Luka 3
3
1Vwu ingye UTibeli mmwaka gwa kuvela ukuva kitsigo nagihano imyaka gya mwene gya vukesali vwu UPonte Pilate ale ndolelaki lunga nkilunga kya mu-Jutai, vwu UHeloti ale ntwa mu-Galilai, vwu UPilipo ununave ale ntwa namu-Ituli namu-Talakoniti, namwene nu-Lisani ale ńivaha mu-Abilene, 2palya va-Hanasi nu-Kajipa vavetsage vateketsi avavaha, pwu likambona UJohani uńa-Sakalija ilimeńu lya Nguluve, likambona vwu alindukungu. 3Pwu umwene akasisimuka ukubiha nkilunga kyoni ikibadiṅine nulugasi lwa jolitani. Akavavula avanu akata: Nkilivukage mwotsivwagwe pwu mukwupilila uvusyikilo vwa nongwa tsińo. 4Nduvwu tsivigilwe mwa kalata va mameńu ga Jesaja uńamalago uvi atetsage: Ilimeńu lya mwilangi likwilanga ndukungu lita: Nnotsage unsevo gwa ntwa, ndiṅanye inzila tsa mwene. 5Isihulu syoni sisilwagwe, nisidugala syoni nińika tsoni sisivwagwe, uvugolovonde vwoni vugolokage ninwemuke tsyipelage ukuva nzila inelevale. 6Navanu voni valavona ukuvavanga umwene Unguluve. 7Pwu akavavula voni avabihaga kukwotsivwa kumwene ikipuga kyoni akata: Ńi lukona lwa ńandalwe veni avavulile uńe ukuta ndapona uluvipo ulukwitsa? 8Muhupage iseke itsinogye nulukilivuko. Mbandikage ukwitsova ńivene ukuta: Uvwe tuli nudadajitu Abulahamu. Ukwandivavule: Mańa Unguluve avumańile ukumpelela agange amaganga aga Abulahamu ukuta gwu gipelage ukuva vana gago. 9Najyene inzunu jili pamilela pamibiki kakatale. Gyoni imibiki igyu nagihupa iseke innonu giladumulwa gilalahwa mmwoto.
10Pwu vakambutsa avanu ikipuga kyoni vakata: Tugahage ndeti lino uvwe? 11Umwene akavavula akata: Uvi ali nigyańingilitsa givili, vi ampetsage mpamato unine uvi niva nagwo ugunge. Namwene uvi ali nisinu, namwene vwu agahage vuvule-vule. 12Vakabiha navene navasangutsi kukwotsivwa, navene vakambutsa vakata: Vi mmańisi lino uvwe tugahage ndeti? 13Umwene akavavula akata: Pakusangula amasango kwu bako ukulutilila pakutola nisyu umunu navalagili. 14Vakambutsa navene navasikali vakata: Lino uvwe tugahage ndeti? Umwene akavavula navene akata: Isya vanu kwu bako ukugomela amaka, kwu bako ukutolela nuvuteki. Muliṅanage vuvule uluhombo lwińo,
15Pwu UJohani akavona avanu vilwa natso, voni vikumwisagila munumbula tsa vene vita pange avetsage vi vi Kilisiti. 16Pwu akavavula voni akata: Nene viki, ndikuvotsehetsa ga magasi. Lola ikwitsa umwene uvi andutilye amaka uńe, vi utukova twa nsikato sya mwene nandinogili ukuvopola uńe. Vi lweli, vi alavotsehetsaga nu-Mepo umbalatse numwoto. 17Vi ulupetelo luli mmavoko ga mwene, alakuna ulukuvatilo lwa mwene, ingano jya mwene alavika nkibana kya mwene, ugwene umwelelo gwu alakotsa numwoto ugwu nagwitsima lusiku.
18Vwu akavavula vuvule-vule avanu inongwa innonu akavahusanya nitsinge tsi ńongosu vuvule. 19Namwene nu-Heloti untwa UJohani akamiga itsa pa-Helotya undala va nununave uva Pilipo tsikandema. Akamiga tsoni nitsu atulaga sikutsoni UHeloti nitsinge vuvule, tsoni tsikandema. 20Pwu umwene patsoni tsitsitsi akandindila nńumba jya vańololo UJohani.
21Lino pwu vwu votsivwe voni avanu vwu otsivwe namwene UJesu, pwu kukadinduka kukyańa vwu ali pakwisaja. 22Pwu UMepo umbalatse akika ukuta ngundya. Nilimeńu likahuma kukyańa likata: Vi nswambango uve, vi ngane kwane, vi ndinkelye.
23Umwene UJesu vwu itengula imbombo tsa mwene vwu amalile imyaka imilevulo gidatu ukugona, pwu vakantsova ukuva vi mwana va Josepu uńa-Eli, 24ńa-Matati, uńa-Levi, uńa-Meleki, uńa-Jana, uńa-Josepu, 25uńa-Matatija, uńa-Amosi, uńa-Nahumu, uńa-Esili, uńa-Nagai, 26uńa-Mahati, uńa-Matatija, uńa-Simeji, uńa-Joseku, uńa-Jota, 27uńa-Johanani, uńa-Lesa, uńa-Selubabeli, uńa-Salatyeli, uńa-Neli, 28uńa-Meleki, uńa-Ati, uńa-Kosamu, uńa-Elimatamu, uńa-Eli, 29uńa-Joswa, uńa-Elijeseli, uńa-Jolamu, uńa-Matati, uńe-Levi, 30uńa-Simyoni, uńa-Juta, uńa-Josepu, uńa-Jonamu, uńa-Elyakimu, 31uńa-Meleja, uńa-Mena, uńa-Matata, uńa-Natani, uńa-Ndaviti, 32uńa-Isai, uńa-Obeti, uńa-Boasi, uńa-Salima, uńa-Nahasoni, 33uńa-Aminata, uńa-Atimini, uńa-Alini, uńa-Heseloni, uńa-Pelesi, uńa-Juta, 34uńa-Jakobu, uńa-Isikaka, uńa-Abulahamu, uńa-Tala, uńa-Naholi, 35uńa-Seluhi, uńa-Lagahu, uńa-Pelegi, uńa-Ebeli, uńa-Sala, 36uńa-Kenani, uńa-Alipakisati, uńa-Semu, uńa-Nwaka, uńa-Lameki, 37uńa-Metusala, uńa-Enoki, uńa-Jaleti, uńa-Mahalaeli, uńa-Kenani, 38uńa-Enosi, uńa-Seti, uńa-Adamu, uńa-Nguluve.
Currently Selected:
Luka 3: Kinga
Highlight
Share
Copy
Want to have your highlights saved across all your devices? Sign up or sign in
New Testament in Kikinga © British and Foreign Bible Society, 1961.
Luka 3
3
1Vwu ingye UTibeli mmwaka gwa kuvela ukuva kitsigo nagihano imyaka gya mwene gya vukesali vwu UPonte Pilate ale ndolelaki lunga nkilunga kya mu-Jutai, vwu UHeloti ale ntwa mu-Galilai, vwu UPilipo ununave ale ntwa namu-Ituli namu-Talakoniti, namwene nu-Lisani ale ńivaha mu-Abilene, 2palya va-Hanasi nu-Kajipa vavetsage vateketsi avavaha, pwu likambona UJohani uńa-Sakalija ilimeńu lya Nguluve, likambona vwu alindukungu. 3Pwu umwene akasisimuka ukubiha nkilunga kyoni ikibadiṅine nulugasi lwa jolitani. Akavavula avanu akata: Nkilivukage mwotsivwagwe pwu mukwupilila uvusyikilo vwa nongwa tsińo. 4Nduvwu tsivigilwe mwa kalata va mameńu ga Jesaja uńamalago uvi atetsage: Ilimeńu lya mwilangi likwilanga ndukungu lita: Nnotsage unsevo gwa ntwa, ndiṅanye inzila tsa mwene. 5Isihulu syoni sisilwagwe, nisidugala syoni nińika tsoni sisivwagwe, uvugolovonde vwoni vugolokage ninwemuke tsyipelage ukuva nzila inelevale. 6Navanu voni valavona ukuvavanga umwene Unguluve. 7Pwu akavavula voni avabihaga kukwotsivwa kumwene ikipuga kyoni akata: Ńi lukona lwa ńandalwe veni avavulile uńe ukuta ndapona uluvipo ulukwitsa? 8Muhupage iseke itsinogye nulukilivuko. Mbandikage ukwitsova ńivene ukuta: Uvwe tuli nudadajitu Abulahamu. Ukwandivavule: Mańa Unguluve avumańile ukumpelela agange amaganga aga Abulahamu ukuta gwu gipelage ukuva vana gago. 9Najyene inzunu jili pamilela pamibiki kakatale. Gyoni imibiki igyu nagihupa iseke innonu giladumulwa gilalahwa mmwoto.
10Pwu vakambutsa avanu ikipuga kyoni vakata: Tugahage ndeti lino uvwe? 11Umwene akavavula akata: Uvi ali nigyańingilitsa givili, vi ampetsage mpamato unine uvi niva nagwo ugunge. Namwene uvi ali nisinu, namwene vwu agahage vuvule-vule. 12Vakabiha navene navasangutsi kukwotsivwa, navene vakambutsa vakata: Vi mmańisi lino uvwe tugahage ndeti? 13Umwene akavavula akata: Pakusangula amasango kwu bako ukulutilila pakutola nisyu umunu navalagili. 14Vakambutsa navene navasikali vakata: Lino uvwe tugahage ndeti? Umwene akavavula navene akata: Isya vanu kwu bako ukugomela amaka, kwu bako ukutolela nuvuteki. Muliṅanage vuvule uluhombo lwińo,
15Pwu UJohani akavona avanu vilwa natso, voni vikumwisagila munumbula tsa vene vita pange avetsage vi vi Kilisiti. 16Pwu akavavula voni akata: Nene viki, ndikuvotsehetsa ga magasi. Lola ikwitsa umwene uvi andutilye amaka uńe, vi utukova twa nsikato sya mwene nandinogili ukuvopola uńe. Vi lweli, vi alavotsehetsaga nu-Mepo umbalatse numwoto. 17Vi ulupetelo luli mmavoko ga mwene, alakuna ulukuvatilo lwa mwene, ingano jya mwene alavika nkibana kya mwene, ugwene umwelelo gwu alakotsa numwoto ugwu nagwitsima lusiku.
18Vwu akavavula vuvule-vule avanu inongwa innonu akavahusanya nitsinge tsi ńongosu vuvule. 19Namwene nu-Heloti untwa UJohani akamiga itsa pa-Helotya undala va nununave uva Pilipo tsikandema. Akamiga tsoni nitsu atulaga sikutsoni UHeloti nitsinge vuvule, tsoni tsikandema. 20Pwu umwene patsoni tsitsitsi akandindila nńumba jya vańololo UJohani.
21Lino pwu vwu votsivwe voni avanu vwu otsivwe namwene UJesu, pwu kukadinduka kukyańa vwu ali pakwisaja. 22Pwu UMepo umbalatse akika ukuta ngundya. Nilimeńu likahuma kukyańa likata: Vi nswambango uve, vi ngane kwane, vi ndinkelye.
23Umwene UJesu vwu itengula imbombo tsa mwene vwu amalile imyaka imilevulo gidatu ukugona, pwu vakantsova ukuva vi mwana va Josepu uńa-Eli, 24ńa-Matati, uńa-Levi, uńa-Meleki, uńa-Jana, uńa-Josepu, 25uńa-Matatija, uńa-Amosi, uńa-Nahumu, uńa-Esili, uńa-Nagai, 26uńa-Mahati, uńa-Matatija, uńa-Simeji, uńa-Joseku, uńa-Jota, 27uńa-Johanani, uńa-Lesa, uńa-Selubabeli, uńa-Salatyeli, uńa-Neli, 28uńa-Meleki, uńa-Ati, uńa-Kosamu, uńa-Elimatamu, uńa-Eli, 29uńa-Joswa, uńa-Elijeseli, uńa-Jolamu, uńa-Matati, uńe-Levi, 30uńa-Simyoni, uńa-Juta, uńa-Josepu, uńa-Jonamu, uńa-Elyakimu, 31uńa-Meleja, uńa-Mena, uńa-Matata, uńa-Natani, uńa-Ndaviti, 32uńa-Isai, uńa-Obeti, uńa-Boasi, uńa-Salima, uńa-Nahasoni, 33uńa-Aminata, uńa-Atimini, uńa-Alini, uńa-Heseloni, uńa-Pelesi, uńa-Juta, 34uńa-Jakobu, uńa-Isikaka, uńa-Abulahamu, uńa-Tala, uńa-Naholi, 35uńa-Seluhi, uńa-Lagahu, uńa-Pelegi, uńa-Ebeli, uńa-Sala, 36uńa-Kenani, uńa-Alipakisati, uńa-Semu, uńa-Nwaka, uńa-Lameki, 37uńa-Metusala, uńa-Enoki, uńa-Jaleti, uńa-Mahalaeli, uńa-Kenani, 38uńa-Enosi, uńa-Seti, uńa-Adamu, uńa-Nguluve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kikinga © British and Foreign Bible Society, 1961.