Yaɓooda 38
38
Juda kɨ Tamar
1Kaglot'n non Juda nya ngankõn, na tɔ ron aw ro de madt kɨ Adullam, tɔa i Hira, 2Nu la Juda oo ngon Kana mad kɨdẽ tɔa i Suwa, taa nẽnt, na aw roat. 3Suwa nden ngon, ooj ngon kɨdɨngã, na Juda ndah tɔa Er. 4Nden ngon kɨɗang tɔ, ooj kɨdɨngã, na ndah tɔa Onan. 5Ooj ngon kɨdɨngã mad tɔ, na ndah tɔa Sela, ada ndɨ Kejibt lon oojɨn Sela.
6Juda taa dekɨdẽ ad ngonderrɨn Er, tɔa i Tamar. 7Na Er, ngonderr Juda, i de kɨmajal takum Bɨraɓet ad Bɨraɓe tɔla kɔ. 8Kamla Juda el Onan an: Aw ro nẽ ngonkõit, i taa dekɨdẽ ndubat, kad i ndahn koh ngonkõi. 9Onan ger kad kohn n'an ndah non a i lon al, na lon aw kɨ n'to kɨ nẽ ngonkõn a ne, ũ manɨn kɨber kari, na ɓeta n'ndah koh ngonkõn. 10Nya'n ɗa ye i nya kɨmajal takum Bɨraɓet, ad Bɨraɓe tɔla kɔ ho. 11Kamla Juda el Tamar mumɨn kɨdẽ an: Tit kan ĩ ngengawkoi ye, aw i ndɨ kam kujt lo bɔwi mbã kad ngonɨm Sela tɔg kamtã. Kɨtɔ Juda ɓool, na ɓeta Sela a oi tit ngonkõn be tɔ. Tamar ɓai aw ɓe lo bɔwɨn ndɨt.
12Ɓalg ngãibe tɔin kamla nẽ Juda kɨ tɔa i Sua oi. Lon kam Juda sɔl ye, aw Timnat ro ngéja bĩ batgt lon, ĩ kɨ namɨn Hira kɨ Adullamt. 13Elɨn Tamar anan: Oo mumi kɨdɨngã ndɨ aw Timnat kɨta ja bĩ batg lon. 14Kamla ɔrr kub hɔndo lon kɔ, ut dɔn kɨ kub kutdɔ, la kub mad ront kad de gerɨn al, na ndɨ ber ta ɗob kand kam ɓet kɨ Enaim kad ɗobt kɨ Timna kɨta oo Sela tɔg woi, na adɨna taan nẽat al.
15Lon Juda ooa ye, oo an i kaya dekɨdẽ kɨta ut takumɨn. 16Tɔ ron aw roat kad ɗobt, ela an: M'kɔi kɨ adɨm m'aw roit Kɨtɔ Juda ger kad i mumɨn kɨdẽ al. Dekɨdẽ tur an: A i adɨm ɗi kad i ɗen kɨ romt a? 17Tur an: M'a m'la kɨ ngon bĩã kɨɗa ku ɓut nyakulgt lom m'adi. Dekɨdẽ el an: A adɨm nya ɗi mad kete tã i lan a? 18Juda ela an: Nya ɗi kɨ m'a m'adi kete a? Tamar el an: Adɨm kase kɔsɨdɔnya loi kɨ kɨlaa kɨ gɔlkɔp kɨ jiit. Ada nyag'n non, na aw roat, nden sia ngon. 19Kamla ɓai aw ɔrr kub kutdɔ kɔ, na la kub hɔndo ront gog.
20Juda la namɨnt kɨ Adullamt, kɨ ngon bĩã kad taan kase kɔsɨdɔnya nya ji dekɨdẽt'n non, na nama ngah dekɨdẽ nõ al. 21Ndɨje deg kɨ loat'n non an: Kaya dekɨdẽ kɨ ngendɨ bɔg ɗobt kɨ Enaim ye, i ɗah a? Turɨna anan: Kaya dekɨdẽ goto nẽ be. 22Tel kɨ ro Judat gog, el an: m'ngaa al. Deg kɨ lot'n non anan: Kaya dekɨdẽ goto nẽ be. 23Juda el an: Ada ngom nyag'n non nyanront, kad rosɔl so dɔjt al M'la kɨ ngon bĩã, na i ngaah al. 24Asɨ nah mɨta got elɨn Juda anan: Tamar, mumi kɨdẽ, ɗa kaya, na nden ngon kɨgo ɗa kayat, Juda el an: Kɨ teen sia, kɨ lana horro 25Lon teen sia kɨtɨga ye, la kɨ ro mumɨnt an: M'ndan ngon kɨ de'n nyag 'nten ĩn loa. El tɔ an: Maj kad nɔl oo ke kase kɔsɨdɔnya 'nten kɨ kɨlaa kɨ gɔlkɔp 'nten ye ĩn lo nõ a? 26Juda ndig dɔt, el an: Nya loa'n ɗa i goot, kɨta m'ada taa ngonɨm Sela al. Na Juda to sia gog al ta.
27Lon tokooj ndɨ toa ye, oon ad ndɨngãg ĩn kamat. 28Lon ndɨ tõ kɨ nooj ye, kɨkɨɗa la jin, na dekɨdẽ ngekɔrrngang hɔ jia, dɔ kɨla kub kɨkɨre pirɨr tit, el an: 'Nten la tee dasa ye. 29Na lon ndɨ tel kɨ jin kɨgog ye, ngonkõa tee, kamla dekɨdẽ ngekɔrrngang el an: I til lo titbãi Kɨtɔ 'nten la ndan ne tɔa Peres ye (ad i lo kɨ til). 30Goot gog ngonkõa tee, kɨla kub kɨkɨre pirɨr i jiat, na ndan tɔa Yera.
Currently Selected:
Yaɓooda 38: MlL
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
