Teekɨtɨga 7
7
1Bɨraɓe el Moij an: Oo m'ndai tit luwah mad takum Paraõt, na ngonkõi Aarõ a i ngekelta kɨ tait. 2A el nyag tube'n m'ndɨ m'ndai mbera, ngonkõi Aarõ tɔ a el Paraõ kad nya Israelag ad teen dɔningt loa kɔ. 3Na m'a mad kam Paraõ kongkong, m'a mad nyakɔjg lom kɨ nyag kɨyaya lom bɨlan kɨdɔtdɔt kam dɔning Ejipt't. 4Paraõ a oo dɔ ta losɨ al. Kamla m'a m'nda jim dɔ Ejipt't, m'a m'tee kɨ ɓut koosɨg lom kɨ deg lom, ad i Israelag kam dɔning Ejipt't kɔ kɨtakul nujkɔ kɨbobe kɨ m'gang dɔat. 5Ejiptiag a gerɨn kad mĩ la mĩ Bɨraɓe ye, lon m'a m'la jim m'ndoorɨn Ejipt. M'a m'tee kɨ Israelag dandt kɔ. 6Moij kɨ Aarõ ɗan tit'n Bɨraɓe ndadɨn mbera, ɗan titbe tɔ. 7Ɓal Moij i dɔjijoo, na ɓal Aarõ i dɔjijoo gidaimɨta lon elɨn ne ta kɨ Paraõ.
Kag tɔsɨ lo Aarõ tel li
8Bɨraɓe el Moij kɨ Aarõ an: 9Lon Paraõ a elsɨ an: Ɔjɨn nya kɨyaya a ne, a el Aarõ an: Un kag tɔsɨ loi, i la ber nõ Paraõt kad tel li 10Moij kɨ Aarõ andɨn go Paraõt, ɗan nya kɨ Bɨraɓe ndadɨn mbera nõ. Aarõ la kag tɔsɨ lon ber nõ Paraõt kɨ ɓerg loa, na tel li. 11Kamla Paraõ kun ngéterrg kɨ ngéyog, ad i mboolig kɨ dɔning Ejipt't, ĩn tɔ ɗan titbe kɨlag kɨtakul mboolig. 12Ĩn tube tɨlan kag tɔsɨg lod ber ad telɨn lig, na kagtɔsɨ lo Aarõ tur kag tɔsɨg lod. 13Kam Paraõ kongkong kɨdɔt ad oo dɔ ta lo Moij kɨ Aarõ al. Tit'n Bɨraɓe elɨn.
Man bah tel mosɨ
14Bɨraɓe el Moij an: Paraõ ɗa dɔngang ad mbet nya deg kad awɨn. 15Aw kɨsĩ ro Paraõt, a tee kɨta kaw ta mant. I duba ɗa ta baht kad i ndɔda. A i un kag tɔsɨ kan tel li nõ jiit. 16A el Paraõ an: Bɨraɓe Luwah lo Hebreg lam kɨ roit kad m'eli, i nya deg lom ad awɨn kad ɗan kɨlaɓer admɨn kam dɨlalot Na mbã tajigla i oo dɔ al. 17Bɨraɓe el an: I kɨtakul 'nten a i germɨn, mĩ la mĩ Bɨraɓe ye. Oo m'a m'nda man bah kɨ kag tɔsɨ kɨ jimt kad tel mosɨ. 18Kanjg kɨ kam baht a oin, bah a ot ndum, a tel kɨyerr ad Ejiptiag a ndigɨn kãi man nõ al. 19Bɨraɓe el Moij an: El Aarõ titbe, un kag tɔsɨ loi, i la jii kɨdɔ mangt kɨ dang dang kɨ dɔning Ejipt, kɨ kɨdɔ bahgt lod, kɨ kɨdɔ ngan bahgt lod, kɨ kɨdɔ man kargt lod, kɨ kɨdɔ man danggt lod tube kad telɨn mosɨ. Mosɨ a i kam dɔning Ejipt't kɨtaagbe, kam ngogt kɨ kam jo hanjgt tu.
20Moij kɨ Aarõ ɗan tit'n Bɨraɓe ndadɨn mbera nõ. Aarõ un kag tɔsɨ kɨ dõ, nda'n man bah takum Paraõt kɨ takum ɓergt loa, ad man bah tube tel mosɨ. 21Kanjg kɨ kam baht oin, bah ot ndum, Ejiptiag asɨ kãin man bah al kɨta mosɨ i kam dɔning Ejipt't kɨtaagbe. 22Mboolig kɨ Ejipt't ɗan titbe kɨtakul kɨla mboolig lod, kɨlag lod kɨmund. Kam Paraõ kongkong kɨdɔt ad oo dɔ ta lod al tit'n Bɨraɓe elɨn nõ. 23Paraõ tel gidɨn ad'd na aw ɓe lon, tur go nyag'n non al tɔ.
24Ejiptiag tube wurɨn ɓe kad baht kad ngahn man kãit, kɨta asɨ kãin man bah al. 25Ndɔ tanãimɨta tɨga go ndɔt'n Bɨraɓe ndan bah gang.
Kãr ɗoosɨn dɔning kɨ Ejipt
26Bɨraɓe el Moij an: And go Paraõt, ela an: Bɨraɓe el an: I nya deg lom ad awɨn kad ɗan kɨlaɓer admɨn 27Ĩla i mbet nyad kad awɨn a ne, oo maj m'a mad dɔning loi kɨtaagbe ɗoosɨ kɨ kãrg. 28Bah a ɗoosɨ kɨ kãrg, a tee alɨn, a andɨn kam kujt loi, kam kujbiit kɨ dɔ tɨraɓiit, kam kujgt lo ɓerg loi, kɨ kam kujgt lo deg loi, kɨ dɔ mbahilgt loi kɨ kam ɓirgt loi. 29Kãrg a ɗen kɨdɔit ho kɨdɔ degt loi ho, kɨ kɨdɔ ɓergt loi tube.
Currently Selected:
Teekɨtɨga 7: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Teekɨtɨga 7
7
1Bɨraɓe el Moij an: Oo m'ndai tit luwah mad takum Paraõt, na ngonkõi Aarõ a i ngekelta kɨ tait. 2A el nyag tube'n m'ndɨ m'ndai mbera, ngonkõi Aarõ tɔ a el Paraõ kad nya Israelag ad teen dɔningt loa kɔ. 3Na m'a mad kam Paraõ kongkong, m'a mad nyakɔjg lom kɨ nyag kɨyaya lom bɨlan kɨdɔtdɔt kam dɔning Ejipt't. 4Paraõ a oo dɔ ta losɨ al. Kamla m'a m'nda jim dɔ Ejipt't, m'a m'tee kɨ ɓut koosɨg lom kɨ deg lom, ad i Israelag kam dɔning Ejipt't kɔ kɨtakul nujkɔ kɨbobe kɨ m'gang dɔat. 5Ejiptiag a gerɨn kad mĩ la mĩ Bɨraɓe ye, lon m'a m'la jim m'ndoorɨn Ejipt. M'a m'tee kɨ Israelag dandt kɔ. 6Moij kɨ Aarõ ɗan tit'n Bɨraɓe ndadɨn mbera, ɗan titbe tɔ. 7Ɓal Moij i dɔjijoo, na ɓal Aarõ i dɔjijoo gidaimɨta lon elɨn ne ta kɨ Paraõ.
Kag tɔsɨ lo Aarõ tel li
8Bɨraɓe el Moij kɨ Aarõ an: 9Lon Paraõ a elsɨ an: Ɔjɨn nya kɨyaya a ne, a el Aarõ an: Un kag tɔsɨ loi, i la ber nõ Paraõt kad tel li 10Moij kɨ Aarõ andɨn go Paraõt, ɗan nya kɨ Bɨraɓe ndadɨn mbera nõ. Aarõ la kag tɔsɨ lon ber nõ Paraõt kɨ ɓerg loa, na tel li. 11Kamla Paraõ kun ngéterrg kɨ ngéyog, ad i mboolig kɨ dɔning Ejipt't, ĩn tɔ ɗan titbe kɨlag kɨtakul mboolig. 12Ĩn tube tɨlan kag tɔsɨg lod ber ad telɨn lig, na kagtɔsɨ lo Aarõ tur kag tɔsɨg lod. 13Kam Paraõ kongkong kɨdɔt ad oo dɔ ta lo Moij kɨ Aarõ al. Tit'n Bɨraɓe elɨn.
Man bah tel mosɨ
14Bɨraɓe el Moij an: Paraõ ɗa dɔngang ad mbet nya deg kad awɨn. 15Aw kɨsĩ ro Paraõt, a tee kɨta kaw ta mant. I duba ɗa ta baht kad i ndɔda. A i un kag tɔsɨ kan tel li nõ jiit. 16A el Paraõ an: Bɨraɓe Luwah lo Hebreg lam kɨ roit kad m'eli, i nya deg lom ad awɨn kad ɗan kɨlaɓer admɨn kam dɨlalot Na mbã tajigla i oo dɔ al. 17Bɨraɓe el an: I kɨtakul 'nten a i germɨn, mĩ la mĩ Bɨraɓe ye. Oo m'a m'nda man bah kɨ kag tɔsɨ kɨ jimt kad tel mosɨ. 18Kanjg kɨ kam baht a oin, bah a ot ndum, a tel kɨyerr ad Ejiptiag a ndigɨn kãi man nõ al. 19Bɨraɓe el Moij an: El Aarõ titbe, un kag tɔsɨ loi, i la jii kɨdɔ mangt kɨ dang dang kɨ dɔning Ejipt, kɨ kɨdɔ bahgt lod, kɨ kɨdɔ ngan bahgt lod, kɨ kɨdɔ man kargt lod, kɨ kɨdɔ man danggt lod tube kad telɨn mosɨ. Mosɨ a i kam dɔning Ejipt't kɨtaagbe, kam ngogt kɨ kam jo hanjgt tu.
20Moij kɨ Aarõ ɗan tit'n Bɨraɓe ndadɨn mbera nõ. Aarõ un kag tɔsɨ kɨ dõ, nda'n man bah takum Paraõt kɨ takum ɓergt loa, ad man bah tube tel mosɨ. 21Kanjg kɨ kam baht oin, bah ot ndum, Ejiptiag asɨ kãin man bah al kɨta mosɨ i kam dɔning Ejipt't kɨtaagbe. 22Mboolig kɨ Ejipt't ɗan titbe kɨtakul kɨla mboolig lod, kɨlag lod kɨmund. Kam Paraõ kongkong kɨdɔt ad oo dɔ ta lod al tit'n Bɨraɓe elɨn nõ. 23Paraõ tel gidɨn ad'd na aw ɓe lon, tur go nyag'n non al tɔ.
24Ejiptiag tube wurɨn ɓe kad baht kad ngahn man kãit, kɨta asɨ kãin man bah al. 25Ndɔ tanãimɨta tɨga go ndɔt'n Bɨraɓe ndan bah gang.
Kãr ɗoosɨn dɔning kɨ Ejipt
26Bɨraɓe el Moij an: And go Paraõt, ela an: Bɨraɓe el an: I nya deg lom ad awɨn kad ɗan kɨlaɓer admɨn 27Ĩla i mbet nyad kad awɨn a ne, oo maj m'a mad dɔning loi kɨtaagbe ɗoosɨ kɨ kãrg. 28Bah a ɗoosɨ kɨ kãrg, a tee alɨn, a andɨn kam kujt loi, kam kujbiit kɨ dɔ tɨraɓiit, kam kujgt lo ɓerg loi, kɨ kam kujgt lo deg loi, kɨ dɔ mbahilgt loi kɨ kam ɓirgt loi. 29Kãrg a ɗen kɨdɔit ho kɨdɔ degt loi ho, kɨ kɨdɔ ɓergt loi tube.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.