Luka 12
12
Tisaktiak Ralrin piaknak
(Mat 10:26-27)
1Mibuur cu a thawng a thawngin an khawmtia ih, pakhat leh pakhat an teihtiak hluahhlo lioah Jesuh ni a peitleng kaizulle cu, “Farisile ih colnu, cucu an tisaktiaknak tican, hi ralring uh. 2Hon lo dingih khummi ituhman a om lo, cun tiah leh lo dingmi thuthup ituhman a om lo. 3Curuangah khuamaw lakih nan sim taakmi itupoh sun khuatleu ah zak i leh lei, cun sangka kharmi dungla ih nan hiohiomi cu inn luangkhum parin ho i leh lei.
Hrulloin Amah Phuan Thok
(Mat 10:26-33)
4“Ka tan sim hngai, rualle hngai, ruangpun cu that in acuhnuk ituhman a ti beeng zo lo tu mipawl cu ṭih hlah uh. 5A i nain ahu ṭih ding ti ralrin ka tan pia hngai thok: mi a thah hnukah hremhmun ah mithlak khawhnak huham a ngei tu ṭih uh. A ii, ka tan sim hngai, amah cu ṭih uh! 6Caate lu nga sa cu tangka saa hnih ah zuar an i lo maw? A i nain pakhat te hman Pathian ni hmu loin a palhtia lo. 7Nan lu parih sampawl hman dengin siar an ii. Nan thla phang hlah uh; nangmi cu caate tlungpi vanin nan man a khungsawn hekhawh. 8“Cun ka tan sim hngai, mipawl hmai ih a ma phuang ngam tupoh Mi Tiapa ni khaw Pathian vanmipawl hmaiah ka phuang leh ve thok; 9a i nain mipawl hmai ih a ma pheh tupoh Pathian vanmipawl hmaiah pheh an i leh thok. 10Culeh Mi Tiapa dokalh in a awn-ang tupoh ngaidam an i thok; a i nain Thiang Thlarau thangsiatin a awn-ang tupoh ngaidam an i thok lo. 11Sinakok uktule hmala leh thungeitule hmalaah tlangtung dingin an tan phatpi tikah, nanmah leh mah khawti’n nan ṭantiak thok leh itu nan sim thok timi thu ah dontia hlah uh; 12icatile Thiang Thlarau ni itu nan aan awk a mawi ti cu acui caan rori ah a tan zirh hngai leh thok,” tiah a ti hngai.
Milian Aa Thuṭhim
13Mibuur lakin mi pakhat ni Jesuh cu, “Zirhtupa, ka upa hi kan innsang rocomi ma zem ve dingin ma sim piak tu hmen,” tiah a ti. 14Jesuh ni, “Mipa, ahu ni nan thureltu iklole thuṭhenpiaktu ah a ma vua hmen?” tiah a ti. 15Culeh, “Ralring uh! Duhhamnak a phunphun ih ral in khamtia uh; icatile mi pakhat ih nunnak cu a ngeihsiah tampi lakah a telcih lo,” tiah a ti hngai. 16Cuhnukah thuṭhim pakhat: “Milian pakhat pa ih loram ni thlaikhawm ding tampi a suah. 17Cutikah amahte, ‘Itu ka ti mawi nala? Ka thlaikhawmawk khawlnak hmun le ngei hlah ing’ tiah a ruat tia. 18Cuhnukah, ‘Hihi ka ti thok: ka cawsiarpawl ṭhet hngai in a hnemdeuhmi ka sa hngai thok, cun acunangah ka thlaikhawmmi leh ka thilpawl ka khawl hngai thok. 19Culeh kamah leh mah cu: Kum tlungpi ca’h khawltiakmi thil tor rauh na ngei kovawh; om huahho – aw, ding, cun nuam tluaitlo’n om, tiah ka ti tia thok’ tiah a ti. 20A i na’n Pathian ni, ‘Nang mi-aa! Nihin zan rori ah na nunkhua cu na hemin lat a ii. Na tuahtimtiakmi thilpawl teh ahu ih ta i lei uh maw?’ tiah a ti. 21Curuangah Pathian laah hmawh lian ṭung loin anmah caah ngeihsiah khawl tu mipawl cu acumang cu an ii,” timi a sim hngai.
Dontia Hlah uh
(Mat 6:19-21, 25-34)
22Jesuh ni a kaizulle cu, “Curuangah ka tan sim hngai, nan nunnak ca-ih nan awk thok, iklole nan ruangpun ca-ih nan sinthlai thok dontia hlah uh. 23Icatile nunnak timi cu caw vanin a thupisawn, cun ruangpun khaw partlai vanin a thupisawn. 24Langakpawl hi ruat hman uh: thlai khaw an thla lo, khawm khaw an khawm lo, thilkhawlnak inn leh cawsiar khaw an ngei lo, a i nain Pathian ni a cawm hngai kau. Vapawl vanin ii tluk man tam hlehhlomi nan ii! 25Cun nanmah lakih ahu mang ni nan dontiak ruangah nan nunkhua nazi pakhat te tal sausak beeng zo cu? 26Acumang thil tiinte hman nan ti zo lo a’cun acu simlo pawl ca’h ituruangah nan dontiak duh? 27Bingbi paarpawl khawti’n an hang hnem ti ruat hman uh: thabaangin rian an ṭuan lo, cun vo khaw an sual lo; a i na’n ka tan sim hngai, Solomon ni hman a sunlawinak zate rum a thomtiak ah ahipawl lakih pakhat mangin a mawi lo. 28Nihinni cu a nung ih zingla a’cun capeng mei sungih paihmi hramlak taa hman Pathian ni cutiih a thom a’cun, ii tlukin a tan thuam hngai hlehhlo thok – nangmi zumnak tlawm mile! 29Cun itu nan awk thok leh itu nan din thok ca’h khaw zuam rero duh hlah uh, cun dontia ringring hlah uh. 30Icatile hi thilpawl ngah zuam rero tu cu lawkipawl an ii, nangmi acupawl nan ṭul cu nan Pa ni a tiahkau. 31Acucanah, a uknak ca’h zuam rero sawn uh, culeh hi thilpawl hi khaw nan hemih piak an i ve leh thok. 32“Hrul hlah uh, turual tiintele hngai, icatile nan hemih uknak piak cu nan Pa ih nuam ti zawng a ii. 33Nan ngeihsiahpawl zuar u la, miharsa bonnak ah pia uh. A ṭet lo dingmi tangka siahnak dipte vuak tia u la, titiir ni an vong hnaih lo nak leh riarulnu ni an siatsuah lo nak vancung ah a hmalak dah lomi hlawnthil khawltia uh. 34Icatile nan hlawnthil omnak ah nan thinlung khaw a om ve thok.
A Hngak langlang tu Hemom
35“Tekcak dingin thuamtia u la nan mei-inn khaw tletcia in om uh; 36an bawipa mopuai in kir ih a phat tikah sangka a kin caang sangka hon piak dingih a hngak tu mipawl mangin ii uh. 37An bawipa a phat tikih tiimvarin a hmuh hngaimi hemomle cu mithluasuak an ii; thungaiin ka tan sim hngai, a tavai vaitia in anmimi khaw caw aw dingah a tosak hngai thok, cun anmah a rian hngai thok. 38Zanruang lio fang ih a phat ah maw, iklole khuavang sam ih a phat ah maw, acutiih a hmuh hngai a’cun, acui hemomle cu mithluasuak an ii. 39“A i nain hihi tiah uh: inn ngeitu ni khawcang fang ih titiir phat thok a tiah a’cun tiimvarin om lei khawh a inn cu a bauhsak in a luhsak thok lo. 40Nangmi khaw nan ralring thok, icatile Mi Tiapa cu nan rinlo caan ah a pha thok,” tiah a ti hngai.
Rinsantlak leh Tlaklo Hemom
(Mat 24:45-51)
41Piter ni, “Hi thuṭhim hi keimi caah na sim maw, iklole mi zate caah na sim?” tiah a ti. 42Culeh Bawipa ni, “Ahu he maw a bawipa ni a hemomle parih ṭuanvongeitu ding leh a caan te ah an caw awk ding covo zet zem hngai dingah a siahmi rinsantlak leh a tingmi tawlreltu cu? 43A bawipa a phat tikah rian ṭuan in a hmuhmi cui hemom cu mithluasuak a ii. 44Thungaiin ka tan sim, acu pa cu a bawipa ni a ngeihsiah zate parih ṭuanvongeitu ah a vua thok. 45A i na’n acui hemom ni amah leh amah, ‘Ka bawipa cu a phat tlai vaih lei in,’ tiah ti tia in a hemomle nu tilo pa tilo thawi hngai in, a awk, a din leh a riit a’cun, 46acui hemom ih bawipa cu a rinlo ni leh a tiah lo caan ah pha lei khawh a canzaan thok, cun rinsantlaklo mile hemah a sia thok. 47A bawipa ih dawtzawng a tiah na’n a ralring tia lo, iklole a bawipa ih dawtzawng a vua lo tu acui hemom cu tiakpiih thawi a tuak thok. 48A i na’n a tiah ta lo tu leh thawi phumi a vua tu cu doihtein thawi a tuak thok. A hemih tampi piak a imi micang hemin tampi dil a i thok; cun tampi kilsak a imi hemin cu tamsin hman ngen a i thok.
Ṭiankuainak Suahsaktu Jesuh
(Mat 10:34-36)
49“Vulei ah mei putta hngai dingah ka pha ih atu hi cawng rom sela ka dawt zia cu! 50Tuarnak timi tihnimtiak thok ka ngei, acu cu uh ngah a ik hlansung ii tlukin ka te a tem! 51Vulei ah remdaihnak putta hngai dingah a pha ti’n a ma ruat hngai maw? I hlah ee, ka tan sim hngai, ṭiankuainak suahsak ding sawn ah ka pha hekhawh! 52Atu hin cu innsang ih mi panga ommi cu: pathum ni pahnih ralsanin, cun pahnih ni pathum ralsanin an ṭiankuai thok;
53Pa ni tiapa ralsanin,
cun tiapa ni pa ralsanin,
nu ni tianu ralsanin,
cun tianu ni nu ralsanin,
ni ni vah-nu#12:53 Vah-nu ti cu tiapa ih nupi leh a pumah ih nu pehtlaihtiaknak. ralsanin,
cun vah-nu ni ni ralsanin,
Caan Sullam Phuannak
(Mat 16:1-4)
54Mibuurpawl cu,
“Nipilnakla ih meici
hang kai taw ah a voi khat ah,
‘Ruah a zu thok’
nan ti lohli;
cun a zu ngaingai.
55Culeh simramla huih tlo taw ah, ‘Khua a sa rauh thok’ nan tiih a sa ngaingai. 56Nangmi mitisaktiapawl! Vulei leh van hmuihmel landan sullam khawti’h phuansuah thok ti cu nan tiah, a i nain atulio caan sullam khawti’h phuansuah thok ti hmawh ica’h nan tiah lo hmen?” tiah khaw a ti hngai.
Dokalhtu rum Rem thok
(Mat 5:25-26)
57“Ica’h nanmahte itu a hmaan ti thu nan ṭhentia lo? 58Cuticun, tlang a tan tungtu rum thuṭhenbawi hem nan tah tikah, zung phat hlanah amah rum thudaihsak ding zuam la, culocu thuṭhentu hmalaah sualdawk i lei ci khawh, cun thuṭhentu ni bawi hemah a tan ap thok ih, bawi ni thawng ah a tan thla thok. 59Ka tan sim, na tangka kuan dingmi a dengnak rori na kuan hlansung cu na suahngah dah thok lo henakhawh,” tiah a ti.
Currently Selected:
Luka 12: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Luka 12
12
Tisaktiak Ralrin piaknak
(Mat 10:26-27)
1Mibuur cu a thawng a thawngin an khawmtia ih, pakhat leh pakhat an teihtiak hluahhlo lioah Jesuh ni a peitleng kaizulle cu, “Farisile ih colnu, cucu an tisaktiaknak tican, hi ralring uh. 2Hon lo dingih khummi ituhman a om lo, cun tiah leh lo dingmi thuthup ituhman a om lo. 3Curuangah khuamaw lakih nan sim taakmi itupoh sun khuatleu ah zak i leh lei, cun sangka kharmi dungla ih nan hiohiomi cu inn luangkhum parin ho i leh lei.
Hrulloin Amah Phuan Thok
(Mat 10:26-33)
4“Ka tan sim hngai, rualle hngai, ruangpun cu that in acuhnuk ituhman a ti beeng zo lo tu mipawl cu ṭih hlah uh. 5A i nain ahu ṭih ding ti ralrin ka tan pia hngai thok: mi a thah hnukah hremhmun ah mithlak khawhnak huham a ngei tu ṭih uh. A ii, ka tan sim hngai, amah cu ṭih uh! 6Caate lu nga sa cu tangka saa hnih ah zuar an i lo maw? A i nain pakhat te hman Pathian ni hmu loin a palhtia lo. 7Nan lu parih sampawl hman dengin siar an ii. Nan thla phang hlah uh; nangmi cu caate tlungpi vanin nan man a khungsawn hekhawh. 8“Cun ka tan sim hngai, mipawl hmai ih a ma phuang ngam tupoh Mi Tiapa ni khaw Pathian vanmipawl hmaiah ka phuang leh ve thok; 9a i nain mipawl hmai ih a ma pheh tupoh Pathian vanmipawl hmaiah pheh an i leh thok. 10Culeh Mi Tiapa dokalh in a awn-ang tupoh ngaidam an i thok; a i nain Thiang Thlarau thangsiatin a awn-ang tupoh ngaidam an i thok lo. 11Sinakok uktule hmala leh thungeitule hmalaah tlangtung dingin an tan phatpi tikah, nanmah leh mah khawti’n nan ṭantiak thok leh itu nan sim thok timi thu ah dontia hlah uh; 12icatile Thiang Thlarau ni itu nan aan awk a mawi ti cu acui caan rori ah a tan zirh hngai leh thok,” tiah a ti hngai.
Milian Aa Thuṭhim
13Mibuur lakin mi pakhat ni Jesuh cu, “Zirhtupa, ka upa hi kan innsang rocomi ma zem ve dingin ma sim piak tu hmen,” tiah a ti. 14Jesuh ni, “Mipa, ahu ni nan thureltu iklole thuṭhenpiaktu ah a ma vua hmen?” tiah a ti. 15Culeh, “Ralring uh! Duhhamnak a phunphun ih ral in khamtia uh; icatile mi pakhat ih nunnak cu a ngeihsiah tampi lakah a telcih lo,” tiah a ti hngai. 16Cuhnukah thuṭhim pakhat: “Milian pakhat pa ih loram ni thlaikhawm ding tampi a suah. 17Cutikah amahte, ‘Itu ka ti mawi nala? Ka thlaikhawmawk khawlnak hmun le ngei hlah ing’ tiah a ruat tia. 18Cuhnukah, ‘Hihi ka ti thok: ka cawsiarpawl ṭhet hngai in a hnemdeuhmi ka sa hngai thok, cun acunangah ka thlaikhawmmi leh ka thilpawl ka khawl hngai thok. 19Culeh kamah leh mah cu: Kum tlungpi ca’h khawltiakmi thil tor rauh na ngei kovawh; om huahho – aw, ding, cun nuam tluaitlo’n om, tiah ka ti tia thok’ tiah a ti. 20A i na’n Pathian ni, ‘Nang mi-aa! Nihin zan rori ah na nunkhua cu na hemin lat a ii. Na tuahtimtiakmi thilpawl teh ahu ih ta i lei uh maw?’ tiah a ti. 21Curuangah Pathian laah hmawh lian ṭung loin anmah caah ngeihsiah khawl tu mipawl cu acumang cu an ii,” timi a sim hngai.
Dontia Hlah uh
(Mat 6:19-21, 25-34)
22Jesuh ni a kaizulle cu, “Curuangah ka tan sim hngai, nan nunnak ca-ih nan awk thok, iklole nan ruangpun ca-ih nan sinthlai thok dontia hlah uh. 23Icatile nunnak timi cu caw vanin a thupisawn, cun ruangpun khaw partlai vanin a thupisawn. 24Langakpawl hi ruat hman uh: thlai khaw an thla lo, khawm khaw an khawm lo, thilkhawlnak inn leh cawsiar khaw an ngei lo, a i nain Pathian ni a cawm hngai kau. Vapawl vanin ii tluk man tam hlehhlomi nan ii! 25Cun nanmah lakih ahu mang ni nan dontiak ruangah nan nunkhua nazi pakhat te tal sausak beeng zo cu? 26Acumang thil tiinte hman nan ti zo lo a’cun acu simlo pawl ca’h ituruangah nan dontiak duh? 27Bingbi paarpawl khawti’n an hang hnem ti ruat hman uh: thabaangin rian an ṭuan lo, cun vo khaw an sual lo; a i na’n ka tan sim hngai, Solomon ni hman a sunlawinak zate rum a thomtiak ah ahipawl lakih pakhat mangin a mawi lo. 28Nihinni cu a nung ih zingla a’cun capeng mei sungih paihmi hramlak taa hman Pathian ni cutiih a thom a’cun, ii tlukin a tan thuam hngai hlehhlo thok – nangmi zumnak tlawm mile! 29Cun itu nan awk thok leh itu nan din thok ca’h khaw zuam rero duh hlah uh, cun dontia ringring hlah uh. 30Icatile hi thilpawl ngah zuam rero tu cu lawkipawl an ii, nangmi acupawl nan ṭul cu nan Pa ni a tiahkau. 31Acucanah, a uknak ca’h zuam rero sawn uh, culeh hi thilpawl hi khaw nan hemih piak an i ve leh thok. 32“Hrul hlah uh, turual tiintele hngai, icatile nan hemih uknak piak cu nan Pa ih nuam ti zawng a ii. 33Nan ngeihsiahpawl zuar u la, miharsa bonnak ah pia uh. A ṭet lo dingmi tangka siahnak dipte vuak tia u la, titiir ni an vong hnaih lo nak leh riarulnu ni an siatsuah lo nak vancung ah a hmalak dah lomi hlawnthil khawltia uh. 34Icatile nan hlawnthil omnak ah nan thinlung khaw a om ve thok.
A Hngak langlang tu Hemom
35“Tekcak dingin thuamtia u la nan mei-inn khaw tletcia in om uh; 36an bawipa mopuai in kir ih a phat tikah sangka a kin caang sangka hon piak dingih a hngak tu mipawl mangin ii uh. 37An bawipa a phat tikih tiimvarin a hmuh hngaimi hemomle cu mithluasuak an ii; thungaiin ka tan sim hngai, a tavai vaitia in anmimi khaw caw aw dingah a tosak hngai thok, cun anmah a rian hngai thok. 38Zanruang lio fang ih a phat ah maw, iklole khuavang sam ih a phat ah maw, acutiih a hmuh hngai a’cun, acui hemomle cu mithluasuak an ii. 39“A i nain hihi tiah uh: inn ngeitu ni khawcang fang ih titiir phat thok a tiah a’cun tiimvarin om lei khawh a inn cu a bauhsak in a luhsak thok lo. 40Nangmi khaw nan ralring thok, icatile Mi Tiapa cu nan rinlo caan ah a pha thok,” tiah a ti hngai.
Rinsantlak leh Tlaklo Hemom
(Mat 24:45-51)
41Piter ni, “Hi thuṭhim hi keimi caah na sim maw, iklole mi zate caah na sim?” tiah a ti. 42Culeh Bawipa ni, “Ahu he maw a bawipa ni a hemomle parih ṭuanvongeitu ding leh a caan te ah an caw awk ding covo zet zem hngai dingah a siahmi rinsantlak leh a tingmi tawlreltu cu? 43A bawipa a phat tikah rian ṭuan in a hmuhmi cui hemom cu mithluasuak a ii. 44Thungaiin ka tan sim, acu pa cu a bawipa ni a ngeihsiah zate parih ṭuanvongeitu ah a vua thok. 45A i na’n acui hemom ni amah leh amah, ‘Ka bawipa cu a phat tlai vaih lei in,’ tiah ti tia in a hemomle nu tilo pa tilo thawi hngai in, a awk, a din leh a riit a’cun, 46acui hemom ih bawipa cu a rinlo ni leh a tiah lo caan ah pha lei khawh a canzaan thok, cun rinsantlaklo mile hemah a sia thok. 47A bawipa ih dawtzawng a tiah na’n a ralring tia lo, iklole a bawipa ih dawtzawng a vua lo tu acui hemom cu tiakpiih thawi a tuak thok. 48A i na’n a tiah ta lo tu leh thawi phumi a vua tu cu doihtein thawi a tuak thok. A hemih tampi piak a imi micang hemin tampi dil a i thok; cun tampi kilsak a imi hemin cu tamsin hman ngen a i thok.
Ṭiankuainak Suahsaktu Jesuh
(Mat 10:34-36)
49“Vulei ah mei putta hngai dingah ka pha ih atu hi cawng rom sela ka dawt zia cu! 50Tuarnak timi tihnimtiak thok ka ngei, acu cu uh ngah a ik hlansung ii tlukin ka te a tem! 51Vulei ah remdaihnak putta hngai dingah a pha ti’n a ma ruat hngai maw? I hlah ee, ka tan sim hngai, ṭiankuainak suahsak ding sawn ah ka pha hekhawh! 52Atu hin cu innsang ih mi panga ommi cu: pathum ni pahnih ralsanin, cun pahnih ni pathum ralsanin an ṭiankuai thok;
53Pa ni tiapa ralsanin,
cun tiapa ni pa ralsanin,
nu ni tianu ralsanin,
cun tianu ni nu ralsanin,
ni ni vah-nu#12:53 Vah-nu ti cu tiapa ih nupi leh a pumah ih nu pehtlaihtiaknak. ralsanin,
cun vah-nu ni ni ralsanin,
Caan Sullam Phuannak
(Mat 16:1-4)
54Mibuurpawl cu,
“Nipilnakla ih meici
hang kai taw ah a voi khat ah,
‘Ruah a zu thok’
nan ti lohli;
cun a zu ngaingai.
55Culeh simramla huih tlo taw ah, ‘Khua a sa rauh thok’ nan tiih a sa ngaingai. 56Nangmi mitisaktiapawl! Vulei leh van hmuihmel landan sullam khawti’h phuansuah thok ti cu nan tiah, a i nain atulio caan sullam khawti’h phuansuah thok ti hmawh ica’h nan tiah lo hmen?” tiah khaw a ti hngai.
Dokalhtu rum Rem thok
(Mat 5:25-26)
57“Ica’h nanmahte itu a hmaan ti thu nan ṭhentia lo? 58Cuticun, tlang a tan tungtu rum thuṭhenbawi hem nan tah tikah, zung phat hlanah amah rum thudaihsak ding zuam la, culocu thuṭhentu hmalaah sualdawk i lei ci khawh, cun thuṭhentu ni bawi hemah a tan ap thok ih, bawi ni thawng ah a tan thla thok. 59Ka tan sim, na tangka kuan dingmi a dengnak rori na kuan hlansung cu na suahngah dah thok lo henakhawh,” tiah a ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.