Luka 1
1
Theofilas Hemah
1Mi tlungpi ni kan lakih a cangsuakmi thilpawl thu teutote ih ngan ding ṭuanvo an la ih, 2a hramthawh in mit ih hmuhpitupawl leh thusimtupawl ih a man simsin mangin an ngan. 3Kei khaw hi thupawl hi an hramthawhnak rori in cemmehngai ih ka zingzoi hnukah, Upattlakmi Theofilas, na caah teutotein ngan dingah ka ruatcat ve, 4cuticun zirh na ikmi thupawl rum a pehtlaitiami thuhram a tiah taw ci.
Timihnimtu Johan Suah thok Simcianak
5Judea Siangphahrang Herod san lioah, Abijah ih tlangbawi burṭhen phun sungah a telve tu Zekhariah timi tlangbawi a om. A nupi cu Aaron ciitlang a ii ih, a min Elizabeth a ii. 6An pahnih Pathian hmaiah miding an ii ih, Bawipa ih thupiakpawl leh daanpawl mangin soibei in an nungcang. 7Ihmansela tianau an ngei lo, icatile Elizabeth cu micing a ii, cun an pahnih an kum a hraam vel. 8Voi khat cu Zekhariah ih burṭhen ni an tlangbawi ṭuanvo mangin Pathian an ren caan a ii ih amah khaw a ṭuanvo a ṭuan. 9Tlangbawi iknak daan mangin Bawipa ih hmunthiang ah lutin rimhmui tikih rai hri tu ding tlinvo dawkin amah an ril. 10Rimhmui tikih raihriik lioahcun mizapi cu pawnla ah thla an cam. 11Cutikah Bawipa ih vanmi a hemah a lang ih rimhmui tihnak pakawh vorhlasan ah a diing. 12Zekhariah ni a hmuh tikah a ṭih; cun thinphaannak in a khat. 13Ihmansela vanmi ni, “Ṭih hlah, Zekhariah, icatile na thlacam cu ngaih piak na i rom. Na nupi Elizabeth ni naupai lei khawh tiapa a tan hrin thok ih a min ah Johan na vawh thok. 14Na lungawi in na ngetia thok, cun amah suah ruangah mi tlungpi an lung a awi thok, 15icatile ani cu Bawipa ih hmuhnak ah mipipa a i thok. Zu iseh, a ṭhawngmi din ding iseh, khawcang hmanah a ding thok lo; a nu pun sung hman in Thiang Thlarau rum a khat thok. 16Israel mi tlungpi cu Bawipa an Pathian hemah a mer hngai thok. 17Nulepapawl ih thinlung cu an tiale hemah iseh, thungailotu cu miding ih thuruah daan laah iseh, mer hngai dingah leh, Bawipa caah mipawl tuahtiimtia in vua hngai dingah Elijah ih thinlungput leh huham rum Bawipa hmalaah a tat li thok,” tiah a ti. 18Zekhariah ni vanmi cu, “Acuti a ik cu khawtiin ka tiah thok? Icatile kei cu pahraam pakhat ka ii, ka nupi khaw a hraam ngai vel!” tiah a ti. 19Vanmi ni, “Kei hi Gabriel ka ii. Pathian hmaiah ka diing ih, namah tan bia ding leh hi thuthang tan phurh dingah thlah mi ka ii. 20A i nain, atu cu anmah tikcu ah a kimngah dingmi ka thupawl na zum lo ruangah nang cu hi thilpawl an can ni a phat hlansung mi-angthiamlo na cang thok,” tiah a ti. 21Acu lioah mipi cu Zekhariah an hngak ciahco, ituruangah biakinn sungah a raau dekdi i nala ti an don a har. 22A va suah tikah a bia hngai thiam lo, culeh hmunthiang sungah lannak a hmu ti an tiahthiam. A kut in a tehthawi hngai rero, ang thiamloin a om. 23A rianṭuan tikcu a deng tikah a inn ah a ṭiin. 24Acuhnuk ii hlet hlanah Elizabeth cu naupai in a om, culeh thla nga sung cu pawnper loin a om. 25“Hihi Bawipa ni ka ca-ih a vuakmi – mithmai ṭhangai-ih a ma zohnak leh ka mipawl lakih ka tuarmi nautatnak a ma latpiaknak a ii,” tiah a ti.
Jesuh Suah thok
26Thla ruknak ah Pathian ni vanmi Gabriel cu Galilee peng ih om Nazareth timi khua ih 27lenghriim pakhat hemah thu pakhat sim ding rum a thlah. Acu nu cu Siangphahrang David ciitlang a imi Josef ca-ih hammi a ii, a min cu Mari a ii. 28Gabriel ni a hemah phain,
“Na parah nangamnak om kau seh, mithmaiṭha piakmi nu,
Bawipa cu na hemah a om,” tiah a ti.
29Ihmansela Mari cu vanmi ih aanmi ah a buai ih, itumang mi tuakbiaknak i zetzo nala tiah a ruat. 30Vanmi ni Mari cu, “Mari, hrul hlah, Pathian mithmaiṭha na co. 31Atu hi naupai lei ci khawh tiapa na ngei thok ih a min ah Jesuh tiah na vawh thok. 32Amah cu a pipa thok ih, Cungnung Tleng ih Tiapa ti’h kawh a i thok, cun Bawipa Pathian ni a pu David ih siangphahrang toṭhiang a pia thok. 33Jakob ih tusintiale kumkhua in uk hngai lei khawh, a uknak ram cu a deng dah thok lo,” tiah a ti. 34Mari ni vanmi cu, “Khawtiin hi lei ahi cu a canthiam? Kei hmawh lenghriim ka ii hekhawh!” tiah a ti. 35Vanmi ni, “Thiang Thlarau na parah pha lei khawh, Cungnung Tleng ih huham ni a tan khum thok, curuangah a hring leimi tia cu a thianghlim thok; amah cu Pathian Tiapa ti’h kawh a i thok. 36Atu hi na sungkhat nu Elizabeth khaw a hraamrila ah tiapa a pai ih, micing ti bilmi nu cu atu hi a thla ruknak a i vel. 37Icatile Pathian ca’h cu a cangthiamlomi ituhman a om thok lo,” tiah a ti. 38Cutikah Mari ni, “Kei cu Bawipa ih salnu ka ikau! Na sim mangin i kau seh,” tiah a ti. Culeh vanmi ni Mari cu a mata.
Mari ih Elizabeth Tlonnak
39Acuhnuk ii hlet hlanah Mari cu Judea tlaang ram khua pakhat ah hnawsiling in a tat, 40Acunang ahcun Zekhariah ih inn ah tlanghlanin a lut hruak ih Elizabeth cu a tuakbia. 41Elizabeth ni Mari ih tuahbiaknak a zak tikah nau cu a pun sungah a soktia. Culeh Elizabeth cu Thiang Thlarau in a khat ih, 42dakpiin, “Nang hi numipawl lakih mithluasuak na ii, cun na sulbu sungih nau hi a thluasuak. 43Ka Bawipa ih nu ni kei hi ica’h a ma tlawn duh he nala? 44A ma tuahbiaknak aw ka zak caang ka sul sungih naute cu lungawi in a soktia. 45Cun Bawipa ni a hemih a simmi a kimngah thok tiih a zumtu nu cu mithluasuak a ii,” tiah a ti.
Mari ih Thangṭhat Hla
46Culeh Mari ni,
“Ka nunkhua ni Bawipa
a thangṭhat,
47cun ka thlarau cu Pathian
a ma Rungtu parah
a ngetia,
48icatile a salnu minauta
kei hi a ma don.
Atu thok in cu san zate ni
mithluasuak nu tiah
a ma ko hngai thok;
49icatile a dikcakmi Pathian ni
ka caah thil pipa
a vua hngai,
cun a min cu a thianghlim.
50Amah a ṭihzah tu mipawl parah
a velngeihnak cu
san khat hnuk san khat
a lansak.
51A dihcahnak cu a baan in
a lansak;
An thinlung ruahnak ih
mizumtia cu
a vaicasak hngai.
52Uktu ṭhawngṭha cu
an toṭhiang in
a ṭhum hngai,
cun minauta cu
a cawisang hngai:
53Miṭaṭhi cu thilṭha in
khimkau a vua hngai,
cun milianle cu
an kut rom in
a kirsak hngai.
54A tungsau Israel cu
a bawn,
a velngeihnak cingkeng in,
55kan pupale hemih
a vuak taakmi – Abraham leh
a ciitlangle hemah
velngei ringring dingih
a thutiam – mangin,”#Mik 7:20; Seem 17:7; 18:18; 22:17.
tiah a ti.
56Mari cu Elizabeth hemah thla thum tluk a caam ih cuhnukah a inn ah a kirṭhan.
Timihnimtu Johan Suahnak
57Elizabeth cu a nauhrin caan a pha vel ih tiapa a hring. 58Bawipa ni a hemah a velngeihnak hnempi a lansak ti in a innkiang leh sungkhatpawl ni an za, culeh an lungawi pi. 59A ni riatnak ah naute cu a phawzim ṭhot dingin an pha, culeh a min ah a pa cawh-in Zekhariah tiah vawh an khaaitia. 60Ihmansela a nu ni, “A i lo; a min cu Johan ti’h kawh thok a ii,” tiah a ti. 61Anmimi ni, “Nan hrihrai ah acui min ngei ahu tal an om lo!” tiah an ti. 62Cutikah a pa ni itu min vawh daw nala ti tiah dingah an kut tehthawi in an dil. 63Laingannak thiltleep dil hngai in, “A min cu Johan a ii,” tiah a ngan. Culeh an zate an don a har. 64A voi khat ah Zekhariah cu a kaa hon a ii, a lei thlam a ii, aan a thawh ih Pathian a thangṭhat. 65An innkiang hmawhhmawh cu an ṭih, culeh Judea tlang ram zate hlawhin hi thupawl hi an thluktia. 66Hi thu a za tu hmawhhmawh ni an ruat reetro ih, “Hi naute hi itumang hang i leng lei maw?” tiah an ti. Icatile Bawipa ni amah cu a ompi hrimhrim ti a fiang.
Zekhariah ih Simcianak
67Cutikah a pa Zekhariah cu Thiang Thlarau rum a khat ih, hi simcianak hi a ang:
68“Israel in Bawipa Pathian cu
thluasuak seh,
icatile a mile parah
mithmaiṭha in a zoh hngai ih
a tlang hngai.
69A tungsau David ih
hrinsar sungin
kan caah a dikmi Rungtu
a suahsak,
70hlanlio ih a thianghlimmi
a profetpawl hmurka in,
71kan ralle hemin leh
a man hua tu zate ih kut in
man rung dingah a simtaak
mangin,
72Cuticun kan pupale hemih
a tiamtaakmi,
73Kan pupa Abraham hemah
siat sirin,
74kan ralle kut in runsuah
kan ik tikah amah cu
hrul lotein,
75thianghlim leh dingfel in
kan san sung hmawh
rian dingah tiih
a thukam mangin man pia
dingah a cingkeng ih
a velngeihnak a lansak.
76“Cun, nang, naute,
Cungnung Tleng ih profet
ti’h kawh na i thok;
icatile Bawipa hmalaah
a lam tuahtim piak dingah
na tat li thok,
77a mile an sualpawl
ngaidamnak thawngin
rundam an i kho ti
sim hngai dingah.
78Kan Pathian ih midoideh
veel ruangah cung sang in
kan parah Runnak
khuaṭhet a phatsak thok,
79khuamaw lakih a to tu
mipawl leh thihnak thlahnep
tangih a to tu mipawl hemah
khuatleu pia hngai dingah,
remdaihnak lampi ah
kan ke man hruai dingah,”
tiah a ti.
80Naute cu tiksa in a hang hnem ih, thlarau ah midikcak a cang. Israel mipi lakah suaklang in a om hlansung cu ramṭhing ah a om.
Currently Selected:
Luka 1: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Luka 1
1
Theofilas Hemah
1Mi tlungpi ni kan lakih a cangsuakmi thilpawl thu teutote ih ngan ding ṭuanvo an la ih, 2a hramthawh in mit ih hmuhpitupawl leh thusimtupawl ih a man simsin mangin an ngan. 3Kei khaw hi thupawl hi an hramthawhnak rori in cemmehngai ih ka zingzoi hnukah, Upattlakmi Theofilas, na caah teutotein ngan dingah ka ruatcat ve, 4cuticun zirh na ikmi thupawl rum a pehtlaitiami thuhram a tiah taw ci.
Timihnimtu Johan Suah thok Simcianak
5Judea Siangphahrang Herod san lioah, Abijah ih tlangbawi burṭhen phun sungah a telve tu Zekhariah timi tlangbawi a om. A nupi cu Aaron ciitlang a ii ih, a min Elizabeth a ii. 6An pahnih Pathian hmaiah miding an ii ih, Bawipa ih thupiakpawl leh daanpawl mangin soibei in an nungcang. 7Ihmansela tianau an ngei lo, icatile Elizabeth cu micing a ii, cun an pahnih an kum a hraam vel. 8Voi khat cu Zekhariah ih burṭhen ni an tlangbawi ṭuanvo mangin Pathian an ren caan a ii ih amah khaw a ṭuanvo a ṭuan. 9Tlangbawi iknak daan mangin Bawipa ih hmunthiang ah lutin rimhmui tikih rai hri tu ding tlinvo dawkin amah an ril. 10Rimhmui tikih raihriik lioahcun mizapi cu pawnla ah thla an cam. 11Cutikah Bawipa ih vanmi a hemah a lang ih rimhmui tihnak pakawh vorhlasan ah a diing. 12Zekhariah ni a hmuh tikah a ṭih; cun thinphaannak in a khat. 13Ihmansela vanmi ni, “Ṭih hlah, Zekhariah, icatile na thlacam cu ngaih piak na i rom. Na nupi Elizabeth ni naupai lei khawh tiapa a tan hrin thok ih a min ah Johan na vawh thok. 14Na lungawi in na ngetia thok, cun amah suah ruangah mi tlungpi an lung a awi thok, 15icatile ani cu Bawipa ih hmuhnak ah mipipa a i thok. Zu iseh, a ṭhawngmi din ding iseh, khawcang hmanah a ding thok lo; a nu pun sung hman in Thiang Thlarau rum a khat thok. 16Israel mi tlungpi cu Bawipa an Pathian hemah a mer hngai thok. 17Nulepapawl ih thinlung cu an tiale hemah iseh, thungailotu cu miding ih thuruah daan laah iseh, mer hngai dingah leh, Bawipa caah mipawl tuahtiimtia in vua hngai dingah Elijah ih thinlungput leh huham rum Bawipa hmalaah a tat li thok,” tiah a ti. 18Zekhariah ni vanmi cu, “Acuti a ik cu khawtiin ka tiah thok? Icatile kei cu pahraam pakhat ka ii, ka nupi khaw a hraam ngai vel!” tiah a ti. 19Vanmi ni, “Kei hi Gabriel ka ii. Pathian hmaiah ka diing ih, namah tan bia ding leh hi thuthang tan phurh dingah thlah mi ka ii. 20A i nain, atu cu anmah tikcu ah a kimngah dingmi ka thupawl na zum lo ruangah nang cu hi thilpawl an can ni a phat hlansung mi-angthiamlo na cang thok,” tiah a ti. 21Acu lioah mipi cu Zekhariah an hngak ciahco, ituruangah biakinn sungah a raau dekdi i nala ti an don a har. 22A va suah tikah a bia hngai thiam lo, culeh hmunthiang sungah lannak a hmu ti an tiahthiam. A kut in a tehthawi hngai rero, ang thiamloin a om. 23A rianṭuan tikcu a deng tikah a inn ah a ṭiin. 24Acuhnuk ii hlet hlanah Elizabeth cu naupai in a om, culeh thla nga sung cu pawnper loin a om. 25“Hihi Bawipa ni ka ca-ih a vuakmi – mithmai ṭhangai-ih a ma zohnak leh ka mipawl lakih ka tuarmi nautatnak a ma latpiaknak a ii,” tiah a ti.
Jesuh Suah thok
26Thla ruknak ah Pathian ni vanmi Gabriel cu Galilee peng ih om Nazareth timi khua ih 27lenghriim pakhat hemah thu pakhat sim ding rum a thlah. Acu nu cu Siangphahrang David ciitlang a imi Josef ca-ih hammi a ii, a min cu Mari a ii. 28Gabriel ni a hemah phain,
“Na parah nangamnak om kau seh, mithmaiṭha piakmi nu,
Bawipa cu na hemah a om,” tiah a ti.
29Ihmansela Mari cu vanmi ih aanmi ah a buai ih, itumang mi tuakbiaknak i zetzo nala tiah a ruat. 30Vanmi ni Mari cu, “Mari, hrul hlah, Pathian mithmaiṭha na co. 31Atu hi naupai lei ci khawh tiapa na ngei thok ih a min ah Jesuh tiah na vawh thok. 32Amah cu a pipa thok ih, Cungnung Tleng ih Tiapa ti’h kawh a i thok, cun Bawipa Pathian ni a pu David ih siangphahrang toṭhiang a pia thok. 33Jakob ih tusintiale kumkhua in uk hngai lei khawh, a uknak ram cu a deng dah thok lo,” tiah a ti. 34Mari ni vanmi cu, “Khawtiin hi lei ahi cu a canthiam? Kei hmawh lenghriim ka ii hekhawh!” tiah a ti. 35Vanmi ni, “Thiang Thlarau na parah pha lei khawh, Cungnung Tleng ih huham ni a tan khum thok, curuangah a hring leimi tia cu a thianghlim thok; amah cu Pathian Tiapa ti’h kawh a i thok. 36Atu hi na sungkhat nu Elizabeth khaw a hraamrila ah tiapa a pai ih, micing ti bilmi nu cu atu hi a thla ruknak a i vel. 37Icatile Pathian ca’h cu a cangthiamlomi ituhman a om thok lo,” tiah a ti. 38Cutikah Mari ni, “Kei cu Bawipa ih salnu ka ikau! Na sim mangin i kau seh,” tiah a ti. Culeh vanmi ni Mari cu a mata.
Mari ih Elizabeth Tlonnak
39Acuhnuk ii hlet hlanah Mari cu Judea tlaang ram khua pakhat ah hnawsiling in a tat, 40Acunang ahcun Zekhariah ih inn ah tlanghlanin a lut hruak ih Elizabeth cu a tuakbia. 41Elizabeth ni Mari ih tuahbiaknak a zak tikah nau cu a pun sungah a soktia. Culeh Elizabeth cu Thiang Thlarau in a khat ih, 42dakpiin, “Nang hi numipawl lakih mithluasuak na ii, cun na sulbu sungih nau hi a thluasuak. 43Ka Bawipa ih nu ni kei hi ica’h a ma tlawn duh he nala? 44A ma tuahbiaknak aw ka zak caang ka sul sungih naute cu lungawi in a soktia. 45Cun Bawipa ni a hemih a simmi a kimngah thok tiih a zumtu nu cu mithluasuak a ii,” tiah a ti.
Mari ih Thangṭhat Hla
46Culeh Mari ni,
“Ka nunkhua ni Bawipa
a thangṭhat,
47cun ka thlarau cu Pathian
a ma Rungtu parah
a ngetia,
48icatile a salnu minauta
kei hi a ma don.
Atu thok in cu san zate ni
mithluasuak nu tiah
a ma ko hngai thok;
49icatile a dikcakmi Pathian ni
ka caah thil pipa
a vua hngai,
cun a min cu a thianghlim.
50Amah a ṭihzah tu mipawl parah
a velngeihnak cu
san khat hnuk san khat
a lansak.
51A dihcahnak cu a baan in
a lansak;
An thinlung ruahnak ih
mizumtia cu
a vaicasak hngai.
52Uktu ṭhawngṭha cu
an toṭhiang in
a ṭhum hngai,
cun minauta cu
a cawisang hngai:
53Miṭaṭhi cu thilṭha in
khimkau a vua hngai,
cun milianle cu
an kut rom in
a kirsak hngai.
54A tungsau Israel cu
a bawn,
a velngeihnak cingkeng in,
55kan pupale hemih
a vuak taakmi – Abraham leh
a ciitlangle hemah
velngei ringring dingih
a thutiam – mangin,”#Mik 7:20; Seem 17:7; 18:18; 22:17.
tiah a ti.
56Mari cu Elizabeth hemah thla thum tluk a caam ih cuhnukah a inn ah a kirṭhan.
Timihnimtu Johan Suahnak
57Elizabeth cu a nauhrin caan a pha vel ih tiapa a hring. 58Bawipa ni a hemah a velngeihnak hnempi a lansak ti in a innkiang leh sungkhatpawl ni an za, culeh an lungawi pi. 59A ni riatnak ah naute cu a phawzim ṭhot dingin an pha, culeh a min ah a pa cawh-in Zekhariah tiah vawh an khaaitia. 60Ihmansela a nu ni, “A i lo; a min cu Johan ti’h kawh thok a ii,” tiah a ti. 61Anmimi ni, “Nan hrihrai ah acui min ngei ahu tal an om lo!” tiah an ti. 62Cutikah a pa ni itu min vawh daw nala ti tiah dingah an kut tehthawi in an dil. 63Laingannak thiltleep dil hngai in, “A min cu Johan a ii,” tiah a ngan. Culeh an zate an don a har. 64A voi khat ah Zekhariah cu a kaa hon a ii, a lei thlam a ii, aan a thawh ih Pathian a thangṭhat. 65An innkiang hmawhhmawh cu an ṭih, culeh Judea tlang ram zate hlawhin hi thupawl hi an thluktia. 66Hi thu a za tu hmawhhmawh ni an ruat reetro ih, “Hi naute hi itumang hang i leng lei maw?” tiah an ti. Icatile Bawipa ni amah cu a ompi hrimhrim ti a fiang.
Zekhariah ih Simcianak
67Cutikah a pa Zekhariah cu Thiang Thlarau rum a khat ih, hi simcianak hi a ang:
68“Israel in Bawipa Pathian cu
thluasuak seh,
icatile a mile parah
mithmaiṭha in a zoh hngai ih
a tlang hngai.
69A tungsau David ih
hrinsar sungin
kan caah a dikmi Rungtu
a suahsak,
70hlanlio ih a thianghlimmi
a profetpawl hmurka in,
71kan ralle hemin leh
a man hua tu zate ih kut in
man rung dingah a simtaak
mangin,
72Cuticun kan pupale hemih
a tiamtaakmi,
73Kan pupa Abraham hemah
siat sirin,
74kan ralle kut in runsuah
kan ik tikah amah cu
hrul lotein,
75thianghlim leh dingfel in
kan san sung hmawh
rian dingah tiih
a thukam mangin man pia
dingah a cingkeng ih
a velngeihnak a lansak.
76“Cun, nang, naute,
Cungnung Tleng ih profet
ti’h kawh na i thok;
icatile Bawipa hmalaah
a lam tuahtim piak dingah
na tat li thok,
77a mile an sualpawl
ngaidamnak thawngin
rundam an i kho ti
sim hngai dingah.
78Kan Pathian ih midoideh
veel ruangah cung sang in
kan parah Runnak
khuaṭhet a phatsak thok,
79khuamaw lakih a to tu
mipawl leh thihnak thlahnep
tangih a to tu mipawl hemah
khuatleu pia hngai dingah,
remdaihnak lampi ah
kan ke man hruai dingah,”
tiah a ti.
80Naute cu tiksa in a hang hnem ih, thlarau ah midikcak a cang. Israel mipi lakah suaklang in a om hlansung cu ramṭhing ah a om.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.