Yaɓooda 11
11
Kuj kɨ ngal kɨ deg ɗan Babelt
1Ngéndɨ dɔningt tube takeld i kɨɗa, a elɨn ta kɨ kumtag kɨ kɨɗa. 2Lon deg ɓain awɨn kɨ lo ɓa kàdt ye, ngahn lo mad kɨ todɨla kam dɔning Sinẽart, na hɔn londɨ tit. 3Elɨn na anan: Ad j'awɨn, j'ɔrrɨn brik, na kɨ tɨngan kam purrt. Brik gan ne goot mbal, na bitum gan ne goot simã. 4Elɨn gog tɔ anan: Ad j'awɨn, kɨ ɗan ɓebo mad kɨ kuj mad kɨ ngalɨn dɔa a ɔd dɔrã, kad tɔjko dɔt, kɨtɔkad tɨnda tĩjɨn kɔ dɔ dɔningt kɨtaagbe al. 5Taa ne, Bɨraɓe ɗisɨ kɨtɔ koo ɓebo kɨ kuj kɨ ngal kɨ dõ ngan Adam ɗan, 6na Bɨraɓe el an: Oon, ĩn girrdeg kɨ kɨɗabe, na takeld i kɨɗa tɔ. Na nya 'nten la mbagɨr ɗa ye. Tajigla nya mad kɨ kɔgd dɔ tɔlkon nya'n ndan kamdt kad ɗan goto. 7Ad kɨ ɗisɨ, j'aw kɨ bur takeld, kad oon dɔ ta lo na al. 8Titbe la Bɨraɓe tɨnda tĩdɨn dɔ dɔningt kɨtaagbe, ad nyan ta ɗa ɓebo. 9Kɨtɔ 'nten la kunɨn ne tɔ lon non Babel ye, kɨtɔ nõbe la Bɨraɓe bur takel ngéndɨ dɔningt kɨtaagbe nat. Na i nõbe ho la Bɨraɓe tɨnda deg tĩd dɔ dɔningt kɨtaagbe ye.
Nganka Sem
10Ngaka Sem laten: Ɓal Sem i ɓukɨɗa, lon oojɨn Arpaksad ɓalt kɨkõjoo go mankõt kɨbo. 11Sem ndɨ kɨ dɔn dõ ɓal ɓumi go kooj Arpaksadt, na ooj ngang kɨdɨngã kɨ kɨdẽ.
12Ɓal Arpaksad i dɔmɨta gidaimi, na ooj Selah. 13Arpakad ndɨ kɨ dɔn dõ ɓal ɓusɔɔ gidaimɨta go kooj Selaht, na ooj ngan kɨdɨngã kɨ kɨdẽ.
14Ɓal Selah i dɔmɨta, na ooj Heber. 15Selah ndɨ kɨ dɔn dõ ɓal ɓusɔɔ gidaimɨta go kooj Hebert, na ooj ngan kɨdɨngã kɨ kɨdẽ.
16Ɓal Heber i dɔmɨta gidaisɔɔ, na ooj Peleg. 17Heber ndɨ kɨ dɔn dõ ɓal ɓusɔɔ kɨdɔmɨta go kooj Pelegt, na ooj ngan kɨdɨngã kɨ kɨdẽ.
18Ɓal Peleg i dɔmɨta, na ooj Rehu. 19Peleg ndɨ kɨ dɔn dõ ɓal ɓujoo gidaijikɨɗa go kooj Rehut, na ooj ngan kɨdɨngã kɨ kɨdẽ.
20Ɓal Rehu i dɔmɨta gidaijoo, na ooj Serug 21Rehu ndɨ kɨ dɔn dõ ɓal ɓujoo gidaitanaimɨta go kooj Serugt, na ooj ngan kɨdɨngã kɨ kɨdẽ.
22Ɓal Serug i dɔmɨta, na ooj Nakɔr. 23Serug ndɨ kɨ dɔn dõ ɓal ɓujoo go kooj Nakɔrt, na ooj ngan kɨdɨngã kɨ kɨdẽ.
24Ɓal Nakɔr i dɔjoo gidaijikɨɗa, na ooj Terak. 25Nakɔr ndɨ kɨ dɔn dõ ɓal ɓukɨɗa kɨkɨlah gidaijikɨɗa go kooj Terakt, na ooj ngan kɨdɨngã kɨ kɨdẽ.
26Ɓal Terak i dɔtanãimɨta, na ooj Abram kɨ Nakɔr kɨ Harã.
Nganka Terak
27Ngaka Terak laten: Terak ooj Abram kɨ Nakɔr kɨ Harã, na Harã ooj Lot. 28Harã oi nõ bɔwɨn Terakt kam dɔning koojɨnt ad i ɓebo Ur kam dɔning Kaldet. 29Na Abram kɨ Nakɔr taan dekɨdẽg. Tɔ nẽ Abram i Sarai, na tɔ nẽ Nakɔr i Milka, ngon Harã kɨdẽ, Harã i bɔw Milka kɨ Jiska. 30Sarai i kuj ngona goto. 31Terak un ngonɨn Abram kɨ Lot ngon Harã, ngonkaan, kɨ mumɨn Sarai, kɨ nẽ ngonɨn Abram, teen nat kam ɓebo Urt kam dɔning Kaldet kad n'awɨn kɨ dɔning Kanat. Awɨn mbã teen Harãt, na hɔn londɨd tit. 32Ɓal Terak i ɓujoo gidaimi, na Terak oi Harãt.
Currently Selected:
Yaɓooda 11: MlL
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Yaɓooda 11
11
Kuj kɨ ngal kɨ deg ɗan Babelt
1Ngéndɨ dɔningt tube takeld i kɨɗa, a elɨn ta kɨ kumtag kɨ kɨɗa. 2Lon deg ɓain awɨn kɨ lo ɓa kàdt ye, ngahn lo mad kɨ todɨla kam dɔning Sinẽart, na hɔn londɨ tit. 3Elɨn na anan: Ad j'awɨn, j'ɔrrɨn brik, na kɨ tɨngan kam purrt. Brik gan ne goot mbal, na bitum gan ne goot simã. 4Elɨn gog tɔ anan: Ad j'awɨn, kɨ ɗan ɓebo mad kɨ kuj mad kɨ ngalɨn dɔa a ɔd dɔrã, kad tɔjko dɔt, kɨtɔkad tɨnda tĩjɨn kɔ dɔ dɔningt kɨtaagbe al. 5Taa ne, Bɨraɓe ɗisɨ kɨtɔ koo ɓebo kɨ kuj kɨ ngal kɨ dõ ngan Adam ɗan, 6na Bɨraɓe el an: Oon, ĩn girrdeg kɨ kɨɗabe, na takeld i kɨɗa tɔ. Na nya 'nten la mbagɨr ɗa ye. Tajigla nya mad kɨ kɔgd dɔ tɔlkon nya'n ndan kamdt kad ɗan goto. 7Ad kɨ ɗisɨ, j'aw kɨ bur takeld, kad oon dɔ ta lo na al. 8Titbe la Bɨraɓe tɨnda tĩdɨn dɔ dɔningt kɨtaagbe, ad nyan ta ɗa ɓebo. 9Kɨtɔ 'nten la kunɨn ne tɔ lon non Babel ye, kɨtɔ nõbe la Bɨraɓe bur takel ngéndɨ dɔningt kɨtaagbe nat. Na i nõbe ho la Bɨraɓe tɨnda deg tĩd dɔ dɔningt kɨtaagbe ye.
Nganka Sem
10Ngaka Sem laten: Ɓal Sem i ɓukɨɗa, lon oojɨn Arpaksad ɓalt kɨkõjoo go mankõt kɨbo. 11Sem ndɨ kɨ dɔn dõ ɓal ɓumi go kooj Arpaksadt, na ooj ngang kɨdɨngã kɨ kɨdẽ.
12Ɓal Arpaksad i dɔmɨta gidaimi, na ooj Selah. 13Arpakad ndɨ kɨ dɔn dõ ɓal ɓusɔɔ gidaimɨta go kooj Selaht, na ooj ngan kɨdɨngã kɨ kɨdẽ.
14Ɓal Selah i dɔmɨta, na ooj Heber. 15Selah ndɨ kɨ dɔn dõ ɓal ɓusɔɔ gidaimɨta go kooj Hebert, na ooj ngan kɨdɨngã kɨ kɨdẽ.
16Ɓal Heber i dɔmɨta gidaisɔɔ, na ooj Peleg. 17Heber ndɨ kɨ dɔn dõ ɓal ɓusɔɔ kɨdɔmɨta go kooj Pelegt, na ooj ngan kɨdɨngã kɨ kɨdẽ.
18Ɓal Peleg i dɔmɨta, na ooj Rehu. 19Peleg ndɨ kɨ dɔn dõ ɓal ɓujoo gidaijikɨɗa go kooj Rehut, na ooj ngan kɨdɨngã kɨ kɨdẽ.
20Ɓal Rehu i dɔmɨta gidaijoo, na ooj Serug 21Rehu ndɨ kɨ dɔn dõ ɓal ɓujoo gidaitanaimɨta go kooj Serugt, na ooj ngan kɨdɨngã kɨ kɨdẽ.
22Ɓal Serug i dɔmɨta, na ooj Nakɔr. 23Serug ndɨ kɨ dɔn dõ ɓal ɓujoo go kooj Nakɔrt, na ooj ngan kɨdɨngã kɨ kɨdẽ.
24Ɓal Nakɔr i dɔjoo gidaijikɨɗa, na ooj Terak. 25Nakɔr ndɨ kɨ dɔn dõ ɓal ɓukɨɗa kɨkɨlah gidaijikɨɗa go kooj Terakt, na ooj ngan kɨdɨngã kɨ kɨdẽ.
26Ɓal Terak i dɔtanãimɨta, na ooj Abram kɨ Nakɔr kɨ Harã.
Nganka Terak
27Ngaka Terak laten: Terak ooj Abram kɨ Nakɔr kɨ Harã, na Harã ooj Lot. 28Harã oi nõ bɔwɨn Terakt kam dɔning koojɨnt ad i ɓebo Ur kam dɔning Kaldet. 29Na Abram kɨ Nakɔr taan dekɨdẽg. Tɔ nẽ Abram i Sarai, na tɔ nẽ Nakɔr i Milka, ngon Harã kɨdẽ, Harã i bɔw Milka kɨ Jiska. 30Sarai i kuj ngona goto. 31Terak un ngonɨn Abram kɨ Lot ngon Harã, ngonkaan, kɨ mumɨn Sarai, kɨ nẽ ngonɨn Abram, teen nat kam ɓebo Urt kam dɔning Kaldet kad n'awɨn kɨ dɔning Kanat. Awɨn mbã teen Harãt, na hɔn londɨd tit. 32Ɓal Terak i ɓujoo gidaimi, na Terak oi Harãt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.