Johan 21
21
Kaizulle Pasarih hemih Lannak
1Ni tlawmte hnukah Jesuh cu Tiberias Rilikap ah, kaizulle hemah a lang ṭhan; a lan ṭhan daan cu hitihin a ii. 2Acunangah a khawmtiami cu Simon Piter, Miphiir tiih kawhmi Thomas, Galilee ramṭhen in Kana khuami Nathaniel, Zebedi ih tiapale, Jesuh ih kaizulle pace pahnih tipawl an ii. 3Simon Piter ni, “Kei cu nga ka vawr thok,” tiah a ti hngai. Anmimi ni, “Keimi khaw tan vawrpi le hu,” tiah an ti. An tatsuak ih lawng sungah an lut, ihmansela acu zan cu nga lu khat hman an pon lo. 4Khuavang caang Jesuh cu tipangkap ah a diing; ihmansela kaizulle ni cu Jesuh a ik an tiah lo. 5Jesuh ni, “Naule hngai uh, awk dingah nga lu khat tal ngei hlah cu maw?” tiah a ti hngai. Anmimi ni, “Ngei hlah,” tiah an sawn. 6Ani ni, “Suur cu lawng ih vorhlakam ah vawr u la, cun nga nan pon duau kau thok,” tiah a ti hngai. Curuangah an vawr, culeh nga an tlun tuk ruangah suur cu an dawk zo lo. 7Jesuh ih dawtmi kaizul ni Piter cu, “Bawipa a ii hekhawh,” tiah a ti. Simon Piter ni Bawipa a ik a zak tikah takpalawng a ik ruangah a partlai a hru hngai ṭhan ih ti sungah a peet. 8Kaizulle pace ni lawng cu panin, nga a khatmi suur cu an dawk, icatile vulei in an hla lo, pi 300 tluk ceu a hla. 9Tipangkap an phat tikah, acunang ahcun meiril ṭuang parah nga leh sang emmi an hmu. 10Jesuh ni, “Nan ngapon pekmi a hrekkhat keng hnik uh,” tiah a ti hngai. 11Curuangah Simon Piter cu lawng parah kai in, nga hnem pipi in a khatmi suur cu tikap ah a dawk ih, lu 153 an ii. Cutluk nga tlungpi ihmansela suur cu a tleek lo. 12Jesuh ni, “Suak u la thaithawh aw u law,” a ti hngai. Bawipa a ik an tiah ruangah kaizul pakhat hman ni, “Ahu ii ci maw?” tiah an dil ngam lo. 13Jesuh phain sang a seu ih a pia hngai, nga khaw acumangcun a vua. 14Ahihi Jesuh ni mithi lakin a thawhṭhan hnukah kaizulle hemih a voi thumnak a lan caan a ii.
Jesuh leh Piter
15Thaithawh an khim hnukah Jesuh ni Simon Piter cu, “Johan tiapa Simon, hile vanin ma daw sawn cim?” tiah a ti. Ani ni, “Daw sawn ee, Bawipa; ka tan dawt cu na tiahkau,” tiah a ti. Jesuh ni, “Ka tusuan le cawm hngai law,” tiah a ti. 16A voi hnihnak, “Johan tiapa Simon, ma daw cim?” tiah a ti. Ani ni, “Daw ee, Bawipa, ka tan dawt cu na tiahkau,” tiah a ti. Jesuh ni, “Ka tuu khaal hngai law,” tiah a ti. 17A voi thumnak, “Johan tiapa Simon, ma daw cim?” tiah a ti. A voi thumnak, “Ma daw cim?” a ti ruangah Piter cu a thin a tiak. Culeh Jesuh cu, “Bawipa, izongza na tiah hin; ka tan dawt cu na tiahkau hin,” tiah a ti. Jesuh ni, “Ka tuule cawm hngai law. 18Thungaiin ka tan sim, na nawhdeuh lio a’cun na tavai vai-in na dawtmi khawnangpoh ah na vak ta bil. A i nain na ucan tikah na baan phar lei ci khawh, mi pace ni tavai tan vaisakin na vah dawt lo nak hmun ah an tan pita thok,” tiah a ti. 19(Ahi a sim hi Piter ni itumang ih a thihnak phun thawngin Pathian a sunparsak thok ti a sawhkhit dawtmi a ii.) Cuhnukah Piter cu, “Ma zul,” tiah a ti.
Jesuh leh Dawtmi Kaizul
20Piter cu a mertia ih an dung in Jesuh ih dawtmi kaizul ni anmah a zulh hngai a hmu; acu pa cu zanriah an awk lio ih Jesuh sontu ah toin, “Bawipa, ahu ii maw a tan leirawi thok tu cu?” tiah a ti ta tu khi a ii. 21Piter ni amah a hmuh tikah, Jesuh cu, “Bawipa, hi pa thuhla teh khawtiin i lei maw?” tiah a ti. 22Jesuh ni, “Ka phat tiang a taan ka dawtzawng a ik a’cun, acu cu nang rum itu a pehpontia hmen? Ma zul kau!” tiah a ti. 23Curuangah hi kaizul hi cu a thi thok dok lo timi dokthu cu Jesuh zultule lakah a karh. Ihmansela Jesuh ni a hemah thi lo dingin cu a sim lo ih, “Ka phat tiang a taan ka dawtzawng a ik a’cun acu cu nang rum itu a pehpontia hmen?” tiah zong a ti.
Thudengnak
24Ahihi hi thilpawl an thu a tiah hngai tu leh a ngan hngai tu kaizul a ii, culeh a thusim a hmaan ti kan tiah. 25Ihmansela Jesuh ih vuaktaakmi thil pace tlungpi khaw an omkau; mi pakhat ni ngan hngai thok sela, a ngan thokmi laibu cu vuleipi ah a tlum hang thok lo ti in ka ruat.
Currently Selected:
Johan 21: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Johan 21
21
Kaizulle Pasarih hemih Lannak
1Ni tlawmte hnukah Jesuh cu Tiberias Rilikap ah, kaizulle hemah a lang ṭhan; a lan ṭhan daan cu hitihin a ii. 2Acunangah a khawmtiami cu Simon Piter, Miphiir tiih kawhmi Thomas, Galilee ramṭhen in Kana khuami Nathaniel, Zebedi ih tiapale, Jesuh ih kaizulle pace pahnih tipawl an ii. 3Simon Piter ni, “Kei cu nga ka vawr thok,” tiah a ti hngai. Anmimi ni, “Keimi khaw tan vawrpi le hu,” tiah an ti. An tatsuak ih lawng sungah an lut, ihmansela acu zan cu nga lu khat hman an pon lo. 4Khuavang caang Jesuh cu tipangkap ah a diing; ihmansela kaizulle ni cu Jesuh a ik an tiah lo. 5Jesuh ni, “Naule hngai uh, awk dingah nga lu khat tal ngei hlah cu maw?” tiah a ti hngai. Anmimi ni, “Ngei hlah,” tiah an sawn. 6Ani ni, “Suur cu lawng ih vorhlakam ah vawr u la, cun nga nan pon duau kau thok,” tiah a ti hngai. Curuangah an vawr, culeh nga an tlun tuk ruangah suur cu an dawk zo lo. 7Jesuh ih dawtmi kaizul ni Piter cu, “Bawipa a ii hekhawh,” tiah a ti. Simon Piter ni Bawipa a ik a zak tikah takpalawng a ik ruangah a partlai a hru hngai ṭhan ih ti sungah a peet. 8Kaizulle pace ni lawng cu panin, nga a khatmi suur cu an dawk, icatile vulei in an hla lo, pi 300 tluk ceu a hla. 9Tipangkap an phat tikah, acunang ahcun meiril ṭuang parah nga leh sang emmi an hmu. 10Jesuh ni, “Nan ngapon pekmi a hrekkhat keng hnik uh,” tiah a ti hngai. 11Curuangah Simon Piter cu lawng parah kai in, nga hnem pipi in a khatmi suur cu tikap ah a dawk ih, lu 153 an ii. Cutluk nga tlungpi ihmansela suur cu a tleek lo. 12Jesuh ni, “Suak u la thaithawh aw u law,” a ti hngai. Bawipa a ik an tiah ruangah kaizul pakhat hman ni, “Ahu ii ci maw?” tiah an dil ngam lo. 13Jesuh phain sang a seu ih a pia hngai, nga khaw acumangcun a vua. 14Ahihi Jesuh ni mithi lakin a thawhṭhan hnukah kaizulle hemih a voi thumnak a lan caan a ii.
Jesuh leh Piter
15Thaithawh an khim hnukah Jesuh ni Simon Piter cu, “Johan tiapa Simon, hile vanin ma daw sawn cim?” tiah a ti. Ani ni, “Daw sawn ee, Bawipa; ka tan dawt cu na tiahkau,” tiah a ti. Jesuh ni, “Ka tusuan le cawm hngai law,” tiah a ti. 16A voi hnihnak, “Johan tiapa Simon, ma daw cim?” tiah a ti. Ani ni, “Daw ee, Bawipa, ka tan dawt cu na tiahkau,” tiah a ti. Jesuh ni, “Ka tuu khaal hngai law,” tiah a ti. 17A voi thumnak, “Johan tiapa Simon, ma daw cim?” tiah a ti. A voi thumnak, “Ma daw cim?” a ti ruangah Piter cu a thin a tiak. Culeh Jesuh cu, “Bawipa, izongza na tiah hin; ka tan dawt cu na tiahkau hin,” tiah a ti. Jesuh ni, “Ka tuule cawm hngai law. 18Thungaiin ka tan sim, na nawhdeuh lio a’cun na tavai vai-in na dawtmi khawnangpoh ah na vak ta bil. A i nain na ucan tikah na baan phar lei ci khawh, mi pace ni tavai tan vaisakin na vah dawt lo nak hmun ah an tan pita thok,” tiah a ti. 19(Ahi a sim hi Piter ni itumang ih a thihnak phun thawngin Pathian a sunparsak thok ti a sawhkhit dawtmi a ii.) Cuhnukah Piter cu, “Ma zul,” tiah a ti.
Jesuh leh Dawtmi Kaizul
20Piter cu a mertia ih an dung in Jesuh ih dawtmi kaizul ni anmah a zulh hngai a hmu; acu pa cu zanriah an awk lio ih Jesuh sontu ah toin, “Bawipa, ahu ii maw a tan leirawi thok tu cu?” tiah a ti ta tu khi a ii. 21Piter ni amah a hmuh tikah, Jesuh cu, “Bawipa, hi pa thuhla teh khawtiin i lei maw?” tiah a ti. 22Jesuh ni, “Ka phat tiang a taan ka dawtzawng a ik a’cun, acu cu nang rum itu a pehpontia hmen? Ma zul kau!” tiah a ti. 23Curuangah hi kaizul hi cu a thi thok dok lo timi dokthu cu Jesuh zultule lakah a karh. Ihmansela Jesuh ni a hemah thi lo dingin cu a sim lo ih, “Ka phat tiang a taan ka dawtzawng a ik a’cun acu cu nang rum itu a pehpontia hmen?” tiah zong a ti.
Thudengnak
24Ahihi hi thilpawl an thu a tiah hngai tu leh a ngan hngai tu kaizul a ii, culeh a thusim a hmaan ti kan tiah. 25Ihmansela Jesuh ih vuaktaakmi thil pace tlungpi khaw an omkau; mi pakhat ni ngan hngai thok sela, a ngan thokmi laibu cu vuleipi ah a tlum hang thok lo ti in ka ruat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.