JÃ 18
18
Judas la Jeju ji madngétaagt ad hɔna
1Lon Jeju eltag 'nten woi ye, tee tɨga nat kɨ ngéndoog lon, aw gid man yasɨt kɨ tɔa i Sedrõ lon ndɔɔ mad tot. Jeju kɨ ngéndoog lon andɨn kamt. 2Judas ngelaa ji madngétaagt ger lon non ɓet. Jeju kɨ ngéndoog lon a kawɨn na tit kɨ nja natnatbe. 3Kɨtɔ 'nten Judas ngah ɓut ngéɗɔɔg kɨ ngéngom kuj ndub Luwah ɗen kokɨro kɨbogt lo ngéjanyamosɨkadkari, kɨ Parisɨg ɗen kam ndɔɔt'n non kɨ horrdɔgg kɨ lambag kɨ nyakatg. 4Jeju ger nyag tube'n ndɨ ɗen dɔnt, ad tee tɨga eld an: A i sahn nõ a?
5Turɨna anan: Jeju kɨ Najaret.
Jeju eld an: I mĩ.
Judas ngelaa ji madngétaagt, ɗa nat sed. 6Lon Jeju eld an: I mĩ ye, telɨn kɨ gid'd tuson dɔningt.
7Jeju tel ndɨjed gog tɔ an: A i sahn nõ a?
Elɨna anan: Jeju kɨ Najaret.
8Jeju tur an: M'elsɨ, m'an: i mĩ. Ĩla i mĩ la i ɗa i sahmɨn a ne i nyan deg'n ɗan ad awɨn.
9Jeju elta 'nten kɨtakad tɔlɨn ta ta'n el an: Ku ĩgɨtɨn adɨmd ye kɨkɨɗa nãi jimt al.
10Simõ Pierr'n aw kɨ kiya kɨ ngal puɓub ye, hɔ tui gan mbi ɓer lo ngejamosɨkadkari ko kõa gang. Tɔ ɓer'n non i Malkus. 11Jeju el Pierr an: I la kiya loi hawat gog m'a m'ãi kam kop daiyot'n Bɔw adɨm kɨ m'ãi ye ale?
Jeju ɗa nõ Hannat
12Ɓut ngéɗɔɔg kɨ bɨradɔd kɨ ngéɗɔɔg lo Juipg hɔn Jeju, dɔnah, 13awɨn sia kete ro Hannat, kɨ Kaip'n i bɨra ngejanyamosɨkadkari ɓalat'n non. 14Kaip kan hã ɔj Juipg ta an: maj kad de kɨɗa oi kɨta deg.
Pierr maj ta ger Jeju
(Oo Mat 26:69-70; Mrk 14:66-68; Luk 22:55-57)
15Simõ Pierr kɨ ngendoo mad ndulon go Jeju. Bɨra ngejanyamosɨkadkari ger ngendoo'n non, nyàa ad and nat kɨ Jeju natɓet lo ngejanyamosɨkadkari. 16Na Pierr ɗa tabit't tɨga, ngendoo'n non, ĩn bɨra ngejanyamosɨkadkari gera ye, tee tɨga, elta kɨ ngon kɨdẽ kɨ ngengom tabit, na ɔrr Pierr and sia. 17Ngon kɨdẽ kɨ ngengom tabit el Pierr an: Ĩ tɔ ĩ ku ngendoogt lo de'n non ale? Pierr an mĩ kudt al. 18Ɓerg kɨ ngéɗɔɔg'n ɗan dõ lot'n non ye, ɗan horr kɨ muĩ kete woi; kɨta kul õ; ɗa tiwɨn horr; Pierr tɔ ɗa tiɓ horr sed.
Bɨra ngejanyamosɨkadkari ndɨje ta Jeju
19Bɨra ngejanyamosɨkadkari ndɨje Jeju ta dɔ ngéndoogt loa kɨ nyandoo loa tɔ. 20Jeju turd an: M'elta dan degt kɨ tɨga wakɨsɨ, m'ndoo deg kɨ ndɔgbe kam kuj kawnat lo Juipg kɨ kam kuj ndub Luwaht, lon Juipg tube a kawɨn na kɨtit, m'elta mad gid tilt al. 21Kɨtɔɗi i ndɨ i ndɨjemɨn ta a? I ndɨje ĩgɨn oon dɔ ta lom ta ɗi m'eld. Ĩgɨn non gerɨn tan m'el nõ ɓet. 22Dɔ tat'n non kɨkɨɗa ku ngéɗɔɔgt'n ɗan lot'n non nda kɔt Jeju el an: I ɗa i turta Bɨra ngejanyamosɨkadkari titbe e? 23Jeju tur an: Ĩla m'elta kɨmajal a ne, i damɨn nya'n m'el kɨgoot al na ĩla m'elta kɨmaj a ne, kɨtɔɗi i ɗa i ndamɨn a? 24Lot'n non Hanna la kɨ Jeju kɨ ro Kaipt kɨ bɨra ngejanyamosɨkadkari. Jeju i kɨ dɔɔ kɨ kɨla.
Pierr tel maj ta ger Jeju gog ɓaitɔ
(Oo Mat 26:71-75; Mrk 14:69-72; Luk 22:58-62)
25Simõ Pierr ɗa nõ, ɗa tib horr. Deg madg elɨna anan: Ĩ ku ngéndoogt loa tɔ ale? 26Kɨkɨɗa ku ɓergt lo ngejanyamosɨkadkari ad i nooj ɓer'n Pierr gang mbia nõ, el an: Ĩn i ɗan m'ooi nat sia kam ndɔɔt ale? 27Pierr tel maj gog tɔ, tentenbe kɨnja mad kɔ.
Jeju ɗa nõ Pilat't
(Oo Mat 27:1-2,11-30; Mrk 15:1-9; Luk 23:1-25)
28Ɔrrɨn Jeju awɨn sia ro Kaipt kam kujt lo ngekõɓe, lo ar yoror, ĩn kɨɓeg kɨdɔd andɨn kam kujt lo ngekõɓe al, na ɓeta n'telɨn kɨyerr ad ɔgɨnd sanya Pakɨ. 29Kɨtɔ 'nten Pilat tee ɗe rodt, el an: Ta ɗi i ndɨ unɨn ne dɔ de'n ɗan a? 30Turɨna anan: Ĩla de'n ɗan i ngeɗamajal al a ne, ni j'a kɨ laa jiit al. 31Dɔ tat 'nten Pilat eld an: Ĩn kɨɓeg kɨ dɔsɨ unɨn na, i gangɨn ta dɔat kɨgo mberkɨndat losɨ. Juipg elɨna anan: J'asɨ kad kɨ gangta koi dɔ det mad al. 32Nya 'nten ɗa nya titbe kɨtakad tɔlɨn ne ta ta'n Jeju el dan dɔ koin n'a koi. 33Pilat tel and kam kuj kõɓet gog, kun Jeju kɨ ront ela an: Ĩ ngar lo Juipg e?
34Jeju tura an: Un ta 'nten kɨ dɔi la el yo, ke deg madg la elɨn ta 'nten dan ne dɔm a? 35Pilat tur an: Mĩ Juip a? Girrdeg loi kɨ ngéjamosɨ kadkarig la lain jimt ye; i ɗa ɗi a? 36Jeju tur an: Kõɓe lom i kɨ dɔningt'n ɗan al; neni kõɓe lom i kɨ dɔningt a ne, ni ngékɨlag lom a ɗɔɔn kɨtɔm, kɨtakad lamɨn ji juipgt al; na tajigla kõɓe lom i kɨ dɔningt ne al.
37Kɨtɔ 'nten Pilat el an: Ad i ngar a? Jeju tur an: Ĩ el titbe, mĩ Ngar. Kɨtɔ 'nten la oojmɨn ne, na m'ɗen dɔningt tɔ kad m'manaj dɔ rotat ye. Dekɨɗen i lo rota a ne, ndɨ nel mbin kɨ romt. 38Pilat ela an rota i ɗi a?
Gangɨn ta koi dɔ Jejut
(Oo Mat 27:15-31; Mrk 15:6-20; Luk 23:13-25)
Lon elta 'nten ye, Pilat tee aw ro Juipgt gog eld an: M'ngaa ta mad dɔ det'n ɗan al. 39Na awɨn kɨ nyabelɓe losɨ kad m'ɔrr dedangãi kɨɗa m'adsɨ kɨ ndɔ Pakɨ ye, i ndigɨn kɨ m'ɔrr ngar lo Juipg m'adsɨ e? 40Tel kon mbiting gog anan: De'n ɗan al, na Barabas tã. Barabas taa i ngekumɗob.
Currently Selected:
JÃ 18: MlL
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
JÃ 18
18
Judas la Jeju ji madngétaagt ad hɔna
1Lon Jeju eltag 'nten woi ye, tee tɨga nat kɨ ngéndoog lon, aw gid man yasɨt kɨ tɔa i Sedrõ lon ndɔɔ mad tot. Jeju kɨ ngéndoog lon andɨn kamt. 2Judas ngelaa ji madngétaagt ger lon non ɓet. Jeju kɨ ngéndoog lon a kawɨn na tit kɨ nja natnatbe. 3Kɨtɔ 'nten Judas ngah ɓut ngéɗɔɔg kɨ ngéngom kuj ndub Luwah ɗen kokɨro kɨbogt lo ngéjanyamosɨkadkari, kɨ Parisɨg ɗen kam ndɔɔt'n non kɨ horrdɔgg kɨ lambag kɨ nyakatg. 4Jeju ger nyag tube'n ndɨ ɗen dɔnt, ad tee tɨga eld an: A i sahn nõ a?
5Turɨna anan: Jeju kɨ Najaret.
Jeju eld an: I mĩ.
Judas ngelaa ji madngétaagt, ɗa nat sed. 6Lon Jeju eld an: I mĩ ye, telɨn kɨ gid'd tuson dɔningt.
7Jeju tel ndɨjed gog tɔ an: A i sahn nõ a?
Elɨna anan: Jeju kɨ Najaret.
8Jeju tur an: M'elsɨ, m'an: i mĩ. Ĩla i mĩ la i ɗa i sahmɨn a ne i nyan deg'n ɗan ad awɨn.
9Jeju elta 'nten kɨtakad tɔlɨn ta ta'n el an: Ku ĩgɨtɨn adɨmd ye kɨkɨɗa nãi jimt al.
10Simõ Pierr'n aw kɨ kiya kɨ ngal puɓub ye, hɔ tui gan mbi ɓer lo ngejamosɨkadkari ko kõa gang. Tɔ ɓer'n non i Malkus. 11Jeju el Pierr an: I la kiya loi hawat gog m'a m'ãi kam kop daiyot'n Bɔw adɨm kɨ m'ãi ye ale?
Jeju ɗa nõ Hannat
12Ɓut ngéɗɔɔg kɨ bɨradɔd kɨ ngéɗɔɔg lo Juipg hɔn Jeju, dɔnah, 13awɨn sia kete ro Hannat, kɨ Kaip'n i bɨra ngejanyamosɨkadkari ɓalat'n non. 14Kaip kan hã ɔj Juipg ta an: maj kad de kɨɗa oi kɨta deg.
Pierr maj ta ger Jeju
(Oo Mat 26:69-70; Mrk 14:66-68; Luk 22:55-57)
15Simõ Pierr kɨ ngendoo mad ndulon go Jeju. Bɨra ngejanyamosɨkadkari ger ngendoo'n non, nyàa ad and nat kɨ Jeju natɓet lo ngejanyamosɨkadkari. 16Na Pierr ɗa tabit't tɨga, ngendoo'n non, ĩn bɨra ngejanyamosɨkadkari gera ye, tee tɨga, elta kɨ ngon kɨdẽ kɨ ngengom tabit, na ɔrr Pierr and sia. 17Ngon kɨdẽ kɨ ngengom tabit el Pierr an: Ĩ tɔ ĩ ku ngendoogt lo de'n non ale? Pierr an mĩ kudt al. 18Ɓerg kɨ ngéɗɔɔg'n ɗan dõ lot'n non ye, ɗan horr kɨ muĩ kete woi; kɨta kul õ; ɗa tiwɨn horr; Pierr tɔ ɗa tiɓ horr sed.
Bɨra ngejanyamosɨkadkari ndɨje ta Jeju
19Bɨra ngejanyamosɨkadkari ndɨje Jeju ta dɔ ngéndoogt loa kɨ nyandoo loa tɔ. 20Jeju turd an: M'elta dan degt kɨ tɨga wakɨsɨ, m'ndoo deg kɨ ndɔgbe kam kuj kawnat lo Juipg kɨ kam kuj ndub Luwaht, lon Juipg tube a kawɨn na kɨtit, m'elta mad gid tilt al. 21Kɨtɔɗi i ndɨ i ndɨjemɨn ta a? I ndɨje ĩgɨn oon dɔ ta lom ta ɗi m'eld. Ĩgɨn non gerɨn tan m'el nõ ɓet. 22Dɔ tat'n non kɨkɨɗa ku ngéɗɔɔgt'n ɗan lot'n non nda kɔt Jeju el an: I ɗa i turta Bɨra ngejanyamosɨkadkari titbe e? 23Jeju tur an: Ĩla m'elta kɨmajal a ne, i damɨn nya'n m'el kɨgoot al na ĩla m'elta kɨmaj a ne, kɨtɔɗi i ɗa i ndamɨn a? 24Lot'n non Hanna la kɨ Jeju kɨ ro Kaipt kɨ bɨra ngejanyamosɨkadkari. Jeju i kɨ dɔɔ kɨ kɨla.
Pierr tel maj ta ger Jeju gog ɓaitɔ
(Oo Mat 26:71-75; Mrk 14:69-72; Luk 22:58-62)
25Simõ Pierr ɗa nõ, ɗa tib horr. Deg madg elɨna anan: Ĩ ku ngéndoogt loa tɔ ale? 26Kɨkɨɗa ku ɓergt lo ngejanyamosɨkadkari ad i nooj ɓer'n Pierr gang mbia nõ, el an: Ĩn i ɗan m'ooi nat sia kam ndɔɔt ale? 27Pierr tel maj gog tɔ, tentenbe kɨnja mad kɔ.
Jeju ɗa nõ Pilat't
(Oo Mat 27:1-2,11-30; Mrk 15:1-9; Luk 23:1-25)
28Ɔrrɨn Jeju awɨn sia ro Kaipt kam kujt lo ngekõɓe, lo ar yoror, ĩn kɨɓeg kɨdɔd andɨn kam kujt lo ngekõɓe al, na ɓeta n'telɨn kɨyerr ad ɔgɨnd sanya Pakɨ. 29Kɨtɔ 'nten Pilat tee ɗe rodt, el an: Ta ɗi i ndɨ unɨn ne dɔ de'n ɗan a? 30Turɨna anan: Ĩla de'n ɗan i ngeɗamajal al a ne, ni j'a kɨ laa jiit al. 31Dɔ tat 'nten Pilat eld an: Ĩn kɨɓeg kɨ dɔsɨ unɨn na, i gangɨn ta dɔat kɨgo mberkɨndat losɨ. Juipg elɨna anan: J'asɨ kad kɨ gangta koi dɔ det mad al. 32Nya 'nten ɗa nya titbe kɨtakad tɔlɨn ne ta ta'n Jeju el dan dɔ koin n'a koi. 33Pilat tel and kam kuj kõɓet gog, kun Jeju kɨ ront ela an: Ĩ ngar lo Juipg e?
34Jeju tura an: Un ta 'nten kɨ dɔi la el yo, ke deg madg la elɨn ta 'nten dan ne dɔm a? 35Pilat tur an: Mĩ Juip a? Girrdeg loi kɨ ngéjamosɨ kadkarig la lain jimt ye; i ɗa ɗi a? 36Jeju tur an: Kõɓe lom i kɨ dɔningt'n ɗan al; neni kõɓe lom i kɨ dɔningt a ne, ni ngékɨlag lom a ɗɔɔn kɨtɔm, kɨtakad lamɨn ji juipgt al; na tajigla kõɓe lom i kɨ dɔningt ne al.
37Kɨtɔ 'nten Pilat el an: Ad i ngar a? Jeju tur an: Ĩ el titbe, mĩ Ngar. Kɨtɔ 'nten la oojmɨn ne, na m'ɗen dɔningt tɔ kad m'manaj dɔ rotat ye. Dekɨɗen i lo rota a ne, ndɨ nel mbin kɨ romt. 38Pilat ela an rota i ɗi a?
Gangɨn ta koi dɔ Jejut
(Oo Mat 27:15-31; Mrk 15:6-20; Luk 23:13-25)
Lon elta 'nten ye, Pilat tee aw ro Juipgt gog eld an: M'ngaa ta mad dɔ det'n ɗan al. 39Na awɨn kɨ nyabelɓe losɨ kad m'ɔrr dedangãi kɨɗa m'adsɨ kɨ ndɔ Pakɨ ye, i ndigɨn kɨ m'ɔrr ngar lo Juipg m'adsɨ e? 40Tel kon mbiting gog anan: De'n ɗan al, na Barabas tã. Barabas taa i ngekumɗob.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.