Luka 7
7
Ralkapzabawi Hemom Damsaknak
(Mat 8:5-13)
1Mipi zak ih a thusim hmawhhmawh a uh hnukah Jesuh cu Kapernaum khua ah a lut. 2Acunangah ralkapzabawi pakhat a om ih a sunsak ngaimi hemom pakhat a ngei, acu pa cu thisam in a tiak. 3Jesuh ih thu a zak tikah, Judah upa hrekkhat thlah hngai in, Jesuh ni phain a hemom pa damsak dingah a dilsak hngai. 4Jesuh hem an phat tikah thungaithlakin an ngeen ih, “Amah hi hi thil na vuak piak dingah a tlak hrimhrim, 5icatile kan mipawl a daw hngai ih, kan sinakok man sak piak tu cu amah hi a ii,” tiah an ti. 6Culeh Jesuh cu anmah rum a tat, ihmansela inn in lam hla tuk lo a phat ah, ralkapzabawi ni Jesuh cu, “Bawipa, zanzaih piatia duh hlah, icatile ka luangkhum tangih tan luhsak dingah ka tlak lo; 7curuangah namah tan phat ding khaw ṭha ah ka ruat lo. Thu ceu pia hruak la ka hemom cu dam seh. 8Icatile kamah khaw thungeihnak tangah siah ka ii, ka kut tangah ralkaple an om; culeh pakhat cu, ‘Tat’ ka ti tikah a tat, cun a pace cu, ‘Ma pha’ ka ti tikah a ma pha. Culeh ka hemom cu, ‘Hihi vua’ ka tiih a vua,” tiah sim dingin a rualpile cu a thlah hngai. 9Jesuh ni acu cu a zak tikah a don a har ngai, culeh amah zultu mibuur sanla ah, “Ka tan sim hngai, Israel mi sung hman ah himang zumnak hi tuak rih hlah ing ee,” tiah a ti hngai. 10Thlah taak mile inn ih an kirṭhan tikah, hemom pa cu damṭha in an hmu.
Nuhmei Tiapa Thawhsaknak
11Acuhnuk ii hlet hlanah Jesuh cu Nain timi khua ah a tat, culeh a kaizulpawl leh mibuur pi ni an zul. 12Khua hnaar an hnaih tikah, mithi vui thok zawntia an va suak. Amah cu a nu ih tiapa ngeihsun a ii ih, a nu cu nuhmei a ii; culeh khua sungin mibuur ni cu nu cu an zul. 13Bawipa ni cu nu a hmuh tikah a phusahih ih, “Ṭap hlah maw,” tiah a ti. 14Cuhnukah hmaiah suakdeuh in ruak zon nak laang cu a tham, a zawntia tule cu an diing ciahco. Culeh, “Tlangvalpa, thu ka tan pia, tho!” tiah a ti. 15Mithi pa cu hang toin a ang, culeh Jesuh ni a nu hemah a ap. 16An zate an ṭih vuai; culeh Pathian an thangṭhat ih, “Kan lakin profet pipa pakhat a suaklang rom,” ti in leh, “Pathian ni a mipawl mithmaiṭha in a zoh hngai rom,” tiah an ti. 17Amah ih thu an simtiakmi hi Judea peng leh a hrialkam ram zate hlawhin a karh.
Timihnimtu Johan hemin Thuphurtule
(Mat 11:2-19)
18Timihnimtu Johan ih kaizulle ni hi thil hmawhhmawh hi amah an sim. Curuangah Johan ni a kaizulle pahnih tirh hngai in 19Bawipa cu, “Namah hi a pha thok mipa cu na i maw, iklole mi pace kan hngak thok?” tiah dil dingin a thlah hngai. 20Acule Jesuh hem an phat tikah, “Timihnimtu Johan ni namah hemah, ‘Nang hi a pha lei mipa cu na ii maw? Iklole mi pace kan hngak lei maw?’ tiah tan dil dingah a man thlah,” tiah an ti. 21Ahihi Jesuh ni tiahherh ngeimi mi tlungpi, hrirai ih tlakmi a damsak hngai, thlarau ṭhalo ṭhawl hngai in, mitcaw tlungpi khua a hmuhsak hngai hnuk caang a ii. 22Culeh, “Tat lei cu khawh nan hmuhmi leh nan zakmi hi Johan sim uh: mitcaw khua an hmu, kezeng an vak, miphar thiansak an ii, naset ni khua an za, mithi thawhsak an ii, mifarahpawl thuthangṭha phurh an ii. 23Cun kanmah parih lunghilonak a ngei lo tu cu mithluasuak a ii,” tiah a let hngai. 24Johan ih thuphurtule an kir hnukah Jesuh ni Johan ih thuhla mibuurpawl sim hngai a thawh ih: Ramṭhing ah itu zoh dingin nan tat? Huih tlo ih hninmi phaikung maw? 25Itu zoh dingah nan suak? Angkitual nem sin in a ommi maw? Partlai ṭhaṭha sinthlai in lungtluaingai ih a om tu cu siangphahrang inn ah an om hekhawh. 26Itu zoh dingah nan suak? Profet maw? A ii, ka tan sim hngai, amah cu profet vanin a pipasawn.
27Hihi mi pakhat ih thuhla:
‘Zoh hman, na hlanah ka thuphurtu,
na hmalaah na lam tan tuahtim
piak tu ding, ka thlah thok’#Mal 3:1.
tiih nganmi pa cu a ii.
28Ka tan sim hngai, numi ih hrinmi lakah ahuhman Johan vanin an pipasawn lo; a i nain Pathian uknak sungih a tenautleng cu Johan vanin a pipasawn,” tiah a ti. 29(Culeh hi thu a za tu mi hmawhhmawh ni, siahkhuanle telin, Pathian ih Dingnak an tiahthiam, icatile Johan ih tihnimmi an ii. 30Ihmansela amah ih tihnim an alnak thawngin, Farasipawl leh daanzirhtupawl ni cu anmah ca-ih Pathian tumtahmi an hnong.) 31“Hi san mipawl, cun itumang an ti ti hi itu rum ka tahṭhim hngai thok a he? 32Dawr hmun ah toin buur khat leh buur khat,
‘Tilawvau kan tan tum na’n,
nan laam lo;
ṭahhla kan tansak na’n
nan ṭap lo’
tiah a auhtiami tepangle mang an ti.
33Icatile Timihnimtu Johan phain caw aw lo leh sabit ding loin a om ih, ‘Khuavang a ngei’ nan ti; 34Mi Tiapa phain a aw, a ding ih, ‘Zoh uh, cawkaaupa leh zuri pa, siahkhuanpawl leh misualpawl ih rualpi’ nan ti! 35A i na’n tinnak cu a zultule ih nunnak ni a hmaanzia a lansak,” tiah a ti.
Misual Nu Ngaidam a ii
36Farisi pakhat ni Jesuh caw awk khat a sawm, culeh Farisi pa inn ah a tat ih cabuai ah caw a um. 37Culeh, khua sungih misual nu pakhat ni Farisi pa ih inn ah Jesuh caw a zawh ti a tiah ih Jesuh hnulh dingmi rimhmui ti cu alabaster timi lung in vuakmi uum in a kentia ta. 38Jesuh dungla a ke hramah diingin a ṭap, culeh a mitthli in a ke a ṭawl ih a sam in a hnawt. Cuhnukah a ke cu hnam berboin a rimhmui ti cu a toih. 39Jesuh caw a ko tu Farisi pa ni acu cu a hmuh tikah amah leh amah, “Hi pa hi profet a ik a’cun amah a tongtham rero tu nu hi ahu a ik leh itumang numi phun a ik – misual a ik a tiah thok na’n,” tiah a ti tia. 40Jesuh ni, “Simon, na hemih sim ding thil pakhat ka ngei,” tiah a ti. Simon ni, “Zirhtupa, ang kau tu hmen,” tiah a sawn. 41Jesuh ni, “Tangka micoihtu ahu pakhat ni maw leibatu pahnih a ngei hngai; pakhat ni denarii#Mar 6:37. 500 a ba ih pakhat ni sawmnga a ba. 42An sam zo lo tikah an pahnih an leiba a olh #Mat 18:27, 32. hngai. Ahu ni acu pa cu daw sawn thok nala?” tiah a ti. 43Simon ni, “Leiba tlungsawn olh a i mipa ni dawt sawn ka zum,” tiah a sawn. Culeh Jesuh ni, “Hmaante’n thu ṭhen ci ee,” tiah a ti. 44Cuhnukah acu nu sanla ah hoiin, Simon cu, “Hi nu hi hmu cim? Na inn sung ka luh tikah ka ke ṭawlnak ti a ma pia lo; a i na’n ani cu a mitthli in ka ke ṭawlin a sam in a hnawt hngai. 45Nang ni cu a ma hnamla lo, a i nain ani cu ka luh in ka ke hnam a awl dah lo. 46Nang ni cu ka lu khaw thathau na hnulh lo, a i nain ani cu ka ke rimhmui ti a ma toih. 47Curuangah ka tan sim, a sualnak a tlungpi tami cu ngaidam a i rom; acu ca’h hete’n dawtnak hnempi a lansaknak cu! Tlawmte ceu ngaidam mi ni zong cu tlawmte ceu mi a daw ve,” tiah a ti. 48Cuhnukah minu cu, “Na sualnakpawl ngaidam an ii,” tiah a ti. 49Ihmansela amah rum cabuai ih caw a uum khat tu mile ni anmah leh anmah, “Sualnakpawl hman ngaidam tu pa hi ahu a i zetzo?” tiah an ti tia. 50Culeh Jesuh ni minu cu, “Na zumnak ni a tan rung rom; nadaitein tat tia law,” tiah a ti.
Currently Selected:
Luka 7: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
Luka 7
7
Ralkapzabawi Hemom Damsaknak
(Mat 8:5-13)
1Mipi zak ih a thusim hmawhhmawh a uh hnukah Jesuh cu Kapernaum khua ah a lut. 2Acunangah ralkapzabawi pakhat a om ih a sunsak ngaimi hemom pakhat a ngei, acu pa cu thisam in a tiak. 3Jesuh ih thu a zak tikah, Judah upa hrekkhat thlah hngai in, Jesuh ni phain a hemom pa damsak dingah a dilsak hngai. 4Jesuh hem an phat tikah thungaithlakin an ngeen ih, “Amah hi hi thil na vuak piak dingah a tlak hrimhrim, 5icatile kan mipawl a daw hngai ih, kan sinakok man sak piak tu cu amah hi a ii,” tiah an ti. 6Culeh Jesuh cu anmah rum a tat, ihmansela inn in lam hla tuk lo a phat ah, ralkapzabawi ni Jesuh cu, “Bawipa, zanzaih piatia duh hlah, icatile ka luangkhum tangih tan luhsak dingah ka tlak lo; 7curuangah namah tan phat ding khaw ṭha ah ka ruat lo. Thu ceu pia hruak la ka hemom cu dam seh. 8Icatile kamah khaw thungeihnak tangah siah ka ii, ka kut tangah ralkaple an om; culeh pakhat cu, ‘Tat’ ka ti tikah a tat, cun a pace cu, ‘Ma pha’ ka ti tikah a ma pha. Culeh ka hemom cu, ‘Hihi vua’ ka tiih a vua,” tiah sim dingin a rualpile cu a thlah hngai. 9Jesuh ni acu cu a zak tikah a don a har ngai, culeh amah zultu mibuur sanla ah, “Ka tan sim hngai, Israel mi sung hman ah himang zumnak hi tuak rih hlah ing ee,” tiah a ti hngai. 10Thlah taak mile inn ih an kirṭhan tikah, hemom pa cu damṭha in an hmu.
Nuhmei Tiapa Thawhsaknak
11Acuhnuk ii hlet hlanah Jesuh cu Nain timi khua ah a tat, culeh a kaizulpawl leh mibuur pi ni an zul. 12Khua hnaar an hnaih tikah, mithi vui thok zawntia an va suak. Amah cu a nu ih tiapa ngeihsun a ii ih, a nu cu nuhmei a ii; culeh khua sungin mibuur ni cu nu cu an zul. 13Bawipa ni cu nu a hmuh tikah a phusahih ih, “Ṭap hlah maw,” tiah a ti. 14Cuhnukah hmaiah suakdeuh in ruak zon nak laang cu a tham, a zawntia tule cu an diing ciahco. Culeh, “Tlangvalpa, thu ka tan pia, tho!” tiah a ti. 15Mithi pa cu hang toin a ang, culeh Jesuh ni a nu hemah a ap. 16An zate an ṭih vuai; culeh Pathian an thangṭhat ih, “Kan lakin profet pipa pakhat a suaklang rom,” ti in leh, “Pathian ni a mipawl mithmaiṭha in a zoh hngai rom,” tiah an ti. 17Amah ih thu an simtiakmi hi Judea peng leh a hrialkam ram zate hlawhin a karh.
Timihnimtu Johan hemin Thuphurtule
(Mat 11:2-19)
18Timihnimtu Johan ih kaizulle ni hi thil hmawhhmawh hi amah an sim. Curuangah Johan ni a kaizulle pahnih tirh hngai in 19Bawipa cu, “Namah hi a pha thok mipa cu na i maw, iklole mi pace kan hngak thok?” tiah dil dingin a thlah hngai. 20Acule Jesuh hem an phat tikah, “Timihnimtu Johan ni namah hemah, ‘Nang hi a pha lei mipa cu na ii maw? Iklole mi pace kan hngak lei maw?’ tiah tan dil dingah a man thlah,” tiah an ti. 21Ahihi Jesuh ni tiahherh ngeimi mi tlungpi, hrirai ih tlakmi a damsak hngai, thlarau ṭhalo ṭhawl hngai in, mitcaw tlungpi khua a hmuhsak hngai hnuk caang a ii. 22Culeh, “Tat lei cu khawh nan hmuhmi leh nan zakmi hi Johan sim uh: mitcaw khua an hmu, kezeng an vak, miphar thiansak an ii, naset ni khua an za, mithi thawhsak an ii, mifarahpawl thuthangṭha phurh an ii. 23Cun kanmah parih lunghilonak a ngei lo tu cu mithluasuak a ii,” tiah a let hngai. 24Johan ih thuphurtule an kir hnukah Jesuh ni Johan ih thuhla mibuurpawl sim hngai a thawh ih: Ramṭhing ah itu zoh dingin nan tat? Huih tlo ih hninmi phaikung maw? 25Itu zoh dingah nan suak? Angkitual nem sin in a ommi maw? Partlai ṭhaṭha sinthlai in lungtluaingai ih a om tu cu siangphahrang inn ah an om hekhawh. 26Itu zoh dingah nan suak? Profet maw? A ii, ka tan sim hngai, amah cu profet vanin a pipasawn.
27Hihi mi pakhat ih thuhla:
‘Zoh hman, na hlanah ka thuphurtu,
na hmalaah na lam tan tuahtim
piak tu ding, ka thlah thok’#Mal 3:1.
tiih nganmi pa cu a ii.
28Ka tan sim hngai, numi ih hrinmi lakah ahuhman Johan vanin an pipasawn lo; a i nain Pathian uknak sungih a tenautleng cu Johan vanin a pipasawn,” tiah a ti. 29(Culeh hi thu a za tu mi hmawhhmawh ni, siahkhuanle telin, Pathian ih Dingnak an tiahthiam, icatile Johan ih tihnimmi an ii. 30Ihmansela amah ih tihnim an alnak thawngin, Farasipawl leh daanzirhtupawl ni cu anmah ca-ih Pathian tumtahmi an hnong.) 31“Hi san mipawl, cun itumang an ti ti hi itu rum ka tahṭhim hngai thok a he? 32Dawr hmun ah toin buur khat leh buur khat,
‘Tilawvau kan tan tum na’n,
nan laam lo;
ṭahhla kan tansak na’n
nan ṭap lo’
tiah a auhtiami tepangle mang an ti.
33Icatile Timihnimtu Johan phain caw aw lo leh sabit ding loin a om ih, ‘Khuavang a ngei’ nan ti; 34Mi Tiapa phain a aw, a ding ih, ‘Zoh uh, cawkaaupa leh zuri pa, siahkhuanpawl leh misualpawl ih rualpi’ nan ti! 35A i na’n tinnak cu a zultule ih nunnak ni a hmaanzia a lansak,” tiah a ti.
Misual Nu Ngaidam a ii
36Farisi pakhat ni Jesuh caw awk khat a sawm, culeh Farisi pa inn ah a tat ih cabuai ah caw a um. 37Culeh, khua sungih misual nu pakhat ni Farisi pa ih inn ah Jesuh caw a zawh ti a tiah ih Jesuh hnulh dingmi rimhmui ti cu alabaster timi lung in vuakmi uum in a kentia ta. 38Jesuh dungla a ke hramah diingin a ṭap, culeh a mitthli in a ke a ṭawl ih a sam in a hnawt. Cuhnukah a ke cu hnam berboin a rimhmui ti cu a toih. 39Jesuh caw a ko tu Farisi pa ni acu cu a hmuh tikah amah leh amah, “Hi pa hi profet a ik a’cun amah a tongtham rero tu nu hi ahu a ik leh itumang numi phun a ik – misual a ik a tiah thok na’n,” tiah a ti tia. 40Jesuh ni, “Simon, na hemih sim ding thil pakhat ka ngei,” tiah a ti. Simon ni, “Zirhtupa, ang kau tu hmen,” tiah a sawn. 41Jesuh ni, “Tangka micoihtu ahu pakhat ni maw leibatu pahnih a ngei hngai; pakhat ni denarii#Mar 6:37. 500 a ba ih pakhat ni sawmnga a ba. 42An sam zo lo tikah an pahnih an leiba a olh #Mat 18:27, 32. hngai. Ahu ni acu pa cu daw sawn thok nala?” tiah a ti. 43Simon ni, “Leiba tlungsawn olh a i mipa ni dawt sawn ka zum,” tiah a sawn. Culeh Jesuh ni, “Hmaante’n thu ṭhen ci ee,” tiah a ti. 44Cuhnukah acu nu sanla ah hoiin, Simon cu, “Hi nu hi hmu cim? Na inn sung ka luh tikah ka ke ṭawlnak ti a ma pia lo; a i na’n ani cu a mitthli in ka ke ṭawlin a sam in a hnawt hngai. 45Nang ni cu a ma hnamla lo, a i nain ani cu ka luh in ka ke hnam a awl dah lo. 46Nang ni cu ka lu khaw thathau na hnulh lo, a i nain ani cu ka ke rimhmui ti a ma toih. 47Curuangah ka tan sim, a sualnak a tlungpi tami cu ngaidam a i rom; acu ca’h hete’n dawtnak hnempi a lansaknak cu! Tlawmte ceu ngaidam mi ni zong cu tlawmte ceu mi a daw ve,” tiah a ti. 48Cuhnukah minu cu, “Na sualnakpawl ngaidam an ii,” tiah a ti. 49Ihmansela amah rum cabuai ih caw a uum khat tu mile ni anmah leh anmah, “Sualnakpawl hman ngaidam tu pa hi ahu a i zetzo?” tiah an ti tia. 50Culeh Jesuh ni minu cu, “Na zumnak ni a tan rung rom; nadaitein tat tia law,” tiah a ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.