso kya ofoṟo.
19“Numa, mkohanyi naire kudende ko mdonyi ko isuwalyo lilikoṟe handu hamu na indasi limu lilitarang'ashe kuwuka kikapunyi na mkate nsise ilantarang'ashe nainengie mnducho awikie kyasa mawokonyi hake kamemarisa ioda njui tsake awewode wokia mandi alewika kyasa. 20Mkohanyi nechikuchakucha shindoshi cha mwano fokuchakucha oshangunyi lo Mndumii-Ruwa; ishi shose nyi kienga kiele kya mkohanyi, handu hamu na kidari kikikuchekuche na owaa luluwute cha mwano. Numa ya isho shose, mnducho awikie kyasa neidima ikunyoya mvinyo.
21“Iwu nyiwo wuhendeli wo mndu aliie nyamu ya kyasa. Mwano foke ko Mndumi-Ruwa fuhiane na kyasa kyake, ma kokoya awode kingi kyose awechiidima ilekia; nechiwuta kihianyi na kyasa alewika, chandu iwawaso lya ikuheṟemtsa koke lii.”
Mboṟa ya wakohanyi
22Mndumii-Ruwa kawia Mose, 23“Wia Aroni na wana wake ke nyi wudi wechiwikia Waisraeli mboṟa: Mochiwawia.
24‘Mndumii-Ruwa namuinenge mboṟa na imuringa,
25Mndumii-Ruwa namuwaṟie kyamu kyake namsaṟie,
26Mndumii-Ruwa namuirie kyamu kyake namuinenge ofoṟo.’
27Nyi wudo wechiwasendia rina lyako, na Inyi njechiwawikia ona.”
Currently Selected:
MAITALA 6: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.
MAITALA 6
6
Wuhendeli wo mndu awikie kyasa
1Mndumii-Ruwa kawia Mose, 2“Inenga Waisraeli wuikimbi ochiwawia: kokoya mndumsoṟo ang'u mndu mka awika kyasa king'anyi, kyasa ke nawe mshimbuo, nakuletsane na wandu nakae wutengo kipfa kya Mndumii-Ruwa, 3 nahong'u nalanyo mvinyo ma wunanzi, nalanyo siki ya mvinyo fo mbaṟi yose, nalanyo mṟinga fo msabibu ang'u nalye msabibu njiwiri ma njiumu. 4Kiheri kyose ai mtengo nalalye kindo kyose kiwukie msabibunyi, ndunda tsa kiidi ang'u makanda hake.
5“Mfiri yose ya kyasa kyake kekaa kuleshe na wandu, nalaode njui tsake; mṟasa kiheri kya kyasa kyake kya wutengo; ikuwika mshimbuo o Mndumii-Ruwa kechisia, nechiwa mwele, nechida njui tsake tsiwe njileshe. 6Mfiriyo yose echiwa mshimbuo ko Mndumii-Ruwa mnducho nalatikirie mnying'a, 7manya kokoya nyi ndee, mae, manomae ang'u mshiki oke, nalashike ikuterefutsa kyamba nyi amshimbuo ko Mndumii-Ruwa kui ilya nyamu. 8Nechiwa mshimbuo ko Mndumii-Ruwa kiheri kyo kyose kya kyasakyo.
9“Kokoya njui tsa mndu awikie kiasa tsaterefutso nyi mndu apfa kitusu ai kufui nao nechioda njui tsake mkonu fo iheṟemka lyake; mkonu fo mfungade. 10Mkonu fo nyanya nechiduo mbuna tsiwi ang'u malea hawi ha mbeta ko mkohanyi alya mongo fo ihema lyesanzia. 11Mkohanyi nawute imu iwe kidaso kewuta wunyamaṟi, na ingi iwe kidaso kemaya modonyi, nao nammbutie kisanza, kipfa kya ili awuta wunyamaṟi wo mnying'a. Mfiri na ifo echishimbuo mdo foke, 12nao nawekuwika mshimbuo ko Mndumii-Ruwa kui mkonu yake yekuletsana na wengi. Mkonuyo ileida yechiitalopfo kipfa kya njui tsake tsiwei njishimbuo tsileterefutso. Nechiwuta kichondi kya kisuwa kya maka fumu kiwe kidaso kya mti.
13 “Ilyi nlyo iwawaso lya msa awikie kiasa kameawutsia kiheri kyake kekushimbuo: Nechiendo na mongo fo ihema lyesanzia, 14nainenge Mndumii-Ruwa shindo shake sha nnga: kichoondi kimu kya kisuwa kya maka fumu kilawode tewe kiwe kidaso kemaya modonyi; kichoondi kimu kya kihuṟuwi kya maka fumu kilawode tewe kiwe kidaso kewuta wunyamaṟi; na isuwa limu lilawode tewe liwe kidaso kya ofoṟo. 15Nechilekiase kikapu kiichuo mkate ilanjiwike mtarang'ao; mandasi ha mso mmamiri na mafuda, na mkate nsise tsinjishie mafuda handu hamu na mwano ya mso na shindo shenyo.
16“Mkohanyi nechiinengia Mndumii-Ruwa shindoshi shose handu hamu na mwano foke fo wunyamaṟi na kidaso kyake kemaya modonyi. 17Nechiinengia Mndumii-Ruwa ichondilyo lya mwano fo ofoṟo, handu hamu na kikapu kya mkate ilantarang'ashe, mwano fo mso na fo shindo shenyo. 18Oo mongo fo ihema lyesanzia, mnducho awikie kiasa nechioda njui tsake natsiwike modonyi fui shiya kidaso kya ofoṟo.
19“Numa, mkohanyi naire kudende ko mdonyi ko isuwalyo lilikoṟe handu hamu na indasi limu lilitarang'ashe kuwuka kikapunyi na mkate nsise ilantarang'ashe nainengie mnducho awikie kyasa mawokonyi hake kamemarisa ioda njui tsake awewode wokia mandi alewika kyasa. 20Mkohanyi nechikuchakucha shindoshi cha mwano fokuchakucha oshangunyi lo Mndumii-Ruwa; ishi shose nyi kienga kiele kya mkohanyi, handu hamu na kidari kikikuchekuche na owaa luluwute cha mwano. Numa ya isho shose, mnducho awikie kyasa neidima ikunyoya mvinyo.
21“Iwu nyiwo wuhendeli wo mndu aliie nyamu ya kyasa. Mwano foke ko Mndumi-Ruwa fuhiane na kyasa kyake, ma kokoya awode kingi kyose awechiidima ilekia; nechiwuta kihianyi na kyasa alewika, chandu iwawaso lya ikuheṟemtsa koke lii.”
Mboṟa ya wakohanyi
22Mndumii-Ruwa kawia Mose, 23“Wia Aroni na wana wake ke nyi wudi wechiwikia Waisraeli mboṟa: Mochiwawia.
24‘Mndumii-Ruwa namuinenge mboṟa na imuringa,
25Mndumii-Ruwa namuwaṟie kyamu kyake namsaṟie,
26Mndumii-Ruwa namuirie kyamu kyake namuinenge ofoṟo.’
27Nyi wudo wechiwasendia rina lyako, na Inyi njechiwawikia ona.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.