Yaɓooda 30
30
1Lon Rasel oo kad nooj ngang n'ad Jakob al ye, ni ɗaa dɔ ngonkõt, na el Jakob an: Ooj sem ngang al a ne, m'a m'oi. 2Jakob ɓawong kɨ Rasel, na tur an: Mĩ m'gagoot Luwah'n ɔgi dɔ kooj ngang e? 3Kamla Rasel el Jakob an: Oo Bila, ɓer lom kɨdẽ. Maj kad aw roat kad ooj ngang dɔnjamt, kad kɨta kula m'ngan ngang ho. 4Ada ɓer lon Bila nẽat, na Jakob aw roat. 5Bila nden ngon na ooj kɨdɨngã kɨ Jakob. 6Rasel el an: Luwah gangta lom, oo dɔ ndim, na adɨm ngon kɨdɨngã tɔ. Kɨtɔ 'nten ndahn tɔa Dan. 7Bila, ɓer lo Rasel, nden ngon ɓaitɔ, na ooj kɨdɨngã kɨkõjoo kɨ Jakob. 8Rasel el an: Kɨ ɗɔɔ kɨngãi la m'ɗɔɔn mɨlla kɨ ngonkom, na m'duma. Ndah tɔa Neptali.
9Lon Lea oo kad'n nya ta kooj ngang ye, ɔrr Jilpa, ɓer lon kɨdẽ, ad Jakob nẽat. 10Jilpa, ɓer lo Lea, ooj ngon kɨdɨngã kɨ Jakob. 11Na Lea el an: Nõkar kɨmaj Ndah tɔa Gad. 12Jilpa, ɓer lo Lea, ooj ngon kɨdɨngã kɨkõjoo kɨ Jakob. 13Lea el an: Rom nelɨm. Ngan kɨdẽg a kunmɨn ngeronel. Ndah tɔa Ajer.
14Ruben tee aw dɔnah ja gemt, na ngah kand mandragor kam ndɔɔt, na ɗen ad kõn Lea. Rasel el Lea an: M'kɔi kɨ adɨm kand mandragor lo ngoni sĩ. 15Lea tur an: Asɨ al kad i taam ngawɨm, na i ndig kɨ i taa kand mandragor lo ngonɨm ho tɔ ɔ? Rasel el an: Titbe ta, Jakob a to sei ndɔ la 'nten gangoot kand mandragor lo ngoni. 16Lon Jakob tel mut lokɨsɔle ye, Lea la taa, ela an: A i ɗe gomt kɨta m'ndugo dɔi kɨ kand mandragor lo ngonɨm. Titbe la ton sia ndɔ nõ. 17Luwah oo dɔ ndɨ Lea, ada nden ngon, na ooj kɨdɨngã kɨkõmi kɨ Jakob. 18Lea el an: Luwah adɨm nyabaji lom kɨta mad ngawɨm ɓer lom kɨdẽ. Ndah tɔa Isakar 19Lea nden ngon gog tɔ, na ooj kɨdɨngã kɨkõkɨbojidet kɨ Jakob. 20Lea el an: Luwah adɨm kadkari kɨmaj ngãi. Tajigla ngawɨm a hɔ lo romt, kɨta m'ooj sia ngan kɨdɨngã kɨbojidet. Ndah tɔa Jabulon. 21Goot gog ooj ngon kɨdẽ, na ndah tɔa Dina.
22Luwah ga kamɨn dɔ Raselt, oo dɔ ko loa, na tee ta kuj ngon loa. 23Nden ngon, ooj kɨdɨngã, na el an: Luwah ɔrr rosɔl dɔmt kɔ. 24Nda tɔa Jojep, an: Kɨ Bɨraɓe adɨm ngon kɨdɨngã mad dɔt.
Jakob ndo kum Laban
25Lon Rasel ooj Jojep ye, Jakob el Laban an: I nyam ad m'aw, kad m'aw be lom, dɔningt lom. 26Adɨm nganɨmg kɨ nẽmg ĩgɨn m'ɗa kɨlaɓer m'adi kɨtatɔd, na ad m'aw i ger kɨlaɓer'n m'ɗa m'adi nõ ɓet. 27Laban tura an: Ĩla kami hɔm a ne, i ndɨ sem. M'oo maj Bɨraɓe ad maj urrɨm kɨtatɔi. 28El tɔ an: I dam kɔr nyabajii, na m'a m'adi. 29Jakob tur an: I kɨbe i ger tit'n m'ɗan kɨlaɓer maj m'adi, na nyakulg loi telɨn tit bãi jimt. 30Kɨtɔ nyag'n ĩn kete nomt ĩn tẽbe, na go ɗemt bɨlan kɨdɔtdɔt kam jimt. Bɨraɓe ad maj urri lot kɨɗen'n m'nda njamt. Tajigla ɗɨngãt ta hã m'a m'ɗa kɨla kɨta ngékɨkuju lom a? 31Laban tel ndɨjea an: Ɗi m'a m'adi a? Jakob tur an: A adɨm nya mad al. Ĩla i ndig ta'n m'a m'eli nõ a ne, m'a m'tel m'ɗe m'ul ɓut nyakulg loi, na m'a m'ngoma tɔ. 32Ɓone m'a m'ndia dan ɓut nyakulgt loi tube na m'a m'ɔrr batg kɨndang kɨ kɨlaɓal kɨkil tube, na ku bĩãgt, m'a m'ɔrr bĩãg kɨlaɓal kɨ kɨndang ho na a ĩn nyabaji lom. 33Ɗà dene lom a turta adɨm ndɔ madt, lon a i ɗe kad oo go nyabaji lom. Nya'n a i kɨndang al, kɨ kɨlaɓal al ku bĩãgt, na a i kɨkil al ku batgt, ĩla i ngah romt a ne, a i nyaboog. 34Laban tur an: Maj, kɨ ɗa tit'n el nõ 35Ndɔat'n non Laban ɔrr bal bĩãg kɨnda nat kɨ kɨlaɓal, kɨ kõ bĩãg kɨndang kɨ kɨ la ɓal tube, kɨ kɨ la ɓál kɨnda kamt tube kɨ kɨkil tube ku batgt, nyad ji nganɨn kɨdɨngãt. 36Na mbɨnad kɨ Jakob asɨ kawt ndɔ mɨta. Jakob ul ndeg nyakulg lo Laban.
37Jakob ɔi dɔj kagg kɨmbool ad i kag peuplie kɨ amand kɨ platan, ɔrr ngɔd na gang ɓald, ad ro dɔj kag kɨndà to kari. 38Kamla usɨ dɔj kagg'n ɔrr ngɔd nõ, ningt ad ɗan dõ nõ lo kãi man nyakulgt kɨta a talɨn na lon a ɗen kãi mant. 39Nyakulg ndenɨn ngang nõ dɔj kaggt, na oojɨn kɨ la ɓalg kɨ kɨndangg. 40Jakob ɔrr ngan batg'n non tadang, na teltakum kɨ ro kɨ la ɓalgt kɨ kɨkilg kam ɓut't lo Laban. Nda ɓutg lon kɔtko kɨɗa, na ndad nat kɨ ɓut lo Laban al. 41Kaglot kɨɗen lon nyakulg kɨ rod ngang a talɨn na a ne, Jakob a ɔsɨ dɔj kagg kɨndang nõdt lo kãi mant kɨtakad talɨn na nõ dɔj kaggt. 42Na lon nyakulg ĩn kɨnyam a ne, a ɔsɨ dɔj kagg ningt nõdt al. Titbe kɨnyamg ĩn lo Laban, na kɨ ro ngangg ĩn lo Jakob.
43De'n non tel ngenya kɨngãi kɨ tɔi. Aw kɨ nyakulg ngãi, kɨ ɓerg kɨdɨngã kɨ kɨdẽ, kɨ lukumg kɨ korrog.
Currently Selected:
Yaɓooda 30: MlL
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Yaɓooda 30
30
1Lon Rasel oo kad nooj ngang n'ad Jakob al ye, ni ɗaa dɔ ngonkõt, na el Jakob an: Ooj sem ngang al a ne, m'a m'oi. 2Jakob ɓawong kɨ Rasel, na tur an: Mĩ m'gagoot Luwah'n ɔgi dɔ kooj ngang e? 3Kamla Rasel el Jakob an: Oo Bila, ɓer lom kɨdẽ. Maj kad aw roat kad ooj ngang dɔnjamt, kad kɨta kula m'ngan ngang ho. 4Ada ɓer lon Bila nẽat, na Jakob aw roat. 5Bila nden ngon na ooj kɨdɨngã kɨ Jakob. 6Rasel el an: Luwah gangta lom, oo dɔ ndim, na adɨm ngon kɨdɨngã tɔ. Kɨtɔ 'nten ndahn tɔa Dan. 7Bila, ɓer lo Rasel, nden ngon ɓaitɔ, na ooj kɨdɨngã kɨkõjoo kɨ Jakob. 8Rasel el an: Kɨ ɗɔɔ kɨngãi la m'ɗɔɔn mɨlla kɨ ngonkom, na m'duma. Ndah tɔa Neptali.
9Lon Lea oo kad'n nya ta kooj ngang ye, ɔrr Jilpa, ɓer lon kɨdẽ, ad Jakob nẽat. 10Jilpa, ɓer lo Lea, ooj ngon kɨdɨngã kɨ Jakob. 11Na Lea el an: Nõkar kɨmaj Ndah tɔa Gad. 12Jilpa, ɓer lo Lea, ooj ngon kɨdɨngã kɨkõjoo kɨ Jakob. 13Lea el an: Rom nelɨm. Ngan kɨdẽg a kunmɨn ngeronel. Ndah tɔa Ajer.
14Ruben tee aw dɔnah ja gemt, na ngah kand mandragor kam ndɔɔt, na ɗen ad kõn Lea. Rasel el Lea an: M'kɔi kɨ adɨm kand mandragor lo ngoni sĩ. 15Lea tur an: Asɨ al kad i taam ngawɨm, na i ndig kɨ i taa kand mandragor lo ngonɨm ho tɔ ɔ? Rasel el an: Titbe ta, Jakob a to sei ndɔ la 'nten gangoot kand mandragor lo ngoni. 16Lon Jakob tel mut lokɨsɔle ye, Lea la taa, ela an: A i ɗe gomt kɨta m'ndugo dɔi kɨ kand mandragor lo ngonɨm. Titbe la ton sia ndɔ nõ. 17Luwah oo dɔ ndɨ Lea, ada nden ngon, na ooj kɨdɨngã kɨkõmi kɨ Jakob. 18Lea el an: Luwah adɨm nyabaji lom kɨta mad ngawɨm ɓer lom kɨdẽ. Ndah tɔa Isakar 19Lea nden ngon gog tɔ, na ooj kɨdɨngã kɨkõkɨbojidet kɨ Jakob. 20Lea el an: Luwah adɨm kadkari kɨmaj ngãi. Tajigla ngawɨm a hɔ lo romt, kɨta m'ooj sia ngan kɨdɨngã kɨbojidet. Ndah tɔa Jabulon. 21Goot gog ooj ngon kɨdẽ, na ndah tɔa Dina.
22Luwah ga kamɨn dɔ Raselt, oo dɔ ko loa, na tee ta kuj ngon loa. 23Nden ngon, ooj kɨdɨngã, na el an: Luwah ɔrr rosɔl dɔmt kɔ. 24Nda tɔa Jojep, an: Kɨ Bɨraɓe adɨm ngon kɨdɨngã mad dɔt.
Jakob ndo kum Laban
25Lon Rasel ooj Jojep ye, Jakob el Laban an: I nyam ad m'aw, kad m'aw be lom, dɔningt lom. 26Adɨm nganɨmg kɨ nẽmg ĩgɨn m'ɗa kɨlaɓer m'adi kɨtatɔd, na ad m'aw i ger kɨlaɓer'n m'ɗa m'adi nõ ɓet. 27Laban tura an: Ĩla kami hɔm a ne, i ndɨ sem. M'oo maj Bɨraɓe ad maj urrɨm kɨtatɔi. 28El tɔ an: I dam kɔr nyabajii, na m'a m'adi. 29Jakob tur an: I kɨbe i ger tit'n m'ɗan kɨlaɓer maj m'adi, na nyakulg loi telɨn tit bãi jimt. 30Kɨtɔ nyag'n ĩn kete nomt ĩn tẽbe, na go ɗemt bɨlan kɨdɔtdɔt kam jimt. Bɨraɓe ad maj urri lot kɨɗen'n m'nda njamt. Tajigla ɗɨngãt ta hã m'a m'ɗa kɨla kɨta ngékɨkuju lom a? 31Laban tel ndɨjea an: Ɗi m'a m'adi a? Jakob tur an: A adɨm nya mad al. Ĩla i ndig ta'n m'a m'eli nõ a ne, m'a m'tel m'ɗe m'ul ɓut nyakulg loi, na m'a m'ngoma tɔ. 32Ɓone m'a m'ndia dan ɓut nyakulgt loi tube na m'a m'ɔrr batg kɨndang kɨ kɨlaɓal kɨkil tube, na ku bĩãgt, m'a m'ɔrr bĩãg kɨlaɓal kɨ kɨndang ho na a ĩn nyabaji lom. 33Ɗà dene lom a turta adɨm ndɔ madt, lon a i ɗe kad oo go nyabaji lom. Nya'n a i kɨndang al, kɨ kɨlaɓal al ku bĩãgt, na a i kɨkil al ku batgt, ĩla i ngah romt a ne, a i nyaboog. 34Laban tur an: Maj, kɨ ɗa tit'n el nõ 35Ndɔat'n non Laban ɔrr bal bĩãg kɨnda nat kɨ kɨlaɓal, kɨ kõ bĩãg kɨndang kɨ kɨ la ɓal tube, kɨ kɨ la ɓál kɨnda kamt tube kɨ kɨkil tube ku batgt, nyad ji nganɨn kɨdɨngãt. 36Na mbɨnad kɨ Jakob asɨ kawt ndɔ mɨta. Jakob ul ndeg nyakulg lo Laban.
37Jakob ɔi dɔj kagg kɨmbool ad i kag peuplie kɨ amand kɨ platan, ɔrr ngɔd na gang ɓald, ad ro dɔj kag kɨndà to kari. 38Kamla usɨ dɔj kagg'n ɔrr ngɔd nõ, ningt ad ɗan dõ nõ lo kãi man nyakulgt kɨta a talɨn na lon a ɗen kãi mant. 39Nyakulg ndenɨn ngang nõ dɔj kaggt, na oojɨn kɨ la ɓalg kɨ kɨndangg. 40Jakob ɔrr ngan batg'n non tadang, na teltakum kɨ ro kɨ la ɓalgt kɨ kɨkilg kam ɓut't lo Laban. Nda ɓutg lon kɔtko kɨɗa, na ndad nat kɨ ɓut lo Laban al. 41Kaglot kɨɗen lon nyakulg kɨ rod ngang a talɨn na a ne, Jakob a ɔsɨ dɔj kagg kɨndang nõdt lo kãi mant kɨtakad talɨn na nõ dɔj kaggt. 42Na lon nyakulg ĩn kɨnyam a ne, a ɔsɨ dɔj kagg ningt nõdt al. Titbe kɨnyamg ĩn lo Laban, na kɨ ro ngangg ĩn lo Jakob.
43De'n non tel ngenya kɨngãi kɨ tɔi. Aw kɨ nyakulg ngãi, kɨ ɓerg kɨdɨngã kɨ kɨdẽ, kɨ lukumg kɨ korrog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.