Teekɨtɨga 11
11
Bɨraɓe elta tɔl ngan der kɨ dãg
1Bɨraɓe el Moij an: M'a m'ɗe kɨ yokoosɨ kɨɗa ɓaitɔ kɨdɔ Paraõt kɨdɔ degt kɨ Ejipt. Goot gog a nyasɨ ad awɨn nu. Lon a nyasɨ ad awɨn, rota a tuɓasɨ nẽ be kɔ. 2El ad so mbidt kad dekɨdɨngã kɨɗen kɨ ndɨje madɓen kɨ dekɨdẽ kɨɗen kɨ ndɨje madɓen nya narg kɨ nya lɔrg. 3Bɨraɓe ad Israelag ngahn maj takum Ejiptiagt. Moij kɨdɔn i de kɨkootɓool ngãi kam dɔning Ejipt't takum ɓergt lo Paraõ kɨ takum degt tɔ.
4Moij el an: Bɨraɓe el an: Kɨ danlot m'a m'tɔi kam dɔning Ejipt. 5Nganderg tube kɨ kam dɔning Ejipt't a oin, mba girra dɔ ngonderr Paraõt kɨ ndɨ dɔ pong kõɓet lon mbã kɨdɔ ngonderrt lo ɓer kɨdẽ kɨ ɗa ta kur nyat, kɨ ngander nyakulg tube. 6Nõ kɨ kɨ na mbĩ a i kam dɔning Ejipt't kɨtaagbe. Nõ kɨ titbe goto maɗi nu, ke kɨtita a goto gog tɔ. 7Na ku Israelagt tube, bisɨ kɨɗa kaa tee tan ɗɔɔn de ke dã al, kɨtakad kɨ i gerɨn ne Bɨraɓe a ɔrr Ejiptiag tadang kɨ Israelag tadang tɔ. 8Kamla ɓerg loi'n non tube a ɗen romt, a ɔsɨn dɔd ber nomt, a anan: I tee, ĩ kɨ deg tube ngéndulo goi Goot gog m'a m'tee. Moij tee ɓe lo Paraõ kɨtɨga kɨ wong kɨtɨngabil.
9Bɨraɓe el Moij an: Paraõ a oo dɔ ta losɨ al kɨtakad nyag kɨyaya lom a bɨlan kɨdɔtdɔt kam dɔning Ejipt't. 10Moij kɨ Aarõ ɗan nyag kɨyaya'n non tube kɨ nõ Paraõt. Bɨraɓe ad kam Paraõ kongkong kɨdɔt, na Paraõ nya Israelag ad teen kam dɔningt lon kɔ al.
Currently Selected:
Teekɨtɨga 11: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
