Johan 9
9
Suahkeh Mitcaw pa Khuahmuhnak
1A vah rero thah ah a suahkeh in a mit a caw mipa a hmu. 2A kaizulle ni, “Rabbi, hi pa a mitcaw in a suah hi, amah maw, iklole a nulepa, ahu an sual?” tiah an dil. 3Jesuh ni, “Hi pa khaw iseh, a nulepa iseh an sual lo; mitcaw in a suah cu amah sungah Pathian rianṭuan lang dingah a ii. 4Sunla a ik sung cu a ma thlah tu ih rian ka ṭuan awk a ii; ahuhman ih rianṭuan khawhlo nak zan a pha leh thok. 5Vuleipi ih ka om sung poh cu vuleipi ih ceunak ka ii,” tiah a sawn hngai. 6Ahiti a ti hnukah khur parah cil saakin cil rum nawnthlawk a vua ih pakhat pa ih mit parah nawnthlawk cu maan in, 7“Tat la Siloam tili ah ṭawltia,” tiah a ti. (Siloam ti cu “Thlah” tinak a ii.) Cutikah tatin a ṭawltia ih khuahmukho in a kirṭhan. 8Innkiangpawl leh hi hlan ih kutdong in a hmu ta tu mipawl ni, “Hi pa hi to hratin kutdongih mi dil bil tu khi a i lo hmen maw?” tiah an ti. 9Mi hrekkhat ni, “Amah hi a i kau,” tiah an ti. Mipacepawl ni cu, “I hlah e, amah mang mi pakhat a ii,” tiah an ti. Amah ni cu, “Kei hi acu pa cu ka ii,” tiah a ti berbo. 10Ihmansela amah cu, “I taw ah khawti’n na mit an vaang#9:10 Mit vaang ti hi Mit au ti tu kan om. ṭhan hmen?” tiah an dil reuri. 11Ani ni, “Jesuh timi mipa ni nawnthlawk vua in, ka mit a ma maan ih, ‘Siloam ah tat la ṭawltia’ a ma ti. Cutikah tatin ṭawltia ing khawh khua ka hmu,” tiah a let hngai. 12Anmimi ni, “Amah teh khawna’h ahi?” tiah an ti. Ani ni, “Ka tiah lo,” tiah a ti hngai.
Farisile ih Thu Zingzoinak
13Mitcaw ta pa cu Farisile hemah an tahpi. 14Jesuh ni nawnthlawk vua in a mit a vaansak cu Sabbath ni a ii. 15Cutikah Farisile ni khaw amah cu khawtiin khua a hmuh thu an dil thawh. Ani ni, “Ka mit nawnthlawk a ma maan. Cuhnukah ka ṭawltia ih atu hi khua ka hmu a i kau,” tiah a ti hngai. 16Farisile a hrekkhat ni, “Hi pa hi Pathian hemin a pha tu a i lo, icatile sabbath a ul lo,” an ti. Ihmansela a pacele ni cu, “Khawti’n misual a imi ni cu acumang khithmuhnakpawl cu a vua hngai kho thok hmen?” tiah an ti. Culeh ṭhentiaknak a thlak hngai. 17Curuangah mitcaw pa cu, “Na mit a tan vaansak hekhawh, amah thu ah itu sim ding na ngei?” tiah an ti ṭhan. Ani ni, “Ani cu profet pakhat a ii,” tiah a ti. 18Judah thungeitule ni cu khua a hmu ṭhan tu pa ih a nulepa koin, 19“Hihi nan tiapa, mitcaw in a suak nan ti cu a ii maw? Khawti’n a ii atu khua a hmuh?” tiah an dil hlansung cu mitcaw a ita ih khua a hmu leh ti an zum duh lo. 20A nulepa ni, “Hihi kan tiapa a ik leh mitcaw in a suah cu kan tiahkau; 21a i nain khawtiin atu khua a hmuh cu tiah hlah hu ee, cun ahu ni a mit a vaansak ti khaw tiah hlah hu ee. Amah dil u la; a upa vel kovawh. Amah ca’h cu amah ni sim lei tu,” tiah an sawn. 22A nulepa ni ahiti an ti cu Judah thungeitule an ṭih ruangah a ii; icatile Judah thungeitule ni Jesuh cu Messiah a ii tiah a phuang tupoh cu sinakok in ṭhawl i dingah an naa a tla cia rom. 23Curuangah a nulepa ni, “A upa vel kovawh; amah dil uh,” an tinak a ii. 24Curuangah mitcaw ta pa cu a voi hnihnak ko ṭhanin, “Pathian sunparsak. Hi pa hi misual a ik kan tiah,” tiah an ti. 25Ani ni, “Misual a ik leh ik lo cu ka tiah lo. Ka mit a caw ta nain atu khua ka hmu ti pakhat zong cu ka tiah,” tiah a sawn hngai. 26Anmimi ni, “Itu a tan ti? Khawti’n na mit a tan vaansak?” tiah an ti. 27Ani ni, “Ka tan sim hngai rom kau hin, nan ngaih duh tal lo. Ica’h hmen zak ṭhan cu nan dawt? A kaizulle can nan daw ve hngen?” tiah a sawn hngai. 28Cutikah amah cu nautatin, “Nang belte a kaizul na ii, keimi zong cu Moses’ kaizul kan ii, 29Pathian ni Moses hemih thu a sim cu kan tiah, nain hi pa zong cu khawnang in a phat kan tiah tal lo,” tiah an ti. 30Acu pa ni, “Hinangah kovawh thil donharṭha cu! Nangmi ni le khawnang in a phat tiah hlah cu, ani nihmawh ka mit ma vaansak ee. 31Pathian ni misualpawl cu an thu a ngai hngai lo, a i nain amah a bia ih a dawtzawng a zul tu cu an thu a ngai hngai ti cu kan tiah. 32Mi pakhatkhat ni mitcaw in a suakmi a mit a vaansak ti hi vulei hramthawh pek in zak a i thah lo. 33Hi pa hi Pathian hemin i hlah sela ituhman ti zo thok hlah,” tiah a sawn hngai. 34Anmimi ni, “A nang sualnak sungih suak leh sual berbo ni maw thu man zirh na khaihtiak?” tiah an sawn. Culeh sinakok in an ṭhawl.
Thlaraula Mitcawt
35Jesuh ni acu pa an ṭhawl ti a zaa ih, amah a hmuhngah tikah, “Mi Tiapa zum cim?” tiah a ti. 36Ani ni, “Amah cu ahu a ii? Amah ka zum khawh nakdingah ma sim la!” tiah a sawn. 37Jesuh ni, “Amah cu na hmu rom kau, namah rum a biatia rero tu hi a ii,” tiah a ti. 38Ani ni, “Bawipa, ka zum,” tiah a ti. Culeh amah cu a bia. 39Jesuh ni, “Khuahmu lo tu mipawl ni khua hmu dingah leh khuahmu tu cu mitcaw cang dingah hi vuleipi ahhin thuṭhen dingin ka pha,” tiah a ti. 40A hrialih Farisile hrekkhat ni acu cu an za ih, “Keimi cu mitcaw i na kau hu im?” tiah an ti. 41Jesuh ni, “Mitcaw ii u la cu sualnak nan ngei thok lo. A i nain atu cu, ‘Khua kan hmu ti hngai nihmawh, nan sualnak a hmun,” tiah a ti hngai.
Currently Selected:
Johan 9: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Johan 9
9
Suahkeh Mitcaw pa Khuahmuhnak
1A vah rero thah ah a suahkeh in a mit a caw mipa a hmu. 2A kaizulle ni, “Rabbi, hi pa a mitcaw in a suah hi, amah maw, iklole a nulepa, ahu an sual?” tiah an dil. 3Jesuh ni, “Hi pa khaw iseh, a nulepa iseh an sual lo; mitcaw in a suah cu amah sungah Pathian rianṭuan lang dingah a ii. 4Sunla a ik sung cu a ma thlah tu ih rian ka ṭuan awk a ii; ahuhman ih rianṭuan khawhlo nak zan a pha leh thok. 5Vuleipi ih ka om sung poh cu vuleipi ih ceunak ka ii,” tiah a sawn hngai. 6Ahiti a ti hnukah khur parah cil saakin cil rum nawnthlawk a vua ih pakhat pa ih mit parah nawnthlawk cu maan in, 7“Tat la Siloam tili ah ṭawltia,” tiah a ti. (Siloam ti cu “Thlah” tinak a ii.) Cutikah tatin a ṭawltia ih khuahmukho in a kirṭhan. 8Innkiangpawl leh hi hlan ih kutdong in a hmu ta tu mipawl ni, “Hi pa hi to hratin kutdongih mi dil bil tu khi a i lo hmen maw?” tiah an ti. 9Mi hrekkhat ni, “Amah hi a i kau,” tiah an ti. Mipacepawl ni cu, “I hlah e, amah mang mi pakhat a ii,” tiah an ti. Amah ni cu, “Kei hi acu pa cu ka ii,” tiah a ti berbo. 10Ihmansela amah cu, “I taw ah khawti’n na mit an vaang#9:10 Mit vaang ti hi Mit au ti tu kan om. ṭhan hmen?” tiah an dil reuri. 11Ani ni, “Jesuh timi mipa ni nawnthlawk vua in, ka mit a ma maan ih, ‘Siloam ah tat la ṭawltia’ a ma ti. Cutikah tatin ṭawltia ing khawh khua ka hmu,” tiah a let hngai. 12Anmimi ni, “Amah teh khawna’h ahi?” tiah an ti. Ani ni, “Ka tiah lo,” tiah a ti hngai.
Farisile ih Thu Zingzoinak
13Mitcaw ta pa cu Farisile hemah an tahpi. 14Jesuh ni nawnthlawk vua in a mit a vaansak cu Sabbath ni a ii. 15Cutikah Farisile ni khaw amah cu khawtiin khua a hmuh thu an dil thawh. Ani ni, “Ka mit nawnthlawk a ma maan. Cuhnukah ka ṭawltia ih atu hi khua ka hmu a i kau,” tiah a ti hngai. 16Farisile a hrekkhat ni, “Hi pa hi Pathian hemin a pha tu a i lo, icatile sabbath a ul lo,” an ti. Ihmansela a pacele ni cu, “Khawti’n misual a imi ni cu acumang khithmuhnakpawl cu a vua hngai kho thok hmen?” tiah an ti. Culeh ṭhentiaknak a thlak hngai. 17Curuangah mitcaw pa cu, “Na mit a tan vaansak hekhawh, amah thu ah itu sim ding na ngei?” tiah an ti ṭhan. Ani ni, “Ani cu profet pakhat a ii,” tiah a ti. 18Judah thungeitule ni cu khua a hmu ṭhan tu pa ih a nulepa koin, 19“Hihi nan tiapa, mitcaw in a suak nan ti cu a ii maw? Khawti’n a ii atu khua a hmuh?” tiah an dil hlansung cu mitcaw a ita ih khua a hmu leh ti an zum duh lo. 20A nulepa ni, “Hihi kan tiapa a ik leh mitcaw in a suah cu kan tiahkau; 21a i nain khawtiin atu khua a hmuh cu tiah hlah hu ee, cun ahu ni a mit a vaansak ti khaw tiah hlah hu ee. Amah dil u la; a upa vel kovawh. Amah ca’h cu amah ni sim lei tu,” tiah an sawn. 22A nulepa ni ahiti an ti cu Judah thungeitule an ṭih ruangah a ii; icatile Judah thungeitule ni Jesuh cu Messiah a ii tiah a phuang tupoh cu sinakok in ṭhawl i dingah an naa a tla cia rom. 23Curuangah a nulepa ni, “A upa vel kovawh; amah dil uh,” an tinak a ii. 24Curuangah mitcaw ta pa cu a voi hnihnak ko ṭhanin, “Pathian sunparsak. Hi pa hi misual a ik kan tiah,” tiah an ti. 25Ani ni, “Misual a ik leh ik lo cu ka tiah lo. Ka mit a caw ta nain atu khua ka hmu ti pakhat zong cu ka tiah,” tiah a sawn hngai. 26Anmimi ni, “Itu a tan ti? Khawti’n na mit a tan vaansak?” tiah an ti. 27Ani ni, “Ka tan sim hngai rom kau hin, nan ngaih duh tal lo. Ica’h hmen zak ṭhan cu nan dawt? A kaizulle can nan daw ve hngen?” tiah a sawn hngai. 28Cutikah amah cu nautatin, “Nang belte a kaizul na ii, keimi zong cu Moses’ kaizul kan ii, 29Pathian ni Moses hemih thu a sim cu kan tiah, nain hi pa zong cu khawnang in a phat kan tiah tal lo,” tiah an ti. 30Acu pa ni, “Hinangah kovawh thil donharṭha cu! Nangmi ni le khawnang in a phat tiah hlah cu, ani nihmawh ka mit ma vaansak ee. 31Pathian ni misualpawl cu an thu a ngai hngai lo, a i nain amah a bia ih a dawtzawng a zul tu cu an thu a ngai hngai ti cu kan tiah. 32Mi pakhatkhat ni mitcaw in a suakmi a mit a vaansak ti hi vulei hramthawh pek in zak a i thah lo. 33Hi pa hi Pathian hemin i hlah sela ituhman ti zo thok hlah,” tiah a sawn hngai. 34Anmimi ni, “A nang sualnak sungih suak leh sual berbo ni maw thu man zirh na khaihtiak?” tiah an sawn. Culeh sinakok in an ṭhawl.
Thlaraula Mitcawt
35Jesuh ni acu pa an ṭhawl ti a zaa ih, amah a hmuhngah tikah, “Mi Tiapa zum cim?” tiah a ti. 36Ani ni, “Amah cu ahu a ii? Amah ka zum khawh nakdingah ma sim la!” tiah a sawn. 37Jesuh ni, “Amah cu na hmu rom kau, namah rum a biatia rero tu hi a ii,” tiah a ti. 38Ani ni, “Bawipa, ka zum,” tiah a ti. Culeh amah cu a bia. 39Jesuh ni, “Khuahmu lo tu mipawl ni khua hmu dingah leh khuahmu tu cu mitcaw cang dingah hi vuleipi ahhin thuṭhen dingin ka pha,” tiah a ti. 40A hrialih Farisile hrekkhat ni acu cu an za ih, “Keimi cu mitcaw i na kau hu im?” tiah an ti. 41Jesuh ni, “Mitcaw ii u la cu sualnak nan ngei thok lo. A i nain atu cu, ‘Khua kan hmu ti hngai nihmawh, nan sualnak a hmun,” tiah a ti hngai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.